2004 年 9 月 16 日 星期四 【晴】

琴晚好夜訓呀~3點幾左右!今朝10點幾起身!遲左少少出門口!好彩0岩0岩搭9返到去37!
37勁少人返工囉~全部計埋得果4個人頭!完全唔夠人!
今日D短褲仲要39蚊!勁平~勁爆場!一返到去就要即幫手!
原來佢0地仲未轉季!攪到我拎果套制服冇用!拎左busy果套著~
fitting仲要爆哂冇得換!亞him都借埋過0黎!同我一樣返1點!攪到我同佢一齊係倉度換衫=.="
我都係第1次咁樣!但係冇辦法!而且果個倉係L字形!所以大家唔會望到大家!
一落場冇耐又要我過去63幫手!亞儀一條友係果邊!要我幫手睇舖!
佢要拾位!因為轉哂D短褲過37!63唔好買!果度勁少人行!
晏多少少亞東先返0黎!佢都早左返0家啦~因為佢係返B half!
下晏勁爆囉頭檔!我即頭係俾D fans包圍住!我本身又矮喎~
要吉高先得望到Cathy佢0地叫我=.=" 佢0地仲問我駛唔駛要梯!
冇耐我企係中場!full-time果個亞業企前場!佢仲同我講自己成身賓味!
係D賓妹勁hi佢,問佢有冇D咩野size果渣!哈~笑爆我!
下晏我都有打機!冇< short >錢!
5點幾6點先食飯!同亞東一齊食!食飯當中成程佢都係度講緊公事=.="
我真係唔多想聽!但係同佢又冇咩話題喎~佢成日都話點樣點樣做好果D...
呢餐飯真係食左成粒鐘!我想有少少時間休息囉~
咪話俾錢果D!佢都唔多聽我講咁=.="""
到我食完飯果時已經唔爆場啦!因為已經夜晚,開始靜場!
由果時開始我就企前場企到收工!~
夜晚得番我,sandy,cathy3條友!收舖收得好快~幫手燙埋D褲就走得!
收10點半!係50舖好耐未試過收10點半!收工即打返50!睇佢0地走左未~
因為我想放番好D制服!廢事拎0黎拎去!佢0地仲未走咪話食埋宵夜果渣!
比得走左先!得番我,亞敏同亞tal3條友去左老地方食!
講左幾多野下!我同亞tal都覺得37好唔掂!佢0地唔理野咁樣!
我今日過到去中場同事係靜場時間都唔跟下D掛裝或者摺番好D衫!
D衫好亂都唔多理咁!咁果度D野我冇咁熟0家ma!
Fans問到D野我都唔知放係邊度!問佢0地!佢地居然可以答我:唔知呀!
樣樣野都係咁!一係就答我:好似係邊度邊度!咁樣!
咁我就問佢0地:你0地係咪呢間舖度做0家?
講真,真係唔怪得我講呢句野囉~我問佢0地既野又咩野都唔知,一係就話好似係邊度邊度!
咁佢0地係呢間舖做,D野一定好熟0家啦~
問佢0地野都懶懶理咁樣!想點樣?新果D body50係冇0家ma!
咁我唔識拆!因為個fans連body果條褲都要!問佢0地.佢0地話唔識!有冇攪錯?
0岩0岩果時Cathy去完happy返0黎!咁咪Cathy拆囉~
但係Cathy成日都冇幫過fans!!!佢係cashier企左成日!係度補貨~
我唔知佢仲咩野囉~就算做cashier收完錢都要出返0黎幫手啦!
更何況佢係in-charge???我覺得成日既生意根本就係我0地D細既做出0黎!
Sandy做cashier收完錢又唔出0黎幫手!仲企住cashier質邊同Cathy傾計!咩事???
夜晚收舖之前Sandy話開始摺場!佢摺YOBO,我摺大B!
YOBO根本冇野摺!佢根本唔駛做!咁即係全場我摺哂~
同以前37比.......真係勁大分別!唔知咩事???
雖然我做野唔係好!但係...我真係覺得佢0地間舖唔多唔少有D問題!
亞tal都覺得!因為亞tal借過去兩日!都睇得出有咩問題~
我0地係度傾呢D都傾左一段時間~!37雖然算係大舖!但係長此落去都學唔到D咩野...
原來今日Cathy打過0黎50話亞him唔做得野果渣=.="
其實今日我同亞東食飯亞東都問我覺得亞him點樣!佢都話亞him唔做得野!又呆喎=.="""
食完12點多少少就返家到!川都係買杯士多啤梨飲!到屋企樓下又同亞敏傾左陣計先返上去!
聽日又返B...好似第3個星期返B了!希望下星期返A啦~又係拍住Tammy...
PS:琴日睇亞tal日記講起我,Maggie,同佢3個一齊返家時講既野!~
就係講到冬天有拖拍有得攬住會好溫暖!~其實...好多冇拖拍既女仔都係咁諗0家啦~
有拖拍攬住溫暖既感覺係唔同.....大概今年仍然係獨行俠吧?
又記番上次同葉洋傾ICQ問我怕唔怕一世都冇拖拍...
我怕0家!真係好怕....../_\ 講起都想喊=.=" 因為我覺得唔會有人鍾意我呢D咁既女仔囉!~

