2004 年 12 月 28 日 星期二 【乍雨乍晴】

2004 年 12 月 27 日 星期一 【乍雨乍晴】

今朝冇返學=____=" 我自己啪熄左個鬧鐘就即刻再訓!訓到7點幾醒左一醒!
但係果時醒都冇用啦~都遲哂大到!決定左唔返了~!
之後一訓就訓到12點半先起身!足足訓左11粒鐘!訓到對眼都腫埋~
起身凍左好多呀>0<""" (我訓訓下都縮埋一舊0黎訓!)原來得果13度!大埔呢度一定低兩,三度既~
點幾左右兩個堂細佬0黎左!因為我應承左大果個話買玩具俾佢!
我都唔知果隻係咩0黎!大約3點左右同亞媽同佢0地兩個一齊去吉吉島買!
好樣衰囉我=.=.....我行去果時係條樓梯度跌低左=.=""" 成個人坐左係度!
整襯隻手,流血...總之就樣衰囉=.=" 好彩果時冇咩人0者~
但係去到大中果度就爆多人,都唔知咩日子!又唔係假期!仲咩事咁多人!?
係大中行行下近sasa果邊見到江志偉!佢做健康大使咁耐我都係第1次見到佢著住制服係度行!
佢同另一個女同事都係hea下傾下計咁!份工真係free~~~
之前仲係Baleno返工都見唔到佢,而家居然冇啦啦見到佢!
今日經過Baleno仲俾我見番penny添~!次次去baleno都見唔到佢!
今次又會冇啦啦俾我見到佢!由佢調返0黎50果一刻我都未見過佢!
去到吉吉島咁細果個其實之前已經買左winne the poon俾佢0家啦~!
但係佢見到亞哥買佢又要買果隻玩具!佢根本就唔係鍾意亞哥果隻玩具既!
條友仲要簡個五百幾蚊果個玩具=.=....大佬,而家冇工返點買到咁貴俾佢呀?
最後只買左俾個大冇買到俾個細!上次買左俾個細冇買到俾個大!
買完之後去左M記度食野,佢0地兩個話食雪糕!
食完M記就去左買慕士同mascara~!買完之後亞媽又話去藥房買洗臉果D!
買完之後我幫佢拎返家,佢帶兩個細既返佢0地屋企!
係屋企樓下撞到大果個!佢落街買野食~!
我拎信,見到EVA寄左張聖誕卡俾我!真係多謝哂~今年收既唯一一張聖誕卡~!
今晚得我同亞媽兩條友食飯~
老豆今晚都早左返,9點幾果時老豆陪亞媽睇急政,
因為亞媽嘔左幾次好唔舒服!大概食錯野,攪到腸胃炎!So我留係家幫手晾衫,晾被~
都唔識晾=.=" 好求其,又唔知晾唔晾出去好!好凍!!!
今晚唔可以早訓了......要晾埋D被先可以訓=.="
PS:一凍個人就好似懶哂咁........一凍D人好鍾意出去商場果D地方!最怕多人/_\"
D學生幾時放完假0家!?佢0地放完假咁個商場就唔會咁多人0家啦~!

