2004 年 8 月 21 日 星期六 【雨】

奧運游泳比賽原來琴晚已經係最後一場!
完了......最後一場係男子混合游4百米!
兩點幾訓...今朝一訓就12點先醒!但係仲想訓落去!最終點半左右先起身!
起身之後就即換衫外出搵亞媽行街!佢話佢係大家樂!
去到點知成班亞E同亞婆都係度!我都未食野咪食埋囉~
之後行...去左b+ab!最終買左我鍾意果件外套~
著左上去勁似返OL,行政果D!但係去飲我覺得好尊重!唔錯呀~
之後買埋襯係入面果件恤衫!又用左差唔多成千蚊!今個月即係為左去飲都駛左唔少錢!
因為有兩次去飲ma!~買完之後係大中行...我0地陪亞婆去買鞋!買左!~
再之後行到去愛飾!佢0地成班師奶睇睇睇......睇左成粒幾鐘!
中途TOTO搵我!我拎番相機俾佢!同佢係大廣同大中行左陣佢就返屋企換衫返工!亞媽打0黎!
佢0地仲係愛飾仲未走!行返去搵佢0地!0岩0岩埋單!
仲做咪VIP=.=.....真勁~!!!D女人睇鑽石真勁!!!~
攪到我真係燥哂~!TOTO打0黎我炆...攪到講左個屌字!真係唔好意思!
買完就走人!打算返家!點知亞媽話去welcome買次紙!
就係咁同佢一齊行welcome!買左D餅,叮既野食,奶,次紙就返家lu~
返到屋企上網!睇亞倩個日記...
承諾!我唔會相信對方俾自己既承諾!
因為所謂既承諾最終都唔會實現!承諾只係欺騙人的東西吧?
冇人會知道將來會係點樣!
6點幾7點同亞媽一齊行去富亨打邊爐同埋一班親戚!
好耐冇打過邊爐lu!~9點多少少就返家!睇TV...
睇<< 棟 >>係一個悲慘既結局!但係真係唔錯~因為下下好結局唔係咁好!
太過完美,唔好!聽日改左間返1-10!星期四放假!都係得一日假放!
返成差唔多40個鐘!成日都OT!下星期一定返成40幾粒鐘!預左!
今個月可能儲唔到錢lu~雖然今個月出糧出左多...
但係因為今個月好大駛!為左去飲果D買D衫幾貴下...
家下買D衫都係for冬天!唯有下個月努力儲番啦!~

