2004 年 5 月 9 日 星期日 【酷熱】

今日又係熱到仆街!!!冇起到身返學!11點左右起身!之後返工返兩點!
下晏4點幾有半粒鐘食飯!買左個包同雪糕食!
成日個場都好靜!But我0地夜晚都有元朗!或者單頭大掛~
因成日都都真係好靜0家!成兩個星期冇好好咁排side果D 0家啦!~
今日終於可以排下side!前場好多都排好哂~
下晏見到彬彬佢0地經過!之後又見到古仔同佢女朋友喎!~
過冇耐RB同佢班同事0黎左買襪!買左十幾對呀好似!因為我優惠卷唔多關係!
So Cathy拎左D出0黎囉~之前我亞E果D又0黎買野呀=.="
我好似未用過D優惠卷...完部都送哂出去lu!~
黃昏果時拾倉!今日馮小明有返0家!But佢收早!So攪到又係我拾倉囉~
我覺得呢個倉係我管多過馮小明管囉~佢條友仔好唔掂當!成Q日吹水!!!PK!!!!!
成日都冇咩特別.....都係同亞敏係度玩囉~勁白痴呀!!!哈哈~But真係笑爆咀!
到夜晚撩鼻屎D fans令到我0地遲左收舖!
撩鼻屎差少少先夠數!咁0岩我之前留果條褲又未買!咪幫下佢買左佢囉~
收舖果時亞敏先收到memo話轉貨果D!攪到又攪左一輪先走人!
10點半左右啦~之後去左買禮物俾亞倩!買左隻錄音既micky俾佢!
希望佢鍾意啦~因為又係好急咁樣買禮物囉=.="""
我錄左句生日快樂俾佢!But我專登扮到勁男人呀把聲!
錄左出0黎真係好男人=.="""
之後我0地去左老地方食野!食完野11點半左右返家lu~
聽日一定要返學!亞倩生日!放左學仲要去唱K!
仲要早走返0黎大埔返工=.="

>>May 10, 2004 at 11:31:37 PM GMT+8

2004 年 5 月 8 日 星期六 【酷熱】

今日係Mother's Day!~
訓到9點幾起身!10點幾又返工啦!食左兩包餅就返工!
之後第1個食飯係我!點幾左右啦~買左吉野家食!唉.....真係諗唔到食咩野!
食0黎食去都係果D!又唔想食美心喎!~雖然我都好耐冇食...
食緊飯果時Cathy又冇啦啦入0黎!話54唔夠人!借馮小明過去!
So我星期二請假果日就要返工啦!o...Shit!!!咁我請左假0黎即係點樣???
睇間表仲要係冇篇我放假先PK喎~咁即係又想點樣???唉.....
原本仲打算亞倩生日果日可以一齊玩!唔駛咁趕咁樣返0黎添!~
下晏個場好爆下!唔知今日埋唔埋到上年母親節果個數呢?
攪到熱到PK!今日天氣已經好熱下0家啦~企係前場真係想暈暈地既感覺=.="
唔怪得Cathy之前話夏天仲辛苦!原來係咁解.....
原本今日係7點既~亞敏7點準時走左!因佢返佢屋企食飯ma!
咁我係6點半左右做清潔啦~之後做到7點多少少~
猩猩叫我< 節 >埋個場先走!好啦~攪掂好啦!之後小琳話肚痛要去happy喎!
咁咪頂一頂佢囉~佢返到0黎都7點7lu!~
So我遲左少少收工!收7點半!都已經好好啦~比琴日返少1粒鐘!
收工之後去左愛飾度買禮物俾亞媽!簡左對耳環!
wo~~~原來間野都唔平囉=.=""" 一對耳環都成千!
咁我平時已經不孝0家啦!唔通到生日有節日果D都仲咁樣衰咩~!
買完之後去左Body Shop!買左支香水!
再之後返番舖頭!老豆居然0黎左搵我=.=""" 話買野食!買野返屋企食!
我仲以為出街食!咁0岩Mandy又0黎左喎!之後我就叫老豆走先!
咁橫掂都唔係出街食0家啦!都係買返屋企食!咁不如我自己出街食好過啦~
之後叫左Mandy陪我去食野!之前同佢係大埔好快咁樣行左陣!
行完就去左老地方度食野!佢個fd都0黎左!原來佢個fd同佢一樣21,2歲!
But佢個fd個樣真係好好好...細個!仲細過我咁呀!~
食完野之後我就走人lu!~返到屋企10點左右!玩電腦!Then打呢篇日記!
次次係呢段時間打日記都勁難登入!登入左我幾耐先入到0黎!
一返到屋企就送份禮物俾亞媽!佢好似幾鍾意咁!我同佢講唔鍾意既話可以14日內換~
因為我驚買左俾佢唔鍾意ma!而且我買得幾急下囉真係!係用左好短時間買!
聽日返工返兩點!有半粒鐘食飯時間!都好過冇.....食個包都好~!

