2004 年 8 月 1 日 星期日 【炎熱】

今朝冇起身返學!次次星期一我都唔返學...其實琴晚我已經打算唔返!
好累...眼訓....但係都要起身返工!都係幫手去食雪糕!
返番舖頭冇耐又叫我拾倉!倉門口仲有一箱!我就係差果一箱就上完!
點知俾我見到有隻小強!!!係小強呀>0<""" 我真係好驚呢D野!
之後Tammy幫我上埋果一箱貨!
yin同妮妮下晏0黎左!yin好似比之前殘左咁!或者唔開心關係吧?
原本都唔知佢0地0黎左!係有個女人拖住隻狗,yin又係度玩果隻狗我先知!
靜場果時Tammy係度叫我排size果D!係0岩0岩靜場!之前爆完0黎係佢食飯果時!
佢落到0黎就唔爆lu!~講真果句我自己有手有腳唔駛佢講我都會做!
點解次次一靜場就冇野搵野俾我做???猩猩都冇佢咁煩!
雖然Tammy平日份人冇咩野!但係拍住佢做野真係覺得好辛苦!
今日有一粒鐘我打機!Tammy又冇啦啦拎左部老爺吸塵機出0黎!
勁重囉!完全唔知咩事=.=.......叫我試下吸唔吸到!
都吸到囉咪吸哂完場囉~果時Tammy就出去倒水!佢0地班野成日打完水返0黎都唔倒!
次次都係我!咁我仲係度諗:今次唔係我倒真係太好!
點知Tammy再打番D清水返0黎!心知不妙啦~
原本係冇< short >但係臨美香.....唉~~~
咁我埋一埋倉飲水啦!點知又叫我收收啦喎~落番去!Tammy企左係度!
拎左膠袋出0黎!我收緊果時佢企左係我隔離!咁0岩個< draw >開左!
我以為出左單!仲找番59蚊俾人!點知我又大意!唔記得左條褲係59蚊=.=
個死女人俾左100蚊我!我找左錢俾佢,我仲見到佢係度睇下D錢!
我都覺得好怪!點解冇單!以為Tammy俾左張單佢!點知原來唔係!!!
過左一個字都冇就清機!比得就問我!E!?果個咩0黎?
因為個window < we >左野!跟住我諗一諗!原來係未出單=.=.....
即係我< short >左18蚊!今個月第3次啦/_\.....我真係冇錢/_\...
果一刻真係想喊囉!~之後Tammy仲叫我抹塵板!
屌~成撚日都係我!!!!做清潔駛唔駛成日都做呀?佢0地好似琴日先做完0黎!
仲有一個字都冇就7點!Tammy仲叫我吸塵!我咪之前吸左囉!全場吸0家!
起初佢話:果次係試下吸!
咁我咪同佢講番!我全場吸哂0家!
之後佢先唔駛我吸!唔係我一個功夫做兩次=.=凸
6點果時TOTO搵過我!So我收工搵左佢陪我食飯!
食完買埋耳針就返家!原本仲以為屋企有飯食!打番家點知冇人聽!
即係冇人係家啦!~唉.....又要駛錢出街食!
夜晚11點幾果時Tammy冇啦啦打0黎叫我返星期3=.="
我當然渣形啦!~咁佢就話放我星期6假!咁咪可以拉番混囉~
佢要我星期3返1-10!咁我打算呢幾日都返學0家ma!
一返左學,返工一定累到化!家下一星期都有得放兩日!
但係改左星期6囉!~亞峰呢兩個星期請左8日假咁多!
So我頂...就係咁......今個星期返得多過峰!其實我都知佢平時彩得好勁!
Tammy11點幾仲用公司電話打俾我...一定又博數啦!~收夜係一件好慘既事!
星期3 Andy一定落0黎啦=.=.....
唉...好累呀>"<........真係好累呀!返工.....真係好假!!!!!!
PS:恭喜TOTO搵到工~!