>>December 28, 2004 at 4:00:04 PM GMT+8

2004 年 12 月 26 日 星期日 【微冷】

今日都係如常咁返工!又如常咁樣返到去hea!
但係今日見到亞思返0黎好爆笑!!!佢係仆倒咁樣返0黎!!!笑到我0地仆街囉~
點半果時要我去海港城拎貨!第1次去果間分店拎貨!果間都ok大~
一來一回都兩點!下晏望街見到有個男仔個頭爆到好似爆炸狗果隻咁樣爆!
果一刻心諗,咩事呢???係咪0岩0岩爆炸完0黎?但係果個男仔個樣唔差0家喎!
但係個頭就=_____=........
今日成日佢0地都係度點貨!好似D tie唔0岩數!
大約5點左右食飯,D同事成日都成6點先食,廢事撞哂咁啦!
因為倉冇咩位!食完之後又等收工!
冇客果時我又走左去坐左陣!夜晚好多時間都可以坐~
又食百力支!果隻百力支我好耐冇食過啦!得閒買返家食先得~
8點幾9點同亞恩出左去!因為佢買左個mickey手掌按摩器要拎去換!
因為開唔到,根本入唔到電!
9點10左右我就換衫!拾好哂D野!10點之前我已經出左門口!
係我走之前SM同我講下次有得返,返唔返!
大約新年1月尾至2月有得返~So我答應左返!因為呢度做好free~
而且又唔辛苦!只係企下腳累!D同事雖然係年紀大左少少,但係都ok 0岩傾!
做野又唔緊張,唔會好似以前Baleno做野咁樣咁辛苦,
成日都留意住條數!呢度做part-time就係part-time!唔駛做到full-time咁樣!
返下都好呀~賺少少零用錢!
收工之後又行返去等271!點知又爆哂~要企,今次我唔理啦~照上車!
10點10左右就返到家!GOOD~~~
而家接落0黎就係返學,同悶lu又=________=。。。
唯有等多一個月先再有工返!~唔知到時又會唔會唔慣=.="
PS:今日睇新聞講琴日印尼蘇門答臘島發生8.5級大地震，
引發5至10公尺相當於3層樓)高既海嘯!!!
連泰國既布吉同PP島,馬來西亞既檳城都受到波及!
係亞洲發生近百年來最嚴重既地震海嘯災難!
死左好多人!!!!好恐怖=___=""".........
突然有呢件天災發生!好慘/_\...........

>>December 28, 2004 at 12:39:17 PM GMT+8

2004 年 12 月 25 日 星期六 【晴】

今朝11點多先起身,好快手換衫食野12點5左右就出門口!
搭71s到火車站去沙田拎貨!搭71s果時先發現自己八達通冇啦$$$$
諗番琴晚搭71s果時都係要錢!今朝我又冇散銀,攪到用5蚊去搭呢一程71s=___="
原本係$3.5 !去到沙田果間舖...wo~兩大袋!!!都等左兩,三個字左右先可以拎!
因為佢0地夾緊野係電話中.....沙田果個經理今日見到我同我傾左幾句~
上次我拎貨佢冇返!又問我做得慣唔慣!佢真係好好笑容!可以話係假!
但係好多人都受落,好過黑口黑面先!因為兩袋貨都幾多幾重下,
So我行得好快去搭火車返尖咀!原本要我去又一城,但係12點幾果時打0黎叫我唔駛去!
搵左另一個同事去!唔怪得唔駛我去,原來係咁多貨=.="
兩點左右就返到舖!下晏都有少少爆!但係都係hea下hea下咁樣!
亞思下晏又出左去買野食,佢成日都出去幫人買野食,買野等等.....
跟住我就叫佢幫我買左芒果斑X ,我琴日見到亞恩食好似好好味咁,so想試下!
下晏九龍公園,即係我舖隔離行前幾步又有表演!我返左咁多日工日日都有野睇!
今日都係,今日有跳舞得!GOOD~!!!我企係門口係咁睇,仲走左出去睇左陣^-^ 嘿.....
大約5點多少少就食飯,因為好多同事都6點先食,我唔想同佢0地爭!
次次食完飯都係等收工,又hea下咁樣!冇野好做~
但係我覺得今日佢0地生產應該幾好,因為都幾多人買野,好多人入0黎都係買野~!
今日早左個幾字去換衫,仲早左一分鐘出門口!嘿.....
去到271站第1架車好多人!得個企字,我又想坐,於是我決定等第2班車先再上!
但係等左成3,4個先有車到!果時已經諗冇位都照想啦,唔想等啦~!
好彩0岩0岩好有位坐,坐下面果層!bus司機好掂呀!!!
九龍公園果個站過多3個站左右就唔載人啦!因為太爆~D人都企都冇咩位~
So一直都好暢順用左7個字左11點就返到家!架車仲ok快添~!
平時搭一搭都要用成9個字0家ma!如果唔飛站我估11點3左右先可以返到家!
行返去果時第2果個居然係我後面!佢又0岩0岩收工!
起初佢叫我個名我冇應佢,屌~夜晚晚叫咩全名呀!?
當然唔應啦!~之後佢係我隔離我先應佢,點知係咪果D野呀=.="
返到屋企有cake食!因為亞麻生日,老豆老母過左亞叔家食飯,拎左D cake返0黎!
聽日係我呢個聖誕part-time最後一日lu~!唔知遲下會唔會有得返番去做呢?
D同事都幾好,呢間舖好free~!都幾好做呀!~
聖誕節終於過去啦!好快又到除夕!

