2004 年 5 月 19 日 星期三 【晴】

今朝真係起唔到身返學!當我醒既時候已經係8點幾!
訓到11點左右起身~冇耐返工!一返到去就見有隻狗!好得意!好乖~
落場首先都係去食雪糕!~下晏見到朱仔經過!
今日我有打過機~頂佢0地食飯!哈~冇< short >到錢!Good~!
下晏勁多人0黎見工!都係D中五生!有個女仔問得勁攪笑囉係!
佢問我:做PT做幾耐0家?
我答佢:你鍾意做幾耐咪幾耐囉~
之後佢再問:咁PT幾錢粒鐘!
我答佢:你自己見工時問office啦~
之後佢就答我:哦!!!好!!!
其實我覺得佢講野唔夠禮貌!問見工D野對住個陌身人都可以咁樣講野!好得!!!!!
講真果句邊度可以講咁多公司既野俾外人呀!一睇D中五生都做唔長0家啦~
我覺得自己都幾串下0家!But我唔咁答可以點答!
我成日都企前場!一有人0黎見工我就睇下佢咩樣先俾form佢填!哈~
有時我都睇錯人!因為幾多人都扮哂野0家!扮乖扮斯文囉係!FUCK!!!~
我起初俾左一對女填form!屌呀~原來兩個都勁低B!問D問題完全白痴!
都係問:好唔好做呀呢度?
又或者係問:呢度辛唔辛0家?D人好唔好?做得開唔開心???
講真果句.....咁多人見工!實請既咩?~而且就算請都未必係呢間舖ma!~
之後仲叫我同馮小明帶佢0地入0黎做!(當時得我同佢兩條友貨場)
佢0地都on撚9既!帶不如帶自己D fds!又唔係同你熟呀!
到我打機果時又有兩個著哂super lovers既女仔入0黎問!Cathy就叫我唔好俾佢0地填form!
因為Cathy企係前場時聽到佢0地講粗口!入到0黎又扮斯文喎~
總之真係好多人0黎見工囉~咩類型既人都有!
Cathy原本見我琴晚拾位拾咁夜就俾我cut鐘啦~點知都係OT=.="""
差唔多5點果時拾倉!4點幾果時仲叫朱仔等埋我食飯添~
夜晚冇飯食ma!要佢等左我好耐添=.=" 收工之後我0地去左藍山咖啡度食!
OK啦D野!食完就走人!一條友係大中行左陣再返舖頭!同亞敏玩~笑爆咀!
等埋佢0地收工之後去左rainbow食糖水!等佢0地途中4圍hea下囉都係!
個人勁累囉係!去rainbow食糖水時食唔哂=.=""
或者我食完夜晚唔係好耐!而且我覺得自己好似有D想發燒咁樣!PK啦~聽日仲返全日添~
10點9左右返到屋企!行返屋企果時幾驚暈抵!因為feel到好wing咁呀個人‧____‧"
睇0黎真係要食粒藥訓覺先得lu!~

