2004 年 10 月 22 日 星期五 【微冷】

哈哈...等左兩日又放假喇！好野 *o^
今日係咁勁訓，訓到 12XX 先起身......

起身慢慢 hea 下再洗個頭先出街，15XX 出到旺角.....
又走左去教協買買野，另外仲掃左其他靚野俾自己 & 朋友仔~~~
買完野上 Head，因為今晚約左韓國團友傾 YLT RC Night 呢！

今晚好勁呀我地！係由韓國返唻之後第一次齊人呀！
哈哈...... 13 點0係晒度！好興奮啊 ~~~ 今晚終於叫做傾好左......
希望0個日會好好好成功啦！另外今晚有喜事呀，就係呢......
今晚小丹子正式被冊封為丹貴人呀！好野！啪啪啪啪啪啪！
我地開完會隨即就開生日會，今次既主腳有唐跳 CHI、小丹子 & 皇上！
後半部份就係「丹貴人冊封大典」喇，我地仲送左兩件紅袍俾佢地呢！

冊封大典過後大家分左三架的落左新路城繼續狂歡，勁興奮！
一開始大家不停咁食食食，食完就開始分左兩組......大家輪住玩！
第一組當然係唱歌組啦，而第二組就係百萬富翁組喇！哈哈......
我地呢班人每次去唱歌都必玩佢0個度個百萬富翁架！今日當然一樣啦！
個個都玩得勁開心囉，因為目標係玩爆佢嘛！有一舖差0的成功架......
可惜衰左最後一題，好可憐！玩既期間......有個笑話......
話說有一題係問魚魚題，問題係：以下邊條係淡水魚？答案係鯪魚。
睇畢之後我就問喇：「點解鯪魚係淡水魚既？」得到呢....
係一豬答我：「因為豆豉話我知囉！」囉！超攪笑啊 ~~~~~~ *o^

今晚真係好開心呀！好難得我地咁齊人，要好好珍惜今晚一聚......
不過可惜的皇后姐姐今日放左飛機啦！如果唔係應該仲好玩！
唻緊下次再齊 13 點......唔知會係幾時呢？好期待啊~~~~~~

>>October 25, 2004 at 1:03:12 PM GMT+8

2004 年 10 月 21 日 星期四 【微冷】

今朝呢，同尋日一樣......哈哈！好！
聽日放假喇！今日唔願郁囉 Sor......

放工約左叔叔去 123 換咭，等左好耐終於換到喇！
但玩野的佢早唔響話唔使俾返舊0個張佢囉......
攪到我地特登走落去，佢個 @#%*(%^&$(#$(# 丫......

我地換完咭之後落左旺角，先上教協......
掃左少少貨再續埋張證~~~ 然後去左全日食食晚餐呢！
嬸嬸、姐姐 & 姐姐男友都有唻......佢0的野食都 OK 喎！
唔錯唔錯！食到我地勁勁勁滿足囉 ^___^ 可以去試試喎~~~

興奮的！尋日得知我好恨睇的 04 拉闊壓軸 ~
李克勤 X 容祖兒......有得睇呀！好野 *o^

>>October 23, 2004 at 9:05:29 PM GMT+8

2004 年 10 月 20 日 星期三 【晴】

放假後第一日返工，完全唔願起身囉......
好明顯因為星期五又放假，Holiday Mood 極強！

返到公司 70 幾個 Unread mail，都算係咁喇 ~~~
幸好今日老細冇返，所以可以空閒0的！趁有時間......
今朝睇晒各方好友既日記，睇到皇后日記既時候......
得悉佢用左我個名去做某0的野，哈哈......勁喇......
今次我仲唔 "才羅" 正牌嗌佢做「姐姐」丫喇？嘩哈哈！
隨即 10XX 同佢講電話，講講下有怪事發生呢......
話說姐姐無啦啦收到個神秘人既 SMS，內容係一個無聊笑話！
但奇怪的係佢地之後依然繼續互 SMS 對方，但難受既係......
唔識打中文既姐姐要我拎住個電話，話佢知0的字點打囉 -.-"
最終佢以一句「我盡力而為。」嚇窒左人地呢！勁喲！

放工，因為冇即閃而俾人 MSN 捉住左！最後 184X 先走......
之後0係地鐵站等埋皇后姐姐同馬雞魚一齊落旺角，去唱歌......
我地安頓好之後即刻瘋狂嗌野食，叫到張檯都擺唔晒囉......勁！
食到尾馬雞鹽都唻埋同我地一齊玩，佢到步之後有兩項重要任務：
(1) 食野 → 情況同我地到步後完全一樣，唔同既係......佢0的野食係 ready 既！
(2) 唱歌 → 唔知點解，佢唱親咩歌大家都可以將佢同 SA 扯上關係的......
全晚最令人「感動」的係《有人》呢！0係佢今晚獻唱既時候......
姐姐問：「乜有人點有人咩？」妹妹答：「而家咪有人唱有人囉！」
另外，皇后姐姐仲誠邀佢 29 號返 HO 獻唱！到時就有人唱有人俾有人聽喇！

