2005 年 1 月 3 日 星期一 【颳風】

估唔到連續兩日冇返學......大概懶了=___=
其實琴晚訓唔著0者~!到3點幾都仲未訓得著,好多野諗咁>"<
跟住半訓半醒又到差唔多7點!果時已經好眼訓......於是咪又冇返學囉~!
今日訓到好晏呀又!差唔多1點先起身~!
起身之後食左個包,好快又到兩點幾~成日上網都悶啦!~
之後又返左入房車我仲未完成既袋,而家個袋距離完成仲有一半!
因為我仲差少少布~!仲差D裝飾!
車到4點左右又出返廳玩電腦!見到亞tal on-line咪叫下佢囉~!
同佢傾左陣,佢返B half!~唉....都話左我一唔返工就懶0家啦個人,
而家悶到要搵野0黎做,自己車個袋,同織頸巾=.=" 太得閒了~!
今晚老豆都早左返,so 3個人係屋企食飯~!
夜晚同亞屎仲有亞lin 3條友傾電話~!
亞lin係我新既朋友,其實係亞屎既朋友0黎~!
明天一定要返學喔>0<"
PS:今日開始冇咁凍啦^^

>>January 4, 2005 at 2:50:30 PM GMT+8

2005 年 1 月 2 日 星期日 【颳風】

今朝冇起到身返學,原本打算返0家,
但係諗諗下好多同學今堂都唔會返,於是又冇起到身!
同埋喉嚨有點痛=.=" 更加令我不想返學!
當然亞媽又話我唔返學啦,但係佢都見慣啦~!唔會點話我唔返學!
訓到12點幾起身!煮左d野食,玩電腦~!3點左右打俾TOTO,
差唔多4點就同佢係大中行左陣!首先去左影印先!之後買lace同布!
原來D lace都幾貴0家喎!
買買下JOJO同佢既同學0黎左!條友又串我返工果個名=___="
唉~~我唔想0家>"< 係佢俾左個咁既名我渣~
冇耐佢要走,幫佢細佬唔知買咩!我覺得佢都好鍚佢細佬0家喎~!
今日TOTO話我隻手凍!係呀...一到冬天我個身暖隻手都凍凍地,
如果真係凍對手就好凍0家啦~!我都唔想/_\ 可能我係寒底!
買完就陪TOTO買冷,佢要織頸巾,之後我睇睇下又覺得有舊冷幾好,
買左2舊0黎織!唉~~~都冇野好做呀,買0黎織下都好,而且唔貴!~
之後我0地去左禁錢!禁完錢就各自各返家!
返家前係welcome幫亞媽買雞蛋!因為屋企淨番好少,買定!~
返到屋企大果個居然返左0黎,真係早,好少可咁早!
今晚亞媽有煮飯!~終於今晚唔係打邊爐lu~!
食飯之前又織左幾行頸巾!
夜晚冇野做就開始車我個袋,第1次車渣,而家仲未完成,
車左一半!亞媽話我唔係咁對稱喎=____=" 算吧~!第1次車係咁上下!
下次會再努力0家啦~!

>>January 3, 2005 at 3:48:33 PM GMT+8

2005 年 1 月 1 日 星期六 【乍雨乍晴】

今日又係呆呆的在家裏渡過,沒地方好去也~!
又訓得晏先起身喎!~唔想想點!琴晚又訓唔著!4點多先訓得著吧?
起身之後整左斑cake食!
之後冇野做唯有摺下自己D衫,實在太多衫啦>0<""" 仲有D未著過~!唔知想點囉=.=.....
而家衣櫃已經爆左=.=""" 唯有得閒問TOTO借相機放賣一些衣服吧~!
原本打算出去家政行果D度買材料整袋,整裙子!但係今日係星期日關係,家政行係唔會開!
唯有留待明天放學後去簡材料吧!
今次我一定好有恆心去做>.< 希望完成品係車得好既~
好的話,會為朋友做個袋喔!~因為TOTO話我車到既話幫佢車個~
係呢段唔駛返工既日子我一定學好整lolita用品!
之前都整左個紅格lolita,有少少punk味既手帶,我幾滿意0家^^
但係未戴過!冬天都戴唔到啦~睇唔到...
老豆今日好早就放工,居然下晏3點幾就返到家~返到家冇耐又睡...........
基本上老豆每次返家都唔多理屋企既野~好多屋企既電器都未必識用!
連拎啤酒必定係我去拎=____=.....
夜晚都係打邊爐,凍既天氣多數都係打邊爐.....
今晚仍然咁凍/﹏\