>>May 20, 2004 at 3:55:15 PM GMT+8

2004 年 5 月 18 日 星期二 【雨】

今朝都係冇返到學!SHIT!!!琴晚成3點幾先訓得著!
今朝12點左右起身!9點幾同10點幾Cathy打俾我!But我冇聽!因為訓緊覺ma!
起身之後係屋企hea下玩下電腦食下野又返工!返3點半!
今日個場好靜!到夜晚埋尾都係埋上水0者!猩猩話埋唔到上水就唔落雜喎~
下晏彬彬佢0地成班經過!戀毛又係度串9我囉都係!之後又見到古仔經過!
再之後又見到以前小學個同學經過!我到家下都唔記得左佢叫咩名!哈~
冇耐亞仔打0黎問我聽日返咩收咩果渣野!想約埋去游水果渣野!減肥...
黃昏Cathy,MayMay,馮小明都切!亞敏返B half!~
今日Cathy同我講馮小明又要調走!今次調去荃灣!果邊需要仔喎~
調Peter過0黎!家下得我,Cathy同MayMay知呢件事渣!連猩猩都唔知!
到左夜晚就真係PK囉~拾位!原本我0地8點幾開始拾0家啦~
點知猩猩又要做轉貨!猩猩一向做野都唔快!仲要有兩條麻甩佬買褲要改!
要即改俾佢!攪到猩猩做做下轉貨都要車褲!
So真正咁拾位真係落左雜之後囉~拾緊位果時家家打0黎!
佢唔知換貨果渣野!買88蚊兩件!我幫佢出住果十幾蚊先!要補番錢!
咁0岩我又趕住同亞敏去happy!我之前已經同左猩猩講呢件事0家啦~
88蚊兩條Polo今日係Last Day!點知猩猩清左機=.=" 家下唔知點算好!一定俾家家話啦~
亞敏好早就走人!佢條友仔野又未拾好就走左去!
我0地拾完位清理Cashier先見到幾多撩鼻屎D野係度!
拾拾拾.....拾左3粒鐘囉~Cathy仲叫我0地10點半好拾位!屌呀~原來勁撚多野拾!
累到化系‧____‧""" 拾位又熱喎!~
攪到成點先走返家!去左7仔買野飲!同猩猩一齊行返去!佢去富善搭的去火車站轉小巴!
唉.....我聽日好想返學呀>0<" 點撚算!打埋呢篇日記我就訓lu~
原本Cathy今日講改左間表我聽日有假放!叫小琳頂我放假...
點知54冇啦啦借人!借左小琳過去!
So我0地呢度唔夠人!攪到我要返番原本果個間!都係返中段0者!好彩好彩.....

>>May 19, 2004 at 5:45:27 PM GMT+8

2004 年 5 月 17 日 星期一 【晴】

今朝有起到身返學!~琴晚點幾先訓!眼訓到我呀/_\
我本來11點幾已經訓左係床度!好可惜訓唔著!
其實今朝我7點9可以出門口0家啦~But我hea到8點2先出門口!
我如常係為左搭8點半果班火車!係K巴度又見到留< so >果個西裝型仔!
佢今次仲企左係我隔離~嘩哈哈哈~~~>3<
返到去都冇係冇做過野!睇人0地點樣做!因為我未諗到畫咩野!又冇帶果個架喎!~
一返到班房真係嚇一跳!邱富著西裝!而且帶左眼鏡!即刻成熟左~當然思想係冇成熟到啦!~
佢本身個樣已經俾佢本身年齡大少少0家啦!~因為佢話今日見工喎!~
小葵今日遲過我返!上堂果時好好笑!見到邱富同亞棍係度互串!
係聽到佢0地越串越大聲!亞棍串到冇聲出又發脾氣!亞棍佢次次都係咁0家啦~哈!
亞棍講咩自含唔到就係廢!邱富話亞自己係廢!因為佢自含唔到!
亞棍自含唔到又唔認自己係廢!之後邱富就話佢點解唔係廢!哈哈~總之好爆笑啦成個過程!
串到亞棍興哂講哂粗口!每次亞棍唔夠串就係咁樣0家啦~
好快又落堂!之後去左school樓下間茶餐廳度食野!其實都幾耐冇係樓下間茶餐廳度食0家啦~
食完小葵走先!佢返工!亞倩同我hea多陣先走人!
因為我今日Day Off!一條友都唔可以做咩野!想等亞yin...but亞yin兩點幾先見工呀!~
一條友邊度可以hea成3粒鐘咁多?同亞倩say左bye之後我就走左去CWB行啦!~
當然CWB好多舖頭都未開啦!金百利,銅鑼灣地帶果D舖頭冇兩點都唔會開既!
首先去左Sogo行!係super lovers度買左件衫同腰帶!又冇左畢!其實我真係想買電話繩0家/_\
因為我睇左中果條折左都係100蚊0者~之後行行行...差唔多行哂咁多層!行埋玩具果層添!
家庭用品果層冇行到!都唔0岩我呀~行完咪再4圍行下囉~
完全係window shopping!~走果時都1點lu!~我hea唔到兩點囉真係!因為都唔知仲可以邊樹呀!
個人又累!訓得太少~於是1點走人返大埔!係bus度如常訓著左!
聽唔到電話!落左車睇手提先知亞倩打俾我!佢同我講尖咀果度開左間狗狗店!
好似亞貓地攤咁樣!But今次係狗!有好多狗陪你食野同你玩咁!
哈~我真係好想去!But要等到下星期放假或者返晏先得lu!~
我都好耐冇去過亞貓地攤啦!亞貓地攤搬左之後連D野食都貴哂~
以前我0地食三十幾蚊個餐!家下六十幾蚊先可以食到!勁貴>0<
返到大埔經過舖頭咪入去睇下間表!
原來我聽日返3點半!撩鼻屎出左D褲鍊!唔錯喎~買野加10蚊雞一條!
我0地當然就咁買就可以10蚊啦~於是我買左兩條唔同款!~
咁0岩亞敏報時食飯!我就同佢係倉度玩左陣!去左M記買雪糕食!
亞敏食完飯出番0黎就見到亞ca同佢亞妹係撩鼻屎度睇衫!佢亞妹幾靚!係比亞ca肥!
hea多15分鐘左右我就走人lu!~原本又打算去染下把髮!
好耐冇攪過把髮啦!~But我又驚喎!因為我都想剪下佢!留番長D頭髮真係好辛苦!
最終又係冇!因為太累關係就返左家啦~買左本雜誌就返家lu!~
返到屋企都冇點玩電腦!掛左N/A!5點幾覺得頂唔順就訓左覺!訓到7點幾起身煮野食!
今晚都要早D訓!聽日要返學!努力~

