2004 年 7 月 21 日 星期三 【晴】



>>July 22, 2004 at 4:04:37 PM GMT+8

2004 年 7 月 21 日 星期三 【晴】

個ICQ中係咁樣...咩事呀究竟?仲係咁多人add我既???>"<
今朝冇返到學!琴晚訓唔著!爭係覺得頭暈暈咁!=.="
10點幾起身!~1點返工!落貨場第1時間唔係去食雪糕而係幫下手咁樣啦~
亞敏今日都要返工!返兩點!收6點!仲早過我收工!~
ok多野做啦今日!可能朝早爆一爆關係啦佢0地!冇耐就去食雪糕!
今日返左in-ebace第2期!買滿100蚊送一本!
3點幾亞媽同埋D親戚0黎左!果個唔知咩表E定係咩野!
我細細個見過到家下都未見過!見番都唔知佢係邊個=.="...
今日都織左好幾對鞋!織到我興興地囉真係=.=.....
亞仔下晏0黎左!佢發燒~唔駛返工!
我問亞仔S&K有D咩野分別果渣!因為我想轉換下環境!
但係最近要鑽石山!唔係就要過海!再加上S&K既PT一定返得好少!
我都問過Tammy!Tammy話幫我問下果渣~um.....如果佢記得問既話先再算吧!
6點幾亞ca同佢亞妹0黎左!係撩鼻屎睇衫!~佢亞妹靚d我覺得...
亞東又係呢段時間0黎左!佢次次放假有時間就會0黎睇下e-mail!~
仲有幫下我0地手!但係佢實在太基了=.="""
準時7點鐘收工!其實都唔算太準時!7點1多少少先收工!
之後試下撩鼻屎D衫!返左D新衫!可惜著落唔係咁好睇.....
冇耐就返家了!~等埋第2果個返0黎食飯!今晚都係玩下電腦睇下TV!
聽日返工又係返1-7!拍住猩猩!希望準時收工啦~唔係就餓死了!~

>>July 22, 2004 at 4:04:18 PM GMT+8

2004 年 7 月 20 日 星期二 【雨】

估唔到今朝會訓到12點幾起身!因為我以為自己10點幾起身!
10點幾果時比亞媽嘈醒左一醒!12點幾起身之後係屋企睇VCD食下野咁!
睇果套<< 絕世好賓 >>!我覺得唔係人0地講咁攪笑!麻麻地呢套戲~
睇完之後都係玩電腦!同埋聽歌!換衫準備出街果渣!
因為亞sir話今晚去山頂影相!6點至6點半係金鐘地鐵站等!
但係......個天好黑又耐唔耐落雨下咁!最終我決定左唔去!
我好憎落雨天去到咁遠!又帶遮!D相機果D又重!又要帶腳架!
咁不如第2日好天氣先再去影夜景吧!~
唉.......家下覺得好浪廢今日!放假...又要等到下星期先有假放了~
成日留係屋企都唔知仲咩!咪係屋企度影下個天囉~
聽日又返工!家下好厭倦返工既日子.....我估遲下真係要轉換下新既環境先得!
呢期個ICQ唔知咩事!一曰之內最少3,4個唔識既人add我!
9成係外國人!好少機會係中國人!咩事?????我覺得有點兒問題!
今晚早D訓啦都係!聽日仲要返學返工.....
琴晚silver send左個網俾我!佢話果個女仔好似我!
果個女仔佢識得!一睇D相!真係有幾分似呀>0<"""
估唔到呢個世界真係人有相似0家喎~ 某D角度果個女仔同我好似!
但係正面影相就唔似!果個女仔仲要細我3年咁多=.=".....

