2004 年 12 月 1 日 星期三 【晴】

琴晚唔係咁舒服,原本11點半左右訓著左,訓到12點3左右又醒!
次次唔舒服都會訓訓下醒的,跟住睇TV.....冇耐老豆就返啦~
佢返入房訓冇耐大果個又同佢個fd 0黎左!跟住我又訓唔著,又SMS!
大概太多野諗關係吧?我唔捨得以前返工既日子囉都係~!但係我清楚知道亞媽想我讀書,
我又唔想令佢失望...唯有聽佢意思,而我老豆一向都唔鍾意我讀書的~!
我知道如果我再係Baleno度做一定唔駛幾耐就會退學!因為我返緊工果時都有呢個主意!
跟住我4點幾5點先訓得著!覺得冇點訓過又醒,7點左右起身,頭都冇洗就出門!
帶左頂帽,去到K巴站,頂!!!勁多人!!!!!而家條隊仲申番入去bus總站果邊!
我太耐冇返學啦~都唔知幾時改左!攪到我行到好遠囉=____=" 條隊又勁長!去到73x果個站!
原本我已經遲左出門口,仲要等上K巴!攪到8點多少少先由大埔墟火車站出發!
都9點前返到學校~女仔君好似好開心見到我返!~而今日小葵就冇返到!
原來而家返學都幾少人返...佢0地話0黎0黎去去都係果幾個!有D同學仲耐唔耐先返下~!
太耐冇見D同學,都幾多野傾~今日上電腦堂,但係我聽唔明,因為我miss左好幾課!
女仔君話佢0地有上堂果D都唔知講咩喎=.=" 跟住我聽聽下又聽唔明咪唔鬼聽傾下計囉!
我見亞倩好似好明咁,算吧=.=" 冇得比~!跟住好準時咁樣放左學!係school
樓下見到女仔君個男朋友接佢!而亞倩應該要返工,佢今晚去飲,so佢今日著左裙~
而我本身都唔係咁舒服,而且大家都冇話去食早餐,咁我就搭MTR返家lu!~
今次我唔係轉bus而係轉KCR!11點半就返到大埔墟火車站!都幾快下~!
本身我又唔係趕住咁行!搭KCR果時勁眼訓,幾驚過站!!!返到屋企大果個原來今日放假!
哈~我仲叫左佢出去買野食!~點幾謙謙0黎左!亞媽又要我睇住佢做功課,
大果個又故住煲粥唔理!最後我頂唔順,兩點幾返左入房訓!原本打算訓粒幾鐘就起身!
因為想同謙謙出街!但係我唔知醒,5點聽到佢0地好開心咁話出門口!
咁我就彈醒~但係太眼訓啦!So冇出到去,仲叫左大果個幫我還埋書!
我仲有一本係遲還~!跟住6點左右TOTO打0黎話係大廣見到我之前用果隻baby lip!
跟住佢問我駛唔駛幫我買埋,當然買啦!搵左我好耐啦~我覺得隻色幾好!又夠閏喎~
收線之後再上下網,今晚又係留係家食飯~!好耐都未試過咁多日都留係屋企食飯lu!~
我相信好快會厭倦呢種咁既生活!因為之前一向都好忙,一起身就返工,放工就返家!
耐唔耐又返下學,而家只返學,下晏真係唔知可以去邊度,又唔知可以搵邊個/_\.....
今晚終於換番個mouse,終於可以唔駛咁麻煩.....
聽日星期五,冇工返既日子都唔知可以去邊好lu!~
睇下聽日訓到幾晏先啦!~有心情可能又去借漫畫睇掛?
而家開始要慢慢搵D一星期返兩,3日既工,仲要返工時間冇以前果度咁長既~!
今個聖誕節都唔知係咪獨個兒留係家渡過=________=..................