>>December 26, 2004 at 4:03:24 PM GMT+8

2004 年 12 月 24 日 星期五 【晴】

聖誕節快樂!!!
今日係2004年既聖誕節!
琴晚收到幾朋友既SMS!多謝哂~!
今朝都係10點幾起身,差唔多時間又出門口返工,又早左3,4個字返到去!
返到去又係hea,hea到4點幾5點冇啦啦叫我去SOGO同time度拎貨!
好彩亞思同我一齊去!今日係紅日關係,好多人搭MTR去又多人,
落車之後仲多人!基本上好難行囉條路!去到time,果間分店好大下,
果時佢0地仲爆場!好焗呀果度,係果度等左幾個字已經覺得好焗!
果D同事真係勁!俾著我係果度做我一定覺得好辛苦!辛苦唔係爆場,
而係焗!我一焗就好易暈!拎完之後就SOGO拎,SOGO果邊冇time果度咁爆!
同事幫我0地整好哂,So一拎就係!我0地用左一粒鐘多少少來回返到舖!
6點幾先食飯,食完都7點啦~!之後又hea下咁樣,
冇耐8點幾佢0地就叫我上去女裝幫手摺衫!一上到去就見到幾亂下!
其實我0地間舖一向都好少爆場,有時我上去飲水都見到佢0地好得閒傾計,
點解唔可以摺好D衫呢?而且佢0地摺衫方法係以前係Baleno做唔同!
要摺多幾下咁樣囉~!D女裝又難摺,D料好軟身!
摺完又落番去,大約9點4左右JOJO同TOTO 0黎左,
我冇預到佢0地咁早0黎0家!So佢0地行左陣先返0黎搵我!
我又要摺番好自己D制服,So先先換衫都好耐!
跟住我0地就行去海旁方向!沿途都爆多人!!!仲周不時停左係度!
幾經辛苦終於去到海旁!仲俾我見到有幾個人著lolita!
有3個著得冇咁好睇!So冇人搵佢0地影相!另外兩個就自己係fd 0黎既~
好多人搵佢0地影相!鬼佬都有,我都想搵佢0地影相,
但係佢0地著得太好睇啦>"< 又多人影喎~So JOJO定係TOTO就咁用相機影左佢0地!
佢0地一個著黑色lolita套裝,拎住隻熊仔,哎住奶咀!
另一個就著住白色有少少黑色既lolita套裝,拎住把白色好多lace既遮,
其實我覺得拎住白色lace遮真係好靚呀~!
之後我0地就向住星光大道行,夜晚星光大道真係冇咩好睇,
一來太多人,好難停步!我0地都幾難先搵到個位影左幾張相!
同埋夜晚又冇咩光,睇唔到D手掌囉~!好快我0地就行完,
見到雪糕車!我同TOTO買左雪糕食,太耐冇食過雪糕車既雪糕啦~
幾好食,好滑,但係好易溶咁!之後我0地就行去搭KCR!
返到0黎等71s果時我0地3條友係度玩,幾爆笑~!
落車之後打算去老地方食宵夜,點知冇位,咁打算行去大元有冇街邊野食啦~
點知收埋=____= ,攪到白行!行去大元果時仲東華同肥章,仲有佢0地班fds!
但我冇同佢0地打招呼!因為當時都好累,好眼訓,我知自己唔出聲個樣都幾串,
希望人0地唔好誤會啦~!跟住我0地行到大廣先食野,
食完點半左右先走人返家~!兩點左右沖涼,
沖完涼就打日記啦~點知頭先打打下又禁錯制,攪到冇哂=____="
而家又重新打過,打完就訓了!爆眼訓呀=___________=
企左成日,又去左拎貨,收工之後又行左陣!聽日仲要1點去到沙田拎貨,
之後再去又一城拎!不過原來拎貨會計番車錢俾我!都幾好!
同埋我而家先知食飯會計番錢俾我0家!!!咁樣3度做都幾易搵$喎~

