2004 年 7 月 28 日 星期三 【晴】

今朝一早同 Maggie 傾電話，佢睇都市日報既星座運程......
然後話左我聽我今日既運程，真係準爆左......唔係咁邪呀化？

由於勁耐冇做運動既關係 (計計埋埋成 3 個星期喇 >__< )......
今晚放工過左 PSRC 做運動，可能太早......所以多人......唔中意！
做左一個鐘左右就走喇，但係0的汗都出到癲左......好爽！
離開 PSRC 由太子行落油地，再由油地行返旺角........呵呵呵~~~
一路行一路係咁買野囉，其中最愛既係 Wendy 介紹既 Baby G 呢！
真係好抵啊！$300 都唔使，同我當年隻 $800 幾既比.....呢隻抵玩！

>>July 29, 2004 at 11:38:17 AM GMT+8

2004 年 7 月 27 日 星期二 【晴】

等左幾日，終於等到今日喇......哈哈哈哈！
因為呢，今日有兩件值得高興既事發生......

勁多野做呢今日，放工其實都未做完，所以呢......
到最後我選擇放棄，然後走人撘船過左中環......
今晚約左 Hollie 去 Palace IFC 睇 HP3，勁高興 *o^
好耐冇返過中環，IFC 多左個二期囉......犀利！
其實早在 Palace IFC 開既時候我已經嚷著要去......
不過去左大半年而家先去囉......但總好過冇去既 :P

我地睇 1910，偷運左舊飯團入去食，另外仲買左爆谷 & 檸茶...正！
今次我地坐第二行呀，可能係細院既關係，又唔係睇得好辛苦咋喎......
哈......終於有機會見識下佢話0個0的真皮梳化，冇乜特別但幾舒服！
最好笑係睇左一個鐘左右既時候，大家都急急囉......好明顯杯檸茶作怪！
但係我地唔想 miss 左0的情節，所以兩個都忍到完場先去......勁辛苦 *~*

睇完走人只係 21XX，但係個商場0的舖頭已經閂晒囉......
呢0的咪就係中環既商場囉 -.-" 勁早收工！之後我地仲行左落金鐘，
中間穿過勁多楝 Building 囉 (好似 Habour City 咁)，叫我自己行就真係死囉 -.-"

我下個新目標係數碼港呀！要快0的 plan 至得 :P

>>July 29, 2004 at 10:30:08 AM GMT+8

2004 年 7 月 26 日 星期一 【雷雨】

好 "支力" 呢......今朝周身骨痛......想死 v__v
終是俾自己訓多陣，訓到 1000 先起身返工......

今日一日求其 look 咁走返工，自己都嚇親自己......
返到去又冇停，如果唔係咁多野做我做我會唔返囉 -.-"

夜晚如常開會，今晚都係開到 1930 嗟好彩......
不過之後留左0係公司整埋下星期本 Camp Book......
冇法啦！屋企部機......我實在想 "dup" 爛佢！@#%&%$^
執靚靚本野之後就走喇，本來諗住返屋企......
點知有隻魔鬼 Bonny 撩我去食飯，俾佢成功左添 :P
我地去左菓一道食呀，終於俾我搵到個志同道合既人喇！
勁高興啊我地食得，不過食完0個種滿足既感覺拍得住食完餐 Buffet 囉！

食完飯就返屋企喇，好野......今晚睇到《Les Vagas》呢！
呵呵呵呵......Josh Duhamel 真係越睇越型！Ed 都係呢 *o^

>>July 27, 2004 at 11:54:08 AM GMT+8

2004 年 7 月 25 日 星期日 【晴】

今日訓到 1100，難得一個星期日可以訓咁晏！
起身之後咬左幾塊餅，就出發去海防喇！
我地今個 Program 得 5 個人幫手咋，不過都唔錯.......

1215 去到差不多 1700 先走，然後去左食野.......
0係東大街一間叫安利既舖頭食野，勁勁勁好味喲 *o^
不過唔知係真係好味，定係因為我太肚餓呢......
食完野開埋 E 已經 1800 喇！本來諗住出銅鑼灣買野，
但係因為太 "支力"，所以最後選擇左返屋企......抖！

>>July 25, 2004 at 9:11:06 PM GMT+8

2004 年 7 月 24 日 星期六 【晴】

星期六...今日放工之後落左 Foodcourt 同 Louisa 食野！
佢食石頭飯，睇到又諗起我地「睡覺邊緣」之旅......
食完又返公司繼續，準備走既時候發現有野未做......
本來諗住做埋先走，但係都係......星期一先算！！！

離開公司 join 返 Louisa，我地由尖咀行到出太子......
由 15XX 行到 19XX 呢，我又係去搵燈燈 & 搵書書......
行晒之後係乜都搵唔到架，不過幸好都叫有行自己野 *o^
行完街去左北京拉麵店食飯，食完又繼續行......哈哈~~~
Last Destination 去左始創，高興的去左行 Ikea ~ 勁耐冇行！
買左個好靚既星星風搖，超級勁靚啊！得閒要同佢影相先 :P
最最最後去左行 K2，我地兩個都大出血呀！一人買左兩條裙呢......
宣佈破產之後我就去飛 Van 返屋企喇，好滿足呀...... ^__^

勁攪笑呢，我一連三日0係尖咀唔同既地方見到 Inty 囉！
首先前日0係星光行見到佢，然後尋日0係海港城......
最後到今日食晏既時候望上上面又見到佢囉，真係好恐怖 *~*

>>July 25, 2004 at 9:52:22 PM GMT+8

2004 年 7 月 23 日 星期五 【晴】

慘慘的今日返到公司部機依然未好返......唔開心！
卒之 Dennis 未夠 1100 唻左，我部機 1200 都好返喇 *o^
部機好返我就慘喇，堆左三晝既野要開始做.......
即係打俾 Gary 話佢知今晚食唔到飯，然後呢......做到 2030！

放工之後由公司行到落廟街，再行返條廟街上去......
好耐冇試過咁行，最勁既係仲要著住對高跟鞋......犀利！
本來其實係要去睇 Disco Light 架，點知睇睇下......
俾周圍既野 Sidetrack 晒囉！行到尾先醒起自己要搵咩 -__-"

行完個人超級勁 "支力"，訓住咁撘車返屋企.......

