2004 年 10 月 6 日 星期三 【晴】

原本打算今日返學0家/_\......點知...又唔知醒起身>"< OHLY FUCK!!!!
訓到差唔多12點起身,食左少少野又返工!
但係一返到去覺得唔多舒服!之後變左返中段而唔係收夜!
叫左亞him頂我返H~Thx哂!~~~下晏TOTO 經過還番錢俾我!
佢同佢媽打係味千食野~唉~~~我都好耐未去過味千食麵啦~!
Tammy知我有D唔舒服,但係佢都想我收夜,話要女唔要仔喎~
當然啦=.=" 因為拍住亞him,咁佢咪要做多好多野囉!
下晏好靜場!電部腦唔知要check咩野!攪到我0地做左幾次7E!
咁0岩果時有幾條友埋0黎俾錢,攪到要用手開單!Tammy又食飯!
有一個仲話:唔該快手手我要返工趕時間!
果條八婆好煩!!!之前煩完亞him,入fitting又係度喂我0地話推唔到門!
有人fit緊當然推唔到啦小姐!有冇發燒呀???之後叫佢去第2格,佢條友好似雞同鴨講野!
點勁唔明!fiting渣喎???推得入就即係冇人,即係可以fit啦~!
果時得我同Mickey兩條友應付!有少少亂~好彩Mickey係度幫手~
攪掂好哂Mickey又開左張YIP!條友真係煩,又要下下計住計住咁!
攪到張單入左3次咁多~!7點多少少頂哂佢0地食飯就我抹塵板!
不出我所料亞him抹塵板真係好唔得!勁爆多塵囉~!
抹完都7點半!收工之後去左IZZUE!因為買禮物俾朱仔,打算送件衫俾佢!
如果我唔今日買既話,驚聽日買太趕!雖然份禮物真係幾趕買咁=.="""
我唔知佢鍾唔鍾意,而且我又唔知送咩野好!覺得衫一定著0家啦~就送左件衫!
係IZZUE度見到bossini幾個女仔0黎買衫~我同其中一個熟少少,傾左幾句傾!
佢仲問我撩鼻屎果個同事係咪冇做~!即係話亞敏係咪唔做!
估唔到bossini都知亞敏唔做=.=" 亞敏都幾勁喎~!
原來佢0地轉季呀琴日!一個月之前轉完琴晚又轉,佢0地真係辛苦!
我等D sales抄件衫俾我等左幾耐下!買完之後同佢0地say左Bye就走人!
返到家8點多少少!返到家一個人都冇,於是咪煮野食!
夜晚打番去公司問聽日收咩!諗住確實一下返工時間!
點知係收10!!!改左間!好彩有打返去,唔係聽晚都唔知點算!
原本係2-8!咁我仲應承左朱仔話去唱K!家下唔得啦~!
唔知會唔會俾佢話添得0家=.="""