>>December 25, 2004 at 6:53:18 PM GMT+8

2004 年 12 月 23 日 星期四 【晴】

今日係2004年既平安夜....................
今朝10點幾起身,食左D野就出門口返工!
返到去好靜場,都估到0家啦~之前星期六,日都唔爆!
次次返到工就等食飯咁樣,等完食飯就等收工~
今日都唔例外!但係今日唔同既就係夜晚~!
下晏成日都係度hea.....再唔係就同d同事吹水~!都冇野好做!
大約6點左右食飯!食完飯就見到條馬路開始< 風 >路!
越夜就越多人!見到D人都幾爆笑,有D女人居然帶左個皇冠係頭度!
有D聖誕帽好攪野!夜晚7點幾果時好靜,之後又坐左陣!
慢慢多人,開始有人唱聖誕歌果渣~!條街好熱鬧!
去完廁所落番0黎見到有幾個黑人好爆!幾個都成身著哂黑色衫,
仲要係皮,其中一個最爆既係帶左頂好爆既黑色皮帽=_______="
9點3左右亞倩同佢男朋友經過!送左樣小禮物俾我!THX呀^-^
我都冇野送到俾佢=.=" 真係唔好意思啦~!
9點10左右我就去換衫!10點準時走人!收工時見到亞屎打過0黎,
so打返俾佢,原來佢果時係中環!問我落唔落bar喎~但係我都唔識佢d朋友=.="
而且我又唔識飲酒,雖然只係大埔,但係都唔係咁好,我怕悶=____= so最終都推左唔去!~
我考慮左成日諗收工搭咩車返家!最終我決定左搭bus,因為坐得舒服D!
點知我發覺自己係簡錯左!要行返去西貢街,348果邊!
都行左3個字先到!沿途激多人!!!你拖我撞!好辛苦先行到去巴士站!
好彩既係咁0岩有兩班都係271,我搭左第2班,果班冇咁多人!大把位~
我估我下次搭都係行返去搭KCR了=___=,起碼唔會咁遠先!
返到大埔見到大中果邊好多人唱哂歌咁!當然比唔上尖咀果邊多人啦~
11點多少少就返到家~唉.....咁就係我既平安夜!
真係平平安安~!!!最慘係收工,同夜晚返工見到條街=___="......
真係好有聖誕氣氛呀>0<"""
返到家12點果段時間都幾多人send sms俾我,我send俾人又send唔到!
攪到12點半後先send到!都send左俾好多個朋友呀~!
亞敏同TOTO都有打0黎!都係同佢0地傾左幾句就收線!
Wendy係我沖完涼之後居然打0黎!!!佢係冇來電的,
我一向都唔聽冇來電既電話,但係見今日聖誕節,可能有d朋友打0黎開心下,
so有聽!都好耐冇見佢啦~佢話佢而家成日都返0黎HK喎!傾左幾句就收左線~!
今年係我第2年係工作中渡過我既聖誕節!今年亦都係第2年冇情人一齊渡過既聖誕節~!
慢慢開始習慣節日沒有情人一起渡過了!
聽晚同TOTO講起呢D問題!其實都真係幾驚到20歲仲未有拖拍!
到20歲,好快又到25歲,當到25歲又好快到30..........
聽日TOTO同JOJO會出0黎搵我,行下尖咀,但我估聽日唔會好似今日咁多人!
太好>"< 可以影下相,我要睇燈飾!!!唔想浪費左個聖誕節呀/_\.....

