2004 年 7 月 13 日 星期二 【晴】

今日有起身返學!第1次上攝影學囉我係!個亞sir有少少串我覺得...整體上都冇咩野既~
亞sir仲話下星期夜晚去山頂影相!今次我一定去!好難得既機會!山頂呀!!!!!!!!!>0<
可以影哂全港既夜景!!!一定好靚!!!!!而且我打算明天買相機了!
決定左唔買數碼相機住!因為呢個唔係最急!最急係攝影學用既相機呀>0<"""
今日仲遲左成半粒鐘放學!放左學去大家樂食!
我打番公司扮話因為遲放學攪到遲左幾個字返到公司!
但係今日成日冇胃口...食大家樂時只食左好少!
亞倩今日送左件茶晶俾我!其實佢前幾日已經想送0家啦!~只係今日大家先見到面!多謝哂~
返工時仲胃痛!成個下晏都係我打機!
冇野做果時我同亞敏係度跳求雨舞=.=""" 因為亞敏果邊好靜場!
我0地話跳下求雨舞希望可以幫下生產喎~(只係玩下0者!~)
差唔多收工果時有個大fans!冇耐我個表姐又0黎左!~吹左兩句水!
亞峰又話唔舒服!之後搵左37亞樂0黎!我想睇佢咩樣so係公司等左好陣子!~
因為我知佢係猩猩之前行左一星期既男朋友!
而且呢個亞樂都講左D唔係咁好聽既說話我聽猩猩講...
仲見到亞高同佢吹左兩句水!原來佢調左去上水/_\......唔怪得我咁耐冇見佢啦!~
佢今日都係借過0黎呢度渣!仲話果邊冇咩野做好free!~好過大埔呢間喎!而且細好多!
收工時亞屎打0黎!原來佢係大埔話一齊食飯!
我0地去左味千同埋佢果個咩契哥!
但係食味千我都係哂左!因為都係食得好少!今日唔知咩事成日冇胃口!
8點半左右就返家!差d唔記得左要睇TV!So食完就即返家了!~
返到屋企好眼訓好累.....當然啦!~一返學就訓得好少0家啦!~
夜晚11點左右掛左1號風球.........
好彩聽日同後日都係放假!
唔知聽日係咪去睇戲!~亞yin又話想睇戲!
PS:.............我覺得自己真係好白痴=.=" 唉~~~

>>July 18, 2004 at 12:24:46 PM GMT+8

2004 年 7 月 12 日 星期一 【晴】

今天冇起身返學!累到化~~~訓到10點幾起身都仲係好想訓!
硬食起身返工!都係頂飯間~去完入數冇耐返到舖頭carman同埋佢男朋友0黎左!
(唔係以前大B做果個carman喎!)佢男朋友好攪笑!
係度玩野囉都係!問D B褲既野!又問可唔可以試!~
原本好靜場!到亞敏食飯時居然爆場!
平時頂撩鼻屎係好free 0家ma!~今次又要幫手織鞋!仲好多fans問有冇打折!
一聽到打折我就諗起大陸人!因為香港人一定唔會講咩打折!頂多問有冇折!
而且仲有個fans好煩!好彩佢最後都有買到!=.=......
再加上頂飯間時大B幾多fans要倉貨果渣!打去37!果個咩summer聽!
果個女仔講野好攪笑!我唔知佢咩樣!Peter話我果時借去37時見過喎!~
但係我唔知邊個啦已經!果時都冇點留意37 D人呀!因為果時我企係YOBO!
初初今日第1次打去37時係因為我0地得番一件麻質藍色恤衫!咁打算轉過去!
仲同佢吹左陣水!之後果幾次打去佢仲響我完名=.="
佢話37好多人識我!因為Cathy係果邊做shop in-charge關係吧!
但係果個summer真係好爆笑!~好想知佢咩樣添!~
頂完亞敏食飯之後返番大B冇耐又要做清潔!做埋清潔就走人lu!~
一收工就去M記買藍色果杯野飲!我唔記得叫咩名了=.="""
之後我就返家!煮左意粉食!~再之後就睇TV!
聽日同後日必定返學!今朝俾亞媽小到化哂~~~