>>October 7, 2004 at 5:08:04 PM GMT+8

2004 年 10 月 5 日 星期二 【晴】

今朝亞媽係咁叫我起身返學!我極度討厭佢叫我起身返學!好煩!真係爆煩!!!
佢越叫我起身我就越唔會起!So我今日都冇返學!佢叫我起身,我極度反感!!!!!
我真係好累.....返工真係好累!!!!!!訓到11點幾起身~今個星期二至五都係返兩點!
返到去見到佢0地係度拾緊位,原來Tammy話天氣熱放D綿麻出去!
跟手亞tal順便拾埋今晚要拾既位,但係只係拾左女裝0者~!拾女裝區Tammy係唔知0家!
因為佢一定唔會俾我0地下晏拾!而且咁好買一定唔可以上板!
攪呢樣果樣亞him要兩點半後先入band!3點多少少先開始放食飯~
好彩亞him只係食半粒鐘,So佢OT只係O半粒鐘!
我6點多先食飯~叫左外賣!幾好食^-^ 今次係食咖哩雞扒飯~!
亞tal食飯果時當然我同亞敏又係度勁吹水啦!吹吹下冇啦啦有人0黎話阻我0地少少時間!
原來講聖經!仲俾左個時間表我0地,叫我0地得閒去聽下~!
下晏居然有個外國fans係講中文=.=" 我仲問佢講英文,仲要係既差既英文!
真係bad!佢同我講中文...打左個突=.=""" 如果識到個鬼仔識得講中文就好啦=﹏= 嘿.....
到左8點多少少開始做轉貨!9點幾先拾位,原來我0地係打算8點幾就拾定!
撩鼻屎係7點幾果時收到轉貨memo!成千件貨要轉呀>0<""" 好彩我唔係好多貨轉渣!
落雜之前我已經轉哂D貨!~之前原本打算同亞敏去對面借紙皮,點知佢0地問我0地借先!
好可惜我0地都唔夠,亞敏勁多貨要轉!俾佢0地搶先一步問藍星星借紙皮!
攪到亞敏問其他舖都借唔到!落雜之後bossini大拾!原多貨走,同勁多貨轉俾佢0地!
我諗佢0地有排攪啦一定!D位唔同哂~海報又唔同!又換哂body咁!
MayMay11點左右0黎左!仲買左野飲俾我0地^-^
好耐冇見佢啦~佢轉左工,係九龍塘賣朱古力!佢話好free喎~都係PT,25蚊粒鐘!
唉~~~我都想做呀!大家同都係一樣人工,點解我咁辛苦???/_\
11點幾已經拾好哂位!我話走先,因為都冇野跟!
亞tal都係差車褲,得番亞敏未做哂轉貨!MayMay又係度幫下手咁!
一收工朱仔打0黎,覆番佢,叫我去老地方坐下,OK啦~咁去坐下!
果時都係12點0者!打算坐半粒鐘吹下水就走人!
點知去到佢就叫我星期五唱K,佢生日!舔野添=.="""
其實我真係好唔想去,因為我返工真係好累!星期6 Andy又一定落0黎!
就算去我都唔會凌晨返家!見佢又唔係咁老脾我唔去,最終都答應左去!
果日又冇咩人去,又有D唔識,有D又唔熟!大概玩兩粒鐘走人吧???
星期五我係收8!又好彩地唔係收10!唔係我更加唔會去....
一收夜係特別累爆!!!!!家下已經兩點幾啦~!返左家一粒鐘右!
聽日希望可以起到身返學!因為要交番份功課俾K.K呀!!!唔交就冇分~!
一返學,返工一定勁唔夠訓,聽日仲要有貨返!希望唔會太多野做啦,唔係我真係會暈=.="

>>October 6, 2004 at 6:08:46 PM GMT+8

2004 年 10 月 4 日 星期一 【微冷】

終於到出糧既日子!等到頸都長埋!!!但係我仲未去睇出左幾錢糧!
今朝冇起到身返學!~好累.....鬼咩~!琴晚幾癲下...
11點幾起身,其實係俾yin個電話嘈醒左!'
但係我冇聽到=.=""" 因為以為係鬧鐘響果渣~!今日返兩點鐘~!
亞him今日借左去37!So比得變左要返工!我就變左要去入band!
一返到去收到個消息!下星期開始會好忙,因為50舖變左特價場!
原來遲下成間都變左做Baleno,而撩鼻屎就唔要!或者遲下會係大中搵個舖位俾撩鼻屎!
話兩,3個星期特價,then裝修!我0地有5-7左右放假!唉~~~一定累爆啦!
Tammy仲話如果有人話想見工就俾form佢填之後就叫佢星期6 0黎in!
咁即係話aNDY星期6一定會0黎啦=.=.....
4點幾5點到我食飯!打俾yin,因為佢之前搵我!
原來佢間公司拾!變左佢要調去第2間舖!
食完飯之後比得就走得!佢條友連佢女朋友生日都唔記得=.="
佢女朋友其實係琴日生日!佢居然今朝起身先記得=.=.....
夜晚都幾靜場!今晚荃灣幾!家下Tammy居然唔博數!
我0地其實仲差2百幾蚊就夠黃布0家!
而且家下Tammy返工既時候都有同我0地傾下計!當然冇fans既時候就傾!
都好過之前呀!~一冇野做都唔俾傾計,仲係咁要我0地做野~!
唔知佢呢期咩事!冇啦啦變得冇咁嚴~!
10點半未收就走得人!我行得勁快返家~!夜晚好涼=﹏=
我仲著住件短袖,今日其實get到頭暈暈想病咁樣0家啦~!
聽晚仲要拾位,做番100蚊3件!唉~~~大概拾到1點吧???/_\