>>May 18, 2004 at 2:23:15 PM GMT+8

2004 年 5 月 16 日 星期日 【晴】

今朝我真係冇返到學呀!~訓到11點左右起身!食D野又返工!
都係頂下佢0地食飯同食雪糕!Cathy兩點收工!
馮小明話Cathy來想帶埋我過去37!我唔信!之後MayMay講話係真!
因為Cathy升左職!So佢可以帶埋我走!um...我都知Cathy係錫我0家!
耐唔耐都有請我食野!琴日我0地去食糖水佢都打算請我食!
當然自己俾番啦~But後尾果3蚊佢俾左!或者佢覺得我細個掛~
其實Cathy冇親口同我講!But我打算跟下新果個in-charge先!
如果呢個新in-charge真係唔得既話我先過去37!
因為遲下出0黎做野都會跟唔同既人!我點都要學習一下0家啦!~
如果我過去37既話...37果D人又要調走0家啦~再加上...收工都好唔方便啦~
半粒鐘先返到家!第2日更加唔駛返學!雖然放左學有車直接去37 0者!~
下晏我排緊size果時有人叫我!原來係小琳!佢好似黑左咁!小琳聽日開始返番工lu!~
之後又見到朱仔同佢女朋友!今日見到佢同佢女朋友經過兩次添~
冇耐16既同事0黎左拎衫!點知俾猩猩小=.="""
猩猩真係好鍾意小人0家!猩猩話果個男仔點解唔去補喎~又話大倉有成千幾件!
其實果個男仔都係過0黎拎貨0者!可能上身組唔關佢事!
過一過0黎就俾人小真係慘囉我覺得佢!果個男仔咪講唔好意思囉~
今日我都做錯左樣野=.="我都係第1次做錯!就係補貨果時禁錯制!
攪到成張補貸單send左去大倉!舔左屎=.=""" 勁撚驚囉真係!
因為上頭係小猩猩唔係小我!我好驚俾猩猩小ma!佢份人其實都幾惡下!
But猩猩冇小我!猩猩成日都小馮小明!其實我覺得猩猩唔小我都係因為Cathy!
講真我覺得自己做野唔係咁得0家渣!有時好累又會好懶.....
好快又到6點!睇手提收到yin既SMS咪打俾佢囉~佢出左0黎拎埋佢件衫!
陪埋我食飯添~行左陣!買左件褲!係呀...冇褲著了!
其實想買短打0家!好可惜0黎0黎去去都係果D款咁!冇咩特別!So我同佢yin都冇買到短打!
食完野8點就返家lu~聽日Day Off!打算放左學之後去行陣街!
Yin又話佢去見工!話見完打俾我睇下我係邊喎~
um...聽日我都係打算自己一條友行陣街0家渣!亞倩佢0地聽日又要返工!
再加上...我真係想自己一個人行下街!

