2004 年 10 月 8 日 星期五 【晴】

平時月頭都會忙要清野，但通常好快攪掂晒！
唔知點解，今個月好似乜都特別慢咁既......

一年一度既 Conference Meeting 又就快到......
淨係做 Agent 0的 Hotel Accommodation 都已經想死~~~
幸好勁快的攪掂晒，望佢地住既時候冇乜突發事件啦......

今晚攪掂公司野都已經 1830 喇！之後借機做野......
整埋聽日 2nd In 既 Documents......攪到 19XX 先走......
唔......希望聽日 OK 啦！其實都有0的擔心呀.......

離開公司過左德福，同媽媽去左魚一丁食飯！
佢0的野食好 OK 喎！尤其係個吉列炸蠔......超勁正 *o^
好滿足的離開，落返去逛左陣又走返上 Haagen-Daz 食雪糕！
食完就返家喇！今日見到 G-ms Dream Watch 呀......
但係呢，原來佢得返 last 一隻，仲要 $1298 添......
睇唻我都係買佢新出0個隻好似會比較實惠0的喇......

>>October 11, 2004 at 2:31:57 PM GMT+8

2004 年 10 月 7 日 星期四 【晴】

是日病日！請左病假，但做左好多野......
首先..... 1000 起身梳洗 + 洗白洗頭 → 好乾淨！

然後出發去 HO，遲左少少出門口 & 塞車......
差點兒遲到，幸好去到保良局轉左的嗟......
去到時間剛剛好~~~ 犀利！然後做左 3 樣野......
(1) 打下字 [15分鐘]
(2) 作下文、翻下譯 [15分鐘]
(3) 同皇太后 & 皇后傾計 [40分鐘]

大約 1320 離開，同皇太后 & 皇后去左食午包！
食完佢地返工，我就過左灣仔拎野再返歸......
返到屋企盡下病人既責任 → 訓覺，訓左兩個鐘~~~

1800 再起床更衣，因為約左皇后 & 姨姨晚膳......
先同姨姨逛左陣街，再去新路城 "才羅" 位.....
今晚晚膳既活動同食物質素都唔錯呢！哈哈***
我地晚到差不多 0000 先走，好滿足！另外呢......
我地仲好乖的送埋皇后上車先走呢！呵呵呵呵***

今晚晚膳期間皇后再約我星期六同皇太后見面呢！
好緊張的......只係見佢一個呢！希望順順利利啦......

>>October 11, 2004 at 5:28:04 PM GMT+8

2004 年 10 月 6 日 星期三 【晴】

呢個星期難得的可以咁空閒，不過唔太慣......
加上仲要係 10 月添喎！好奇怪呢呢個情形......

今日同 Sandy 講電話，講開 2004 最新面試服裝 ~
得到以下既配撘：空姐帽 + 啡色套裝 + 紅色魚網絲襪 + Ｎiｋe 波鞋，
但最緊要既係......套裝入面要著一件長袖紫色 Ｎoｒtｈ Fａcｅ羽絨囉 -.-"

夜晚放工勁乖的返家食飯，去左舊街市食......
食完飯返去仲睇埋 2230既 Stephen King's Rose Red 添！
又一套新劇，睇左一集.....唔錯唔錯！要 keep 住繼續睇呀！

>>October 11, 2004 at 5:06:26 PM GMT+8

2004 年 10 月 5 日 星期二 【晴】

放工即閃，撘車返中秀食飯......
前後都去左瘋狂購物，大出血呀 >__<
雖然只係月頭，但已經係糧尾喇......

>>October 11, 2004 at 5:15:03 PM GMT+8

2004 年 10 月 4 日 星期一 【晴】

又到星期一，趕到死我仲走去撘 0830 班車......
因為諗住去買三文治返工食，點知出到去......
發現平時買開早餐間舖頭執左，好唔高興呀！
星期六冇開仲以為佢休息，點知今日門口已經貼左紙！
唉......佢0的三文治真係好好好好味架......而家冇得食喇......

