2005 年 1 月 4 日 星期二 【晴】

尋晚傾電話傾到成 4 點先訓，超耐未試過......
今朝嘛！竟然知醒起身喎！呵呵呵呵*

返到公司釣晒魚啦！明顯地係返去等收工......
放工即閃！今晚又 Family Dinner，去 Hyatt 食 Buffet......
呢個星期第 2 餐 Dinner Buffet 喇！肥死 >___<
食到尾我同家姐帶左樂程去 Update Mall 又影貼紙相呢！靚！

上星期仲係 2004 年既時候，已經同自己講唔可以再係咁！
點知 ~ 呢個星期又再次做出同樣白痴既事情！唉......冇得救呀你！

>>January 22, 2005 at 11:41:50 PM GMT+8

2005 年 1 月 3 日 星期一 【乍雨乍晴】

今年第 1 個返工日，望住檯上既新月曆......
唉......仲要等多個幾月先再有假放呀！慘慘呀 >o<

今日 Lunch 約左 Katie，佢星期三就返澳洲喇.......
上次見佢係 12 月8 號，隔左差不多成個月囉！
本來碧同 Wing 都唻架，不過後尾都有事冇唻，
呢餐飯變得唔完美！唯有搵次再約佢地 + Jess 啦！
我地去左仙 "足宗" 林呀！佢個食左個芝士菠菜雞卷意粉超正！

今晚放工同燕、芷萱同翠絲去左睇 Kelly 演唱會！
OK 啦！不過我覺得好似前年 7 月0個個好睇0的呢......
但今次佢有0的衫幾高髻架！同埋 Encore 既時候好正！
睇完返埋屋企成 00XX，好 "支力" 呀.......

>>January 22, 2005 at 11:08:16 PM GMT+8

2005 年 1 月 2 日 星期日 【乍雨乍晴】

尋晚起身睇叱吒，睇到男歌手金獎0個度好感動~
一路睇住古巨基個樣，我都想同佢一齊喊......佢好叻呀 ^o^
睇完叱吒，仲睇埋《我的野蠻同學》先訓......0400！

今日又一日冬眠日，一訓訓到 17XX 先起身！
呢 2 日訓得超滿足呀！唔知幾時可以再訓過呢？
訓醒之後又去左出席 Family Dinner 呢！今晚姨婆生日......
我地舉兩大家去左 Spice Market 食 Buffet 呢！哈哈~
食完仲同表姨去左 Update Mall 影貼紙相添！好高興！

>>January 22, 2005 at 11:06:56 PM GMT+8

2005 年 1 月 1 日 星期六 【晴】

Happy 2005 !!!

今年一開始依然0係 Sandy 屋企，倒數過遊戲繼續進行 ~ 但笑史囉！

先係 Doraemon Uno：有人唔覺意叫左 last card，亦有人叫 Uno......
點知全部都俾人罰左 5 隻牌，因為要叫 Doraemon Uno 囉 -.-"

再唻 拍７拍８拍５：個個都拍到呆晒囉！最好笑係玩拍５......
阿孫俾人排斥囉！拍唻拍去唔係阿寶...就係阿海囉！阿孫超慘呀！

仲有手指媒、嗌生果名 & 嗌 No. 遊戲，好明顯呢 3 個都係反應遊戲......
嗌生果名超攪笑呀！玩左兩 round & 我地中途改左名，所以呢.....
攪到大家成日都嗌錯囉！哈哈......一係跟唔切個 beat ......又要飲囉！
玩完呢 4 個遊戲後，我地就清左 Vodka, Sprite & 綠茶各一支喇！

玩完之後 01XX 離開 Sandy 屋企，再走下場...去左史同事家！
去到已經好多人，有屋主、師兄、師姐、康、Rocky & 傻強呢......
我 02XX 去到佢地有人攻打緊四方城、有人睇緊電視、仲有人觀戰囉......
我當然係加入左睇電視既行列啦！睇左半套菠蘿油王子......
再睇左陣金像獎歌曲頒獎典禮，即係以前0的藝員唱歌扮野0既節目~
好好笑架！睇完再睇埋 Eternal Sunshine of the Spotless Mind 呢！好正！
呢套戲都有幾多位要諗野架！跟住 Kate Winslet 0個期超瘦囉！唔錯唔錯 ~ 幾靚！

