2004 年 6 月 30 日 星期三 【晴】

今日唔係好妥，唔知咩事呢......
朝早頭痛，食完晏胃痛 + 肚痛，晏晝加埋頭暈......
近排好似個個都病病咁既......大家要振作啊！

放工即閃去左 HO 開 Korea Tour 既茶會......
原來仲有 5-6 日就出發喇，好興奮、好緊張啊......

>>July 3, 2004 at 10:32:42 AM GMT+8

2004 年 6 月 29 日 星期二 【晴】

後日又有假放，好野！今日好似已經唔係好......

今日同人閒談既時候， 感到好難受呢......
原來我身邊除左Ｓaｎdｙ王后之外......
仲有另外 1 個人會係咁話自己純潔 & 勤力架......
救命......真係好難受！！！點可以講得出口架？？？

放工上左 HQ 開志願服務體驗營會，唔......
呢個 Camp 幾令人擔心啊！因為冇乜人報名......唉~
不過大家一定會繼續努力搵 Member 唻既，呵呵呵呵~~~

>>July 3, 2004 at 10:38:19 AM GMT+8

2004 年 6 月 28 日 星期一 【晴】

經過兩日既辛勞今日簡直想死，所以唔願起身......
卒之打返公司遲一粒鐘先返，呵呵......但我仲要撘的返囉！

俾自己享受左呢幾小句鐘，返到公司就開始唻料喇......
為左令自己下星期大假放得開心0的，我決定呢個星期要努力！
但可惜既係，我呢個星期晚晚放工都開會囉......冇時間喇......
唯有現鐵定星期六下晝留0係公司做埋0的 Urgent 既野......

放工閃左上 HQ，因為今晚要補 SDI......哈哈......勁攪笑！
我地四個坐0係四區張檯一人一張囉！呵......氣氛勁正！
我地由 19XX "補" 到 21XX 就走喇......好好好 "支力" 呢......
離開 HQ 就返左屋企，哈哈......趕得切睇《Les Vegas》呀 *o^

>>June 29, 2004 at 3:38:36 PM GMT+8

2004 年 6 月 27 日 星期日 【晴】

尋日 "支力" 到嘔，今朝用左勁多時間先肯起身！
不過幸好都冇遲到！但上到去既時候已經有細路等緊~~~

0900 同班 YFAP 既學生補堂，補到 1300 放 Lunch......
1400 開始考試，今日考兩班 YFAP......我地考得勁快呢......
未夠 1700 就考完喇！之後同姨姨 109 過左銅鑼灣......
其實咁早過到去係一個Bonus 呢，等我仲以為會遲 :P
早左過到去可以去行街街，呵呵呵呵~~~~~~ 但係好乖冇買野！

行左陣就過左波斯富街搵伍區長地，因為今晚約左 Idy 媽媽食飯呀！
今晚好勁的我地有 13 個人食飯呢，去左 Tokyo Cafe，0個度勁正啊 *o^
Idy 媽媽個肚肚已經好大喇，BB 暫定將會 7 月 5 號唻同我地玩呢......好緊張啊！
食完飯我地一行六人 (伍氏伉儷、曦雯、姨姨、Tracy & 我 )去左義順食甜品，
我試左個咖啡燉奶，個味好得意架，不過唔太奶......食到尾仲有0的 "漏"......

食晒所有野之後同姨姨 & Tracy 去左睇電話，其中去左SE Shop......
好攪笑的佢有某0的電話開左，仲可以 Bluetooth 0的鈴聲過返 SE 機架！
我地0係佢某部機仲拎走左隻「大方」&「六呎風雲」添呀 :P
我仲睇左佢地部 P900，好吸引呀真係！不過大家既意見都好似...唔太好呢！

睇完電話就 601 返家喇！真係好好好 "支力" 呀............

唉......不高興的搵極都搵唔到 Bonny 同我講0個個 K2 袋呀！
好唔開心呢......搵左好耐喇！仲 check 過全港都冇晒喇！唉...... v__v

>>July 1, 2004 at 7:58:39 PM GMT+8

2004 年 6 月 26 日 星期六 【晴】

哈哈......今日一開始我打左個 "長途電話" 俾 Wendy 呢！
好高興啊！好耐冇同 Wendy 講電話喇，祝佢生日快樂呢 *o^

朝早返工，食左個好滿足既早餐 C，勁耐冇食......超滿足！
放工即閃，落左 DGJS 睇佢地既 Inaug. 呢！好得意架我呢班女......
最攪笑都係佢地以為我係 DGS 既「中學姐姐」囉！呵呵~~~

