2004 年 9 月 28 日 星期二 【晴】

一年一度既中秋節又唻喇！勁 "骨"......
有假放又有得早放喎！幾令人高興呢！

今日晏晝公司請飲茶，飲完返去 hea 多陣就走喇！
勁攪笑的 1500 冇乜人走，所以都係睇定0的先好~~~
卒之 1523 劉經理帶頭走人，呵呵......立即疏散！

離開公司逛左陣，再過埋又一城買埋飛先返屋企！
勁憎撘地鐵返屋企，加上今日排 Van 排到落麥記再過囉 -.-"
返到屋企超級勁 "支力" 呀！攤左都唔夠一個鐘俾人剷起......
夜晚難得的成家一齊食飯，食完返去洗左個頭洗左個白白......
再睇左陣金枝慾孽，然後就準備出去玩喇！哈哈哈哈......

今晚約左班西九既朋友仔出去玩，去維園賞燈呢！呵呵~~~
西九朋友仔們包括：史提芬、師兄、師姐、嘉豪、姨姨
約左佢地 2300，我撘巴士出去點知落唔到地鐵站囉......
封晒路呢！0係等佢地上唻既期間，仲撞見 Michelle & Nick 添！

>>October 2, 2004 at 10:07:51 AM GMT+8

2004 年 9 月 27 日 星期一 【晴】

真係好！等左勁耐的終於等到呢個星期......
有成兩日假呀！開心到丫......嘩哈哈哈......

幸好 Holiday Mood 極強既時候今日都過得 OK 快......
初初仲諗緊會唔會有中秋優惠，夜晚唔使開會......
最後當然冇發生啦！本應平時 1900 開完既會......
今晚開到成 1935 先收工囉！哼......死都坐到 2000！

離開公司同 Codi 走左過 Habour City 食雪糕......
今次先食個一送一，下次仲有個二送二......呵呵 *o^

>>September 28, 2004 at 10:09:29 AM GMT+8

2004 年 9 月 26 日 星期日 【晴】

好 "近" 的今朝起到身，呵呵呵呵......
上到 HQ 極速換衫，然後開會開到成 1330......

開完會換過衫落左尖咀搵姐姐食飯 & 行街，
我地去左 Fusion 食 Lunch-tea 呢！好美味 ~~~
之後去左行街街，買生日禮物俾公公......
買完野就過馬鞍山喇！今晚做節 & 同公公做生日呢！
最勁的係我地0係間酒樓 stay 左成兩粒鐘囉......

>>September 27, 2004 at 6:10:26 PM GMT+8

2004 年 9 月 25 日 星期六 【晴】

尋晚執執下野訓著左.....勁唔覺意囉！
成晚0的銀包紙巾陪住我訓，一路到今朝......

今朝起身既時候已經差不多 1000 喇......
之後媽媽同我講，原來佢地叫左我好多次......
但 sorry 囉，我真係一次都唔知呢，失敗 :P

起身洗頭換衫過 HO 聽 Briefing，本來約左少雯食飯......
點知呢，黑人憎的 601 塞車囉！卒之食唔到飯......
變左少雯買麥記過 HO 一齊食呢！辛苦晒啊......

個 Briefing 開到 1630 左右完，之後飛左返西九......
約左韓國既團友開 WKD YLT RC Night 既 Sharing......
可惜的今日都係唔齊人呢！噢......唔高興啊~~~
最後都唔係傾左好多野咋，可惜可惜~~~

傾完野我同一豬、乜都 & 小丹子去左食炒年糕......
之後朱豬華都唻左 join 我地呢！勁高興 *o^
今晚既行程同星期三完全一樣，食完年糕又去左
Knutsford 間 Starbucks 坐，飲完野一豬先走......
我地四個女孩子去左行街街呢，勁多靚野......
好多野都好想買啊！如果快0的出糧出 Funding 就好喇~~~

>>September 28, 2004 at 10:02:16 AM GMT+8

2004 年 9 月 24 日 星期五 【晴】

好野！又到星期五，今日勁高興......
因為實際返半日工咋，下晝出去聽野......