>>May 17, 2004 at 1:17:46 PM GMT+8

2004 年 5 月 15 日 星期六 【酷熱】

今朝勁白痴呀我!因為上兩個星期我都係返A關係!
成日星期6,日都9點幾起身!之後我10點醒左一醒!係彈醒左!
我以為自己返A間!仲以為有貨返!勁驚!以為遲到!之後諗諗下先記得我係返B間=.=" 哈!
11點左右起身!~食左個包之後就返工啦!今日有個PT借左過0黎頂馮小明食飯~!
猩猩又話要等到Cathy返先可以食飯!
So我變左第2個食!攪到夜晚又係捱餓!我同亞敏同一時間食飯!我遲佢一個字食!
因為呢期撩鼻屎有俾人偷野!So佢0地星期6,日都要買野返公司食!
我同佢兩條友又係倉度玩!嘿~同亞敏玩真係好開心!玩果時一樣咁低B!
差唔多食完果時DM Andy 0黎左!嚇死我同亞敏!仲以為有fans入0黎!
食完落貨場幫手啦~之後Andy叫我亞< 鍊 >!我仲以為係Cathy果D同佢講我叫呢個名!
點知原來唔係=.=...唔怪得亞仔話佢係咸濕!But佢比DM明好玩好人得多!^-^
今日成日都覺得好累...7點幾果時覺得好眼訓!勁想係貨場度訓囉~
猩猩攪呢樣果樣成9點先走人!佢明明係返A間0家ma!~
係我0地收舖果時冇啦啦又有班fans0黎左!屌呀~我0地都落左雜啦~
唔快D走不得止!仲試褲!試完唔撚買先PK ma!
So我0地攪到10點半多D先走人!收工去左Rainbow食糖水!~食完11點半左右返家lu!~
聽日都係唔打算返學啦!次次星期一我都唔返學!個人又累.....
出左間表lu~我下星期放星期2!But都係得一日假放!小琳有兩日!
返既時間都係咁上下多!未cut我星期6,日既間!唉...星期6,日都係返B!FUCK!!!
我其實好唔鍾意返B 0家/_\
今日收到消息Cathy要調去37!因為屙爛屎唔做!Cathy係50做多個幾星期渣~
遲下調過0黎既係荃灣既人!唔知佢又好唔好既呢=.="?
家下走下一個走下又一個!成間舖得番我一個舊人係度.....
PS:新增左D同同學仔影既相係第4本相薄度!