>>August 26, 2004 at 3:52:57 PM GMT+8

2004 年 8 月 20 日 星期五 【乍寒還暖】

琴晚又係因為睇TV所以又好夜先訓!3點前掛?
今朝8點幾9點起身!之後去左welcome買水順便拎錢!冇錢ma!
拎完錢就搭小巴去馬鞍山!仲以為可以見到Cathy!但係Cathy放緊大假!
原來係因為佢放大假!所以搵左我0地頂佢放大假!
一返到去就見到亞東同埋一個叫亞兒既女仔係前場!
亞兒原來以前係in-charge!但係家下...好似唔係!而且我完全覺得佢只係一個新人咁!
再行到cashier!見到官中低我一form果個yin!佢份人都ok~幾好傾!
今日37好靜場!同以前唔同哂~以前星期6,日真係好爆!家下真係一D都唔爆場囉~
D人做野都認真!但係冇以前屙爛屎時代果時咁積極!
佢0地成班成日都傾計!對比我0地家下既50舖...50舖都算ok嚴!
起碼靜場都好少傾計!冇野做就搵野0黎做!
37成班人都heahea地咁樣靜場果時...佢0地仲好鍾意同對舖傾幾句計咁!
佢0地前場因為裝修有射燈係前場!好唔掂囉~
起初亞東要我企前場!搵我頂左亞兒果個位!
但係我越企越頭暈!最終要求企YOBO!冇耐亞兒收工!佢返A half!真好~
原來好多人都話企前場企得耐就頭暈!係因為D射燈關係~
點半鐘B間同事返哂!~終於見到亞樂!亞樂都唔係一個咁差既男仔0者~都幾好傾呀!~
仲想見下summer係點樣!點知summer冇做啦已經~佢讀書喎!So我只可以睇到倉入面既相!
我成日想像佢係一個長頭髮既女仔!點知原來係短頭髮既~
3點幾放得我食飯!搵左busy同我一齊食!busy係一個好健談既女仔!
同我一樣姓郭!大我一年!我0地去左椰林閣度食!
食完剩番3個字hea下~!亞Ron今日0黎左馬鞍山!我同busy食飯果時經過去望!
佢真人好靚呀D皮膚!黑黑實實咁樣!真人同上境冇咩分別!
我好耐冇試過咁近睇明星!平時大埔有明星0黎我都返緊工都唔會睇!
除非去happy經過望一望...
勁耐未試過有人同我一齊食飯!佢0地班人可以兩條友兩條友咁樣放食飯!
食完飯之後我都係企番係YOBO果邊!但係大B對比上星期就B左好多下...
反而YOBO就A左!仲A左元朗位既朱城=.=+ GOOD呀!~
我覺得37 D人好nice~係亞東有少少煩!但係都唔算係咩野問題!
拍住李至賤仲好!佢條友成日叫我全名!佢好好玩~仲同我講呢度唔分階級!
但係50舖就好分.....佢身為in-charge都成日同我0地傾計!係50舖係唔會見到!
就算拍住猩猩都未必會!收工,食飯,係倉就會!
李至賤仲問我Tammy係咪一個好惡既人!佢話上次開大B見到佢個樣好惡咁!
我答左佢:Tammy係一個幾嚴既in-charge!
5點幾果時又要我企番前場!收工前就叫我掃埋個地到8點準時收工!真好!~
好少可準時收工!>0<" 之後拎埋條褲走人!因為要轉去50舖!
打返去50舖!因為叫佢0地幫我寫PT form!問8點果時去到邊!點知得果< 黃布 >!
好低囉!今日唔知咩事!馬鞍山果邊又咁靜!大埔呢邊又咁靜!咩事???
今個月大多數都可以過到target!唔知聽日又會埋幾多呢?
收工之後搵MayMay!~May佢另一個同事做野唔係好掂!成日唔記得< 山 >番倉度門!
May仲話果度好悶!條數唔掂...報4點數果時得果4千幾!佢DM一知就即刻落去!
落到去教亞May野!~之後仲幫May影相!因為話May套制服襯得好喎~
呢D都係May同我講!吹左陣水我就搭小巴返大埔!
睇一睇手提!亞kids打左俾我!佢好耐冇打過俾我0家啦~同佢由馬鞍山傾電話傾到返屋企!
途中仲返番過50舖拎番條褲俾佢0地!之後就返家!
返到屋企都係玩下電腦!睇下TV!聽日Day OFF!GOOD~~~
下星期唔知放星期!仲未睇間表!但係只知星期一返1點!但係唔知返1至幾!
聽日打返去問下先~

>>August 26, 2004 at 3:53:32 PM GMT+8

2004 年 8 月 19 日 星期四 【微雨】

琴晚原本仲打算早D訓!點知又係因為睇奧運睇到兩點幾先訓!
因為太好睇了!勁眼訓.....今朝唔多知醒起身!醒果時已經11點!
食左包又返工!其實今日返工只係頂兩個人飯間!照理根本唔駛返6粒鐘咁多!
5點已經頂哂飯間!根本就係度hea時間!又靜場...打機都係打得果一粒鐘!
冇野做果時都係跟掛裝同埋排size!仲拾番好布帶果度D色!
6點就叫左我去做清潔!又係清潔!琴日小桃做過0家啦!~我星期二都做過!
駛唔駛成日都做清潔??我覺得一間舖一星期做一次咪夠哂囉!~
之後仲有半粒鐘就要我拾番整齊個倉!呢D咪正所謂既冇野搵野0黎攪囉!~
但係家下個倉整齊左好多^-^...就算係拆左既貨我都排哂size!白色既衫用size袋袋番好!
琴日同yin傾過電話話想去睇戲!收工打俾佢...冇人聽=.="
最終收工之後買左D零食就返家...
返屋企睇番上星期日錄既TV!要成個星期先睇囉=___________=
身分證仲未拎!都唔知點算好!原本打算聽日返工之前拎0家!點知改左間!
返8-11!原本係返2-6 0家ma!真係shit!如果我係30號之前仲唔拎既話就要返去灣仔拎0家啦!
有時我放假返學...放左學之後過到去火炭間野都唔知close左未啦!~唉...點算好?
今日..過得極度無聊!!!
總有......今日比得又俾泰蜜小...泰蜜即係Tammy!係我0地之前改既~
其實我覺得係關我事!因為泰蜜食食下飯果時就叫我show d遮出0黎!
之後我換poster!比得又話69蚊放係前39蚊放係後!
但係我就話果棵tree已經有牌寫係69蚊!So 39蚊係前!
因為我又怕自己做錯野!聽左比得講!平時比得做野都ok 0家ma!
比得話驚D fans以為D綿麻係39蚊!咁我都驚會咁!
之後泰蜜出0黎問我仲咩咁整!咁我就話比得話咁整會好D!
就係咁...泰蜜就小比得!其實我都覺得泰蜜既做法好!因為我原本都係咁諗!
但係唔係因為我講比得覺得咁整好,咁比得就唔會比泰蜜小!
我知泰蜜係一個幾嚴既in-charge~!而且佢脾氣都唔係咁好!
下次我都係小心講野!唔想因為自己講既野令到其他同事俾佢小...
個心硬係有D野.....
聽日借去馬鞍山...D人已經轉哂~已經唔係我之前借過去咁樣!
自從裝修過後都未去過!唔知果度變成點!唔知果度D人點樣!
聽聞有官中既人係果度!低我一form果D女!仲做full-time!
我呢D PT一定俾人踩啦!~So我更加唔可以俾人睇死!=.=.....
又唔知聽日係企YOBO定係大B!YOBO我唔熟,大B熟D,但係拎貨又唔知點...
總之咩野都唔知!最怕係亞東!佢太基了!同埋佢都會話我0地0家=.=.....
如果拍佢倒不如拍泰蜜?因為男仔話人既語氣點都唔同女仔!