到左 Lunch，我地過麻布茶房食飯呢，去既期間......
見到拉闊壓軸做 Promotion，見到李克勤 + 容祖兒！
兩個都好靚呢！我超勁想睇呀場拉闊 >__<

今晚......發左瘋的，放工開完會落左旺角......
搵我既 Dream Watch，但好唔開心......
我由潮特搵到信和，初初間間都話冇呢個款......
等我仲以為好新所以冇啦！點知......
去到尾0個幾間有個姐姐話我知個款已經係半年前......
Casio 唔會再出架喇！唉......點算呀？搵唔到呀！
唔通真係要返德福 City Chain 買 $12XX 0個隻？好貴啊~~~
但係照計返旺角價應該 $600 - $700 架咋喎.....唉.......

>>October 6, 2004 at 3:33:39 PM GMT+8

2004 年 10 月 3 日 星期日 【微冷】

呢幾日......過得好奇怪，感覺好唔好~~~
難得的好唔忙、有得休息、可以去玩......
但係呢，犯賤的我偏偏唔鍾意呢0的生活......
都係不停做野0岩我多0的......好矛盾呀！

勁中意 Twins 首《慌心假期》囉 -.-"

時間表有空未試過　沒幾可　應開心個可
能變身闊太逐處坐　明明亦做得過
偏偏工作一籮　才似我
給我鑽戒夠火　都不會識貨
忙　才令我　應一個便當快樂也不錯

．．．Ｋ+ 身驕肉貴．．．

>>October 4, 2004 at 2:56:33 PM GMT+8

2004 年 10 月 2 日 星期六 【晴】

往往通頂過後，再訓返既第二朝都唔願起身！
繼星期四後，今日又係咁！不過好彩......
今日都趕得切畫返個樣先出街，如果唔係實嚇死人！

放工閃左落新樂同公公、婆婆、姨婆 & 媽媽飲茶！
飲完茶去左打流感針，勁攪笑......個醫生係一個伯伯唻架！
入到去嚇死我，幾驚佢手震呀......好彩......佢手勢都唔錯 >o<

打完針去左行永安 PLUS，呵呵......買左對 Slazenger 鞋呢！
之前其實都試過，不過0個陣覺得佢太貴，所以冇買......
今日買係因為今次試隻色靚0的 (上次試黑銀，今日試黑黑)......
加上佢做緊 8 折，其實都唔係平左好多......只不過係我怕我後悔嗟！
另外仲買左把超勁 Fancy 既生果遮呢！哈哈哈哈~~~~~~ *o^

行完街去左食龜苓膏，之後拎埋0的錶錶去整，然後就返家喇！
唔好講笑......0的龜苓膏果然好勁呀，食完夜晚即 "標" 瘡......勁！
不過我依照想死的......晚餐嗌 Pizza Hut 外賣食囉，呵呵......
食完 Pizza 抖左陣再睇埋《金枝慾孽》大結局，好滿足啊~~~~~~

>>October 4, 2004 at 3:54:51 PM GMT+8

2004 年 10 月 1 日 星期五 【晴】

國慶日既凌晨，做左好多野......
首先玩 Pictionary 啦，由 4 個玩......
變左 8 個玩，笑到癲晒囉個個都 ~~~

玩完 Pictionary 分左兩邊繼續玩......
皇上、朱豬華、劉主任 + 小丹子就打牌，
而我、乜都、MO & 男友就打 PS2......
我地玩左個 Game 超爆笑囉，玩完都唔知咩唻既！
不過大家都亂咁打得 OK 高興既......
打完機 MO & 男友就先走喇！而我地呢......
隨即開場睇《見鬼 1》呢！不過睇睇下0的人逐個訓......
全場睇晒既只得我同劉主任囉！呵呵......勁呀！