>>December 2, 2004 at 2:20:06 PM GMT+8

2004 年 11 月 30 日 星期二 【晴】

今朝冇返學呀~亞媽都有叫我起身!但我冇理佢~原本我係打算星期一先正式返番學,
但係因為聽日約左TOTO去唱K!決定聽日正式返學了!唔拖啦......
琴晚訓唔著,3點幾仲同東華SMS!因為訓唔著關係~!
而家成日都同東華SMS,因為同佢同台唔駛錢!佢條友又係kind kind下!
幾爆笑~!今日訓到1點先起身~
仲發左個夢,夢見落哂雨咁,但係起身睇個天好晴!剛好相反~!
成日都冇出街,下晏都係屋企煮下麵食!一無聊就會諗下野呆下,
今日都唔例外~諗番起呢一年係Baleno返工既事.....同過好多唔既同事做野!
又轉過唔同既同事,試過兩個in-charge一齊同我傾計,人比人,
最後我決心改,做好!佢0地都睇到我好明顯既進步,就係因為咁我亦得到信賴!
仲俾人話我係part-time in-charge=____=......
仲記得以前亞仔,Cathy年代,佢0地係唔0岩的~!
拍住亞仔同亞ca仲成日夜晚有得小休半個鐘至9個字,佢0地仲計番錢俾我!
因為冇人知ma!~勁free~!!!果時真係好鍾意拍佢0地!冇壓力,唔博數!
同亞ca成日中途去左返返下工去左同場果間 << 伯伯 >>唔知咩度買cake食!
亞仔走左之後我真係覺得唔知可以同邊個玩咁!
得番Cathy,慢慢同Cathy fd左,仲成日去食宵夜!
MayMay同馮小明係呢段時間0黎左50!我0地成班都幾fd!仲去BBQ.唱K果渣~
亞敏都係我同Cathy慢慢fd左既時候0黎到!
亞敏第1個感覺俾我係唔似18歲,但見慣了,不覺得,其實都係18,
大概大家都咁kind關係吧?同亞敏好fd,成日一齊食宵夜,
就算Cathy調左舖之後我0地一齊收夜都多數去食宵夜!
Cathy仲係50果時,亞仔同亞ca唔係度做既時間冇耐亞tal調左0黎!
起初我對佢冇咩好感,因為我覺得佢太嚴,可能因為佢0岩0岩升做in-chagre!
大壓力吧?冇耐熟左,原來都幾好傾,而家我同佢耐唔耐仲有聯絡~
Cathy調舖由Tammy接管我真係好唔慣,我唔想同Tammy合作咁樣~!
又大概受到亞tal同Tammy既影響,慢慢係工作上認真係0黎,咩野都會跟,做好佢!
冇耐出現左kind him!起初同kind him冇咁fd 0家!熟左先知原來大家都係咁kind!
fd左~!成日一齊玩!個貨場得我0地兩個就必定勁吹水!佢仲成日同亞敏係前場吹水!
俾人0地稱呼佢0地做門神!就係咁樣,我0地3個都fd~
但係識左kind him一個月左右佢就調去37!耐唔耐50做特價場佢先過0黎幫手!
而亞敏係我同佢最fd果時,佢唔做,令到我果時覺得係呢間舖冇哂朋友咁lu~
係亞敏走之前一星期penny又調左過0黎!同penny都幾好玩,條友好串!
但係佢過0黎兩星期左右就調去59啦~當時真係好唔捨得0家!
因為penny係度果時,呢間舖都幾多男仔,亞權,亞業,比得同penny,
果時執位果D好多時都係佢0地做,令到我係果段期間做少左好多野!
佢走左之後我既惡夢又再次開始~工作又多了,變左Javy做DM時仲衰!
我0地樣樣野都跟到好足,cashier大執,又唔俾呢樣果樣!總之呢個八婆好煩!
到我0地次次執位,轉貨都做到成點先走得人!諗番起Cathy年代果時我0地10點前就可以走!
其實自從轉左in-charge果D之類同埋呢個購物節之後呢間舖除左要10點close之外,
仲多野做左好多,個個同事都要OT,好夜先走得!
仲記得起初我入去做果3,4個月係唔會咁夜走~呢間舖開12,收9半!
而家......太辛苦了!或者可以講我唔捱得又好,點都好!經過一晚爆喊之後我就作出決定!
決定................< 第 >紙唔做!第2日我即刻< 第 >左!即時唔做~!
可能有D人會覺得我咁做好激動!但係我已經考慮左好耐,
越考慮得耐就越哂時間!越考慮得耐就覺得自己越唔開心!
而家係唔捨得,但係冇法,我已經簡左,唯有搵過第2份工~!當係新既嘗試吧!~
我做出自己俾自己既承諾,就係之前我話12月頭唔做,而家.....我真係冇做啦~!
30蚊粒鐘咁就冇左lu!~我知我再搵未必可以搵到30蚊粒鐘!
但係為左果30蚊粒鐘而更加辛苦同唔開心,我覺得唔再值得啦.......
琴晚同kind him傾左陣電話,我同佢講我唔捨得個locker!
佢條友仔勁白痴,叫我偷走個locker,話check bag果時D人會話:
E!?亞luen!你仲咩成個locker拎走左???
哈~~~次次同亞him傾電話都可以好開心,因為佢真係好kind!
kind him都係我講起的,而家好多人都叫佢做kind him!哈哈~~~
我同佢都好想一齊出0黎食飯果D,仲話搵埋亞敏,但係亞敏拖拖拉拉,
問佢幾時放假,係答左我呀!但係又係佢之前話一齊出0黎食飯,
而家遲遲都未約出0黎!都唔知點攪!好想再次3條友一齊玩下!~超kind!!!
夜晚亞媽有煮飯,仲煲左湯~!
食完飯冇耐亞敏打0黎,同佢傾左陣,但係佢電話可能有少少問題...
最後傾都未傾完就cut左線~!佢以為我細路女一時之氣唔做,
但係我同佢講左原因之後佢話如果我一係一時之氣唔做一定小我喎!~
其實我都諗左好耐,佢話叫我休息一排先搵番工做...
um......我就唔係咁諗,因為工一定唔會咁快搵到,so我慢慢搵囉~!
希望係一,兩個月左右搵到一份真係叫PT既PT!夜晚都係睇TV!
聽日無論如何都要返學!因為放左學仲要去唱K!!!