>>August 2, 2004 at 3:38:06 PM GMT+8

2004 年 7 月 31 日 星期六 【酷熱】

今朝唔多想起身返工‧______‧""" 返到去我仲早Tammy少少係門口等!
最遲既當然又係亞敏啦~朝早打左一粒鐘機!
Tammy今朝換衫時同我講見我呢排成日< short >錢!不如9月份先再打機!
因為呢個月我< short >左兩次錢了/_\
咁都好既~但係之後朝早都打左1粒鐘!等到亞峰返到由佢接機!
下晏好爆場!!!!5點果時已經到德福!幾勁下!真係做個不停!
就係咁樣!結果亞峰< short >左十幾蚊!
Tammy又篇錯間!猩猩返3點!比得返6點!So攪到我0地成班都遲哂食飯!
我係第1個食都3點先可以食得!原本打算買吉野家!都幾耐冇食過吉野家了!
點知條隊排到差唔多出面!攪到我去左買米線食=.="
攪到我行左唔少路,好熱!今日真係好熱!!!
家下覺得果D巴基斯坦既人好勁!佢0地中文好得!同我0地講中文冇分別!
仲勁過D賓賓!初初以為佢0地講英文啦~點知同我講中文!
當堂嚇左一跳!佢0地係成班咁樣0黎既!~有兩班人咁啦!
其中一班有條仔好爆笑!我0地間舖有D英文歌幾輕快咁樣!
條仔就度跳舞=.=""" 之後班女係度笑佢!講咩落D果D!我聽到...
Tammy今日都冇野搵野俾我做!~
猩猩又如常肚屙!佢成日都肚屙......so已經見慣了!~
今日見到以前係度做過特價場幾日之後俾人抄左既moko同埋佢男朋友!
今晚準時收工!寫低左D補貨就走人!因為猩猩幫我入機!
都好多貨都補!聽日返早既同事真係慘啦!~
放左工返屋企食飯!亞媽有煮飯!老豆係我食食下飯果時0岩0岩返到!
佢都好少可咁早返屋企了!~下星期有兩日假!GOOD!~
原本有3日!但係因為頂亞峰!亞峰佢請左好幾日假!
總結今日返工都幾充實!因為真係幾忙下!忙到.....有點兒累........
聽日返1-7!都係呢個間啦~平日多數都係返中段!
又一個星期!仲記得上個星期日我仲改左info寫住又一星期!
家下又一個星期!呢個7月...真係過得快!~仲有4天就出糧!GOOD!~

>>August 1, 2004 at 1:38:00 PM GMT+8

2004 年 7 月 30 日 星期五 【晴】

今朝唔係咁想起身!可能D藥令到我好眼訓關係吧?
今朝我打機,點幾撩鼻屎既DM 0黎左!佢成7點先走人=.="
TOTO個細佬同表哥今日有0黎買野!原來佢表哥都唔係好型0者!
都有D外國既feel!係講佢衣著!個樣就唔似外國人!
講中文好清楚!同埋D皮膚唔白既!
兩點左右Andy 0黎埋!Andy都成5點幾先走!
亞仔都係兩點果時0黎!但係...家下好似同亞仔冇咩野講咁!
或者佢家下係文職關係吧?大家講既野唔同!冇哂以前既感覺...
兩點幾到我食飯!但係......清機果時...我< short >左錢!
應該係< short >左卡機果度!57蚊......唉!~~~又< short >啦!咩事?????
咁就冇左57蚊...亞峰今日都有< short >!6蚊咁大把=.=
亞敏今日俾佢果邊既DM照肺!我見到個DM照完亞敏肺之後都黑黑地面咁!
6點果時借左去撩鼻屎幫手!頂亞敏食飯!
因為佢DM係度關係令到佢0地流程慢哂~有D驚驚地!因為果邊個DM仲未走!
佢幾cool下!今次應該係第3次見面!
7點幾返番去大B幫手!咁0岩拾位!同比得一齊拾!
其實都係調番D位0者!上面果D就比得整!
猩猩又唔知仲咩事!想起左前場果個台佢!即頭想唔要=.=
果時我0地係度做緊清潔!咁順便掃埋個台下面果D千年塵!
同佢同時間收工!之後去左買雪糕食!咁同亞峰係度玩野!
拎番< short >左果D錢出0黎!佢果6蚊全部都係毫子!我果D 0頭都好多用毫子!
9點左右先返家!返到屋企老豆老母仲未返0黎!
唉...今日< short >錢........食到兩餐0家啦/_\.............真係好窮呀>0<"""
好彩就0黎出糧!好彩我今個月唔大駛!唔係想儲錢都幾難!