食完飯 hea 左陣就過左 Quarry Bay 聽 Talk......
上左 JobsDB 個 Office，大公司果然係大公司......
個 Office 勁靚，仲要有海景，不過唔係維港囉......
個 Talk 聽左一個鐘，但呢個鐘都幾難過呀......

聽完 Talk 拎左 Permission 唔返公司，哈哈~~~
閃左再撘巴士落銅鑼灣行街，其實一心諗住搵鞋......
搵我對 Birkenstock 單帶粉紅 / 橙漆皮鞋，可惜......
依然搵唔到囉！唉......睇唻搵到既機會都幾微喇！
搵唔到鞋去左瘋狂買耳環，買左成 300 幾蚊囉！
0係呢個糧尾既時候仲敢買 300 幾蚊野，真係未死過~~~

買完野初初仲諗住搵人食飯，不過最後呢......
當然冇咁做到啦！為左唔好再駛錢，所以我返左屋企！
難得的星期五晚上會返屋企食飯，不過返去都係食麥記咋！
食完0係度玩電話 & 電腦，因為同人換左電話 (E608)......
所以要好好研究一下點用 & 點玩，轉左好多歌歌落去喇！好野 *o^

>>September 27, 2004 at 7:51:13 PM GMT+8

2004 年 9 月 23 日 星期四 【晴】

今年中意稱自己為「新同事」呢！哈哈......
離開左 PMT 轉投左 Service，今晚第一次開會~~~

開呢0的 Activity Post 既會其實個個都差不多......
幸好今晚呢個呢，聽得明既比我想像中多好多......
但聽返唻個 Workload 呢，好似比我想像中都多好多喎！
有少少擔心呢！擔心自己會做唔唻 & 冇時間做呢......

開完會成班同事落左沙嗲王食飯，好犀利的~~~
我地 7 個人叫左成 11 碟野，仲要食得晒啊！好勁！
最犀利既係，我地呢餐飯用左 45 分鐘都冇......強！
食完飯同師姐去左搵平平 Schedule 呢，呵...買左喇好野！
之後就飛 Van 返屋企喇！超級勁勁勁眼訓呀~~~~~~

今日無意中睇到個 Advanced Diploma 好吸引！好想讀！
HKMA PRIME 架，但勁趕的 5/10 開學囉，如果要報的話......
中秋節0個日 Deadline！但係而家咁既情況，好想讀但同時好擔心......
周圍都咁多野要做既時候，究竟我呢期開始好定出年 4 月先呢？
難得我近期咁有恆心，半年過後......我仲有冇咁既鬥志呢？好煩~~~

>>September 24, 2004 at 11:42:24 AM GMT+8

2004 年 9 月 22 日 星期三 【雨】

晏晝又無啦啦落雨，快0的涼涼就好喇~~~~~~

今晚收工後約左西九幾個一齊去韓國既同事......
仲有老點公公，傾 YLT RC Night 既 Programme 呢！
但傾之前我地去左信義行食炒年糕，勁好味！
我地試左勁多野，樣樣都好正！埋單一人 $50 ~ 抵！
食完野之後就過左 Mirama Starbucks 坐低傾喇~~~

今日送左生日禮物俾少雯呀！哈哈......好靚 *o^
有個蟎仔既衣架 & 跳跳魚 (虎) Cusion 呢，我勁中意！

>>September 24, 2004 at 11:27:55 AM GMT+8

2004 年 9 月 21 日 星期二 【雨】

繼星期日既電話會議後，今晚相約開跟進會議~~~
去左星光行麥當當，可惜......今晚主腳冇 mood 囉......
加上大家不停0係度「柬埔寨」呢！所以最後......
乜都做唔到，兩個幾鐘就散會喇~~~ 又落大雨......