>>May 16, 2004 at 5:01:05 PM GMT+8

2004 年 5 月 14 日 星期五 【酷熱】

仲以為今日會陰陰天咁!點知放哂晴!熱到爆炸!!!
琴晚yin有打返俾我!傾傾傾...傾到成3點幾先訓~今朝12點左右亞仔打俾我!
就係咁先醒!原本仲以為唔駛出去!因為亞yin仲未起身!佢成點先起身!
But之後都有出到去CWB!因為亞仔想買沙灘果D連身裙!佢聽日去游船河ma!~
等亞yin都成兩點5先出去!出到去3點幾!好多人!我一向都好憎星期6,日出去行街!
因為根本行唔到D咩野!太多人了~!So我鍾意放平日假就係咁解~
一去到就去左Sogo lovers櫃台果邊睇衫!買左件背心!係...又買多件啦~
好可惜...仲未著得=.=" 唔知點解家下lovers D野好平!用VIP卡件背心都係200蚊渣!
其實我睇左中D電話繩果D 0家!又想買鍊喎~最終都冇買到...我要忍下手/_\
亞yin同亞仔都買左件衫!買完就4圍行!亞仔係金百利睇中左件沙灘連物裙!
原本佢出0黎CWB係去白沙道搵呢D裙既!So佢睇中都未買住!
咁之後我0地行左白沙道!首先食左少少野先!
因為仲未食野!食完就行果邊果間Roxy啦~好靚呀D野!唉...如果我家下仲係呢度做就好lu!~
起碼都有7折先啦買野!而且D沙灘褲都好靚!我打算遲下買^-^
夏天啦ma!~要去沙灘果D啦~!行完白沙道就行返去金百利!亞仔要買番果條裙!
買完就走人lu~原本今日出去我係睇褲0家!But行街既時間好有限/_\
難得一日放假又可以返屋企食飯...我當然係返屋企食啦!有湯飲!好耐冇飲過!
其實係銅鑼灣地帶果度睇中左條褲0家!唉.....算啦都係!搵日得閒D平日既時候先慢慢行吧!
之後我0地搭地鐵去到尖咀轉271返家!yin佢亞媽都係尖咀!So佢冇同到我0地一齊返大埔!
返到屋企8點幾!亞媽等埋我先食飯!得我同佢兩條友食.....
聽日又返工!返B間!又係收夜!有點兒累呢~!
今日行CWB見到幾多型仔!嘿嘿嘿.....大飽眼福!
PS:我呢期真係好燥.....好煩呀>"< 成日爆粗囉都係!今日行街其實都有D心情不太好!
或者我一向都好憎咁多人既地方行街掛~亦都唔知係咪因為返工既關係!
令到我心情咁差!呢期好易就發脾氣!好辛苦...../_\ 或者我返少D工心情可能會好D...

>>May 15, 2004 at 1:24:26 PM GMT+8

2004 年 5 月 13 日 星期四 【雨】

琴晚唔知仲咩!訓訓下屙左幾次!可能有D腸胃炎=.=.....
攪到訓左唔係好多粒鐘!今朝訓到9點幾10點起身!食左個蛋糕仔就返工!落雨.....
返到公司猩猩同亞敏已經係度!入到去就同亞敏玩佢果舊靈< 拜 >!
問左3,4條問題啦我!我問到既問題有開心有唔開心!
有一個問題問某個男仔係咪鍾意我!靈< 拜 >答我係!
其實我對佢都有感覺!But我同佢係冇可能發展!因為我再問有冇可能一齊!
靈< 拜 >答冇!再問我第2次拍拖既對象係我身邊出現左未!靈< 拜 >答我未!
我問左3,4條問題都冇問題lu~因為廢事問得太多了!
開舖冇耐有3個外國女人0黎左!買左好多件88蚊兩件polo tee!
我同亞敏一齊企左係cashier!因為猩猩車褲!冇人理我0地!
咁我0地攪掂果3個外國人啦~亞敏好爆笑!同佢0地講想換可以留番張單返0黎換果渣!
之後果3個外國女人話亞敏英文講得好!嘿...佢0地聽得明!
But亞敏講果D英文真係好爆笑~當然係唔咸唔淡果D英文啦~
我都好想好似亞敏咁樣!起碼夠膽講先啦~我都唔夠膽講!好驚=.="""
12點幾去食雪糕!到左兩點我係第1個食飯!原本唔係我食先!
係05借過0黎果個PT食先!But佢仲未0黎到!我0地唔等!廢事攪到成個既流程都慢哂!
食食下野果個PT 0黎左!佢係男仔0黎!高高地肥肥地既一個男仔!
俾我感覺唔醒目果D!佢話我個樣大個=.=" 佢係18歲!話我0地間舖D野個樣幾大個!
唔知咁細個喎!~下晏補緊貨果時EVA,汁yin同yeeyin 0黎左!同我吹左陣水咁樣!
傾下遲下去沙灘喎~o.....其實我唔係太想咁早去沙灘!因為成個夏天流流長...
咁快去沙灘...咁快曬黑就一定好PK!我真係好怕黑/_\.....
攪掂好補貨D野企番貨場時見到以前個小學男同學經過!
耐唔耐都見到佢!佢好鍾意同佢亞媽一齊0家!我唔記得左佢叫咩名lu~只係認得大家囉!~
7點左右果個PT走!走左冇耐冇啦啦行返0黎問我點樣去大埔火車站=.="""
今日成日都同亞敏玩到癲哂!笑爆咀囉~又係度跟D音樂做動作!
好爆笑!嘿嘿嘿...好低Ｂ呀真係!我0地係前場笑到勁PK咁!哈~~~
我覺得我同佢冇拖拍都係因為我0地傻又低B!玩果時又可以咁癲既關係!
So係男仔見到都驚啦~仲有拖拍咩~But...我唔會改囉!~因為玩同低B係呢個時候先可以!
到大D!例如廿歲既時候就唔可以咁低B咁玩啦~!So要定性D既話我諗到廿歲既時候先啦!~
到收舖之前冇啦啦爆場!屌撚你呀!!!猩猩仲要10點去到37!
勁趕囉我0地係!D fans又抄到個場亂撚哂~屌你呀!
攪到我真係發脾4囉!~當然係fans完全走哂收左舖果時啦!
再加上...cashier果個垃圾筒爆哂!而我掃完地又倒唔到D垃圾!
猩猩仲話冇人整個垃圾筒!屌~講真果句呀!cashier我好少可企到囉~
平時企開都係做收銀果D人!果D仲咩見到都唔攪掂個垃圾筒?
攪到又係我去攪掂好佢囉~你老味呀!成撚日都係咁撚樣!
收左舖之後我同亞敏去左食糖水!真係好肚餓!
因為我成8粒鐘冇食過野!最早食飯果個係我!食完一路慢行返家傾下計咁!
返到屋企都係11點3左右0者~聽日Day Off!唔知有咩地方去!
亞仔今日約我聽日去行街!話叫埋亞yin!亞yin條友仔打極都冇人聽電話!!!
搵唔到佢!到家下都仲未搵到!如果一陣搵到既話咁可能聽日會出去行街!
搵唔到既話就即係聽日冇街去!或者會同亞媽行陣大埔!