>>December 1, 2004 at 1:17:05 PM GMT+8

2004 年 11 月 29 日 星期一 【晴】

琴晚...其實可以話係今朝6點幾先訓!一唔開心我就特別唔想訓,
同東華玩ICQ玩到5點幾先返入房!琴晚12點左右同亞業傾左粒幾鐘電話!~
我一打俾佢就喊啦~當然佢就問我咩事,佢講既野都幾有文有路喎~!
同佢傾完喊完終於知自己點樣做,最後...我決定左唔做份工,簡左讀書,
雖然我唔知我將來畢唔畢到業,或者我唔知我遲下會唔會真係唔想讀,
但係我知讀書好過返工先囉~!
起碼我有爭取過,我唔知收獲有冇,但係好過冇爭取過先!
同埋如果我遲多半年真係唔讀,到時我先真真正正出0黎做野,
到我再想讀番咪報下夜校讀下囉~但係到時一定係自己拎錢出0黎讀!
跟住兩點幾同亞tal傾ICQ同佢講我唔做,佢就叫我打俾佢,因為佢以為我俾人蝦~
同佢傾電話傾到3點幾!~我都唔想阻住佢,因為佢第2日仲要返工!
原來Tammy成日都有打俾亞tal,我知Javy應該唔係咁鍾意我!係第1日set特價場果時我冇笑!
講真,set場渣,唔係對住fans呀!點笑呀?on9 0家???
咁星期日做驚喜佢條粉皮又0黎左啦!同Tammy講我唔笑!佢冇撚野呀?
果時我做cashier,收錢都收唔切呀!條隊拉到撩鼻屎既一半呀!我已經盡量笑啦喎!~
想點???當時Tammy又幫我口同Javy呢條八婆講我平時對住fans笑既!
亞tal都話我做野果時冇問題,平時都對住fans笑!我覺得自己做野完全冇問題囉~
平時我對住d fans一定會笑既!~Javy仲話小桃做野好喎!小桃做野咁慢都話好?
呢條粉皮又唔係同我0地一齊做野,講真邊度知咁多我0地平時做野係點樣呀???正八婆!!!
我知我俾佢印象都唔係咁好,如果我有咩做錯一定雞我!我覺得...
咁而家走左仲好,一身鬆哂~唔駛咁受人氣,睇人面色!
而家唯一可以做既就係搵一份淨係返星期6,日既工!亞屎話會幫下我留意下,真係thx呀~
我自己都會休息一排留意一下0家啦!
今朝訓到點幾起身!~一點多少少比得打俾我,但係我聽唔到電話,check番先知佢打過俾我!
話原來我今日係要返工,其實我真係覺得佢0地咁樣極度要改善囉~!
佢0地有責任話俾同事知幾時返工,我琴日專登11點幾先打俾比得,
身為in-charge至少都要有張間表係身,但係佢冇,問佢又答唔出,仲話我應該唔駛返工!
已經唔係第1次,我忍唔到囉~!起身冇耐亞媽返0黎,買左件皮褸俾我!
OK喎~個價錢仲靚=____= ,but唔駛我錢^-^
一粒鐘之後就出去< 第 >紙!TOTO係門口等我!
佢0地叫我寫原因係因為讀書,因為如果遲下我想返入去做番都易D喎~!
< 第 >完紙之後就同TOTO食下野,四圍行下!買mouse!
因為屋企果個壞左,第2果個勁叫我買=.="
原來大埔廣場係好入好入果度有間買punk,lolita既舖!
係果度睇到我一直睇中既lolita套裝!wo~!!!GOOD呀!!!
勁想買!要度身訂造!果隻大約5百幾6百蚊左右!
如果唔同質料會貴少少,8百幾蚊!~
行完之後我就返家lu!~返到屋企又係hea.......睇漫畫,因為借左漫畫!
好耐都冇試過睇漫畫啦~平時都冇時間睇,而家大把時間睇!
而家淨係驚悶0者=.=" 唯有慢慢搵過第2份工吧!~
原本今日買果個mouse幾好用,點知我唔知係電腦問題定咩野,個mouse唔< 肉 >喎!
攪到換番舊果個,重新開機又唔得!結果我利用左D時間睇漫畫!
到左9點幾先攪番好部腦~!唉......買左新mouse都用唔到!想點呀?play我咩=.=?
PS:< 第 >紙唔多唔少我有唔捨得!但係...如果唔係咁做我好難搵第2份工,
同埋好難去專心讀書,希望唔做呢份之後可以係學習果度注重番!
如果遲下我真係覺得唔0岩我既,我會即刻放棄~

