2005 年 1 月 15 日 星期六 【乍雨乍晴】

難得一個得閒既星期六，因為要去送姨姨機呀~~~

放工同 Hollie 去左唱 Lunch K，唱到 1500 咋......
以前有得唱到 1600 架嘛，做乜無啦啦cut 短左呢？
同佢唱完行埋加記，再去紅樹林飲左杯野，就散喇......
我去左撘 A21 入機場，超耐囉！不過可能我又心急啦！

話咁快姨姨就返左唻三個星期喇，哈......好快好快！
不過佢話佢出年都會再返唻，因為要飲細表舅父0個餐嘛！
呵呵......好野呀！出年又見到姨姨喇~~~ Yeah *o^

>>January 22, 2005 at 11:28:08 PM GMT+8

2005 年 1 月 14 日 星期五 【乍雨乍晴】

經過幾番爭扎，今日返到公司都係拎左下晝假架..哈哈！
返半日既時間過得特別快，離開公司搵埋姐姐去左 Fusion 食飯~
然後開始去揀禮物送俾姨姨，揀揀下仲買埋俾婆婆 & 細舅父添！
買晒禮物 tea 完去左 join 媽 & 姨，然後一齊返德福......
今晚舉家去左仿 "人善" 食飯呀，好滿足呢！呵呵~

>>January 22, 2005 at 11:23:08 PM GMT+8

2005 年 1 月 13 日 星期四 【晴】

今晚又上 HQ ，開志願服務體驗營既會......
凱詩冇攪喇，換左嘉豪入唻！又會笑死囉.......

高級主任履行佢既承諾 2030 散會，好野 *o^
不過之後佢地各有各傾，我唯有做下 filing 啦.......
點知過左陣，佢地成班人 "咩" 晒袋企0係度等我囉！
超無奈的唯有將我既 0405 掉埋一邊，同佢地去食飯！

離開之後我地落左樂園食飯，媽媽史都要坐0係高級主任隔離，
當然大家又期待緊醬爆事件既發生啦！哈哈哈哈 ~ 但係我地冇得逞呀！
食完飯就返家喇，好早呢！好少機會......咁早開完會食完飯返屋企架！

>>January 22, 2005 at 11:10:44 PM GMT+8

2005 年 1 月 12 日 星期三 【乍雨乍晴】

唉......今日超 "火羅" 呀！由於心急所以 PK 囉！
0係公司 P 得勁樣衰呀，仲要超痛 ~~~ 好黑仔！

是晚開 Service Staff Meeting 呢！呵呵......
依舊開完會大家又撩食飯，今晚去左麗都呢......
不過唔齊人，有少雯、我、嘉豪、思其同 Sylvia......
仲有放工過唻既師姐，食左好多野......especially 係菜呀！
哈哈......我地打到差不多成點先走囉~ 好夜喲！

近來睇左 Mr. So 2005 年既運程書，看似好準咁喎！
不過有時呢0的野，都係睇下過左就算好喇.......

>>January 22, 2005 at 11:09:50 PM GMT+8

2005 年 1 月 11 日 星期二 【晴】

今朝有個 133 既 Morning Call 突然送到~
講完之後典左陣床就起身喇，好乖！呵呵......

返到公司激多野做，不過依舊唔願郁啦......
縱使唔願郁都要做，做 ~ 時間咪過得快0的囉！
但係俾哥哥話我今日好呆囉！梗係啦，咁多野諗......

放工過左 HO 搵 Sandy, Maggie & Din 呢！
超無奈的係咁比人串我 16 比 9 囉 -.-"
0係未行得既時候我拎左 Sandy 隻蟲同馬生0個隻玩蟲蟲戰，
經過兩戰之後紅色蟲蟲(Sandy 0個隻)贏左呢！勁呀 *o^
另外今日終於將 Sandy 份聖誕禮物俾左佢喇......
連埋隻 Canon 豬，佢張檯......變左個動物園囉！

離開 HO 我地四個打的過銅鑼灣唱 K 呀！
本來浸浸都去架，不過佢 "mok" 左牙唔舒服冇去呢~
我地去到冇耐 Louisa 都唻埋呢，今晚...係咁笑囉！
我又 "火羅" 左囉！話說同馬生唱《漩渦》既時候......
竟然將句「地網天羅」唱左做「地羅天磨」囉~
跟住馬生唱《世上只有》又將「艱苦」唱左「辛苦」呢~
最後唱《紙醉金迷》既時候，發現左入面有句詞......
係「望見癲馬歌舞的戲寶」呢.......好勁呀馬生！

今晚呢，係咁同 Sandy 發癲囉......
期間仲無聊到拎住佢個電話自 send SMS 呢！
哈哈哈哈......不過好好玩！另外呢......
我又唔覺意中左人家死穴，仲要臨尾先突然醒起，救命~

癲完返屋企期間又再回復正常 ~ 問題幾時先會解決呢？
今日晏晝同師姐通完電話後，好似又諗多左野......
希望大家都快0的做好決定，將問題解決啦！

>>January 22, 2005 at 11:11:49 PM GMT+8

2005 年 1 月 10 日 星期一 【晴】

尋晚一返到屋企執好野就即訓喇，訓到今朝......
訓到 09XX 扎醒，乜都未執囉.......點算？

9 秒 9 衝去洗左個白即刻換衫走人......
去將軍澳轉 628 入電視城，攪左足足兩個鐘先返出唻~
走既時候撘車見到趙海珠呢，真人個樣......好細個！

今次唔知得唔得呢？講真信心不大呀......
始終 1st Part 真係一般，仲有時間既問題！唉......慢慢等啦~

>>January 22, 2005 at 11:14:40 PM GMT+8

2005 年 1 月 9 日 星期日 【晴】

去左兩日 ASTC 呢，好 "支力" 呀......