>>September 18, 2004 at 4:01:35 AM GMT+8

2004 年 9 月 15 日 星期三 【晴】

睇羅家良日記先記得琴日灣仔果個商場叫298!入面好多關於電腦既野買!
琴日好累呀=.=" 返學之後一路都冇停過咁樣行街!好似仲累過返工咁!
腳都痛埋=.=""" 攪到夜晚訓覺好難先睡得著!
今朝冇起到身返學!~因為冇較到鬧鐘!事實我琴晚已經決定左今朝唔返!~
我冇做功課呀=.=""" 返去.....都唔知可以交到咩野!等同於冇返學一樣囉~
呢堂要我0地設計tee ma!~!!
今日返1點!一返到去就見到Andy!原來佢朝早已經0黎左!我一返去冇耐佢就走lu!~
兩點幾多食雪糕!Andy話而家開始食雪糕要有同事陪喎~
So我陪亞him到銀行門口就走人!~佢條友仔一到天橋就即食煙!
其實我都估到0家啦!~佢成日咁大煙味呀!
Tammy食飯果時係最free既時候~我同亞him係度勁傾計!當然我0地都有跟fans!
但係亞him講埋D野好爆笑~我0地兩條友咪係貨場係度爆笑囉!~
下晏到夜晚都同Tammy孖機!~冇野做係咁排size!成渣女裝俾我排哂~
又換body!亞him好準時收工呀今日!
TOTO同佢亞麻仲有姑姐定係咩野0黎買衫!~仲有借張K-2 VIP card俾佢!
果張卡明明係寫住有8折!點知原來得9折渣.\ /.
9點9左右就開始拾位!差唔多全部都係我拾囉=.="
Tammy係度同亞tal夾野!全部野係11點已經攪掂哂~拾緊位果時東華經過!
唔知點解覺得佢個樣好攪笑~眼蒙蒙咁樣!個頭又爆喎!~仲要同我揮手=.="""
Tammy話我拾位拾得快左!~其實差唔多0者...
只係佢係咁傾電話傾得耐先覺得我拾得快0者=.=
但係話個雪櫃少左一百蚊喎~攪到要同佢一齊數!點知拎開D野原來包銀係下面!
即係冇少到錢!就係咁...攪到11點5先走得人!當我11點半走!~
要拎埋D制服走人!~聽日借去37!聽講佢0地果度家下勁多新人!
所以我去到可能要打機!!!如果多新人咁做野一定好慢啦~
希望收夜果時可以快D啦!~

