2004 年 8 月 28 日 星期六 【雨】

好奇怪的！已經超早訓，但係都唔知醒......
得到咪又係打的返工，出到去再買左個麥早餐返去食 :P

好中意星期六，因為返半日好似過得快0的......
不過呢，梗係唔使返最好啦！但睇唻都冇乜可能......

放工過左新世紀同屋企人飲茶，然後入左粉嶺睇奶奶，
去到先知要無限期隔離，所以只可以0係門口擺低野咋！
極速完成任務，又出返旺角，見到 Green Box 有 Function......
原來係 I Love U Boyz' 囉！其實都唔明0的人究竟中意佢地乜......
行行下準備走人既時候撞見嘉豪呢，勁攪笑呀......
原來佢同 Tracy 兩姐弟又0係度行街街呢！受到魔鬼既引誘......
卒之我係冇上到 HQ 變左同佢地行街架......哈哈哈哈......
突然間我呢個下晝過得異常既充實呢！行左勁多地方......
新世紀 → Karrimor → 家樂 → FACESSSS → 海港城 →
最後一站去左星光行既 Starbucks 飲野！呵呵......勁滿足！

行完街其實我地夜晚約左食飯，同小丙媽媽預祝生日！
初初 book 左王子飯店，但係聽聞又貴又唔好食，所以唔去！
之後轉移去星光行北京樓，但最後為左方便理由......
我地返左黃埔食呢，去左 Tracy 屋企對面一間泰國菜館......
佢0的野勁得呀！價錢實惠味道又好喎，值得推介******
我地 20XX 食完開始閒嗲，勁笑勁嘈喧嘩到成 23XX 先走呢 :P

>>September 1, 2004 at 10:22:39 AM GMT+8

2004 年 8 月 27 日 星期五 【雨】

打唔成風，不過好似話仲會落多一個星期雨......
唔鍾意呢！唔鍾意熱屎辣辣既天氣、唔鍾意下雨天！
秋冬快0的唻就好喇！期待著啊...... ^__^

今晚難得的屋企冇人，放工選擇左返去......
本打算趕返去睇《楝篤神探》另一個結局......
點知撘左個幾鐘既 1A，成 1945 仲0係觀塘......
卒之咪睇唔到，0係中秀食埋個麥記先返去......

呢幾日好似有0的問題，今次自察覺唔到......
係人地話返我知囉！個人靜左、塊面黑左......

近排崇尚早訓主義，呵呵......繼續努力！

>>August 28, 2004 at 12:46:52 PM GMT+8

2004 年 8 月 26 日 星期四 【雨】

又作打風，本來今晚食飯又食唔成......
放工同 DOR 一齊打的，我返屋企佢上聯合......
想食飯冇食飯，未做《金枝慾孽》已經訓著左！

>>August 28, 2004 at 12:29:34 PM GMT+8

2004 年 8 月 25 日 星期三 【雨】

「假期」過後，"支力" 爆左......
今朝唔知醒，又的返工！破產喇 >__<

今日係秘密日，哈哈哈哈......好攪笑！
食左個超值午餐，所以夜晚可以去 Anytime...
食個勁既！好野！不過佢0的野食都 OK 貴喎~~~
食完飯睇左齣笑片，真係好好好笑的......哈哈......
本打算繼續下場去飲野，點知去唔到，唯有下次啦！

>>August 26, 2004 at 11:30:37 AM GMT+8

2004 年 8 月 23 日 星期一 【陰】

犀利的經過尋日既大特 "目訓"，今日好勁！
0係鬧鐘冇電既情況下都識自己起身，勁呀 *o^

又係五日半既開始，今晚仲要開會......慘~~~
不過今個星期好少少既，因為聽日拎左假嘛！呵！

放工照常開會，唔知開乜開到 1945 先散......
0係公司踱左成個 "字" 先走，好明顯係等 OT 啦......
離開公司落左花園街買拉炮聽晚玩，之後呢......
約左奶 + 腎去左新森林食飯，呢間野唔錯喎......
跟住又同奶0係度玩電話，佢換左 K700i 呀，好玩！
同佢地食完飯周圍蕩左陣就返家喇，好 "支力" 呢......

>>August 26, 2004 at 4:59:19 PM GMT+8

2004 年 8 月 22 日 星期日 【雨】

休息日 + 瘋狂聽歌日 ~~~ YEAH *o^

訓到 14XX 先起身，訓得多係會越眼訓架......
不過算啦！持住自己上星期訓得太唔好，所以......