我地玩到 2300 就埋單返家喇！雖然好 "支力" 但超滿足呢...... *o^

>>October 21, 2004 at 4:20:11 PM GMT+8

2004 年 10 月 15 日 星期五 【微冷】

嘩哈......勁呀！星期五喇！好野 *o^
期待已久呀對今日，因為......呵呵呵呵！

今日返工既時間過得 OK 快！因為少忙嘛......
雖然比預期遲左少少走，但都還可以啦......
離開公司約埋小丹子過 HO 開會，佢呢.......
買左芒果糯米飯俾我地食呀！好好味的 *o^

其實今晚個會呢，都少係去嗌交架......
因為同青島旅行社傾返我地韓國團既事......
大家都慶慶地咁啦，不過公公就少激動囉......
幸好最後佢地都肯認錯，如果唔係我怕俾人嘈死呢~~~

開完會，我地成棚人去左綠野先踪食飯，有......
皇太后、皇后、皇上、公公、朱豬華、小丹子、唐跳 CHI 同我，
之後 Bo Bo & Catherine 都唻埋 join 我地呢！好多人呀！
我地次次去到都不停喧嘩囉！雖然係嘈左0的......但好好玩啊！
食完大家0係度傾計既時候，傾傾下變左0係度睇掌呢......
原來......皇太后係丘相士唻架！好 "近" 呢！個個都睇晒咁滯~~~
大家對皇上既身世勁有興趣囉睇唻，尤其係佢既「婚後情」呀！
仲有，不幸的......因為「強」而令我成晚俾皇后勁串囉......
唔好忘記，除左我......仲有小丹子 & 唐跳 CHI 都係架！嗚嗚嗚~~~

>>October 20, 2004 at 12:36:08 PM GMT+8

2004 年 10 月 14 日 星期四 【晴】

尋日放左半天假，訓夠仲要尋晚都早訓......
今朝都竟然唔知醒起身，又冇左 $80 的士錢喇！
不過呢個月都已經有進步喇.....撘少左好多的士~~~

呢個星期好奇怪， 1 係就冇乜野做......
1 係呢......就 1次過咁成堆堆埋唻，唔使錢咁 >__<
但幸好日日都可以準時收工嗟！哈哈~~~

今晚又放工即閃，即去買 Joey 隻新碟......勁靚！
等左勁耐喇！終於都出喇好野！呵呵呵呵~~~
買完碟返左德福搵媽媽食飯，去左 Le Fauchon Colour.....
佢0的野好 OK 喎！我地食左個 2 人餐......超滿足！
食完再行左陣就返家喇，最衰我對鞋玩野啦......

期待著星期六呀！好想抖抖......

>>October 15, 2004 at 5:32:04 PM GMT+8

2004 年 10 月 13 日 星期三 【晴】

心情唔靚，做乜都提唔起勁......
返工做野甚至連行街 ~ 乜都唔想做唔想理！

今朝扭左一輪都唔願起身，於是決定放自己半天假！
醒下訓下攪到 1230 先起身，快快攪掂就出走人喇......
出到尖咀買左個包包做午餐，又開始努力工作......
不過乜冇心機啦，唉......如果日日都可以返 4 個鐘就好喇！

放工即閃，約左姐姐去睇禮物俾三家姐......
睇完之後去左壽司亭食飯，哈哈......超攪笑囉！
兩個都嗌緊窮嗌冇錢但走去壽司亭食晚餐喎......
我地叫左四碟野，已經食到超滿足喇~~~~~~
食完飯走左去行街，消化一下......再去食雪糕！
本來諗住去 Haagen-Daz 架，不過佢 ASG 早收......
卒之去左 Ben & Jerry 食，個姐姐不停俾我地試食囉！
超滿足的我地 2 個人食左 3 個波囉！好美味！

食完雪糕就返屋企喇！因為要趕返去睇 Rose Red......
今集尾佢地去到 Rose Red Garden 喇！哈哈......
下個星期開始，一定超好睇啊 ~~~~~~

>>October 14, 2004 at 1:05:55 PM GMT+8

2004 年 10 月 12 日 星期二 【微冷】

黑左一日，今日心情依然唔太好......
算把啦！我唯有寄望下星期會好轉......

