2004 年 8 月 8 日 星期日 【酷熱】

前日拎尋日假，早早上左 HQ 執埋個 Camp 既物資......
到最後呢，都係拎漏好多野架下......唉......好失敗呀 v__v

成個 Camp 熱爆左囉，不論大人定細路熱熔晒啊......
滿足的有小丙 & Carrie 幫手買西瓜入唻，幫大家消暑~~~
整個 Camp 都有幾件頂癮既事發生，詳情如下......
事件一：有 Member 開房門既時候擰斷左人地條匙囉......
得到最後係要賠返 HKD100 俾個 Camp Site 架下.......
事件二：今朝早操前阿社監叫我地俾三分鐘佢講野......
我地仲以為佢想插班細路床舖問題，點知呢......
佢竟然同班 JU 發表佢既偉論囉，包括以下三點：
1. 當你覺得自己做得0岩既時候，要 keep 住繼續咁做；
2. 當你覺得自己做得0岩既時候，要叫爸爸媽媽獎勵你；
3. 當你大個仔/女既時候，記得再帶0的小朋友返去佢個 Camp Site 到玩。
佢講完之後各 Adult 都覺得勁有問題囉，唔知佢係咪啪左丸呢？
另外，佢0個個咁「好」既 Camp Site，係人去過都唔會返轉頭啦......
仲話第時大個再帶0的小朋友去玩喎.......呵......呵......呵......
事件三：當班 JU 上緊堂既時候，我地一班 Adult 坐左0係度......
然後伍區長突然拎起佢個電話，透過 Walkie 同大家玩「本週鈴聲推介」
聽完之後大家都捧腹大笑，哈哈......我地本週頭三位推介既鈴聲如下：
第三位 ～ 第三組組歌【藍精靈主題曲】(因為第三組組名係藍精靈！)
第二位 ～ 瘦版首領【傻豹主題曲】(其實唔係好明點解架下？)
第一位 ～ 夜晚見到馮錦菱【恐怖鈴聲】(佢一報既時候大家笑到停唔到囉......)

食完 Lunch 我地就出 Camp 喇！原來 call 車搵城巴真係唔錯啊~~~
返到 HQ 開埋個 E 先走，之後我地一班同事落左 Neway City 唱 K，
包括：燕、康、文老師、芷萱、曦雯、Carrie、Louisa 同埋我.....
唱唱下 Tracy 都唻左 join 我地呢！由 16XX 唱到成 2000，好滿足呀 *o^
唱完 K 燕、文老師 & 曦雯走先，我地再約左嘉豪小飛象食晚飯......
食完就返歸喇！真係好好好 "支力" 呀，尋晚仲沖左個凍水涼.......
仲要加埋近排係身體虛弱期，好似呢......有0的唔掂喎......唉......

>>August 11, 2004 at 12:35:30 PM GMT+8

2004 年 8 月 6 日 星期五 【雨】

今晨執下攪下捲下成 0300 先訓，今日個樣......
殘到嚇得死人，呢幾日都係咁......唉......

返到公司又係係咁做做做，今日主力係攪澳洲行......
真係做到呆左，因為我都唔知究竟可以點，得個「等」字！
Lunch 落雨懶出街，叫左外賣，其餘既時間就瘋狂捲紙條......
Cherry, Sandy & Lina 仲幫我手一齊捲添，好感動啊~~~~~~

放工開 B-day P，佢地買左個勁靚既心形 HD 蛋糕啊！
裡面係荔枝 & 夏威夷果仁味既雪糕，面頭加0的士多啤梨 ~ 正！
呢個月係我同 Rose 生日呀，我地亙唱生日歌俾大家聽......好攪笑 *o^
食完蛋糕 hea 左一陣又出去 MSN 講澳洲行，哈......結論係聽日先算！

離開公司撘車落土瓜灣拎影印，拎完返上 HQ.......
同曦雯一齊執物資 & 量米，量米期間發現0的米唔夠......
於是走左落去抬多包 5KG 既上唻，諗住買埋 Gas & 膠紙啦......
點知0的舖頭已經收左工囉，都只係 2030 嗟，使唔使咁早呀？
卒之都係攪到 21 點少少就攪掂喇，鬆人返屋企繼續執......

勁好笑呢，今日 Robson send 左佢踢波既相俾我睇......
睇睇下，發現佢隔離坐住既係 Jordy，然後睇第二次既時候，
再發現企左0係左上角既原來係文文囉！呢個世界真係細呀......
一隊波友既相......竟然有三個我識既人囉！好嚇人之餘真係好好笑呀！

>>August 7, 2004 at 12:14:47 AM GMT+8

2004 年 8 月 5 日 星期四 【晴】

呢幾日努力咁整埋個 Camp 0的野，倒數 4 日喇！
表面好似七七八八，但係我梗係覺得有野未攪掂咁......

