2004 年 11 月 11 日 星期四 【微冷】

今晚約左媽媽去食 buffet 呢！不過有段小插曲發生左~
話說大家溝通既時候都以「美麗華樓下」唻稱今晚食飯既地方......
但點知，行到商場門口先發現我地所講既地方原來係唔同架......
佢講既係：美麗華酒店樓下；我講既係：美麗華商場樓下 ~ 超攪笑囉！
最後，我地去左 Todai (即我講0個間) 食，因為 book 左嘛！
不過下次有機會都要去返酒店樓下0個間試呢，佢係燕窩 buffet 唻架！

一路聽周圍既人講 Todai 0的野好正！幸好去到冇令我失望！
果然係好正！尤其佢0的壽司呀、魚生呀、蟹呀、甜品呀......等等等等！
雖然係貴左0的，但真係抵佢有咁多客喎~~~ 我覺得~~~
食完超滿足咁離開......有機會一定要去多次呀！

>>November 16, 2004 at 4:54:05 PM GMT+8

2004 年 11 月 10 日 星期三 【晴】

好高興的今晚約左 Elva & Veron 食飯！
放工先 join Elva 去周圍逛左陣，期間睇中左個袋......大鑊！

行完走左去 Fat Angelo's，坐左陣 Veron 都唻埋！食野~
我地只係叫左兩個意粉，但都食到扒左0係度囉......
另外今晚傾左好多計呢，得悉左一個舊同學既 "惡行"......
不過算啦......睇唻呢個時候都係冇得救架喇！仲可以做咩得架？

哈哈......好開心！今晚收到 Veron 送既生日禮物......
係一條 Benetton 既頸巾呀！好 colourful 的！好鐘意啊 *o^

>>November 16, 2004 at 4:53:37 PM GMT+8

2004 年 11 月 9 日 星期二 【微冷】

放工同班同事落左旺角，去訂波衫......
因為佢地遲0的要返深圳同 SZX Office 0的同事鬥過呀！

今晚一行 7 人去，其實本來得 6 個架咋......
行去地鐵站時見到對面馬路既 Stanley，咪打埋俾佢一齊去囉！
呵呵~ 另外仲有 Samuel, Cherry, Winson, Cyril & Freddie 呢！

落到去攪左成粒鐘先攪掂，之後仲要買埋波......
原來要攪隊足球隊都幾多野要準備架喎，真係估佢唔到~
買晒野之後我同Cherry, Winson & Cyril 去左美而廉食飯......
環境雖然一般，但佢0的野食都 ok 呀！價錢都好合理！
不過碟頭係超級勁大囉！完全可以兩個人 share 呀！勁~~~

>>November 16, 2004 at 4:53:03 PM GMT+8

2004 年 11 月 8 日 星期一 【晴】

經過尋日一日既操勞，今日宣佈投降！

朝早起身既時候仲諗住爬返工，但成個人酸痛到極點......
卒之...繼續訓！訓到差不多兩點先起身，依然勁酸 v_v
咁0岩媽媽又放假，同佢上左中秀食 tea 再掃貨返屋企.....

下晝0係度 hea，1730 又走去再訓過......
冇去食飯，21XX 先訓醒，但有飛碟食~~~ 哈哈！
食完整埋 Club Photo 0的相，再唔整佢又會 delete 晒我0的相呢！

>>November 16, 2004 at 4:51:57 PM GMT+8

2004 年 11 月 7 日 星期日 【晴】

一早 0715 起身，原來少雯已經打左 5 次俾我......
相距出門口時間得返 15 分鐘，仲唔拿拿聲攪掂走人咩~
幸好出到去都早到左 5 分鐘，等埋嘉豪去左某茶記食早餐！

食完早餐上 HQ，今朝係 Com Care Briefing 呢......
勁多 member 出席，好乖！個 Briefing 1130 完，我地執埋野就即走喇！
跟住的左落旺角大球場去 EU Parade，那個可惡既的士司機唔識路又唔早講......
行錯路攪到我地要自己行返過去囉！大家著住套 U 又熱喎！真係丫~~~

今日我區有 3 團 JU 都去左做 working member 呢！
主要負責獻花俾0的公公婆婆！佢地真係好得意架......
好中意佢地！個活動 17XX 完，換完衫周圍玩左陣就閃喇！
之後同少雯、嘉豪、愷盈 & Louisa 去左麥當當小歇一會......
歇完本來諗住去 Louisa 屋企訓返陣，因為要等齊人今晚做「萬千星輝賀豪慶」~~~
去到 Louisa 度點知佢冇帶鎖匙，之後改變策略......剷左上 HQ 訓！
訓到 2100 阿燕開完會就走喇，落左尖東巴西燒烤「萬」喇~~~
唔知係肚餓定係佢既野食質素好左，我覺得今晚0的野 OK 好味喎！
食到 23XX 就埋單走人喇！好好好 "支力" 呢......


今日笑話一籮籮，全因大家既聽覺 & 諗野方向出現問題 ^___^

話說0係旺角大球場臨走既時候聽到廣播，係老點公公把聲~
佢話：「麻煩車牌 XXXXXX 既車主，請你出唻 "洗洗" 架車......」
我仲諗：「唔通佢地整污糟左人地架車？做乜無啦啦叫人出唻洗車呢？」......
點知原來係人地架車阻住左大會架車，佢叫人地出唻 "駛駛" 佢囉！

的士車箱中講開某位仁兄早前玩植髮......
突然愷盈問：「乜阿邊個邊個0的髮之前 "luen" 架咩？」

食飯時大家講緊近排好興既韓劇熱潮......
阿燕推介：「我覺得《開朗少女》少女好好睇架......」
佢講完之後，壽星問：「《波浪少女》？咸片唻架？」......

