2004 年 11 月 11 日 星期四 【晴】

琴晚又係夜訓添=.=""" 今朝都係11點起身~!食左個M記就返工!(第2果個幫我買)
一返到去冇耐就拾位,拎番D 59蚊褲出0黎,因為倉入面有3箱!
著住件衛衣拾位真係想死,亞權拾得最多,因為我打機,上面果D我又唔夠力搬板上去!
咁我就幫手拆貨,開左3板59蚊褲!~
兩點幾先開始放人食飯!下晏表姐0黎左,同我傾左兩句就走!~
頂Maggie食飯時冇啦啦有人叫我,原來係汁yin,佢0岩0岩放學同佢男朋友一齊,
但係佢咁快可以換好哂衫,化哂妝咁出0黎=.=" 真係勁~!
下晏都幾多32同事0黎搵joey.....63亞東都有0黎!我都預佢會0黎0家啦~
因為琴日佢打0黎50傾左幾句話想聽日0黎睇下我0地拾位拾成點樣喎~!
仲影左我0地間舖D相!佢話都ok喎拾得!
到我食都已經5點半!返左家食~
食完又返工!前日退淨一箱綿麻,攪到今日逐件包番打單!
今日冇啦啦javy打0黎話聽日樓下開特價場!攪到我0地下晏開始又補貨,
整呢樣果樣,夜晚亞權同joey係收工之前整好哂D涼鞋打算聽日搬落去!
之後又拾左少少位,因為拎左一半29蚊tee落箱,都係for聽日拎落樓下~
唉~~~事隔個幾星期又0黎多次特價場,人0黎0家大佬!!!
仲記得上次先搬哂D鞋上0黎攪到我0地樓上勁多貨,而家又搬番落去,為咩???
今晚有個小朋友好百厭,玩鏡!我0地D鏡好重下~!
咁我見到佢玩果時已經開始想跌0家啦塊鏡!我即刻行前幾步!
唔對路...真係要< 林 >落0黎!差D紮到個小朋友~!我又唔係咁夠力,
好彩有個男人幫一幫手,唔係個小朋友一定舔野=.=........
好彩個小朋友冇事~!之後佢喊...可能嚇親!我仲嚇親呀=______=
睇住個小朋友咁樣玩塊鏡攪到< 林 >呀塊鏡!
唔係佢整親而係我捉住塊鏡果度整到隻手囉=.=...
馮小明冇啦啦今晚0黎!佢而家係和記度做,見住佢著住件制服!
話係沙田果度做喎~咁點解會0黎大埔=.="? 佢0黎買褲返工著喎~
夜晚都幾多野跟,琴日又因為衣車壞左,攪到十條褲未車,
今日又有好幾條褲開~So Tammy落雜之後車褲!
我又要跟番D memo,貼番<< 最後2天 >>,跟貨場,攪呢樣果樣,
等埋Tammy,就係咁樣我今日寫收11點半!
收工之後打俾亞tal,因為佢打過我手提,
好累呀~!原本聽日同後日都放假,而家又要返工,但係我唔想聽日返,
咁一人讓一步,我收A half,幫手開場~!下晏又約左TOTO出去~
聽日最遲收兩點!聽日返9點半,應該係收1點半先0岩~但係Tammy話最遲收兩點,
如果仲未放我收工就提佢喎~!So我聽日必定要準時收工>"<
joey仲想我星期6,日踩h!佢都痴撚線!!!人0黎0家!開場踩h實死!返14粒鐘都有!~

