2004 年 9 月 18 日 星期六 【晴】

今日日抖既時間好似好難過咁，但夜晚超快囉！

放工本來入奶奶度，點知佢0個度又隔離......冇得去！
突然間吉左個下晝出唻，放工0係公司同哥哥打左陣架......
然後去左 Page One 搵 The Notebook & The Wedding 本書，
今日聽哥哥講話 The Wedding 係 The Notebook 既續集......
所以呢，一聽完即刻興致勃勃咁走去買晒兩本......
先0係 Page One 搵到 The Notebook，然後食左個麥餐......
再上星光行商務買埋本 The Wedding，嘩......好興奮呀！
今次真係要下定決心睇晒佢！但首先 ~ 要拎返部字典機返屋企先！

買完書s 上左 HQ，諗住 Prep 定聽日 DM 0的野，點知......
有其他人用緊，攪到我由 1500 坐到差不多 1900 都未用到......
淨係周圍同人傾計，乜都冇做過囉！0的人仲要勁冇禮貌的......
唉......時代唔同，估唔到細係咁之餘，連班大既都係咁~~~

夜晚約左愷盈同 Carrie 去食飯傾計，呢個 Combination......
其實都係第一次，之前多數係一大班人，單單我地三個呢.....好少~
0係大家都超窮既情況下我地去左 KFC 食桶餐，之後再傾左陣......
然後走左去銀城樓下影貼紙相 & 咭，初初話影兩張收工......
點知越影越 high 囉，最後影左成 2 款貼紙相 + 3 款咭呢！
由本應既 $80 變左 $190......哈哈......不過 OK 啦，因為大家都高興嘛！

影完相走左過去行旺中，我地一路行人地一路收工囉......
行完走人都已經 23XX 喇！本來仲話過 Tracy 屋企 hea 既......
但係頂唔順，加上媽媽打唻催返屋企，所以就返歸喇~~~

>>September 20, 2004 at 4:30:56 PM GMT+8

2004 年 9 月 17 日 星期五 【晴】

終於都等到星期五，好野......淨返日半！
呢幾朝都 "mind" 車邊咁起身，好彩撘到巴士咋......

晏晝食飯既時候收到電話下星期一 Interview......
不過好奇怪呢，因為我報既時候係 send 去 CU 既，
點知而家打唻既係另一個協會囉！好似怪怪咁呢......
謎底星期一晚就會打開喇......究竟係點架呢？

今晚收工本想即閃，但係有人唻 Interview......走唔成！
卒之成 1845 先走，即刻趕過又一城，呢個星期第三日喇......
今晚同媽媽去 AMC 睇《The Notebook》呢！去到 1915......
極速咁 20 分鐘將一個 Delifrance 餐 + 半個 Tiramisu 掉左入口，
然後入場！套戲果然好正呀，又係喊到咩咁......我隔離個姐姐又係囉 -.-"
雖然個結局同我想像中既唔同，但係佢0個個好過我0個個喎......正！

>>September 18, 2004 at 12:17:04 PM GMT+8

2004 年 9 月 16 日 星期四 【晴】

今日超 casual 呢！不過只係維持左半晝咋 -.-"
下晝呢，超級勁 "meng" 囉！十萬八樣煩野一齊唻......

心情極差的放工即閃，踩左落旺角逛逛......
逛左陣搵埋 Keith & Jessie 食飯，去左五樓 Cafe......
0個度唔錯喎！環境野食都好 OK，我地坐左成兩個鐘......
食完飯傾完過左先達睇電話，見到人地買電話......
攪到我又想換添，不過唔得丫......因為冇 $$$ 嘛！唉......

>>September 18, 2004 at 12:33:07 PM GMT+8

2004 年 9 月 15 日 星期三 【晴】

呢幾朝朝朝都唔願起身，今日好左少少......
冇打直的返工，但出到佐敦之後都打左......

今日本應唔係好忙，但係好多濕星野要做！
晏晝同 Accounts 既同事們去左 Ruby Tuesday 食~~~
超滿足，尤其係最尾0個兩個甜品，仲攪到遲晒到呢 :P

放工即閃上 HQ 開 JU 會，今晚係文老師 hold 會......
我估應該可以好早散會呢！哈哈......果然如我所料！
我地 2110 就散會喇！之後即返屋企......好難得~~~
返到去仲睇左陣電視，睇到 The Terminal 賣廣告......
好吸引呀！勁勁勁想睇！繼 The Notebook 之後又一目標！
不過呢，我連 The Notebook 都未睇到呀......唉~~~
另外唔知點解......今晚 keep 住成晚想嘔想嘔咁，好辛苦~~~

好唔開心啊！今日臨收工既時候去廁所......
發現左一條白髮0係我頭頂前方堆頭髮入面囉 >__<
不嬲都生開0係入面架嘛......做咩無啦啦走出唻喎？

呢個星期心情極差，仲要一日比一日差......
好似唔應該比自己繼續沉落去呢，救命 ~~~

>>September 16, 2004 at 10:18:54 AM GMT+8

2004 年 9 月 14 日 星期二 【晴】

最後我今日都係冇去到 Just Gold Interview 架~~~
今朝嚴嚴 0745 打唻，發緊夢咁同佢講左一輪......
卒之收線後再訓到 0815 先起身，洗左個頭又打的返工......