>>May 14, 2004 at 4:29:58 PM GMT+8

2004 年 5 月 12 日 星期三 【酷熱】

今朝又係冇返學!好累...琴晚已經累到PK啦!~
12點幾訓著左!又係11點左右起身!仲係好眼訓.....
返工之前亞yin打0黎傾左陣計就返工lu~今日生意幾好!下晏5點幾6點走果時已經有金寶啦~
琴日俾左50蚊馮小明買馬!佢話打個和喎!俾番50蚊我0地!
其實我係度諗...係咪真係打個和呢???佢條友成日吹水!我唔太信佢!
下晏見到汁yin同佢同班同學經過~冇耐又有對女仔入0黎問係咪打上office見工果渣野!
冇啦啦問我係度做辛唔辛苦開唔開果渣野!屌~~講真冇邊份工係唔辛苦0家囉!
每一份工都有佢辛苦之處!怕辛苦就唔好出0黎做野!
成日都唔爆囉又係!悶到我呀!夜晚覺得D時間過得好慢.....
今日成日都覺得周身骨痛咁!好累呀個人!
亞敏今日返6點!佢去左佢朋友間水晶店度買左個靈< 拜 >水晶頸鍊返0黎!
我未玩過!亞敏同我係倉度玩!亞敏幫我問今年有冇拖拍果渣野!有既就打橫< 肉 >
冇就打圈咁樣< 肉 >啦!~之後佢打橫< 肉 >仲越< 肉 >勁!玩果時真係好D驚=.="""
夜晚32果個亞東0黎左!佢真係好基咁樣=.="""
9點幾果時亞媽又0黎左!我唔知佢0黎仲咩野!!!我講左好多次每次收舖都有野攪!
叫佢唔好0黎!佢係唔聽!我真係好把火!!!琴晚佢已經0黎左!我果時已經黑面!
因為佢唔係第1次係我收舖之前0黎!我琴晚黑面就應該醒水唔好0黎啦~
So今次我好唔老皮咁樣應左佢就唔理佢!返到屋企仲嘈左一陣子!
唔知.....我火爆!呢其真係好火!返工做到個人好興!!!!!有時仲要俾D fans串!
拍住猩猩又成日遲收工!雖然話係可以搵多少少錢0者!
But我今個星期真係踩到好撚恆呀!就0黎頂唔撚順!而且呢個星期我仲未放假!
返埋聽日!星期6先放!聽日仲要踩成日先PK!!!SO FUCK!!!!!!
呢個星期返學又係返得果一日!我完全唔知自己係度仲咩撚野!!!
讀書???讀舊屎出0黎就有份啦我!將來想坐office???收皮啦!!!fuck!!!!!!
屌呀!!!!!忍左我幾撚耐!攪到我家下成日係唔係返工既時間就成Q日爆粗!
我記得我以前唔係咁樣!點解家下變到咁樣???FUCK >"<凸
收舖之前我0地仲差七十幾蚊夠8千蚊!猩猩想博埋佢!仲係門口度叫場!
屌~~~對面舖都收皮啦!叫咩場呀!成個場都靜哂冇人啦!
冇用0家!!!9點半之後個場就係冇人0家啦~我果一刻真係好想咁樣同佢講囉~
攪到又遲收工!SHIT!!!唉.....次次拍佢都遲收工!家下攪到越0黎越遲先可以收工!為咩?
撩鼻屎今晚仲遲走!因為佢0地返左新貨!幾多下!睇左陣撩鼻屎衫!10點半左右返到屋企!
返到屋企都係食左少少餅同飲下野!見住自己肥左真係好撚興=.=凸
我亞媽仲話我隻手唔粗!頂呀!!!我都唔明點解D人隻手咁粗仲可以著哂背心出街!
唉.....我真係要食少D野先得啦>"< 今日我已經食少左野啦!
收工冇係街度食野!平時收工係老地方食係食成個車仔麵囉~想唔肥都難啦!~FUCK!!!
夏天呀/_\.....我唔可以俾自己肥落去!