睇完戲 06XX，休息左陣.....落左樓下飲早茶......
本來諗住搵埋史提芬0個邊既同事們一齊......
點知佢地去左茶記攪掂，咁我地又自己攪掂啦！

飲完早茶就返屋企喇！返到去 OK 精神.....
加上中午要出去，所以冇訓到......玩電腦......
攪左陣部廢機 11XX 就閃喇！出左新世紀......
約左叔叔飲茶，等到 1300 先有位呢......
之後姐姐又出唻，飲完茶我地就入粉嶺探奶奶喇！
勁黑仔的，撘火車返出九龍既時候塞車囉......
係塞火車喎！唉......我地真係勁 "好彩" 呢！

出返唻就飛 Van 返家喇！超 "支力"......
返到屋企只係 17XX，奇怪的完全冇睡意囉......
夜晚仲可以食埋辛辣麵睇埋《金枝慾孽》先訓呢！勁！

>>October 4, 2004 at 2:52:00 PM GMT+8

2004 年 9 月 30 日 星期四 【晴】

今日好似發夢咁，加上早兩日唔夠訓......
所以成 0800 先起身，慢慢唻成 0830 先走~~~

本打算準時收工返家洗頭洗白去玩......
點知...臨打咭走先發現唔記得做野！死得~~~
卒之又本來 1800 閃變左 1845 先閃......
因為晏左，所以放棄左同 HO 既朋友仔唱 K！

放工走人等車返到屋企已經差不多 2000......
真係慘！咁就無啦啦冇左兩個鐘，唉......
返到屋企坐左0係度唔郁呢，卒之 2030 爬去洗野！
本來仲話 2100 去到小丹子家，點知差不多 2200 先到囉！

今晚去小丹子度打爐，好勁的我地成打人囉，包括：
黎高級主任、劉主任、芮區長、翠絲、嘉豪、
朱豬華、乜都郡主、皇上、MO & 男友，仲有我！
我地一開始就勁食丸丸呢，食到勁滿足......
打完爐就開始其他活動喇！我地兵分兩路......
(1) 黎高級主任、芮區長、翠絲 & 嘉豪轉場去左豪丙家開檯
(2) 其餘 8 人繼續留守小丹子家，玩 Pictionary ~~~

>>October 4, 2004 at 12:27:00 PM GMT+8

2004 年 9 月 29 日 星期三 【晴】

勁 "支力"！決定偷懶，用時間式......嘻 *o^

00XX 0係維園搵好位置，玩燈籠、蠟燭、食月餅
0130 清理場地，離開維園，向大角咀進發
02XX 大角咀金百利 → 宵夜 → 常餐，再向史提芬家進發
03XX 史提芬、師兄、嘉豪 & 師姐開始麻雀大戰
04XX 阿康唻埋加入戰團，冇耐之後《Kill Bill 1》開場
06XX 《Kill Bill 1》上映完畢，接著即開埋《Kill Bill 2》
08XX 睇晒成套《Kill Bill》呢，隔離亦完戰，齊齊離開史提芬家
084X 同師姐 & 姨姨食埋個麥早餐先返歸，超呆越眼訓，但好滿足

呢個淩晨，過得唔錯呢！0係維園草地見到個勁得意既細路仔！
好攪笑架佢，雖然有少少攪破壞，但超 CuTe 的！勁中意佢呀 *o^
另外呢，勁後悔當初冇入戲院睇 Kill Bill 呀，勁好睇......especially 1 呀！

09XX 返到屋企，洗過白白
1015 俾媽媽迫我訓返陣，訓左兩個鐘
1215 俾媽媽剷醒，換衫走人 → 去左又一城
1400 同媽媽 & 姐姐睇《The Terminal 》→ 超好睇
1615 開始同媽媽行街 @ 又一城 ~ 呵呵呵
1800 轉場過德福繼續，想買 Hi-Fi 呀！但冇貨 v__v
1930 收穫豐富 ( = 破產)，買吉野家返屋企食
20XX 睇睇下《青出於藍》訓著左
2100 決定沖涼訓覺，不過放棄《金枝慾孽》

聽日又要返工喇！唉......不過幸好，返一日又放一日呢！

>>October 2, 2004 at 11:01:31 AM GMT+8