>>July 21, 2004 at 3:28:24 PM GMT+8

2004 年 7 月 20 日 星期二 【雨】


喜歡!~

>>July 21, 2004 at 2:07:54 PM GMT+8

2004 年 7 月 19 日 星期一 【雨】

今朝落雨...原本唔打算帶遮出街0家啦!因為今朝發左少少脾氣=_______="
點知去到K巴站先落雨!攪到我又返番屋企拎遮!因為好大雨呀真係!
原本我已經比平時遲左少少出門口!今日攪到好遲先搭車!
返到學校仲有8,9個字就落堂=.="......拎左個layout返屋企畫~
今堂好似比平日少左幾個人!班男仔仍然係咁白痴咁攪笑!哈~
放左學係school樓下間茶餐廳度食野!食完就返0黎返工!
搭271時好似有d想嘔既感覺=.=""" 唔知係咪唔舒服關係.....
但係之後又半訓半醒咁樣!返到公司就見到亞東!佢真係好基‧______‧
返0黎冇耐Andy0黎左!亞東叫我唔好換衫住去左雪糕先!
其實我0地呢間舖係慣左換左制服先去雪糕!佢話為左同事安全就最好唔換制服去喎~
行銀度好少人!仲想hea下先返去添=.="
返到去Andy當然仲未走啦!Tammy返兩點!
Andy當然係同Tammy夾野啦!成粒鐘先走人!Andy走果時仲叫我:鸞姐~走啦!byebye!~
我答佢:有時間再0黎睇過啦喎!~byebye~~~
其實我覺得Andy某程度係好過亞明!
俾著係亞明走都唔會同我0地D細既say bye!
冇耐我同Tammy拾左少少位!時間過得ok快~下晏撩鼻屎好爆場!
因為佢果邊D野真係幾平下!相反我0地大B就唔係咁好境!
亞東好鍾意叫我0地D細既做仔仔女女=.="
係咁係門口嗌場呀佢!好恐怖=.=""" 其實佢份人都係冇咩野既~只係把聲有點兒恐怖0者!
37今日成日打0黎!我諗都係因為亞東借過0黎關係吧?
summer仍然咁攪笑!仲同Cathy一齊癲咁!
唉~如果我都過埋去37既話就好!但係......怕時間唔0岩...
唔知點解今日返工好認真呀我!我感覺到自己比平日認真左!真係有selling!
但係......我真係好想轉工!究竟我可以轉咩工?究竟有冇其他工肯請我?
唉~~~~~呢家野真係有點兒擔心!因為我已經唔想留係Baleno了!
一直以0黎我都覺得呢份工唔係咁0岩我...
我家下只好係度等.....等多兩個月先可以搵其他工!因為差唔多年尾係最易搵工!
到時我搵唔到其他工就真係吃得屎了!
但係今日返工都冇咩野!~心情唔係話特別差!
今日都OT左半粒鐘!6點半走人~聽日Day off真好!但係夜晚要去山頂影相!
下晏要係大埔影下境先得啦!因為家下用緊果筒菲林唔0岩影夜境.....