>>October 6, 2004 at 5:19:53 AM GMT+8

2004 年 10 月 3 日 星期日 【微冷】

今朝冇起到身返學!因為預左今日踩成日~首先起身冇耐就同亞E出去尖咀!
陪佢set頭!坐左粒幾鐘之後食左個下午茶!食完打的落旺角倫敦大酒樓!
間野都唔知有冇攪錯!又話3點半交個場俾我0地!
我同亞E係第1個去到!見到0岩0岩先開始清場!真真正正清哂場係5點幾囉~!
冇耐表哥同佢老婆仲有D屋企人0黎到!表妹仲拖住佢男朋友0黎!
佢男朋友個look都唔差喎~完全唔似17歲!似20歲囉~
我表妹本身個樣都大個0家!個樣同我差唔多大!但係佢得15,6歲渣!
我表妹係一個好任性既人!前排仲離家出走去左佢男朋友屋企住!
其實佢屋企人對佢好好0家喎我覺得!佢D亞哥個個大佢咁多年!
一個月佢都有唔少零用駛啦~好過我多多聲!
見到表妹有男朋友,越0黎越驚自己以後都冇拖拍/_\.......
坐左咁耐亞媽果D先0黎...悶到我PK!!!俾人點左落去買兩本雜誌睇!
冇耐我又俾人點左去坐係門口果D坐,即係客人一0黎俾佢0地寫名果D位!
要我幫手喎~但係我都冇點幫,頂多咪俾支筆人0地寫個名咁樣~!
表姐0黎左之後就同佢去行下旺角!~佢買左電話繩同鎖匙扣!
我買左龍貓公仔既鏡!Then去到瓊華,今次我終於入左買lolita果間度睇衫!
wo~~~正爆呀>0<""" 我忍唔到手買左條lolita既裙!果個人話有一set!
我都想買一set呀!但係冇錢!!!而且我又只係覺得條裙係靚~
上身唯有下次睇中再買再襯吧!~
行完瓊華再行旺中!行完再上返酒樓~9點左右開席!
開席之前影男家全家幅!影完搵位坐,係冇0家囉~完全冇位!攪到我0地分散哂!
話哂我0地都係主人家呀!唔係坐係主席位都冇可能坐到勁後囉~
我同舅父果D係坐到最最最最最..........後果行坐!
我0地成班係度講應該係坐係300蚊位而唔係坐係山頂80蚊位!
我表哥佢0地成渣完全唔識點樣分配!今次呢餐個個都覺得真係一肚氣~
一開席都係例牌俾人了解一下呢對新人,播番以前既野出0黎!
見到我0地有D親戚朋友都上左鏡~!哈!~
成場都ok有氣氛!其實都係得個嘈字!請左D人返0黎唱歌!
FUCK呀!!!唱埋D勁舊既歌,想點?呢點都算佢啦!~
D女又著哂3點式,又豪放!大佬呀~呢度唔係夜總會呀!!!
但係都有開心既時候!~同班表哥玩得幾開心!我0地又帶左攝錄機去!係度kind哂囉我0地!
又影相!好可惜.....D相全部係哂人0地既相機度=.="
11點半左右終於可以散席!成晚我都冇點食野!最好食果個都係芒果布甸!
因為主人家關係又要等哂親戚走哂先可以走喎!
亞媽D細佬妹成渣都係坐大埔!於是我0地16人0岩0岩好搭小巴返0黎大埔!~
係昌運果邊落,一落車好涼呀~!相信冬天真係好快就到!
返到屋企都12點幾1點!返到家又要輪住沖涼!
So我沖完涼果時都兩點!~沖完涼咪打埋呢篇日記,聽日又係返唔到學0家啦!~
好累.................聽日仲要收夜!但係我後日一定要返學了>"<
11月尾到舅父結婚啦~今次佢0地吸收左經驗!So佢0地結婚果時好會過表哥掛?
我都打算呢個月尾電頭髮啦~!為左舅父結婚果時! ^-^
果晚一定要扮靚D呀>0< 又要用錢/_\
今日個師夫話我電頭髮幾百蚊左右~!唔知會唔會電到好核突=.="""