難得的 Brunch & Dinner 都同家人食，超耐冇試過！
更難得既係今晚我竟然0係屋企睇電視......
(1) 係因為 19XX 開始上唔到網，電腦......冇得用！
(2) 食完晚餐 (Pizza) 要抖返幾鐘先可以訓覺......
於是呢，我咪睇左《楝篤神探》大結局囉......
之前冇乜點睇過，但我都覺得個結局好慘......
不過呢......但係又好似馬虎左少少咁囉 *~*

>>August 23, 2004 at 5:55:10 PM GMT+8

2004 年 8 月 21 日 星期六 【雨】

可憐的，今朝又唔知醒......唉......激死我喇！又唻 ~
當然得到又的返工啦，不過有 KFC 早餐食，好野 *o^

好不容易等到放工，好彩 12XX 既時候落左落街......
過中港城買船飛，雖然最後買唔到，但係呢......
有 Inty 陪我走過去傾下計玩下藍芽時間都過得快0的！

放工約左姨姨去唱 Lunch K，早排 K 癮大發今日終得治療！
不過把聲唔係好得，加上時間唔太夠，唉......唯有望下次繼續啦！

今日購物慾極強，Lunch 完畢落左 Muji 行...買左條裙！
之後再過 Festival Walk 繼續，不過冇收獲呢，算......慳返0的 $$$！
行完街過左第一城，今晚去舅父家開大餐，勁多野食......
食完超滿足，跟住唔覺意訓著左囉......訓醒就返歸再訓過喇 ^__^

>>August 23, 2004 at 6:15:38 PM GMT+8

2004 年 8 月 20 日 星期五 【雨】

自己起左一日身，今朝又......唉......越唻越豬喇~~~
最後撩媽媽一齊的返工，呵呵......好野！屈媽媽請！

今日...好似魂遊太空咁！冇乜心機做野......
放工之後上左 HQ，約左小時 & 曦雯開 JU Camp 既 E！
今晚我地都開得 OK 快呀，未夠 2100 就散會喇！

開完會落左尖咀搵黎主任 & 少雯食飯，去左無間道呢！
之後聽 Nana 講過話 OK，但自己就未去過。整體都唔錯......
最正係佢個豬骨煲呀！雖然好骨，但味道一流呢！正！
埋單都係位位 60 幾，值得推介喎！真係唔錯喲 *o^

>>August 23, 2004 at 10:03:40 AM GMT+8

2004 年 8 月 19 日 星期四 【晴】

撘左成星期的士之後，難得的今朝知醒起身喎！
撘巴士仲買埋早餐返公司都只係 0855 咋，勁耐冇試過！

今日呆下呆下咁，好不容易做到六點.......
下晝主力迫自己做埋份 Minutes，哈......攪掂！
1815 走人約左 Jessie 0係地台等......落旺角！
我地去左新世紀明將食飯 & 行街，大出血呀...佢！
我0係 Double Park 買左個好抵既袋袋呢......勁！
行到差不多 2200 就走喇！之後我返左屋企傾功課......
期待下星期二喎.....拎左假喇！希望夜晚個 Sharing 成成功功啦！

今晚屋企 ICQ 時 Inty send 左佢個新聞台俾我......
係喎！我都有一個架喎，等我 active 返佢先 :P

>>August 21, 2004 at 10:55:41 AM GMT+8

2004 年 8 月 18 日 星期三 【陰】

呢幾日天氣熱得要死，點解可以咁熱架？唔中意呀......
今朝又唔知醒起身喇！我應該一連撘左成個星期的士囉......
好敗家！再咁落去都唔係辦法......次次都咁講......唉~~~

今午呢，無啦啦收到個消息。本來有件事將會於年尾發生......
但而家佢將會變左半個月後發生......噢......好無奈喎！

幸好...苦完有甜，勁甜的今日仲有生日禮物收呢 :P
首先有表姨送既 agnes b 散紙包，好 lady 好靚的......
然後夜晚過左 HO 開會，收到少雯既一對 Monchhichi 公仔......
隻女既勁 cutie 勁似我，尤其係佢笑0個陣個樣啊.....呵呵呵 ~~~
另外呢，仲有豬豬華送既貓頭袋 + Hello Kitty 吊筆，超靚的唔捨得用......
收完禮物同佢地影過相，0係等齊人既期間「韓國組」玩拍戲，其實呢......
係將我地0係陸軍士官學校既某個情景拍返出唻，個個都勁笑囉！
拍完就開會喇！首先係報告事項，然後中場開始 KFC 晚宴......超勁滿足！
食完野執埋個 Rundown，然後我俾人呃左去廁所仲差0的去埋買野飲......
其實去廁既時候已發現有問題架喇，果然如我所料......哈哈哈哈~ 勁！
入返房即俾各人拉炮，之後見到由皇后姐姐 & 振振負責準備既生日撻......
但係有食前工作要做，就係要吹熄0的吹極都吹唔熄既蠟燭囉 -.-"
吹完蠟燭仲有香檳開添，好好玩呀！勁感動呢......好愛唔多國各位呀~~~
食撻期間仲收到唔多國臣民送既 Hello Kitty 簿簿呀，勁靚勁靚 *o^

開完 P 成 2300 先走，好開心、好感動、好滿足呀今日真係......
呢個 22 歲既生日，過得勁開心呀！我要活得越唻越好、越唻越開心！

>>August 19, 2004 at 5:35:02 PM GMT+8