完左個 Ceremony 我地 1車 5 人上返 HQ，換過衫之後......
我就同伍區長 & 曦雯開 JU CAMP 會喇，本來係約 1630 架......
但係我地開始都已經係 17XX 喇！勁快的........未夠 1900 攪掂！

開完會 Kitty 同我做 appraisal，哈哈... 45 分鐘都唔使！勁快！
攪掂之後0係 Head "hea" 囉，因為等埋各位同事一齊去食飯......
不過當師姐做完 appraisal 後，我就同佢落左旺角稻香搵 Andrew......
一齊等位等 Kitty & Allister 去打爐，勁興奮啊！好耐冇打爐喇......
今晚呢個飯局好好笑，講下呢樣講下0個樣唱下歌仲有玩下 RPG......
咁就由 2100 食到玩到 23XX 喇！當然唔少得仲有西瓜 "質" 事件啦......

好 "支力" 好 "支力" 呢 ~ 明天仲要繼續努力啊 @__@

>>June 29, 2004 at 3:07:53 PM GMT+8

2004 年 6 月 25 日 星期五 【晴】

今朝眼訓到極點，周圍搵人 MSN 同我傾計......
咁樣先撐得住個朝早咋！食飯既時候爆左野......
好彩今餐0係公司食，如果唔係都唔知點算......

下晝 "的" 起心肝，決定執執公司既 Personnel & 假既野，
一執執足成個下晝...... 5 個大大 Folder......整完手都酸埋......
之後夜晚繼續留左0係 OT 整，本來諗住整埋 Scanner......
點知 connection 問題冇得整呢，又要繼續等喇......

OT 完畢去左買野，買完之後即刻飛左去星光行商務......
其實想去好耐架喇，但係實在冇時間，所以趁閒少少就去喇！
去到都已經 2040 呢，等我仲以為佢收 2100 仲趕到咩咁，點知呢......
原來佢地星期五六延長服務到 2130 囉，早知我唔使咁趕啦......
睇左好多書都好想買，但最後當場冇買晒......因為費時堆嘛！
買左《只能談情 不能說愛》本小說，猶豫左好耐...終於買左！
識呢本書既經過真係好攪笑：首先係 Gary 介紹我聽某隻歌......
然後得知有隻咁既碟，再從網上得知有本書，我就開始感興趣喇......*o^
睇左幾次都忍左手唔買，尋日終於忍唔住，加上因為佢排第 3 位，所以......
好滿足的睇書睇到佢收工......都未睇完！決意要出國前去多次呀！

今日終於將本《飛枝皇后日記》完成，一數之下.......
我發現我買左未睇既書原來有成 6 本囉！而家用個 AP 袋裝好左......
慢慢睇，我要快0的睇晒佢！咁就可以繼續買新書啦......哈哈哈哈！

>>June 26, 2004 at 11:28:31 AM GMT+8

2004 年 6 月 25 日 星期五 【炎熱】

呢個六月，發現自己真係轉變左好多呢.......
每方面都有少少進步，唔.......應該話係好左.......
心情好左、身體好左.......不過情緒冇乜好到喎.......

感覺上，我覺得自己好似有返目標 & 方向........
起碼而家知自己做緊咩丫，唔會好似以前咁渾渾噩噩！
加上發現自己愛上左某幾樣活動，令到個人好左.......
我要繼續好好 Keep 住呢幾個習慣，等自己過得更加好！
加上呢近排有幾個新嘗試，攪到自己突然成熟......好好笑啊！

哈......好開始喲！唻緊七月，希望有個更好既轉變或者可以穩定啦 *o^

>>June 25, 2004 at 2:27:16 AM GMT+8

2004 年 6 月 24 日 星期四 【雨】

尋晚攪完一輪之後成 04XX 先訓，今朝呢.......
當然得到係晏起身 + 要畫返個樣上面繼而遲到囉......

今日著左條褲返工，周圍既同事都好奇怪囉.......
說時話，除星期六外我真係日日都著裙返工架喎！
冇法啦，鬼叫我成屋都係牛記 & 運動褲咩......
自我當年返左半年工著爛左條黑褲之後......
我都冇買過0的比較斯文既褲褲喇！直至上星期日......

