2004 年 12 月 9 日 星期四 【晴】

2004 年 12 月 8 日 星期三 【晴】

今朝冇返學呀~因為同亞tal去行街,唔想返屋企之後又出去,
而且佢返A half預左佢唔好準時收工,唔想一條友hea咁耐,
自己hea成4粒鐘都累啦~仲咁得閒同佢行街咩~
跟住兩點幾佢打俾我,係大學站等,等左佢兩個字先到!
之後首先行花園街,好耐冇行.....相信亞tal成日行,佢好熟路,我唔熟0家=___="
咁好快行完去朗豪坊,原來亞tal行街係可以行好耐!
我意思即係佢可以好仔細咁樣行街=.=" 我一向都唔會咁,
或者我冇咩耐性掛?行朗豪坊!去左撩鼻屎,仲見到一個見過幾次面既舊同事!
原來BOBO而家調左去果度做shop in-charge!但係今日佢冇返!放大假好似.....
亞tal係撩鼻屎買左件,買完我0地經過S&K!
哈~果度果兩條仔都幾得0家喎~!由其亂頭髮果個^-^
另一個原來得16歲=____=" 真係唔似囉~!個樣似同我一樣年紀!
之前係baleno度做都想轉S&K,但係S&K收full唔會收part~!
如果遲下我想入返去做一定簡S&K做呀!!!!!
行完地庫之後行西武,亞tal買左9百幾蚊護膚既野~!楊千嬅賣廣告果隻!
其實我都想買0家,果隻精華同潤膚好正!!!
但係我冇買到...因為我而家唔可以亂哂錢!
買完搭左一條去到5層既電梯,好長呀>0<""" 我係畏高!so都幾驚~!
跟住去左無印良品買左D零食!買完再四圍行,果度好多品牌,
super lovers,beams boy,hysteric果D都有!最頂果層個天花仲有D白雲,好靚>0<
總結朗豪坊ok多品牌,但係隻感覺同時代,海港城差好遠~!唔知點講...
可能係旺角區關係,high又唔算係好high,如果對比海港城我會鍾意行海港城囉~!
個場大係朗豪坊大,但係朗豪坊D品牌係出面街度都可以搵到~!
果度唔會有westwood,唔會有patrick cox果D......
果度有既野,出面都有,果D舖頭仔,出面旺中,花園街都有得買啦~
唯一果度果間F.C.K所有品牌都有!好集中!
如果真係要買野我覺得唔好行朗豪坊囉~如果想hea下時間既話,
行旺角行到冇地方行既先好去果度行!
或者係旺角行想買anna sui,super lover,hysteric d野既話先好行果度!
但係朗豪坊個商場D入面黑黑地同埋個地板又黑黑地咁樣既感覺都ok既~!
行完朗豪坊經過<< 六福 >>,見到yin,佢殘左~!其他員工都好老餅!!!
冇耐行到去潮流特區,亞tal話買番佢果本記事薄!
行行下打俾亞him,知佢收工返學!仲打算一齊食飯,叫佢唔好返,知佢都唔讀0家啦~
佢又話仲未到MK,佢係MK返學~!
咁我0地等佢電話再四圍行,又返番花圍街,亞tal買boot,
佢問我意見,其實我唔識講,因為我唔鍾意囉=.="
但係我又唔講到咁差,因為我知佢心係打算買ma!~
行完之後經過body shop果邊居然見到maggie!!!同佢傾左幾句,話21號唱K喎~!
越行越X皮囉=______=.......我一向不太喜歡多人,越夜越多人!
而且我又冇野想買,冇目的咁樣行咁,唔知點~!睇既野我又不太喜歡~
行咁耐街淨係睇中一件背心外套,見幾靚,但係我覺得一定多人著囉!~
次次買平d既衫我一係買返去唔著,一係著一次就唔著,因為怕多人著!
So最後又冇買到=__________=""" 其實我本身都想買件背心外套!
算吧~下次睇0岩先算吧~!
亞him打0黎之後係雅蘭度等佢!佢好似變左,感覺唔同左,好似冇咁kind咁!
可能佢返完工累吧?同埋佢講佢自己病病地!
咁我0地去左食pizza啦~係IT果邊街見到朱仔同AK D人!
AK D人好玩囉個樣我覺得~點講,好細路咁好似......!
等位,亞him冇食,佢等edwin 0黎!收到edwin電話之後都走lu!~
咁得番我同亞tal,我0地當然食唔哂d野啦~!
坐左成粒鐘,食左2百蚊!食完之後我同亞tal又四圍行多陣,
打俾亞him,原本打算捉埋edwin一齊影相,因為未同過佢0地影ma~
點知佢0地去左食飯=____=" 見冇野行,於是搭KCR走人~!
搭K巴落車時我唔小心個手< 讚 >整到人=.=" 當時勁唔好意思......
返到屋企11點半多~!累呢~都有一排冇試過行咁多粒鐘街~
今日打左俾女仔君講話唔返佢果份工,
因為我覺得份工唔係好野咁.....硬係有d野~!
深水步呢區都有d問題0家啦其實!
但係真係唔好意思......因為原本話返之後又話唔返!
今日JOJO都有打0黎話聖誕有份工返!~佢之前都做過,返短part!
係海港城返!做sales!都好呀~就算踩H都ok呀~因為只返幾日,
而家係驚人0地唔請我0者~!有得返我會返啦!話哂都係賣衫,sales先啦~!