>>November 30, 2004 at 4:05:30 PM GMT+8

2004 年 11 月 28 日 星期日 【晴】

今日係我係Baleno做滿一年既大日子!時間過得真係快,係呢一年真係經歷過好多野!
見住一個又一個同事調舖同唔做,又識到好多唔同性格既同事!
除左要學習跟每個in-charge做野方式之外,仲要學習點樣人同人之間既相處~
而家我呢個PT仲要學好多唔同既野,有時真係覺得不如做一個full仲有,
但係我又覺得呢間full-time太少錢,得果6千,不如去第2度做仲好,
第2度做人工好D,但係我知人際關係又未必好...
就係因為返工關係,令到我返學都返少左勁多!我唔知係好事定壞事.....
我亦都唔想做死一世sales!但係我可以嗎???
有時諗真係唔想咁長命,因為唔想捱咁耐........
今朝都成點先起身,一起身冇耐就on-line~見到TOTO on-line就hi佢!
我老母係我起身果時就係咁小我,話我唔讀書果渣!
我都未同佢講唔讀,好煩,好撚憎佢,日日都係度嘈9我!
返工好大壓力,講真晚晚都12點幾1點先返家,第2日又返學6點幾起身之後又返工!
我真係頂唔順囉~自問我係一個唔係咁捱得既人~!
咁佢就話我話辛苦,屌,我心諗,佢做我呀!又冇錢駛,焗住要出0黎做野!
鬼唔知唔想做死一世sales咩!我夠想淨係讀書啦,得咩?淨係讀書根本就唔辛苦!
如果辛苦我初初讀果時就唔會可以日日都返到學啦~!
佢一直都係講緊我哂緊佢D錢,唔讀要俾番錢屋企果渣!
本身我都打算呢個星期返下學,如果我真係唔讀,我遲下讀番都會報夜校讀下,
當係學下野又好點樣都好,我都唔會用佢D錢0黎讀書!我唔想一陣又俾話我哂佢D讀!
以前跳舞學到一大半又放棄左,到而家讀書讀到一半又想放棄,
So佢就話我樣樣野都半途而廢,我都唔想樣樣野都半途而廢呀!
一年多,呢個時間話長又唔係長,話短又唔係短,一年可以經歷好多唔同既野.....
返工又有壓力,返到家又俾老母小,返學...我都唔知自己想點樣!大概呢個月我都冇點返過學!
同TOTO係ICQ傾左一兩個字左右就同佢係電話度傾左3,4個左右既計!
因為佢要返工關係,So我0地唔可以傾咁耐~我都明白到做服務行業就係咁受D客氣!
或者我唔係佢,未必太清楚佢當時既感受,但係可能佢下一次會變得更堅強!
因為我知會有更加更嚴重既事,只不過我0地未經歷到0者~!
今日成日都冇出街,下晏成日係屋企發呆,唔知想點,咩野都唔知......
夜晚居然一家人可以齊人食飯,真係好少可,
老豆又早返!今晚食飯又俾人小,冇胃口......
老豆話9我叫我唔好讀,亞媽話我哂錢去讀,想點?????
其實我係想讀,我對desgin係有興趣!無奈地佢0地成日話我哂錢!
如果係咁...咁不如我唔讀啦........我唔想再咁樣俾佢0地話我哂錢!
唔想成日俾佢0地小!好反感!好討厭!!!!!!!
我唔想又俾佢0地話我呢樣果樣!唔想...
到時我後悔...讀番,我都唔要佢0地D錢俾我讀!
我真係唔想返工,好辛苦/_\......
根住食完飯我又返入房,喊左陣,累了,睡了一會...
起身過後睇電影!上網.....現在的生活!無聊極!我真的不喜歡...
一唔開心就特別鍾意食朱古力同雪糕,今日食左好多........

