2004 年 9 月 7 日 星期二 【雨】

琴晚點幾兩點訓!今朝起身返學...亞媽勁嘈我!頂呀!!!我話鬧鐘未響唔好係度嘈我!
佢就話鬧鐘響都死果渣!PK呀~我當然把握時間訓啦!
7點8左右出門口!但係等K巴等左好耐!因為今日落雨!次次落雨搭咩野車都耐過人!
係等得耐,落雨天又比平時特別多人!
搭地鐵個肥婆唔夠位都死入0黎!攪到地鐵度門< 山 >左5,6次!真PK!!!
佢條肥婆係我後面!攪到我差D抖唔到氣,勁辛苦/_\
一去到灣仔就勁快咁樣行返school!因為過左9點就當遲到!好彩0岩0岩點到名!
reception果個老女人勁串!!!仲話我同羅家良,快啦~你0地遲左半粒鐘!我要收紙!
真PK!!!黑口黑面咁樣!唔好做囉~
係學校樓下一入lift羅家良就衝過0黎!佢都遲左~訓晏左!
今堂係攝影堂!上到2樓見到邱富坐左係第2個班房度食緊包!
因為佢0地曬緊相關係!所以唔開門!我0地係度等...
等左3個字左右掛~亞星就開門俾我0地入0黎!今堂都ok齊人!
遲左少少放學,亞sir係度講野ma!~落番一樓就見到Micheal!
佢好似冇之前咁賤!精神左!而且冇咁肥了~!好耐冇見佢啦!
跟住小葵佢0地放番好D功課係locker而我拎埋學費單就走人~
係school樓下間茶餐廳度食早餐!得4個人去!我0地傾計傾到成12點先走人!
今次我0地係講乞衣既問題!笑爆~!原來都有好幾位乞衣係幾出名0家喎~
之後我如常係尖咀搭271返大埔!落雨...一上車就即落大雨!好彩上左車0者~!
係車度訓到唔想起身!好累...醒果陣差兩個站都冇就落車!
返到0黎就去撩鼻屎試衫!因為轉左季,我見D衫幾靚下!但係我一係等staff半價!
一係就用匯豐銀行果張優惠卷,買正價貨品一張單過半價ma!~
我試左5,6件!有4件OK!決定左遲下半價時買!!!快D就好啦/_\.....
同亞敏吹左兩句水就返家!hea左陣又出0黎!約左TOTO!打算開多個戶口儲錢!
點知廣東省銀行話要住址証明!仲要係有我個名!屌~~!鬼有呀!!!
果條友仲話間間銀行都要!一係就用會考証書作証明!因為果度有地址!
屌~我果張都唔知放左係邊啦~N咁多年呀!!!我都唔係呢間出戶口了!下次係恆生出!
講服務態度我覺得匯豐好好多!
但係諗諗下上次匯豐寄左信俾我!果張有個名而且有埋地址!
之後我同TOTO順便去埋匯豐問可唔可以用一間銀行出兩個戶口!
果個人話個人戶口唔可以同一間開!但係可以出其他戶口,例如聯名咁樣~
問完之後陪埋TOTO去圖書館還書,還完係大中行左陣!
係姐姐度買左個袋!個袋幾好睇又夠實用!因為夠大!而且唔貴!
買完去左小桃園食野!終於食到吐司!OK好食~唔差!但係唔夠熱~
食完就返家lu!~返到屋企都係我既電腦啦!~
夜晚係屋企煮野食!今日成日都好眼訓...但係冇訓過晏覺!
因為怕今晚訓唔著!聽日仲要返學返工......