>>July 13, 2004 at 1:06:23 PM GMT+8

2004 年 7 月 11 日 星期日 【晴】

今朝冇起到身返學!琴晚兩點先訓得著=.=" 可能我呢其太夜訓關係了!~
今朝10點幾醒左!係俾D鑽野既聲嘈醒!唔知出面整緊咩野!
食左d野又返工~返到去幫下手織鞋!之後又去食雪糕!
3點左右先第1個食飯!Peter今日收7!So佢有飯間!~6點多少少先到我食=.="
下晏有個混血兒0黎買衫!佢身型好似鬼妹咁!好大隻!
但係我覺得佢幾靚呀真係!佢講中文好流利!又識中又識英!
亞仔係我食飯時間0黎左!吹左陣水!我同May係倉度發現左部紙造既3G手提!
果本雜誌應該係猩猩買的!俾我0地見到佢本雜誌有部咁既野!
我0地拎左0黎玩!哈~好輕巧又薄身既手提喎!~Peter又同我0地癲埋一份!
我0地仲扮型咁樣係貨場頡開部電話!之後Peter又話:貨場唔俾帶電話0家喎!~
猩猩就係度笑住話我0地白痴!哈哈~家下諗番都覺得好kan=.="
咁.....事實當時冇野做ma!~又俾我同MayMay係食飯時間搵到部咁既野!
我食完飯之後好靜場.....夜晚勁靜!攪到埋金寶渣!~
猩猩咪俾Tammy話佢仲咩攪到生意咁靜囉!~
靜場冇野做咪排size囉都係!~個商場都冇人行呀!call咩fans呀?
收工猩猩要做轉貨,我做次貨果D!掃埋地攪掂好哂我同May May走先!
得番猩猩一個!其實唔可以一個人係公司!
但係因為佢唔想聽日又俾Tammy話!So佢話拾下個場先走人喎!~
我同MayMay走人果時都11點!返到屋企打埋日記就沖埋涼應該訓了~

>>July 12, 2004 at 4:12:44 PM GMT+8

2004 年 7 月 11 日 星期日 【綿綿細雨】

終於到左呢一日.....琴晚ok多人打0黎同send SMS,仲有係send message!
但係今日仲多!朝早起身冇耐又返工~原本唔爆場!3點幾果時勁爆!
今日唔知咩事D fans特別煩!攪到我有d發脾氣!又有d皮帶冇tag!
平時D人好日都唔會買皮帶0家ma!今日都有好幾個買!唉.....
而且家下又做緊買滿$138加一蚊可以換鞋!根住D人到我入哂機先講話要!
攪到我試過一張單入左好多次囉=.=" 根住D fans仲要煩住哂!果一刻真係好想死~
返返下工亞婆0黎左俾左利是我!果時我又收緊錢!佢仲要講:恭喜哂( =.=".......)
唔係講生日快樂而係講恭喜哂之後俾左利是我!勁多人望住...好尷尬囉真係=.="""
D亞婆係咁.....算吧=.=" Anyway都多謝哂~
下晏Tammy叫我入倉拎D西褲0出黎!咁我一向慣左一野咁樣打開度門0家ma!
點知一入到倉入面就見到May同猩猩係度整左蛋糕!
仲唱生日歌!當時我真係勁開心!因為未試過有人咁樣對我!
再加上我冇諗過佢0地會送生日蛋糕俾我!之後我錄埋影!亞敏又入左0黎!哈~好爆笑!
猩猩仲送左份生日禮物俾我!食埋個蛋糕就遂個遂個咁樣入倉食蛋糕!
遲左1粒鐘收工!因為真係好爆場!本身我約左亞倩係MK等既~
我話收工打俾佢!但係因為5點先收工!出到去成6點啦都!
又約左yin,彬佢0地成班夜晚食pizza!出一出去又入返0黎...so最後我決定左唔去!
而且我都聽話亞倩話同完我一齊就搵男朋友!咁我打番俾佢話唔去時,原來佢已經同緊男朋友一齊!
其實我出去都係收禮物~因為佢話有禮物俾我!
收左工之後我就返家!亞媽又買左蛋糕俾我!係芒果蛋糕0黎!唔錯~
開ICQ......好多人send左message俾我同我講生日快樂!THX呀>0<
冇耐就訓陣.....9點左右就出去搵佢0地班野啦!~
首先去左搵亞敏吹兩句水!再之後就行去pizza hut!得妮同yin係度!仲見到Peter同佢女朋友!
佢女朋友都唔係好似對面舖果個女仔0者!對面舖果個仲靚(我覺得...)
等左唔係好耐就有位!我估唔到咁多人0黎食!成十幾人!
我帶左攝錄機!影左唔少野!妮又有帶相機!So都影左少量既相!
葉洋同朱仔係我0地食緊果時0黎!~朱仔好似好down咁我覺得......
我亦都估唔到會又有蛋糕收!佢0地買左兩個蛋糕!好食呀!~
一個係芝士,一個係黑森林!我當然係食黑森林啦!~
今年生日居然收到四個蛋糕!冇耐肥布0黎左!佢0岩0岩收工!
食完11點左右走人!一出去冇耐就見到亞敏同Tammy!~再之後落到樓下就見到古仔!
問佢去邊佢居然答:我都唔知點解會行到呢度!
哈~我覺得佢呢句野好攪笑呀真係!
同yin,妮行到去大PK果邊,我0地前面有條女P一PK!
之後我又望一望妮同yin!哈~我覺得佢0地個樣好爆笑囉真係!
兩個一樣呆左!就後行埋一邊笑!開頭又唔夠膽笑出聲!果一刻真係笑爆我囉!~
我0地笑到熱哂,好陣子先行返大PK果條路返家!~行緊返去果時佢0地仲笑緊!哈!~
總結今年生日過得滿不錯呢~雖然唔係去D咩野特別既地方!
但係因為咁多人同我講生日快樂,So我覺得好開心!
估唔到咁就18歲啦!~但係我仍然係咁低能,白痴囉=.=""" 唔知廿歲既我又會係點呢?
我估到時我都仲係kan kan地0家啦!~
出左間表...原本只放一日假!家下改左放兩日!GOOD!亞鋒勁慘!佢下星期返51粒鐘!
真係好多!~仲未計OT!睇0黎佢都好金下!我下星期連埋OT我估都係40個鐘左右0者!~