>>November 12, 2004 at 4:29:17 PM GMT+8

2004 年 11 月 10 日 星期三 【晴】

今日訓到11點起身,食左少少野又返工~!
行返公司時見到朱仔係前面,之後我咪行快少少係佢質面望住佢囉~
果時佢同緊彬傾電話,原來佢未見過我電左頭髮!好似好驚訝咁!
返到去Maggie同我講失戀,佢話知佢前度男朋友有左女朋友!
琴晚喊左成晚冇點訓過,唔怪得咁腫啦佢隻眼=.="""
其實佢同佢前度男朋友散左兩個月0家啦~但係一齊左3年,
佢話估唔到佢前度男朋友可以咁快搵到第2個!
我知Maggie仲好鍾意佢,但係佢0地已經散左,男果方有女朋友都唔可以怪D咩野~
同埋呢個HK女多男少,男仔係好快可以搵到第2個0家喎~!
我知係難受,但係都冇辦法!唯有時間沖淡!~
就係因為佢之前果個有左女朋友,so佢而家呢一刻先真真正正覺得失戀...
仲話今晚去唱K,去沙田唱,但係去果d人又唔識!~
再加上成個星期我都好夜訓,唔想又捱夜了~!
亞權收a half~!So佢收工之後同我食飯!3點幾放食飯!~
同亞權食飯,佢都幾多野講下~但係講既野都係好正經~!冇咩點玩~
原本比得有飯間!但係佢病,so頂埋我0地食飯就走人!
今日部衣車壞左,有成十條褲要車!~得4條係今日要車,
我知個fans好似冇咩所謂幾時拎咁,好彩佢今日都冇0黎拎改褲~
下晏JOJO放左學經過同我傾左幾句!~
63亞東今日有打0黎,吹左陣水,佢條友仔又講淫野=.="""
成日都好靜場,有點兒眼訓,拍住joey佢都冇叫我做呢樣果做
冇Tammy咁煩~!同埋可能佢把聲比較沉,語氣有時俾人覺得有d惡,
但係整體上都冇咩野,拍住佢收夜仲好快手添~10點3出到門口!
收工之後penny打俾Maggie!penny而家係59,咁Maggie d fds又甩哂底,
So最終今晚唱唔到K,而penny又係沙田,Maggie住大圍,
so Maggie去搵penny飲野,原本有叫我去,但係我唔去,
飲野.......都係飲酒0家啦~我都唔識飲呀~去0黎都哂氣!~
咁我就返家啦!~返到屋企見到舅父同貓姐姐係度!佢0地22號結婚!
大至上都係上0黎同亞媽,老豆傾結婚果渣野~!
咁我又食野,當然啦...3點幾食完飯到10點半都未食野呀!~
食完就玩電腦啦都係!~聽日拍Tammy收工,聽晚唔好咁多轉貨做就好啦/_\
今日我見咁得閒專登做哂D次貨同埋打俾其他舖幫我地食緊D貨,
果D都打左單~!我唔想聽日又做咁多野...見得閒不如做埋佢~!
原本拍住Joey收工都幾好,起碼夠快,我0地9點9就輪住去換衫~!
準時10點落雜!!!有可能今日冇轉貨同埋拾位吧~!
同埋佢都ok好傾既~但係都係睇定D先!我唔可以太易相信別人=.=.......
今晚睇<< 初戀口拿渣麵 >> ,好耐冇睇過,今次睇番都覺得好好睇/_\...

>>November 11, 2004 at 5:37:54 PM GMT+8

2004 年 11 月 9 日 星期二 【晴】

今朝都係冇返學,琴晚點幾鐘同kind him傾電話傾左好耐,成5點先收線=.="
大約5點幾先訓~!原本今日係放假0家ma!仲打算今日去海港城!~
點知點幾公司打0黎話我今日係要返工,屌呀~!!!根本冇人同我講!!!改左間!!!!!
之後咪改返兩點半囉~都唔係第1次咁樣0家啦!~好幾次啦!!!
有次原本放假又係要返工!唉.....果一刻我真係發脾氣咁返公司囉~!
但係返工冇耐已經下左淡氣!因為我唔可以對住d fans發脾氣ma!~
一返工就爆場!~又做唔停,54下晏打0黎我0地多佢0地千幾蚊添呀~!
比得今日返A half,冇飯間~!
下晏都係我打機,6點半先到我食飯!因為我遲返關係攪到流程都慢哂~!
今日好多野做/_\.....攪呢樣果樣!飯間返左屋企食飯~!屋企煮左粉俾我食!
食完飯返工又要做轉貨!好多轉貨呀~!!!但係有一半我0地間舖係冇既~
亞權都OT左一粒鐘!~真係慘......
夜晚落左雜之後亞J幫我0地手清機,Tammy拾位!
亞J幫我0地清哂機果D就走人~!佢就好啦!~點解我咁唔好彩0家/_\
不如呢個星期成個星期都係返B間,點都會有一兩日係咁樣0家啦~!
返早仲好過收夜,收夜真係唔知邊一日可以準時收工!~
雖然而家加左人工0者..............
我攪掂哂手上既野都幫Tammy手拾位,冇啦啦今日先知要拾位!
因為聽日風褸賣59蚊!Holy FUCK!!!!!攪到我0地兩條友拾左半個場,
拾到12點半先走得!~行返家時打俾亞敏,佢話30號出糧,請我同亞kind him食飯~
但係都係聽住先啦!~因為次次約親佢都甩底~!
返到屋企都12點幾啦~肚子有點兒餓,So又食野!(肥死了=.=".......)
大果個夜晚又帶佢個fd 0黎,都唔知上0黎仲咩,有屋企唔訓係要訓人0地屋企!!!
第2果個又唔鍾意,又訓廳!次次大果個既fd0黎到佢都係咁!為咩?
PK啦...呢個星期一日都冇返學啦!~聽日一樣返唔到!
好累呀拾位拾到!因為今日真係冇停過~!
聽日仲要拍住呢個Joyee.........希望平平安安啦!~