>>July 31, 2004 at 3:36:14 PM GMT+8

2004 年 7 月 28 日 星期三 【雨】

琴晚同TOTO傾電話傾左好陣子!佢琴日去左澳門!
我都好耐冇去過lu!仲記得細個果時老豆老母年年都帶我0地成班小朋友過去玩!
同埋D亞E仲有表姐,表弟咁樣!年年都係新年去!
因為新年去有得玩煙花~總之玩左好多關於爆竹,煙花,會爆既野!
我知好多人細個都會返大陸玩呢D野!而我就係去澳門玩!
其實澳門係冇親戚0家!只係我0地成班親戚過去玩!
大人好鍾意去睹!仲記得第2果個果時要帽俾D煙花攪到穿左個洞!
果時見到好大個煙花!真係好靚!~但係好凍!感覺好舒服!攪到我好想倒流留以前細個!
以前細個成日都係一家出街咁樣!家下...唔會!去旅行既機會都極度微!
唔知幾時再有機會可以係新年去澳門玩呢?但係家下都唔俾玩煙花啦!~
今日成日都係落住雨!今朝其實都係唔多想起身返學!
仲幾遲出門口!去到K巴站仲要拉龍!攪到排左陣先上車!
返到學校......真係好黑囉!~亞sir冇返!點解我次次返學D Miss,亞Sir都係冇返學0家?
Then係school hea左幾個字!睇下人0地畢業果D畫!
拎埋本畢業展既書就去左大家樂食早餐!~本書好重=.=""" ok厚!~
羅家良都係度!家下我0地同佢都幾傾得埋!可能佢有少少女仔咁樣掛?
冇平時D男仔咁粗佬!hea到11點幾我同亞倩去左佢男朋友屋企放低D野!
原本佢又話唔行街既!之後話留係屋企冇野做,叫我陪佢放低D野一齊行旺角!
係旺角買左條褲!其實係上兩個幾星期睇中果條!今次見番先買!
Then去左聯合!買左對converse!米色~我原本都打算買對呢D 0黎襯下!
唔貴ma!去IT...睇中果D鞋居然冇我碼!SHIT!!!咁有得閒睇下大埔果間有冇啦~
其實上兩個星期行街係IT睇中左對涼鞋咁既鞋!但係幾貴下!
家下比上次平左!但係都要5百幾蚊!即係差唔多6百.....
So都係要諗諗先啦!我唔可以太過亂駛錢>"<
如果下個月行街見番又仲平左或者仲鍾意既話先買啦!~
我同亞倩行左唔係好多地方!3點左右去左食tea!Then大家就分手了!
我就去炮台山地鐵站等貓姐姐!因為佢約左我一齊去睇佢試新娘妝!
點知原來佢個朋友同我一齊都係度等佢=.=" 我0地兩個仲呆等左好幾個字!
等到貓姐姐0黎到先知原來果個就係佢朋友!
原來化左妝真係靚D 0家!試左兩個妝!都唔錯!6點幾左右先搭車返0黎!
去到新達搵左sisi!睇唔0岩衫!果度D衫家下女人左核突左!
之後去左零食物語買左好多零食!買完就搭K巴返家~
聽日又返工!今日真係有點兒累...或者早起身!訓唔夠6粒鐘又行左成日關係吧?
落雨行街真係好唔放便呢~!