>>November 29, 2004 at 2:46:49 PM GMT+8

2004 年 11 月 27 日 星期六 【晴】

今朝訓到12點左右起身!食左D野就返工啦~一返到去就見到已經6千!
經過fitting,頂呀!勁臭,佢0地話係屎味=.="
但係我知道一定係隔離裝修果D唔知咩味,因為隔離裝修ma!
佢0地今朝返工就聞到咁臭啦!同埋有D冷氣位既地方都有d咁既味發出!好惡頂=.="......
我同小桃都係返兩點,同佢開左個B之後就出貨場幫手,
一出去就要我接機!下晏至到7點都超爆!!!係超爆呀>0<"""
完全係新年同埋上年玩驚喜果時咁樣!So要兩個人係cashier,一個幫手入袋~!
D fans驚死冇得買咁樣!cashier隔離有D牌掛左係度!
D fans試都唔試就拎0黎俾錢!So果條通勁吉!
下晏爆場果時真係俾d fans玩死,有d仲係度阻住哂問長問短!
又唔拎定錢出0黎,攪到我一邊收錢一邊叫佢0地拎定現金出0黎會快D果渣~!
仲有D PK錄卡!真係好阻住囉~!但係做cashier過程仲有兩個亞太fans好爆笑!
我都忍唔住笑左=.="(我一向都唔忍得笑果D人0黎)
咁個亞太買b褲啦~!根住佢話唔駛袋,另一個亞太又話放唔落!
之後另一個亞太就叫佢就咁拎住呢半打b褲走!
仲係度笑佢:D人一定問你仲咩事拎住D男人褲走!總之佢0地兩條友講得好爆笑!
又有另一個男fans話報紙有優惠倦買褸問我用唔用得!果時又爆場,
我同佢講話未睇報紙唔知=.=" 因為memo又冇出,咪叫佢下次帶埋張野過0黎睇下用唔用到囉~
其實貨場都有3個人係度!cashier兩個,Tammy仲企左係張登度!
我cashier隔離又有D褲咁樣,D fans係我爆場收錢問我幾多錢果渣!
果時我真係冇咩時間答到佢0地~!仲有d fans要換貨!我心諗,你冇野呀?呢個時候換貨?
咁果隻衛衣我0地走哂啦ma!~佢又話唔知換咩,只想換番果款衛衣,
咁我就同佢講其實其他分店都可以換到!如果佢真係要換都可以去沙田換,
沙田會多款D!嘿.......次次我都係咁樣打發左D換貨既fans!勁爆場情況下真係要咁做=.="
都預左Javy會落0黎,點知真係!就係因為佢落0黎關係....帶左一個消息俾Tammy!
Tammy今日last day,佢聽日要舖去54,同54 shop in-charge對舖!果個女仔叫亞婷!
因為一直爆場關係,我一直都收錢,一直都企係cashier!
cashier果度好焗好辛苦!攪到我臨食飯之前半粒鐘好頭暈=.="
因為我次次企cashier太耐都會咁樣0家!我今日即頭冇離開過cashier!
7點9先到我食!清機都清左幾個字!果時已經3粒幾啦~!
勁驚!好驚< short >得多錢!我入0黎做咁耐未試過收3粒幾咁多!
最PK係我收到張人仔=.=" 屌佢老味呀!攪到我要一對一拎番100蚊出0黎!
食飯時清機話我< short >左19蚊!食飯....返左家食!
同亞媽對換左人仔!又俾佢小到爆!大佬呀~我都唔想0家!
咁爆場,條隊去到ebase一半,我唔可以唔快手喎~!
我仲傻到喊左出0黎=.=" 因為真係好爆呀,返工已經辛苦,返到屋企仲係咁俾佢小!
食完飯之後大果個返0黎,佢知我收到人仔,就同亞媽一對一換,
佢話返工有條友成日返大陸,可以一對一換喎=.=.....
食完飯一返到去就見到亞婷同Tammy夾野!
唔知以後拍住佢會點樣啦~好驚佢又係D好惡既人!
冇耐我去完happy返0黎就見到妮妮既亞媽同老豆0黎買衫!
試身,佢老豆要著中碼,但係我0地冇哂~於是我話得閒幫佢問其他舖有冇!
佢0地走左之後靜哂場,得一個fans,貨場又兩個人,咁我咪打去63倡貨!有喎~
咁我要得閒打俾妮妮講番先得啦!
返一粒鐘多少少就落雜,今晚埋4粒幾~!比得車褲,得我同亞權跟個場!
執左少少位,貨搬貨,吸塵,清機~!清機果度有少少阻滯!
原來Tammy下晏清左機!唔怪得咁怪啦~!
份數勁多=.=""" 亞權打左兩粒鐘機< short >左兩蚊!
我0地淨係數錢果渣都數左幾耐下......
清完機我拆開個< draw >底!發現有廿蚊係度!
哈~~~咁即係我冇< short >到錢呀 >0< 太好了!!!!!
收左3粒幾都冇< short >錢!嘿....果一刻勁開心!
終於11點半走得!但係原來我0地漏左幾張價錢未跟,
比得話聽朝早少少返0黎跟埋佢,咁我0地就走啦~
Maggie同我同方向行!但係佢搭71s去搭KCR!而我當然返家啦~
下星期間仲未出,只知聽日唔駛返工......
今日收到個消息又話間舖唔裝修喎!即係ebase會仲係度!
我覺得喧樣完全係呃哂人咁囉~!呃左D員工,又呃左d fans!想點???FUCK!!!!!!
次次都話遲D先裝修!而家仲話唔裝修添!D fans成日問我0地幾時裝修,
我0地仲成日答佢0地月尾,而家完全係呃哂人啦~!!!

>>November 29, 2004 at 5:34:16 AM GMT+8

2004 年 11 月 26 日 星期五 【颳風】

今朝一起身就覺得凍左幾多下!~又返1點.....
Tammy一返0黎就好多野不滿,唔滿意比得呢樣果樣又同我< 辛 >!
其實我都唔知可以講咩野,因為我根本就唔係in-charge!幫唔到佢D咩野~!
佢咁講,我咪咁聽囉~!唯一一向都認同既就係比得D態度有問題~成日都串77咁!
一出貨場,爆多野做>"< 首先跟番個場,佢0地朝早又未拆哂貨,總之就勁做勁做啦!~
到左兩點幾攪掂好哂就我接機!
下晏都幾爆場!Tammy set target兩粒幾,唔係唔可以走呀今晚!
So今日都特別博,我唔想咁夜走呀真係!因為我日日收夜都好夜先走人/_\
爆場關係,D fans成日問有冇新,我都答佢0地放哂係度!
事實又唔係冇果個size,又爆場,我又做cashier,根本拎唔切貨俾佢!
哈~但係佢0地都有買!5點半先到我食飯~
Javy今日又係冇落到0黎,睇怕聽日必定落0黎啦!SHIT!!!!
小桃都遲左粒半鐘收工!原本佢今日返4粒鐘0家渣!~
好耐冇見佢呀真係!7點半個個早間同事都走哂,得番我,Tammy同Maggie~
我0地今晚10點9先落雜!我10點半先掛襪!因為聽日D襪7蚊對!
聽日我0地玩驚喜喎=.=" 襪7蚊,D抓毛好似69蚊~!唔知聽日生意會唔會好D啦!~
Tammy車褲,Maggie當然係最早走果個啦!但係佢都11點半先走~幫我0地清埋機果渣!
咁我0地攪掂好哂個場12點前就走啦!返到屋企12點多少少~!
肚餓.....食餅!冇耐有人打俾我!果時又食緊野,心:邊條仆街打0黎呀?
又冇來電,又唔係搵我喎~我咪話打錯囉!~
第2次顯示番個電話!我知係Mei Mei!因為我有set佢電話落手提度!
但係佢話換左電話定係卡,唔知咩野,So冇顯示到我個名果渣!
哈~佢打0黎果時仲問我係咪打過呢個電話號碼!我問佢:你係咪Mei Mei呀?
之後佢話係!超爆笑囉~佢仲話我咁快講打錯cut鐘!
之後我0地傾左半粒鐘電話!好似冇同佢傾過電話~
雖然短短半粒鐘,但係都傾左好多野,知到佢既近況!
佢而家都幾好呀,讀英文,又返工!佢係又一城賣朱古力!~
仲話好free唔同辛苦喎!~唉.....我都想呀!而家返工果度辛苦左好多!
轉左Javy做DM之後真係覺得辛苦左好多!好多野都要跟到好足!
真係想跟番Andy呀~!起碼Andy有講有笑先!做野冇咁緊張~!
講真緊唔緊張都係咁做!咁又仲咩要咁緊張喎~而家攪到我0地呢D細真係做多好多野>"<
唉..........我最多捱到新年就走人啦!
而家30蚊粒鐘,就算我係出面搵都係唔多人工,做生不如做熟!
遲下過左新年先再搵第2份吧!~
原本我聽日返2-6,因為驚喜關係,而且亞權聽晚拍住比得收夜,
亞權仲算係新人,So Tammy要我幫埋手收夜呀/_\
即係聽日返2-10!但係佢話會同比得夾番10點一定準時俾我走人!
So我打算聽晚唔理啦,一定準時10點走人!有兩個人手都攪得掂啦~