>>September 16, 2004 at 3:58:38 PM GMT+8

2004 年 9 月 14 日 星期二 【晴】

今朝唔係咁想起身!但係最後都決定左返學!仲有時間上網!
朱仔add我!之後打左俾我!RB係佢家!仲話我生仔冇屎忽!
都唔知得閒佢咩野!一傾就講呢句野!
我覺得佢有時講野應該要經下大腦先囉!~
我唔係最遲返到去果個!都算OK早返到去!
上攝影堂!我覺得講都幾難下呢堂!唔係太明=.="""
好快又落堂!亞星仲係度曬相!但係我,亞倩同羅家良落左school樓下食野!~
今日冇咩人返學!好少女仔返!食早餐時冇咩謂口,食左好少野!
食完我0地行去CWB方向,去左果個唔知咩野商場!唔記得咩number啦~
去睇desgin書!簡體字0家,so好平!買左兩本!都係四十幾蚊!~
係果度都留左成9個字,then去時代個攝影展睇下!~
睇完之去左page one再睇desgin書!亞倩買左兩本!因為佢買完之返屯門!
D書好重好厚,而我又要行街,冇買到!果度d書on-sales緊!
但係都要百幾蚊本!做到月尾~買完之後亞倩走人返工!得番我同羅家良,
我同佢去左<<住好D>>度行下!果度好香0家!~d desgin唔錯!~
買左兩張post card!行完佢就返工,而我就落尖咀約左表姐行街~
去海港城行!係K-2買左件衫!~係OZOC同埋唔知邊間睇中左件恤衫!
但係美中不足,最終冇買到!有件4百幾蚊~其實係一件淨色好簡單既恤衫0黎0家渣~
我覺得唔太值,其實4百幾蚊果件比較鍾意D 0家!但係...因為價錢問題冇買到!~
因為我只係買0黎襯衫~想冬天得閒著punk D ma!~
行IT,見到個男sales好型!完全係lum死女果隻!
佢係留羊咩鬚0家!!!原本係Quiksilver買帽,但係睇唔中,冇買到!
行完再行LCX,以前既X-games已經冇左,變左super lovers!
我好耐都冇行呢度0家啦!~LCX好多日本牌子買!
patrick,porter都有!porter個男sales都唔差喎!~果間porter唔多款!~
係LCX度睇中左條裙,好可惜得番L size!冇得買!
行完就落去1樓搵sales!佢係唔知邊間度做!我唔記得點樣串啦個英文!
佢女人左,同瘦左,好似唔同左樣咁=.="""
搵完佢吹左兩句水我0地就去左新港中心間元綠食野!
食完係新港中心度行!新港中心樓下都有porter買!
我鍾意果隻款冇大D 既size!大D既size係另一D款!好核突=.="
最終就買左原本果隻size!8折!5百蚊都唔駛!估唔到咁平就買到!
以前仲以為porter係好貴添~買完之後就搭車返大埔!
果時都差唔多7點!返到0黎7點8左右!去左撩鼻屎買衫!
亞敏有匯豐果隻優惠卷!正價一樣單過半價!亞敏話果張野冇用俾左我!
我係果度買左6件衫都係3百幾蚊!勁平囉!!!~但係有兩件係襯衫既背心0黎!
買完就返家lu!~返到家9點左右吧?勁重囉D野!~今日都駛左唔少錢!
但係今個月得呢一日行街0家渣!下星期又盤點!
再之後果個星期又糧尾一定唔行街啦~
聽晚要拾位!SHIT!!!!一定好遲收工!星期5要借去37,唔知又駛唔駛企前場!
好頭暈0家係果度企前場=.="
PS:今日好充實!去左好多地方~見識左好多野呀~!又可以俾我睇到咁多關係desgin既野...