>>November 10, 2004 at 6:35:46 PM GMT+8

2004 年 11 月 8 日 星期一 【晴】

今朝都係冇返學,琴晚大果個又帶左佢朋友上0黎訓,買左糖水俾我食!~
但係琴晚又訓唔著!都係3點幾先訓得著!~
今朝10點幾11點起身!食左個包之後就搭車返37返工!返到去時間0岩0岩好!~
下晏一路都好free~!係咁傾計!但係大家都有跟fans既~!
同亞kind him傾計先知原來佢女朋友係mix 0家!即係都係靚女啦~!
唔怪得可以拍3年拖啦!~咁難得溝到個mix呀!~
但係第1眼見到亞him都唔係差既~!係第2眼先覺得唔係好野囉=.="
佢成日口花花咁多野講,講野又kind,估唔到可以溝到個mix仲咁長情!~
但係佢講個女朋友係唔係佢溝返0黎,而係女方溝佢喎~!唔知真定假啦!~
估唔到我呢一日0黎係冇錯0家>"< 雖然要拾少少位同小盤點!
但係因為kind今日返學,所以早走!而佢朋友edwin都0黎左!
edwin下晏3點多已經0黎到搵kind him!一開始佢係YOBO門口入0黎!
果時我做cashier~!之後見到一個樣唔差既男仔入0黎!佢望一望我,
因為果時佢冇戴眼鏡,就算見過佢張相都唔認得佢!
仲以為佢係fans 0黎~!但係見到佢同佢0地成班講野,咁我就知果個係edwin 0黎!
kind him講過話edwin會0黎~!edwin真係好白馬王子feel!好斯文咁樣!
對眼又大,又夠高!~真係幾好0家!唔怪得人人都話佢靚仔啦=.="""
到我同亞tal食飯果時edwin都一齊!但係佢0黎飲野,冇食~!
佢真係冇咩野講,可能大家唔熟!
當然edwin既0黎到佢0地就係咁講我啦=.=" 因為一直以0黎我都想見下edwin既真人!
佢0地咁樣講我,之後又咪攪到我面紅囉~!
又因為咁樣佢0地又唔知講d咩野囉~!!!不過講真果句,edwin真係唔錯既~^^~
Cathy今日返b half!夜晚拍住佢收夜,亞tal收6點半,但係夾野都夾左成粒鐘!
而亞mask又攪呢樣果樣都OT左一粒鐘!~
亞東原來真係放假都會返0黎公司!今日都係!成日係37=.=......
條友仔講野又淫!果碌線大碌少少又話:哎呀~咩咁大碌既!?(果時佢仲要放係佢前面)
之後又話自己大網蛇.....=.="
咁37另一個PT又係18歲!之後講卜卜脆啦~!亞東又講淫野囉.....
但係唔講又邊度有得笑呀~!都幾好玩既佢條友仔!係基左D 0者=.="""
當我0地點都8899既時候先出e-mail話只點果個走既總數就夠~!
即係唔駛要寫size果D!~枉我0地又排size又整呢樣果樣!
夜晚好準時收工!send哂盤點數!Cathy就叫我走先~10點1就走得啦~真係好!
去到樓下搭車都係10點3~!返到0黎10點7左右~!去左大PK度買野食!
因為肚餓呀!今日3點幾放食飯!買完野食返到屋企都係11點左右0者~
拍住Cathy收工都幾快,雖然係我走先,但係佢都都就走!
佢0地set左target要係10點半之前走人!我相信可以~!點都快過50做野先!
可能50成日拖慢D野0黎做,攪到流程慢!B間同事都成5點先食飯既~!
但係37B間同事係4點就要食飯!唔怪得penny第1日0黎50話咁晏仲要食飯果D啦~!
亞tal都話以前係50流程係慢!~返屋企途中係咁同亞tal傾電話!~
返到屋企第2果個今日買左龍貓果隻VCD呀!咁難搵既VCD都俾佢搵到!太好了!
仲買左隻怪誕城VCD!今晚又睇VCD啦一定!~
聽日放假!GOOD~!!!

