2004 年 12 月 18 日 星期六 【晴】

今朝可以訓晏少少,12點5左右出門口,等71s去火車站,12點10到沙田!
沙田D同事都幾nice~拎完幾件貨之後就走~!1點半就返到公司!
真係估唔到咁快=____="......但係今日時間好似過得比琴日快,
因為開始識少少d size之類既野~!對間公司冇第1日咁陌生!
返工冇耐亞恩同唔記得左叫咩名既同事去左九龍公園拎禮物!
因為管理處俾左好多飛我0地換禮物!成疊=______=
佢0地換完返0黎,原來係聖誕老人磁石!都幾靚0家!~
跟住另外兩個同事又叫我同佢0地去拎!一共行左兩轉!
第2轉同另外兩個同事去,佢0地仲係度話:仲有咩送呀??
係度四圍望!其中一個既性格好似以前幾fd既baleno in-charge----亞ca
我0地拎左好多‧____‧ 我幫佢0地拎,自己都袋左3個!~
下晏冇野做又望街,咁我舖前面就有隻馬係度!
好爆笑,有一班年青人係度影相,有兩條仔騎左上去!仲整D好核突既表情!
又係影相!笑到我同亞恩爆哂!~
做街舖都幾好,可以成日望街,見到好多好攪笑既野!~
大果兩個店經理返返下工食飯又走左去買衫,行左粒幾鐘先返0黎!
咁九龍公園又唔知咩野表演!d同事返返下工走左出去睇,仲叫我想睇可以去睇~
覺得呢間舖真係好free!鍾意幾時食飯都得!唔駛理早間同事!我5點幾食飯!
上到去亞思叮緊飯,叮叮下爆!!!一聲~嚇死我0地!
果時candy同我都係倉!跟住打開微波爐,隻蛋爆左!!!!!唔見左~~
亞思仲係度話:我隻蛋呢???
笑到我同candy仆街!!!candy仲話隻蛋俾微波爐食左!
跟住另一個同事入0黎問我0地咩事,以為我0地打架打到咁大聲!
冇耐就好大燒焦既味!攪到亞思要抹番好個微波爐!因為成個微波爐都係蛋碎!
我等佢都等左成3個字先可以叮飯,原本我食半粒鐘飯,之後我食9個字,嘿...都冇人知!
跟住夜晚7點半佢0地早間同事又好準時收工!
個經理走之前又叫我累就坐下果d~!
夜晚8點幾果時冇野做,跟住我0地下層既同事又坐哂係後場!
我都有坐!但係同客入0黎就起番身囉我0地!~
佢0地仲係度摺野!咁我0地cashier有舊野可以call樓上,同樓上講野,
但係d客唔知!跟住原來第2果個個名同我差唔多=___=
又係叫郭瑋,但係佢叫娟!咁我問幾多月生日,
亞思就話佢9月25號!佢0地又call上去問,亞思又好清楚咁樣答幾多年出世!
跟住佢0地罵戰左幾句,聽到我0地好爆笑!!!亞思講野好攪笑呀真係!
第2果個41歲,咁亞思就話:驚咩呀!我仲大過你!
冇耐亞思又傾電話,傾電話又做哂動作!越傾越大聲!
咁0岩有個客係度,但係黑人0黎既!跟住我0地又笑哂,
因為見到亞思傾電話真係好好笑,我0地仲叫亞思傾入倉傾啦~
亞思平時言言行舉子都好爆笑!
今日我比琴日早左3個字上去換衫,因為琴日我遲左兩個字走!
補番兩個字俾我,又話我同佢0地收工既時間唔同!
So如果我收工就自己早一個字上去換衫!咁咁答正就可以走得人!
返呢份工搵果30蚊真係好易賺,只不過係企先累~
因為唔會好似以前baleno咁樣四圍走~
事實上又冇咩野!頂多都係去第2間舖拎下貨!~
等271果時等左一段時間!上到車仲要企,冇位企,累到仆街=___="
11點左右返到家,之後同亞媽傾下計!11點幾大果個又返到,但係同佢個fd一齊返!
第2果個到而家都仲未返,都估到0家啦~佢而家收11點!
都唔會準時收工,大概又點兩點先返到lu!~