>>September 15, 2004 at 3:43:55 PM GMT+8

2004 年 9 月 13 日 星期一 【晴】

呢個星期雖然有兩日假放,但係已經疲勞不堪!
因為返果5日都係返成8粒鐘一日!原本今個星期返既時間係好少,
頂多三十幾個鐘!但係家下連埋OT都四十幾了=.="
下星期仲要盤點!o.........呢兩日放假又要返學!好累/_\
今朝亞媽冇叫到我起身!太好了~因為佢叫我起身都幾煩下=.=""" 雖然佢係為我好.....
起身後準備得好快~仲有時間上下網睇下野!~差唔多7點半多D出門口!~其實仲可以早D出門口!
琴晚同家姐傾計傾到成3點先訓.....話題係講起以前細個既生活~
家下諗番以前細個好幸福!因為家庭狀況唔錯!~好多玩具!
但係家下D玩具唔知去哂邊!~我以前有成7個定係8個Barbie~
用左個箱裝住!但係因為大左冇玩好耐~又唔知邊一日大果個將個箱入面D Barbie拋哂~
將自己D薄,相等等既野放左係入面!當我發現時已經拋左好幾日!
果D Barbie咁耐歷史,其實真係幾有價值0家>"< 而且我好鍾意果D Barbie!唔係我都唔會買咁多!
以前細個D玩具,lego又拋哂~俾亞媽拋哂~諗起都傷心/_\
今朝可能早左兩,3個字出門,So行返學校都唔趕!~
係school 1樓仲見到Tommy=.=" 我連續兩堂冇上佢堂啦!~
今堂係書法!我未上過~佢0地話好悶!原來真係!係咁寫書法!
我寫得勁核突囉~因為由小學唔知幾多年級到家下都未寫過!~
上堂我0地成班係度睇下雜誌同睇報紙!佢0地唔知點解好鍾意買報紙睇...
亞星講起lolita~上期便利有影!~我未試過有朋友講!今次一講都幾興奮^-^
其實我真係好鍾意lolita>"< 好靚呀D衫真係!~
放左學之後都係去食野!~食完隔幾個字我想嘔咁=______= 其實朝早起身果時我已經想嘔咁0家啦!~
但係到搭車時又冇咩野!搭車返0黎果時坐後我兩行有個男仔幾得^-^
原本亞敏係約左我今日去行CWB!點知佢琴晚成3點send sms俾我話可能唔出去...
咁即係唔出啦!~算吧!攪到我覺得今日浪費左一日假期咁!我真係好耐冇行過CWB啦~
雖然返學行去CWB係好近!但係平時放左學又返工!根本都唔會行!~
而且今日出去最終目的係睇porter袋~因為我想買返個!但係唔係呢個月買~今日只係睇下!
唉=.=".....又被甩底了!返到0黎大埔咪返番公司拎番張K-2 VIP卡!因為琴晚放左係公司!
聽日多數同表姐行街!佢琴晚約左我話佢星期3放假!要買袋去飲果渣!~
咁我話行尖咀!多數都會行K-2果D 0家啦!~希望唔好又俾甩啦=.="""
亞倩今日放學同佢行去搭車時佢又話聽日去行下CWB!唔知係咪呢?
但係都唔會行得耐!因為佢下晏要返工!其實目的都係陪佢買冷~買冷...都係織頸巾0家啦!~
今年...我都係頸俾自己0家啦!~
拎完張卡返到屋企都係點幾~!上下網,呆下!屋企又冇人!好眼訓=_____________=。。。
冇耐兩點左右就訓著左!當起身果時已經四點幾!~
第2果個7點幾返0黎!佢今出左去見工~之後又行旺角!佢返到0黎煮飯,我收衫~
So今晚有飯食^-^ 其實我覺得自己好唔掂0家!因為我唔識煮=.="""
今晚同一個女仔chat~佢今日去左見izzue,仲話係用英文in.....
成份form都係英文!全程in都係講英文!但係家下大量請人!
今日小葵講IT請人唔駛經驗~亞倩個fd都係冇經驗入到去做~
但係果條仔係靚仔=.=".....即係總之靚同型就好易入到去做!
唉~~~咁就PK啦!~但係我真係好想入做呀>0<"""一入去做有8千蚊一個月!
好可惜家下讀書唔可以做full呀我!PT都有四十蚊個鐘>0<"""
我覺得in果時一定死囉~英文.....我屎爆!識識地聽!唔識講!shit!!!!!!!
用中文in我都話會好D呀!~英文實死啦!>"< 唉.........

>>September 14, 2004 at 11:47:42 AM GMT+8

2004 年 9 月 12 日 星期日 【晴】

今朝冇起身返學!次次星期一都冇返學!=.="
今日又好似熱番咁!天氣涼涼地感覺會舒服好多~!
兩點鐘返工!返工前見到肥鋒見布!
返到公司之後亞him食雪糕~我同Tammy孖機~!
下晏亞tal,carman同亞佩都0黎左!佢0地係撩鼻屎度睇衫~!
5點幾6點先食飯~但係食唔飽咁=.=".....
成日都好靜場!係度摺衫!冇野好做!亞him唔識摺,教左佢好幾次!
其實最基本都要識摺.....
佢都收9點半!遲左好多收工!Tammy成日都遲放人!
亞him佢條友仔傻下傻下咁!但係好攪笑~因為佢講D野白白痴痴咁樣!~幾好玩!
我知今晚冇咩轉貨!於是一早做哂退倉,轉貨,同次貨果渣~
但係今晚居然係我清機>"< 我第1次清咩野都唔識~!
平時都係睇開佢0地清!平時都唔駛我做!我都係大約咁樣清0家渣!~
唔明咪問囉=.=""" 攪到11點先返到家!如果佢0地清我相信好快就走得!
我覺得自己好冇用!我已經做左呢份工差唔多9個幾十個月啦!~
家下先第1次清機...仲要係唔識咁樣既情況下去清!撞撞下咁樣!唉.....
睇0黎下次一有機會我希望可以試多幾囉~
聽日返學,下晏會同亞敏行街!又會咁0岩同佢撞0岩同一日放假!
佢之前都話同我去行街0家啦~但係唔知佢會唔會玩野=.="
因為佢要成10點起身!同平時返工差唔多.....
但係聽日一定唔夠訓....因為又係6點幾起身!
返到屋企煮麵食,唔知點解今晚覺得特別餓咁=.="""
唉....真PK!!!晚晚咁食唔係辦法~