>>May 9, 2004 at 3:25:55 PM GMT+8

2004 年 5 月 7 日 星期五 【雨】

琴晚玩ICQ玩到幾夜下!朱仔佢話玩咩MSN!之後我咪試下玩囉~
同ICQ差唔多!But個list都冇人呀...玩咩喎!~之後唔理啦!再傾ICQ!
兩點幾入房...wo~~~落雨了!仲閃哂~訓.....訓訓下就行哂雷咁!幾勁呀~
好彩我訓前拉番埋D窗0者!今朝訓到11點起身!出門口前仲同第2果個嘈左陣先走人!
其實我家下一係唔發脾氣!一發脾氣就好勁囉~
返1點.....返到去幾爆場!係爆一時囉~小琳佢返第2日工渣ma!好多野唔識!
攪到搵左亞敏去食雪糕!佢返0黎時我都仲未落貨場!
3點幾4點左右食飯!食緊飯時亞仔同亞文0黎左!
唉...早D0黎咪好囉~咁我咪有人陪食飯囉!~
原本話0黎!之後又話唔0黎!家下又0黎左!玩死=.="下晏有果D唔知咩中國女子體操睇!
哈哈~我同亞敏勁係前場玩!係度扮哂體操果D咁!笑爆咀囉~
Then婷婷0黎左!傾左幾句~果時我織緊鞋!之後又拾倉!
得我拾0者!冇人拾0家啦~猩猩又病左!而Cathy又要報時食飯!
唔通搵小琳咩~佢返工第2日渣!But拾下倉都好!今次大拾!用左成9個字!因為太亂了!
黃昏時掃下地!因為小琳就收工!So星星就叫佢收工之前做清潔~!
原來小琳都幾男仔頭0家!But都ok好玩~可能仲未同我0地熟哂關係!
Cathy cut左鐘!夜晚見到誠誠經過~亞kids,亞高同鋒華0黎左!
唔知佢0地去邊樹!亞kids條友染左頭髮影響到佢勁白囉!~佢本身已經好白下0家啦!
仲問我仲咩唔打俾佢!咁事實平時我打俾果D都係好好朋友果D!
佢...幾勁冇聯絡啦~好日都唔見一次面!打去都唔知講咩野=.="
佢仲話掛住我!攪到我唔知講D咩野囉真係=.=" 幾難答呀D問題!
夜晚又見到精蟲同佢亞哥經過!哈~覺得佢0地好攪笑!~
今晚都達到我0地埋既數!GOOD~因為有個大fans!係一對外國人0黎!
買左5百幾蚊野~!我0地平時2百幾蚊已經算係大fans 0家啦!Baleno D野咁平呀~!
係我0地收舖之前又多人喎~!原本我0地仲以為埋唔到Cathy要我0地埋果個數0家!
拍住猩猩一定唔會咁準時收工!10點7,8個字先走得出個口門!
都係果句!俾我搵多半粒鐘錢~!之後一條友行返家!
平時如果同Cathy收工係同佢一齊行返屋企0家ma!~今次冇=.="""
返到屋企如常對住部腦=.="""
第2條仆街收左工去玩又唔撚打返屋企!亞媽打俾佢先知佢去左唱K!
好心佢就打返屋佐俾亞媽知佢去玩啦!攪到亞媽擔心ma!
今晚亞媽係度講屋企果D問題...又咪錢.....唉~~~
攪到我覺得自己唔可以唔返工咁=.=" 因為我唔想加重屋企負擔!我...唯有儲錢.....
PS:家下D鞋次次都係我織囉~都唔知係咪路=.=凸唉.....
仲有~今日有個B同佢條女0黎撩鼻屎買衫!仲幫埋條女俾錢!條女係冇打算俾錢0家喎!
個B真係好似仔!我仲以為佢真係仔0黎添!因為成個look都係好仔囉!唔係差0家!
家下好似多左B係仔左型左好左咁!因為我下晏食飯都見到一個!同佢條女一齊既~!