>>December 24, 2004 at 5:16:08 PM GMT+8

2004 年 12 月 22 日 星期三 【晴】

今朝都差少少唔知醒起身返學,琴晚都點半之後先訓!
好彩今次8點半準時打俾羅家良,佢幫到我簽名,太好!
唔係既話今個星期一個名都簽唔到0家啦~今堂上電腦堂,我都唔知佢講咩野!
又唔識開邊個程式!So今堂都係好少人返~得3個女仔,但係計埋全部都唔知有冇十個人!
因為唔知佢講咩野關係又係咁同羅家良傾計!
都係好準時放學,行去搭MTR時撞到亞倩,佢行去返工!佢今日冇返學!
傾左幾句之後冇耐又見到flora,但係冇咩野同flora講,
大家都不太熟,平時都冇咩野講~佢搭bus我就搭MTR再轉bus返大埔!
返到0黎打俾亞媽,我知佢一定係街,叫佢陪我食野~
行去食野時打俾TOTO問佢同JOJO佢幾多號出0黎搵我收工!去行下睇下燈飾!
冇耐佢話收線,但係我食緊野果時佢又打左幾次0黎問我頭先搵佢咩事,
其實我都只係問下佢幾多號出0黎搵我,因為我聽彬講話佢0地成班25號去肥鋒家玩喎~
咁行出面好過去人0地屋企啦!~起碼出面又可以感受下聖誕氣氛先!
但係因為果時同緊亞媽一齊,得兩條友,廢事亞媽一條友呆啦~So我好快就話收線!
食食下野亞媽話想買勞力士帶!我就講我冇錶,想買錶,之後佢叫我儲錢買!
我話我冇工返邊度有錢,好難儲啦~!佢話支付我一半!
一隻勞力士都萬幾蚊,我點儲幾千蚊返0黎呀!?
以我而家冇工返更加難儲啦~!!!都唔知幾時先可以買到!
食完野之後又四圍行!買左件外套~好多士多啤梨的!但係黑白底!
其實前日我已經睇中,但係冇買到,因為前日都冇打算買野~
行行下又撞到兩個亞E,之後又同埋佢0地一齊行!Then又睇中左件背心外套,
係藍色,果隻藍係天空藍,我覺得好靚~!亞媽又係後面個底係圓圓地,
會著到個人拉哂下去咁喎=_____=" 攪到冇買到/_\...其實我真係幾鍾意!
件背心又可以雙面著!折左210蚊都ok呀~!
唔得!!! .\ /. 如果下次俾我見番,而冇俾人買到,試左又ok既就我一定會買>"<
( =_________=‧‧‧‧‧但係其實我已經好衫果D!個櫃已經爆哂~!
有D仲未著過!有D又著得果一次!我真係要節制下先得啦!)
行行下又買左支防曬打底液!買左兩樣野都係亞媽錢,thx喔!~
行到兩點幾左右買左D糖就搭bus去堂細佬家!因為個工人要去買送!
咁睇住個幾鐘,謙謙真係好多winne the poon既野!成間房都係!
佢0地屋企好有聖誕節氣氛!裝飾得唔錯!佢0地兩兄弟冇野做就係咁睇TV同睇VCD~
有時同小朋友玩都幾好!但係好眼訓=.=......大約4點半多我0地就走lu~!
好累呀/_\.....今日冇訓晏覺!聽日開始連返四日工!
唔知聖誕節又有咩攪啦~!24,25,26=____= 快D完左佢就好了!
lonely christmas .\ /.

