2004 年 11 月 1 日 星期一 【晴】

今朝有起到身返學呀~我仲好驚遲到,出門口果時已經7點半!
K巴條隊唔算長!上車之後仲冇咩點停過燈位,好順利咁樣到火車站~
去到火車站又咁0岩有班車即將開,我唔理3721就上左車!!!
去到九龍塘地鐵站都係8點1左右~!返到school都係搭7左右掛~!
最估唔到咁少出席率既我今日居然咁準時返學不特止仲要係第1個返到去!
隔左一分鐘左右亞倩都返埋~再過冇耐第3個係羅家良返!佢見到我咁早返都打左個突!
今日就刻第2舊!今次刻左個郭,諗左好耐都唔知刻咩野好!~
又唔想刻個鸞字,好難ma!~今堂好似好少人返咁!
小葵最後一個返,佢好晏先返到school呀!~亞星,邱富幾個都簽唔到名!
上堂都係係咁傾計啦~!佢0地講d野好爆笑~笑死我,嘿嘿嘿...
男仔棍刻字果時整親隻手,攪到流哂血,之後佢0地又講下D攪笑野!~
亞星個樣又爆笑!嘿嘿嘿.........
可能因為今次只刻一個字,so都刻左好多!但係唔好深囉刻得!
要返屋企補補佢~!10點3左右我,亞倩,小葵,羅家良一齊去食早餐!
亞倩佢返工返11點ma!~要d野先返工,於是早左走!~今次去第2間茶餐廳度食!
亞倩走先,我0地食完就去左恆生,羅家良交學費,而小葵入錢!~
攪掂好哂去到灣仔地鐵站都係11點4左右~!如常咁搭車返大埔!今次早左一個站落車!
想行下~經過舖頭,得兩個人係度!Tammy同亞葉,亞葉仲係度hea下hea下咁樣~
但係佢0地見唔到我,我亦都冇停低,直踩返家~!返到屋企都係12點半左右0者!~
返到屋企hea左陣,下晏又訓著左~!原本唔打算訓0家>"<
但係最終都訓左~!起身冇耐食飯!
夜晚沖涼,睇TV,上網~上網又係睇下cosplay,lolita~!睇中左件!
想出去搵人整!~果件衫好貴呀>"< 一千蚊!!!點買.........
唉~~~我唔想咁樣生活!好悶/_\
下星期唔會又係返得兩日掛?返得兩日工真係搵唔到錢0家喎~!
一星期得咁少錢邊度夠錢駛呀/_\.........?

>>November 2, 2004 at 1:31:12 PM GMT+8

2004 年 10 月 31 日 星期日 【晴】

咁就11月1號~!又一個月,好快又到出糧!!!
今朝冇起到身返學~原本係打算返,但係我琴晚訓唔著!成3點先訓得著!
今朝1點先起身!呢期攪到個人懶哂,成日都1點先起身!大概病果時成日訓攪到個人咁吧?
起身之後食D野冇耐亞媽同謙謙0黎左!~0黎到要教佢做功課,
又吹佢做,做做下又走左去,之後又大果個又幫佢影相=.=.....
佢條友又擺哂款咁樣影相,真係吹脹~!
做左一半大果個又帶佢落街買野食!
買完返上0黎食完零食再做啦,做左少少又話要開大~開完大之後又話累=_______=
又話想返屋企做,教細佬真係要好有耐性!
冇耐佢就訓著左=.=".......訓醒之後都返家,最終真係返家先做...
今晚自己食自己~o......今日成日都係家!悶爆!
成日都對住部電腦,冇野好做~!拾房,又唔想拾,琴日拾左!
上網都係睇下lolita d野~!靚爆呀>︵<
今個月仲要買鞋,上兩個月已經想買0家啦果對鞋,唔知有冇我想要既色0者~!
仲有4日假~!都唔知有咩好做!~個個朋友都返工,都唔知可以搵得邊個!
人就係咁,有工返時叫累,冇工返時嗌悶~為咩呢???
聽日一定會返學!!!!!
總結:今日悶爆!!!!!