今年係第 2 次入 ASTC 呢！第 1 次已經兩年前喇~
比起我攪0個次.......今次郁得多0的呢......唔錯！
一開始先玩左個 Trust Ladder & 拉繩遊戲......
我玩 TL 既時候俾 Din 影左張貞子相囉，史得~~~

夜晚有個 Programme 係講 Conflict 同 DISC 既......
呢個 Programme 真係唔錯呀！唔覺唔覺咁令人睇到好多野！
不過說實，我真係分唔出自己究竟係屬於邊 type 人......

夜晚，傾計時間較多...差不多 0400 先訓！
今朝都竟然可以 0700 起身喎，仲早過返工囉！勁！
起身出去之後有早操時間，個 Game 超爆笑囉......
只係將普通包剪 "dup" 遊戲變一變個玩法......
就足以令我地個個笑到痴晒癲晒呢......

食過早餐，就開始 last Programme 喇！
分組砌橋啦，跟住講下 Leaders 要有既野......
仲有面對 Job Rotation 時既處理方法！
呢 part 我地砌條橋仲拎左個 Creative 既獎添！
完 Camp 我同嘉豪 & Louisa 仲拎左佢返 HQ 呢~ 好靚！

上到 HQ 順手清埋 tray 內要做既野......
一做越做越多，最後放棄閃人.......要返屋企訓覺呀！

>>January 22, 2005 at 11:16:32 PM GMT+8

2005 年 1 月 7 日 星期五 【晴】

尋日許諾要早訓！果然早訓左！係 01XX 架~
今朝嘛，冇 Morning Call 都起到身！勁呀 *o^
仲全巴 + 行返公司，一程的士都冇撘過呀......
如果朝朝都可以係咁就好喇......

放工船左過海，約左 Jess 去街街......
去左銅鑼灣 - 東京食飯，今次個位怪怪的！
幸好食物水準依然唔錯！Good~~~
食完飯去左周圍逛，逛到尾嚴主任唻左搵我地......
之後我地去左人和食荳花，講真.......
其實我都幾唔好食荳花，不過見 Jess 講得咁正......
所以去一試，食過果然係唔錯喎 ~ 值得推介！
食完大家就散喇，我同嚴主任去左揍細佬放工呢......
哈哈哈哈 ~ 送左佢地撘車我都去撘車返家喇！

尋日睇 JobsDB 睇到舊公司請 APR 呀，好想返去呢！
如果請返我就好喇！越唻越唔鍾意對住呢間公司0的人......
呢個月中開始要發癲咁搵喇，如果唔係又好似舊年咁~

>>January 22, 2005 at 11:17:18 PM GMT+8

2005 年 1 月 6 日 星期四 【晴】

凌晨 03XX 電話響起......嚇死我囉！
原來係 Wendy & Keith 0係上海打唻呢！呵呵***
我即時尖叫左出唻，繼而嘈醒左媽媽......
點知之後高生話打唻係諗住嘈醒我囉！會唔會先 -.-"
同佢地講完 0400 先訓！又係 0400 囉......
當然今朝又遲啦！同媽一齊打的 ~ 哈！

返到公司逛恰眼訓，好明顯呢個星期訓唔夠......
夜晚又同 Teammates 去左食飯，今晚 Dor 都有去呢！
我地去左泉章居食呀，由 1900癲到成 214X 先走~
佢個茶果 (甜品) 既口感好攪笑架，幾好味！不過都小滯囉！

食完飯同 Dor 一齊打的返家，因為佢趕時間......
哈哈 ~ 2200 就返到屋企！好野......今晚要早訓！

>>January 22, 2005 at 11:18:20 PM GMT+8

2005 年 1 月 5 日 星期三 【晴】

今晚約左 SHCCC 既同學仔食飯......
有 Tracy, Hollie, Veron & Inty，去左美麗華麻布茶房呢！
我地食左好多野呀，最後仲堅持食埋個聖代先走呢 :P

好耐冇見 Tracy 喇，佢瘦左又靚左呢！
話時話佢返左唻咁耐我今日先見佢咋.......
上次約打爐我又病左喎，佢星期一就走喇 ~ 好快呢！
不過我地完餐影左幾張相就散喇......
之後同 Hollie & Veron 行左落尖東，好 "支力" 呢~~~

>>January 22, 2005 at 11:43:45 PM GMT+8