食到尾段大家講開減肥野，講到通淋巴......
壽星發明左一種新既方法通淋巴，就係用廁所泵唻通囉！好勁......

>>November 16, 2004 at 4:51:26 PM GMT+8

2004 年 11 月 6 日 星期六 【晴】

今朝好勁，竟然 0745 起左身！呵呵***
雖然今日精神幾 OK，但返到公司都好呆囉......
做野做到 12XX，開始同 Dor & 哥哥周圍搵野食解悶......
好不容易先等到 1300 走人，點知有人想攔我去路~
哼~~~ 我當然冇理佢走左啦！哈~~~

放工去左唯一買炒野上 Head 食，點知佢即叫即炒......
我等到成 133X 先有，上到去剛剛好 1400......夠鐘上堂！
今日呢班 YFA，班學生都算聽話...好彩嗟 ^^"

勁"支力"的......我準時 1800 就放學喇！
落堂後執返堆 U7 本來想做，但係太"支力"......放棄左~~~
喧嘩左陣之後，藍藍同阿斌上左唻帶【捐血寶寶】去旺角大球場...
當我誠邀佢地拎寶寶出唻俾我睇既時候，有人不幸遭笠......
雖然遭笠，但受害人仲好好咁擺左幾個唔同既 pose 俾我地影相！

玩完一輪，等埋芷萱一齊落左旺角搵飯食！
貪新鮮的走左去朗豪坊八卦一下，超級勁多人囉......
走到入去，同想像中有0的出入呢！如果再大多少少就正喇！
轉左個圈之後，我地走左去禮賓閣食飯......又係超勁多人囉！
我地兩個今日都係第二次去，但相比起第一次......
真係好大分別囉！今晚係 full 晒架......完全估佢唔到 -.-"
我地坐低等左成粒鐘先有得食囉！好無奈.....

22XX 先食完餐晚飯，之後上左 i.t. 散左陣步......
行完就去撘車返屋企喇！行行下又見到 Becky 囉......呵~

>>November 16, 2004 at 4:50:15 PM GMT+8

2004 年 11 月 5 日 星期五 【晴】

換左部腦成個禮拜，終於都叫攪掂晒喇！
裝返 Bluetooth 再整返好個連線問題，原來又係條線出事囉 -.-"

今晚放工0係海港城見到鄭嘉穎呀！
繼上次0係電視城見過佢之後今次係第二次喇！
佢好似瘦左 & 黑左，冇上次見佢咁靚仔呢~ 嘻嘻......

返到屋企，一口氣 add 左勁多今年既 com.，好犀利......

>>November 16, 2004 at 4:49:12 PM GMT+8

2004 年 11 月 4 日 星期四 【晴】

呢個星期放工冇乜活動，但個人都好"支力"呢...
明顯地係吽病！哼......我一定要好好撐住！我要創造奇蹟！

難得的放工返左屋企食飯，不過有少少後悔......
因為真係好煩囉！不過有度好既...因為今晚換返部 T630 返唻喇！
卒之都頂唔順部 E608，次次撘車講電話都超級勁窒囉~
有人叫我換 6230，不過唔喇...因為想等 7270 呀！

>>November 16, 2004 at 4:48:36 PM GMT+8

2004 年 11 月 3 日 星期三 【晴】

打完爐返唻狂 send e-mail，呵呵...總算做左0的野！

差不多 0400 先訓，今朝竟然可以 0800 起身......
哈哈哈...極速攪掂所有野仲趕得切撘 0820 班車添！勁！

今晚放工即閃左返屋企，難得冇人0係屋企嘛......
仲唔即刻跑返去咩？趁今晚冇人煩既情況下攪埋個 homepage......
好滿足的攪掂 90% 喇！好野！繼續努力 ^^

今日見到 SE x Hello Kitty 既電話 Promotion......好正呀！

>>November 16, 2004 at 4:48:00 PM GMT+8

2004 年 11 月 2 日 星期二 【晴】

返工繼續忙，其實呢...如果一路忙到 12 月尾我又唔介意呀！
還掂而家都係等走，忙住等總好過日日0係度吽丫......
不過暫時估計呢個「忙」都只係會維持呢個星期囉......

放工想閃點知被叫左入房傾計，傾完即閃上 HQ 開 Service Staff Meeting ~
本來仲諗住 1845 上到 HQ，卒之成 19XX 先上到去呢......勁眼訓！
開會又乜冇人，只係得 Amy + 嘉茵 + 我都已經嘈到咩咁囉......
少雯明顯地好無奈啦！尤其當我地0係度講「派烏龜」既時候 ^^'
今日又分左好多 MS 呀！哈哈...又要做野喇！

開完會留左0係 HQ 打電話俾 member，打到 2230 先走~
之後同少雯落左旺角 join 嘉豪去左麗都打邊爐！呵呵...好高興！
我地由 2300 打到 0100 先走，好勁呀！仲好眼訓添......

>>November 16, 2004 at 4:47:28 PM GMT+8