>>November 1, 2004 at 10:23:15 AM GMT+8

2004 年 10 月 30 日 星期六 【晴】

今日係halloween~!
琴晚3點幾先訓,掛住玩ICQ!~攪到今朝訓到點幾起身!覺得好哂時間!
起身冇耐食左個包,之後睇碟<< 史力家2 >>
之前買落,但係未睇!都係第1套好睇D!~
睇完玩陣電腦,突然諗起拾房!之後就行動!
又拋左幾件衫,之後拾左幾個櫃,拎番D冬天衫出0黎~
冇耐就拾下放哂垃雜野既櫃!拋左爆多野!~但係拾極都未拾完!
都拾左兩粒鐘!~6點幾.....其他既都係第2日再有時間慢慢拾吧=.="
平時返工冇咩時間理屋企,D野日積月累好多垃圾!!!
7點左右食飯!~亞媽有煮飯!~都好耐冇食過亞媽煮既飯了~
食完睇TV,沖涼........都係睇掌門人!
今日成日都冇出過街!悶=_________=。。。
今晚打返公司問聽日返咩間既時候,就同我講星期一至五都唔駛返工!
淨係返星期六,日,其實都唔知好事定壞事!
同埋平時一向返咁多,而家加左薪先返得咁少,都唔知咩事.....怪...
penny又話個個同事都要休息下~
咁呢一至五我都唔知有咩做啦~!搵其他工???
人生往往都好多唔如意既事,
好多自己諗既同現實都有出入~!
每個人命運,際遇都唔同!我既命運,際遇算好定唔好?
我明白到每樣事都要自己爭取!
咁我遲下會唔會搵到份自己想要既工作呢?