>>September 8, 2004 at 12:36:02 PM GMT+8

2004 年 9 月 6 日 星期一 【晴】

我已經連續個幾星期冇返學啦!~
開始唔係咁想讀...但係今朝俾亞媽小到爆!佢仲未知我遲到係當缺席!
仲7點幾叫我起身!果時起0黎都冇用啦~果時我應該係出左出門口0家啦ma!~
1點又返工......一返到就見到個場好亂!真係頂唔順!!!
之後跟哂全場D價錢牌!跟下D掛裝~!再之後排番好D size!整好整齊!
原本今日成日都好free 0家!因為Tammy唔係度!
點知4點幾果時冇啦啦0黎左!正仆街!!!放假都返0黎!都唔知仲咩春!
佢0黎好似係整番好哂倉果D貨果渣!
下晏都有好幾個入0黎問係咪請人!俾左form佢0地填!仲有個係爆頭!
同我同年0家>0<""" 又有一個女仔又係同我同年!但係我覺得佢有D串囉~
都幾大個0家佢個樣!佢問我:咩唔係家下in既咩?
我答佢:唔係0家!我0地會將你份form send上office!in果時再通知!
新果個PT亞him5點半收工!之後我6點半先食飯!
返左家食!因為留左飯係屋企,冇打返公司~!
食完之後又返工!仲有兩粒半鐘就收工!~今晚埋到荃灣~
琴日佢0地旺角都未有!真係好唔得囉~!!!
夜晚我都要11點幾先走得!我仲要係最早走果個!
轉左6-8箱貨左右啦~!做得勁快~!因為我想快D走!!!
我仲有黑面!因為明明話俾我準時走!講真,我做既轉貨都係for Tammy聽日0者!
聽日比得返A!佢聽晚係拍住個新仔亞him!
咁轉貨一定係Tammy做0家啦~!佢當然係想我幫佢轉哂0家!
但係超多!點轉???D貨去左兩格fitting!倉入面仲有!真係爆多!!!
得番亞tal同佢兩條友係度做轉貨,車褲果渣~!因為我唔想又返唔到學!
返呢份工真係好累!真係超超超...多野做!!!Tammy成日都將D野俾人做!
人0地做5樣佢先做3樣!又有D人比得新!更加比我唔識野!
咁我自然就做得多過人0地!比得同亞tal仲慘!做得最多野係佢0地!
我成日都想快D走!唔想留係度咁耐!So我先成日快快手手咁樣做!
但係我.....真係好累呀>"< 公司真係超多野做!
行返家時打俾yin!同佢傾左好幾個字!都係< 辛 >下,
我唔知仲返唔返學好!因為我覺得屋企根本冇能力去養我,供到我所有野!
但係我好怕做錯決定!我用左成年讀呢個設計了!
如果我真係專心去返哂學而唔返工!咁我份份功課就要做到!
功課都要用錢0家!!!邊個俾我???唉~~~
我仲係屋企樓下同yin傾電話傾左好陣子先返家!12點前返到屋企!
但係家下成點我都仲未訓!根本訓唔著!太多野要理!好多野做之前真係要諗後累!
同大果個家姐傾,佢就叫我唔好理咁多!總之就唔好做,佢0地自然有能力供到我!
嘿.....佢講真易囉~事實我知根本係另一會事!佢太天真了!!!!!
聽日Day OFF啦終於!唉............好累呀/_\