今晚放工上左 HQ 同班同事 & YU 開 Briefing 呢！
犀利的 ~ 1st Part 係班 YU Pre-cook 囉！話時話......
呢班先鋒真係唔少野呀，煮野食勁過我地當年 YFT 呀！
有麻婆豆腐啦、咖喱雞啦......等等，味道又唔錯喎......勁~~~
不過腸胃唔多妥既我食完之後得到係......又胃 + 肚痛囉 v__v
食完飯班 YU 去左 Pre-Campfire，我地幾個 OC ......去左洗碗！

今晚攪到成 2300 先走人呀，超級勁 "支力" 呀......
攪完呢個 Camp 做埋0的數 & E 後，一定要好好休息下~~~~~~

>>August 6, 2004 at 11:44:27 PM GMT+8

2004 年 8 月 4 日 星期三 【陰】

今日勁喇，偷左成半既公司時間......
整埋《營、營、營》本 Campbook 呢，好彩~~~
終於都整完喇！不過試既時候都0徒左唔少紙呢 :P

放工攪掂0的野差不多成 1900 先走，然後呢......
經契爺既介紹拎左本 Campbook 落土瓜灣影印......
放低之後上返 HQ，執埋個 Camp 其他既 Documents......
仲有捲下環保小手工0的紙條，而最主要呢......
就係等埋班同事開完 Service Staff Meeting 去食飯喇！

佢地開到 2200 散會，然後我地半打人落左九龍居食飯......
呢半打人包括：翠絲、燕、嘉豪、房兆聰、少雯同我 ~~~
佢0個度0的野食真係勁勁勁大碟呀，碟碟都好似座山咁......
食到我地丫......個個捧住個肚咁返屋企......超滿足......

哈哈......今日收到我今年既第一份生日禮物喇！Yeah~~~
勁高興呀！係次子唻架，佢係 Dor Dor & Sandy 送架呢！
勁可愛勁得意 ~~~ 佢地話因為似我所以買俾我架！呵呵呵呵 *o^

>>August 5, 2004 at 2:40:56 PM GMT+8

2004 年 8 月 3 日 星期二 【晴】

唔高興的今日俾人呃囉......唉~~~
等我仲留0係公司攪到差不多 19 先走......

離開公司後同 Sandy 去行左行，之後呢......
等到 Bonny 走得既時候我地 join 埋一齊去食飯！
今晚又去左菓一道呀！呵呵呵呵~~~ 好野 *o^
當然得到又係滿足到咩咁啦，佢0的份量真係好勁呀！

食完飯我過左教協買野，買左唔係好多野但係激重！
買完仲要行返過去撘車，完全拎到我想死囉......好 "支力" 呀 >__<

>>August 5, 2004 at 5:48:46 PM GMT+8

2004 年 8 月 2 日 星期一 【晴】

上個 weekend 超級勁 "支力" 呢，得到係......
今朝唔知醒囉！成 0815 先起身，又打的.......

今日淨係整個 E-Shipper 整左我大半日，聽日又繼續.....
跟住夜晚仲要開會，慘喇......轉唔成兩星期開一次呀 v__v
2000 走人之後去左 I.T. 行睇鞋，點知全部最大都 38 囉......激死！
之後走左過隔離 AP 行，買左條勁靚既頸鍊，呵呵~~~

今日返到公司偷左0的時間整埋本 Camp Book，好趕！
希望趕得到整得佢靚靚啦......話時話，開始有0的擔心......
唔知呢，近排覺得自己有0的問題咁，可能係太緊張啦......
話晒今次都係自己第一個 hold 既 "大" Programme...... *~*
不過好彩拍兩位同事攪嗟，哈 ~ 希望攪得順順利利啦！

>>August 3, 2004 at 10:49:25 AM GMT+8

2004 年 8 月 1 日 星期日 【晴】

尋晚唔覺唔覺咁訓左，近來真係 "支力" 得很！
今朝唔係 Hollie 打唻真係唔知發生緊咩事囉......
加上最大既問題係，佢唔打唻我一定唔起身 :P

中午時分同 Hollie 去左 Regal HK 食 Lunch Buffet......
佢0的野都 ok 喎！不過好明顯我地食得唔抵啦......
因為我地用盡力都唔係食左好多野，已經滿足到想死~~~
食完飯之後要去周圍行下，因為要消化一下！

我地行到 1545 左右就散喇！之後過左紅磡火車站......
等埋小時、曦雯 & Louisa 再入大尾篤做 Site Visit......
熱屎辣辣的......走既時候我地去左食富豪雪糕呢，正！
唔......希望下星期我地個 JU Camp 攪得順順利利啦！

離開大尾篤返左出旺角，本來諗住去教協......
點知去到先醒起今日收 1800，我去到係 1840 囉......
勁白痴囉！冇得買野，然後就去左撘車返屋企喇......