>>December 19, 2004 at 4:41:39 PM GMT+8

2004 年 12 月 17 日 星期五 【晴】

今朝訓到10點幾起身,我預早左好多出門口!走左去影印身分證!琴日唔記得影印!
終於去到Michel rene!原來佢0地唔知有我存在!得最大果幾個先知~!
咁去到我咩野都唔知0家ma!換完衫又唔同我講間舖既野!我根本咩野都唔知!
o哂咀囉~!跟住佢要我企男裝區,即係下面果層!咁企頭果兩粒鐘我又唔識分size果D!
D西裝size我唔識囉~!係我食飯之前果一粒先知=____="
我覺得好複雜囉~一時間記唔哂!~
基本上呢間舖十個有八個都係大陸人,其中一個係HK,一個係鬼老果D~
咁我0地基本上常用既語言就係普通話!
我基本上又唔識果D野,仲要我講普通話真係好吃力!
我覺得完全係行行企企!冇野好做~!
見佢0地都好得閒,都唔多野做!係初初我返果一粒鐘先多野做囉佢0地,
因為佢0地要整轉貨果渣~!
同埋我覺得佢0地好free!佢0地覺得累累地可以上番去坐陣!
覺得餓既就可以食飯,唔會好似以前咁樣要報時,so我覺得一個字出去都冇人知!
第1日返工就見到佢0地所謂DM既物體0黎左!
佢有同我傾兩句計,好好笑容!但係我覺得都係假囉~
今日食飯叫外賣!6點左右食!食半粒鐘~!次次食飯時間都覺得果段時間係過得好快!
食完飯之後又係度等收工咁樣!對面有得買鐘錶果D!果D門口好like有一舊鐘!
咁我就係成日望住個鐘等時間過啦~!
冇野做又勁望條街,呢份係我第1份做街舖既shop!
淨係望條街都可以望到好多野!下晏有個女人拎哂相機腳架自拍!
set好哂D野,等自己同隻馬影,影果時仲叫D人:唔好行0黎!!!
睇到都覺得好爆笑!跟住又見到有D黑人電到個到好似0岩0岩爆完炸咁!哈~
夜晚有兩隻狗仔表演!D同事話呢兩隻狗成日都係度出現!好多人睇~
因為我間舖前面就有兩隻馬!D人成日同隻馬影相!有個男仔仲想跳上去,
但太高,跳唔到!佢之前仲坐跑左兩次!哈哈~~~
佢0地D早間同事好鬼準時收工,7點半都未到就走左人,
其實佢0地係收7點半0家喎!咁我又唔知啦~以前返工如果係收10點,
就算準時都係10點先可以放換衫果渣!
但係果度個SM就叫我下次9點10,11就上去換衫,咁10點就準時走得!
今日我遲左兩個字,計埋換埋衫,佢話聽日提早我兩個字收工!
果度D同事琴日11點先收工,佢0地覺得咁樣已經爆夜=___=
咁我以前呢?我以前果D又可以叫咩?
不過D同事都冇咩野既,都有傾有講,但係第1日返工,講野當然就住就住啦~
有一個同事又係住大埔0家!佢0地最細果個22歲,果個既樣好細個!
另一個就0黎23歲既個樣就似22,3歲~!另外果D都好老餅的!
收工之後行去搭271,行到去就有車,真好!好彩仲有位,
我估晏少少先搭車一定冇位坐返0黎!返到屋企都係11點3左右0者~
聽日又係返1-10!但係1點鐘要去到沙田果間分店拎左貨先!
哈~都好!可以唔駛咁早返到去!返到去又係冇野做,又係hea時間!
我估真正返工都係兩點至10點啦~^-^