>>September 13, 2004 at 4:25:49 PM GMT+8

2004 年 9 月 11 日 星期六 【陰】

琴晚成3點先訓,訓到12點起身~兩點幾又起程返工!
返工冇耐亞E同亞媽又0黎左~!
返7粒鐘都有飯間...So覺得唔太辛苦!
下晏好爆場!仲要我做cashier~!差D < short >錢!
有班fans煩到系咁樣!!!又要我收錢!個男人又想要個袋!俾左兩個佢睇,
最終又唔要!攪到我入左3次機!!!果時仲拉緊籠!真係屌佢老味!
但係我既情緒好快平伏!因為唔可以將呢個情緒帶比第2位fans ma~
之後又有個唔差既男仔要我幫佢度改褲^^ 嘿嘿.....
黑黑地咁樣,ok大隻~但係唔高=.=" But條仔真係GOOD呀^-^
下晏亞恆0黎左!好耐冇見~冇啦啦有條友叫我亞luen~!
佢行左入0黎!果時我做緊cashier~!今日放假呀佢!
真有錢啦佢=.=" 睇佢成身牌子..........係度留左唔係好耐就走左lu~
我7點鐘先食飯~!買左比得食!(比得即係腸粉,哈~!)
因為佢0地下晏食飯時比得買左唔知豬扒咩野!之後佢話佢食緊Maggie!
而Maggie又買左吉野家食!佢成日都買吉野家食!
咁我0地就話Maggie鍾意俾人< 吉 >!哈哈哈~~~
比得車埋條褲遲左半粒鐘走人!亞him佢仲遲!9點半先走人!
因為今日亞tal借左去37!So我0地呢度好唔夠人!
小琳9點幾0黎左同埋一個男仔,我問係咪佢男朋友~佢話唔係!
佢仲問我果個男仔靚唔靚仔=.="
我覺得好唔得囉~~~之後小琳又整果個男仔塊面又拉住佢隻手!
成日都見到小琳單對單同一個男仔一齊...=.="""
我0地10點半先落雜!0岩0岩好將軍奧~!落雜之後就拾番好D位!
今朝冇啦啦D運動套裝79蚊件!因為佐記唔知攪咩野6折!勁爆場!~
我0地運動套裝79蚊只做一日!So收舖要拾番好D位~!搬番D麻綿係門口!
拾位時勁快!想快D走!Tammy以為我唔開心!我話我只係專心做野先咁!
因為我冇出聲ma做緊果時~亞敏幫手清機寫出貨表果渣~
我又要跟呢樣果樣!終於11點可以走人!都算快手啦~好彩琴晚轉左貨渣~
亦都好彩係落雜之前我已經吸哂塵!~
亞敏比我早走兩個字左右!~佢條友聽日生日!
收工時仲要拎走埋果盒月餅...今日send左過0黎!好大盒=.=" 好彩收夜0者!~
11點3左右就返家到!下星期改左間...放得兩日假!
返咁多日工都要拍住Tammy=.=""" 仲要拍佢收夜...我已經第3個星期返夜了!
星期5借去馬鞍山!Tammy都幾自私!亞him冇一日拍住佢收工返工!
亞him仲係新人!咩野都唔識~!so...Tammy都幾自私0家真係=.=...
星期5過去37真好^-^ 果邊free d!~但係返B間要收夜...唔知準唔準時收工~!?

