2004 年 7 月 16 日 星期五 【驟雨】

有個圓規襲港，1145 放工......呵呵呵呵***
我地仲走去 KFC 食左個 Lunch 先返屋企添......
真係好，有一個下晝俾我可以好好咁訓個晏覺！

>>July 25, 2004 at 10:01:56 PM GMT+8

2004 年 7 月 15 日 星期四 【雨】

返唻幾日都唔算太忙，還可以啦......
晏晝去左東亞一間新野 - 魚加旨食飯，正！
食完飯諗住去日本城買野，竟然執左喎.....@#$^&
我都係走左一個星期嗟，攪乜尖咀咁玩大變？

收工本來諗住走人，突然醒起未 prep 好野去玩......
其實係因為今晚同 Daddy Andrew 開 Surprise B-day K P......
但係我準備走既時候先發現未買生日咭，於是呢......
即興的0係公司 print 左張俾佢呢，好靚的係 Donald 唻架 :P

我地 book 左 1930 0係安達 CEO，準時的只有我同 Steven 囉......
由於勁肚餓，所以我地都冇等其他人就叫野食喇！嘻嘻......
接著燕、梅佬 & Carie 都唻埋，就可以通知 Ivy 帶 Andrew 唻喇！
佢地一唻到我地首先玩切蛋糕，好明顯有人呆左囉......Surprise 嘛 *o^
今晚勁攪笑，唱到後期既時候大家突然大唱懷舊歌曲囉......
仲要係唱羅文、張國榮、梅艷芳、許冠傑等等既歌，Steven 唱哥哥超似呀！
不過最勁呢，我覺得係《三國演義》囉......因為我係完全唔知咩唻架下！
唱到 00XX 就散喇！呢個星期好滿足呀......因為唱左兩次 K 喇嘛 :P

勁慘的我0的腸胃問題又唻喇，真係想死........放過我好嗎？

>>July 25, 2004 at 10:14:32 PM GMT+8

2004 年 7 月 14 日 星期三 【晴】

大假後第一日返工，縱使差不多成 0400 先訓......
我竟然起到身喎，呵！可能因為已經習慣只訓三四個鐘......

返到公司又唔算好多野做，瘋狂入紙開票......
然後就派下手信咁......唔錯唔錯，不過唔太慣嗟 :P
晏晝去左沙嗲王 (以前袋鼠個位) 食飯呢，OK 正喎！

夜晚上左 HQ 開 JU 會，食左好多野......最攪笑係食燒鵝！
我地開到差不多 2300 呢，然後就返屋企喇......"支力" 到嘔呢！

>>July 25, 2004 at 8:45:31 PM GMT+8

2004 年 7 月 13 日 星期二 【晴】

今晨執執下 Souvenir 訓著左......型！
每次放假，總愛將自己 Schedule 編得密密麻麻，
今日當然冇例外啦，呵呵呵呵......

晏晝本來約左史史 & 力力食 Lunch......
尋晚同力力講電話既時候話 1130 MC 我......
點知佢唔記得左呢，佢打唻既時候已經係 1245 喇！

當然最我冇去到搵佢地啦，不過就如常落左 238......
同佢個課外活動既主任傾計，好攪笑......好經驗！
傾左一個鐘後行返出油麻地 & 旺角，原來呢......
由 238 行出去都唔係好遠 & 好難咋喎，平時係自己懶嗟！

出到旺角 16XX，仲諗住上 Head 做下野！點知......
行過銀城走左上去捐血，對上一次好似係初幾既事喇，
過左期勁耐都未捐囉......！今日人唔算太多呢 ~ good!
捐完既時候 6 點都未夠，終是走左去周圍逛......
又買左野 (筆筆、銀包......) 呢！逛完就去今晚既重要約會喇！