>>September 8, 2004 at 6:16:06 AM GMT+8

2004 年 9 月 5 日 星期日 【綿綿細雨】

今日訓到兩點先起身!好耐未試過!係屋企hea......
之後4點先換衫!點知亞tal打0黎話Cathy叫我5點半返去!
一係就夜D去就放夜D走!咁我不如早去早走!
亞tal下晏食飯時間打0黎吹水!話佢0地琴晚遲我少少走!
原來成班人都唔鍾意Tammy!佢0地成班琴晚收左工之後仲去食宵夜!
分開0黎行但係約埋同一個地方等!Tammy咪以為佢0地散水囉~
So Tammy冇一齊宵夜!而且佢0地成班琴晚仲講左好多Tammy既野!
今日返37 busy仲同我講李至賤話Tammy佢係惡人做野!即係唔好禮貌~
仲話琴晚兩粒鐘係50舖都覺得火到0黎埋!
唉~~~我都忍左好耐啦!但係打份工...冇法!可以講咩野!
但係我借去第2間舖跟過其他in-charge!除左屙爛屎之外最差係Tammy!
下晏搭搭下小巴係吐露港果時落雨!好彩落車果時冇落雨了!
5點4左右去到馬鞍山行緊果時亞東係我後面!
去到首先去37!見到亞業^-^ 佢真係黑左!但係都唔係好黑0者~
之後等埋Cathy一齊過去!佢同亞東都兩邊走!37仲係咁靜...
去到63...幾多人幫手!間舖好細!同54差唔多!個倉係超細囉~
放locker,衣車同貨之後都冇咩位!仲細過50同家下既37既倉!
但係我估果度都幾好做既~37 有D同事會調過去!連30舖既馮小明都會調過去!
7點幾8點果時D大粒野仲落埋0黎!勁驚!!!!!真係好多人!
但係都係自己做自己既0者~!Andy拾過哂D位0黎!同張圖既勁有出入!!!
Cathy又將D色褲,男裝區同牛褲俾哂我!有D item根本唔係我果邊都俾埋我!
勁亂!好彩亞東係我附近!佢幫我!仲叫我定D!因為我開始有D炆!
我心急ma!驚俾人話我做野慢!最後都冇問題!跟埋D desiplay!
D B褲冇send過0黎!於是我同馮小明一齊過去37拎!又打單!
估唔到今個月見到馮小明2次喎~馮小明in過馬拉松!就0黎in第2次啦~
有得in第2次即係8成請啦~佢就好!So佢可能好快轉工!
之後過番去63整番好D B褲!冇野跟之後Andy就叫我走啦~因為全場都攪掂得8899!!!
咁0岩busy都走!咁我同佢去左食野~食完野10點幾搭車返大埔!
搭車果度調左位!攪到我搵左一搵‧____‧"搭車果時同yin仲有亞敏吹左陣水!
返到0黎大埔就去番50舖!因為有條褲由37轉去50!
佢0地真係未走!見到新0黎既PT!拎埋條褲俾佢0地就走!
返到屋企11點左右~打日記...
聽日返1-10...星期3先放假!
PS:琴日定係前日亞敏喊...都係因為Tammy!其實我0地係孖舖,cashier兩份用!
亞敏都要做野0家ma!Tammy就話亞敏阻住我0地大B做野!
之後亞敏就發脾氣同Maggie講:家下我0地唔忙既?佢0地忙哂!
Maggie好冷靜咁答番亞敏:而家唔係發脾氣既時候!
因為果時都幾多fans,星期6,日ma!~Maggie仲係咁好笑容!佢真係勁~
佢0黎左呢間撩鼻屎之後生意好過以前!
好多時候Tammy都係好自私!就好似特價場!我0地樓上爆到PK!
又唔夠人!平時一個食飯都有4個人係貨場!呢兩日得3個人係貨場!
佢0地樓下又成日打0黎叫我0地拎貨!因為補得少貨唔夠size!
佢0地樓下又唔係爆!可以搵個人上0黎拎貨既0者~!下下都係我0地拎落去!
而我0地又爆到屎咁樣!Tammy都唔肯俾一個in-charge我0地頂亞tal!
攪到亞tal果日勁忙!食飯都冇時間!Tammy仲話:我唔理呀~你自己攪掂佢!
就呢件事我覺得Tammy真係好衰囉~
雖然每個人都會自私,但係都唔駛咁呀???