>>July 20, 2004 at 11:50:42 AM GMT+8

2004 年 7 月 18 日 星期日 【雨】

今朝冇返學!因為我都冇打算返學!其實我琴晚12點幾已經訓著了!太累關係吧?
10點就起左身!冇耐又落雨!夏天就係咁樣!成日都落雨.....
之後又返工!首先又係幫手食雪糕!都排左幾耐隊!
返番舖頭頂食飯!頂亞敏食飯時佢果邊好爆場!
原本佢又話快快手買完野食就返0黎!點知佢成個飯間都出左去!
攪到我有點兒亂!因為大B同事咁多個之中得我係最熟撩鼻屎D貨!
朝早果時佢0地明明好靜場0家ma!點知會爆場!咁Tammy就要我搵番亞敏返0黎!
點知打俾佢又冇人聽=.=" 都唔知係咪玩野!我估佢都係同朋友食飯多0家啦!~
成日都冇咩野發生!仲以為Andy會落0黎!點知冇...
猩猩下晏先返!冇耐佢俾左糧單同埋供強供金既form果渣野俾我!
但係我收工唔記得左落=.=...放左係電腦果度!因為今日成日都係我打機!
原來夠18歲就要供!但係一個月搵唔夠5000蚊既話就由公司幫我供!
咁即係公司幫我供0家啦!~
仲有.....一間舖係一個月內過得個target就有佣!我到家下先知原來我都有得分!
我仲一直以為得full-time先有!亞敏話出左memo我呢D長part既都有得分喎~
原本我係收7點半...點知.......
唉~~~拾位!攪到我9點半先收得工!OT左兩粒鐘!
我仲要係朝早11點幾食完個包到9點半都未食過野!餓到我冇咩感覺咁囉~
9點果時猩猩又要埋倉車褲!咁得我,峰,亞敏係貨場!
我0地3個當然又玩玩下咁樣0家啦!果段時間已經冇咩fans 0家啦!~
我0地3個講埋sex果D野!哈~好爆笑!其實我都好耐冇講過呢D野lu!
中學果時就講得多!但係可能家下對住既人唔同!~So好耐冇講過掛~!
聽日都係返1點!唔知收7定係收6!但係聽日兩個in-charge都唔係度!因為補假喎!~
借左37既亞東0黎!我知佢係邊個但係未拍過佢做野!唔知佢係點樣!
今個月我好慳呀!冇點買過野!到家下為止都係買左一條褲同埋一件衫咁大把0者!~
其實我係好想買鞋...好可惜遲遲仲未買到!
我想買對自己真係好鍾意既~唔想亂咁哂錢!
家下仲有兩個星期左右就出糧!時間真係過得快呀!!!GOOD!!!!!~
儲錢除左為左有D錢防身之外,仲想遲下買袋0家>"< 係...又買袋......
因為睇中左個GUCCI boxing袋!但係...應該好難有得買!就算有都好貴!
都唔知幾時先可以買到lu~

>>July 19, 2004 at 3:43:26 PM GMT+8

2004 年 7 月 17 日 星期六 【晴】

今朝10點返工!幾多貨拆!今次我0地幾快手下!係未開舖之前已經攪掂得7788!
平時我0地上都未上貨就開門0家啦!~通常有貨返既日子朝早開門做cashier都比較忙!
今次都唔例外!第1個報時食飯係我!我都唔覺得肚餓......
食完飯落番貨場Tammy又冇野搵野俾我做!又要我抹番好門口果D漬!
仲比我發現倉入面有成筒未倒既污漕水!當然又係搵我去倒0家啦!~
有女仔係度一定搵女仔!唔會搵男仔!果一刻心情真的不太好!點解次次都係我咁?
有我係度就一定係我!再加上,都唔明點解D人咁冇交帶!
清潔完又唔倒水!點解?????我真的不能接受呢點!
冇野做就睇果張memo!原來之前有神秘人0黎過!果日係我,Peter,猩猩同亞敏返工!
張野係講我0地係有selling!但係唔夠深入!仲讚cashier果個不俗!
果日應該係Peter做cashier!又話我0地用左撩鼻屎< pat >袋!
其實果時我0地咁0岩冇哂大B袋!唯有用住撩鼻屎D袋先!
之後又話撩鼻屎同事唔理男fans!唔知亞敏會唔會俾May話啦!~
冇耐我同Peter都企左係前場啦!~之後有個亞太同埋個亞sir入0黎!
個亞太原來唔見左個女!3歲大既~佢同我0地講著住條短裙!同埋紮住高便!
又叫我0地見到留住佢!我問佢果個女仔著咩色既短裙佢又唔答我!
其實我都係想睇下果個細路著咩色幫佢留意下!
果個女人當時情緒好亂咁!我都明白佢既心情~之後佢又過左對面舖問!
個商場係咁廣播!又有兩個警察同D橙人經過咁樣!個個都好緊張!
唔知果個女人搵番個小朋友未呢?希望佢搵得番啦!~
之後下晏一直都唔點覺得有爆場既情況發生!亞ca 0黎過囉!~吹左兩句水!
成日都冇咩特別!佢0地今晚大拾!因為聽日又唔知咩野第1件6折第2件3折!
我未走果時佢0地已經開始拾!遲左半粒鐘收工!7點半.....
返到屋企食飯~睇TV!聽日返1點...
今日終於可以開番呢個日記啦!之前果幾日D日記係WordPad度 save低!
家下先copy返落0黎!