>>May 8, 2004 at 4:30:03 PM GMT+8

2004 年 5 月 6 日 星期四 【晴】

琴晚成3點幾先訓!今朝10點左右起身!累爆.....返工!~
買左個包返去食!踩6粒鐘左右!冇飯間~!
下晏1點左右新既PT 0黎左!呢個PT幾靚0家^-^ 大B有望囉~哈哈~~~
因為我覺得大B係冇靚仔靚女囉=.= 仲有!~佢食煙0家!家下好多女都食煙咁=.="
原來佢係未做過呢行0家喎!之前做果D同呢行冇關~!
之後我去食雪糕!返到0黎冇耐yin同妮妮0黎左!~
佢0地0岩0岩考完會考喎!~妮話我高左=.= 高左?我都想呀>0<"
yin就成鬼日啤我串我囉都係!佢0地係度hea左陣就走左lu!~
小琳(即係新既PT)個亞媽0黎左!拎AC影印本俾Cathy!~
佢0地真係好似樣!佢亞媽個樣都唔差呀~!成個餅印咁呀真係!
今日同左猩猩交換ICQ!係佢叫我俾佢先!咁唔通我話冇咩=.="""
因為今日我先講完話琴晚玩ICQ玩到好夜先訓!So好累~!
佢原本係收3點!點知做補貨果D野攪到成5點先走人!
而我好準時5點收工!真係好!!!收左工之後幫小琳買水!
之後就返家lu~我收工果時2R果D 0黎左大埔做show果渣野!
今日係星期5喎~點知會係今日攪show既?
行返屋企時打俾小芝傾左陣電話!坐左係屋企樓下果個公園度傾左陣先返上屋企!
因為唔想咁早返到屋企!今晚有飯食!亞媽今日有煮飯~!
唔駛湊兩個堂細佬!因為佢老豆老母帶左佢0地出去玩!預祝Mother's Day!
唉....咁快又到Mother's Day啦~都唔知送咩野俾亞媽好呀!
聽日返B返1點...最唔鍾意就係返B 0家啦~!覺得返B時間過得好慢咁!
星期日又返A喎!追哂間囉係!~都好啦!返A早收!
我要返學...返學...返學.....返學......返學...返學........返學!!!!!

>>May 7, 2004 at 10:44:22 AM GMT+8

2004 年 5 月 6 日 星期四 【晴】

2004 年 5 月 6 日 星期四 【晴】

2004 年 5 月 5 日 星期三 【晴】

今朝又係冇返到學!琴晚我11點幾訓左0家啦~But真係太累啦...=.="
之後10點幾起身.....12點幾又起程返工啦!
起初返工好累咁囉係!唔知係咪休息左兩日關係!而且琴日又行左成日!
下晏暮彬,肥庭成渣0黎左!肥庭入左0黎搵Cathy!叫Cathy過檔!傾左一陣就走左啦佢0地!
之後係對面舖見到有條仔幾得!可惜同緊條女一齊!
冇耐佢0地0黎左我0地間舖買野!最可惜係條仔唔夠高!But佢真係幾得0家^-^
5點幾到我食飯!得半粒鐘渣!因為我返得少鐘ma今日!
買左個包食渣!跟住冇耐就覺得個胃唔多掂咁=.="
走左去happy啦~有少許想嘔既感覺咁!總之一定有D唔掂啦!~
But好快又到收工!收工之後咪去禁錢囉~幫埋亞敏禁!
之後係大埔行左陣!冇野好行返舖頭等埋佢0地收工!
點知佢0地班野遲到!枉我0地仲咁快手咁樣收舖添!~
亞媽係我0地未收舖之前又0黎左!之後我話我去BBQ叫佢返家先~
見D人未0黎到我0地咪係舖頭度影相囉~影左幾多相下!
wo~~~都好耐冇影過相lu!~But今次D相影得好攪笑!嘿嘿嘿...
我0地係未熄燈之前影左扮鬼咁啦~熄哂燈之後又影多張!
我0地成日都忍唔住笑!真係好爆笑!哈哈~~~真係好玩!~好耐未試過影相咁好玩啦!~
等齊人就去搭的士去果個大尾督唔知咩農莊度燒!
3個3個一架!因為我0地去時得6個人!原本打算俾番錢MayMay!But佢話唔駛~
燒燒下MayMay4個fd 0黎左!有3個男仔!兩個係肥既~
有一個仲好似對亞敏幾好咁!覺得好似睇中左亞敏咁!嘿嘿嘿...
Cathy燒野食好好好...多野講!
我0地玩左唔係好耐0者都係!12點幾就call的士返0黎!返到屋企都係1點0者!
因為BOBO第2日返早ma!我都係...亞敏又話廢事玩到咁夜啦~
落車之後亞敏送到我去新興果邊!其實都唔駛送啦~
佢又話佢慣左成日夜晚一條友返家!其實...我何嘗唔係呢?
返到屋企都係玩電腦囉~今朝add左條友!見佢add我咪add佢落list度囉~
咁開電腦玩時見到佢hi我兩次咁多咪應佢囉!~
佢話佢係邱富個細佬0黎喎!其實我都唔知係咪!因為我都唔知邱富係咪有細佬=.="
同佢傾...傾左好陣子!佢細佬俾我感覺好似Willy一樣!講野幾女仔下~!
我唔係咁明點解佢會冇啦啦add我囉!~佢話我個名有style=.=...完全玩野!
聽朝返早!家下仲未沖涼!仲未想訓...個胃真係唔多掂當=.="
原來猩猩屋企好慘0家!佢亞媽返工俾人抄左入左醫院so唔0黎得BBQ!
之前佢老豆做生產又衰左差人幾百粒$$$$$...
so猩猩每個月都要還錢!唉......原來佢都幾慘0家真係=.="""
PS:今日鼻果粒瘡生得好勁!D人以為我真係釘左鼻環攪到咁!哈哈~真好笑!