>>September 6, 2004 at 4:20:16 PM GMT+8

2004 年 9 月 4 日 星期六 【晴】

琴晚訓唔著兩點幾先訓!訓左6粒鐘都冇又起身返工!真係唔想起囉!~
今日係特價場既最後一日~我冇落過去!差唔多全部特價場既人都人都唔係自己舖既人!
12點果時汁yin同佢朋友0黎左!~仲買襪!我點左佢落去特價場買!因為6蚊對!比過上面舖2蚊!
唔知下晏幾時企前場時亞yin經過佢同佢屋企!佢今日OFF!星期日有得OFF真係難得喎~!
第1個食飯係我!打俾亞媽佢係邊!估到佢行街!咪叫佢陪我食野囉~
點知成班亞E都係度!算吧~我點都要出去食!因為轉季關係勁多野係倉!好亂,冇位!
下晏Andy同美寶又落左0黎!!!!!!好彩果時我又係做cashier!
So都冇咩問題!總之唔係企前場就得啦~到我食完飯果時0佢地已經走左!仲好!!!!!
亞ca係我食完飯之後都有0黎!佢仲係好得閒咁樣!吹左陣水就走左~!
30舖借過0黎果個亞業都唔係37果個亞業!大家都係叫亞業!點解好似差咁遠咁?
7點幾果時我唔記得左埋倉仲咩野啦~總之小桃同亞樂都係倉既~!
果時小桃就係度講緊對Tammy既不滿!之後連我都講埋一份!
Then小桃講到好激動!咁我0地倉係有好大水樽0家ma!果個水樽仲係滿水未開既~
小桃想拎起囉~笑爆我!亞樂第1日借0黎都覺得Tammy唔好!都係惡果D啦~!
亞樂見到我0地咁樣都笑死佢!因為我同佢講起都發癲咁樣!小桃仲咁爆笑添!哈~!!!
今日都好爆場下!夜晚埋將軍奧!到左9點果時我0地就開始排size!
到落離10點多少少先開始做轉貨!一路都係我打單轉貨囉~
起初冇人幫我!勁多貨!係9成夏天衫都轉走哂~!之後我叫小桃幫我排size寫定!我一打單就係!
我冇set場淨係打單都攪到兩點先完成!因為太亂!成日流波!
攪到同一間舖同一件貨開左幾張單咁樣!最攪笑係D襪!我0地轉埋D單隻果D!
因為係最後先轉!個人已經累極!!!我同小桃一隻一隻轉左佢!冇拾番好!
亞東都話由佢唔好理轉左就得!~其實差唔多攪掂好哂果時我想發脾氣!因為冇冷氣!
11點幾果時已經冇哂冷氣!好熱...好焗.....好辛苦!仲要轉咁多箱貨!真係想死.....
撩鼻屎同事12點幾已經走左!BOBO夜晚有0黎幫撩鼻屎手!11點幾走左!
我同小桃最終攪掂好哂D轉貨就走得人!小桃走先過我!
佢條友連D出貨單未放番好哂就走左=.="
攪到我攪掂好哂先!李至賤12點幾1點果時過左0黎幫手!
佢條友明明唔駛轉果D貨都想叫我轉埋!想轉去59!
因為之前佢果間舖果D衫都係轉59!之後我冇轉到!
根本就未同第2間舖夾好!點轉???廢事到時俾人小!
家下fitting出面勁多貨!全部都係D收係後倉既貨0黎!即係舊貨!
亞東又叫我清理埋個現場=.=.....佢0地攪到場勁烏漕!
其實係set場既時候都有開心既時候!因為都有玩下~但係唔多!佢0地班仔成日係度講D淫野!
好爆笑~亞東仲做埋動作!笑爆!!!
兩點幾一條友行返家勁靜!返到屋企好肚餓.....返左15粒鐘只食左一餐咁大把!
佢0地特貨場果D可以食兩餐!每次9個字!50舖既得一餐1粒鐘!唉~~~
原本我係收10點0家囉~但係咁多野做.....我可以出聲咩?個個都好忙好多野做!
聽日又唔駛返學了!咁夜返家呀.....唔通唔訓咩?真係好累/_\
第1次返工返咁耐!除左盤點果日之外!遲下9月唔知幾多號又要盤點.....
聽日我間舖轉季了!換新制服!真好!!!!!我果件已經舊哂!~但係...新制貨唔見靚得去邊囉=.="
但係間舖D新真係好秋天feel囉~同埋都OK靚!~
下星期返既間都好金下!因為馬鞍山果邊開多間新舖!又有D同事冇做!
37果間舖有D同事調過去新舖!
亞tal下星期都要借過去馬鞍山!我聽日都要借去馬鞍山set場!唉~~又set!累極了!!!
但係小桃唔肯去,咁我可以點?當然係我去0家啦!~
小桃仲要讀書!只返星期6,日!我.....唉~~~我都好想返咁少!
PS:第1次轉咁多貨.....
我都唔知轉左幾多箱了!只知像一座山.........

