2004 年 8 月 11 日 星期三 【乍寒還暖】

今朝又係落雨!帶左遮出街!都係搭唔到8點半果班火車!
返到去上一粒鐘堂就放學!~今堂係Tammy堂!教電腦!
電腦呢家野好深!跟唔切=.=" 好無奈!因為遲返!又唔可以坐係D朋友既隔離!
算吧啦~唯有靠自己!係度盲摸摸咁樣~!Tammy今日唔知仲咩事咁可愛~
成日扮D聲出0黎!又叫我0地成班做小朋友!
放左學我,亞倩,亞玲,女仔君,羅家良同埋伍生一齊食早餐!(小葵今日冇返)
我0地成班以前食開果間茶餐廳居然倒閉!!!我唔知佢係搬左定咩野!
估唔到我最後一次係果度食就係前一個月既事=.=......
11點4左右又起程返0黎返工!返1點!兩點左右先入band!
4點幾表姐0黎左!我知我5點左右就食得飯咪叫佢陪我食囉~佢話佢今日Off ma!~
點知5點鐘仲未放得食!猩猩攪呢樣果樣攪到我5點7先報得時食飯!
去左南風閣食!因為我好少可見到表姐同埋同佢傾計!So都傾左唔少野~
佢同佢男朋友散左一個月左右!So咪講下佢男朋友D野!但係都講得好少!
因為我都唔想問咁多!我估佢都係0岩0岩呢期好番好多.....
今餐佢請左我食!我冇打算要佢請!但係佢話咁少可一齊食飯!
下次先我請!ok~咁下次先啦唯有!
食完飯陪埋佢買包之後返番倉!夜晚都唔爆場!今晚埋到個band-b!
原本冇0家!但係最後都有兩個男仔入0黎買左野!
加埋之前猩猩keep起左果兩件背心0岩0岩好夠!Tammy要我0地target就係去到band-b!
今日條數好過琴日啦~算係咁!~總算有個交代~
收工果時猩猩都係拖慢D野0黎做!因為撩鼻屎今日大拾!
但係佢0地夜晚果時已經開始拾!So拾到11點半已經拾好哂!我0地同埋佢0地一齊走~
我同猩猩係度攪cashier d野時Tammy打左0黎幾次!
佢今日已經成日打0黎!我真係覺得好Q煩!係用好Q煩0黎形容!
咁猩猩要同佢夾野!攪到拖慢哂D野0黎做囉~
終於攪掂好哂D野走人!成個商場除左veeko最遲就係我0地!
拍住猩猩好既就係冇咁大壓力一樣可以做到條數出0黎!而且猩猩唔會成日指人做野!
佢都會有份落力去做!但係Tammy就唔會要我0地有一刻停落0黎!
落雜之後同左亞敏去老地方食宵夜!猩猩因為聽朝開大B一定唔夠訓!So唔同我0地一齊食!
MayMay都唔知咩原因都冇同到我0地一齊食!
食完就返家lu~返到屋企差唔多1點!同亞敏都傾左幾多野!
大多都係感情事吧?女仔兩條友有咩講呀~多數都係講呢D野0家啦!~
家下覺得亞敏好想釣金龜咁!成日都話D人釣到個金龜!
又問MayMay點樣先可以識到個男朋友有車!
其實我覺得佢係咪金龜都冇問題囉~只要佢財政冇問題已經足夠!
可能我家下仲未到廿歲掛~覺得要一個有冇錢既男朋友唔係咁重要!
或者到我適婚年齡既時候又唔係咁諗啦~
家下打埋日記一陣沖埋涼就訓lu~聽日又返1-10!拍Tammy!拍住佢真係好大壓力...唉~
捱埋聽日星期6,日我就唔駛返咁多粒鐘啦>.< 星期6都係放3點0者!
星期日返5點!But收夜真係唔好受囉=.="..... 因為成日都博數!11點走到都偷笑~!
PS:而家我慢慢改變緊返學既出席率!希望可以交到多D功課!
起碼有自己既作品,製成出0黎都開心D啦~