>>May 6, 2004 at 6:48:50 PM GMT+8

2004 年 5 月 4 日 星期二 【乍寒還暖】

今朝涼左...仲落雨添!攪到帶左把遮出街勁唔方便囉!~!今日我有返學呀^-^
琴晚睇VCD睇到成兩點半先返入房!我估3點前訓著啦~7點左右起身!
今堂我冇做過野囉係=.="睇人0地畫...因為我根本都未繪好呀!~點上色喎!~
係度hea下又落堂!我同小芝今日都係放假!咁我0地仲有小葵3條友去左唱K!
打算可以hea耐少少時間之後去行CWB ma!~
去唱K之前去左藝文度買D用具咁!小芝話下堂要用ma!咪買定囉~
D野重到PK=.=""" 真辛苦!係今日先得閒!第2日都唔知幾時可以買到啦~!
中途小葵走先!佢返工!我同小芝唱到點幾就走人!
我0地好仔細咁樣行左呢個CWB!行埋銀座添~銀座真係勁少行囉!
因為D舖頭冇黃昏都唔開門!我0地行果時只係開左少少舖渣!~
首先行Sogo~!都係睇下D袋咁!最終當然係冇買到啦!~
係CWB冇買到衫!買左條hysteric頸鍊!原本睇中果條好貴/_\ 於是冇買到!
之後去到銀座買左條hysteric既毛巾!原本打算買beams boy果條既~
原來beams boy果條係紅鞋兒度睇都係230蚊!唔算貴!But太多人用啦~見到男仔都用!
於是又冇買左beams boy果條!改左買hysteric囉!~條毛巾個colour不錯呢~!
唉.....hysteric d野勁多睇中囉係!當然冇買到啦=.=" 要買一定哂好多錢!
我0地行完CWB就搭112落MK!搭車時經過灣仔,銅鑼灣之間果間書得起!
終於見到間野係邊度啦~都係樓上舖0黎!因為之前有人話果間專門買design書ma!
得閒有時去睇睇先得!~去到MK我0地都係行左兆萬同瓊華0者!~
行完呢兩度之後落左去波鞋街再街!係波鞋街都係行左幾間0者!
其實係因為我睇中左對nike呀/_\.....So咪去行下囉~唉.....間間都$699!
真係好想買.....唯有忍下先啦=.=".....到差唔多月尾覺得仲係好鍾意先買吧!~
6點半左右返到0黎大埔!搵左TOTO去姐姐果度睇衫!今日返左D新衫ma!~
Then咪買左兩件背心~!So cool~~~But睇怕我減番瘦少少先可以著!
買左返0黎當鼓勵自己減囉!~極速買完就返家lu!~肚餓.....
係11點幾唱K果時食左野到7點都仲未食過野!中間飲過杯許留山!~
都唔錯啦~食少D野仲好!!!返到屋企肚餓咪煮野食囉~!屋企又係冇人!
聽日又如常要返工!小芝同小葵聽日去重考英文會考喎!So唔打算返學!
唔知亞玲聽日又返唔返呢???我聽日起到身我一定會返學既~!