>>September 12, 2004 at 4:56:09 PM GMT+8

2004 年 9 月 10 日 星期五 【陰】

今日係911事件~
今朝訓到差唔多12點起身~幾夠訓^-^ 食左個包冇耐就返工!
Tammy呢兩日都想同我0地打好關係咁!撩我0地講野呀~好似有D唔同左!
佢3點幾就走左!返A half!但係我聽日就要對住佢成日=.=" 收夜.....
亞him今日冇飯間!個場太靜!我食埋飯佢抹埋塵板就走得!
佢抹塵板好唔掂=.=" 佢返工都成個星期啦~< 節 >衫都仲未識得點樣< 節 >
今日都OK free啦~唔係太多野做!夜晚轉左兩箱貨!因為聽晚點都要轉!
咁靜場唔轉唔通等聽日咩~今日唔知聽日事ma!~而且聽晚係我收夜...
呢D野都係我做!我唔想又多野做!冇野做就換body同埋換掛裝~
李至賤下晏有打0黎!仲叫我唔好成日叫佢全名喎=.="""
38果個亞john今日都有0黎!冇啦啦仲話一齊食飯!
佢同亞tal講!但係話叫埋我!我同亞tal同佢其實都唔熟!
我識左佢兩日!亞敏夜晚又叫我收工一齊食野!佢有野傾~
返工太累唔多開心,佢想唔做!原本佢想等埋份雙糧先唔做!
或者佢都係一時咁諗0者~希望佢捱埋份雙糧先走啦!~
夜晚好準時落雜!我做轉貨,亞tal就拾位,亞敏清機!因為吉左兩板!
攪掂埋吸完塵就走人!今次真係算快啦~11點就走得出個門口~
換完衫亞樂打俾亞tal,但亞tal換緊衫!咪我聽囉~
亞樂又係咁講亞業果渣!亞業係柴灣返學!同我好同路!又話約埋一齊返學果渣!
因為我成日都話掛住亞業!講到鍾意佢咁!
其實我都係講下笑0者=.=""" 咁易鍾意一個人..咪玩啦~
收工...亞tal約左亞樂!佢幫亞樂買手提拎番俾佢!我同亞敏去老地方食野!
見到彬,誠同RB~都估到佢0地係度!但係冇同佢0地一齊坐!
因為同亞敏傾下D唔開心野ma!~佢又講下佢!我又講下我咁!
食完之後我0地又如常買左杯士多啤利一邊行一邊傾!
行到我屋企樓下都唔想走!~係我屋企車雜果度企左係度傾左好幾個字!
之前就傾公事!之後就傾愛情呢家野啦~
我0地傾傾下仲見到馬路對面有對情侶落左的士,條女係度捉住條仔!
條仔發哂脾氣好似想打佢咁!又係咁整甩條女隻手!
但係我0地望番前面又見到一對好熱戀既情侶!
攬埋一舊分開走人之後雙方都係咁回頭望下對方,好唔捨得咁!
我同亞敏都覺得勁大對比囉=.="""
傾完我同亞敏就返家啦~返到屋企都係打日記果渣!~
聽日返3點,但係收夜!下星期返好少鐘渣!~而且仲有3日假咁多^-^
13號亞敏生日,14號亞文生日!亞敏星期一放假!我星期一都放假!
咁我就要係星期一買份禮物,星期二先可以送俾佢!
亞文生日話星期二去BBQ!但係我第2日仲要返學!so................真係唔好意思!~
聽日訓到12點起身都未遲^-^

>>September 11, 2004 at 4:59:55 PM GMT+8

2004 年 9 月 9 日 星期四 【陰】

忘記了9月1號已經過去十天了!
讀desgin...原來今年.....已經係years2
畢業作品......我有資格做嗎???出席率太低.....
desgin...我比不上其他人!
但我怕做錯決定會後悔!
唔夠膽放棄其中一樣!
最終.........兩樣都做得不好...悲=________="
什麼辦???