>>July 30, 2004 at 11:41:20 AM GMT+8

2004 年 7 月 27 日 星期二 【乍寒還暖】

今朝都係冇返到學!好累呀...訓到眼都腫!琴晚成兩點幾先訓得著!
返工,都係頂食飯同雪糕!返工冇耐冇啦啦有人叫我同佢影相=.=...
佢話我隻眼好大同埋好得意=______________= 得意...o.........SHIT!!!~
佢係女仔0黎!我都有留意到佢!因為見到佢條布帶係hysteric!
另外果個男仔就係話:你影啦!~
之後猩猩就係咁望住問咩事!Then猩猩幫我解左圍!
猩猩講:因為我返0地辦公時間!So影相唔係咁好!~
最後佢0地兩個都走左!其實我都唔知可以點樣做‧________‧"
因為未試過!邊有人3唔識7冇啦啦話影相0家!~
下晏亞屎個契哥亞華同佢既唔知咩人0黎左!起初冇啦啦有人叫我亞鸞,
仲以為係邊個!諗一諗先記得原來係亞屎既契哥!
接機果時睇卡機,點知琴晚未清卡機!琴晚好似係亞峰禁制0家喎~
亞敏返2-6!遲過我返早過我走!
補完貨之後6點多D就做清潔!一定係我做0家啦!仲有邊個呀=.="
倒水時見到東華!原來佢今日Off!~
7點2個字先收工!因為我跟埋個fans先!
點知個fans真係玩野=.=" 試左好幾多對鞋囉!~
有時覺得拍住猩猩好過Tammy!因為點都冇咁大壓力先!
Tammy冇野做就係咁搵野俾人做!同埋拍住Tammy真係好大壓力,我覺得...
收工之後就返家lu~都冇去其他地方!聽日必定會返學!
聽日Off喎!唔通仲唔返咩?如果聽日又唔返就成個星期冇返過學0家啦!
完全唔得囉~猩猩話下星期我唔會返咁多啦喎!~
咁我下星期希望可以早D訓!可以返到學啦!~成日都失眠......真辛苦!
聽日一定要買鞋>"< 買鞋!買鞋!買鞋!買鞋!買鞋!買鞋..........買鞋!!!!!!!!!!!
好快又出糧!GOOD呀!~今個月唔可以過5千蚊!唔係就要自己供強積手0家啦!~

>>July 28, 2004 at 1:18:01 PM GMT+8

2004 年 7 月 26 日 星期一 【綿綿細雨】

今朝又冇返學!俾亞媽小到化哂~起身食D野又返工!
返到去先知原來今晚10點3要開大B!我0地自己舖開!
冇耐都係去食雪糕!倡左好多銀=.=" 重到我呀......
都係頂下飯間!~May食飯果時過去頂,真係爆場!係爆May食飯果時囉~
之後都冇爆!我應付唔0黎囉=.=" 因為我點都唔係撩鼻屎既同事!
唔知D貨放係邊!攪到搵左好耐!有D搵唔到咪俾掛裝佢0地!好彩佢0地都肯買!
等Tammy拾埋位!準時7點收工!之後打俾TOTO!原來佢仲未食飯!
等到8點多同佢去左老地方食!去左姐姐度睇衫!買左兩件衫!
見姐姐襯得好睇就成套買左了!而且兩件買唔貴!~So都OK呀!~
都有一排冇買過衫啦!~算係咁啦!今個月好似係第2次買衫!好似係...
食完行左陣就返番大B!係度等.....累死!冇野做去買下糖食!~
11點3,4先開始開會=.=..........開之前有條友打我手提!
咁我接唔到咪打番去囉!見到有成4個未接是電!仲要係同一個電話!
打番去!一個男仔聽!我問佢係咪打過我呢個手提!
佢話冇!屌佢老味!都唔知係咪!之後收線就開B啦~
答0岩有獎!就係零食!我0地成班一路開B一路食!
而且都傾左好多selling既野果渣~都學識左少少野既~
同埋大家係有玩但係真係有傾!同以前Cathy好耐好耐果時開既B都唔同!
D零食全部都係Tammy買的!~開到12點先走人散水!
開完B睇手提又有未接來電!今次係手提!都唔知邊個!真PK!~
返到屋企就即沖涼!累到呀......
聽日...又唔知返唔返到學!好累呢~同返B間冇咩分別=.="

>>July 27, 2004 at 5:09:11 PM GMT+8

2004 年 7 月 25 日 星期日 【綿綿細雨】

今朝訓到10點幾起身!大果個今日放假!但係佢朋友琴晚0黎左訓!
佢0地沖完涼就出左去!之後大果個返0黎,仲買左個早餐全餐比我!
食完hea多陣又出門口返工!返工前兩個堂細佬0黎左!
今日返工我有俾到心機!笑得多左同埋有selling(我覺得=.=")
事實每份工都係唔開心,就算有工係開心都係玩玩下既工!唔認真...
對D fans笑哂係假0家啦!但係總好過衰俾人睇啦!~
咁不如家下捱下吧.....同埋家下又玩咩神秘人!我衰左就等於成間舖都衰埋!
同埋返工一定會有唔開心!唔開心喊下過後都係一條好漢=.=+
首先返到去都係食雪糕!食完雪糕返番舖頭幫手,冇耐就叫我拾倉!
家下個倉整齊左!希望下次各位同事上貨時跟番size同埋好亂放D貨啦!~
今日Tammy同我講遲下會有個full-time落0黎!係新人0黎!
因為亞峰佢就0黎唔做0家啦ma!好似話亞峰佢做呢個暑假渣喎!~
So遲下我可能唔駛返咁多粒鐘掛?
收6點...cut左我鐘!同亞敏吹水!因為家下返工我0地係唔會吹水!
吹水都係放工,返工,飯間,係倉度先會吹水0家渣!
吹水果時有對Twins baby!幾得意~Peter同May好鍾意小朋友!
但係果時May0岩0岩走左!Peter當然又勁玩啦!
其實我好多野都要改下...同埋.....我好多時候講野都好硬頸,好入骨!
呢點我認同!我真係要好好改下先得lu!~
7點左右就返家啦!~夜晚都係屋企睇TV,玩電腦,聽歌......
聽日都係返1-7!