>>August 12, 2004 at 5:38:44 PM GMT+8

2004 年 8 月 10 日 星期二 【溫暖】

今朝早因為翻訓關係攪到起唔到身返學=.=" 當我醒果時已經8點!
都趕唔返學了!~訓到10點幾起身!上網check下e貓之後又返工!
首先當然又係去入band啦!~行去時個天黑哂又行哂雷!勁驚落雨!
因為我冇帶遮!到我入完band都仲未落!但係仲係行雷!真好彩~
成日都唔爆場!唔算多野做比之前幾日0黎講!
Tammy都係指人做野!~我根本未做哂D野佢又叫我做第2 D!成日都係咁!
我真係好討厭咁樣!佢自己咁叻不如自己做哂佢吧!?
成日咩野都指哂我0地做!佢就真係做一個sales!只係sales客!
因為成日都靜場關係...So好眼訓!掛裝果D已經跟好~
下晏收錢果時Tammy係度叫我動作快D!講真.....咁靜場!駛唔駛咁快呀?
如果果時係爆緊場你就話我慢0者!!!
07果度有條友打0黎倡鞋!串到仆街!係度話我0地如果有就好轉俾佢0地!
因為佢0地急住要!因為我0地得番一對!冇左就冇0家啦ma!~
當然唔係咁想俾其他舖0家啦!點知條友就講左果番說話!我覺得有D問題囉~!
原本我係收7點!點知又OT!今次係OT 1粒鐘!收8!冇飯間!~
肚子真的有點兒餓~7點7果時猩猩就叫我去抹塵板!唉~~~好無奈!
抹完之後就走得人!Tammy仲未走!佢都係收7!但係同猩猩夾野~
之後又車褲!0岩0岩出門口時見到妮妮經過!~
即問佢食左飯未!點知佢食左...之後叫我佢陪我去記事簿果D紙!~
買完我0地去左買雪糕食!邊行邊食返家!~
返到屋企都係冇飯!多麼的無奈...=.="
聽日收夜...最不喜歡收夜!但係亞峰佢今個星期請成5日假!
我點都要頂上!亞峰佢會考有16分!真勁~So佢做埋下星期就唔做!
其實都估到佢做唔長!因為佢呢D根本就係讀書生!
而且佢都講過會讀中六!遲下應該係小tal調過0黎!~
唔知小tal係一個咩既人呢?人0地話佢可愛喎!~猩猩同佢好熟咁!
聽日返學唔知會有咩教!算吧...聽日返左學先算!~
我成日唔返學根本就唔知果堂帶咩野果D!成日問人都唔好意思啦~
問得多人0地都覺得煩!問完之後第2日又唔返學咪更加令到討厭!
不如自己返多D學好過啦!~
我既短期目標:讀完呢個課程之後再升讀高級課程!
努力!!!!!
我好想放棄家下既工作呀>"< 唉...再咁落去我根本就讀唔到書!
因為工作太多了.....我根本冇時間去讀書!學校而家成日都要外出上堂!
攝影學咁多堂我只上過一堂咁大把!佢5堂有3堂都係要外出!
我請太多假又廢事Tammy面黑!佢唔鍾意就人!唉.................
家下唯一可以做就係儲番少少錢!等我可以唔駛做呢份工專心少少讀書!/_\
PS:今日係會考放榜既日子