>>August 26, 2004 at 3:54:28 PM GMT+8

2004 年 8 月 18 日 星期三 【酷熱】

琴晚睇游泳比賽...同東華傾傾下ICQ佢話佢細佬用電腦!之後就打左俾我傾左陣電話!
攪到琴晚兩點幾先訓!等睇游泳比賽等到頸都長埋!
訓左4粒幾鐘又返學!當然遲左好多啦~電腦呢家野真係好難=.="""
放左學之後食野!食完又返0黎返工!係車度訓唔想起身囉!~
0岩0岩搭到返0黎大埔就落雨!好彩我落車時停左雨0者!
0岩0岩落貨場好眼訓=.=.....但係因為今朝猩猩遲到!!!訓醒果時已經係11點!
攪到11點7先開門!So佢0地拆唔切貨!咁我一落貨場就幫手拆貨!
攪掂好哂手頭上既野就去食雪糕!唔駛點排隊!因為好少人!
5點7先到我食飯!買完野食之後見到EVA同一個男仔一齊!應該係佢D同學吧?
同佢吹左兩句水就返倉食我既lunch啦~!
小桃cut鐘收7點半!佢做埋清潔就走人!小桃份人都幾好傾!或者差唔多年紀關係吧?
對面亞炸原來佢廿歲0家啦!~仲以為17歲左右!因為佢個樣幾細個!
小桃識佢~!同佢一齊讀書!但係唔知點解佢廿歲...
9點幾去happy果時見到亞媽!佢問我收幾點!仲叫我收工好返屋企=.=.....
今日好準時咁落雜!因為maggie佢要上埋D貨!因為今朝關係佢仲咩上貨!3箱咁多!
猩猩個fd夜晚0黎左!等埋猩猩收工!夜晚落左雜之後拾一拾D色!拾好少既位!
11點就走得人!Good~!!!拾番好D衫果時東華經過仲拍一拍我度雜=.=.....
猩猩今晚寫果個B一B讚我!話我selling強左好左!又對D客笑得多!
最頂癮就係佢話笑容甜美=.=.....睇到果一刻真係想死!但係睇到話讚我又覺得開心喎!~
因為唔知家下係咪因為受到Tammy既影響!一靜場冇野會搵下野0黎做!
但係當然我都會有時會hea下咁啦!~但係今日真係好眼訓!
唯一令到自己唔眼訓就係跟多D fans同埋搵野做!冇野做咪跟掛裝同< feel >襪囉!~
但係今晚未埋到band-b.....但係我知大家已經盡了力!
星期6借過去37...改左間表!返11-8!仲以為返4粒鐘...可以free d添=.="
收工之後猩猩應該同佢個fd一齊食野掛?而我就同maggie一齊行去富善!
佢話K12過左10點冇得搭!唔識搭其他車!咁我就帶左佢去搭K17!
因為K17好似12點半前仲有!除左星期日冇得搭之外!我諗佢下次應該識搭掛?
佢話上次搵車搵左成粒鐘去火車!攪到12點幾先返到屋企!真慘.....
返到屋企老豆已經返左!而我就打埋日記!今晚睇下有冇游泳比賽睇先!~
睇埋會訓...聽日返中段!拍Tammy!唔知又會有咩野攪!
PS:今日上電腦堂落堂果時我係部腦既質邊撕左學校張貼紙貼左係記事簿度!嘿嘿...
仲有!呢期唔知咩事!屋企居然有小強!琴日煮煮下野食見到有一隻!
今晚又見到有隻細細隻係地下度爬!
琴晚12點幾大果個傾傾下電話話見到有四腳X爬左入0黎!
都唔知係咪因為隔離屋裝修關係!但係今晚同左亞媽講買果D噴霧!
即係成家外出幾粒鐘!攪到成屋係煙果隻!人0地話果隻得ma!
如果唔係咁樣...我覺得生命受到極大既威脅!!!!!我真係好驚呢家野=.=""".....

