2004 年 6 月 10 日 星期四 【晴】

今日放工即閃，姨姨0係地鐵站等埋我一齊過 HO......
因為今晚係我地個韓國之旅既第一次研習班......
我地先去左麥當當買野食，其實係買俾 Hay & Sandy 囉！

過到去喧嘩左一輪，然後就開始 "研習" 喇......
一路研到成 22XX 呢，初初仲話 2100 完......噢！
今日主力係講韓國既 History 呢，睇唻要花0的時間......
之後就講下大家既 Schedule 喇，可能又會再轉呢......
完左個研習班我地一班人去左大胃王食野......好攪笑！

唔......第 2 次出 Delegation 就做領隊，其實真係有0的怯......
一路都覺得自己唔得，不過有咁既機會試下都冇壞既......
但我好似唔知自己要做咩咁，縱使黎主任之前同我講過下......
或者......要搵0的時間俾自己適應下！我要支援者呀....... >o<

>>June 14, 2004 at 12:01:13 PM GMT+8

2004 年 6 月 9 日 星期三 【晴】

上回提要：本來打算放工返家繼續同個 apeboard 作戰，點知......
等緊人唻 interview 既時候 Gary 打唻，一講講左成 9 個字......
再做埋0的野諗住走，點知去完個 Let 返唻先醒起有新同事唻......
但係我咩都未 prep 囉......呵......大鑊！即刻留低做埋......又多 $40 ~
掃左少少野返屋企食，又開始繼續作戰喇......但整到 00XX 都冇結果！
之後因為要專心同 Hay 哥哥講電話，所以停晒所有電腦野......
其實我覺得我好偉大囉，哈... (事實係因為佢聽到我一心幾用，所以.....)
我地講到 0200 準時收線，比起前晚同 Maggie 傾早左一個鐘：P
但係成個電話 Conversation 裡面，一開始我就狂俾人串囉......
不過之後真係勁攪笑，聽下人家既 『傳奇』......好犀利呀嘩哈哈！
同 Hay 講完電話先洗頭洗白再上網......最後得到成 04XX 先訓囉.......

今朝......犀利囉！又唔知醒架呢，比起尋日又遲左少少起身咁囉......
返到公司又搵左陣唻整個 apeboard，今日終於都成功喇！勁興奮......
但都仲有兩個唔得既位：時間慢左 & 成個都 connect 唔到個 site......
我要呢個星期努力咁攪掂埋佢呀......整左咁耐一定要得呢......

今朝撩左 Carrie 放工後去玩，當然係成功架啦......哈哈哈哈！
我放工之後過左香港站 join 佢，然後去左葵涌廣場行街街......
我地兩個都買左衫衫呢，好高興！食左少少野 & 行完街之後......
又走返出旺角影貼紙相 & 唱 K......好興奮好滿足呀！因為呢......
張貼紙相影得勁靚 & 餓左勁耐既 K 今晚終於都有得唱喇！
不過一開始大家都唔係好得囉把聲，之後好少少啦......
唔知係咪太耐冇唱過 K 既關係，今晚覺得自己好似唔識用聲咁......
我地 2145 抵步，唱到成 0130 先走呢......超滿足啊係......wOw~~~

>>June 10, 2004 at 11:03:27 AM GMT+8

2004 年 6 月 8 日 星期二 【晴】

尋晚同 Maggie 傾電話傾到差不多 0300......
之後先捨得去洗白，訓既時候已經有 4 喇！

今朝當然係唔願起啦，不過都 0745 起左......
個樣......勁嚇人囉！好耐冇見過自己個樣咁恐怖 *~*

返到去食左個芒果雞肉三文治做早餐......
同時開左支 Blue Blood (尋晚既禮物)飲，不過呢......
支 BB 我係由 09XX 飲到 17XX 先飲完囉 -_-"

今日同 Stanley 講開整 Homepage 既時候......
有個大發現 ～ 就係自己整 apeboard 喇！
喜愛貪新鮮既我，即刻走左去學 & 整呢！哈哈 *o^
雖然叫做成功整到，但係呢......有個好大既問題......
就係：唔知點解0的圖 load 極都睇唔到囉！好不高興......
我決意今晚要將呢個問題解決呀，今次唔可以半途而廢啊！

嘻嘻......不過今日都有件好令人振奮既事呀！就係......
Gary 空運左本《履歷表》返唻俾我呀！勁興奮 *o^
個 Package 真係超級勁靚，同0係香港買軟皮0個隻......
呢個當然係靚靚靚好多啦！呵呵......好興奮！聽哥哥講呢......
原來香港仲未出架，而家淨得台灣有咋......真係好威威啊！

無啦啦掛１號風球喎，仲話星期四最接近添呀......唔知會唔會掛８號呢？

>>June 8, 2004 at 6:26:22 PM GMT+8

2004 年 6 月 7 日 星期一 【晴】

又星期一喇，今日都 OK 忙呀！好多零碎野做但好彩唔趕......
其實咁既工作狀況都好似唔錯咁，不過就會有少少亂咁囉！

今晚放工逃會，同 Yvonne, Sandy, Mo & Vivien 去左將軍澳......
大家一放工都死趕爛趕咁趕去九龍塘轉車，咪為左支持我地班精英之嘛！
佢張野果度話會 1845 開車，點知呢個時間大家只係等緊車囉......
去到坐左幾個鐘，初初以為睇佢地玩.....點知係睇0的明星玩囉......
見到好大一班明星，有陳鍵鋒、黃宗澤、文頌嫻、麥包......等等~~~
陳鍵鋒真人同上鏡冇乜分別，我仲得知原來做左我地 RCY 大使呢！
另外黃宗澤 & 文頌嫻兩個真人都靚過上鏡喎我覺得，其他就冇乜特別喇！

睇到差不多 23XX 先散場，有現場觀眾禮物收，包括以下頂癮禮物：
Okami 洗頭水 & 淋浴露各 1 枝、EDO Blue Blood 飲品 4 枝 & 2 塊好似膏藥既東東~~~
離開 TVB 撘城巴出返調景嶺轉車，我地成程嘈到拆天咁，不停大笑......
但仲要係咁話自己係 St. John 架囉，俾我地夾住0的人好明顯想死架下......