>>October 5, 2004 at 4:48:52 AM GMT+8

2004 年 10 月 2 日 星期六 【微冷】

琴晚已經比前日早左訓,但係今朝都係唔多想起身!
今日又係涼涼地咁樣,好似涼過琴日咁!
Tammy又係好早返到,最遲Maggie返~
我0地換好哂衫都係10點10個字0者!其實我0地個個都好早返到!
到1點都係得Tammy同我,兩條友做左元朗位既旺角!~都幾勁下0家啦!
之後比得同亞him1點返到!冇耐我食飯!兩點幾出返去,佢0地係一粒鐘之內做左個元朗!勁!!!
今日流程好好!下星期我要頂佢0地補假果D攪到返得最多鐘係我!
咁我唔想又再下下個星期先返咁多粒鐘,咪話不如今個星期頂啦~遲早到要頂0家啦!
咪話今日cut我鐘收5點半!點知.....清機清左好耐,因為< short >錢!!!
0岩0岩100蚊!我同Tammy孖左機!其實7點都未有我0地已經做左愉景咁多!差唔多到西九!
平時星期6,日都冇咁勁!~清哂雪櫃果D又0岩數!唯有我同Tammy一人拎番50蚊出0黎!
下晏爆場果時56舖打0黎!係度夾番話個fans係果邊pay左,但係要我0地呢邊補貨!
返左貨之段就打番俾個fans,咁我0地就打番單去56舖!
其實我覺得完全唔係影響到我0地庫存囉~因為會打番單返過去0家ma!
咁同比得講,比得居然話我!!!又話庫存唔0岩呢樣果樣!
之後咪同佢嘈囉~果時已經爆場,收錢收到我興哂!
D fans又煩到系咁樣!Then我同番Tammy講番清楚件事,Tammy都話冇影響~
事實上我只係睇電腦貼住果張紙先知56舖有大fans買左風褸果D!
果D擺到明係比得既字!佢又唔同我講!家下同人夾完又小我,想點???
今日勁多大陸客,又特別多麻煩fans!D大陸客成日都問有冇打折!
真係攪到我心情都煩哂!再加上比得話我,先更加引起我小佢!
比得佢成日都連in-charge都會串!有時可能佢講左D野都唔知係串親人!
好快我都冇事!因為佢食飯!~
6點幾果時有個大fans,又係大陸客,係度買左9百幾蚊野!真有米!
因為我下晏只係食左腸粉關係攪到收工好肚餓,食左兩塊餅就走人!
其實我點幾報時覺得唔餓0者~!再加上我唔想食咁多野,又收得早喎今日!
開始覺得自己真係肥左!決定左戒食宵夜...
返到屋企都係7點左右0者!~煮左個麵食就睇VCD!
第2果個買左<< 明日之後 >> ~!呢套戲GOOD呀!!!
聽日Day OFF!下星期就係得呢一日OFF渣!一直要捱到下星期先再有假放!
即係我下星期就算出左糧都冇可能買到衫!
上前係K-2睇中左條格仔短褲,試左係0岩0家!但係冇買到,想今個月買!
而且上次係LCX睇中左頂帽,都係打算今個月買,But下星期一定買唔到啦~
要等到下下星期放假先可以買啦/_\...
都唔知仲有冇添得0家!D衫轉得幾快下我覺得!~
上星期亞tal話同我一齊行街,但係就極都唔0岩時間!星期6,日又拍唔到佢!
下星期又拍唔到佢收早!下星期收夜又拍Tammy,點解我成日都拍住Tammy 0家=.="
PS:今日好忙,時間過得好快!~