>>July 11, 2004 at 5:22:18 PM GMT+8

2004 年 7 月 9 日 星期五 【雨】

訓左6粒鐘左右起身返工!咁諗住返早放早冇死啦~
行緊返去時有人賣旗!其實我都趕趕地時間!但係我都買左旗!
因為我成日覺得自己心地唔係咁好咁=.=".....希望買左旗可以幫下社會都好D啦!~
行到返去猩猩又係遲到!我同Peter等左3個字佢先到!
今朝真係返左好多貨!又係我拆貨!幾廿對鞋!Peter上鞋!猩猩點貨!
拆貨都拆到我手軟!都係8成貨都係我拆囉~
Peter上果D布鞋上左好耐下囉=.=" 攪到我覺得冇人幫我拆貨咁!雖然...真係返左幾多鞋......
我0地一路拆貨一路講左好多淫野!哈哈哈!~~~果個咁既Peter仔原來都係咸濕仔0黎既~
12點4左右先勁趕咁樣去入數!猩猩原本叫我唔好去!點知又要倡錢!So先去!
1點到亞峰返到!佢心情好似唔多好!原來佢病病地...
好心佢唔好返工!等我0地一早搵第2間舖既人0黎頂佢!
家下.....攪到我返左全日/_\...原本我係收7!變左收10點半!
條友仔知佢自己收早就唔同哂!仲同我講我可以搵多D!而且又可以有錢買condom!
仲同我計d condom幾多錢又話我可以買幾多個!佢真係痴線0家!
爆淫囉佢!其實我0地呢間舖已經已經充滿住黃色風氣!
因為我0地個個都講!猩猩同May都講!May仲講得好勁添~哈!只係亞峰特別淫0者!
食飯時亞屎0黎左搵我!原來佢記得我聽日生日呀!仲話叫我收工有地方去搵佢!
下晏亞仔同佢家姐0黎左撩鼻屎睇衫!仲買左衫添~~~佢黑左...
仲要係第1個食飯!好彩Tammy好人俾我食半粒鐘野~!仲唔會計我食飯時間!買左M記食!
點知我排錯隊囉~因為果個係新人0黎!好慢.......佢隔離有個人照住佢!
我要果個餐又冇!我都係如常問邊個餐唔駛等!之後又買左個唔係自己鍾意食既餐!
食完之後我就落番貨場!仲早左一個字!因為我覺得佢唔計我食飯時間又肯俾我半粒鐘已經好好了!
So早少少出0黎幫手個心會好過D.....
時間唔太難過!~成日都係我打機!同左亞敏一齊打!冇< short >到錢!
今晚Tammy又話亞敏同我傾計!其實.....我0地家下返工除左返工收工同食飯時間,平時都好少傾計了!
但係.....亞敏同我講今次Tammy有少少< 空 >佢既成份!唉~~~咁我同佢咪以後都要變到即頭唔識咁囉?
落雜前掃地!EVA 0黎左!佢話搵亞yin~睇0黎佢唔開心多!
收工之後Tammy俾我走先!散番好D貨就走人!行去happy時見到carman同佢屋企!~
見到佢,我會覺得佢同佢屋企人關係好好^-^ 之後搵yin同EVA!佢0地話係7仔!
咁我問過EVA係咪係呢邊果個7仔呀?佢又話係!咁我收左工就行去PK果邊果個!
點知唔見人!原來佢0地係富善果個!咁我係大中入面坐係度等佢0地!
0黎到我0地坐係度吹下水之後去左許留山食糖水!yin仲請我食糖水!