>>September 6, 2004 at 7:19:56 AM GMT+8

2004 年 9 月 3 日 星期五 【晴】

今朝起身隻手仲好痛!返工.....
下晏成日都唔駛落特價場!但係好爆場~比平時星期6,日少一個人頭!
亞東唔肯俾一個人頭我0地!攪到我成7點先食飯!
Tammy勁衰!佢話PT只可以食9個字!但係full就食一粒鐘!
我0地食9個字當係1粒鐘計0家啦!~亞tal同我講既~咁我當然嘈啦!!!
咪話以前特價場full同PT一樣食9個字!每個人都平等!
咁亞tal就話我0地照食1粒鐘唔俾Tammy知囉~因為Tammy成日都係樓下特價場~
下晏亞仔0黎左!食完飯之後冇耐要我落特價場!
Tammy唔知同小桃講過咩野!攪到小桃喊!攪到我頂佢落去特價場!
落去前亞媽同兩個亞E去味千食野~!佢0地之前去左尖咀行街0黎~
特價場完全唔爆!同以前唔同!但係好快就收工!
係特價場亞仔同佢D屋企0黎買衫!又見到彬,肥布,戀毛,RB!佢0地係度倒亂~!
今晚都係博數!唉~~~10點半多先落推野入去!去happy時見到對面舖既某一個女仔!
佢都話佢0地比以前遲收工!又話我0地家下比以前遲左好多收工!係呀~唉.....我都唔想!
收工果時亞敏仲等埋我!我見冇野做咪換衫走人囉~!
有成5個人頭係度計數!我夜晚又冇打機!關我咩事呢???
我0地今晚冇宵夜就返家了~返到屋企又俾亞媽嘈!話我返工果D啦都!
我話對手好痛!係手臂果個位好多!佢話我發炎!叫我搽D野!
第2日唔得先去睇跌打喎~我直頭果個手臂位腫左!
我當然又喊啦!~因為我真係唔想返工!覺得好辛苦!!!
但係可以點???我咁大個人唔通靠屋企嗎?
亞媽話唔做咪唔做囉~但係我知屋企環境唔好囉~
佢0地有能力去俾每個月屋企既支出!但係冇能力俾錢我每個月駛用!
我老豆耐唔耐又話心口痛!叫佢睇醫生又話冇時間!我0地真係好驚佢有咩事~!
大果個又唔生性!成日都覺得自己好成熟!但係成日都出街!就算放假都唔留係家!
有朋友打0黎就即刻出去!搵8千幾蚊人工俾得1千蚊屋企!
平時又唔見佢買衫!咁佢D錢可以駛係邊???成日話冇錢駛!
我覺得搵8千蚊最少都俾3千蚊屋企囉~!4千蚊咩野都夠駛啦~~!
So我都決定真係要儲下錢!對上個月儲到!但係上個月又儲唔到!
希望今個月可以儲到2千蚊啦~!努力!!!!
聽日返全日...唉~~~一定唔夠訓了!10點3返到公司!收夜晚10點!
但係一定唔準時收工0家啦!FUCK~~!!!
PS:對手臂仲係痛╤︵╤