今日 YY 打俾我，我 AE 0個度衰左喇......
唉......有0的唔高興！不過算啦......其實都預左！
有得 2nd In 已經係一個 bonus 喇！得唔係必然既！
而家......唯有睇下 ENTD 個 PE 諗唔諗得過啦......

下週目標：換左屋企部電腦，今次我一定要講得出做得到呀！

>>October 14, 2004 at 11:06:02 AM GMT+8

2004 年 10 月 11 日 星期一 【微冷】

又到唔願返工既星期一，好勁的 0715 起左身！
不過一出到尖咀即 "lai" 屎囉，0個刻超想嘔......
晨早流流攪0的咁既野，心情 & 運程即刻 down 晒！

放工開會心情都冇，難得的今晚 1845 散會......
即閃，閃返屋企變黑人！冇心情食飯.......唉~~~
卒之等其他人走左之後狂食雜食，哼......仲唔肥死？

>>October 12, 2004 at 4:52:03 PM GMT+8

2004 年 10 月 10 日 星期日 【晴】

經過尋日一日勞碌，返到屋企攪到 02XX 先訓......
極 "支力" 的訓到今日晏晝 13XX 先起，雖然好滿足......
但明顯訓得太多，攪到勁頭痛 & 勁 "支力" 囉......

起身食左0的雜食，然後約左師姐去花園街行街~~~
行左兩左個鐘左右，飲左椰青食左三寶，超勁滿足！
行完街上左 HQ 做野 & 開會，今日勁多會開......
SL(T) Mtg、HSL Mtg、ASL(F) Mtg、KC-S DM、DO Mtg......
仲有我地區 YUT Mtg，個 HQ 超多人囉！勁喧嘩~~~
我地仲拎左 Dick 部 S700i 0係度玩迫爆鏡影相囉......
哈哈哈哈......好勁！超攪笑~~~ 真係爆左啊~~~

夜晚開 YUT Mtg，計埋我同 Steven 都係得 5 個人......
有點兒那個呢！唔......希望下次會有多0的人唻啦！
開完會原班人馬落左禮賓閣食飯，史提芬請！好野 *o^

雖然今晚食飯有人請，但係 "火羅" 左好多鑊囉......
全晚不停係：「係架咩？」一咩完就知俾人耍左喇......
問題好明顯在於因為大家既 Topic 係講 → Hunt Bird
(Hunt Bird 呢個 terms 係0係 aifaye 個 diary 度新學架！)
最頂癮既係......原來東南西呢個組合係可以 "上" 架囉！

食完飯本來諗住 join 同事們同姨姨既生日飯局......
但係由於勁滿足 & 勁 "支力"，所以都係返家算喇......
返家後收到婆婆送既家姐生日禮物，勁興奮~~~
係一對 Swarovski 既晶晶耳環呀！超級勁靚勁中意 *o^

>>October 12, 2004 at 4:53:32 PM GMT+8

2004 年 10 月 9 日 星期六 【晴】

晨早起床，洗頭執樣然後出發......
今日早左出門口，依然堅持撘 601......
撘撘下仲同嚴嚴玩「Hello」囉！哈哈~~~

0955 到達 HO，好似 "mun" 左少少......
今日呢，比起星期四0個日 casual 少少......
雖然個氣氛好似好0的，但係實際上......
我覺得自己表現爭0的囉！加上經驗問題......
唔知呀！感覺怪怪的......都係唔好諗咁多~~~

攪掂之後上 Sandy 度玩左陣先走，返出旺角......
搵埋姨姨一齊上 HQ、食飯，然後就開始 prep UO Mtg 既野喇！
今年 UO Mtg 我地區少左 UO 唻，仲以為會舒服0的啦......
點知一樣講到口水乾，好彩既係......今年換得切衫開 DSM 呀！

DSM...... 又係一年一度俾大家不停喧嘩既大會~~~~~~
有人升職、有人拎獎，大家都會好開心咁不停大嗌......
由於今年受牽連既同事太多，所以除左食飯之外......
仲有0的要升級去埋旅行添！而全場最勁既就係......
Dick 要請去北極，而德仔要請去南極囉......勁好笑~~~
高興的我都有份 "才羅" 獎，但竟然係要請去澳門囉 -.-"

開完 DSM 已經接近 2100，大家隨即0拿0拿聲落雅景......
打邊爐！我地 total 包左 5 圍檯，都咪話唔勁呀 ~~~~~~
不過大家已經由以往既分黨坐變左今期既分區坐囉......
散場既時候 23XX，之後同小時、凱詩、翠絲 & 芷萱一齊走......
落左黃埔杏花樓食糖水，我食左個雪丸黑糯米......勁正！
食完就各自返歸喇！今日......好好好 "支力" 呢！要好好咁抖下呀~~~

>>October 11, 2004 at 4:30:16 PM GMT+8