>>October 3, 2004 at 2:23:14 PM GMT+8

2004 年 10 月 1 日 星期五 【微冷】

今日個日記終於開番~一大早見到佢開番我就post返D日記上去先!~
今朝9點鐘起身,返10點.....要拆貨!一落街真係涼左少少~但係我仲著住件好薄既短袖衫!
Tammy仲要遲到=_= 佢著住件褸!我係門口等左3個字!趕唔切拆貨!
Tammy拆下貨又係度睇下位咁樣!未開舖已經有哂渣fans係出面等!
一開舖就幾爆場!半粒鐘已經做左元朗位既舊大埔!但係Andy打0黎話唔做100蚊3件!
攪到我0地又要拾位!到B間同事返到0黎都仲未攪掂!~成3點先攪掂好哂!
真係多舊魚!冇野搵野0黎做!話天氣涼唔做100蚊3件!
講真天氣前日已經報話今日涼0家啦~咁仲咩仲要我0地D同事琴晚拾位先?
比得同亞tal仲拾到成點!勁辛苦囉!~
我又係第1個食飯,兩點多D先食~唉.....都唔知食咩野好!食0黎食去都係果D咁!
Andy係我食完飯之後0黎左!果時我0岩0岩訓左陣=.=""" 呆呆地.....
而且之前又係咁拾位,好累.......希望唔好俾佢話=.="
時間過得OK快~Tammy同我一樣OT左半粒鐘!佢上埋D貨,我就拾埋果少少野!
比得係佢食飯之前冇啦啦係地下搵到條粉紅bra帶.....
死仔仲問我咩野0黎,扮哂野!~收工之後同亞敏吹左陣水!超爆笑~!
打返屋企睇下有冇飯食,點知冇人聽,咪打俾亞媽手提囉~!
佢0地出左去食飯!之後搵佢0地一齊食!一家5口同埋兩個亞E同亞E既老公!
好耐都未試過一家5口一齊食飯啦~食完之後我0地3姐妹走先!
去左IZZUE買衫!大果個仲未買衫去飲ma!第2果個上次買左又話要買件衫襯番!
之後我又睇中左,而且想做VIP ma!就係咁我0地買左千幾蚊衫走人!
終於做左VIP啦^-^ 但係原來冇卡既>"<
原來係下次買衫果時俾講個身分證number或者係VIP number!
枉我仲咁想要佢張VIP卡/_\...........
我覺得IZZUE男裝果邊果條仔好懶型咁=.=...........
返到屋企玲E係度,睇埋金枝慾孽先走!
睇0黎聽日要著住件長袖衫啦~因為真係有點兒涼快=_="

>>October 2, 2004 at 3:54:22 PM GMT+8

2004 年 9 月 30 日 星期四 【乍寒還暖】

終於到10月1號啦~國慶日!紅日必定返工!~一開舖就有少少爆!
但係之後又靜場=_=.....Then一點多少少到我食飯!~因為靜場關係我0地拾左少少位!
之後真係勁爆!!!!!今日唔知仲咩事特別多煩既fans!有個女人好Q煩呀~!
Tammy係度同我叫救命!其實之前我都有sales過一sales呢個fans!
但係因為我做緊cashier冇理佢!
之後Tammy行開唔理果個女人!果個女人就走0黎煩我!我係咁打發佢!
佢買果兩條褲,試左粒幾鐘!駛唔駛睇醫生???
亞媽下晏有0黎過~佢睇我食左飯未,打算一齊食!~但係果時我已經食完啦=.="""
今日居然有fans問我幾多歲!其實佢係話佢兩個女隻腳好大問我對鞋著咩size!
咁我同佢講著36!~之後佢就問我幾多歲,佢話我係咪廿歲=.=" 我問十幾.....
亞him唔舒服!早走~今晚仲要拾位!我幫佢0地換左前場show出0黎果D鞋!
因為頂多可以拾果度!唔可以太早拾位~!聽日100蚊3件!
表姐係我清緊機果時0黎左!8點多少少我就切人!~一出門口就見到亞仔同佢男朋友~!
返到屋企清哂con果D yin先打0黎話出去食糖水~之後我出左,其實我好累!
但係又想吹下水!唔知點解一累就硬係覺得唔知點樣咁!
食野之前行下,yin要買mask果D!~葉洋買左D con既野~
我0地去左許留山既,其實我好少去許留山!平時一收工就往rainbow方向行!
我又唔知佢0地係去許留山喎~咁行啦,入到去坐,其實我係肚餓0家!
最後我0地野都未叫就走左!去左腸粉仔食野~!
食完如常咁買士多啤利飲!都係因為放工慣左~!
返到屋企10點3左右!~睇金枝慾孽呢套真係好好睇!雖然我唔可以成日睇...
但係聽日結局啦>"<
今晚......落雨....................