>>November 27, 2004 at 5:04:47 PM GMT+8

2004 年 11 月 25 日 星期四 【晴】

今朝返A,9點幾起身,琴晚4點先訓,3點幾仲同緊亞tal傾電話!
37 D人個個做野都好hea,我知佢都辛苦......而家kind him又唔聽佢講!
我真係幫唔到佢=.=" 因為我唔清楚佢間舖既運作,而且我係50,佢係37!......
今朝遲左一個字返到去!行到半路比得就打俾我,問我行到去邊!
換好哂衫之後比得陪我去到bank!咁我等左兩個字左右就到我入錢!
入完之後就返番舖,比得一單都未收過!~
Tammy同亞權返1點,亞權戴眼鏡~佢今日好早起身上MPF!佢話戴太耐con會好累,
呢點我都明白!Bowie仲同埋亞權一齊0黎!好耐冇見過Bowie啦~而家佢多野講左,
可能果時返得果幾日,大家都唔熟吧?
佢仲話今日上MPF度講我0地可以用自己張staff number係撩鼻屎同S&K買衫有折!
(但係我收工果時試過用自己果個,唔得既 >"< ? 攪到要用番撩屎員工果個staff number!
仲打算係S&K有咩睇中用自己staff number買添 >"< !!!)
兩點左右到我食飯!食完飯之後都唔爆場!
3點幾比得切退...佢今晚去飲喎~!
下晏頂佢0地食飯時我< short >左錢,我知係< short >左十蚊!
到清機果時真係< short >左十蚊!因為果時我禁錯制,又急住收下單!
當我收下一單既時候諗諗下記得真係< short >左十蚊!
攪到清完機之後嘔番十蚊出0黎!今次真係好失察!!!下次一定唔可以咁樣犯錯!
而家返工Tammy佢自己本身俾Javy攪到好大壓力之外,
我0地做細既都好大壓力,亞權都同我講壓力大左!大家做野都要跟到好足!
而家仲要我對比上星期既數!日日都問我top10果D!
以前既我真係完全唔理生意囉~而家要我學識點樣睇!
我平時又懶唔記D lok!而家我覺得唔記唔得!
唔記既話就講唔出top10果D係咩野0黎!因為要check我0地識既多野果渣~!
身為PT既我都要做埋full既野,其實都係因為我做左成年既關係吧?
我開始感到越0黎越大壓力!又驚俾人話!唔想衰呀~!
Javy今日都係冇落到0黎,好明顯地星期六,日一定會落0黎啦~
到時又唔知點樣啦!~又唔知會唔會一落0黎又黑面!總之我唔係咁鍾意女人做DM啦!
由其係佢!佢係一個極度情緒化既女人!完全極品呀~!
6點幾7點果時換番恤衫西褲區既掛裝!
Tammy話要定期換喎~驚D衫 dam!冇耐又要我抹塵板,但係咁0岩冇哂布,
去大PK度買,一出去買就見到亞媽拖住謙謙行街!
So亞媽陪埋我去買布!買完之後又返去抹塵板!打完水返去時見到肥布同佢女朋友一齊!
wo~又唔同樣既個女朋友!~嘿.....
抹抹下Jacky 0黎左,條友仔又係度講淫野,但係佢又真係幾攪笑~
次次OFF都返舖頭睇e-mail!我抹完之後再整番好D恤衫!
包番好,包包下亞媽又0黎,話一齊去食飯,老豆都返緊0黎!
咁我攪掂好哂手頭上既野,買埋撩鼻屎條頸巾就走lu!~
Tammy又唔肯放我走,攪到我8點4先放我走,亞媽就係咁等左我半粒鐘!
仲要我釘番粒鈕!D恤衫又要一件件咁包番好!仲要痴番D塵!又要我排呢樣果樣!
又唔俾我計8點半,攪到我蝕左4個字俾公司!卡機仲要係遲一個字!
即係差唔多成半粒鐘!FUCK!!!!!!!!!
講真呀!一係就放我準時,一係就俾我做到8點半當我OT啦~
其實我成日都蝕俾公司!諗落真係好拖囉~!最少都蝕兩個字既!都唔準時!
兩個字都算啦~而家成5個字呀蝕左!又唔計番錢俾我!SHIT!!!
今晚3條友食飯!老豆好少可咁早返!食完之後同亞媽行大PK,買左D我最喜愛既朱古力,
仲買左D餅同野飲,買完之後行出門口就見到東華同佢班fds跳break~!
返到屋企10點,之後打番日記,沖涼!~聽日返B........
好彩今日唔係返B渣,因為今晚都OK多貨走!聽日星期6都唔會有走貨啦!
除非要執位0者!嘿嘿嘿=.=+
今晚因為一D事令我覺得真係唔可以太易相信別人!
根本都唔知係咪俾人呃=.="........咩野都唔知...
PS:今晚返家涼左!大家聽日著多件衫呀!