睇完冇耐四方城散場，之後吹左陣水 & 睇屋主既中學相......
仲有睇返以前 81 既相相，好攪笑囉！有 Andrew & 梅佬等等 ~
睇完相睇多一節香港早晨我地就撤退喇！因為要俾屋主訓覺抖抖呢 :P

離開史同事屋企之後，我同師姐、康 & 傻強去左飲早茶......
好明顯傻強俾我地係咁講啦！之後仲講埋 "煙幕" & "蚊帳" 既問題......
成個過程都好攪笑囉！佢仲要0係唔同既時間轉轉唔同既位置......
估唔到大家成晚冇訓都可以講得咁深呀下！果然係勁！哈哈~

飲完茶返到屋企已經差不多 0900 喇！洗過白對左陣電腦......
差不多 1100 去左訓覺，一訓訓到夜晚 21XX 先起身......
本來夜晚又出席一個 Family Dinner 都冇去到，訓得好滿足呢！

>>January 22, 2005 at 10:54:52 PM GMT+8

2004 年 12 月 31 日 星期五 【乍雨乍晴】

得 7 度既除夕，實在唔願起身，攪到 0900 先起！
極趕時間的我只係著左 3 件衫出街！癲癲地~~~

返到公司，一心諗住有得早放啦！點知......
食飯前問老細話冇囉！即刻 down 晒......
晏晝同同事們去左 Hard Rock 去今年最後午餐！
食完返上去老細話放早一個鐘，呵呵 ~ 好過冇啦！

1700 準時閃人，落左旺角搵埋寶寶 & 阿孫......
一齊撘 67X 去契媽度，0個程車真係呢......
如果俾我日日咁出入屯門同市區，真係殺左我好過囉！
契媽屋企既 location 都幾僻下架，不過佢0個度環境真係唔錯！
我有錢的話買0個度都唔錯呀！(發下夢好囉真係......)

上到去 hea 左陣哥哥同阿嫂唻埋，開始打邊爐~~~
呢0的凍冰冰既時候打邊爐實在最好不過喇！哈哈......
食到中段大家無啦啦講起叫哥哥 & 阿嫂踏入 2005 年既時候結婚，
之後咪笑到癲晒囉！我地即時做左外借神父啦、老爺奶奶 & 証婚人囉！
發完癲之後有人提議0係呢個天寒地凍既時候落街食雪糕.....贊成！

成班傻既走左去富泰 OK 買雪糕食，有商場唔行......
走晒出去露天 + 勁大風既地方邊行邊食！行行下有個男人望住我地，
然後話：「嘩...你地傻架！」某人答：「你同我地講野你都傻架啦！」
呵呵~~~ 好滿足啊！食完雪糕就返契媽屋企繼續玩喇！迎接 2005 ~~~

>>January 4, 2005 at 12:11:03 PM GMT+8

2004 年 12 月 28 日 星期二 【晴】

情緒病情況好轉，突然想去唱 K 發洩......
於是搵埋姨姨一齊去，雖然狀態極差......
但係發洩左，超滿足！呵呵......好野 *o^

想買條既暖又返得工既頸巾~~~~~~

>>January 4, 2005 at 10:56:10 AM GMT+8

2004 年 12 月 27 日 星期一 【微冷】

尋晚諗住早訓，點知睇埋新城.......
差不多 0300 先訓，今日嘛......
15XX 先起身囉 ~ 跟住全日呆在家！

食野 & 上網係今日全日既活動......
夜晚同 Sandy 玩 WebCam 玩到癲左 :P

心情依舊冇好過，唔知除夕我又會點過呢？

>>December 27, 2004 at 9:18:58 PM GMT+8

2004 年 12 月 26 日 星期日 【晴】

本來尋晚同家姐話 1130 起身，因為要去買聖誕禮物！
點知呢......我成 1330 先起身囉！即刻轉 plan 由尖咀變沙田！

成 15XX 先去到沙田，極速買禮物......然後去食野！
呢餐勁囉：早餐 + 午餐 + 下午茶，全日既第一餐......
我地去左 euro go go 食，好好味仲好滿足！後尾叔叔都唻左~
因為佢去北區，順道唻拎奶奶支眼藥水。本來我都諗住去......
但訓晏左唔夠時間呢！卒之我地食完野拿拿聲就去第一城喇......