>>August 11, 2004 at 3:15:57 PM GMT+8

2004 年 8 月 9 日 星期一 【清涼】

琴晚都成點幾兩點先訓!1點果時仲玩緊ICQ!
因為見到兩個同學仔都仲on緊line~同佢0地傾左陣計!
今朝7點左右起身!但係都搭唔到8點半果班火車!
返到school上2樓!點知得幾丁友!原來成渣同學都係1樓準備一陣評審既野~
果一刻我先拿拿聲準備!因為份份功課都要貼番班同姓名果渣!~
小葵幫我手貼!我寫自己名!我整呢D野果時Roymand已經話仲有5分鐘就要清場!
之後就返番上2樓上李sir堂!我第1次上佢堂!So今堂我已經做左兩堂要做既野!~
用紙條整D形狀,之後亞sir幫我cut!起初我冇紙條!
之後同邱富落左1樓拎佢之前整左果D!我只簡左一個!仲要再整過既~
佢仲借左一塊黑色既紙俾我!但係好厚=.=" 最終用左一張白色既A4紙算~!
下星期要去元朗唔知邊度鑄自己既作品出0黎!
好似話用金屬整!細細舊都3百蚊!~下星期我一定要返學先得啦!~
9點9去到元朗西968號bus總站等!搭64k去到總站冇錯掛?
其他係香港區住既同學就係學校等!咁我即係8點半出門口都未遲!Good~~~
落堂之後就落番1樓等!
我0地成班同埋H11既同學都係度等左幾耐先可以入去聽副校同埋果個董事講野~
亞倩有俾果位董事讚佢D功課!事實佢真係份份交齊同埋份份都做得唔錯~
亞星都有讚到!我都覺得佢0地做既野真係好好0家!~而H11班都有一位讚話好!但係唔知邊個0黎!
因為董事都係指住D功課!根本唔知邊個打邊個!亞玲,亞呂,亞橋冇帶功課交!
亞玲有聽埋先走!佢0地點評我0地D野!只係講左好多唔知咩野既話~我都唔多入腦!
又有D同學問埋D唔諗過既問題!邱富又傻下傻下咁問董事:你係邊位?
亞玲就問果個董事:你點諗野?
果個董事聽講好勁!係design界好出名!冇人唔識佢!佢就係靳埭強先生!
亞星好爆笑!女仔君電話響!亞星一直都想走既~
之後見女仔君電話響就問:你係咪趕時間?我陪你走先呀!
事實之前佢一直都叫D人唔好再問野!見亞sir仲係度講!
咁佢就話:okok~!明白0家啦!goodbye~~~sir!
呢句野佢講左好多次!佢企係我隔離!我聽到!哈~笑爆!佢又係我面前做D動作整下個頭咁!
佢電左頭髮ma!之後我當然笑啦!~因為亞星好爆笑呀真係!之後佢條友又話我:唔好玩啦!~
我咪話係佢撩我玩先!哈~
今日Roymand好黑口黑面!佢根本想係今日整死好多唔得既人!
我0地唔知佢同副校果D講過咩野啦!~
隔離H11班果D男仔唔係咁鍾意我0地班D男仔!咁亞星同邱富講野好笑就笑0家啦ma我0地!
總之亞星,邱富果D講野佢0地既樣就唔係咁老皮咁樣!就好似女仔君電話響!亞星之後講果句野!
我就見到隔離班D男仔就有少少不善既樣子!但唔白痴又點有得笑?
講講講...講左成粒鐘走得人!拎OK多野!係school買左個黑色既袋放哂D野落去!~
拎埋個油畫架!好唔方便=.=".....亞玲走先搵新歡!果個男人根本係一個好bad既男人!
大成12年都一齊!唉~~~亞玲冇得救!果個男人仲要似賣老翻既麻甩佬喎!~
放左學得我,小葵,羅家良一齊去大家樂食野!~食完好快就走lu!~因為亞倩要返工!
而我就返家!太熱.....今日實在太熱了!一落車咩野都唔諗淨係知個方向一定要行返家!
行果短短既路程已經覺得好辛苦!返到家當然第1時間開冷氣啦!~
下晏成日都係屋企玩電腦!TV冇野好睇.....唔想出街...因為唔想駛錢!
一出街都有8成機會破財!睇下小定大0者~!
但係影相果度就.....根本唔知可以係邊度取境~家下已經教緊點樣曬相!
家下唯有聽日返學睇下人0地點樣曬相吧~下次影好先自己曬....
5點左右就訓著左!訓左兩粒鐘!好累好眼訓.....
之後起身煮野食!~今晚都係睇TV!要早D訓先得!咁又係一day啦~
PS:班同學都係叫我eriko...我都唔明點解上年會叫D新識既人叫我做eriko!
其實我聽唔慣...真係好唔慣................或者本身識我既朋友都叫我做亞luen吧~
覺得叫我做eriko好似好陌生咁!唔想.....
今日唔記得左俾番錢小葵!因為佢上星期幫呢班買左曬相用果D藥水!家下要夾番俾佢!
聽日一定要記得=.=+ 唉~~~返學真係咩野都要錢!如果唔做野屋企一定勁大負擔!