>>September 4, 2004 at 4:07:29 PM GMT+8

2004 年 9 月 2 日 星期四 【晴】

今日訓到10點幾起身,之後又返工!首先唔係入band而係幫下手先去入band!
果時婷婷0黎左買左件tee!幫人買喎~!
Andy朝早已經0黎左!我入band前佢已經走了~
Tammy原來未試過做特價場!唔怪得佢咁滕雞!亞tal話佢今日俾人小左幾次!
我見入band當然打落去問下駛唔駛倡錢0家啦!~點知Tammy叫我盡倡!
盡倡???咩意思?即係倡幾多錢?落到去佢俾左2千蚊我!
我有一時諗唔起係勁勁勁.....多銀囉!~去到倡...倡到!但係爆多!個紙袋都爛埋!
真係勁勁勁...重!重到PK!!!有一箱貨咁重!當然冇一個箱咁好拎啦!~
我知個袋當一定頂唔順!經過一間唔知咩野既舖入去問拎袋!
個老闆娘好好仲幫我手!連佢都拎唔起D銀!佢仲話我人仔細細咁大力!
一條友冇人幫唔大力都唔得!!!就咁係銀行行返去舖頭我停過5,6次!
我覺得好樣衰!真係爆樣衰囉~去到超級城地下我真係頂唔順啦!我即頭放左係地下拉!
去到特價場果度搵人幫拖!!!當我唔拎D銀既時候我get到隻手勁勁勁勁勁......爆痛!!!!!!!!
有一隻手仲腫左!之後頂唔順我入左倉喊!隻手真係冇哂力好似廢左咁!
我喊係因為點解唔會派個人幫我手拎D銀?點解要我講幫拖先幫?
同埋我真係覺得好樣衰囉~!!!行返舖沿途有幾多人望住我!真係我真係拎得爆辛苦/_\
我D眼淚忍左好幾個字先爆出0黎!~但係我喊完之後都係一條好漢!
可以話我唔成熟為左咁少事喊!但.....事實我係一個好眼淺既人!
銀行果度仲俾少左100蚊俾我!因為倡左3千幾蚊都係一蚊兩蚊!樓上樓下都要倡!
好彩Tammy冇話我!打返去行銀,行銀果個女仔係我食緊飯果時俾番果100蚊我!
佢專登行過0黎~真係太好人了!Tammy叫我下次小心D!亞tal就同我講下次數清楚先放入袋!
亞tal佢話以前做PT試過倡成5千蚊!返到去仲冇左500蚊!
果D in-charge小爆佢!小到佢喊囉係!佢仲要咁重咁樣拎返去!
但係到左月尾又搵番果500蚊!出事果時佢貼左500蚊出0黎仲要俾人小爆!
我當係今次教訓吧!~吸取下經驗都好.....今次我知自己好唔成熟!因為我為左咁小事喊...
亞敏話我唔成熟!事實係我眼淺,佢唔係我,佢唔知個苦況,佢唔會感受到!
佢話佢講野成熟過我~某程度上我覺得係!但係某程度上我又覺得唔係!
因為佢有時講野都好細個!但係我都廢事出聲了~!因為無論點佢都會覺得佢係講野成熟!
下晏MayMay 0黎左!佢今日OFF!~買左D曲奇俾我0地食!好吃!~
亞仔今日打過返0黎!佢問我收幾點打算一齊飲野!好可惜我收夜!
都有一排冇同亞仔坐埋一齊食下計果D啦~
5點幾先食飯!成日都唔爆場!亞業原來唔駛過0黎.....
7點幾搵左我做清潔!因為隻手冇力,搵左小桃幫我打水!
夜晚博數博到10點半囉~差果64蚊!最後亞tal買左對涼鞋!佢之前都打算遲早買0家啦!
因為佢果對爛左!而我就買左件19蚊tee訓覺!小桃就買左對襪~!
其實我覺得Tammy同亞tal係一個好唔識分配時間既in-charge!
夜晚咁靜場其實係可以俾小桃走先!留係度都冇用!夜晚根本冇野做!
拾位又唔駛佢拾!如果唔係我因為倡銀攪到手冇力又痛,我諗我今晚都要拾位!
最後我,小桃亞敏3條友11點走人!得番Tammy同亞tal係度拾場!走人前仲攪掂埋D locker!
琴日send左4個幾新既locker俾我0地!因為我果D locker好多都係爛既~!
家下我同小桃一齊用個locker!我同佢都唔係放得多野係公司!D衫又掛住左!~
小桃因為屋企既關係冇同到我0地食野!放左工我同亞敏係老地方食野!
其實除左琴日之外我都有一排冇食過宵夜0家啦~!
係老地方見到東華!12點半前返到家!打埋呢篇日記!
今日亞tal冇啦啦拎左張野俾我睇!係遲下既0黎做既PT!係edwin既朋友0黎!
我話:我0地間舖唔係只得兩個PT既咩?
佢同我講小桃要切!仲叫我唔好同小桃講,唔想影響佢工作!
夜晚食宵夜時我講左俾亞敏知!亞敏同我講小桃係冇咩野,但係做野未係好~
其實我覺得自己唔係好0家!但係亞敏話我已經算係好!
起碼我肯假!就算D fans幾煩都好我都可以笑哂咁樣!咁事實做呢行最低限度要咁樣囉~!
唉.......又一個要走了!我唔知抄人果個係Andy既指示定係Tammy!
我只知Tammy0黎左之後抄左兩個PT了!
Andy好PK!!!話購物節完左我0地都要收10點!屌~!又話唔駛我0地用私人時間博數!
講真Tammy同亞tal佢0地成日博數博到10點幾先肯落雜!以前明明係收9點半!好PK呀!!!!!!
PS:隻手真係好痛呀>0<""" 係手臂痛!聽日都唔知仲有冇事.......
我為左返工喊左好多次!但係我知呢個世界就係咁樣!返工就係咁樣!
就算我轉第2份工都會咁樣!有D既情況可能仲更差!出0黎做就野要涯下苦0家啦~
其實我家下都想轉工!係想轉份人工高D!我家下做得咁辛苦得咁少錢...
第2度又係做差唔多,但係人工高D!只不過.....我覺得好難有人請我0者.....