>>December 23, 2004 at 10:26:16 AM GMT+8

2004 年 12 月 21 日 星期二 【晴】

琴晚個胃唔舒服!點幾鐘都仲未訓得著,攪到成3點先訓得著!
原本好想今朝返學!因為未上過一堂英文!好想見下個亞sir係點樣!
訓訓下8點幾9點醒一醒,即send sms俾TOTO講佢知我今日冇返學,
於是我訓到11點幾先起身~!1點先出門口,約左係荔枝角等!
原本同佢0地唱K,但係K lunch至到點3渣喎!我出到都唱完啦~
最主要TOTO同JOJO都未行過荔枝角果個咩工業中心!
今次又行~都行左成兩粒鐘!平日真好,冇咩人,可以慢慢行,今次比上次行得仔細D!
又去到上次有得買豹紋野果間度睇,我0地係果間都睇左好陣子,
佢0地買到野,但我買唔到/_\......
見番上次我鍾意果件橫間外套,但係TOTO話麻麻...So都係冇買到‧___‧
再四圍行,其實JOJO之前睇果條短褲我覺得幾好睇!同埋都唔貴~唔錯!
但係佢最終都冇買到...我0地行到最尾再慢慢行番出0黎!
TOTO想搵番佢想買果D衫!行番出0黎果時我先買到衫!
買左兩件~^-^ 200蚊有找~!TOTO都買左3件,但係JOJO冇買到!
我知佢想買褲,因為基本上佢都係咁睇褲,但係冇得試,佢又驚著得唔好睇!
行完荔枝角就去旺角,JOJO話肚餓,買左串燒賣,我同TOTO就買左杯唔知咩野0黎!
我都唔知杯野叫咩名=.=" ,但係都幾好飲!
因為想買襪,去到潮流特區!見到汁yin同shan!!!居然出0黎都見到佢0地,冇見一排了!
佢0地喂我先知佢0地係度,因為太多人啦>"<
太多人關係我都冇停低同佢0地傾計!汁yin仲問我唔駛返工,我答佢係!
都冇時間同佢講冇做,太太太太太......多人了!
最怕咁多人,跟住我0地買完襪就走啦~基本上係我買=.=".....
TOTO都冇買到!我買左幾多下,因為要買番D絲襪,同四個骨襪!
同埋我打算買埋今次都有一大排唔會買!So買多少少.....
買完行去搭271,條路都幾長下!等左一陣bus,
點知冇位坐,3條友企,係bus度我0地都講左好多野,幾爆笑~!
今日行街都幾開心,有玩下笑下咁!
但係我0地冇做到一樣野>"< 而家打日記先記得!
我0地明明出到旺角仲未唔影卡,貼紙相果D=.=???
算吧~!下次先啦!下次唱K影!!!見佢0地今日唱完K,我都好想唱/_\..........
明天要返學了!但係上果堂電腦堂基本上我都唔知講咩野,根本唔明!
之前好多堂冇上,根本跟唔到!過埋聽日我就一連返4日工!
基本上份工只係行行企企,冇咩野做!基本些係返工hea時間!
只不過係企辛苦!因為冇野做行行企企,得個企字咪覺得辛苦囉~
唔知返完呢份工之後幾時再有工返lu!~我真係想搵一份part-time!
我最想就係返office或者賣番衫!萬寧...我做唔做好???
我都唔知呀>"<......因為我一向都做開sales,突然做萬寧好似唔知點咁!
但係唔做又冇錢,做就要紮便同有可能要派傳單=_____= 好唔想囉~!