>>August 10, 2004 at 12:59:29 PM GMT+8

2004 年 8 月 8 日 星期日 【晴】

今朝冇返學!琴晚1點左右訓左0家啦~但係4點幾又醒左!
10點幾起身!11點幾亞yin打0黎!佢話佢今日放假!但係因為我準備返工!
So同佢傾左兩句就收線!出面好熱...行返去果少少路都覺得好辛苦!
兩點先放我去食雪糕!Tammy佢話同7仔傾掂左話有剩con可以倡俾我0地!
So我0地入 band之前就去左7仔倡!但係我反對!
講真!唔係佢倡佢當然冇野啦!~我倡渣ma!幾魚皮!而且下下又行第2條路咁樣!
咁我咪同猩猩講咁做好煩!之後都係番銀行度倡!今日倡到銀!
差唔多3點先食放亞敏食飯!亞峰原本係冇飯間!但係佢餓!So放左佢食半粒鐘!
猩猩冇飯間!但係仲遲過亞峰收工!於是Tammy俾佢食個包!
原本猩猩係收5點!點知收7點!成日都係遲成兩粒鐘先可以走人!真慘!
因為要頂埋Tammy食飯!
我食飯0岩0岩行出門口時冇啦啦有兩個男仔著住同一樣既衫係我面前!
因為果時我望地下行!望番上去原來係東華仲有佢既同事!
之後買完野食就返番倉食!夜晚好多野做!
我都係今日先知今晚要盤點西褲!只怪我平日唔睇E貓啦!~
因為我根本冇時間睇!平時唔做cashier都冇機會睇!做cashier就有好多野做!
今晚D轉貨都係我做!拾左少少位!西褲排哂size,倉,貨場果D都係我!
又< feel >埋D西褲!又跟掛裝!Tammy都冇咩野做=.=...佢淨係織鞋!
準時落雜!之後吸塵!因為0岩0岩落雜我先攪掂好哂D野!
亞敏幫我頂左盤點!因為我聽日必定要返學!中期評審!我唔可以唔返!
之後我拿拿聲攪掂好哂D野就走人!換好哂衫Tammy又叫我做埋最後一樣野!
就係將最頂果D改過既西褲都拎埋落0黎分size果D!
返到屋企都10點9!返到屋企樓下就見到老豆!真係0岩~
返到屋企肚餓......食左D野打埋日記!
一陣沖埋涼拎哂所有聽日要拎返學校既功課就訓lu!~

>>August 9, 2004 at 3:16:45 PM GMT+8

2004 年 8 月 7 日 星期六 【酷熱】

又一個星期.....琴晚兩點前已經訓左!10點左右起身!好眼訓...
之後又返工!比得佢發燒!So收3點!我頂左佢做cashier!
佢又死頂!因為佢負緊鐘!如果再cut鐘佢下星期打後就返得好金!
但係我0地點都要佢走!因為佢發燒ma!點知會唔會係貨場暈低0家!
冇啦啦今日又有隻麻雀入左0黎!一定又係上次果隻啦!~
下晏好爆場呀我0地!到亞峰接機果時冇< short >錢
3點幾食飯!但我食完之後B間同事仲未食!因為太爆場!
攪到5點10亞峰先開始報時食飯!佢係咁爆場既環境下收錢都冇< short >到!真勁!~
之後又我接佢機!我都冇< short >!真開心^-^
有個fans買左4對定係5對鞋!係度叫我拾!幾驚拾錯!
因為4圍都有fans叫唔該果D!果個fans同埋佢兩個fds一齊0黎!
3條友一齊買野!好似買左7百幾蚊野!係一個大fans呀!
我0地呢間舖好少可有fans買野過5百!
今日見到有個鬼佬幾靚仔!對眼好大!但係佢隔離果條女就.....
之後又有個ok型既男仔入0黎買西褲!我sales佢!哈!~
好彩今日準時收工!收9點!~果時我0地已經到兩粒3啦!~勁呢!~
可能我0地今個月可以過到target呀!~
食埋杯雪糕就返家!都有一排冇食過M記既雪糕啦~
係因為亞敏,猩猩同亞峰成日都食!攪到我真係忍唔到>"<
返到屋企都冇人係度!佢0地去哂亞叔屋企食飯!
因為亞爺生日!原本佢聽日食既!~點知又改左今日!我都去唔到!
而且今餐係姑姐煮!佢煮D野食真係好難食!就算我得閒都唔會去呀=.=
今日我仲咁想準時收工...係為左返家睇GOOD LUCK!
點知原來唔係做9點7而係做8點7!可能因為我冇帶眼鏡關係睇唔到8定9!
即係我睇錯時間!唉~~~我返到屋企就係睇埋果少少尾片渣!
下星期仲要返夜!咁唯有錄低佢啦!~而且下星期係最後一集好似...
夜晚都係玩下電腦!打日記~沖涼!訓覺!
PS:今日真係好累呀!忙過不停!~