>>November 26, 2004 at 6:16:03 PM GMT+8

2004 年 11 月 24 日 星期三 【陰】

嘿......(冷淡的一笑)原來我兩個幾星期冇返學,今朝...都係冇起到身返學!
琴晚3點幾先訓,返左12粒鐘工呀琴日,好累!大概我又拎累0黎做籍口吧?
原本打算12點幾起身,點知太累,訓到點幾先起身!太晏了!好哂時間!
起身大同第2果個都出左門口,大果個今晚唔知去咩宴會(公司攪既~)要去會展果度!
而第2果個返工返1點,So我估佢11點半多出左門口啦~
得番亞媽係度,見佢攪呢樣果樣,燙衫等等!冇耐我就煮野食,見到買左勁多排飲品!
亞媽話平喎~十蚊一排左右~!又真係幾平!So先入多左!
平果時唔買,唔通等到貴果時先買咩~!有時係屋企想搵野飲都冇呀!
佢呢次講呢句野我都認同喎!~3點前佢又出左門口啦~因為今晚又唔知邊位親戚朋友結婚!
今年真係好多人結婚呀!之前聽Joey講佢今年都飲左4次!今年係閏月ma!~
一條友係屋企真係唔知可以做咩,又上網吧???
次次放假冇人約就唔想出街,今日都係!但係我d con水冇哂......
mascare又要買;落妝綿又要買,最終都係出街,但係我都hea到成5點幾先出去買!
大果個4點幾返0黎換套衫又出去!原來佢今朝係出去買鞋!
跟住我一條友出街,買開果隻mascare冇哂黑色,唯有問sales姐姐邊隻比較好!
攪到要買另一隻mascare,唔知呢隻好唔好用啦=.=" 都係用住先0者~
買完哂要買既野就返家lu~無聊極!
發覺自己真係冇咩朋友,放假都唔知可以搵得邊個!想傾個電話都搵唔到人傾~
更何況出街......玩?根本係好難既事!~今晚一條友係家,
幫手收衫,冇野好做~!7點左右比得打0黎問我聽日返唔返到A!
因為亞權聽日上MPF又冇人講!原本係亞權返A的,咁好啦~我返A,
而且我唔係咁鍾意成日星期一,三,五都係我收夜,真係好多野做呀!!!
星期二,四,六就冇咁多野,除非特如其來既執位啦!~
都好呀!我好耐冇返過A了!聽日返A都係返11點,又唔駛拆貨,都係返去入band 0者!~
夜晚第1個返居然係老豆,佢平時一向都好夜返!~
9點半又係睇TV,11點過後亞媽果D先返~屋企又再嘈過~!
12點半之後又睇TV,GOOD~~~
聽日返朝呀!今晚一定又3點先訓了.....