>>October 2, 2004 at 1:53:15 AM GMT+8

2004 年 9 月 29 日 星期三 【晴】

連續第3日上唔到個日記度打日記啦!~唯有打住係WordPad度先!~
琴晚兩點幾就訓著左!~訓左差唔多9粒鐘先起身!之後又返工!
今日有制服鞋著!我簡左白色!~
返工冇耐就企前場頂亞him入band!冇啦啦有人係後面咮我!之後我冇理,then又督一督我肩頭!
原來係羅迪!~吹左兩句水佢就走左!佢落場!
成日都好靜場!都係因為單頭大先可以係夜晚埋到個金寶!
下晏有個外國人0黎話要退番錢!而且仲要係Visa!So攪左好陣子.....
今日見到bossini有個新同事!個女仔好細個0家個樣!好似亞炸咁細個!
但係我知對面果D冇廿歲都唔請咁!因為亞炸個樣咁細個都廿歲!
其他果D個個都廿幾歲!講起亞炸佢今日有返0黎bossini!見到佢隻手好瘦/_\
有佢咁瘦就好!佢等對面其中一位同事放工!
我成6點先食飯!~買左KFC食!次次買呢D野食都唔係咁好彩~因為次次都係企係新人果條隊!
今次都係!其實佢做野唔算慢!但係我返到倉先見到原來佢冇俾到匙我=.=...咁我點食飯?
好彩亞tal佢之前買飯食果時冇用到留起左!唔係就有飯冇得食啦!~
亞him佢7點先收工!佢仲要返學!佢返到學都8點幾!佢好似返學係返7點0家!
其實佢都唔知係咪返學0家!俾佢早D走又話冇所謂!~
又話要轉full!但係亞tal同Tammy覺得佢冇心做,So仲未肯俾佢轉full~
唉~~~不如俾我轉吧!但係我唔知點樣講!因為我想多D錢!而且過左target有得分ma!
家下就算有幫公司賣力都冇用!PT冇得分!SHIT!!!!!!
夜晚葉洋0黎左!仲食雪糕攪到前場有D朱古力一達達......吹左陣水佢就走左!
撩鼻屎今日成日都係Mickey!佢又借左過0黎返全日!
但係可能見過幾次關係,大家開始多野講左!~
佢好有錢.....唔係LV就係Gucci,唉~~~我都想買個!/_\
38果個亞John都有0黎!我同亞tal冇理到佢,亞tal埋倉車褲,
咁0岩果時又冇fans咁我咪係咁同Mickey傾計囉~
冇耐佢同我say bye就同佢個fds走人!~好似冷落左佢咁!但係佢真係幾煩下係ICQ度.....
10點7,8個字就出到門口!因為落雜前有個fans買野!亞tal落左雜之後又係度計target果D!
如果唔係我叫佢清左機先!佢都唔肯清!其實可以俾我同Mickey清,佢換衫ma!~
因為我同Mickey一早換好哂,只係等快D走!!!
返到屋企我又食野!呢期成日返到家就食野!忍唔到口呀真係=___="
聽日返早拍Tammy!都好既返早放早!原來聽日係國慶------紅日!
PS:呢兩日都係好熱=________=。。。