其實原本我話唔駛!但係佢話我生日!我知佢雖然家下有工返!但係未出糧!
而且我知佢冇錢!唔想佢請囉真係~!坐係大中吹水時亞屎有打俾我!
但係因為同緊yin同EVA一齊!而且彬同朱仔冇搵我!So唯有下次先再同亞屎一齊食飯果D啦~
食到12點多先走人!12點果時都有好幾個朋友打俾我同send SMS!
真係多謝哂咁多位朋友同我講生日快樂呀!!!聽見睇見每句祝福語我已經好開心~ ^-^
今日EVA真係唔多開心...又扮冇野!但係睇見佢個樣都知佢唔開心!都係因為屋企既問題!
希望佢可以快D出0黎做野唔駛靠屋企啦!~行緊返家時都同左yin傾左少少野!~
um.......我琴晚發左一個我唔多接受到既夢!算吧~諗咁多無謂!
返到屋企老豆老母又係度吹緊水!冇耐又講我出身分證果渣野!
吹完水冇耐亞媽就俾左利是我!仲話聽日買個蛋糕俾我食!But我同左佢講我要夜晚返家先可以食!
因為我聽晚同朋友去食pizza!家下玩多陣電腦就訓lu!~
PS:今晚好大雨......

>>July 11, 2004 at 4:23:46 PM GMT+8

2004 年 7 月 8 日 星期四 【陰】

好勁!~可能因為琴日訓得兩粒鐘關係!今日點幾先起身!好耐未試過咁樣了!
但係我琴晚兩點幾先訓!起身冇耐係屋企hea下~兩點幾TOTO打0黎叫我出去!
佢問我借袋用~之後同左佢係姐姐度睇衫!買左條褲!條褲之前都睇中左!係家下先買0者~
o......都係唔買褲,衫住啦!~月尾先再算!琴晚同yin玩ICQ!佢講得0岩既~
買鞋.....或者遲下先囉!~又唔係真係好急住要!我都唔想咁快駛哂D錢!
而且星座話我今個星期係金錢方面要聽下朋友講!或者我聽左yin講係0岩!
係大中行左陣就去左元綠食下午茶!幾低食呀真係!~
食完坐左陣就返家!~係屋企玩陣電腦6點幾就出去迎囍食晚飯!
去到就見到兩個堂細佬!於是帶左佢0地出去買玩具!再之後佢0地要買M記食!
順便帶佢0地俾亞敏玩!但係細果個話唔開心...佢買玩具果時唔開心喎!~
因為第2果個攪佢個頭佢唔鍾意!之後俾錢時冇啦啦佢話唔開心冇耐就喊!
同亞敏傾左兩句我0地就走返去迎囍!
冇耐等齊人先開席!大果個仲帶左攝錄機!好耐冇試過一家人影相!
今晚有影到!同亞E果D一位坐!舅父仲俾我睇佢影D狗既相!
之後send左0黎我手提度!下星期佢女朋友去試妝!
因為佢0地遲下結婚!叫左我去睇!wo~~~講到果個化妝師好有料!
係幫明星化0家喎~真係要大開眼界啦~但係要去到北角咁遠.....
um.....咁我諗我要果日請假!背便做埋身分證~~!
10點幾先走人!0岩0岩出左迎囍,公司就打0黎叫我聽日返A!
冇啦啦話多貨返要3個人返早!So要我聽日返早.....
唉~~~算啦!唔多唔少有D無奈!But我都知返早有返早好!起碼可以收早先!~
原本仲以為可以同亞敏一齊返B間添!~
返到屋企都係玩電腦!唔知今晚訓唔訓得著!因為呢期都好夜先訓得著!