>>August 19, 2004 at 4:54:50 PM GMT+8

2004 年 8 月 17 日 星期二 【酷熱】

連續兩日冇返學!好眼訓...=__________=。。。 呢期顧住睇奧運!
我自己雖然唔識游水!但係我最鍾意睇游泳比賽!
訓到10點幾起身!hea下又返工!今日終於拍到小桃!佢份人都唔差呀~
佢仲同我講聽37 D人講Tammy好惡!哈~^^" 我都唔敢講咩野!
等佢慢慢發掘吧!而且第1日識佢!最好唔好講咁多呢D野啦~
佢仲問我識唔識37果個yin!我初初仲以為亞yin添~點知原來唔係!
果個人又係讀官中但係細我一年!咁我唔識佢!但係佢識我!我唔知佢邊個!
星期6借佢37咪知囉~我都唔係咁鍾意識低我一form果D女既=.=" So點知係邊個...
小桃下晏頂亞敏食飯!佢同我講好開心可以企係撩鼻屎果度!因為可以睇衫!佢話果度D衫靚!~
比得下晏0黎左!5點幾就走!買左件粉紅綿麻恤!我覺得粉紅好襯佢!
佢仲幫左我0地手添~幫Tammy拾左少少位!真係義工0黎!辛苦哂~
今日都有OT...下晏成日都係我打機!冇< short >錢!
TOTO 6點左右0黎左!佢好似好熱咁!0岩0岩去完camp.....見住佢一袋二袋咁!
掃埋地,補埋貨之後就走得!試左兩條撩鼻屎既裙!o......試出0黎好核突=.="
最近唔0岩就返家!原本好想去B+AB睇衫!
但係亞敏話聽人講通常過多兩,3個星期又會減少少價!
So佢話如果我想買B+AB睇中果件外套就唔好而家買住喎!
而且遲下會再有冬季衫出!到時呢D秋季衫就會平!
唉~~~唯有忍下啦!但係件外套我真係好好好鍾意呀!
就係咁最終我都係冇行!廢事自己睇中野之後又買!買完之後減價就唔抵啦!~
就係咁就返家煮野食!今晚都係睇奧運游泳比賽!但係11點55分先做!
我聽日一定會返學!電腦堂好難!返少一堂都好難跟得上!而且已經有兩日冇返學了!
So聽日一定唔夠訓0家啦!~但係聽日拍住猩猩會好好多!冇拍住Tammy咁辛苦!
今日拍Tammy都冇咩野!時間過得幾快!因為佢今日冇俾咁多壓力我!
雖然都有問有冇野跟果渣!但係起碼今日大家都冇咁多野做!
夜晚煮煮下野食見到有小強呀>0<""" 上星期都見到有兩隻!亞媽見到既~整死左0家啦!~
隔離呢期裝修!唔知係咪因為咁攪到D小強過左0黎我屋企!勁驚!
因為平時屋企係唔會有小強既存在0家!!!