>>October 2, 2004 at 1:42:15 AM GMT+8

2004 年 9 月 28 日 星期二 【晴】

計計下原來琴日kind左成22個鐘先訓!~4點幾訓,今朝11點起身.....都OK夠訓掛?
食左D野就返工!返到去見到條數好差呀真係!!!冇耐言承旭0黎左!勁多fans!
Andy都唔知係咪專登咁早落0黎0家!
好快咁樣睇一睇我0地個場就落左去睇!仲入左後台=.=
原來佢係鍾意言承旭 0家!下晏好爆場!!!So今晚埋到個德福~都OK啦!~
唉.....算吧啦!過左target都冇用!PT冇得分/_\ 撩鼻屎中段有位馬鞍山同事0黎左!
又咪果個Mickey!~亞敏返成6點!亞敏都話覺得呢個同事幾串下!
亞仔今日有0黎吹下水!~佢搵佢家姐喎!~
3點幾到我食飯~!我食完飯冇耐比得cut鐘走人!
食完飯去happy時見到亞媽同第2果個行街~
都估到今日第2果個老闆會落0黎!真係!
但係佢目的都唔係睇我0地!係我0地度行左一個圈就走左~
連撩鼻屎個DM都落左0黎!但係冇過到撩鼻屎!
因為佢同佢個女0黎!目的都係睇言承旭!!!
6點幾7點亞tal都切!再過多冇耐連Maggie都切!亞him係9點鐘準時切!
夜晚都唔爆場!我8點開始做轉貨!
下下做轉貨都好忙咁!仲要冇哂D To From紙!攪到人手造!
攪掂好哂冇耐吸塵!好快準時咁樣10點落雜!
10點半可以走得人!~Tammy車褲,我同亞敏攪掂~
返到屋企都係10點9前0者!太好.....今日都OK累...好彩聽日返兩點0者=.="
今晚行返家都係覺得個月亮好圓好靚~點解8月15既月亮會特別光同圓?
今日其實都唔多野做!冇咩特別~係覺得今日熱左0者~點解過左中秋都咁熱?
唔係過左中秋就涼d既咩?
夜晚返到屋企妮send左琴晚去BBQ既相俾我!都係果十幾張0者~So我即時post左上相簿度!
諗番起琴晚都開心^-^

