2005 年 2 月 13 日 星期日 【乍雨乍晴】

今日訓到 12XX 起身食蘿蔔糕，之後過左粉嶺~
去到坐左陣又係咁食囉，真係唔掂呀！呢個年肥梗 v__v

1830 食完湯圓撘車過左 WNTD 呢......
今晚係唔多國既開年活動呀！去打邊爐~~~
雖然唔齊人，但好好玩！收到幾封利是......
最有心思既梗係皇上0個封啦！佢真係好犀利呢 :P
我地一路食一路望住個電視，冇停過係咁食食食囉又......
食到 2300 就走人喇！唉......聽日就開工喇！點解咁快架？

>>March 6, 2005 at 10:11:55 PM GMT+8

2005 年 2 月 12 日 星期六 【乍雨乍晴】

今朝幾經掙扎先捨得起身，同媽媽飛 Van 過左荃灣~
再轉車入屯門，去姨婆屋企拜年......一去到又食囉 -.-"
一路食一路睇《紫禁之癲》呢，跟住又睇佢地打牌~
睇左陣就走喇！出返史經理屋企去 The Rock 團拜 *o^

貪新鮮的我走左去撘西鐵再轉地鐵，都 ok 唔錯喎！
上到史經理屋企又係睇人打牌......1800 去左豬骨煲呢~
豬骨煲期間有人攪事，差點兒仲 call 馬添 *~*

煲後大家返左史經理屋企繼續聚賭......
之後玩非洲話事啤呢！今晚既大懲罰真係 >___<
玩完冇耐我地就散喇，因為呢......
今次玩得過左火呀，睇唻我地真係要檢討下呢~

>>March 6, 2005 at 10:06:32 PM GMT+8

2005 年 2 月 11 日 星期五 【乍雨乍晴】

年假第三日，仲有兩日......呵~

今日都訓到 10XX 先起身，之後同媽落左德福！
約左婆婆去食飯睇戲，我地先去 Little Basil 食午飯，
之後去左睇《韓城攻略》呢，雖然冇《東京攻略》咁正......
但係我覺得都 ok 喎！都冇乜悶場丫......
尤其 KOs & wasa-wasa-wasabi 超好笑囉！哈哈~

睇完戲行左陣就買左埋生果返屋企喇~
返去睇左半套《千機變 II 花都大戰》又訓過.......
呢個年假要好好咁儲足精神呀！努力~

>>March 6, 2005 at 9:49:07 PM GMT+8

2005 年 2 月 10 日 星期四 【颳風】

每年初二都可以訓個夠，今年當然唔例外~
訓到 12XX 食蘿蔔糕午餐，好滿足 *o^

晏晝去左舅公度拜年，又係超齊人呀！呵~
去到又係咁食野囉，角仔、年糕、蘿蔔糕、芋頭糕 :P

夜晚同姐姐 & 佢男友去左睇《Constantine》呢！
果然係好睇喎！有好幾個頂癮笑位...好好笑！
睇完戲去左滿屋食飯，個竹筒飯好正呀~ 下次要再食！

>>March 6, 2005 at 9:46:50 PM GMT+8

2005 年 2 月 9 日 星期三 【颳風】

恭喜發財呀！哈哈~

今朝好勁的 09XX 起左身入粉嶺喇！
去左奶奶度拜年，然後去左吉野家食飯~
下晝就過婆婆度喇，過到去超齊人......
我又做返每年必做既事情 → 訓覺！哈哈~
由 14XX 訓到 19XX 起身食飯......
食完飯睇左陣電視就走喇！明天繼續努力~~~

>>March 6, 2005 at 9:31:44 PM GMT+8

2005 年 2 月 8 日 星期二 【颳風】

年三十晚，食完晏晝飯就放工喇！

約左 Hollie 去迫街，行完仲去左糖太后食糖水！
個椰皇燉奶好好味呀，尤其係0的椰肉呢！

食完甜品之後過左德福同媽辦年貨~
辦完就返屋企食團年飯喇！本來有下場去行花市.......
但係唔想出去迫，所以冇出到去呢~

希望新一年身體健康，心想事成！

>>March 6, 2005 at 9:23:13 PM GMT+8

2005 年 2 月 7 日 星期一 【微冷】

今日同 Dor 兩個鬥火......
有個唔識死的仲走去撩佢，真係未死過 *~*

今晚本來要同媽媽去辦年貨，點知......
去到九龍灣就去撘的士返屋企囉~ 超無奈囉.......

>>March 6, 2005 at 8:58:00 PM GMT+8

2005 年 2 月 6 日 星期日 【微冷】

今日 Drill Comp.，0700 上到 HQ 執物資！
雖然今日做得比我想像中好，但係都唔係太......
因為超火！係咁發脾 4 同勁發火囉......
卒之攪掂晒就返歸喇，上左中秀食左個飯......
再返屋企 "hea" 左陣就訓喇！降下火~~~

呢個星期唔係好得，係咁發人脾 4 囉......
唉~ 近來好有問題......點解會咁架？

>>March 6, 2005 at 8:51:56 PM GMT+8

2005 年 2 月 5 日 星期六 【微冷】

今日繼續火，攪乜最近會咁架？

放工差點兒冇得走，卒之未攪掂晒就走左......
搵埋媽媽一齊過銅鑼灣，同姨婆 & 細表舅父去左泉章居食飯！
呢間好食過旺角0個間喎，碟頭大之餘又幾抵呢！

食完去左行街街，買左我既 GG Dream Bag 喇！
呵呵 ~ 超滿足！1600 去返搵細表舅父洗牙......
點知洗完又要 "mok" 囉！激死我喇！次次都係咁既 *~*
今次 "mok" 左左上0個隻呀！因為蛀左......
唔知點解今次 "mok" 完好痛呢！仲要由口痛到上頭......
好慘呀！"mok" 完呆坐左成粒鐘先捨得走！

走左之後 join 埋少雯一齊過藍田......
今晚係我地唔多國食團年飯既大日子呀！哈哈~
0係觀塘食齋，間野都 OK 好食呀！又係好抵的！
成晚係咁笑，痛到死的我已經就住唔笑架啦，點知......
笑到口到爆埋咁滯，笑位太多......不能盡錄 :p

食完飯我地去左翠屏行年宵，好高興 *o^
今次第一次行細年宵，原來都好 OK 喎！
某程度上我覺得仲好行過維園添！地方唔算細又唔太多人~
我地周圍走周圍起哄囉，明顯地嚇親周圍0的人......
哈哈~ 今晚好滿足呀！期待著初五既團拜呢！

>>February 23, 2005 at 11:17:05 PM GMT+8

2005 年 2 月 4 日 星期五 【晴】

星期五喇......睇唻都係冇架喇......
唉~~~ 火......火......火......！

>>February 23, 2005 at 11:15:31 PM GMT+8