放工悠閒咁撘 2C 過又一城，因為約左 The Rock 既同學們食飯！
今晚呢個飯局有半打人出席，包括：師兄、Steven、梅佬、Andrew、Ivy 同我
我地去左品香樓食呢，六個人......食左八 "食送" 一湯仲一人一杯野飲添！
超級豐富呀！有四萬個滿足呢！不過好明顯我右半檯成場都係講腦囉......

食完飯返屋企，都 OK 早呢！返到去洗完白白打左俾 Wendy......
本來同埋 Ivy 一齊傾架，但係原來我打既方法係唔可以 3 way 架......
卒之我同 Wendy 講左一個鐘就收線喇，諗住再叫 Ivy 打俾佢......
點知我再打俾返 Ivy 既時候，好明顯佢已經訓左覺呢...... -.-"

另外勁攪笑呢，唔知係咪尋晚同嚴嚴傾電話既時候......
我地講過「底線」呢個問題，佢話佢今朝打俾我0個陣......
我無啦啦唔知同佢講咩底線囉！仲要係「起身底線」呀下 >.<

>>September 16, 2004 at 11:46:30 AM GMT+8

2004 年 9 月 13 日 星期一 【晴】

姐姐尋晚過左德民，冇人同我爭腦用！嘻嘻......
攪到成點先訓，對於尋日極疲既我唻講......勁辛苦！

尋晚開住收音機訓覺，聽左個好得既故事......
「奶」同「茶」係主角，配角有「啡」同「檸」等等......
一路聽住其實都知個故事係點，但係堅持聽完至訓 ~~~
因為太 "應" 喇！每樣野，都真係好好好好 match 呀！

今朝勁訓，訓得好開心！完全冇意識要返工......
得到成 0815 先起身，好彩尋晚洗左頭嗟......呵~~~
不過呢，雖然唔使洗頭但都要打的返囉......因為太遲喇！

勁興奮的！因為 Sam 放緊假，所以今晚唔使開會......
放工即閃，同 Codi 去街街！哈哈......雖然勁疲但真係好爽！
第一個目的地係快圖美，咪就係去買 "新玩具" 囉 *o^
買完野過左山林道，去我地今日既重點地方 - B Cafe ~~~

1800 收工即閃買完野去食飯，其實真係勁早囉......
不過 B Cafe 0的野真係好得呢！Codi 果然冇介紹錯！
我地 share 左個 Set Dinner (鴨胸)，再叫左 2 個 dessert ~~~
個鴨胸已經好正，點知個甜品呢......簡直係極品呀！
我地食左 Chesse Cake & Banana Pie，勁勁勁好味呀！
如果 10 分滿分，CC 會有 20 分而 BP 會有 50 分囉，超正 *o^
最攪笑係我食食下既時候望出街見到兩張好熟既面孔......
原來係梅佬同 Carie 囉！超級勁攪笑呀......哈哈哈哈~~~

食完勁滿足既晚餐，我地好健康咁由山林道行到去火車站......
再撘左兩個站過第三個目的地 - 又一城，去睇《六壯士》呢！
去到買完飛都仲有成個幾鐘可以行街，真係唔錯唔錯喲......
我地睇 2150，個院冇乜人呢！不過套戲比我想像中 OK 喎，幾得意~
開頭都幾好笑，不過尾段竟然有幾個我 expect 唔到既喊位囉 -.-"
完場既時候仲有0的 NG 鏡頭播返出唻，勁好笑 ~~~ 尤其係許志安！
但最勁既都係0係播 NG 鏡頭既時候竟然冇人離開個院囉，第一次見呀！

睇完戲都已經差不多 0000 喇！返到觀塘轉的返屋企......
返到去再0係樓下同嚴嚴講多半個鐘，上樓又繼續傾......
我真係好煩呢，究竟聽日去唔去好呢？去又唔係唔去又唔係......
其實事情係因為今日 Just Gold 打唻約我 Interview，但係呢......
因為某0的原因我又有少少卻步喎，唉......都係聽朝先算把啦！

今日......心情極唔好，無啦啦發生左好多事......
幸好放工後既節目唔錯，如果唔係我諗我已經痴左囉 v__v

>>September 14, 2004 at 5:20:28 PM GMT+8

2004 年 9 月 12 日 星期日 【晴】

今朝本來打算 0830 起身洗頭，點知呢......
0係尋日極 "支力" 既情況下，鬧鐘響完又繼續訓！

卒之成 0930 先起，同本身既 planning 已經變晒！
本應呢個時候要出門口，但係變左剛剛起身囉 -.-"
冇洗頭都用左 15 分鐘攪掂走人，走左去盡公民責任.....
投票！勁呀......我做左選民成 4 年，今次第一次投票！

投完票走左去撘旺角飛 Van 出去，出到去0岩0岩好！
因為約左 Carrie (RC 0個個) 唱 Lunch K，1100 開始......
爭取時間唱左兩個鐘，呵呵......不過今日把聲勁唔得囉！
唱完佢先上 HQ，我去左教協買野，買完再上 HQ......