>>July 9, 2004 at 3:52:02 PM GMT+8

2004 年 7 月 7 日 星期三 【陰】

琴晚唔知仲咩事訓唔著!點幾,兩點幾,3點幾,成4點先訓著=.="...
3點幾果時已經心諗:如果5點幾仲係訓唔著就唔訓啦~
之後訓一訓就要起身返學!訓左兩粒鐘左右!0岩0岩出門口亞倩就打0黎同我講唔駛返學!
Miss又冇返!o.....我真係黑仔!難得一日返學Miss居然冇返!
但係我照出去!因為我都出左門口啦!~係未搭車0者!而且又放假!
咪當出去行下囉~返到學校佢0地成班係1樓等我返0黎!
之後一齊落樓下食早餐!但係唔知我唔舒服定係唔夠訓關係,
唔想食野!SO冇食到野!只飲左杯野!
今次食野多左邱富,亞棍,智障,亞東!我0地成班都好多野講!
智障仲講左好多佢返工既野俾我0地聽!爆笑到呀!哈哈~~~
之前果幾次我冇返學!So今次係我第1次同佢0地幾個食早餐!
坐到11點半就走人!我同亞倩去左CWB!~亞玲一向唔鍾意行街!So佢冇一齊行!
亞玲呢期都唔係咁開心!佢同佢拍左拖差唔多3年既男朋友出現左問題!
我同亞倩係CWB行左SOGO同埋時代就落MK行!
落車經過雅蘭見到mickey果渣野做緊低至2折!亞倩一向好鍾意mickey!
於是陪左佢上去睇!好似對上果次時代果度個場多D野買咁喎~今次好似冇上次咁多咁!
我0地係果度都逗留左好陣子!佢買到野!我冇買~因為我不太喜好呢家野!
去到MK買左件衫!~鍾意,而且平咪買囉~行左陣我已經冇咩力=.=...可能冇食早餐!
頂唔順之後我0地去元綠食野!35蚊勁多野食=.="......食唔哂~
有拉麵又沙津仲有餃子,炸蝦!其實仲有個雪糕0家!
但係冇拎0黎俾我!算吧~都已經好飽...拎0黎都唔食0家啦我!
好耐之前我係瓊華睇中對鞋.....家下冇哂我碼!攪到...冇得買!我諗同對鞋冇緣啦~
對鞋我真係好鍾意0家!又想買波鞋!係兩個月之前已經想買!家下諗買白色定係黑色好!
今日行瓊華唔知咩事!層層都有人採訪!係度錄影!
我仲見到有條仔行住咁俾攝影機影!應該係model 0黎!但係...佢唔靚仔0家喎~
型又唔算型!好普通既一個男仔渣喎!係有少少日本仔既味道囉~
最後行埋聯合就搭72X返大埔!行聯合時我肚痛...我唔知係腸痛定咩野!
呢幾日都係咁!我好驚係咩盲腸炎!因為我見以前個fd同亞媽都有盲腸炎!
做手術又係果個位.....but算吧=.=" 我估冇咩野既~亞倩話我可以食無定時!
今日收獲只係買左一件衫咁大把!其他野都睇唔0岩!買褲.....又買唔到!
原本睇中左條!係短褲0黎!但係有少少似Lolita!今日買果件衫都有d似...
但係亞倩唔鍾意!可能我同佢品味唔同掛=.=" 佢鍾意既野,我唔鍾意!我鍾意既野,佢唔鍾意!
但係我0地又可以一齊行街0家喎~或者我0地唔係成日見掛~
最終我冇買到果條褲!算啦~如果下次再去仲係鍾意先買吧!因為都唔貴~!
想買鞋.....但係要睇定D先!~因為我決心儲錢!唔可以亂咁買野!就算買都要諗過先好買!
等bus 0黎果時對面馬路D車勁響安!原本前面有車頂住又唔走!
攪到後面D車排哂隊想走又冇得走!冇啦啦又有架bus係隔離線想切去第1條線!
但係因為D車停哂係度!第1條線果架的士想出番去又唔得!之後個的士佬講哂粗口係咁小果個巴士佬!
仲好大聲添~勁多人望!冇耐72X0黎到!其實等bus時已經好多排緊隊!點知架bus居然full得7788!
攪到我要坐下面果層最後果排位!勁熱囉背脊!訓覺.....點知TOTO打0黎嘈醒左!
返到0黎大中就去左訂cake!因為亞媽聽日舊曆生日!新歷我0地已然冇time同佢慶祝!
唯有聽日慶祝番!簡左我好耐囉=.=" 其實睇唔0岩!但係大果個又要我去聖安娜訂喎!
因為有優惠卷關係!訂完cake就返家!好累.....累爆!!!!!
夜晚睇TV!GOOD~~~放假唯一樂趣就係睇TV!夜晚果兩套劇集幾好睇!
聽日都係放假!係連放3日既last day!!!睇0黎我真係要好好珍惜呢一日!
唔知聽日又可唔可以行街呢?因為我想買鞋呀!我決定左今個月買鞋0家!
但係...都唔知可以搵得邊個行......