>>November 9, 2004 at 3:53:21 PM GMT+8

2004 年 11 月 7 日 星期日 【晴】

今朝冇起到身返學,而家越0黎越唔想返學~唉......
但係仲有一年讀渣喎~時間過得好快!而家維持係一星期返一日學!唔知想點!
琴晚都3點先訓~今朝12點左右起身!~食左個包hea左陣...
3點半同TOTO行陣!去左姐姐度買左件衫,佢果度返左衫~
TOTO買埋佢之前留起果件~!之後陪TOTO去萬利食野!佢要食左野先返工!
食完再係大中行左陣~去左fancl買唇膏!~最後陪佢去租漫畫就返家~!
返到屋企玩左陣電腦7點幾就再出去大中!亞tal 6點幾收工~
琴晚打俾佢同佢傾左陣計!So我0地今日夜晚一齊食飯!
佢上車之後打俾我,咁我出門!出門口冇耐就見到JOJO返家!
同佢傾左兩句我就返公司拎舊果件制服同簡新制服!~
見到新in-charge!joyee!佢好串!同我差唔多高!我同亞tal都見到佢係喝比得做野!
唉~in-charge咁又點!我覺得都唔可以咁樣對D同事囉~!
之後同亞tal落左元綠度食!食完之後再係大中行陣,因為亞tal話想行下~
咁去左hbie度睇衫!之前已經睇中左果件冷外套,今次睇中折左!$280~
再之後同亞tal去左出面果間轉轉...(唔知果間叫咩名=.=")
咁之前係果間都睇中件冷冷地既衫,亞敏話唔值!
但亞tal買左~佢買左另一隻色!佢買完之後最終我都買返hbie果件!
行完再返番50~拎番D制服走!同佢0地吹左陣水!
冇耐江志偉經過!~我0地4條友係前場係咁講呢個joyee點樣叫比得爭下氣!
比得又話人0地係in-charge咁可以點!?
我覺得個問題係呢個joyee喝同事做野0者~!好冇禮貌~!in-charge更加唔應該咁樣!
咁樣做俾D細睇,有新人0黎點算???
joyee知我0地講緊佢,亞tal同我講佢面色都唔同哂~!
9點9左右亞tal同埋江志偉行吉吉島方向!江志偉話想行喎~!
而我又拎住好多野,D制服好重,有新有舊!So返家!~
行返家時咁0岩撞到亞業同亞mask煲煙,吹左兩句水就走~
亞業呢個星期last day!佢俾人抄,保唔住佢/_\ 我又有d唔捨得!
一個一個咁樣走哂.....想點??? T︿T
聽日借去37!幾好~!可以去同kind him玩下!~嘿~! >﹏<
亞tal叫我調去37!之前Cathy都想我跟佢去37...
但係我見50近屋企先留係50!而家轉哂D人.....越0黎越覺得感覺唔係咁好~!
如果再做落去仲更加覺得唔開心既,或者我轉工,或者考量過去37!~
今個星期有一日拍住Joyee收夜!唉~~~我唔想咁遲走人!
唔知拍住佢又係咪俾佢喝住咁做野啦!~