>>May 13, 2004 at 3:56:47 PM GMT+8

2004 年 5 月 11 日 星期二 【酷熱】

今朝冇起到身返學!好累好累.....琴晚12點幾訓左!訓到11點起身!其實我唔太想起0家渣!
因為我唔想自己再訓得咁多!之後返工返兩點...成日個場都好靜!夜晚埋數都有金寶~好彩~!
下晏都係頂下佢0地食飯!佢0地食完到我半粒鐘食!叫左外賣M記!
M記0黎左我就即報時!得果半粒鐘ma!再出去買返0黎都哂一段時間啦~!
食完冇耐又出去問借紙皮!頂呀!馮小明又唔肯出去借!勁PK!!!
攪到我一個女仔由G2000推成十個紙皮返0黎Baleno!路程唔係遠...
But咁重!攪到推左成個字先返到Baleno囉~
今日我,亞敏,猩猩同馮小明4條友夾錢買馬仔!因為我咁大個女未試過ma!咪玩下囉~
夜晚Cathy打0黎叫我聽日返兩點!原本我聽日只係返1-6點0家渣!
因為小琳會考!佢亞媽唔俾佢返=.=" 攪到又係我頂哂~
FUCK!!!都話請多個人係冇用!根本係冇用0家!!!我仍然係返咁多時間!
我今個星期應該返成48粒鐘!!!好累.....真係好累......
唔知下星期返得多唔多呢?我估應該返少D 0家啦~今個星期返咁多呀/_\
夜晚見到TOTO同佢亞婆定係亞麻經過!
之後亞ca 同佢亞媽仲有亞妹0黎左!原來亞ca家下又冇做到份工!
話份工太悶唔0岩佢!同佢都係吹下水咁啦~我話佢越0黎越肥=.="
唉.....其實我自己都覺得!我估我要買助助瘦身茶飲先得啦!~
9點半左右又因為唔太夠箱!So走左去對面舖借多兩個紙皮!
咁借完皮就去happy啦~就係咁...就舔野!俾果班飛仔撩!o.....FUCK!!!
我冇理到佢0地!勁驚~之後去完happy我走左第2條路返舖頭=.=""" 行左一個大彎囉係!
次次拍住猩猩都遲收工!今次唔例外!因為太多貨要轉走!
中途我同亞敏去左許留山買野飲同糖水果D!
攪呢樣果樣整到成11點幾先走得人!返到屋企11點半/_\.....
唉.....真係好累!我今朝已經冇返學0家啦!聽日返學都係油下畫!點算???唔係又唔返呀?