>>January 3, 2005 at 3:03:37 PM GMT+8

2004 年 12 月 31 日 星期五 【乍雨乍晴】

2005年第1日>0<"""
新一年希望活得更加精彩!!!係時候要set target俾自己了!~
今朝11點幾起身啦~呢期又夜左訓!之後係屋企又hea...
悶到亞媽都唔認得!今日仍然係爆凍!!!唔知咩事囉=_______=
大約4點10左右就出去拎埋兩件lolita!一件是喵0黎~!
哈!~試左上身真係覺得似一隻喵呀!>﹏<
我知D朋友未必鍾意我著lolita果D!但係自己鍾意咪得囉~唔駛理人點睇!
總之自己覺得著得好就好了~!
而家期待緊2月份!因為第2果個話同人誌有活動果渣~
係<< 九展 >>度攪!好想去/_\...去既話我必定好好裝身呀>0<
到時會好多cosplay,lolita^-^
今晚老豆好早返,佢同亞媽去左亞婆屋企打邊爐,我冇去,
琴日打左啦~!又凍.....唔想去>"<
夜晚睇<< 叱吒 >>都ok好睇喎~!睇睇下果時東華又send sms過0黎!
我有應佢,但係佢打0黎我又冇聽,因為睇緊電視,真係好唔想聽囉~
因為佢都係打0黎傾電話!我知咁做唔0岩,但係我睇襯TV好入神就真係唔鍾意傾電話!
聽日又唔知有咩做,而家冇工返,搵D野做下先得,
打算試下整裙同袋呢~for lolita用^-^
但係亞媽話驚我哂錢,我就話一定有失敗先識得點車!
而且我都研究左一排0家啦=.=" 我估都可以掛~!
自己desgin仲更加有滿足感!

>>January 1, 2005 at 5:37:28 PM GMT+8

2004 年 12 月 30 日 星期四 【乍雨乍晴】

Happy new year~~~
而家已經過左12點啦!咁就2005年!一年時間過得真快~
回望過去呢一年我只係不斷地返工咁樣!好似冇點做過D咩野咁!
做得最好果件事就係今日捐錢囉~!
仲記得上年既除夕一條友係bus渡過,今2就係屋企渡過!~
講番今朝,今朝10點幾11點已經醒左!琴晚3點先訓!但係因為太凍,於是懶床唔起!
到11點半先起身~點幾果時兩個堂細佬又0黎左!
又同佢0地玩一左輪!之後又上下網咁樣~!
今日大果個放假,下晏佢出去買M記俾兩個堂細佬!我同亞媽順便叫佢入ac!
去銀行入錢捐錢!因為如果每個人捐少少就會有好多!做番D善事都好!
果邊真係好慘呀!我清楚知道將來經濟一定唔好!但係果邊仲更加經濟差呀!
好多人都雖然幫助!!!真係一個世紀大災難!!!!
原本今日又係打算唔出街0家啦!太凍啦~真係好怕凍!!!
老豆今日又放假喎~今晚打邊爐!
但係我見成日頭暈暈咁樣,到左6點幾7點就走左出去睇醫生!
大果個又出左去慶祝新年~!
亞媽係都要我睇,話幾日假期,而家天氣又凍,好易病果渣!
睇完醫生返0黎就打邊爐,得3條友!大果個又出左去,第二果個又返工!
但係佢今日早收左!10點幾就返到~!
第二果個仲話遲下轉full-time會俾多500蚊零用我呀~真係好!
我上網又睇中左件黑白色既lolita!都要600蚊!跟住問佢意見!佢都話好睇!
件lolita好多lace 0家!佢話出糧俾錢我買^-^ 太好了~!
我都知屋企人一向都錫我!但係下次我會盡量自己儲錢買的~!!!
頭先12點前一個字邱富send左sms俾我,跟住我覆番佢,冇耐佢就打俾我!
話同我講聲新年快樂!但果時我又忙於send sms俾朋友!好快就同佢收左線~
但係一過左12點正就send唔到sms啦/_\.....
個網太忙關係吧?send唔到呀>"< 而家都仲未send到!So決定一陣訓前先send俾大家~!
星期一終於冇咁凍了!太好!!!要返學先得~!唔可以因為太凍而咁懶...