>>July 8, 2004 at 12:09:09 PM GMT+8

2004 年 7 月 6 日 星期二 【清涼】

琴晚同yin傾電話傾到3點幾先訓!同佢傾電話之前都預左唔去大澳!
大果條PK又未返!問佢借唔到攝錄機~唔通兩手空空咁樣去咩~
同yin傾電話當中.....我知自己係鍾意讀design!但係我唔熱愛返學!
如果我真係熱愛就唔會成日唔返學啦!~
而且我都唔熱愛返工!其實返工我會做好本份!想盡快做番D野等我有番少少時間hea下!
我返工成日都係咁諗0家!好可惜D野成日都做唔完~
我知自己冇恆心!如果我有恆心就唔會咁樣~
亞媽話得我0岩!係報呢間學校時條路已經係我自己簡左!
本身已經簡左呢條路!其實果時我讀全日制咪好囉!~咁我咪唔會做野!
又可以快D讀完個課程佢!但係我報呢間school果時我已經有一份工!
但係返學冇耐先冇左果份工!3,4個之後先搵到我家下做既呢份工!
冇錯!!!條路係我自己簡!係度埋怨都冇用!家下只好頂硬上~
今個星期放成3日假咁多!有咁多休息時間,希望下星期可以返番多D學!
Tammy講過俾我返少D鐘!我希望自己可以有恆心!希望好似D人咁講咩自苦後甜啦~
就係咁...今朝訓到11點幾起身!唔知點解我家下放假成日都係12點前就會醒!
以前既我會訓到點幾先起身!唔知係咪慣左差唔多時間起身呢?
起身就玩電腦!hea下~成個下晏都係一條友係家!到夜晚屋企先有人!
冇野做就整D相落第4本相簿度!因為上個月影左D相!
再睇番以前1,2,3果D相簿.....見到自己一年前既樣!~
同家下唔同!~果時塊臉好肥呀!唔知係咪baby fat定咩野!而且果時個樣超細個~!
雖然家下都唔大個!但係原來一年間可以轉變好多野!咩野都可以轉變~
仲記得上年既我考完會考仲係度搵工!勁kan囉~冇野做就成日4圍去!又冇錢!
諗番起上年我真係好kan=.=" 同D白白痴痴既細路女冇分別!
或者呢D係人生必經既階段掛~
今日冇出街...係屋企hea左成日!呆.....完全浪費左時間!唔知自己係度做緊咩野~
又熱!So下晏好早就開左冷氣!
原本想訓.....點知一個電話打醒左我!我冇聽到!係小琳打0黎!
因為打0黎可能係叫我出街!當時已經係黃昏~冇心情外出了!
成日冇野做就係咁食野!放假除左有得休息之外最慘就係食野!
一冇野做就係咁食野!好唔掂喎~
夜晚....都係睇下TV!~原本今晚打算畫草圖!
咁打俾亞玲問果D野啦!~點知因為上星期2我冇返學!
佢0地拎左草圖果D size返屋企畫!So...變左我冇野做......
聽日一定要返學!!!原來我仲有兩年讀.....即係我仲有兩年時間去追番D成績!
我覺得自己D功課.....太差了!