>>September 10, 2004 at 4:47:16 PM GMT+8

2004 年 9 月 9 日 星期四 【陰】

因為都有一排冇玩電腦玩得夜!於是琴晚玩到兩點先訓~~
今朝累爆!自己羅0黎‧___‧" 亞敏今朝10點打俾我!我冇聽~佢打左3次咁多=.="
我真係好眼訓...唔想聽電話!返工返學好累~
兩點又返工!返到去問Maggie亞敏有冇打俾佢!原來佢都有!亞敏今朝7點就起身!
之後就係咁打俾朋友嘈醒佢0地=.=" 亞敏仲同Maggie講嘈唔醒我!
首先去入band~成個星期唔駛我入!因為有亞him係度!但係佢今日冇返!於是搵左我去~
今日成日都好累!好似有D頭暈暈咁!下晏TOTO 0黎左!
之前同佢一齊搵果支lip gloss搵唔到!琴日佢行下街俾佢發現到!幫我買左!
佢今日拎俾我!真係THX哂呀>0<"
亞敏應該返3點半掛~佢今日化左個好農既妝返0黎=.="""...紮起左個頭!
都估到係moko幫佢化!攪到...好似...那個......=.=""" moko係做酒吧既~
拍住Tammy真係多野做D!又叫我整番好D涼鞋!又要< feel >貨!又要拾番好貨入面D短褲!
因為之前特價場關係好多涼鞋拆左出0黎!D size亂哂~成箱囉=.="
係貨場企左半粒鐘左右又叫我入倉整番好果幾箱短褲!我0地個倉好亂...
攪掂好就收得工!見個倉咁多垃圾咪掃埋先走人!家下好番D~
真係好難得可以準時收工!拍住Tammy真係好少可返中段係可以準時收工!今日居然可以!
Tammy係我收工之後話要改少少間!我問佢返3-10係咪冇飯間!
之後佢又話我冇飯食好辛苦!而且亞him唔做得野!~咁我就同Tammy講不如俾我返早1粒鐘!
即係返兩點收10點!咁我就算扣埋飯間都係返7粒鐘0者!
如果我返3-10,扣埋飯間返得6粒鐘!我知我踩得辛苦呀~~但係家下我為左儲錢!
搵多少少.....而且打算做埋呢個冬天就唔做!之後就專心返學至到畢業!
換好衫之後一落去就見到亞仔係撩鼻屎度睇緊衫!
陪佢去完happy之後去買雪糕食!因為都有一排冇食過~
之後我0地去左大廣行左陣!我冇點睇過衫!唔多想睇.....
8點半就返到家!屋企冇人=.=" 今晚.....唔知食咩野好~!
今晚俾亞媽嘈!佢係度嘈我D皮膚差果渣!又話我D胭脂勁果D!
屌~我想既咩!鬼叫我賤呀個樣!我有時都唔係整胭脂0家!但係好少可囉~
一賤就會化得咁多胭脂0家啦!~唉~~~睇0黎要買番D護膚品果渣啦!~
今日我< feel >貨時比得都係倉!佢問我返37係咪好開心!我話係~
D感覺唔同!果度感覺開心D!呢邊唔係咁開心!原來比得都同一樣諗法!
一係就唔做一係就調舖!唔做又冇錢!
但係佢調唔到舖!之前同Andy講左!Andy話如果比得調既話其他人又要調果渣!~
我知我係PT話調係好易既事!但係我覺得如果我真係調舖既話我好快就會唔做!
去37...車錢都哂埋!平時星期5-日唔駛用車錢就可以返工!
如果調去37就要哂搭車錢返工了!我真係PT仔!冇錢=.=.....
想調都唔得!算吧~~~唉~~~.........