>>January 1, 2005 at 4:24:59 AM GMT+8

2004 年 12 月 29 日 星期三 【乍雨乍晴】

今日仍然係咁凍/_\......今朝冇起到身返學呀!太凍了!好似冬眠咁樣=___="
成點先起身~!起身冇耐就煮野食!成日留左係家,冇野好做!
又係上網,好悶呀>0<""" 原本我打算今日返學,因為知一定好悶!
返下學起碼都出下街,有野做下先~!
成個下晏得一條友係家,亞媽又去左睇兩個堂細佬!
hea左成日時間真係過得快=.="
今晚都係睇TV同上網過日子啦~!
聽日會仲凍呀>0<""" 點算好!?
聽日就係2004年最後一日啦!~咁就過左一年...踏入2005年,唔知到時既我又會點樣?
學業仲有一年多少少就完~!到左2005年就好快讀完呢個課程!
唔知畢業後大家會點樣呢?!
哈=___=" 我真係無聊!呢D都係年幾之後既事,諗咁多都冇用~
PS:唉.....世紀大海嘯,大地震!令到好多人死左..........
而家死亡人數高達十二萬啦!!!
好可怕,災難真係好可怕!遲下經濟一定好差,好驚爆發疫症!
希望世界和平,人人生活安穩,身體健康!!!

>>December 30, 2004 at 1:53:04 PM GMT+8

2004 年 12 月 28 日 星期二 【乍雨乍晴】

琴晚幫手晾被,So都冇得早訓!最終點幾兩點先訓得著~!
今朝爆凍!!!勁唔想起身!係張床度hea左3,4個字先肯起身!
去到KCR搭一班由大埔墟火車站開既火車!So可以由大埔墟坐到尖東,訓左大半程車!
返到去當然遲到啦~當然簽唔到名啦~!英文堂我係未上過!
仍然未上過,今日又遲咁多,算吧~唔打俾人幫手簽到了!
隔離班往往都少左過我0地上堂!但係今堂我0地班都唔多人呀~!
亞星,羅家良,女仔君果D都冇返~!呢個亞sir真係講完書就話我0地可以走!
10點三左右就放學~!我坐左一粒鐘左右又要返大埔!
同完小葵,亞倩say bye之後邱富佢0地又係school樓下果間機舖打機!
跟住邱富叫我去行街!但因為亞媽病,我要陪佢去拎藥!
So同邱富傾左幾句又say bye啦~!
返到屋企都係11點半!之後就同亞媽去拎藥!
等左好耐囉=____="" 12點10左右先走得人!因為等得耐,好多人都苦惱!
另外有兩個女仔係度話快D,等救命果渣!事實係佢0地冇耐性0者~!
講真!人人都等得耐0家啦~佢0地估我0地成班唔駛等咩?!
終於到佢0地拎藥,仲係度話果度果個職員!又話人0地無禮貌,叫人0地同佢講對唔住!
跟住有個男人睇唔過眼,出聲勁話佢0地兩個女人!
話佢0地自己無禮貌先,仲咩要人0地講對唔住!跟住果兩個女人仲係覺得自己0岩哂咁,
又話唔好同個八公講野!果個男人就話個個人都不滿佢0地!
只係得佢一出聲話!個男人仲叫果兩個女人:去行街啦你0地!!!
其實我估個男仔想叫佢0地仆街!哈哈~~~
不過我覺得果兩個女人好唔0岩囉~根本就係佢0地無禮貌先!
醫院果度都有D問題!明知咁多人就應該開兩個窗!係見果兩個女人嘈哂先開~
同亞媽拎完藥之後就行去大廣食野~!食完之後亞媽就話過亞叔屋企幫手睇住兩個細!
因為個工人要去買送,冇人睇住佢0地!
而我就返家,因為都有點累~買左f&b返家睇!再上下網!
大果個都係度,因為佢返3點仲未走~!
平時ICQ都好多不明來歷既人add我!,今日都有,平時果D我都唔理佢的~
但今日果個我就同佢chat左幾耐下!因為佢幾好傾呀~!
佢移民左去外國!係HK人0黎~!見冇野好做,又冇人chat,so同左佢chat!
可能同年關係,先傾得耐掛?!
4點半左右亞媽就返啦~大約5點多我就返左入房ZzzzZzzz.....
因為好頭暈,一來唔夠訓,二來可能凍襯!真係好鬼怕凍/_\....
一到凍天對手真係好難暖~!訓到7點多先起身~!今晚又唔知會幾點訓啦=___="
夜晚果餐要自己煮野食了~!

>>December 29, 2004 at 1:29:27 PM GMT+8

2004 年 12 月 28 日 星期二 【乍雨乍晴】

2004 年 12 月 28 日 星期二 【乍雨乍晴】

2004 年 12 月 28 日 星期二 【乍雨乍晴】