>>August 8, 2004 at 3:22:03 PM GMT+8

2004 年 8 月 6 日 星期五 【晴】

琴晚訓唔著!係度諗果幅油畫!因為我仲未完成!
而星期2又要評審!我最少都要完成埋佢!唔係真係冇野交俾人睇!
而且我知呢份算係大功課!攪到3點先訓著!今朝仲8點幾起身!
差唔多成12點半先去銀行!差少少入唔到去入數!
好彩我舅父同佢女朋友係銀行入面唔知交咩野!我舅父咪扮哂野要我搭佢入去囉!~
唔係都入唔到入數!因為已經落左雜!唔俾人入!
又因為太趕!數完之後唔記得拎band紙=.="""
之後咪係用銀行既band紙囉!~果條友又話唔知有咩野number要我打番公司問!
咁我唔會記電話0家ma!公司電話一向save係手提度!根本唔駛知咩number呀!
果時只記得37果個!因為我以前成日收夜打去報數!咪打去37問囉=.="
我覺得好樣衰0家!但係可以點0者,我又唔記得自己公司電話呀!~
summer同cathy仲係度玩野!仲話傾陣計=.=.....又話我仲咩自己間舖電話都唔記得=.="
我咪話趕時間唔玩住囉!~之後攪左好陣子就返番舖頭!
之後就好多野做啦都係!都係我拾倉!之後又整果兩個男body!
我最唔鍾意同body著衫!因為我覺得好難著!
原本收2點!點知都係收2點半!其實都估到0家啦!~一定OT!
而且兩點至兩點半之間爆場!d fans又叫哂咁!我幫得幾多得幾多!
之後見唔爆場我先話切!之前Tammy叫我跟埋D野切!因為果時佢又叫我跟掛裝...
但係見爆場!唔通我係爆場果時話切咩~
收工之後好肚餓!打俾亞媽!都估到佢係呢邊行緊街!
佢同亞E一齊!佢0地陪我食野!~食完就行陣!亞E就買送返家!
我同亞媽係大廣度行左陣!因為仲有兩個月表哥就結婚!
我0地要簡定衫果渣!~但係亞媽就買唔到!睇衫,試左又唔好睇!
係大廣有間買哂歐洲果D牌子,連卡佛都有得買果D牌子!
我買定件外套兩個月後去飲!原本第1次行入去就睇中左果件衫!
果件衫cutting好特別!我知佢呢D舖一件衫得一兩件!
之後我0地行多陣諗下先再行返番去果間舖度!
亞媽又話我一個袋都千幾蚊仲咩5百幾蚊都唔買件外套!
而且件衫真係靚ma!~最終咪買左囉=.="
除左件外套之外又買左對鞋,係婆仔鞋0黎!~我覺得唔老餅!著上去滿不錯呢~
之後亞媽又幫我睇中左件衫!試左又幾好睇喎!~之後又買左!
間野D衫既cutting真係唔錯!~同埋又買左一條Tiffany&Co既手鍊!
條鍊係專門店買千幾蚊!係果度買8百幾蚊!平左3,4百左右啦!~
果個人話儲單買滿3千蚊可以做VIP有7折!
我家下仲差1千蚊^^" 其實我唔知可以做VIP 0家!係買左佢叫我儲單先知!
我問佢點解D野比專門店平!佢話係倉度來貨,so比專門店平!~
幾good!~但係睇0黎今個月唔可以再買衫lu!~
同埋今個月都唔知可以儲到幾多錢=.="""
但係我呢個月應該冇咩時間去行街...我諗應該冇咩機會再去買衫掛?
下星期返工因為頂亞峰關係要返成44粒鐘!都唔知OT之後又要返幾多粒鐘啦!~
但係我今次好有決心!一定要返學!唔係會冇書讀>"<
買埋羽毛就返家lu!~返家前又係welcome度買左D日常用品!
返到屋企已經5點幾!大果個今日放假但係又出左去玩~
7點左右就油下副畫!~!油左1粒鐘左右都完成9成幾!睇下仲有冇野想改!
冇既話咁呢幅畫可以話完成左0家啦!~其實呢幅油畫我已經油左好幾個月...
夜晚都係玩電腦!今晚要早少少訓先得!訢得5粒鐘有少少頭暈暈咁=.="
PS:痛快買野真開心!但帶來既後果就非常嚴重!!!