>>September 3, 2004 at 6:03:44 PM GMT+8

2004 年 9 月 1 日 星期三 【晴】

再一次掙扎!琴晚真係成晚都訓唔著!4點先訓得著,係張床度訓左好耐都訓唔著/_\
今朝仲唔知鬧鐘響!亞媽7點多走入0黎叫我起身!叫都冇用啦~
因為7點起身我已經遲哂到當缺席了!我家下要6點起身呢~!
一開始講再一次掙扎...係因為我係度諗緊放棄邊樣好!放棄事業,老豆唔會俾錢我駛!
亞媽根本冇能力俾錢我駛!放棄學業,我又怕第2日出0黎更加難搵工!
起碼有張文憑係手會好好多!
但係我知家下做設計呢行就算俾人睇中可以做呢行都係得果4千幾蚊!
真係要做好多年好top果D人工先會高囉!~因為我聽好幾個都係咁講!
佢0地都係講佢0地d朋友讀完設計出0黎會點!大概家下太多人出讀設計吧???
我唔想放棄學業係因為我唔捨得班同學!但係我知讀書同朋友係兩會事!
將來見到各同學開心咁完成呢個課程,而我呢???.......
最重要...我呢個星期冇返過學!我怕學校好快會唔要我!
如果我家下同亞媽講唔讀書佢一定小死我!
我更加唔想係Baleno度做full-time!一定好大壓力辛苦死!!!睇比得就係一個好例子!
就算俾我咁好彩升到in-charge做副手咁點???除非自己係跟住個shop in-charge好人!
唔係做錯野又勁俾人小死!我唔讀書,將來就係做死一世sales!~
唉...我既將來.................................渺茫!!!!!我太多野諗了!
今朝11點幾起身都唔想起!返兩點...收夜~
一返到去小桃就同我講聽日樓下開特價場!FUCK!!!!!!!唔係呀fa???咁突然?
Andy下晏0黎左!夜晚係樓下set完場先走!有個DM係度周身唔自在!
彬,RB,戀毛等等今日有0黎!~我成7點先食飯!
個倉勁亂!!!唯有出去食!食美心...餓到冇哂胃口食...食左好少....
又凍喎!家下公司冷氣好凍!搵TOTO係M記吹左陣水之後又返舖!
夜晚Mandy 0黎左!好耐冇見佢啦~佢比之前肥左!
今日好靜場!Cathy,busy,比得,猩猩都有返0黎幫手set場!連馮小明都0黎埋!
好耐冇見過Cathy啦>0<" 佢殘左同瘦左~!
馮小明仲同我講跳槽既事!......
我今日準時收工!因為比得同猩猩返0黎拾場關係唔駛我留低!
比得就慘啦~佢0地11點幾仲未拾完!因為我同亞敏去食完野經過見到比得!
係老地方咁0岩撞到朱仔,彬同RB!都估到佢0地可能係度0家啦~
今日我已經問左好幾個朋友.....佢0地都叫我唔好讀!
亞敏仲同我講,家下錢係重要D!就算有張文憑都唔等於有錢!
家下讀完設計出0黎未必有人請!就算有人請人工仲少過一個sales!
當我D同學讀完出0黎我可能已經係一個in-charge!人工可能高過佢0地~
我都知.....但係事實我係鍾意設計ma~我根本有7成鍾意讀書多過做野!
事實係因為冇錢先做野0者~家下學校改左校規.....要6點起身!真係好難既一件事!
朱仔叫我買少D野儲下錢喎~呢點我明0家啦!~
12點前就返到家!真係好少可!平時11點幾先收工走人!食完野返家都12點幾!
仲要冇今日hea咁耐添~聽日特價場關係返1點......
原來叫我返成日!但係最終都唔駛!好彩~
小桃同比得就要啦~比得原本聽日放假添!好慘呀佢0地!
突如其來既特價場真係.....唉~~~
聽日亞業會借過0黎^-^ GOOD~~~~~
今日小桃差D舔屎!個fans唔記得左拎番張EPS!好彩隔幾個字佢又返番0黎拎番!
唔係小桃就好易俾人話!咁0岩果時Tammy,Cathy都係樓下!得番Maggie係度!
Maggie就話冇野~!但係之前小桃試過咁0家啦~Cathy小到佢喊!小得好勁喎小桃講!
So個fans唔記得拎番張EPS,小桃係勁驚俾人小囉~!