>>November 8, 2004 at 4:10:33 PM GMT+8

2004 年 11 月 6 日 星期六 【晴】

琴晚睇<< 夢幻街少女 >>,so又係3點多先訓~!今朝9點半左右起身!
之後又返工,penny遲左一個字,亞J仲遲=___=" 佢條友即頭遲到!
塞車,我0地等埋佢先開門!So今朝應該遲左3個字左右開門!
penny仲想11點半先開門=.=" 佢係咪傻0家!?門舖冇耐就係咁爆場!
今日係咁爆場!!!我cashier做左到3點幾~!清唔切機,penny又話想打機,
之後佢條友又好求其咁樣,係咁易清下算啦~事實根本冇清...同佢了孖左機~
話< short >錢兩個人分喎~!到我食完飯之後接機,要清啦!
差140蚊,嚇死我!原來唔係,只係禁錯制,收卡可能禁左第2個制,
so爆場情況下兩條友孖機都冇< short >到!太好~!
亞權今日個間好好返2-6!6點小桃先返!7點左右先俾佢打機~
小桃返到0黎我先知penny原來今日last day!!!佢冇啦啦俾人調左舖!
penny都係琴日先知~唉......好唔捨得佢!點解D人成日調舖0家!
penny自己都話好唔開心,又話想喊,我見到佢對眼真係水左咁=.="
話唔想調,如果調就唔做喎~唔知真定假啦~
佢要調去59!或者得閒去沙田行街去探下佢啦~!
聽日會有另一位女in-charge過0黎,叫Joyee~!聽講條女唔好人!唉~~~咁就慘啦/_\
亞東7點幾0黎搵penny!亞仔同佢男朋友都有0黎呀~佢男朋友cool到死=.=
係Baleno睇完野即拉住亞仔走,我同亞仔講都未傾完!唯有大家say bye.......
penny準時8點鐘收工,原來我都係收8點!
最終OT左一粒鐘!9點先走得!累累地=.=" penny叫我收工打俾一齊食飯~
但我打左俾yin先,yin唔聽電話cut左線!
咁打返家又話煮左飯留左俾我,咁最終冇同到penny食飯返左家...
星期2要借去37!打俾亞tal先知果日佢返A T︿T
即係我拍Cathy!仲以為難得可以去37可以拍到亞tal同佢係咁吹水添~!
聽日換制服!~收工果時簡左一件打底同埋衛衣,褲未簡,冇我size,點算/_\
我想要灰色多喎~!So寫左交間叫同事幫我補番條返0黎!
但係我聽日放假喎=___= 大概聽日返公司一趟~!
同埋長part應該有兩件衫而唔係一件!Tammy就係度PT一件,full-time先兩件!
屌~我0地呢d PT返到成個full咁樣!唔通又係一件啦喎~?
一向長part都係兩件衫0家ma!~但係我家下拎左件一先,
Tammy話得閒再check下PT係咪兩件喎~!!!
我打算問下亞tal係咪PT拎一件先=.="...次次我都係拎兩件衫的~!
一件實死0家!食野果時都好易整烏漕啦~~!

>>November 7, 2004 at 4:51:22 PM GMT+8

2004 年 11 月 5 日 星期五 【晴】

琴晚唔知仲咩事,上上下網上唔到!~攪到今日下晏返屋企先上到~
因為上唔到網關係琴晚咪睇琴日買果隻<< 導盲犬小Q >>
我睇到喊/_\ 好感人呀真係~!套戲雖然唔錯,
但係我覺得講小Q同< 導邊 >先生既感情果part好似講得唔係咁深入,
如果能夠深入少少會更加感人!
琴晚3點幾訓,今朝9點幾起身!預左penny遲0家啦~!佢條友仲話今朝同我食早餐!
好彩我知佢必定遲到,so一早都冇打算會同佢食到早餐!而且我冇咁準時返到去添~
仲遲左兩,三個字,到左搭7見佢仲未0黎咪打俾佢囉~
要拆貨0家ma今日!我0地係開11點~!搭9左右先返到=____= 我0地換完衫撩鼻屎同事亞J返早!
貨都未拆又開門!平時我好少返早間,有時返早又可能唔駛拆貨,今日有轉貨,
平時d轉貨又唔駛我做,今日係我第1次做收轉貨!做咁耐先識真係笑大人0地個口=.="
而家識做啦~我都係做亞J渣~!我覺得冇人教過我野,樣樣野都真係要自己問先會有人教!
penny要我叫佢做爸爸=.=.....我冇叫到!哈~佢話佢教我野!我諗教都係教車褲~!
到而家呢一刻我都唔知邊個係真真正正教我野既同事!~算吧~唯有唔識再問!
今日一直都冇爆場,成個星期冇返工,
唯一覺得個地好烏漕同埋cashier好亂,其他既都冇咩唔同!
佢0地拾過唔少次位,轉左唔少次貨,
so我都唔知太清楚d貨放左係邊~!拎貨都唔係好識拎咁!太亂!!!
預左會OT,都係OT半粒鐘0者~
哈!~而家加左人工,再加上呢個星期都未返工,OT都冇咩問題啦~
小桃返3點,我要等小桃返到先走得!切退時亞J同penny都係倉度休息緊(飯間),
同佢0地吹水講起鬼片!講起<< 不死咒怨 >>,又話好恐怖果D!
但係我睇戲5次有3次都係睇鬼串,係真係好驚~!但係又睇!
penny條友又話自己鍾意睇鬼串,叫我聽日一齊去睇!聽日同佢一齊返早,收早!
睇下聽日收工有冇地方去,冇既可能會睇~!我相信一定好恐怖=________=
收左工之後打俾亞媽同佢食野!~果時佢同緊兩位唔知咩野親戚一齊!
但係我肚餓,So有同佢0地食!~食完之後就返家,亞媽送佢0地兩個搭車~
返到屋企冇耐5點幾就訓著左=.=" 訓到7點幾起身,唔知今晚又訓唔訓得著啦/_\
起身冇耐8點左右食飯,今晚老豆都早左返0黎食!
食完飯沖涼,睇TV~!TVB做番以前台慶既精彩片段!好爆笑~!
有好多我都仲記得!但係近呢幾年已經冇咁好睇啦~!以前果D好睇好多!!!
聽日我估penny都係遲到的!希望唔會遲開門就好了~