哈哈......今晚約左唔多國既人去 K，我地去左 Neway City 呢！
由 1930 玩到 00XX，差不多 5 個鐘都算係咁喇！不過呢......
可惜既係嘉鈴睡醫同凱詩郡主都冇唻到呢！可惜可惜 v__v
今晚大家都玩到癲晒囉，個個都分段入坐，最早到既包括：
我、少雯、Maggie、朱朱華、司徒 & 司徒太......
之後陸續加入既仲有：王上、Louisa、邦、Sandy、Yvonne、YY女 & 豆豆，
最後仲有 Gavin、Emily & Albert 呢！好興奮大家冇甩底啊...... *o^
影左勁多發癲相 + Video，哈哈......我地本秘史越唻越厚喇一定！

>>July 14, 2004 at 2:45:10 AM GMT+8

2004 年 7 月 13 日 星期二 【陰】

平安抵達呢！好好好 "支力" 啊...... -__-
一返到唻收到好多消息，有好有壞啦.......
好既係 Idy 媽媽上星期五已經生左 B 女喇！
而壞既呢，就係有位隔離總部既同事離開左......
雖然冇乜直接咁同佢合作過，不過印象中佢都唔錯！
好可惜啊........往往人既生離死別就係咁......唔......

經過由 0-7 日既韓國之旅，好興奮好高興！
我地成班人 13 點都玩得好癲呢！好犀利架......
仲勁到可以發癲時發癲，認真時認真架！呵~~~~~~
記得去西大門某博物館既時候人地有獄中日記......
我都要遲下整返本「韓國探索日記」啊！期待著 *.^

仲有期待既係...... 16 個鐘頭後我地旅後既第一次聚會啊！

>>July 13, 2004 at 3:34:20 AM GMT+8

2004 年 7 月 5 日 星期一 【陰】

今日如常返工，唯一唔同既係......
Holiday Mood 極強喲！哈哈哈哈~~~ *o^

一早返到公司清晒最近既野，爽！
又唔係好想開新野既時候，我清左兩個月前......
既 Management Meeting 既 Minutes 囉......勁！
最好笑係做做下野既時候有人打唻.......
原來我返工既時候係唔應該做公司野架...... -.-"

放工閃左返屋企沖涼執野，然後趕去機場.......
偉大的伍區長過左唻車我呢！呵呵......Yeah!!!
去到機場食左個味千既晚餐，就開始我既韓國之旅喇 *o^

>>July 13, 2004 at 3:25:10 AM GMT+8

2004 年 7 月 4 日 星期日 【陰】

呢幾日睡眠極度充足，我決定今日開始同藥丸們講拜拜！
再食的話，我諗我真係會變「睡公主」囉........訓到人都癲！

今朝好叻叻的 08XX 醒左 & 碌到 09XX 起身.......洗左個白！
都不知幾耐冇試過星期日冇野做但咁早起身囉.......難得難得！
洗完白周圍坐下、打下俾叔叔，大約 12 點出左旺角飲茶.......
飲完茶當然係入左奶奶度啦，如大家所料既奶奶呢.......
呢幾個星期同我地講既 Topic 係完完全全一樣架！唉.......

離開粉嶺我同叔叔出左又一城行街街，買左條 901......好正！
行完又一城返左屋企樓下間 Salon 染 & 剪頭髮，又好正喎.......
雖然阿師傅幫我剪左好多頭髮，但係偷到勁薄啊......好爽呀！中意 *o^

正左兩件事返到屋企就慘囉！發左一整晚脾四呢......好 'meng' 啊！
噴火程度簡直高達 1000 分 (滿分只有 0.000000000000001 囉 -.-")......
好火好火！算.......諗下聽晚開始可以離開呢度成個星期......好過冇啦.......
完全想死呀，仲諗住換個新髮色 + 新髮型可以等0的衰氣走咁0的.......
點知拎返個反效果喎.......唔係唔激氣呀化......激死我喇......@@