>>July 25, 2004 at 7:55:58 PM GMT+8

2004 年 7 月 21 日 星期三 【雨】

今日勁囉！全日共撘左 3 程的的咁多啊 *o*
首先一早落大雨......所以又懶懶打的返工......

放工做到 2000 先走人，接著去左霸王山莊食飯......
今晚係我地一班 5Ders 既聚會！哈哈...人強馬壯啊......
有 Pacoley、Jess、Irene、Iris、我、Jessica、奶茶、
熙、Aven、李 Sir、Billy、蚯蚓、Alex & Woman！
一齊人大家不停咁影相，影左好多相......Yeah *o^
不過0的野食一唻我就要走喇，因為要趕下場開會呀......
佢地夾左兩碗野俾我倒左落口之後，我又飛的走喇......
今次係飛返翠屏，因為約左伍區長 & 曦雯開 Camp 會......
本來開 2200 既，不過佢地0個邊早左完，所以先咁趕......
我地0係間茶記度開左一個鐘，要傾既都傾得七七八八喇！
開到 2300 人地收舖我地散會，然後我又再的返屋企 :P
返到屋企瘋狂 send e-mail 囉！好勁的一晚 send 成半打 mail 呢！

今晚好悲啊，我右邊隻鞋竟然無啦啦打橫咁 "湯" 開左一半囉......
激死我喇！最慘係仲要落雨囉，得到係返到屋企既時候佢已經入晒水喇 -__-"

>>July 27, 2004 at 10:47:42 AM GMT+8

2004 年 7 月 20 日 星期二 【乍寒還暖】

期待已久既今日終於來臨，今日呢......
又係我地唔多國臣民聚會既日子......
由於小禮物未準備好，所以攪到 1900 先到 HO！

今晚好正呀！大家差不多全部都著晒國花衫......靚！
有和番郡主整雞翼我地食，又有皇上 & 貴族後裔買零食我地食，
真係好高興呢！我地今晚呢個聚會，講左勁多野，講到成 2300 呢 :P
好明顯的大家又係笑到 & 玩到癲晒囉，尤其係「越礦飛車」啦......
0個下 360 度轉完又轉簡直係超強勁喲！Yeah Yeah Yeah *o^

完左今晚既晚朝之後同公公 & 乜都郡主一齊的走......
公公0係裕民坊放低我地再返藍田，實在太太太偉大喇......佢！
不過最好笑都係臨落車既時候佢借左把遮俾我，佢講左句：
「小心0的喎！把遮甩頭架！」正當我「哦...」完之際準備開既時候，
果然將佢個「頭」拔左出唻，卒之攪左成分鐘先落到車囉......濕晒！

>>July 22, 2004 at 5:18:55 PM GMT+8

2004 年 7 月 18 日 星期日 【晴】

可憐的，星期日都要一早起身！因為呢......
約左 238 班細路0係奧海城 Mc 記開會......
雖然比預期遲左出門口，竟然都早到喎 ~ 呵呵！

同佢地由 1000 開到 1200，然後行左過新世紀......
搵埋叔叔一齊過粉嶺食 KFC 再去奶奶度，勁早啊今日！
14XX 就鬆人喇，平時......呢個時間仲0係新世紀！

離開粉嶺我出左又一城行街，街完再過德福繼續......
返唻接近一個星期都冇行過街，今日要 update 下自己！
Um.....0的舖頭又係時候開始瘋狂大減價喇......好吸引 *o^
不過犀利的我竟然冇買野！勁！呢個情況真係少有到極啊......

今晚返屋企去左 Didi 度睇個雀雀花花袋，不過係黑色......
我返香港0個晚見到個好靚既藍色，但係原來已經賣左喇 v__v
好彩......Didi 話幫我訂個藍色呀！好野......期待著到手既一日！

>>July 30, 2004 at 10:31:55 AM GMT+8

2004 年 7 月 17 日 星期六 【颱風】

唔知點解，今日好似過得好慢咁......
一早起身，因為落大雨 & 拎住套 U 既關係，
我選擇左撘的士返工，勁早返到去......俾人串添！

做野做到 1230 閃左去換衫，有重大發現.......
經過今朝由屋企行落樓梯去撘的士呢段路程......
原來我套 U 已經濕左一半，著上身0個下先 feel 到囉 -.-"
如果唔打的，好可能成套 U 會得到濕透架我相信！

放工之後又的過協和，去佢地既 Inaug. + 1st Enrolment......
的既途中換鞋戴帽，好勁的第一次唔照鏡戴帽戴得咁靚 *o^
去到呢......班小朋友好得意好勁乖呢！唔錯唔錯！呵呵~~~
仲有呀，今日係 Kitty 生日，我地仲叫班小朋友唱生日歌佢聽添！

完左個 Ceremony 之後本來諗住去教協買野，但上到去嚇親......
於是乜都冇買就走左喇，超級勁 "支力"......拖屍咁拖左自己返屋企。

>>July 22, 2004 at 5:18:43 PM GMT+8