>>December 9, 2004 at 6:06:43 PM GMT+8

2004 年 12 月 7 日 星期二 【颳風】

琴晚好凍呀/_\.....原本打算琴晚會早d訓,點知訓唔著!差唔多3點先訓!
今朝遲左少少起身,仲係度裝身=___=" so今日打左俾亞星幫我簽名~
原本打俾羅家良,但係咁0岩有個女人企左係度,佢幫我唔到我簽!
好彩今朝有帶頸巾,唔係凍死左~!因為朝早7點幾落街真好凍,而且我D衫又唔厚!
今堂係同H11班一齊上,佢0地好少人返渣,仲少過我0地咁~
教果D唔知咩野字體,要我0地學識寫,都幾難!今堂冇點傾過計,
好似好嚴肅咁呀今堂,因為聽亞sir講野,又有野要做!
好快又落堂!亞倩佢0地成班去左食早餐,但係我冇去~因為約左TOTO!
原本以算如果TOTO仲搭緊火車既話咁我會同佢0地吹陣水先走~!
但係打俾TOTO時佢已經搭到去MK!咁我唯有慢慢行去CWB啦~
同佢0地say bye之後就起程,TOTO去到CWB地鐵行錯路,so我都等左一,兩個字先到!
去左皇室greed box唱,我0地係第1位人客到!D歌好新,我0地唱左好多首,
仲話可以唱到4點,但係我0地之後要行街,唱到兩點左右就走lu~!
食果個lunch都ok,但係TOTO果個就唔係咁得,D牛肉爆生!!!!!
唱完之後我0地係CWB係咁易行左少少地方,之後就落MK!
咁轉MTR時我好樣衰囉=___=" 因為平時返學慣左一個站就到金鐘ma!
今次係CWB搭去金鐘轉去MK!咁我居然想係灣仔果個站落車,
好彩TOTO捉住我,佢都笑左我好陣子=____=" 因為< 魚 >爆!!!!!
落到MK TOTO要買耳環俾唔知表妹定咩!去左旺中買~係旺中行左陣!
之後就行去太子方向,打算去聯合,途徑買冷果間,TOTO話要織頸巾俾人過澳洲!
咁買啦~買完去左聯合買襪,我買左兩對,佢又買左兩對!買完都累累地.....
又冇野想行,so行返去搭72x返大中!
搭bus又訓覺,次次都係搭bus都係咁,可能累關係吧?返學早起差唔多啦~
返到0黎去左大廣姐姐間舖度,TOTO試短褲,試左3條,買左1條,因為我同姐姐都覺得淨係果條先好睇!
TOTO試緊褲果時朱仔打0黎叫我過錢俾佢戶口!
佢而家係出面,話等錢用喎~問佢仲咩唔問其他人,佢又話彬返工,肥鋒冇錢係銀行,
於是答應左佢過錢俾佢,我覺得佢未必會還=.="""
買完褲又去左有得賣lolita果間度睇,佢話整一件要兩星期左右,
我又想聖誕節著~!佢叫我唔好咁遲,因為驚製造商果邊多單,車得冇咁好,
so我要買既就要係呢幾日過去訂啦~!等我返到家慢慢考慮下先!一套要7百蚊呀~!
跟住TOTO陪我過錢俾朱仔,再去曬相,曬完相之後我0地各自各返家!
我好忍得手呀而家,今次同TOTO出街佢買得多野過我好多!~
我只係用左車錢,唱K錢同買左兩對襪0者^-^
今晚亞媽都係冇送飯,整左D粉食!而家好累=_________=唔可以太夜訓啦!
聽日仲要同亞tal去行<< 朗豪坊 >> ,唔知聽日會幾點返家~但我一定唔會行得耐!