>>May 12, 2004 at 4:21:34 PM GMT+8

2004 年 5 月 10 日 星期一 【酷熱】

今朝我真係起到身返學!But好辛苦囉真係!因為我琴晚兩點幾先訓得著!
咁我如常搭8點半果班火車啦!~當然係為左有得坐可以訓下咁樣先坐呢班火車啦!
點知有一個傷殘人士入左0黎!點知個個PK都唔讓位俾佢坐!
我係睇住D野係咁望住佢都唔理佢囉!~於是我咪讓左個位出0黎=.="""
就係咁...成程火車都冇訓過!冇野做咪拎左部手提出0黎玩games囉!~
果個咁既賽車games玩極都玩唔完咁!玩左我成兩個字都仲未玩完!
之後轉車!好快又到灣仔!次次係灣仔都見到隔離班果個男仔!佢又係咁上下時間!
今日上堂冇做過野!因為我根本都唔知要做D咩野!
一返到school就送左禮物俾亞倩!佢好鍾意咁樣^-^ GOOD~~~
放左學之後我0地成大把去左CWB唱K!亞君個男朋友係school樓下等佢!
因為亞君鬧分手=.=" 為左好少事嘈囉係~都係D誤會!
我0地成班叫佢唔好嬲佢男朋友!之後佢男朋友都一齊0黎唱K!
亞星果班仔去左打機先!打完先0黎搵我0地!
So我0地之後轉左間大D既房!我0地有成十幾人唱K!成大班同學唱都係第1次渣^-^
亞君個男朋友對佢真係好好!好就佢0家!12點幾Flora個男朋友都0黎埋!
佢男朋友唔可以話係好唔得果D!只係矮左少許!
我0地有點到奧馬!亞星成日唔認後面跳舞果個係佢0黎!
之後拎左個搖控扮哂野咁樣cut左首歌!之後話唔小心禁錯!
我0地咪笑佢仲咩唔俾我0地睇!想重點又唔俾!嘿嘿嘿.....總之覺得好好笑啦!~
好難得咁多人唱...真係好開心!好可惜我唱到點4左右走人lu!返工.....
落到唱K樓下有條友跟住我係度做咩訪問果渣野!真係好撚煩!!!
追到我落地鐵條樓梯囉係!本身我一直都黑面冇理佢!之後頂唔順就好串咁話:我唔得閒喎!~
之後佢勁Q白痴應番我:我都唔得閒喎!
就係咁樣佢就轉身走左人!勁撚低B囉真係!你唔撚得閒就唔好訪問我啦!屌你!!!
果時我又趕住返工!唔係真係指9住佢0黎屌呀!!!佢條友仔仲要走得勁快咁!好爆笑!
去到尖咀等271時等左幾耐下!But都早左4個字返到舖!食左個包冇耐就落貨場!
因為唱K果時我冇點食野!雖然係叫左個意粉!But果D牛柳真係好生!食左兩舊我已經想嘔=.="
我一向都唔食得生野!之後亞倩食左舊話好生!唔怪得我會食到想嘔啦!~
今日返工小琳唔係咁舒服!佢應該食錯野啦!~話想嘔喎!佢話食完果D撈之後攪到咁!
下晏頂MayMay食飯時鋒華同亞高經過!亞高仲想用佢部手提影我相!
我當然stop左佢啦!咁樣衰呀~
夜晚以前官中唔記得左叫咩名果個男仔0黎左!But我成日都唔係咁得閒!
So同佢冇咩野講!冇點理到佢!
返工成日都好眼訓.....因為訓得太少關係吧!累到我化境囉係~
今日係我係50舖再次打番機!我3點返工一直到夜晚都係我打機!幾驚short錢呀!好彩冇^-^
今晚都遲左少少走人!因為係度玩又呢樣果樣咁!So又俾我搵多半粒鐘錢!~
聽日返兩點!有半粒鐘時間食飯!其實半粒鐘真係唔可以食到D咩野0家渣=.="""

>>May 11, 2004 at 3:16:16 PM GMT+8