>>August 18, 2004 at 12:31:43 PM GMT+8

2004 年 8 月 16 日 星期一 【酷熱】

今朝唔知醒起身返學!又係翻訓成8點先醒!之後訓到10點半!
但係見家姐起左身先起!原本都唔多識起身咁!
可能累關係吧?再加上琴晚睇奧運!科比win左^-^ 太開心了!
因為琴晚果場比賽3個勁人同場!我果一刻真係好緊張!!!!!
而且琴日訓得太少......返1點!拍猩猩!真係free好多!
又唔駛好似Tammy咁樣成日要人做野!但係都做埋清潔先走人~
但係今日有個女人都幾煩下!我0地拆左3條褲俾佢都冇要!雖然佢買左ok多野!
但真係好煩煩煩!!!!今日終於拍到maggie做野!撩鼻屎既in-charge!佢ok啦個人!
But都係睇耐D先!差唔多6點去happy時見到carman!
收工睇手提朱仔打過0黎!打番俾佢!一齊食飯!
去左珊瑚堡!兩條友食左$106!食完之後就返家lu!~
返到屋企都係上下網!家下學下上網識朋友!但係都唔多識玩=.="
睇0黎都要慢慢研究一下!

>>August 17, 2004 at 4:21:10 PM GMT+8

2004 年 8 月 15 日 星期日 【酷熱】

琴晚返到家原本打算沖完涼就訓!
點知又掛住睇奧運游泳比賽!兩點先返入房!之後又訓唔著!大約3點有多先訓掛!~
今朝7點左右起身!隻左眼戴con果時勁痛!!!我以為唔夠訓先會咁啦~
除左落0黎兩次!第2次先見到原來隻con質邊有少少爛左!
攪到我又換左副新既~好彩亞媽係前兩日幫我佩左con 0者!
唔係我真係冇con用!因為最後呢副con 0家啦!~下次我一定要出去驗眼啦!因為都半年冇驗!
今日我好準時第1個到達元朗西bus總站!9點9到!仲以為會遲到!有少少趕!
點知其他由school度出發既同學都仲未到!10點3左右先到!
係元朗廣場等亞倩同玲!之後同左佢0地去M記食早餐!但係我冇食!唔餓...
而且我一向都唔係咁鍾意朝早係M記度食早餐!勁耐一次咪覺得OK囉~
再加上喉嚨0岩0岩先好番好多!等齊人之後分左3架的士入去鑄銅廠度!個的士佬都幾nice!
去到周圍都係鐵咁既物體!我0地都逗留成3粒幾鐘!
聽果個師夫講解同埋睇佢點樣製成到個製成品!又整溶果D銅...都整左好耐下~!
佢好好人又請我0地飲野!但係諗深一層...飲野事少~
因為我0地每人俾左3百蚊出0黎整舊野出0黎!佢都賺唔少啦~
有D都冇拎出0黎俾佢整!其實我果個都好簡單又唔靚!
但係今次係一個好難得既機會有自己製成品!So貴少少我都覺得值得!起碼有紀念價值ma!~
我0地都OK多同學係度影相果渣!攝錄機同埋相機我都有帶!
但係最重要關頭倒果D溶左既銅時攝錄機居然影唔到!
唔知冇電定咩野!明明仲有5分鐘左右錄0家ma!真係< 薛卓 >!
好彩有帶相機!唯有用相機影低~!而且其他同學都有帶相機!So都可以叫番D同學send俾我!
大約1點多我0地就call的士出返元朗市區!
去到一間叫大榮華酒樓既茶樓飲茶!果度D馬拉糕好好食!^-^ 果度最出名就係呢樣!
李sir話呢間茶樓係食家韜韜開0家!星期6,日夜晚要去到果度食飯要預早一個月前訂位喎~
李sir請我0地飲茶!我0地成班都食左好少野!亞星同邱富果D都係!
咁我0地都唔係咁好意思亞sir請啦!~亞sir話間野D野食平!咁0岩我0地果時係下午茶時間!
或者下次有機希望我0地班可以請番亞sir食啦!~
今日有出到去真係一個好選擇!可以見識到唔少野!因為元朗有幾可會去到!
又會有幾可去到元朗咁入既地方!而且今次呢個活動影相又有攝錄又有!攝錄機都有影到相!
李sir話遲下都會再有外出!唔知下次會去邊呢?
飲完3點幾左右我0地就散水!搭車走人!亞棍同埋我一齊搭返0黎大埔!
佢搭到去大埔墟火車站返沙田!因為佢唔知有咩車可以直接去沙田!
So返0黎果時有人陪我搭車!我好少同亞棍講野!但係今次得我同佢兩條友搭車咪講左幾多囉~
返到大埔我行下CD舖睇下有咩VCD買返家睇!但係...都係冇野好睇!
想買<< 活鬼胎 >> 0家!但係買左返去又驚冇人陪我睇!
因為係戲院睇都幾恐怖下!經過撩鼻屎見到撩鼻屎既新in-charge!
佢個款大過MayMay!我覺得似25,6歲左右!好似好惡咁=.="""
我咪扮fans囉~亞敏果時都係度!我睇兩野衫同佢講左兩句野就走左!
仲見到小挑!我要星期3先可以真正咁樣見到佢!因為聽日佢唔駛返我要返!
就咁我就返家...開冷氣!hea下!訓左陣!夜晚大果個買左野食返0黎~
聽日好似上果個咩野中國書法堂!我一次都未上過!好似上過兩堂0家啦!~
今次我希望可以返到學!返下學都好!生活會變得更充實!
聽日返工都係返中段0者!唔係收夜已經好好了!