>>May 5, 2004 at 11:49:24 AM GMT+8

2004 年 5 月 3 日 星期一 【晴】

今朝又冇返到學!其實我原本係打算今朝返學0家!
因為今日放假ma!咁放假仲唔返學想點喎!~
好可惜琴晚開左冷氣...勁舒服囉真係!今朝鬧鐘響醒左一醒之後翻訓!
醒番時都遲到好多啦!~於是又係冇返到學!訓到11點左右醒!
下晏成日玩電腦冇出街!悶到呀~勁哂時間囉真係!
勁想出街!之後都係冇出到!下晏仲訓左兩粒鐘添=.=""" 訓醒都係4點幾渣!
成日都冇食野呀~只係食左D零食!
到左夜晚7點左右行去食飯啦~亞婆生日ma!~我0地好多孫都放假0黎食呢餐飯!
肚餓囉真係....勁晏先開席!勁FUCK!!!~
食飯時都冇咩特別!今次多左D未見過既親戚!仲多左個BB^-^ 幾得意!~
食食食...食到11點3先返到屋企!呢餐真係勁囉~好心早食啦!阻住哂D時間呀!
我一心打算聽朝一定要返到學0家!!!因為聽日都係Day Off ma!~
家下打埋篇日記!等埋第2果個沖完涼就沖埋涼訓覺!~
嘿.....聽日出糧!太好~!今個月我冇完全咁駛哂D錢呀^-^
仲剩左幾百蚊!唔知今期糧出幾多呢~講真...都唔會多得去邊0家啦~!
我要慳D駛>"< 努力!!!~
放埋聽日假後日又要返工啦!唔知又駛唔駛OT.....
琴晚發左個夢...個夢好熟咁呀俾我感覺!好似之前發過類似咁樣既夢!
呢個夢都係好簡單好平凡...就係我同一個男仔拍拖行街!
個商場幾大下!~唔知邊度0黎.....
But我已經唔係第1次發呢個夢咁=.="""

>>May 4, 2004 at 3:47:51 PM GMT+8

2004 年 5 月 2 日 星期日 【酷熱】

琴晚勁熱!大果個又話房開冷氣既話就返入房訓!
點知我入到房訓未見開冷氣當然問下同房人既意見先開唔開冷氣啦~
問第2果個又唔Q答我!之後當然問大果個啦~點知換0黎既係一大渣既粗口!
屌呀~!!!之後我咪即頭唔開囉~!
今朝訓到10點幾起身!之後再返工!原本打算只返6粒鐘就算啦!~
點知又OT...OT左粒半鐘!收8點半!中間俾左個3個字既小休我!勁多囉真係~唔該哂喎!~
因為五一勞動節關係勁多大陸客0黎!爆煩囉係~
攪到我下晏一條友俾5個fans跟煩住!幾條友係咁問我野!
邊度答得切咁多個人呀?!你0地估我好似叮噹咁有法寶咩!
有個fans仲可以一條問題問成3,4次!屌呀!!!真係好撚煩!
Cathy食飯果時幫公司買左D零食返0黎!~其實都唔係好多!我知不足兩日好快食哂!
因為有馮小明呢條友仔關係!Cathy見我得番一個PT!踩得好勁下!
So今日終於打左俾一個PT!新人0黎既~係0黎填form果D人0黎!
條友form 5!Cathy話如果呢條友唔掂就會雞左佢喎!~
今日如常都仲有好多人0黎見工!仲有一大班朋友咁樣0黎見囉!有D仲要著住校服!
都唔知係咪D form3生想只係做暑期工!我估都估到家下搵工D人一定做唔長0家啦~
我估好多都淨係想搵暑假果段期間既錢囉!~
又唔知幾耐又要請第2個0家啦!唉.....而且就算請多左個新人都好!D野都係我做多0家啦!
夜晚朱仔0黎左!我同佢冇傾計!因為跟緊fans ma!
8點左右先做清潔!都遲左兩個字走人=.="
收8點半!事實我係收7點0家!收工之後咪即返家囉~
原來Cathy係篇我間放3日假0家!6號又有個新PT 0黎喎!So我星期5咪唔駛踩成日囉!~
星期5返11至3!咁我咪話唔想放咁多日!家下咪只返兩日假囉!~GOOD!~
今晚返到屋企開左冷氣!真係好熱呀今日/_\
聽晚仲要去吃飯~~~亞婆生日!~

>>May 3, 2004 at 2:22:19 PM GMT+8