>>September 10, 2004 at 2:50:55 PM GMT+8

2004 年 9 月 8 日 星期三 【雨】

琴晚居然11點前就訓著左!原本打算9點幾訓0家!但係掛住睇TV!
果時我已經超級爆眼訓!因為琴日訓左4粒鐘就返學...好眼訓!
格硬睇埋套TV就訓!今朝有起身返學!6點半左右起身啦!~好似有少少昏迷咁!冇醒過~
今朝都唔多想起身...但係我知唔可以成日唔起身返學!亞媽又係我未響鬧鐘時叫我!
我又應佢:鬧鐘未響就唔好叫我起身!當然把握時間訓啦都係!
搭地鐵時發生左少少事!唔係發生係我身上,而係人0地!
有個廿幾歲既女仔話個亞伯搭地鐵係咁撞佢!佢就嘈亞伯!
又話如果再撞就告佢非禮!事實當時果個亞伯個老婆係度!
其實搭地鐵一定會撞到其他人0家喎~係咪真係非禮自己知0家ma!~
成車人都望下唔望下咁!因為個個都未訓醒咁...
今日比琴日早左兩個字左右返到學校!8點10左右掛?
返到去係勁少人囉~今堂真係冇咩人返學!上Alxe堂!上星期4已經係第1堂!但係我冇返~
設計一件Tee...設計logo!~下堂交5個layout!件tee既layout同埋logo既layout!
原來我0地最後果段返學時間係唔駛交學費!等作品集!但係作品集要用最少3千幾蚊!
唉~~~我除非返多D學!唔係我連畢業作品集都冇得做!我唔想囉>"<
聽講冇得做畢業作品集就要重讀0家啦~上堂我0地係度傾緊樣做件tee!主題係生果!
我簡左椰子!因為每個人都要用唔同既生果做主題!早左一個字左右落堂!之後得我同小葵去食野!
去左大家樂~坐低冇耐flora一個人0黎食野...亞倩冇返!病左!係我搭返大埔時佢打俾我話佢病左~
亞玲又同佢個新歡男友一齊!o~~終於見到!但係我見到質面同背影~係一個麻甩佬囉~
我同小葵傾左好多野!我0地自己既都有傾!小葵話我家下比之前早左返學!返多左時間!
當然啦~家下遲過9點就當缺席!我唔想返到學校遲到又當缺席!So我家下早朝返學係行得幾快~!
遲下好似話遲過8點9之後就當缺席!咁遲下我又要早3,4個字出門口了!即係最遲6點3左右起身~
家下我已經俾之前早左9個字出門口!好有進步0家啦已經!吹完水之後11點3左右就搭車返0黎~
返到屋企都係12點半!因為等271果時唔駛點樣等!係車上如常訓著~累......
搭車時好凍...今日成日都涼涼地!係school又凍,食野又凍,搭車又凍!
總之係冷氣底就凍啦~今日好似25度!~睇0黎過多唔係好耐又到冬天!
係屋企hea下,玩左陣電腦之後又返工!返兩點!今日係拍亞tal~都好D...
返到去冇耐亞him就去食雪糕,佢冇飯間!佢返到0黎就頂Maggie食飯先~
最後食飯係我!食完飯亞him就走得啦~同佢傾計,佢都幾靚野喎~
但係覺得佢古古惑惑咁!又有D怕羞咁樣!但係佢條友係貨場講粗口=.="
果時冇fans係度...但係亞tal同Tammy都覺得佢唔做得野!
亞ca,亞仔今日都有0黎~亞ca同佢亞妹0黎!兩條友係度攪事.....
亞仔都係入0黎吹下水咁樣~亞仔家下好似成熟過亞ca講野方面~
今日有兩位第2間舖既同事0黎!~一位係38既亞John~
第1次見佢!但係同佢好多野講~佢幾nice~!我同佢講我叫Betty~
跟住佢信以為!我同亞tal都係度笑!哈哈~~~因為我話:你好呀~我叫Betty呀!
嘿嘿嘿~~~冇耐22舖果個shop in-charge亞婷0黎左!
佢條仆街0黎過好多次,但係我冇一次同佢講過野~佢條友仔真係好撚串!
好自以為事囉我覺得!次次入0黎就係咁睇我0地D位!完全係同DM既角度咁樣去睇囉~
又話我0地D衫過多,又話呢樣果樣!鬼你撚事咩~!你以為自己係DM呀???
原來佢係亞tal以前既中學同學!亞tal話亞婷中學果時勁肥~而且上堂又坐係特別位!
即係壤果D囉~我覺得佢家下都好肥囉~我完全冇打算同佢講野!因為佢真係好串咀!自以為事!!!
今日真係爆靜場!因為G2000做緊特價!D野爆平!!!人山人海~琴日已經係做緊特價0家啦~
平時落雨我0地都靜場0家啦!~而且家下又轉左季就更加靜場!
家下再加上G2000咁樣...攪到我0地夜晚完全係度等收工咁!今晚埋旺角‧_____‧"
收工之後我,亞tal,Maggie3條友行去富善果邊~我當然係返家啦!佢0地去搭K巴!
我0地講起天氣涼左!又話好快冬天!Maggie就話唔鍾意冬天!
因為冇拖拍!都係慘果D啦~我同亞tal都認同呀~但係冇拖拍都冇辦法0家!
如果我計埋今年都有兩年冬天冇拖拍lu!~我諗都係過埋呢個冬天先唔返呢份工!
因為冬天太得閒又冇拖拍,咁多節日,見到咁多情侶,我會覺得.....唉~~~
咁不如忙下,返工,返學仲好啦~!11點左右就返到家!都好快下!
我同亞tal收工之後仲係撩鼻屎睇衫!買左把遮!因為幫Maggie博數!
把遮係今日新返!我0地都鍾意!其實一見到都打算買0家啦~
So收工時係拎住兩把遮返家囉~!返到屋企都係打日記,上網...
得閒要上網搵下關於椰子既資料先得啦~因為要搵多D椰子既資料先可以設計到...
Alex話如果呢樣功課唔做到時做畢業作品集會好辛苦!我唔知自己有冇機會可以做到作品集!
但係家下努力左先都好過到時後悔呀~!
PS:原來我真係放棄唔到學業!我知我放棄左學業必定後悔!因為我鍾意設計...

>>September 9, 2004 at 4:05:22 PM GMT+8