今個下晝，都唔知開心定唔開心，肚痛到我癲左.......
由 1400 開始狂 "火丁" 個暖袋，足足攬住佢過左整個晏晝......
到 1700 左右先叫好少少，不過而家辛苦總好過兩星期后辛苦既！
但勁慘的今日真係痛到想入廠囉......可惜我既工作環境唔容許！

放工又即閃過 HO，而家好似返 HO 仲多過返 WKD 呢 :P
今晚係我地個 Study Tour 既最後一次研習班，好齊人......
另外仲請左 Korean Ladies 既 Mrs O'Brian 唻，好勁架佢.......
英文超勁！除左整野食俾我地食之餘仲教我地韓文呢，好正！

完左個研習班之後同姨姨 & 少雯過左灣仔食野......
食完野又坐左陣傾計，我發現近排愛上周圍同人傾計呢.......
說實.......感覺真係唔錯，幾好幾好！我要繼續.......！

近排無啦啦愛上睇書，決意睇晒屋企買左未睇既書......
數數下都仲有成 4 本要睇，但係已經又有新目標想買喇！

>>June 25, 2004 at 2:15:38 AM GMT+8

2004 年 6 月 23 日 星期三 【晴】

經過尋日一日充實既生活後，21XX 我就訓左喇......
今朝都嗌極唔醒，因為我發現.......我個人由頸痛到落腳囉！

估唔到尋日發左一個鐘頭癲得到咁既後果.......
不過我 1D 都唔後悔，因為發完癲個感覺真係好好......

一路記住今日返到公司有好多野做，但係呢......
我只係用左一個朝早就攪掂晒喇，好野、好犀利！哈哈***
晏晝仲有時間去 organize 一下下午茶事宜添......呵~~~

放工即閃過 HO，勁高興的屈左嚴幹事出唻搵我.......
之後周圍玩左陣，就開始同 Sandy 傾韓國0的野喇......
我地兩個由 19XX 傾到 22XX，中途 YY 都唻一齊傾.......
好犀利囉我覺得，我地竟然諗到咁多野！不過呢.......
最令我奇怪既係 ~ 原來我都可以諗野諗得咁...咁...咁咩呢...？

傾到 22XX 大致上暫時傾完，之後同 Sandy 去左食野.......
食野期間又傾左一輪，哈哈......我大個女喇！呵呵呵呵******

食完野返屋企，撘車期間同阿康傾左成粒鐘電話.......好攪笑！
返到去又繼續同 Sandy ICQ 發癲......仲有同阿黑馬王子 & 嚴嚴呢！

哈哈.......好好笑的最近聽左好多新既綽號.......
首先有『有內涵既黑馬王子』＆『要日日食蘋果既白雪公主』
然後再有『白色痴住的河粉』同埋石壁營出面既『黑熊出沒』囉 -.-"

>>June 25, 2004 at 1:59:56 AM GMT+8

2004 年 6 月 22 日 星期二 【晴】

今日健康得很呀，哈哈哈哈......仲好充實添！

一早 0830 起身，食左個外賣麥早晨全餐......
然後同媽媽一齊出發去 PRSC 打羽毛球，呵呵~~~
我地打 1100-1200，成粒鐘都冇停過呢，好犀利啊！
打完波過左 Bar 入左杯檸雜，好美味好滿足......
享受完杯雜之我地仲去焗埋 Sauna 添，哈......勁爽呀！
攪掂洗過白白後個感覺仲正，舒服到爆......愛上運動啊！

Lunch 又0係 PRSC 個 Bar 食，佢個咖喱真係好好好正呀！
午飯過後都已經 14XX，同媽媽一齊行出旺角......
佢去撘飛 Van 我就去創興，因為約左 Maggie X 2 去唱 K 呀......
好高興呢今日呢個唱 K 活動，一唻因為好耐冇唱啦......
二唻呢就係因為呢個配撘好新鮮呀，可惜搵唔到 Sandy 啦！

我地由 15XX 唱到 18XX，勁滿足！不過點都諗唔到......
我地今日既高潮歌竟然係《家燕媽媽》&《皆大歡喜》囉......
完全唔明點解呀家燕媽媽歌迷會既「榮譽會員」會勁咁架下......
今日隻《皆大歡喜》係古裝 + 現代版齊晒架，呢首歌裡面......
大家不停咁嗌阿唏 (Hay) 同阿震 (振) 囉！真係好好好好笑 *o^

唱完 K 大家就返家喇，聽日又要返工喇......O.......

今日買左 Arena 既帽帽，好靚架！粉紅 + 橙......正！
另外仲買左條褲添，好興奮的 ~ 因為近排買褲都一試即0岩呢！

>>June 23, 2004 at 11:17:29 AM GMT+8