>>August 16, 2004 at 1:46:00 PM GMT+8

2004 年 8 月 14 日 星期六 【晴】

今朝訓到12點幾起身!之後hea下睇下碟食下野好快又到4點幾...
琴日第2果個買左< 我要做model > !OK好睇~其實都係睇D人物0者!
今日返5點!收夜!一返到去見到好爆場~亞峰收5點!我返5點!So我一返亞峰就收工!
當佢走果時就話亞峰永遠切退!當時我就諗番起馮小明!
馮小明果時調舖走果時又係講呢句!以後我都唔可以同亞峰嘈lu!~唔多唔少都有唔捨得既~
猩猩都話唔捨得!因為一下子走左兩個人!而且亞峰係佢一手一腳教出0黎既!
返工一個字左右美能0黎左!一落貨場就見到miss蕭同佢屋企人!佢0地0黎行街買衫!
冇耐6點幾就唔爆場lu!~食飯時間!而且國貨城0黎左大埔!
佢著住件條子既慍衫!戴住黑超0黎簽名會!OK多人睇!
但係都好似簽左好耐!差唔多8點去happy時經過仲見到佢係度簽緊!
其實呢個show係6點開始!
時間過得好快!或者好少可間表係寫住返果5粒鐘啦~
而且今日唔係拍Tammy收工!冇咁辛苦!夜晚靜場時咪< feel >下貨囉~
MayMay今日係HE17既last day!因為佢聽日過去馬鞍山了!
但係我下星期6要借過去馬鞍山!可以去探下MayMay~
我都有D唔捨得MayMay 0家!因為佢都係一個幾好傾又幾好玩既人!
正經既時間講既野又好0岩!我識左佢唔算耐!3個月左右掛?
家下又0黎個新既...又要重新適應!雖然撩鼻屎果邊都唔太關我事.....
但係有時可能要頂間食飯ma!我呢邊都要適應多一個人!就係小桃!
我估對住小桃個幾月0者!因為小桃遲下要返學!9月份左右~
比得收9點都等埋我0地收工一齊去rainbow食糖水!
落雜冇耐比得女友都0黎埋!猩猩車褲!好快我0地攪掂好哂D野就去食糖水啦~
rainbow今日唔算爆人!坐坐下仲見到遠處肥鋒係度!冇認錯掛?
冇耐又見到味千既人0黎rainbow食糖水!我0地影左唔少相!
猩猩帶左即影即有相機!12點多先走人~
聽日要去元朗!9點9係元朗西bus總站等!話呢個行程10AM-1PM喎~