>>October 31, 2004 at 3:34:17 PM GMT+8

2004 年 10 月 29 日 星期五 【晴】

琴晚兩點左右訓,都係掛住睇律政新人王...訓到今日1點先起身~
可能食D藥關係個人特別累同眼訓!起身之後都係對住電腦=_______="
食少少野又食藥/_\.....食完藥又眼訓,之後訓左陣起身食左少少野就返工!
返到去,好多人手囉=.="....原本幫樓下,但係比得病咁我就上去頂佢走~
叫佢走,佢又話唔放心,唔放心D咩先得0家?你估自己冇左其中一個冇死咩呢間舖!
之後我話Tammy叫我上0黎頂佢走,佢條友又唔肯走,咁我可以點???唔通落番去?
之後條仆街話9我話佢,仲話會同Tammy傾~!屌~!咪kind啦!~
又話我同佢講咪得囉,駛咩話佢!我一開始就同佢講叫佢走我頂佢!
係佢條仆街黑撚哂面,唔撚知想點樣!唔通個個都睇佢黑面做人呀???
仲啤9,都唔知啤咩撚野!!!!!有得走係人都走啦~!佢估呢間舖做大係佢咩?~
都唔明點解一個男仔可以咁女仔脾氣!日日都見佢黑面,一係就同我嘈,屌9我!想點???
冇耐佢條仆街黑哂水咁走左!我當然爆唔開心啦!~
我忍左佢好多次!in-charge又咪人一個,佢估自己真係好大咩~!
成日擦鞋都唔理佢啦!~又自大,成日以為自己做每樣野0岩,又唔聽我0地細既意見!
我0地講野又以為我0地屌9佢,之後又屌9番我!再咁落去真係想死!!!
我係貨場忍眼淚忍左好耐,冇耐亞仔0黎左同我say hi,最終我忍唔住喊左出0黎!~
去左happy!大佬呀?我都係女仔0黎0家!雖然我只係PT,而佢係0岩0岩升in-charge!
但係in-charge唔係大哂0家!唔係樣樣野都0岩0家!
成日為左少少事就黑面,我唔撚係人呀?唔通我要成日咁撚樣忍呀???
亞仔話我同佢嘈冇用,蝕底點都係我!我知呀~咪因為PT同in-charge既分別囉~!
大不了我咪唔做!我只係PT!搵第2份工!人工仲可能高d添~佢呢???
去到第2 D地方做野可唔可以咁快升到in-charge呀?
夜晚樓下好多32既同事0黎左,javy都0黎埋,幫手收場!佢0地係11點前已經收哂場啦~
而我11點走人,同埋亞tal去左佬地方,都係同佢傾我同比得之間既問題!
冇耐penny打0黎,同埋亞東仲有tammy都0黎食野~!
坐坐下又見到彬,肥布果D係隔離位食野~
我0地傾左好耐,大約兩點左右就走人!~
亞媽係咁打俾我!好撚煩!今日返果4粒鐘工,就好似返左成個星期工咁!好煩呀>"<
係夜晚果一刻我真係想話做埋呢個星期唔做!
公司又唔知仲咩撚野一時一樣!初初又話月頭裝修!又話11月1號切場!
之後又話月中,中中下又話都係月頭,今日仲勁~!又話月尾先切得場!想點???
唔好又係月尾0黎多次特價場呀!?一陣唔想又病多幾次!好辛苦!!!
但係人工加左,我決定左做埋新年先走~唔想自己後悔......
亞仔叫我見IT!我都想見呀~!或者我唔做呢份之後先去見吧~!
但係亞仔叫我放假果時去見下!其實係度做越0黎越唔開心!
日日對住比得都會同佢嘈,我認佢係selling果方面好好呀!又咪擦鞋仔~!
自大,唔輸得!So次次我講既野佢都唔接受!當然覺得有問題先會出聲啦~
冇問題我仲咩出聲呀???成撚日以為自己in-charge就大撚哂~!
又咪一個in-charge仔,話名係in-charge,又咪同普通同事冇分別~!佢估自己係sm咩~!
次次有第2間舖新進既in-charge借0黎就同我講:人0地係in-charge 0黎0家!
佢D語氣講到in-charge係好大咁樣!!!我真係好想問:有幾大呀???有冇大陸咁大呀???
in-charge咁點呀???咁我係咪要好驚呀???in-charge咪in-charge囉~!in-charge就好大既咩~?
如果正常一個in-charge好應該有說服力,有領導才能先0岩囉~!
完全冇既,叫人點服你???冇呢D最基本既野又自大既更加令人討厭!!!
識既野又咪同我差唔多~!如果講D野令到我覺得有說服力我一定好聽喎~
好可惜冇說服力不特止,仲要對我黑面既~咁我可以點?又係次次都忍呀???
忍得一時,忍唔到一世!~究竟我同佢既問題會幾時可以解決?
唔通大家調左舖或者我唔做先可以解決到問題???
照計我同比得既星座係好夾先0岩,都唔知點解我同佢係工作上面會有咁大問題!
係佢就0黎升in-charge之前已經慢慢開始有問題!我都認我同佢係嘈得勁!
鬼叫佢咁撚串咀呀!講野又唔係0岩!講野0岩串咀我會受囉~!冇料就唔好學人咁串咀啦~
真係越0黎越憎佢.\ /. 唔係下下黑面,屌9人,擺款就得0家!Holy FUCK!!!!!!