>>December 9, 2004 at 5:17:53 AM GMT+8

2004 年 12 月 6 日 星期一 【颳風】

唔知係咪琴日訓得太少關係,琴晚居然好早就眼訓,12點幾就訓著左~!
打算今朝都返學0家ma!點知1我又翻訓,訓到12點先起身,大概訓左11-12粒鐘吧?
今日成日都冇出街,都係果句:好悶呀!!!!! >0<
起身之後冇人=____=.....點幾亞媽同埋謙謙一齊返0黎~!跟住又陪佢做功課!
佢居然同我講數=.=" 話做兩行要玩果渣!咁順佢意啦~!功課做一半就又留係屋企做!
之後佢就拎左我d大富翁出0黎玩~!玩到咁上下,3點幾佢老豆0黎接佢!
佢老豆今日放假,好似係專登請假,真係多假放‧____‧
咁我見冇野就雕刻!跟番上次亞sir寫我個全名果個0黎寫!
雖然一定冇亞sir果個咁好!但係我都搵唔到雕刻果D字呀~唔係可以點喎~!
鬼叫自己之前成3堂冇返咩~!
4點幾大果個返到,因為唔舒服,so早走~!5點左右亞媽陪佢去醫院check!
大果個一向d血有少少問題!如果係輕微問題先唔去check既話,遲下又要輸血0家啦!
跟住又一條友係家,同TOTO傾左陣電話!聽日去唱K,行陣街ma~
差唔多6點佢0地先返到!咁我見冇野做就沖涼,< 呼 >mask~~!
7點左右亞媽煮左粉俾我食!今日好似好累好眼訓=___="
我估今晚睇埋TV都訓0家啦~!
今晚好似比琴日凍左D咁=_________= ,最怕凍0家啦~!
PS:期待聽日唱K呀~!!!

>>December 7, 2004 at 12:34:12 PM GMT+8

2004 年 12 月 5 日 星期日 【晴】

日夜癲倒既生活,令到我琴晚當然又訓唔著啦~3點幾4點先訓得著!
6點半多又起身~!返學!~而家冇工返朝早仲唔返學,我都唔知人生仲有咩意義啦~
但係今日好唔抵既係簽唔到名>0<".....我遲左一步打俾羅家良,佢簽左~!
打俾亞倩又冇人聽!打俾女仔君佢仲遲過我兩個字左右先到!
下次都係8點半左右見可能唔準時返到去就打定俾人簽名好D啦!~
之前缺席咁多,而家返到學又簽唔到名好唔抵!!!
今堂係吹水堂,因為太耐冇返呢堂,跟唔切d進度,唔知佢0地係度做咩!
跟住我,女仔君,羅家良同亞星係咁傾計!哈~
女仔君仲話有工搵我返!我知份工係好少可會返!即係一個返果一,兩個咁樣~
但係好過冇野做先啦!~一日返8粒鐘左右,250蚊一日,係負責派禮物俾人!
我覺得ok呀都!於是我答應左返^-^ ,一0黎冇咁悶,二0黎又可以搵個錢搭車食飯!
今日亞星講佢d手飾原來好平,但係幾好睇喎又~!佢話係旺角買!
落堂之後我0地都冇去食早餐,我估而家大家都好少一齊食早餐~
亞倩11點要返工!同大家傾多幾句就搭MTR轉KCR返0黎大埔!
返到0黎去左圖書館睇下有冇雕刻D書睇啦~點知.....唔0岩~!跟住走!
係寶湖見到肥仔!我同佢對望左幾秒,仲要係人群之中,嘿嘿嘿.....
其實肥仔係摩登D人,上年識,但係見過好少次面,唔熟!
跟住佢話我熟面口,大家都停左腳步!佢記得我係亞琳既朋友^-^
原來佢係寶湖我之前剪過頭髮果間度做!仲叫我得閒去整下個頭~!
我當然話好啦!但係其實我之前剪過一次就冇剪啦~因為我覺得麻麻......
咁佢問我拎電話日後聯絡!就咁就交換左電話lu~!
肥仔好似冇之前咁肥咁!好似好斯文咁,可能大家不是太熟吧?
之後行返大廣還書!又遲還!打俾TOTO同佢傾左陣,再之後打俾亞媽睇下佢係邊度!
想搵佢食飯ma!知佢個位置之後就搵佢啦~又係買歐洲野果間度同聊E睇緊衫!
最終佢買左件毛毛質料既背心,都要$1300 =____= 但係因為熟客先平左好多~
我都睇中左件羊毛背心!白色,件背心有D大圈,有D細圈咁,係< 戀 >0家!
幾靚~好想買=______= 但係呢件要$2000 ,另一件又係羊毛仲貴>0<"
行完之後去左大廣買左兩條短褲,我一直都想買短褲,但係搵唔0岩~
難得簡0岩咪買囉~!因為我覺得褲係好難買咁=.=" 兩條計平左俾我!$270/2pcs !
原本打算買一條,但係試完兩條都OK!就係咁又買左野‧___‧"
行完就去紅蜻蜓食野~!佢D午餐不來都唔好食既=.= 係下午茶先好食!
食完行去富善方向!經過天橋買左D蕃茄,今晚煮飯用的~
再陪亞媽去街市買送,真係少可^^" ,因為冇工返太悶,冇野好做!
仲陪埋佢交電話費!就係因為陪佢關係,令到我中左頭獎-----雀屎=_____________=
因為經過D樹,攪到中獎,勁樣衰,即刻叫亞媽幫我抹,我咁大個女都係第1次中獎! >"<
好彩果時冇咩人.....因為果段時間唔係放學時間~
果一刻真係覺戈7好樣衰囉~!因為第1次咁樣.......=________=
陪完佢買完野就返家~!返到屋企好眼訓=___=。。。 因為訓得兩,三粒鐘關係~
玩左陣電腦!~又係hea下!4點幾5點就訓著左~
訓到6點幾起身,返學攪到我成日訓晏覺,好唔得囉~!我唔想呢個變成習慣!
7點幾左食飯!夜晚都係TV同上網!~
今晚大果個俾左張成人八達通我,佢有兩張,有一張成日唔記得係褲袋度拎出0黎,
攪到洗到勁舊,佢打算將果張換左佢~!咁我又要換成人八達通,
而家多左返學,驚又俾人捉用學生果張!
大果個俾我,咁我就唔駛專登走去買張啦~但係日後車錢就要40蚊一日=___="
睇0黎車錢要成千蚊一個月!負擔大了~
PS:希望唔會咁夜訓啦~!唔想聽日又訓晏覺!/_\