今晚係一年一度既 Family Christmas Party 呢！今年好多人......
除左多左姨姨 & 叔婆之外，今年仲多左幾個小朋友一齊唻......
就係 Nicole, Danielle & Cyrus 呢！好得意架佢地~~~ 好攪笑的！
同佢地攪到癲左，就咁嗌下 "澤" 下都玩得一餐......傻晒！
跟住仲玩 Uno Stacko 添！好好玩......等我都諗下添置返個先 :P

>>December 27, 2004 at 6:47:29 PM GMT+8

2004 年 12 月 25 日 星期六 【微冷】

聖誕快樂呢！今朝 10XX 俾媽媽剷起身......
明顯地，佢剷左我成個幾鐘我都冇乜反應囉！
卒之 11XX 起身，攪掂晒野走左出新世紀飲茶.....

飲完茶本來諗住去奶奶度，點知飲茶期間得悉佢入左北區......
0個陣先得 1400，但探病時間係 1730-2000 囉！所以 hea 左陣~~~
hea 到咁上下都入左粉嶺，先去三家姐屋企放低0的月曆......
再去奶奶院度幫佢執0的野入北區，之後就去探佢喇！
去到睇見佢個樣好 "支力" 咁呢，講野又喘晒氣咁......有0的擔心！
希望佢快0的冇事出院啦！另外我仲去左探埋 Freddie 添......
佢剛剛做完手術，成年唔可以做運動......為左公司攪成咁，真係慘！

離開北區出返上水廣場食飯，我地去左客家好棧呢！
佢0的野食真係唔錯！唔係好油又唔係好肥，好好味呢......
食完飯就 A43 入機場接姨姨 & 叔婆機，好勁呀今晚......
舉家去接機 & 送佢地返屋企，攪掂之後表姨再車我地返屋企~~~
"支力" 死左喇！兩日 Family Day 後，聽日繼續......

>>December 27, 2004 at 6:11:05 PM GMT+8

2004 年 12 月 24 日 星期五 【晴】

平安夜！今年有0的唔正常，完全冇 mood 玩！
好明顯......精緒病發作啦又！唉......2005 要好過呀！

今朝返到公司早餐冇得食，坐左陣就開始做野喇......
1100 過左 Royal Pacific 攪 Party 0的野，點知呢......
出 Notice 1230 開始架嘛！0的人差不多 1330 先到囉 -.-"
幸好我地極速咁去晒0的 Program，趕得切 1530 交場！
抽獎一環呢，抽到 50 包紙巾 + $100 囉！哈哈哈哈......
之前諗住買唻玩野點知自己抽返，不過都好丫......有得用嘛！

完左 Party 就放工喇！返公司放低0的野就出發去買禮物喇！
今日一買......又冇左一筆喇！不過大家開心咪得囉......哈~
買完之後撘車落黃埔，超無奈囉！攪左勁耐，路線如下：
Royal Pacific → Habour City → 天星碼頭 → 漢口道 → 中港城 → 消防局
卒之呢，用左成個幾鐘先由尖咀落到黃埔囉......

今晚去左德民同屋企人食飯，平安夜日式大餐！呵呵~~~
好美味呢！超勁滿足呀！食完飯我地攻打四方城囉......
打到 4 圈佢地個個贏囉，得我一個輸！好彩都係請糖水嗟 :P
本來諗住落芝麻綠豆食，但勁多人所以買返上去食......
食完就返屋企喇！好 "支力" 呢，好彩冇出去玩咋......如果唔係應該訓左！

>>December 27, 2004 at 5:03:10 PM GMT+8