>>August 7, 2004 at 12:56:45 PM GMT+8

2004 年 8 月 5 日 星期四 【乍寒還暖】

呢幾日都成日落雨!都係12點幾果時落!次次臨出門口前就落雨!唉~
琴晚玩ICQ玩到差唔多兩點!成3點先訓得著!
如常返工!都估到Andy今日會0黎!好快佢又走左!
下晏好爆場!!成日都係我企前場!Tammy係後場唔知仲咩野!
我覺得佢冇點幫過手!就算亞峰食飯!佢做cashier都係度睇e貓!
fitting出左佢都唔理!個fans仲行前0黎叫我幫佢度改褲!
平時Tammy好鍾意叫我0地帶fitting,跟fitting!咁佢呢???
都係Andy係度就特別勤力!6點幾果時有隻麻雀入左0黎!
攪到我0地成地都係塵!因為我0地上面果D筒(我唔知果D叫咩野=.=")係好多塵!
因為室內關係!地方好細!好驚隻雀飛過0黎!
冇耐佢就飛左去對面舖!都有d女仔係度避!
平時係室外就唔驚囉~但係室內感覺又唔同!真係會驚=.="
原本係收7!但係因為佢車褲so收7半!
之後仲差兩個字就收工,仲叫我去做清潔!攪到遲左3個字走!
我已經好快手咁樣抹塵板0家啦!~咁就冇左3個字!換埋衫都差唔多8點lu!~
原本我聽日放假!但係家下又要我返10-2!都估到0家啦!~
星期6,日邊度唔駛返工先得0家!
返屋企...收到信......係學校寄0黎!真係俾左警告信我!
話我係一個月之內再唔改善學校會有權取消我既學位!
仲同我講8月10號中期評審!一定要出席!唔出席校方都有權取消我畢業考試閎資格!
唉......收到呢封信我真係驚驚地!好驚冇書讀!
咁我真係要唯有返學!唔返唔得!!!算吧!~咁都應該要努力下係學業方面!
再咁落去唔係辦法!我唔可以咁樣落去了>"<

>>August 6, 2004 at 3:36:10 PM GMT+8

2004 年 8 月 4 日 星期三 【乍寒還暖】

成個星期冇返學!首次以0黎成個星期冇返學!好累呀!真係好累!
琴晚拍Tammy都要11點半先走人!佢仲要係咁俾野我做!真係好辛苦!
今日都係俾亞媽小!佢根本唔明白我!算!解釋都無謂!
佢成日都係度講人0地都係咁少錢駛一樣讀到書!嘿...邊個俾果少少錢我駛?
佢0地會咩???千幾二千蚊都俾唔到我!算吧!咁我唔做唔得!
我真係好想放棄家下既工作去讀書!家下淨係識得話我哂錢!
係呀~我係駛錢!但係我想嗎?佢仲可以係度話我返工嘻嘻哈哈就過一日!
佢咁諗我返工係咁樣都冇法!
但係佢有時講野冇錯!佢話冇負出點會有收獲!呢條路係我簡!
我成日都係度諗...呢條路係我簡!一係我就轉工!唔係......我真係唔知可以點樣!
家下唯有下星期返番多D學!我成日都係咁講!但係次次都做唔到!
大概我唔夠恆心吧?我成日都話儲錢!都儲唔到!今個月我終於開始儲到啦!
我都希望返學可以真係返番多D!努力吧=.=............
今日點幾時去食雪糕!又倡唔到錢!
咁其中一個銀行同事就話不如我知第2日係倡咩錢可以幫我留住!
So今日倡唔到果D就聽日幫我留住!
今日成日都好爆場!比得收5點半!但係都6點半先收工!
食食下飯時冇啦啦有人開倉果度門係度咮我!原來係亞ca!
佢個人好開心咁樣!因為佢家下仲係好free!冇做到之前返果份工!
吹左兩句水就走啦佢!下晏小琳0黎左!都係吹左兩句水就走人!
佢話佢咁0岩經過!~8點果時妮妮都0黎左搵我!佢問我星期6去唔去剪頭髮!
我話唔去!原本我打算染同剪!但係家下我想電!留番長D先吧!~
食完飯之後就拾倉!拾左4箱貨!用左7個字!我覺得已經好快啦!~
果時又同亞敏一齊拾!攪到個倉好迫=.="
今晚埋舊大埔!我0地覺得好勁呀!~因為琴日好靜!
前場果D 19蚊tee亂哂~個貨場都ok亂!
猩猩個fd今日都有0黎搵佢!佢個fd係度都hea左陣先走!~
9點幾果時先開始拾番好D 19蚊tee!點知冇啦啦有個男仔聲係我後面!
問:小姐! 之後我即令轉頭!係唔識既!但係佢只係玩野0者!~
同佢女朋友一齊!但係我覺得佢玩得好低B囉=.="
佢問我有冇皮帶同布帶買!但係睇佢0地都廿歲人0家啦!~D行為仲好細個咁樣!
今晚葉洋經過!佢條友仔直行直過唔識人咁呀=.=.....叫佢先應一應!~
夜晚3個人打機都冇野喎!~冇< short >錢!但係比得下晏打機就< short >左99蚊!
真係慘啦比得!原本收左工打算同亞敏佢0地一齊去食野!
因為好耐冇試過一齊收夜食宵夜!我又好耐冇去rainbow食糖水喎!~
但係當我0地出左門口時佢d fds又0黎左!o.....咁算啦!~唯有返家!
猩猩同埋我一齊行!佢話陪我喎!~同佢去左7仔買野飲同埋左D野食就返家了!
聽日又要拍住Tammy!好彩只係返中段!唔係真係想死!...

