2005 年 2 月 3 日 星期四 【晴】

呢兩朝好叻叻，係一個好開始，繼續努力 *o^

今日繼續...俾燒指數有成 103 呀！
發現某度0的人越唻越廢，唉 ~ 冇得救呀！

呢個星期忙到扒，今朝仲要攪埋 Drill Comp. 0的野，
以前呢，寧願做會野都唔想做公司野，今期呢......
奇怪的掉轉左囉！但我對公司既歸屬感依然有減冇增架~
我真係......係時候要諗下自己既發展喇......

今日 MSN 同哥哥講，我等緊某個電話打唻......
爆笑的佢過左陣竟然 133 扮某人打 "某個" 電話唻囉 -.-"
我一見電話響即望住佢，再望望佢個衰樣......
即刻知道發生咩事啦！超爆笑！但係 ~ 好感動囉！

今晚終於將隻豆豆梳化送左去德民......
雖然超大舊，但坐落都幾舒服喎原來！呵呵~
另外終於見到 Circle 喇！佢好攪笑架！OK 得意啦......

>>February 23, 2005 at 11:14:49 PM GMT+8

2005 年 2 月 2 日 星期三 【晴】

今日開始第二個行動，骨呀！

今晚放工上左 HQ 執 Drill Comp. 物資，
尚算 OK 啦！未夠 2000 已經閃左 ~ 唔想久留！
食完飯返屋企努力攪返好部電腦，用得返喇......
哈哈 ~ 希望今次可以用耐0的啦......

今日俾人燒到 105 度呀！唉 ~ 燥死左！
跟住仲得悉一個殘酷消息，好慘的冇人同我頂喇......

>>February 23, 2005 at 11:11:44 PM GMT+8

2005 年 2 月 1 日 星期二 【乍雨乍晴】

今朝 SL 依照唔知醒，之後走左好多轉：
觀塘 → 中環 → 尖咀 → 中環 → 觀塘

今晚睇左 The Phantom of the Opera 喇！
仲要係去 Palace IFC 添，大滿足喇實在！好正呀！

近日瘋狂諗野，終於肯為自己打算一下喇......
今日開始亦有所行動呢！我要努力咁維持住呀 ^_^

>>February 23, 2005 at 11:06:18 PM GMT+8

2005 年 1 月 22 日 星期六 【颳風】

今日 weekend 又開始要做紅會野喇！
放工先同 Dor 去左元綠食 Lunch！呵呵~
食完佢就去上堂喇，我過左 Habour City 行街......
行行下見到 BTS Brenda 添！佢瘦左超多呀 *o*
如果我都可以咁就唔錯喇...... (dreaming~)

行完街街上 HQ 開會，傾 JU 遊戲日......
除左我仲有文老師、曦曦、秀雯，仲有 3 個 YU 妹妹，
明顯地我地又係咁發癲囉，不過估唔到原來秀雯都係咁架......
幸好，開左兩個幾鐘個殼已經執得 6677 喇！繼續努力！

開完會留左0係 HQ file 埋0的 0405，唔好講笑......
真係好好好好多囉！好彩上次分左團 "dap" 好咋~
如果唔係今晚實有排攪囉！呢 4 個月既 0405 都 file 好喇！
哈~~~ file 到 1900 走人，要做鎖門人呢！

夜晚約左媽媽落淘大，去左紅螞蟻食飯~
食完再逛左陣，之後就返屋企喇......
佢竟然怨我叫左佢出去食飯，以致佢......
睇唔到《皆大歡喜》大結局囉......會唔會先？

>>February 3, 2005 at 11:13:39 PM GMT+8

2005 年 1 月 21 日 星期五 【颳風】

哈哈~ 終於食晒藥喇！但係一冇藥食又嗚過囉 -.-"

臨放工既時候打俾皇后同佢 confirm 下星期二晚既飯局，
講講下，佢問我身邊既人有冇係好人喎！我答佢：「有...王可欣囉！」
隨即佢就問喇：「你身邊既人喎！」之後，得到下面條 Formula：
皇后稱之為「妃」理論 (copy right by 皇后姐姐)

前提：我係王妃；條件：王妃係1個人；
假設：王妃身邊的人咪可以等如王妃；
結論：所以王妃是 1 個好人 (呵呵呵呵~ *o^)。

講畢，笑到我地兩個都癲左囉！講左咁耐..其實佢都係想我話佢好人之嘛！

今晚約左 Jessica 呢！放工即閃過左銅鑼灣，過到去佢未得~
所以我先過 Sogo 逛左逛，0係 Roxy 買左件我最愛既 zip up 衛衣呢！

同 Jessica join 左之後去左行金百利......
再過世貿做我地既例行公事 – 影貼紙相 ~ 好靚！
影完都成 2045 喇！本來諗住去 3/F 食韓國野......
點知佢要等成半個鐘囉！終是我地轉左陣返金百利......
去左間叫大觀園既舖頭，我地叫左個二人餐食......
0的野食唔太得囉，碟頭又超細喎！要成 $198 添......
超唔抵食呀，呢間野..即時俾我地 black list 左喇！

食完飯去左地帶搵舅父傾左陣計，再行埋我地就散喇！
下個目標係旺角同沙田呀！要快0的約喇~~~

>>February 3, 2005 at 11:30:51 PM GMT+8

2005 年 1 月 20 日 星期四 【颳風】

今日叫好返0的，隨即同 The Rock 既朋友仔聚~
我地真係好耐冇聚過喇！不過今晚都係唔齊腳......
聚腳地係前幸福樓，去打邊爐呢！可惡的，一打完即爆左粒痱滋~

今晚即上話題多多，發現原來我地個會.......
一直都有遵從我地個「使命」架！嘩哈哈哈... *o^

我個新名叫「英數」呀！不過有人話如果係呢個「素」會好0的.....

>>February 3, 2005 at 11:24:33 PM GMT+8

2005 年 1 月 19 日 星期三 【颳風】

食左藥 123 舊雲咁，本來今晚要過 WNTD 開會......
最後都決定唔過喇，陣間開開下訓著左就死得喇~

晏晝同皇后閒談左陣，俾佢話我成日病 -.-"
我咪叫佢俾0的抗體同能量我囉！點知......
無聊後得出 ~ 究竟我要能量牌抗體......
定係抗體牌能量呢？我地真係好無聊啊 *o*

>>February 3, 2005 at 10:46:18 PM GMT+8

2005 年 1 月 18 日 星期二 【乍雨乍晴】

大昏迷一日，攪到甩左人底冇去食飯呢！

>>February 3, 2005 at 10:42:43 PM GMT+8

2005 年 1 月 17 日 星期一 【颳風】

耳嗚左好一段時間，頂唔順......放工去睇醫生！
不過睇前同媽媽去逛左陣街，仲有翡翠拉麵小籠包晚飯添！
佢0的野果然係好味呢！食到我地捧住個肚咁走......

食完飯就返去睇醫生喇，好癲的我係 81 號籌囉..
不過好彩我坐住等，所以睇到第 7,8 個就到我喇！
醫生又話我耳水不平衡囉，點解成日都係咁...架呢？
我又唔潛水、又唔係成日撘飛機 ~ 唔通日日洗頭都關事？

>>February 3, 2005 at 10:39:48 PM GMT+8

2005 年 1 月 16 日 星期日 【微冷】

是日休息，全日食共訓......好大鑊！
今日睇左《阿孖有難》呢，同想像中有0的出入......
不過都叫 OK 既，睇 DVD 抵過俾錢去戲院睇囉！

>>February 3, 2005 at 10:34:05 PM GMT+8