>>September 2, 2004 at 5:51:54 PM GMT+8

2004 年 8 月 31 日 星期二 【晴】

今日係開學既大日子!但係我唔駛返學!果D唔知咩迎新日,so我0地唔駛喎~
今年係沙田博物館舉行!我記得上年我都有參加!~上年係文化博物館!
果時下晏仲返0黎大埔返工添~果時仲做緊BGW!So我參加完朝早果個演講下晏就冇參觀了!
12點起身.....琴晚訓下醒下咁樣!8點幾醒左,11點幾都醒左!只係hea到12點先起身!
玩下電腦,食左包餅,睇下拍賣場既lolita,真係好靚呀>"<
平時出街行都想入果D舖度睇...真係好想買番件!但係.....著出街一定勁多人望=.="
約左TOTO 3點!係大中行左陣,係小桃園食左個下午茶!
買左件外套...冇錯.....又係外套=.=" 我唔會再買0家啦~我都考慮左好幾日先諗買唔買!
但係...我買貴左11蚊=.=".....件衫有d公主袖!GOOD呀>0<
係姐姐度訂左對鞋!上次睇中左!佢話返緊對36號~^-^
係iuzza睇番上次果條裙問個sales可唔可以改短!佢話正價貨品可以一個月內改短!
我問果條裙可唔可以!佢話改左唔知cutting會唔會唔同!So佢0地唔會負責果D啦都係~
咁呢點我都知.....So我決定左搵亞媽一齊去睇下條裙!
如果我亞媽話可以改既話先買!起碼佢都做過呢行先呀ma~!
hbie(唔知係咪咁串)果度睇中左條冷衫,但係家下買好似好誇咁!=.="算吧~可能遲下會特價..
再4圍行,陪TOTO睇果D胭脂膏!搵唔到...睇唇彩~我0地係度試下D色!
哈~玩完就走人!~我0地約左出糧就行尖咀,唱K!過多個幾日啦應該!~
家下.......都係等出街!今個月一個仙都儲唔到!
表哥結婚果日既衫又仲未買,打算同TOTO行尖咀果時攪掂埋佢!
返到屋企上左一陣網就返入房訓,俾第2果個玩電腦!
訓到8點起身~今日有飯食!係第2果個煮!
今晚唔知訓唔訓得著~因為我一訓過晏覺夜晚就訓唔著0家啦!~
但係我又好耐冇訓過晏覺!今晚一定要早D訓先得啦~
訓訓下晏覺get到有人打過俾我!起身睇手提真係有人打俾我!
但係手提係廳而我係房訓!大概心理作用吧?
PS:今日終於放晴...

>>September 1, 2004 at 12:55:56 PM GMT+8

2004 年 8 月 31 日 星期二 【乍寒還暖】

2004 年 8 月 31 日 星期二 【乍寒還暖】