>>August 5, 2004 at 5:36:35 PM GMT+8

2004 年 8 月 3 日 星期二 【溫暖】

今朝都係冇返學!琴晚又訓唔著!兩點幾先訓得著!
今朝10點幾起身!之後又返工!出門口前勁大雨!行雷添!返到去都係幫手食雪糕!
仲以為Andy會0黎!點知都冇!
頂亞敏食飯時咁0岩有個fans個頭完全係我想電果隻!
之後我就撩佢傾計!佢生左兩個女0家啦!~個樣仲好young!打扮得都好young!~
原來電果D頭要成千幾蚊!佢仲話佢電果時長我少少!
即係我要留長多少少先可以去電!咁我估過多個幾兩個月先去電啦!~
當呢兩個月儲少少錢for電頭髮!=.=+ 果個fans仲話D頭髮厚電先好!
少頭髮去電果D唔好睇喎~我問佢本身多唔多頭髮!佢話佢都好多!
佢電完呢個頭都剪左3分1頭髮去!但係我見到佢都仲有幾多頭髮下!
But我覺得真係好睇呢^-^ 佢仲話我臉形細0岩電呢D頭!
而且電果D頭紮起D頭髮真係好型>.<
葉洋5點幾0黎左!拎野俾猩猩~葉洋cut左髮喎!~唔再咁毛毛頭!=.=+
我係最後一個食飯!6點幾少少先食!猩猩原本係收6點半!
點知都攪到成8點先走得!比得都係!比得收3點半都要4點半先走得!
猩猩走果時眼紅紅想喊咁!因為佢俾Tammy話0黎!
果一刻覺得猩猩好慘咁!=.=""" 因為亞敏今日都有同我講過越0黎越覺得Tammy幾煩!
之前亞峰又同我講Tammy成日屌佢!D野全部都係猩猩教佢!Tammy冇教過佢野!
其實有時覺得,真係一山還有一山高!當第2個既出現,慢慢就唔會咁怕之前果個!
或者再有第2個既出現,可能到時又覺得Tammy好掛?
夜晚婷婷同Mandy都0黎左!Mandy仲帶埋佢男朋友0黎!都係有米果D啦!~
好耐冇見過佢!我琴晚先諗起Mandy!仲諗好唔好打俾佢問下佢最近點樣!
婷婷都有一排冇見!佢條眉勁幼=.=".....佢同兩個fds一齊0黎!
另外果個男仔原來對面舖既某位女同事都識佢!估唔到呢個世界會咁細!
我都估到唔準時收工0家啦!~點知要成11點半先收工!
點知落左雜Tammy先叫我做轉貨果渣野!又拾左少少位!之後又叫我做呢樣果樣!
攪掂好哂我就掃埋地!Tammy同亞敏佢0地係樓上換衫!
當時感覺完全係唔理我咁囉=.="
其實拾位可以早少少拾既0者?都唔明點解咁多野都要留番係落左雜先做!
之後就拿拿聲返家!屋企仲係咁打0黎!屌呀!!!
果時我做緊野點聽電話呀?我一走出左門口就聽啦!~
之後仲小我!我咪cut線囉!FUCK!!!!!!!你估我想0家?我唔做野邊個養我?
我又唔係去玩!返工做埋D野先走0者!駛唔駛call哂咁?
做野真係攪到我好炆=.=# 仲打0黎煩!我真係極度興!咪cut線囉~
我真係好想返學!返學呀>0<"""
聽日又係返1點至10點!Andy聽日一定0黎啦!~