>>August 16, 2004 at 3:50:10 PM GMT+8

2004 年 8 月 13 日 星期五 【晴】

琴晚兩點左右先訓得著!今朝9點幾起身之後又返工!
買左個包返公司食!唔怪得我到去D貨仲有咁多未拆!原來Tammy10點4先返到!
原本比得同佢一齊返10點既~12點多少少就入band!
但係我又大頭蝦唔記得左拎張band紙!數完錢就咁放左係cashier!
之後比得追住出0黎俾番好!真係Thx佢呀!~
原本我今日係收3點!點知OT左粒半鐘!我喉嚨今日都仲係痛!
把聲仲變左D添~我喉嚨痛就唔想講野...但係我都有幫fans!
其實好多鞋都係我sales 0家囉~因為我中場!我已經盡量比哂笑容!
我知當然工作態度冇平日咁好!我個人根本就係蒙蒙地咁!
19蚊tee俾d fans抄到勁亂~之後Tammy叫我去< 節 >番好佢!真係爆亂囉~
點解次次佢企前場俾d fans整亂哂之後下下都搵我去< 節 >番好?
我果一刻真係唔多like囉~面黑黑咁啦!~同埋我真係臉青!係病到臉青!
猩猩話我臉青!照鏡見到先知真係青青地咁!
之後Tammy就走0黎話我要同fans say hi同bye果D!
咁我喉嚨痛根本唔點出到大聲呀!我講左人0地都聽唔到啦~
之後我點頭,應得佢好冷淡!佢就話我係咪唔開心!我寧頭示意唔係!
事實我係唔多開心!但係我可以點?
之後佢就話我唔講既話冇人幫到我!咁我可以講咩野???
當然地我冇應到佢!隔離仲有個fans係度!我想喊0家!咁Tammy要我企番中場!
我覺得Tammy果刻有少少話我既成分!而且我覺得佢好唔俾面我!
個fans係隔離點解佢可以講呢D野咁大聲!或者可以拉我一邊講都一樣0者?
我企番中場個fans都望一望我!
差唔多收工仲有一個字左右就要同佢入倉度傾!
又問我係咪呢期屋企有問題!問我咩野事果D!又話我呢期返工好似唔係咁開心咁!
其實係呢兩日0者!因為我病ma!可以點樣開心???
果時亞敏都係倉度上緊貨!傾傾下我當然又喊啦~我係一個好眼淺既人!
都係果句!又話有咩野要講!唔通我真係好直接同佢講我唔鍾意佢處事做野既態度嗎?
傾完佢就出番去做野!我先同亞敏講,我唔鍾意Tammy成日拖慢流程!
10蚊tee次次俾D fans倒亂哂就搵我0黎< 節 >!D野下下都係我0地D細既做!
我0地做6樣佢先做3樣果隻囉~
呢D野...唔通我真係開口講咩?冇可能既事!咁我唯有做野再改善下囉~
我唔鍾意佢話我發揮唔到中場要發揮既野!例如sales鞋咁!
佢話冇可能次次要到cashier先sales鞋!
講真果句!我成日都係後場!我係後場成日都俾鞋fans試!
好多鞋都係我sales!話我冇sales鞋?so我真係唔鍾意佢成日話我冇sales鞋!
事實唔係第1次!我做cashier果時佢已經話我唔sales!
我次次拎住件貨場cashier時都會問定fans換唔換!
因為唔駛又要由cashier再行番出0黎俾鞋fans試ma!
今日我根本唔駛OT粒半鐘!PT係可以有錢收呀~係續粒鐘計!但係都唔駛咁呀?
B間同事返1點!明知我收3點就應該點幾俾第1個食飯先!
佢可以拖到兩點幾先俾第1個食飯!仲打算一個一個咁樣食!
亞tal就同Tammy講貨場3個人已經夠!可以兩個人食!果刻Tammy先俾兩個放食飯!
唔係我真係6粒鐘都唔知走唔走得!我真係好唔鍾意佢成日都拖慢流程!
明明4粒鐘可以做好哂既野佢要拖到6粒鐘!
佢今日同我係倉度傾又話流程係跟隨DM指示做!我唔知佢係咪知我唔滿意佢既流程啦~
以前中段返4粒幾鐘家下中段返最少6粒鐘!點解???
今日睇E貓撩鼻屎既同事要大調!May佢調去馬鞍山!遲下又見唔到May啦~
但係佢都好呀!可以同Cathy咁近做野!佢0地又咁fd呀本身!
亞敏就唔駛調!唔知遲下駛唔駛!星期一就會調第2個撩鼻屎in-charge過0黎~!
亞峰都做埋聽日就唔做!即係下星期亞May同亞峰都唔會係50舖出現!
收工之後搵左TOTO去美心食野!朝早食個包到收工都未食野!餓.....
食完之後TOTO陪我去禁錢!因為冇錢了~禁完就返家!TOTO都返家換衫準備返工!
返到屋企老豆係度!佢今日早收工!但係亞媽仲未返,去行街!7點幾出左去食晚飯!~
今晚要做好發泡膠果舊野佢!做唔好星期一就唔駛去元朗鑄金=.=
但係我9點幾果時訓著左!之後11點前起身,沖完涼hea左陣先再整下舊發泡膠!
我明白到出0黎做野真係咩野都要做!要識得睇人面色做人!要做好本份!
事實我真係做得極度唔開心!或者Tammy係大舖出生!
佢用大舖既方法係呢間細舖度!我係好反感!我知自己之前做野唔好!
我已經改左好多!盡量跟足佢既要求!想點???佢完全冇理會我係咪返學!
我唔同佢呀!我要返學!我只係PT!我覺得要求唔駛好似full咁!
但係佢要我既要求就等同full!我根本冇打算轉full!佢同我講full同PT都要平等!
full有升職既機會!PT冇!如果我係full為左升我都會更加努力啦~full同PT根本就係唔同!
Tammy唔識得體諒人!就好似我病佢唔識得體諒我!
佢今日打哂乞痴流鼻水果D就要人0地體諒佢!又要我熄細D冷氣!
拎左風褸俾佢但係又要我蒸番直佢!大佬呀!我都病緊0家!
佢果D多數都係鼻敏感!我個樣似病多過佢似病啦~佢咁精神呀!
而且佢係倉度又同我講做sales係靠把口!我鬼唔知咩!但係我喉嚨痛!我想嗎?
大聲少少都唔得!我一喉嚨痛就唔多想講野!對上果時喉嚨痛返工我真係冇點出過聲!
因為果次真係好嚴重!今次我已經盡量講野!想點???佢根本唔識得體諒人!算吧~!
唉~~~~總結今日心情極度差!
PS:琴日已經係奧運開幕!但係我訓著左冇睇到開幕!
今日睇番D片都覺得好靚~再聽番第2果個講,佢都話勁靚!愛神邱比特係上空中吊左好耐~
好有希臘神話feel~!攪到我覺得錯過左機會!但係鬼叫我今朝返早咩~!
今晚我都有睇游泳比賽!仲記得4年前果時我都好鍾意睇!
今年一有時間我都會睇~!因為我鍾意睇游泳比賽~科比勁!!!