>>July 5, 2004 at 1:47:58 AM GMT+8

2004 年 7 月 3 日 星期六 【雷雨】

尋晚又半日大昏迷，夜晚起１起食１食野......又訓過！

訓到今朝 0700 起身，洗頭洗白換衫返工......
唔使化粧返工既日子實在省掉好多時間呢 :P

遊住魂咁返工，一路上諗下食咩早餐.......
最後都係買左最愛既 $9 腿蛋治 + 紙包飲品......
返到公司，其實都唔係好知自己做緊乜.......
但係呢，我都好努力咁計埋應計既數先走......
呢堆應計的包括：Petty Cash, Overtime & Late Penalty......
最乖的我一放工即落去 "才禁" 錢找左條遲到數.......
如果等放完假返唻找喎，我怕會冇晒 $$$ 找囉 -.-"

做到 14XX 走人，淨返既野星期一繼續作最後衝刺........
離開公司過左 HO 搵 Sandy，拎埋個 Trip 0的重要物件.......
再到仙跡岩食左個 Lunch 呢，但係其實都已經係接近 1600 囉........

食完野 601 返屋企，食左藥既關係又0係架車度訓到乜咁......
其實早在由公司過 HO 0個程已經訓訓地，不過控制得住......
呢程真係唔太得，好彩知醒起身.......如果唔係好似尋日咁......"火羅"！

返到屋企一路勁訓狂訓係咁訓，訓第三日喇.......要起身喇.......

好好笑.......究竟係我敏感，定係真係有事發生呢？

>>July 5, 2004 at 1:32:53 AM GMT+8

2004 年 7 月 2 日 星期五 【晴】

尋晚食過藥未夠 2100 就訓左覺，訓到今朝 0700 起身......
早左起身早左出門口撘早左兩班車，換唻既係要撘 "熱九" 囉 -.-"

返到公司睇過報紙食過藥就開始努力工作，點知呢......
10XX 已經開始恰眼訓喇，仲以為自己訓得太多......
之後俾人講講下先發現原來係食左藥既問題......唉~~~~~~
晏晝去左意粉屋 Lunch 呢，係一路食一路 "中" 囉......想死！

食完飯頂唔順拎左 Sick Leave 返屋企訓覺，又玩大昏迷......
媽媽放工幫我去拎醫生紙，點知佢同姑娘傾計既時候發現......
原來我食既 5 款藥入面有 3 款都係「訓覺藥」唻架......
唔怪得之訓到咩咁啦，醫生今次真係大整蠱囉...... v__v

>>July 3, 2004 at 10:25:35 AM GMT+8

2004 年 7 月 1 日 星期四 【晴】

今朝好勁咁 0845 自己彈起身，哈哈......真係好犀利！
起身冇耐媽媽買左麥芝蛋早餐返唻俾我，好滿足！

今日同上星期二既公假一樣，去左打羽毛波......
打完又走左去焗 Sauna 呢，勁滿足！唯一唔同既係......
我今日狀態同上星期真係差好遠囉...... v__v

0係 PRSC 食完飯之後去左德福行街，呵呵......好興奮！
不過中途發生左件嚇死自己既事，話說我去 "才禁" 錢既時候......
發現自己唔記得左個 Password 係咩囉 -.-" 嚇死我喇！
卒之足足 "才禁" 左成 5 次先 "才禁" 0岩囉！唉......真係嚇爆呀！

行完街返屋企係去左 Didi 度，又買左件衫 & 條裙......
之後頂唔順去左睇醫生，醫生話我腸胃炎 & 耳水不平衡呢......
真係唔覺唔覺啊！更難受既係，我一入到去見到醫生......
醫我問我咩事，我竟然唔記得自己有咩唔舒服，對住醫生啞左囉！
勁勁勁 "火羅" 呀！呵.......醒醒的我仲拎埋藥藥下個星期去韓國呢 *o^

今日發現一條新既 Formula，原來「腸胃炎 + 耳水不平衡 = 間歇性失憶症」架......

>>July 1, 2004 at 8:15:40 PM GMT+8