>>August 4, 2004 at 4:23:58 PM GMT+8

2004 年 8 月 2 日 星期一 【晴】

今朝我冇返學!對眼腫到爆!因為琴晚同yin傾電話傾到喊...
唉.....我0地都係傾返工D野啦!~我唔明點解Tammy成日都冇野搵野俾我做!
唔想我有一刻靜落0黎!我返果幾粒鐘就等於返成日咁!好辛苦...
yin同妮琴日0黎一個字到!Tammy就要我< feel >哂全場既貨!好明顯唔鍾意我傾計!
TOTO 0黎果時講左兩句野佢就要我跟掛裝!想點???
我一星期都冇一日有朋友0黎搵我!家下有朋友0黎搵我都咁對我!
咁係咪好唔尊重人?我明白返工係唔可以咁樣!但係我唔係話成幾個字都傾計唔跟fans呀!
人0地0岩0岩傾就要我做野唔俾我傾!算點?????以前Cathy唔係咁!
猩猩都唔係咁!比得同猩猩佢0地都有朋友0黎搵佢0地!佢0地仲可以傾得好耐添~
當然果時Tammy唔係度啦!~
就算我唔係比呀比得做野都好!就講比亞峰啦!~平時亞峰靜場就係度玩!
家下我係貨場我唔會玩囉!以前就話同亞敏玩0者!家下我同亞敏返工都係各有各做野!
亞峰玩都唔會叫佢做呢樣果樣!點解咩野都要我做?有我係度男仔就一定唔駛做清潔!點解???
我覺得家下對手仲比以前核突/_\.......
So我覺得拍住Tammy係一件好辛苦既事!我唔知佢係咪唔鍾意我,定係我唔聽佢話關係!
但係我只知家下我達到佢要求拎到我返學更加返唔到!上星期返果一日學都係好格梗咁樣去返!
好辛苦呀!!!我真係好累............/_\ 家下我為左返工真係喊過好多次!大概我眼淺吧?
有時我會諗,出邊做野可能人際關系仲差!通常安於現在係最好!
我唔知Tammy係討厭我定咩野!但係我同佢既話題係離不開工作!反而對猩猩都有私事講!
我同Tammy係未玩過!但係亞峰同比得都有同Tammy玩!係我唔識得對佢假定點樣?
同佢講野我已經好就住!唉.....再咁樣去!我真係好想死!
唔做野又唔得!屋企冇人養我!家下除左係屋企住水,電費果D係老豆交之外!
日常生活都係自己錢!再加上我已經18歲了!仲用依靠哂屋企嗎?
今日下晏成日都留左係屋企!冇野做咪上下網玩ICQ囉~
東華今日都係放假喎!~同佢傾ICQ傾左好耐!原來東華份人都幾傻!~
冇耐亞倩打0黎!同佢吹水吹左成粒鐘!
佢講返學D野俾我知!亞玲...唉~算吧啦!~冇得救0家啦!佢都係想有人認同佢既說法0者!~
傾到佢電話差唔多冇電先收線!~原來學校家下會出警告信=.=.....
即係D好耐都唔交學費又少返學既學生就會收到警告信!因為家下星期已經係咩中期評審!
好驚我會收到警告信添=.=".....因為我返學真係返得太少了!
6點半左右先出去影下相同TOTO去還書!琴晚去左借書ma!~好耐都冇睇過漫畫!
但係...就係因為出去!攪到筒菲林爆左光!我唔知係咪部相機lock唔實定點樣!佢自己打開左!
最終......我冇去到曬相!唔知曬唔曬到!算吧.....唉~我成日都係咁黑仔!
之後去左買黑白菲林,陪埋TOTO影印就走人lu!~So今日真係極度無聊的一天呢!~

>>August 3, 2004 at 12:28:59 PM GMT+8