>>December 6, 2004 at 2:42:01 PM GMT+8

2004 年 12 月 4 日 星期六 【颳風】

今日已經唔想打日記咁樣=_____=
呢期好似日夜癲倒哂~!夜晚唔想訓,琴晚仲死,睇果個<< 金馬 >>
之後又玩ICQ,攪到5點幾先訓得著~!
原本打算今朝早d起身啦!點知訓到兩點先起身~真係想死‧___‧"
我覺起身唔係好耐又到黃昏囉~!下晏冇野做,原本打算出去還書同去圖書館,
最終因為唔想出關係就冇出到!
唔知點解今日好多人係打晏打0黎喎~!
亞敏啦,亞tal,kind him都有打0黎!又同佢0地傾下計kind下!
亞him同亞tal叫我馬會果D做!~但係亞him話要快手囉~
因為好多仆街都好鍾意最後果一兩分鐘落注!到時我0地禁唔切制就會俾人屌到化~
咁講一講,好大壓力0者!雖然話返唔返都得=.="
下晏睇黃霑唔知咩野,亞媽睇到喊,好嚴重喎呢個問題!
可能我一直都唔識欣賞掛?我都知都有幾首歌係唔錯既~
今日成日都係屋企hea,自從冇返工之後一直都過住呢d咁既生活!FUCK~~~
老豆好早返到~黃昏就返到,大果個都係,仲帶左個fd 0黎!
好快佢0地又一齊出左去~!都估到0家啦!~
7點幾又食飯~!之後睇掌門人!笑爆咀,嘩哈哈哈~~~
聽朝要返學啦~唔知今晚又幾點訓=___=" 天氣仲要凍左添~