>>July 26, 2004 at 1:52:04 PM GMT+8

2004 年 7 月 24 日 星期六 【晴】

今朝訓到9點幾起身!因為怕唔知醒起身!So冇訓番!
返工...心情都唔多好!猩猩係咁叫努力努力!唉...好反感!
點幾就叫我食飯!原本係比得食先!點知清機有D問題!
咁我就打左俾yin...喊左陣之後買左個包返倉!
入到倉比得同May0岩0岩食緊飯!傾左陣計我又喊!
就係咁,攪到落貨場就更加冇心機啦!~打機,冇< short >錢!
5點左右猩猩同Tammy一齊叫我埋倉!傾我既問題!
佢0地琴晚傾電話傾到都好夜都係傾我既問題!
當然傾傾下我又喊啦!~Tammy問我係咪覺得間公司唔0岩自己!
我答左佢係!又問我調去第2間舖會唔會開心D!佢同我講做野都唔想咁唔開心!
我答左佢驚第2間舖返工時間唔0岩自己!(調舖係指37)
Tammy仲搵左Peter同我比!話我selling唔夠!唔主動同客講野!
我知自己成日睇心機對D客!冇心機真係唔會多理佢0地!更加唔會點主動!
Tammy仲cut左我鐘!當然啦!仲唔cut咩!我咁既心情返工都影響到公司!
收工打俾yihn!等佢期間同左猩猩去大廣車褲!
因為佢冇配到果隻色線!再之後搵佢個朋友拎key去廁所!
點知猩猩整斷左條key=.=".....之後去佢個fd間舖夾公仔!
夾唔到佢個fd就開左部機俾我0地拎!但係俾一蚊佢!
冇耐yin打0黎!同yin行左陣!最後去左M記食雪糕同坐左陣!
yin講得0岩!我收到份糧就應該做好佢!唔係就搵過第2份工!
佢仲叫我捱埋新年!新年會有多D錢!9點幾左右就返家啦!~
返到家同葉洋傾左陣ICQ!佢都講得0岩既~其實我應該要努力!
唔改下真係會比人抄!我真係要好好改下啦!
算啦都係!諗咁多冇用!努力做好本份吧!
PS:我今日真係好唔掂囉!~我真係眼淺!
仲有!今日返工有個好好好好...細個既小妹妹係咁跟住我尾!
起初我勁唔想佢跟住我=.=...因為佢太惡!又百厭!點知冇啦啦跟係我後面真係誇左然!
下晏又有兩個小朋友!男仔0黎!其中一個冇啦啦走0黎攪我個証件!
我即縮!攪完一次唔夠再0黎多獲!我真係叫救命!諗番起都白痴=.=
之後個小朋友話我靚!但係佢太似咸淫仔了!我冇理到佢了~
冇耐佢0地兩個小朋友就走左去樓梯度玩=.=......