>>October 30, 2004 at 7:18:11 PM GMT+8

2004 年 10 月 28 日 星期四 【晴】

琴晚睇埋律政新人王就訓!太好睇了~而家成日都睇.....
大果個琴晚都係凌晨返,條友拎左吉野家既碗返0黎!
話佢隔離舖開左間新既吉野家,果間D經理好衰!成日過去借野又串咀!
又話佢果邊好爆場,事實又唔爆,話見佢0地D碗靚就偷左返0黎!
哈~我叫佢幫我偷多隻返0黎用!佢偷果個係細碗,仲話佢個fd偷既係大碗,
唔知今晚會唔會真係拎隻碗返0黎啦~~~!
訓到今朝10點幾起身!~琴日成日都食白粥同埋包/_\ 真辛苦!
今朝食藥都係食左D包渣~!返到去先知原來今日返1-6!
今日比得講左D幾難聽既說話!佢話我成日病,仲有時間去電頭髮!
又話佢自己返H,辛苦果D~!大佬呀~!病我想的嗎?
唔辛苦又點有升職既機會呀?出0黎做野為左升職就一定辛苦0家啦!~
我覺得佢講野都幾有問題!
下晏頂哂佢0地食飯就走得!今日冇咩特別野~只係返工未落貨場時Javy就0黎左!
佢一0黎都成兩粒鐘先走!上次都3粒鐘先走人!
到而家呢一刻我都唔係咁鍾意女性做DM!因為情緒化~
裝修期間星期6,日我都要借去其他舖,沙田區或者係粉嶺!
即係我大約有4日假期0者~!算吧/_\ 有假期好過冇!~
下晏JOJO都0黎左,同佢傾左陣就走~因為我要收錢!
收工之後同亞tal一齊食飯!佢4點幾5點0黎左!首先同左tammy食飯之後就同我!
同亞tal食飯之前見到彬同RB~!
食飯果時同左講左好多公司上既野~!當然講起比得!
亞tal話0岩0岩升既in-charge係咁0家喎~!亞tal都明白以前比得未升in-charge之後都係咁樣!
只係家下仲變左!佢話今日再見番比得都覺得佢變左!
比得D說話真係極度有問題!!!呢位同事真係極需要改善!
我覺得唔只係對住fans說話好之外,對同事都唔應該講野咁差囉~!
有時佢覺得講野冇咩野,但係人0地覺得好有野!
原來亞tal未走之前話我同比得都踩得好恆下,比得又唔肯讓步!
如果對方講野係0岩我唔會咁樣嘈囉~!好有問題先會嘈!
比得成日都為左少少事就嘈,都唔知嘈咩春!~一係就成日俾面色人0地睇!
但係我而家成日都拍住佢!我問亞tal點解成日都拍住比得!
原來比得因為係一位新in-charge,so要搵熟手拍住!
我都認拍住比得同佢收工真係勁快,大家做野都好快手咁收工!~
呢點係唔錯,或者大家都有默契!唯一唔好既就係佢講野有問題0者~!
同亞tal傾完傾完之後係大中行左陣,8點幾就走人返家~!
返到屋企都係對住部電腦!聽日返7-11!一定收好夜0家啦~
但係呢個間都唔錯啦!聽日可以訓晏少少!~休息下!
penny原本仲話唔想我聽日返!話我個人好呆!
當然啦,病係呆D 0家啦~!食左D藥仲呆,因為好眼訓=________=。。。
講就係咁講,但係唔返就唔夠人!
而且都只係返果幾粒鐘0者!第2日又放假!冇所謂啦!~

>>October 29, 2004 at 1:51:16 PM GMT+8

2004 年 10 月 27 日 星期三 【微冷】

今朝冇返學亦都冇返工,又病~!琴晚仲想嘔,PK嘔唔出!辛苦到爆!!!
咁11點幾果時打返屋企話請病假啦~Tammy仲叫我返1-6頂飯間!
之後我話我唔得,咁佢就話:咁呀~你聽日拎醫生紙返0黎啦~!
我屌~!!!如果我返到一早返左唔駛打返去請病假啦!返到我可以返到去先同人調間啦!
我當然返唔到先打返去0家啦!冇撚病呀???仲叫我返!
我病左成個月,今次係睇第3次醫生啦!我想既咩~!
原本上星期有兩日假,仲返得好少鐘!唔係因為特價場我駛咩返咁多鐘???
上星期仲差d冇假放!想羅我條命咩~!?
唉~~~我真係唔想捱落去,但係11月1號至2月28號加薪30蚊粒鐘!
我諗我做埋呢段期間就唔做啦~我想比心機讀書!
做sales可以做得幾耐???5年sales,5年designer,冇得比!!!
我成日都覺得自己將來可以只可以做到sales......
但係我希望做埋呢段期間,專心讀書可以令我將來冇咁渺茫啦!~
今日打完返屋企請完病假之後再訓,訓到兩點幾起身!
4點左右出去睇醫生!睇完醫生就返家!好耐未試過唔化妝出街!
今日淨係帶左眼鏡出去~咩野都冇攪...樣衰爆!!!~
夜晚第2果個幫我煲粥!醫生話我上次病未清得哂~叫我食d清d既野......
食完藥7點左右又訓,訓到9點起身沖涼~!
總結今日都係咁訓......