返到觀塘好彩趕得切撘尾班 Van，返屋企已經 00XX.......
不過仲未食飯......勁肚餓囉~~~~~~ 卒之0係 7 仔 ding 左兜燒賣攪掂 ；）

>>June 8, 2004 at 7:38:53 PM GMT+8

2004 年 6 月 6 日 星期日 【雷雨】

今日依然周身酸痛，不過都可以起到身......
1200 準時到達筲箕灣，點知有人唔到 & 遲到囉......
不過唔打緊啦，因為我地有既係時間......呵呵！

等到 Sandy 之後我地去左個暗角食野......
0個度收唔到電話架囉！仲要咁0岩我地都係用 123......
食完野就過左海防博物館準備今日既 Program 喇！

今日終於第一次去海防而唔係做地雷，其實呢......
１直都好想試下做其他 Program，不過自己時間問題......
今日終於做到另一個《萬里尋親記》喇！哈哈 ......好滿足！

完左個 Program 就返屋企喇......今晚又食左好多野......大鑊！

>>June 7, 2004 at 3:30:57 PM GMT+8

2004 年 6 月 5 日 星期六 【晴】

尋晚攪到夜一夜先訓，今日好彩成功起身！好野 *o^
不過都遲左少少咁啦，哈......唔緊要既~~~ 呵~~~~~~
但係勁辛苦的今日好腰酸背痛囉，連骨都酸架......

今日好冇心機做野，因為晏晝有得去玩......
雖然內心真係唔係太想去，但要接受現實啦......
話晒自己都有份攪，所以......唯有努力頂住上！
幾經辛苦先捱到 1300 收工，趕晒所有同事落樓下.......

成功的 1330 到達《糖朝》呢，但係人唔齊...冇得走！
點知等等下火都唻埋，因為有人走左第二架車 & 有人走左囉 -.-"
得知之後即 call 司機唻開車走人，14XX 到達海天白石 BBQ......
總算叫做攪得成個 "Function" 丫！0係0個處逗留左 3 個幾鐘......
燒下野食、周圍行下逛下、睇下人打 Golf & 玩下抽獎......咁就過左！
原來我地公司0的人打 Golf 好勁架，除左哥哥囉......佢真係 "火羅" 暈呀！
幸運地......抽獎既時候俾我抽中左我喜愛既 Nike 腰包，哈哈.......
其實都唔算話真係好好彩，係因為0的人走晒或者 disqualified 嗟......

離開白石之後出返新港城，行左陣 hea 下再去美心同屋企人食飯......
燒完野食冇耐又走去食飯，今日真係食足一日呀......唔掂唔掂~~~
食完飯我地再的返屋企 ~ 好野！！！超級勁 "支力" 囉......

>>June 7, 2004 at 4:29:23 PM GMT+8

2004 年 6 月 4 日 星期五 【晴】

同尋日一樣，做乜都有阻滯咁......好燥呀~~~~~~

>>June 7, 2004 at 2:46:25 PM GMT+8

2004 年 6 月 3 日 星期四 【晴】

終於都退燒喇！個人依然好 "ｍeｎg"......
個人太遲鈍，做咩都好不順利呢......唔......
唔中意！唔中意每次生完病既自己......好 "ｄo”~

>>June 4, 2004 at 11:03:55 AM GMT+8

2004 年 6 月 2 日 星期三 【晴】

尋日訓足一日，今日 "好似" 好精神奕奕咁返工！
哈......可惜的係返到去又燒過囉！唉......激死喇！
發左成三日燒囉......痴線的！唔知會唔會高左呢？

Lunch 同 Accounts 既同事去和民食飯，乜都有食......
其實有好多野都唔食得，不過足足一日冇食過正常餐......
唔緊要啦！哈哈哈哈......食完得到晏晝又繼續燒過囉！

放工本來約左 HO 班同事去唱 K，不過燒緊...冇得去~~~
但係我都閃左過 Festival Walk 幫姐姐拎 & 買個狗仔袋......
說實 $5XX 買個咁既袋實在唔係好抵架下，不過唔關我事......
過到去見到 Pauly 呢！買完就返觀塘再麥完返家喇......
返到屋企洗左個白，好似退左燒......救命......唔好再燒喇 v__v

雙親外遊返左唻，媽媽買左好多 Boots 俾我呢！呵呵......正死左呀......

>>June 4, 2004 at 10:54:09 AM GMT+8

2004 年 6 月 1 日 星期二 【晴】

尋日食左一次藥就訓左，連凌晨0個次都冇食到.......
雖然醫生開得兩日藥俾我，但係睇唻佢都好重手下囉......
因為食0的藥係會大昏迷架！今日訓足全日......呆左~~~
不過冇乜點食過野呢，因為好冇胃口......唔想食呀......
所以只係每逢食藥前食一包芝麻梳打咁大把，SO......
今日共食左四小包芝麻梳打囉......個肚當堂凹左落去囉......

>>June 2, 2004 at 12:18:22 PM GMT+8