>>November 25, 2004 at 5:44:43 PM GMT+8

2004 年 11 月 23 日 星期二 【晴】

訓到10點幾起身,睇TV話黃霑唔係度.........
勁播番佢以前D野出0黎~!黃霑死左都好突然下!原來佢有肺癌,係肺癌復發!
睇左陣之後返工,返到去好靜場!得果幾百蚊生意,1點鐘啦!~
見到新同事winne,原來仲細過我一年,但佢係full-time同事0黎既~
佢幾得意下,份人冇咩野,我得意意思係感覺0者~!住大埔既佢!
第1個食飯係佢,下晏成日都係我打機,比得返A half,都遲左半個鐘走!
最後果個食飯當然又係我啦!~亞tal係tammy食飯果時0黎左,佢入左倉同Tammy一齊食!
到我食果時亞tal陪唔到我/_\.....因為佢約左朋友,只陪到我買飯食~!
買完飯又一條友返俾倉食!食完飯之後亞琳經過!佢而家化妝,
以前冇化的,都係咁上下,染左髮,冇咩變~仲係咁高!佢話約左東華食飯喎~!
傾左兩句就走啦佢,之後我又再做野!執左少少位,因為今日太靜啦~
冇野做又搵野0黎做,之後唔知執下呢樣果樣!
8點左右叫左winne出去買布,買完返0黎佢就走啦~!
因為佢夠鐘收工,So留番俾我0地夜晚抹鏡!
夜晚好多野做呀!次次星期一,三,五都係咁多野做!勁多轉貨,
轉左好多女裝運動褲!Tammy又俾Javy小0黎!Javy打0黎小Tammy,
我唔清楚佢0地電話之中講過咩野,雖然我係做cashier!
只知Tammy聽完電話之後好唔開心咁,咁打俾比得夾番Javy講既野,
點知比得反應冷淡,令到Tammy幾激氣下,我都明白到Tammy點樣激氣,
因為我都試過比得果D串功!佢條友真係好臭串!可能佢唔知自己串到人,
但係人0地覺得佢好串囉~!咁Tammy同我< 辛 >完之後又唔知打左俾邊個傾!
一打俾人一傾就喊,好彩我身上有紙巾=.=" ,跟住個場成半粒鐘都係我理,
半粒鐘唔係問題!而係果半粒鐘我太多野做!
我果時又要做轉,又要跟呢樣果樣,果時我0地得6千幾蚊,又驚埋唔到7!
好彩都有fans買雙面褸同買左ok多野,先令到我0地今晚可以埋到7!
果一刻真係覺得幾忙下,但係冇法,Tammy又係度喊=.=" 得番我,我唔幫佢,可以邊個?
落左雜之後仲要執位!執牛褲區!出左E-mail,有相俾我0地睇點樣show D牛褲!
但係我本人覺得好核突囉~點講,太死板呀覺得!但係公司指令!冇辦法唔跟!
攪呢樣果樣攪到1點先收工,其實我都唔想咁夜收工,我已經做得好快啦~
但係聽日Tammy放假,比得踩h,拍住兩個新人,Tammy話驚比得應付唔到咁多野,
So我0地做到既,盡量幫佢做哂佢~!
換衫之後見到電話家姐係咁打俾我,出左門口落到樓下見到亞媽同第2果個係度等我!
話我咁夜仲未收工,唔知我咩果渣~!
真係覺得幾煩!雖然我知佢0地係擔心我,但係......唉~唔知點講!
因為返工太多野做,心情都唔係咁好,仲係度嘈我,真係想死=________=
又話我< 聽唔到電話 >做籍口!大佬呀~!我返緊工,想走當然係咁做野啦!
仲咁得閒睇下部手提有冇響過呀???
1點多少少返到家,勁肚餓,又抄野食!
聽日好想返學呀!~希望可以返到啦>"<
星期5,6都係返B呀!又係拍住Tammy,又唔知收幾點啦~!星期5一定又要轉貨果渣!
星期日好D啦,返2-6!但係我估一定唔準時收工0家啦~!

>>November 25, 2004 at 7:05:03 AM GMT+8

2004 年 11 月 22 日 星期一 【陰】

哈~!琴晚發夢夢見自己有左!~都幾有趣!
因為以而家目前冇男朋友既我0黎講呢個情況根本唔會出現~
今朝勁囉,訓到兩點九先起身!琴晚3點已經訓左~一沖完涼就訓!
但係可能琴日訓得果4粒鐘踩到咁夜關係,攪到今日訓到咁晏!覺得哂左D時間=____=
我平時好累頂多都係訓到點幾就起身!起身之後hea左陣又玩電腦!
老豆老母仲未返家,佢0地同D親戚好似飲下晏茶,
因為琴晚個個都玩到好夜!一定唔會咁早起身~
下晏成日都冇野做,起左身冇耐已經到黃昏=___________= SHIT!!!!!
5點幾羅家良打0黎問我50舖有冇深藍色風褸S size!
以我記得就冇,而且深藍色風褸好似得番幾件,我估應該賣哂呢隻色!
之後同佢傾左陣電話!因為佢放食飯,聽佢講佢間舖好free咁!
佢就好,但係我果間唔係囉,成日都要理D好細微既地方,
就算冇野做靜場果時跟後勤野都跟死!~
傾完電話之後又再上網,睇下野咁!亞媽6點左右返0黎,放低D野!問過唔過亞婆屋企打邊爐!
我覺得唔係咁想去,so今晚冇去到打邊爐!
亞媽拎街之後老豆又打0黎問我去唔去,7點左右老豆返0黎屋企沖個涼又去亞婆家~!
7點幾見冇野做,係度hea咪洗頭沖涼,仲< 呼 >埋mask!
都攪左成粒鐘!8點幾打返公司問返幾多點,其實6點果時有打過去,但係冇人聽~
我覺得佢0地可能忙,或者收緊錢先冇人聽吧???
咁咪8點再打多次囉~頭兩次打唔通,一係冇人聽,再打多次終於有人聽!
唔知邊個0黎,佢話佢係大B同事,應該唔係in-charge!
因為我話搵大B同事,之後佢仲想俾電話第2個聽,
可能佢醒一醒覺再聽番,先問我係咪搵in-charge,
唔知係咪又有同事落左0黎我0地間舖呢?
因為而家得番5個同事,小桃仲要只返星期6,日添~!問完返幾點之後就煮野食!~
聽日返B間,星期四放假,之後星期五,六日都要返!星期返中段~
唔知呢個星期小桃又返咩呢?佢上星期成個星期都唔駛返工!
前幾日post左D相落相薄度,
http://hk.pg.photos.yahoo.com/ph/luenphoto/my_photos呢本係新既相薄!
全部都係影返工果D~!仲記得一年之前我成日係學校影相,而家相反地係公司影相!
大概就0黎裝修關係,留番D紀念吧???今日將呢個網址加左係日記度!
遲下再post琴日舅父結婚D相落去~!
決定左聽日返學啦!~唔想再咁樣生活!再加上而家返工都唔係多,
照理應該返到學先0岩喎~!

>>November 23, 2004 at 12:47:26 PM GMT+8