>>July 25, 2004 at 3:33:57 PM GMT+8

2004 年 7 月 23 日 星期五 【晴】

今朝訓到9點幾起身!之後又返工!我專登早少少返去!
食包之後幫手拆貨!因為猩猩同Peter返早!好似返10點半!
一定整唔切D野!咁我就早左15分鐘落去幫手拆貨啦~
12點左右去食雪糕!倡到銀喎~GOOD!!!
家下公司玩咩神秘人!如果一個月得分係85分以上就可以有獎金!
連續幾個月都可以拎到85分以上既話個獎金就會增加!
都幾好~但係.....我0地呢D細既分得既錢都比其他既少.....
算吧=.="有錢分好過冇錢分!盡力啦~So我今日返工都冇話咩特別冇心機!
第2個食飯係我!猩猩佢收4點!但係OT左1粒!唔怪得我調左間啦!~
食完飯下晏亞媽同亞E果D0黎左撩鼻屎買褲!
芳E買左兩條褲!個個月既優惠卷都係送哂出去=.="""
Andy又0黎左!我都估佢今日或者聽日0黎0家啦!~
但係果時做cashier!都OK多野攪!~冇野做咪跟番我附近既掛裝囉~
Andy既來臨當然又要拾位啦~But唔係我拾!Tammy,鋒同Peter拾!
家下發覺Tammy見到Andy 0黎個人就比平時唔多唔少有D唔同!
比平時認真D啦~總之一定會比平時唔同啦!~而猩猩就更加嗌場嗌得勁!
唉.....都話左出0黎做野每個人點都會有假既時候!
清機.....我居然< short >左錢!!!‧_________‧"
< short >17蚊!其中一蚊仲要俾個賓妹呃!佢俾左個菲律賓既1蚊我=.=.....
當然真係有點兒無奈!仲要收埋D唔知咩野既1蚊!!!
今日.....真係好失察!!!!!好耐冇< short >過錢!今日都唔算爆場呀!點解會咁?
我真係要好好留意下!收錢小心D啦!~
原本仲以為8點鐘收工!點知Tammy cut我鐘收7!
收工之前< feel >埋貨,搥埋塊板就走人!
去禁錢!好耐冇禁過~0岩0岩出糧果時禁過之後到家下!
終於有機會去禁錢!一0黎懶行去禁!(唔順路)
二0黎想儲錢!因為一禁錢就好易亂哂錢!個銀包既錢少就會用得少錢!
我就係咁樣=.=" So銀包一多錢就會用得多!
家下用到真係得個0先去禁!就係因為銀包一張銀紙都冇既關係迫使我一定要禁錢/_\
覺得自己今個月好勁呀>0<""" 但係我決定左下星期四行街買鞋了!
So.....希望今個月儲到千5蚊以上啦!~
禁完錢之後就返家食飯!亞媽有煮飯!連續3日都有!真好呢~
聽日返12-9!呢個間係最唔好既一個間!因為分分鐘都係收夜!
但係折左糧......應該唔會收10點掛?
下星期又改左間!唉~居然比亞鋒返多1粒鐘!佢有兩日假!我得一日~
算吧!~我都知亞鋒踩得好勁!佢下個月出糧有成6千幾蚊!
一個PT居然可以有full-time既錢!可知佢踩得幾金啦!~
得一日假...仲想攪下個頭!睇0黎都要等出糧果個星期先可以有時間去攪下lu!~
家下個頭D色甩哂!D頭髮又厚番!想電頭髮...唔夠長.....算吧=.=.......

>>July 24, 2004 at 12:30:24 PM GMT+8

2004 年 7 月 22 日 星期四 【晴】

唉.....今日都係返1點!好累呀真係...好厭惡家下既工作!
返返下工又胃痛!下晏都冇咩野發生!都係hea下咁樣過時間!
淨係覺得好眼訓!個人好呆!猩猩叫我努力左好幾次=.=" 我冇點理佢!
去銀行又倡唔到錢!下晏彬,肥布同古仔0黎過!
亞ca今日帶左個鬼鬼地既BB 0黎!佢係HK人!但係好似有少少鬼鬼地咁樣~
幾得意!好快停留一個字到都冇就走左lu!~
猩猩cut左我鐘!話cut...其實都係果3個字!
因為6點1果時佢要我做清潔!倒埋水攪到搭8先攪掂好哂~
收左工同亞敏吹左陣水!因為都幾耐冇同佢好好傾過計!
我買左雪糕食~之後再試左條撩鼻屎褲!我幾鍾意!著出0黎都OK!
應該會買!但係打算買左鞋先>"< 下星期四放假!打算果日買鞋!
係必定要買呀>0<""" 冇鞋著啦!著0黎著去都係果對~!shit!!!~
7點幾左右返家食飯!之後都係睇下TV玩電腦!
聽日返11-8!原本係返1-5!但係改左間表.....
下星期都係返成40粒鐘!未計OT...都唔明點解話俾我返少D都仲係咁樣!
一星期得一日放假!但係...係同一間公司做夠一年,就算出去搵工都好睇D!
家下...仲有4個月捱!真辛苦!/_\..............

>>July 23, 2004 at 3:58:47 PM GMT+8