近排唔知係唔夠訓定精神緊張，頭痛得要死......
仲要成日都好 "支力" 咁！我好想抖下呀...... >__<

原來呢......我曾幾何時都俾一堆人討論過架！哈哈！

>>August 2, 2004 at 12:02:42 AM GMT+8

2004 年 7 月 31 日 星期六 【晴】

今日...難得一日俾自己「休息」既日子，要好好珍惜！
可以休息其實只係因為唔使做紅會野，超難得......

本來今日下晝要上 HQ，整埋個 Camp 0的野......
但係因為冇搵到人整，所以決定唔整喇......哈哈！
於是放工同 Dor 去左元綠食飯......勁滿足 *o^
食完飯逛左逛海防道，然後過左九龍塘 join 叔叔......
入粉嶺去奶奶度，唻緊兩個星都有 JU Function 去唔到呢！

離開粉嶺去左探 70X 返出唻，初頭狂玩電話......周圍影，正！
撘到中途就訓左覺喇，本來0係德福落，點知訓到牛頭角囉......
嚇醒左即刻飛落車，卒之攪到要行返去德福！哈哈......好似夢遊咁 :P

去德福轉左個圈買左0的野，再落淘大又轉左轉......
然後就買左吉野家返屋企食喇！難得的一日寧靜日......
返到去食完飯我仲睇埋《天作之盒》添！不過呢......
唔知係咪我對呢套戲既 expectation 太高，我覺得唔好睇囉......
仲有又唔係想像中咁喊，都喊得唔夠爽既......唔~~~~~~

>>August 3, 2004 at 9:49:26 AM GMT+8

2004 年 7 月 30 日 星期五 【晴】

今晚放工上左 HQ，聽 YFAI 個 Talk 呢......
我地上到去循例喧嘩一輪，然後 1915 先過去......
過到去先知原來個 Talk 係開 1900 架！噢......

今晚個 Talk 主力係教 & 俾我地試個 Pocket Mask & BVM......
可惜的......我隻手唔夠力，次次都漏氣囉......唔高興 v__v

2200 鎖門走人，然後我地一的五人落左黃埔食野......
呢五人包括：Dick、嘉豪、Carrie、凱詩 & 我......
我地去左新發，坐左冇耐 Tracy 又唻 join 埋我地呢！
中途嘉豪返左屋企，然後拎左佢歐遊0的相俾我地睇！
真係好高興啊佢，自由行左歐洲一個月，只用左二萬......
大家都覺得，如果俾我地其他幾個人咁去的話......
可能得到0個二萬蚊呢，係一個星期已經冇左 -.-"

我地傾到 around 2330 先走呢，唔......如果聽日唔使返工就好喇！

>>August 3, 2004 at 10:07:07 AM GMT+8

2004 年 7 月 29 日 星期四 【晴】

今晚係唔多國既國宴舉行日，不過呢......
其實都係今朝先約實既，哈哈......好勁呢我地 *o^

放工即走左落黃埔，本來話去蔡瀾美食坊***食架......
但係後尾我地去左 Pizza Hut 呢！試左好多新野......
一路食一路傾，傾到 2100 就攪掂喇！哈哈...... :P
犀利的......埋單圍返每個人都唔使 $50，好抵呀！

享用完晚宴我地去左黃埔號睇《太極旗飄揚：生死有情》
可惜國師、睡醫同大豬之前睇左，所以得返我地 10 個......
去到勁高興，大家又不停咁影相囉......好似返番韓國咁......
我地有0的人仲買左佢 set 好靚既東東呀......好正好正 *o^
而套戲呢，好睇！雖然好多打打殺殺，但都有幾多反思位呀......
一早俾人批死一定會喊既我，初初都冇事架......
最後當然逃唔過啦，唉......吹水國師餐飯呀......冇喇冇喇......

睇完戲已經 0030 喇，其實都差不多啦！卒之呢......
我又同老點公公 & 和番郡主一齊打的返屋企......呵呵呵呵~~~

今日之最......正！一豬忠告：戲院場內嚴禁哭泣，違者將被廁紙捲身！

***註：吏部上書幫人改左新地名叫「蔡瀾工作坊」囉 -.-"

>>August 1, 2004 at 11:50:16 PM GMT+8