>>December 22, 2004 at 11:23:06 AM GMT+8

2004 年 12 月 20 日 星期一 【晴】

琴晚原本打算12點幾就訓0家啦!~咁我send完sms就打算訓,點知冇耐亞敏打0黎,
佢都好耐冇搵我,我又搵唔到佢,可能佢返工時間長關係,都好忙下!
而家聖誕節前後仲早左半粒鐘開門,咁即係佢返10收11點啦~咁11點又唔準時走!
琴晚佢打俾我都12點幾,同佢傾左成粒鐘電話!佢因為太累關係,
so返家娘家訓!將軍奧去佢娘家都係3個字0者~!
因為都有一排冇搵大家,一傾就傾到點幾先收線~跟住之後我就唔眼訓,
大約兩點幾先訓得著!今朝又係好格硬咁樣起身=________= ,真辛苦!
咁今朝我又遲左成半粒鐘出門口!
搭完K巴行去KCR果時見到有一個女人定係男人既物體係度打開自己條褲係咁抄自己!
經過既人都望下佢,我遠處見到都唔夠膽再望了‧____‧"
我估佢應該有問題!唔係仲咩打到條褲咁開自抄先得0家!?
今日搭車好辛苦!覺得抖唔到氣!唔知咩事,可能太多人太焗,要好用力先可以抖到氣!
果一刻真係勁驚自己會暈=___=" 格硬捱到尖東站慢慢行去轉MTR~
打俾亞倩,點知佢幫唔到我簽名/_\
因為cashier有條友企左係度!亞倩返到去果時D人都返齊,得亞星未返!
我都冇打俾亞星,我知佢咁耐仲未返一定遲,一定簽唔到名0家啦~
返到school,一入班房邱富佢0地就同我say hi!我四圍望下亞倩係邊都冇理到佢0地!
佢0地仲帶左個fd 0黎!果個男仔好似份日制學生0黎0家喎!仲咩會係半日制班出現!?
亞倩佢0地留左個位俾我,太好,因為我返到去差唔多冇哂位坐!
次次半日制兩班一齊上堂,我0地班返既人數都多過H11~
成堂我都係度呆坐,因為坐低成半粒鐘先覺得抖氣順D!今堂交埋上次寫果兩行字體!
我得C+,好多同學都係得C,好似得兩,三個拎B!我最怕做字體 0家啦!=.=
以前中學上西方書法堂都成日傾計,都唔係做野!~D功課都係交左勁少,
諗番我估art會考既分可能係西方書法拉低左總分!平時唔練習當然寫得唔靚啦!~
好快又到10點半,好準時落堂!小葵同亞倩去左食早餐,但我又冇去!
而家唔知點解一早起身我就冇胃口食早餐!訓得太少又冇胃口食早餐!
攪到次次佢0地去食早餐我都冇去到......
今日我轉KCR返大埔,居然係火車度訓著左到大學站,好彩知醒,唔知飛站!
老豆今日放假,So返到0黎大埔我都去茶樓搵佢0地!謙謙都係度!
因為今晚要去MK食飯,做冬,要幫亞叔帶埋謙謙出去!
飲茶當中我都只係坐,冇食野!飲完茶之後亞媽,亞E果D又行街,亞媽又買左件衫~
但係件衫係平平地果D!~跟住經過萬寧,咪同謙謙入去買糖,冇耐亞媽同亞E睇完野入0黎搵我0地!
TOTO今日返早,見到佢係cashier,佢仲問我咁早起身,當然,有返學ma!
買完糖冇耐又同謙謙去美國冒險樂園玩左陣,
去到撩鼻屎時maggie話佢0地今晚去玩!琴晚我同亞敏都打算唔去!
佢0地次次去玩都係簡我返學既日子去,點去呀>"最早都3點幾先返到家啦!唔通唔訓之後又出過去返學咩!
但係Maggie唔係聽日先生日咩?今晚好多都做冬,都仲可以去玩=.=?
而家返番Baleno,撩鼻屎同D同事都好似有好隔膜咁!
50已經唔係以前既50啦~人,事都變哂了!唉........
其實我最懷孕都係亞仔,亞ca,cathy果個年代,
即係我初初入baleno做果半年!果時我0地成班好鍾意耐唔耐攪活動!
夜晚又放自己小休,返返下工又走左去買野食!果時都幾free!
又準時收工!3個字之內就出到門口!但係可惜時間已經過去,果D只係回憶!
行返家途中謙謙又話累!又話要抱,
我又呃佢行埋呢段路先!行到天橋我又俾糖佢食引開佢注意力~
哈!終於返到家佢都唔駛抱,佢而家4歲,有番咁上下重,點抱呀?
返到家,謙謙又玩電腦,我煮左少少野食就訓!謙謙仲玩電腦玩到5點先訓!
起身之後我都冇同佢0地出MK食飯,因為今日成日都唔係咁舒服!一訓得少就咁!
大約5點9左右佢0地就出去lu!~謙謙都係訓左半粒鐘就出去MK食飯!
大果個係呢段時間返,佢琴日又冇返過0黎!返到0黎又要訓,so佢又係唔出去食飯!
於是夜晚得番我同佢兩條友家!
聽日同TOTO&JOJO去唱K行街,唔知我聽日起唔起到身返學呢?
如果起唔到我估唔可11點去到MK唱K lu!~
除非我真係病左啦~唔係都會聽日去行街唱K的!

>>December 21, 2004 at 12:43:53 PM GMT+8

2004 年 12 月 19 日 星期日 【晴】

原本我仲以為自己今朝可以返到學,琴晚仲睇埋錄抵既掌門人先訓!
大約兩點幾左右訓吧,點知今朝個鬧鐘響都冇起身,啪熄左又再訓,
一訓就訓到成點先起身~可能返工企得太耐對累太腳關係吧...
今日成日都冇出街,但係又唔係好覺得悶,因為成日都上網,
兩日冇上網lu!~返工兩日都只係返到0黎打日記check e-mail~!
時間過得好快,又到夜晚食飯,今晚得我同亞媽兩個食!
食完飯又係睇TV~!好無聊的一天!
聽日開始返學啦又!上字體學,真麻煩,又要帶番果D野返去!
朝早搭車真係好麻煩ma,搭KCR,MTR太多人>"<
聽晚又做冬定係咩野,要出旺角食飯,真麻煩,
我一向都不太喜歡同老豆果邊D人食飯!

>>December 20, 2004 at 12:56:28 PM GMT+8