>>November 6, 2004 at 2:55:06 PM GMT+8

2004 年 11 月 4 日 星期四 【晴】

琴晚訓唔著呀...呢期唔知仲咩事成訓唔著!第2果個仲係房度畫畫,開住燈!
令我更加訓唔著~!攪到5點前先訓得著,今朝12點左右起身!
起身第2果個就話有打俾我,係官中喎,姓陳,留左電話~
最終我都冇打返去,根本唔知邊位陳呀!打俾彬又話冇打過俾佢,
都唔知咩事啦=_____=" 算吧.....打俾我先再算~!
食左D野換好哂衫,兩點左右就同第2果個出去~尖東通車成個星期今次先試車!
去到尖東站,好大.....D路牌好清楚!但係...條直路行成個字!
首先去左新港中心行,冇咩野睇中......行左陣就去海港城~
去左搵sarah,佢都係瘦左~!傾左陣計就4圍行下,
去到OZOC買左件黑色恤衫~但係果間舖冇哂貨,咁佢幫我倡左第2間!
大約3日左右會有!到時通知我~!行完呢度就行去LCX!
我0地係LCX行左幾耐下=.=" 因為我一直都覺得果邊d desgin真係幾好0家!
去到DR MARTENS,試左3對鞋,打算買,但係見對鞋有d花,又好似俾人試過好多次咁樣!
So咪幾時再返貨,話星期二!橫掂OZOC件衫都要拎,咁不如到時先再買吧~
係LCX買左條怪誕城銀頸鍊,而我家姐就買左件衫!
原本睇中左件紅色爛格衫,但係我家姐話貴左少少喎~
貴D既desgin係靚d ma!~但係最終都冇買到,下次想買先再算吧~
之後再行返去ao2買番頂帽!終於買左啦~!!!係貴左少少~
但係我真係鍾意...上次睇已經鍾意了!
係第2度又搵唔到呢D咁既款~!行完哂海港城已經5點半有多!
咁我0地又打算搭番尖東站返0黎啦!~搵......
經海旁,再經過星光大道,之前睇路牌係睇有星光大道出口!
係呀...係有!勁遠!差唔多到紅磡站囉~!行海旁條路都行到天差唔多黑哂~
睇到D工人整緊聖誕燈飾,而家係11月頭,好快到12月25號.....
好彩係呢度搭,到紅磡站爆多人!D人淨住入0黎搵位坐!
原本我0地想去MK行,第2果個話買D漫畫既野~而我又想睇豹紋,lolita同埋襪!~
但係最終我0地都冇去到!因為廢事亞媽話咁晏返去食飯果D,點知佢都冇煮飯.....
咁我0地打算買返去食啦!買埋俾佢,點知佢又食左,話唔知我0地會幾點返喎=____=
返到0黎大埔搵TOTO同JOJO,佢0地係大中行,JOJO幾大收獲^-^
行左陣買埋vcd就返家~返到屋企食野,因為買左野返家食!~
PS:今日成日都暈暈地,聽日仲要返工添,PK啦......