>>August 14, 2004 at 5:44:12 PM GMT+8

2004 年 8 月 12 日 星期四 【晴】

今日係黑色星期五
琴晚兩點幾訓...訓.....冇醒過到10點先醒一醒!
之後訓多9個字就起身!~但係...喉嚨痛=.="
返到公司買左喉糖.....但係我成日都暈暈下咁!
最終我返左5粒鐘就走左!比得頂我!~比得佢話佢仲負緊鐘!
就算扣左果3粒鐘都仲差公司兩粒鐘!
下晏古仔同佢女朋友0黎左!~原來佢女朋友既亞妹就係亞敏既朋友0黎!
仲要係孖生0家!但係古仔個女朋友個樣大個D!事實佢0地出世只差5分鐘出世!
今日我有< short >錢!我都估到!我個人根本就唔清醒!蒙蒙下咁!
Tammy話如果今晚都係< short >10蚊咁就< short > 0家啦!~
好肚餓...亞敏又係收6點!之後同左亞敏去食pizza hut!
食左2百幾蚊兩個人=.=" 我0地差唔多埋單果時有個女仔走0黎同我0地做問卷調查!
都係問D好普通既問題!但係我0地有D係吹水!
果度問我0地食完野會去邊!我0地話去旺角!係去行街~哈!
食完之後行大中其間見到亞敏既兩個朋友三次咁多!~
食完野之後係大家樂出面見到肥布同彬~
去到萬寧見到TOTO係度做cashier~!我買左朱古力就走人~
之後我同亞敏係大中行左陣!行到大廣!入番上星期我買衫果間度!
果個人認得我!我問佢幾時返鍊!佢話遲D!家下仲訂緊!
跟住佢叫我留低電話有貨返叫我!咁我就留左啦~
9點左右就返家!都係打日記,睇TV,玩電腦~仲要食藥...
如果真係好唔掂先睇醫生=.=" 但係呢兩日都係返好少鐘0者!~應該冇問題掛~
但係我今晚屙左好幾次了=.=...............
算吧~返工返學成日都咁累唔夠訓,食冇定時!差唔多啦~
今晚有港姐睇!近呢幾年D質數都差左好多!我都估到6號果個win!
因為我覺得咁多個之中最突出係佢!但係佢唔夠女人味!~
冇港姐果隻氣質!總之硬係差緊D咁!或者佢年輕關係吧?
PS:琴晚發夢,夢見到件衫,今日居然俾我見到有件衫好似我夢見到果件!

>>August 13, 2004 at 5:27:55 PM GMT+8