>>October 28, 2004 at 1:05:05 PM GMT+8

2004 年 10 月 26 日 星期二 【微冷】

今朝真係冇返學呀~!訓到10點幾起身!食左D野又返工,
行返去時見到TOTO同佢個朋友!~
今日PT亞業,亞him,30舖既in-charge同埋54舖既一位女同事有借過0黎!~
返工冇耐未入band前亞敏0黎左^-^ 好幾日冇見佢啦~!!!
佢話今日出去見2%喎~!聽人講好辛苦!傾左兩句就走左~
今日見到亞him當然又勁開心啦!So搵左佢陪我入band!^-^
我0地又係咁吹水,超爆笑!!!
對面bossini今日唔知咩事,勁多同事紮埋同一個頭返工!又唔知攪咩活動~
full-time業今日係樓上,同佢吹下水,之後佢利用我既生日日期分析我D性格!
都幾準~佢話睇書學返0黎喎~每個number都有唔同意思!
下晏一D都唔爆場,Tammy放假當然我0地係咁吹水啦~!但係條數都唔差既~
有對夫婦買左好多對襪,大概買俾佢0地個仔!應該係外國住...我聽佢0地對話推斷.....=.="""
今日俾個師奶fans話!佢0黎拎改褲,但係根本唔係我車0家ma條褲!
又話車得差又呢樣果樣,之後咪話幫佢重改囉~!
條入婆仲係咁嘈,都唔知嘈咩春,而話其他舖都唔駛錢幫車褲!
又話呢度要俾錢仲要車得咁差,早知出去搵人幫佢車!
屌~~我心諗,呢度10蚊算係咁啦!出去俾人車睇下可唔可以十蚊車到呀?!
當然我果時冇黑面啦~仲俾哂笑容!因為當佢冇道,但係過後諗番真係好唔拖.\ /.
54同事返5點!果位同事都幾姣下咁=.="
我大果個返到屋企問我係咪係粉嶺借左個同事0黎!
佢話佢識識地,因為之前係同事0黎!話果條女係幾姣0家喎~
原本我係返1-10,但係俾penny cut左我走!佢話我呢幾日根本唔駛收10喎!
今日Tammy唔駛返工,就係咁就cut左我走~!原本仲cut我收5點!
跟住同penny一齊收工,佢女朋友同埋佢女朋友既表弟亞傑0黎左搵佢~!
原本想走0家啦~咁0岩亞屎,彬,同fish經過!~仲有個小朋友係度!
陪左個小朋友去美國冒險樂園完之後大家就分開走lu!~
亞屎話聽日佢仲未返屋企,so聽日都會搵下我喎~!
返到屋企樓下見到大果個!返到屋企都係聽下歌,
聽日上新既一堂!希望聽日返到學啦~!
出左間表,呢個星期返成四十幾粒鐘!~