今日晏晝好勁呀，考 YFA & YFAP......4 個人 4 個鐘考 6 班！
勁！不過考到勁勁勁 "支力" & 眼訓囉，佢地仲要抽唻抽去都係0個幾張......
卒之本來 1800 完變左 1930 先完，成個過程......勁食！大鑊喇 >__<

執埋0的野坐0係玩下新玩具*** 同傾左陣計，2030 先走......
超級勁勁勁 "支力" 囉依然，點解考試都咁 "支力" 架？
撘 17 返屋企既時候差0的訓到過左龍添，0岩0岩好知醒......

註：新玩具***
其實新玩具係伍區長添置上 HQ 架，係 Polaroid 即影即有~~~
勁好玩！而家快圖美做緊 Promotion $199......好吸引呢......
尤其0係我部 JoyCam 而家壞左既時候，哈哈.....我要購入佢 *o^

>>September 13, 2004 at 12:38:39 PM GMT+8

2004 年 9 月 10 日 星期五 【晴】

今日終於冇落雨喇，仲開始涼涼地......鍾意！
不過尋晚我落完雨，今日得到對眼......腫左！

今日0的時間好似過得好快咁，收工既時候.....
覺得自己好似冇乜做過野，但都好 "支力" 喎......
放工落 extravaganza 逛左逛，爭扎左一輪......
卒之都係買左 Carrie 極力推介0個個 Playboy 袋！
哈哈哈哈......真係勁靚！不過得到係破左產囉......

夜晚返左屋企食飯，食完飯之後約左梅佬去淘大！
今晚都傾左 OK 多野，最攪笑係回顧返第一次......
原來係包完防炎包跟住 Mes Amis 囉，之後就又一城......
再之後真係好少傾計喇，因為個個都......今晚實在難得啊！
哈哈......呢個計入面，佢講左好幾句正句呢，包括：
(1) 原來我同「上海」係《十面埋伏》囉 → 得到要買 1 賠 1000 -.-"
(2) 如果結婚，30 歲儲得 30 萬......擺到酒又買唔到樓 (勁押韻！)

>>September 11, 2004 at 11:34:30 AM GMT+8

2004 年 9 月 9 日 星期四 【陰】

今日繼續上太空玩，阿醫生今次真係大整蠱囉......
整0的咁既藥俾我，好彩食兩日嗟！如果唔係 @#$%^
不過其實都係自己唔爭氣，做乜成日都病架呢？

今日冇枉管，放工即閃！同媽媽過左德福食飯......
跟住行左陣就返屋企喇，超級勁 "支力" 囉......唉~~~
返到屋企努力 send Resume & 搵工，Y&V 請 AE 呀......
勁吸引！今次一定要報呀，唔可以再錯失呢個機會~~~~~~
攪完一輪睇埋《 Miss Match 》添，呢套野......幾得意！

睇完電視走左去講電話，不過講完之後勁唔開心......
幸得梅佬出手相助，同佢講左半個鐘之後好好多喇！
好多謝佢呢！尤其佢句「資源回收筒」呀，原來呢......
我已經昇華去到變左垃圾婆喇！哈哈哈哈.......

之前皇后姐姐講個山藝 Course 報得成喇，好野！
不過為左呢個 Course，我今年又去唔到區操喇......
雖然拎左老細 approval，但都好似好衰咁添 >__<

>>September 10, 2004 at 10:40:21 AM GMT+8

2004 年 9 月 8 日 星期三 【雨】

食左藥終日魂遊太空咁，好辛苦呢......
仲要加埋隻牙係咁痛，激死！乜都堆埋一次過唻~~~

今晚放工又約左 Carrie 去街街，好難得的......
因為佢平時返唻我地都係出一次，都未試過出兩次咁多！
嘻嘻......好高興！今晚行左花園街、旺中 & 潮特......
佢買野都買得 7788 喇，我又忍唔住手......買左少少野......嘻 :P
我地晚餐去左蒜頭屋食飯，食左個咖喱奄列蛋飯 & 菠菜麵，好味！

今晚又係 2330 散！ 唔......佢星期日就返 Canada 喇！
唔知幾時再返唻呢？同佢去街街，真係好開心架 *o^

>>September 10, 2004 at 10:18:09 AM GMT+8