>>July 18, 2004 at 4:00:59 PM GMT+8

2004 年 7 月 16 日 星期五 【綿綿細雨】

今朝訓到10點起身,之後又返工!首先去食雪糕!點半左右第1個先食飯!
原本今朝我係紮左便返工!
但係.....好核突=.="攪到我食飯果時返左家洗頭!別時間喎~
下晏心情唔多好!攪到返工果時黑面!我唔知係咪因為Tammy係咁叫我做野而令我黑面!
我唔知.....總之...感覺唔好!其實唔爆場!但係一冇野做Tammy就好鍾意冇野搵野0黎做!
係咁指人做野!以前......呢度唔係咁樣!
算吧...我知......以前唔可以比!因為冇得比!!!
但係過左飯間之後心情好番少少!Andy有落0黎!0黎左唔係好耐就走了~
佢隻眼真係幾大下‧_____‧Andy走左冇耐撩鼻屎爆場!
因為家下撩鼻屎有D衫係3折,有D係5折!summer sales ma!~
果時咁0岩May去左買飯食!而大B又靜場!之後就搵左我過去幫手啦!~
勁多人試身囉!~夾果D衫都夾唔切=.="""......
係果邊幫左陣手就返番大B啦!
夜晚Peter俾Tammy入倉插!話Peter對同事態度唔好喎!~
其實我覺得冇咩野囉~或者佢串親Tammy掛~
我唔會串囉!只會黑面唔出聲......但係...咁樣真係好辛苦=.=
今日準時8點半收工!收工幫亞媽係撩鼻屎度買條褲!自己果條仲未買.....
因為我好累唔想試!第2日先吧~
返到屋企如常睇TV!GOOD~<< 隔世追兇 >>大結局!必睇也~
家下好多劇集都唔會交低哂個結局!呢套都係...
聽日返A間!唉~~應該幾多貨返!睇0黎應該幾早返工!一定好累......
PS:呢期又聽番以前D舊歌!其實我覺得SKY D歌幾好聽!只係佢0地平凡0者!~