>>November 5, 2004 at 1:37:50 PM GMT+8

2004 年 11 月 3 日 星期三 【晴】

又廢左一日.....琴晚訓唔著/_\ 唔知仲咩事~!3點幾4點先訓得著!
最終今朝冇返學囉都係!唉~~~難得放咁多日假都唔知仲咩事成日都唔起身返學!!!
唔返工已經好悶,冇返學就悶上加悶啦!~
之後又訓到成點先起身!令到我覺得勁似以前中學放暑假果時咁樣!
起身之後飲左包奶同食左兩個蛋撻又睇VCD!
就算屋企多VCD都冇用啦~唔通日日咁樣係咁睇咩~?
下晏冇野做又唔會睇TV,下晏D TV完全唔好睇!
咁都係上網,玩電腦~搵人同我chat~!
大概就0黎冬天關係,日日差唔多6點就天黑!~
亞媽而家都好得閒,因為佢唔需要再湊兩個堂細佬啦~只係得閒過去睇下佢0地!
So佢而家成日都有係屋企煮飯!今晚都係~!
今晚一定要< 呼 >下mask先得lu!~好似成個星期冇< 呼 > =_____=
聽日仲要陪第2果個買衫,而我又想搵我想買果對鞋!
或者聽日出街睇下有咩衫買掛~!算吧.....到時先算,我要慳D!
今個月返工返得太少鐘了..........冇錢呀>"<

>>November 4, 2004 at 10:11:28 AM GMT+8

2004 年 11 月 2 日 星期二 【晴】

原來琴晚果集律政新人王係最後一集/_\.....以後都冇得睇lu!~今次已經係重播!
琴晚同第2果個傾計,傾番以前細個既野~!攪到3點幾先訓!今朝當然係冇返學啦~!
今日果堂係講D設計歷史~以前我係好鍾意聽歷史的!
但係呢個miss講書實在太難聽了!令到個個同學上堂都訓覺~!有D點完名仲去打機~!
於是我決定左唔返呢堂了!我覺得個miss都唔係太清楚自己講緊咩野咁=.="
訓.....訓到7點幾醒左一次!10點幾又醒左,樓下條街唔知攪咩好嘈,攪到我訓唔到!
12點幾終於起身!~起身煮d野食之後又hea下!
冇耐亞媽同謙謙0黎左~!同佢玩左陣3點幾,亞媽同第2果個帶番佢返家!~
佢條友仔係咁打俾佢亞媽,但係佢亞媽返緊工=.="
3,4歲大既小朋友好似D亞太冇野做咁樣成日傾電話!~仲傾電話傾到訓係度傾=.="""
亞yin下晏有打0黎!跟住等佢沖涼等左粒幾鐘......
5點幾先出去~一見到yin就俾我睇佢個電話套,勁大舊=______= 胡迪
首先返番公司拎番支水尊返家洗...~
比比得check bag,大家都冇咩野咁好似,但係硬係覺得唔知點樣咁~!
yin話我D妝勁左~係呀!其實係對眼勁左0者!今日連下眼線都畫埋=.=+
但係我估如果有機會機到lolita,或者punk味先會咁啦~!
I love lolita>0<~~~ 但係yin話好核突=.="" 算吧~我相信唔係人人接受到!
之後去左老地方食野,佢食左個飯,我食左吐司!
因為怕返到屋企冇胃口食飯~食完係大中行左陣~!
大中真係只係一個hea既地方!hea左陣之後佢要去沙田check眼,
再落MK同D同事食飯,Then我咪返家~!返到屋企冇耐食飯!~
夜晚都係hea下咁樣,聽日睇下起唔起到身返學先~!
而家既生活就係hea......................
到星期6,日唔會hea 0家啦~要返工!
我覺得一星期返4日工左右係最GOOD呀~!But家下咁多人頭,又未裝修!
大概下星期都係返得少了!~今日睇便利I.T果D又請人!
但係我仲未影相/_\.....yin叫我去見,但係冇相喎~又話後補,好似唔係太好吧~!?

>>November 3, 2004 at 3:22:47 PM GMT+8