>>September 24, 2004 at 12:47:21 PM GMT+8

2004 年 9 月 20 日 星期一 【晴】

呢排不停咁 send 信出去，幸好有回音~~~
今晚去 in CU 份 CA 呢！所以早左少少起身執執~~~

放工話「睇醫生」而成功避過開會......
繼而即刻過去面試地點 → 河內道一幢商業大廈！
見 1900 我 1835 就到左喇，上到去 8 樓......
明顯地，佢係一個俾義工上堂既 Centre，都 OK 架！
我去到個 Interviewer 都未到，一路等仲有其他人唻......
到 1900 之前同我通過電話既 Jennifer 終於出現~~~
佢個樣超熟口面呀！我梗係覺得我之前見過佢咁......
但係諗極都諗唔到囉！佢一唻到就同我地講左會 in 咩......
今晚 total 有 5 個 Interviewee 呢！成晚分 3 parts 睇........
Part (1) Typing Test → 要 5 分鐘打個表 & 打段文
Part (2) 作文 → 10 分鐘作 100 字《我對精神健康的看法》
Part (3) Group Interview → 其實係圍圈輪住答問題囉
成個 Interview 用左差不多 1 個鐘，從整個過程中......
我既表現都唔錯，其餘0個0的呢......我諗得一個叫有得爭囉！

In 完之後走左去買外套，然後再趕返屋企食......追車追到我丫~~~
上到中秀已經 21XX 喇......極速食個飯，諗住去 Didi 度睇衫試裙......
點知落到唻佢已經收左工，唯有返屋企啦！行行下收到電話......
係 Jennifer 呀！哈哈......佢打唻約我去 2nd In 呢！勁高興~~~
但可惜的，佢打俾我同時講左佢地個 Max Pay & 等到幾耐我知......
唔......但唔係我想要既囉！雖然有機會但最後都要 reject，好可惜~~~
而家......唯有繼續努力 send 信 & 等 AE 0個度啦......希望快0的有消息啦！

>>September 22, 2004 at 10:06:50 AM GMT+8

2004 年 9 月 19 日 星期日 【雨】

尋晚好好 plan 的，諗住今朝 1030 起身洗頭......
得到最後，當然係起唔到啦！差不多 1100 先起......
又係趕到咩咁......連星期日都係咁！救命呀 >___<

攪掂晒0的野差不多 1130 先出門口，點知......
落狗屎囉！激死人喇......無啦啦落咩雨呢......
唔鍾意落雨囉，慘到仲要帶 U 出街唻落雨......
一見冇咁大即閃，落到樓下都係覺得唔得......
決定撘的士！唉......連星期日都要撘的士......
正當我勁失落踏上的士之際，奇蹟出現左呀！
哈哈哈哈......無啦啦有好運降臨 (並唔係停雨)......
簡直興奮 & 令人身心愉快！呵呵呵呵......
咁大個女都未試過呀！本應 62 變左 12 喎 *o^

的上 HQ 整埋晏晝開會0的文件，然後過左泳池食飯！
食完返去換 U 冇耐就開會喇！今年呢個 DM 超爆笑囉......
爆笑既並唔係0的 Members 而係我地呢，玩/笑到癲左.....
最慘都係 Daddy 囉，以為自己做好防備，點知呢......
都係逃唔過「養老虎」既問題，不過師姐都唔好得去邊......
因為 Daddy 揀中佢唻玩反擊，攪到佢好似人地選美問答咁......

完左個 DM 極速換衫，好難得今年冇俾 Member 圍......
可以即刻閃返過 Staff Room，同班區朋友仔 hea 呢......
hea 完之後同師兄、師姐、史老闆 & 康落左旺角食魚麵~~~
撘 Van 期間，傾傾下傾左個「龍虎豹」事件出唻，笑到癲左！

同佢地食完飯就散喇，各自歸家！返到屋企差不多 2100......
等我仲以為好早添~ 勁 "支力" 的，初初仲諗住早0的攪掂訓覺......
點知整整下野老虎打唻，原來佢同豹主講緊......於是 join 埋啦！
講講下三圍打俾我，跟住又加埋，變左四人會議......超攪笑~~~
今日既內容離不開「龍虎豹」事件，仲有「三萬五定七萬」呢！
同佢地講左一個鐘度就收喇！因為大家都勁 "支力" & 有人怕爛衫呢~~~

唔 ~ 上星期睇 The Notebook 既時候睇到 BJ2 既 Trailer......
勁想睇！不過要等到 11 月呀，快0的有得睇就好喇 ~~~~~~

>>September 22, 2004 at 9:46:15 AM GMT+8