>>July 18, 2004 at 12:26:47 PM GMT+8

2004 年 7 月 15 日 星期四 【雨】

今朝早8點幾起身!我通常起身就會望下條街!今日落雨.....
其實都估到落雨!因為琴晚訓前見到個天唔多對路咁=.="
睇下TV!原來掛左3號風球!
勁眼訓囉係!因為訓左5粒鐘左右0者!去到火炭就行去果個唔知咩商場度出身分證!
都ok易搵!但係就拎遮好唔方便!出身分證好快~
填form,影相,手指摸印攪掂好哂就拎果個所謂既行街紙就走得啦!~
搭返火車返大埔時舅父打0黎話今日唔駛出去!
原本今日係同未來舅母去試化果D新娘妝,睇下邊個襯佢多D!
因為8號風球關係so唔駛去!其實果時仲未掛0家!只係掛緊3號!但係晏多少少就掛左8號了!
返到0黎大埔行左陣新達!去左2%行左陣!買左件背心~都有一排冇買衫0家啦我!
原來我上年出果張VIP卡係永久!即係可以用!So件衫幾平!幾0岩去沙灘!GOOD!~
再搭返去大中搵左TOTO陪我食野!食完就係大廣行左陣陪埋佢買磁碟就返家!
返到屋企都係玩下電腦同睇TV!兩點幾左右就訓著左!因為真係好眼訓=_______________=。。。
訓醒睇睇ICQ有冇人hi我果D!發覺好多人掛網講訓著左!=.=+
今晚有飯食!~都有一排冇食過主家飯lu!~老豆都係度一齊食!係差大果個0者!~
今日睇番新聞先知原來今日打風果時打手提線路煩忙!唔怪得我係街度果時咁難先打到電話啦!
夜晚已經落哂D風球lu!~
PS:我成日都話想轉工!但係......原來我仲有4個月做就到1年啦!~仲有幾日我就做夠8個月了!
家下真係咩野都要經驗!起碼我做夠一年會俾人覺得我唔係玩玩下先啦~
再加上做夠一年睇都好睇D!而且原來想做名店就真係要好有經驗果D先得!
Sarah家下都做緊名店!其實佢之前做果D都唔係cheap!中上果D店啦!~
我記得佢係18歲就開始轉做sales!大大話話佢應該做左4年sales了!
但係佢家下做名店!睇0黎佢搵得唔少!唔怪得佢家下又搬屋生活好左咁多!
我亦都知請人既時期係年尾係比較易請D!So我真係要搵工就真係要係年尾搵!
好可惜我返緊學!我唔可以有太高要求.........
我比唔上人!經驗唔夠!我太細個了.....

>>July 18, 2004 at 12:26:08 PM GMT+8

2004 年 7 月 14 日 星期三 【晴】

今朝個鬧鐘居然冇響!好fuck呀真係!8點幾醒左一醒!
咁次真PK!原本打算返學又返唔到!訓到11點幾起身~
之後hea下.....睇埋之前錄低既GOOD LUCK!終於等到3點半亞yin打0黎叫我出去!
等緊K巴士有架271停左係燈位!我見到達達同MayMay係架車入面!
係MK等yin!我0地行左陣花園街!因為佢今日見工著果對鞋係佢家姐好唔0岩佢!
買左對涼鞋我0地就4圍行下!原本打算係MK睇戲!點知<< 木馬 >>MK冇得睇!
得番沙田有!落沙田前去左買相機!原本打算買普通入菲林既相機就算0家啦!~
但係最後都係買左個鏡頭可以自己效果D!唔算貴!價錢OK!~
買完咁我0地就落左沙田!彬都0黎埋!買左菲行左陣沙田!買左D零食打算入戲院食!
之後行下行下就撞到亞shan同埋馮XX
吹左陣水我0地3個去左食野!因為我0地3個仲未食晚飯!
等元綠!點知勁多人!等左幾耐下!見唔對路就叫左外賣入戲院食!
今次都係第1次係戲院食呢D野!又用筷子!睇緊戲當中勁多人打0黎!
當中屋企打得最多!煩到PK!!!之後咪俾我小囉~咁真係好煩呀ma!話左睇緊戲0家啦!~
呢套戲真係好好睇呀我覺得!雖然係咁打鬥,但係好浪漫!~GOOD呀!!!
出VCD果時一定買返家再睇過~!
就算咁遲先睇都冇緊要啦!~起碼可以趕得切係落畫之前睇到!
如果呢套戲唔入戲院睇就真係哂曬啦!~睇完12點!
返到屋企12點半有多!影番張身分證!
因為我知過左聽日之後呢張身分證就唔會再係我身邊啦!~
但係同左大果條PK嘈左陣!打埋篇日記就沖涼訓lu!~
因為約左聽日10點鐘係火炭出身分證!睇0黎我都係唔夠訓多了!~
今日冇買到衫果D!原本想買水晶!睇唔0岩!總之想買既野都睇唔0岩啦!~
仲有.....今日買果部機真係幾多制下=.=".....頭先影身分證時覺得唔太識用咁!
睇0黎要慢慢研究先得!

>>July 18, 2004 at 12:25:35 PM GMT+8