>>October 28, 2004 at 10:08:20 AM GMT+8

2004 年 10 月 25 日 星期一 【乍寒還暖】

今朝有起身返學呀~!GOOD!~~琴晚11點幾訓,見有少少累累地專登早D訓!
可能因為平時夜訓關係,攪到成晚訓下醒下,仲發惡夢!SHIT!!!!!!!
今日搭火車冇去到尖東站轉地鐵,未搭過廢事搵,又趕時間!
點知都係遲到,好彩我醒水係咁打俾人叫人幫我點名~最後亞倩打左俾亞星佢0地!
我起初以為亞星返左學校!早知一早打俾佢,佢個名係我附近渣ma!~
So今日最終點都名!SO GOOD!!~~~其實係邱富幫我0地點!THX!~
今堂係雕刻,刻我個名!勁難呀!!!!再加上上堂果時又成日吹水,有部分同學又未帶或者未買野!
大家傾得興起我又勁傾囉~冇點刻到!最後刻刻下放棄左,打算得閒先刻!
原來要刻5個出0黎!仲要印出0黎表起佢!o........有排刻了!
今日終於見到亞星部新手提,s700i,真係好似數碼相機!
仲睇佢女朋友張相,佢女朋友得17歲,個樣幾得意,起初我估佢女朋友個樣係冇咁得意同細個!
放左學之後亞倩返去份新工,佢份工返11點,而我成日病冇咩胃口!
大家都唔食野,就係咁放左學大家都搭車走人!返工既返工~
返到大埔返左屋企放低D調刻既野,食左少少野就返工!
返到去又係我去入band!我估呢個星期都係我去入0家啦~
今日流程好慢,因為唔夠人用,0岩0岩好一個頂一個咁樣食飯!
樓下特價場一定要有3個人,樓上最少有兩個,咁其中一個就食飯!
我係最後一個食,6點10先食=.="""
javy今日真係有落0黎!佢好正經,我0地同佢唔熟,大家冇野講!
唔同Andy~Andy除左講下公事之外又會傾兩句計,得閒又串下大家!
我相信javy唔係咁既人,而且女人一向都情緒化!我做女仔都知......
女點都唔同男,我寧願男既做DM好過!第1次拍住個女DM!
佢去完37就0黎我0地度!亞tal打0黎話javy過緊0黎!
佢一0黎就兩粒鐘幾先走人=.="平時D DM唔係0家ma!頂多一粒鐘就走!
亞東今日都有0黎幫下手,佢返63係返B half=.=......佢太熱愛公司了~
會計部今日0黎話收唔到我0地其中一份數!攪到佢0地班in-charge計左好耐,攪左好耐!
佢0地話可能有一份未入!因為會計部話我0地即頭冇入!
之後我諗諗下就叫佢0地搵下in-charge櫃!
因為我下晏入band之前05果個亞< tea >以為份數係in-charge櫃!
我望到好似有份數!咁我咪同比得講可能有份數係果度!
點知佢條仆街勁驚張又勁同我講係邊係邊!
屌~我話抄下低!最終俾我搵到!之後佢0地成班就笑哂=.=..............
驚張0黎仲咩呀,冷靜D諗下好過啦~!或者我只係PT!就算小都未小到我!
而佢0地唔同!佢0地既身分唔同!可能就係咁會驚張D掛?
penny今日收6點半!我同佢講過想做斜對面果間!點知佢條友仔話識人!
收左工幫我問,點知真係入左果間野度!但係唔知係咪真係有問啦~
今日飯間唔知食咩,去左買M記!打俾TOTO傾左陣~
夜晚< feel >襪,因為要分番新同舊既襪,舊既落番去樓下特價場!
< feel > < feel >下味千果個羅迪走入0黎!原來佢今日放假,
戴左頂帽,衣著唔同左!冇平時返工咁kind!差D唔認得佢=.="
我又累累地,見人入0黎就hello,點知佢企左係我面前,
同佢傾左陣計,又一次俾人話我黑眼圈lu!~我知我黑眼圈勁!
一0黎成日唔夠訓,二0黎天生!冇法......唔夠訓仲更加勁!~就算訓得幾夠都好點都會有!
羅迪仲以為佢琴晚去玩0黎=.=" 之後叫我早D訓,唔係好似佢咁,因為佢都幾勁!~
或者我0地唔係平時玩開,So佢都冇串我黑眼圈,比著penny就一定爆串我!
講起penny佢今日係我入band前數緊錢果時又係度話我對黑眼圈!
又睇我有冇深到!我同佢講其實我返1點有時都幾趕!
佢仲同我講唔想我返咁多日,覺得我好辛苦!呢句野都唔止講一次0家啦~
仲話同Tammy反映下!哈~幾時咁錫我呀佢???
今晚要拾位,但係拾得唔多,夜晚爆爆地,So今日埋數比琴日多左一千蚊!~
有時我拍住比得都做到數0家^-^ 11點我就走人!撩鼻屎亞J走先!~佢幫我0地清機~
仲差唔係好多就拾完,其實全部都係比得拾!因為夜晚爆場冇時間吸塵!
果時比得又車緊褲,我一條友係貨場又點吸?
差唔多11點就打俾Tammy我問我走得未果D!佢同亞權係樓下拾埋少少野就上番0黎!
Tammy同我講呢個星期既間,wo~~踩得好金!呢3日都返B間,收10!一定唔準時收工既特價場!
今日都收11啦~聽日仲要走貨!又唔知幾點可以走人!或者我都係會早D轉貨!
到星期5係返1-8,星期6要收11!因為樓下特價場收場!
星期日先放假!而家又話11月1號樓上收場,即係11月2號就開始裝修!
呢個星期真辛苦了~下星期一都要返1-10呀!!!
11月2號亞tal生日,話唱通頂K,家下唔知唱唔唱好!因為我想係放假呢段期間返多D學!
11月1號仲要收場,一定通頂0家啦~11月2唱完K之後返學一定死硬!點好???
但係好難得咁多人,成大班去玩喎~~~!
行返屋企時居然落雨,都唔知幾時開始落!攪到成身濕哂=.=.....返到家即沖涼!~
今日睇e-mail講我0地D PT由11月1號至2月28號呢段旺季會30蚊粒鐘!
有某D舖仲有宵夜津貼添呀>0<"""
我估到新年果初一,二,三又咪好似上年咁3百蚊一日!
亞yin講過話我走最少都做埋新年先好走,我都知PT最搵到錢既時期就係呢段日子!
30蚊粒鐘鐘即係比我家下既人工多成千蚊!!!
聽日...大概都唔返學啦!~星期四係新既一堂,希望可以返到!!!