>>July 7, 2004 at 11:03:06 AM GMT+8

2004 年 7 月 5 日 星期一 【雷雨】

講番琴日先!琴日轉左新制服!但係件polo d色好難襯=.="
原本我係著新番果條麻質褲!點知真係頂唔順!~最後係食飯時間換番以前果條!
咁先好少少!因為果條麻質褲好闊.....件polo又細件...我仲著大碼添!~
琴晚12點幾我已經返入房訓!流程好快0家啦已經~因為我11點半先返家!
今朝早都起唔到身返學!真係好累呀...>"<
當你企左咁多粒鐘!休息唔夠仲要咁早起身真係好鬼辛苦!
平日我只返到中段=.=" 呢兩日我仲要收夜!真PK!仲要返咁多粒鐘!收夜一定OT既~預左!
起身之後又返工~!一返到去亞敏就埋倉!佢送左件playboy tee俾我做生日禮物!
今年收到既第1份生日禮物呀>0<""" 多謝佢呀>0<"""
我完全冇諗過亞敏會送生日禮物俾我0家!
其實我即頭冇諗過有人送生日禮物俾我!以前我會好想收到生日禮物!
但係今年我冇呢D期望~而且都未諗過果日會點樣過添!~
返工冇耐又係我食雪糕!返0黎之後又要攪下D掛裝!
家下我係負責呢方面既野=.=" 4點幾就食飯!
下晏同夜晚都再爆一爆場!So夜晚可以埋到個帝國~都唔錯啦!~
但係今日返工屙左3次咁多...睇0黎我都係唔舒服多啦!
聽日仲話要去咩大奧影相!都唔知去唔去到!個天又成日耐唔耐落雨下!
如果真係要去就要6點起身!家下唔知點算好.....
今日返工織左好多對鞋囉‧_____‧ 原本唔想織!但係有d fans又話靚!
攪到我講左話幫佢0地織=.=...自己羅0黎衰!Only FUCK~~~
因為家下又買滿$138就可以加1蚊換鞋!而我0地貨場好多對鞋都係織左格既~!
就係呢點先羅0黎煩=.=".....今日Tammy又要我織貨場果D鞋!我織5對佢先織一對囉係!
永遠咩野都係細既做!呢D都係定律!!!
收工我就即走!Tammy同亞敏叫我走先!~
聽日開始連放3日假!太好了~我真係要好好休息下先得啦!~

>>July 6, 2004 at 5:32:47 PM GMT+8

2004 年 7 月 4 日 星期日 【綿綿細雨】

今朝冇起到身返學!訓到10點幾起身!之後又返工!
點幾先走去食雪糕!排左好耐隊!唔知邊條PK呢兩日寫band紙!
平時係寫HE17/HK50!咁我自己都有錯!我只數份錢冇睇到band紙!
入bank時果個女仔記得我應該係HE17/HK50而唔係HK17/HK50!
都唔知邊條友仔咁好心寫錯野!攪到要改又要寫名!
之後仲要我拎身分證!我當時邊度有喎~
咁0岩倡銀仔果個人又去左食飯!咁咪返番舖拎身分證再去過band囉~
攪到3點先第1個食飯!頂MayMay食飯時Andy又落左0黎!
佢都成粒鐘先走人!攪到我同猩猩都遲左食飯!
我成6點先食飯囉~得9個字食......=.="
食完飯冇耐亞琳同汁yin 0黎左!問我拎番條key!
但係仲未佩.....俾唔到佢=.="亞琳.....好耐冇見過~
之後又見到肥章,東華同埋佢個fd 經過!仲串左我幾句咁啦~
去happy時經過G2000見到亞高係前場!同佢吹左兩句水就走人!
再過夜少少葉洋,carman同埋佢條袋0黎左!亞偉佢個樣真係好串囉!~
But我覺得佢份人係幾攪笑既~
10點落雜!之後先收到轉貨!!!攪到我0地收左工先做!勁FUCK!!!
猩猩俾我早走先!都11點半先返到家!
返到屋企同yin傾電話!
唉.....................................聽日又返1點至10點!唔知又可以幾點走人~!

>>July 5, 2004 at 4:09:38 PM GMT+8