>>October 2, 2004 at 1:41:46 AM GMT+8

2004 年 9 月 27 日 星期一 【晴】

今朝知醒起身返學!但係等K巴等左好耐!去到MTR又因為有兩班車太多人關係又要等!
就係咁樣...差唔多成9點先返到學校!收哂D點名紙...即係缺席!唉~~~咁我返0黎仲咩?
今堂係書法堂!我只寫左兩張紙~!冇咩興趣!等左好耐先放學~
今日好少人返學.....5,6個掛?小葵,羅家良,亞玲都冇返~!放左學得我同亞倩去大家樂食野!
我食左好少!大約11點4,5個字就起程行去搭112落尖咀!約左TOTO係果個KCR等!
我0地去左尖東間newway度唱!去到成12點多0家啦!~1點3就話收我0地錢先!~
兩點3左右cut歌!唔係咁夠囉~之後我0地行左陣尖咀!終於俾我知1001係邊!
TOTO又約左佢朋友4點幾係MK等!咁唯一hea得既只有海港城!因為可以行耐D!~
最後去左玩具反斗城!家下D大富翁好多種類!好多唔同版本!
仲記得細個果時有3盒...家下得番1盒!
睇Barbie,好似以前D衫靚好多,種類多好多喎!~但係我果D冇哂啦/_\
都係大果個既好事!幫我拋哂~!冇哂以前細個既回憶......
今次冇買野呀我!冇錢ma!~走前經過sarah間舖同佢say個hi我就同TOTO分開行!
我搭271,佢搭MTR!仲借左500蚊俾佢!佢好似話換MP3果D...
好彩我係總站搭渣!唔係就冇位坐!係車度係咁訓!返到0黎彬打0黎問我幾時入去大尾督BBQ!
咁我首先返左家之後再出去明星果個巴士站等!見到肥布同我用同一個porter袋呀>0<
彬佢0地一早已經入左去壩爐~!兩點幾入左去啦!話3點幾已經冇哂爐!
75k果個站勁多人等車!!!架架bus都飛站!因為爆哂~!咁我0地咪打俾D貨車租架入去囉!~
點知好多人租車!!!最後我0地打的!係鄧培係大元度折車渣!唔係連的士都搭唔到!
等緊的士果時望下天上面既月亮!好靚~好似畫上去咁樣!黃色的!入去中途係工業果邊少少塞車!
用左成70蚊入去!5個人搭!我,May,達,肥布同鄧培!鄧培都係冇變過!仲係咁傻~咁鍾意講野!~
一入到去就見到一個90%似家家既女仔!係小瓊D fd 0黎!
19歲~塊面肥左少少,高度同身形!總之真係有90%似啦!!!真係人有相似呀~!
其後EVA,妮,yin,葉洋,亞琳,newman,肥鋒等等入埋0黎~!
亞琳好似肥左!當然啦~佢做星吧成日飲酒呀!~但係見番面,同佢好似冇以前咁多野講啦~
好耐都未咁kind過啦!~大概太耐未玩過!同佢0地果班玩又天真好多!好好笑!~
佢0地有D係度煲蠟!明明係度煲緊又話只係滴蠟!我係樹個架度點蠟燭佢0地又幫我吹熄哂~!
吹下水果時B明,彬同肥布都話覺得亞敏係姣0家喎!~彬佢見過兩次已經覺得亞敏係姣!
而B明同肥布以前做M記識識地亞敏,話亞敏對男仔係唔同D咁樣0家喎!
我唔清楚啦~因為我同亞敏都係單對單!而且.....我又未試過見到亞敏同其他男性一齊!
只知佢成日係前場同我0地果邊D男同事傾計0者~!
吹完水冇野做我,汁yin,EVA去左買雪糕!因為熱ma!~去到買野食果度見到亞琳!佢0岩0岩0黎!
食完之後影下相!EVA一條友走左!原本我0地打算一齊出返去!
但係佢好快手bye都冇一條友走左!我估佢發脾氣吧?
原本都打算差唔多走0家啦!~點知又同葉洋傾計傾左好耐!~
都係返工同返學既野!佢叫我放棄學業,儲左錢先再讀!家下根本讀唔到!
佢又知我返full-time時間!叫我轉full-time!起碼多千幾蚊!~轉full呢一點有得考慮下!
佢話家下係為左錢而唔係為左升喎!~其實葉洋有時講野都幾有說服力0家我覺得!
家下放棄學業.....好怕後悔!亞媽一定小死!!!!!仲係未考慮中...心大心細先麻煩!!!唉~~~
傾完冇耐我,yin,妮就走先!去左買野飲!我0地成班係最入果度ma!再行返出去!
咁途徑其他爐都有人係度講緊咩野Baleno 0家啦!~我望一望隔離見到亞琳同第2班人一齊!
再行前D冇耐就有人拍我肩頭!原來係味千既一位男仔!頭先係佢叫我.....我仲以為邊位人兄添~
今晚又識多個人!我唔知佢叫咩名0家!家下知啦~叫羅迪!佢知我叫亞luen就話:我叫亞直=.=
我話佢個名咁攪笑,佢又話自己個名型,係真名0黎!唔好用假名識人喎!~
我覺得呢個男仔做D行為同講野都幾得意0家!~
冇耐我0地3個再行返出去!去搭小巴!等緊果時肥章,鄧培佢0地成班出哂0黎!
佢0地都走啦喎!~話出去食糖水!我,yin,妮,may,達都冇去!我同yin第2日又要返工!廢事太夜返家!
又係成班人包哂成架小巴!全部都係自己人!東成晚都係度等我爆粗=.=
係車度勁引我爆粗!我當然忍住啦!~我要改0家ma>"<
返到屋企兩點半前啦~即沖涼!~第2日返工一定累爆!!!!!
今晚食左好少野渣!~玩多過野!But咁難得同班朋友玩~當然玩多啦!~
今日好充實,同好開心呀^-^ 好耐未試過咁開心~!而且今晚見到好多好耐冇見既朋友~
雖然都係小女仔!但係男仔基本上已經齊哂,差精蟲一個...而朱仔係就係0黎左!但係成程傾電話!
佢上網識果班AK 又係度BBQ!佢出左去同AK果班BBQ!離左我0地.....真係掃興!
PS:祝大家中秋節快樂~~~

>>October 2, 2004 at 1:38:08 AM GMT+8