>>October 27, 2004 at 4:29:05 AM GMT+8

2004 年 10 月 24 日 星期日 【晴】

今朝都係冇返學!琴晚訓唔著之後起身玩ICQ!夜晚凌晨先特別多人on!
之後同左幾多人chat~!今朝訓到11點前起身!食左少少野就返工!
今次又係我去band!勁多囉~!full-time業陪我去!原來佢以後都係50做!
即係同之前個新人對調~!等左3,4個字左右就到我!之後又等銀行果個員工數銀...
前後攪左成粒鐘有多先返番去公司~頂食飯!下晏完全唔忙,一d都唔爆!
我淨係打左一,兩個鐘機~下晏見到彬同肥布經過!~
5點左右撩鼻屎有位同事借過0黎-----叫亞J
佢借過0黎一星期頂亞敏個位!唉~~~今日一返到去就見唔到亞敏,
感覺唔知點...平時我一返去就會同亞敏吹陣水就上倉換衫!呢個情景...以後都唔會發生!
差唔多6點先到我報時!5點幾亞tal同亞佩0黎左!
So佢0地陪我食飯!去左奧門街食!唔錯呀都!幾低食!飽飽~~~
係貨場hea左陣到8點就收工!收工時bossini有兩位姐姐過0黎撩鼻屎買褲!
其實佢0地兩個耐唔耐都有講幾句野~佢0地買褲問我拎優惠果D!
之後我俾左6張佢0地!佢0地買6條褲!其中4張係10月尾過期!
橫掂就過期俾埋佢0地吧~!之後同亞tal仲有亞佩周圍hea陣!
去左catalog,同東華吹左陣水!佢個名同周俊偉英文名一樣=.="
去左M記買雪糕~咁0岩味千果個羅迪買完野飲出0黎!同佢傾左兩句就走~
落樓下特價場搵小桃,傾傾下計就見到亞媽經過!
So差唔多9點就返家了!聽日打算返學呀~希望能夠起到身!
聽日同後日都係返1-10/_\ 因為我0地係第2間舖借唔到人!唉~~~
家下攪到好少人頭,自己舖同特價場平分人頭!辛苦...
到家下仲未編好間表!淨係編左兩日渣!!!
javy今日開始係我0地既DM,而Andy仍然係37既DM,但係再唔係我0地50既DM了!
javy聽日有99%會落0黎!好驚佢係一個好惡既人...

>>October 25, 2004 at 2:09:39 PM GMT+8

2004 年 10 月 24 日 星期日 【晴】