>>December 5, 2004 at 2:01:00 PM GMT+8

2004 年 12 月 3 日 星期五 【陰】

呢幾晚都係咁夜訓,琴晚都係,4點幾左右先訓得著~
今朝12點幾起身,又hea左陣食下!跟住又抄番以前D VCD出0黎!
今次係睇<< 幽靈人間 >>,睇番...都幾悶場=____="
跟住3點幾4點換左衫之後就還番之前套制服返公司~
好唔捨得套制服呀>0<""" 而家佢0地轉左新制服!真係轉得快=.="
我果套都未著舊!小桃果套應該著左兩,三次左右~!
見到佢0地返左新既抓毛外套,係格仔0黎!都OK喎~!
同佢0地吹左陣水,買番之前撩鼻屎番起果件衫就陪Candy去買飯食!
比得同winne都放食飯,但係因為撩鼻屎星期6,日都係得兩位同事係度!
So Candy唔可以出去食~!陪完佢買完飯就去左姐姐度睇衫,買左件!=.="
係喎~又買衫喎~好唔得囉!但係我改緊0家啦!自從上次同TOTO行街買衫之後都冇買過衫!
半個月有吧?去完姐姐度之後去左租漫畫~!
原本仲想去買<< 新警察故事 >>睇!但係最終都冇,唔想行落去!~下次先吧!(懶...)
跟住返番去富善交電話費!買埋支慕絲,禁錢就返家!
返到屋企樓下仲要幫亞媽拎垃圾袋!佢幾個月冇拎過=__________=
拎完就返家啦~返到屋企冇人!亞媽落左街買野!除鞋佢就返到啦~
今晚都係屋企食飯,而家日日如事,都係家食飯!冇工冇錢ma!~盡量都唔出街食啦!~
食飯過後就睇<< 楚漢驕雄 >>,之前返工一直都冇追開,
耐唔耐先睇下,但係冇工返既時候睇,幾好睇,集集追!
今集結局都唔錯喎~!睇到幾傷感/_\..............
睇完之後又上下網!唉~而家都係活係網上世界中啦~......
天文台話聽日開始天氣會轉涼,大家又要著多件衫啦~!小心身體!
聽日一定要去圖書館啦/_\.....要搵番雕刻字既資料/_\
希望星期二可以交到功課啦~而家唔駛返學,功課都唔交就真係.........不得了啦~!
大概又係一條友去,四圍行=___=...生活真係悶!~
我要快D搵份part-time先得啦>"< 仲記得當初入Baleno做為左錢之外仲為左忙!
忙又想休息,休息夠又想忙,呢個問題真係嚴重~
係時間跳番隻求工舞啦~(因為之前返工同亞敏跳求雨舞)
嘿........(kind=.="...咩環境呀?)

>>December 10, 2004 at 1:32:55 PM GMT+8

2004 年 12 月 2 日 星期四 【陰】

咁就12月3號,仲有大半個月就到聖誕節~唔知到時我會唔會有返工=____="
琴晚又訓唔著,最近失眠既情況又嚴重左!一冇工返,過著D好廢既日子就會咁樣!
咁琴晚睇完談判專家之後就見到天花板有草猛!
跟住我就即刻返入房,聽下絕情谷!聽完準備訓,到3點幾都仲係訓唔著,
咪再玩多陣電腦囉~4點左右先訓......今日又訓到點幾先起身!
其實都係俾D鑽野聲嘈醒!最憎.\ /.
我真係唔想過D咁既生活!要好好改善下先得~!起身之後又hea,
冇野做抄番D VCD出0黎睇,睇102斑點狗~!好耐冇睇過!睇番都幾好睇!~
夜晚亞媽都有煮飯,大果都有返到0黎,因為佢返早!
去左去大PK度買左ok多零食!隻草猛就係由大果個整死左,
佢都留左係我屋企住左一日0家啦~!食飯之前入亞媽間房hea下啦~
點知發現蜜蜂!走都走唔切!又搵左大果個去整死佢!
但係整唔死...最終由佢=____=" 而家仲未搵得番,唔知係咪飛走左定點樣!
老豆今晚都早左返,10點幾返到!
佢仲要我幫佢交電話,之後我叫佢俾埋我果份電話費先幫佢交,
哈~得左!!!唔駛自己錢交電話費~!我都好耐冇試過咁樣!
今晚亞屎打0黎話佢舍fd幫我問左份工,做promter!
send快易通果D!30蚊粒鐘,一星期可以返兩日,返幾多日都得!
但係多數係旺角區工作!咁0岩我亞嬸個fd個妹開左間買糖果既公司!
咁我本身一直都想做呢D工,賣下朱古力果D!
如果亞嬸果度係請,我當然係做亞嬸果度啦,
如果唔請...咁我做亞屎果度!亞屎個fd果份都唔少錢,
有30蚊粒鐘,仲有佣收~!雖然要sales一部先有,但係耐唔耐有佣都ok既~
只係我唔熟電器0者!~但係佢都有D堂上,教下部機既功能!我估都冇問題~!
但係我同左亞屎講過兩日覆佢!
今晚又唔知幾點訓得著啦~!

>>December 3, 2004 at 4:14:48 PM GMT+8

2004 年 12 月 2 日 星期四 【陰】

2004 年 12 月 2 日 星期四 【陰】