>>December 18, 2004 at 4:36:55 PM GMT+8

2004 年 12 月 16 日 星期四 【晴】

原來琴晚果套<< 談判專家 >>大結局!好彩呢幾日都有睇0者~!遲下睇<< 烈火雄心2 >>!
訓到今朝12點幾先起身,都唔知點解而家次次唔駛返學既日子都會訓到11點幾12點先起身/_\
跟住洗頭,煮左個通粉食,煮緊果時TOTO先hi我話出去食野~但係都煮左啦~!
吹頭果時電話又響,又係冇來電既!今次我有聽,頂呀!!!一喂就收線!SHIT!!!!玩野咩~!
呢期好多冇來電既話打0黎,真係好煩=___=凸
大約兩點半就出去,拎埋D野俾TOTO,原本想係姐姐度睇下衫,
但係佢亞哥係度,都係唔好了~!跟住TOTO又借書,我0地又要等JOJO,
四圍行下,行到撩鼻屎冇耐JOJO打0黎!原本打算係D舖頭仔平平地買條返工!
但係D款好淨色一條黑色褲,而且又係百幾蚊條,咁我本身又睇中左撩鼻屎果條!
最終去左撩鼻屎買左,著出0黎個款都幾好睇,折左$110!
係撩鼻屎居然見到biowe!但係只傾左兩句就冇傾lu~佢話佢等緊人先係度出現!
買完野之後就去左珊瑚堡食野,TOTO返工之前要返定野ma~
JOJO又有優惠卷果D~咁3條友叫左兩個下午茶!
一去到就見番以前中學既miss,有d話唔認得我,初初見到JOJO好似發現新大陸咁,
仲以為咩事,我望極都望唔到有咩野望,之後先知原來係以前D miss!
傾左幾句我0地就去搵位坐!我同TOTO帶頭行,攪到帶位果個行極行唔到前0黎,嘿!~
我0地都坐左ok耐,今次講好多鬼怪野!~越講越興奮添!~嘿嘿嘿......
TOTO又話佢之前有一晚收工埋數時同佢經理聽到有把聲叫唔該~!
跟住我咪又勁係度煩佢0地勁講唔唔該囉~!
埋單時JOJO請我0地食,THX呀!!~兩個下午茶夾埋都係27蚊,幾抵!食完我要幫第2果個買噴霧!
行去時見到有個亞婆拉左個唔知女定係咩野既人行,
勁行跑步!原本我覺得佢好慘0家,但係JOJO定係TOTO講話好似跑緊步!
跟住我再望,覺得好爆笑囉真係!攪到忍唔到笑=___="
去左藥房,但係唔見我要買果隻,最終去左萬寧,TOTO又話唔想去,話返屋企換衫先~
其實我都唔係太明點解TOTO次次唔駛返工都唔行返公司買野0家=.="
搭電梯時居然見到彬彬!佢返工啦應該!都好似有一排冇見過佢!
去完萬寧買完就返家lu~!
好緊張呀!~聽日返果份工,雖然只返6 days!但係我一向都好怕對住D老女人0家!
我覺得佢0地好難相處,好惡,好煩!
同埋我一向都唔受人鬧,我係驚俾人鬧0者~!D老女人鬧人好惡0家ma!

>>December 17, 2004 at 3:43:09 PM GMT+8

2004 年 12 月 15 日 星期三 【晴】

琴晚同亞屎玩msn,亞屎個亞媽仲係後面跳舞!好爆笑!哈哈~~~
冇耐邱富ICQ hi我!佢條友又係咁夜訓,我又掛住睇夜晚果套TV!
琴日開始已經病病地,一病就更加難訓著,今朝冇返學!
11點左右亞媽問我去唔去工展會,我見自己個胃仲係唔多舒服咁,咁咪話唔去囉~!
我估有d腸胃炎吧=.=,算吧,聽日仲係好唔舒服先睇醫生!
琴日同JOJO ICQ佢話我做果間係大舖有兩層高,分男女部,
o.....SHIT!!!好驚呀>0<""" 我一直都好驚做大舖的!我未做過果間就應該俾我去細舖先ma~!
今日下晏又留左係家,成日都覺得個胃唔舒服!=___="
冇野做,上左成日網,玩MSN,呢期興玩MSN!
MSN又可以玩cam又可以用咪!都幾好,但係我冇cam.....
而家cam好平,百幾蚊就有,遲下買先得=.=+
EVA下晏打0黎,佢都好耐冇搵過我lu~傾左陣計就收線~
成日都一條友係家,亞媽佢就好,今日出左成日街,又去CWB又去朗豪坊,
佢話未去過喎~!原本都想出,但係佢叫我果時仲未起身=___="
我次次出街前都整成粒鐘先出到門口,廢事等啦~於是咪話唔去囉/_\.....
大約9點幾先返!夜晚又係睇TV!太好睇啦~!!!晚晚都有追!
下星期返工一定要錄抵先得!
今日都唔知咩事咁多冇來電既電話打我手提!
總結今日整天上網.........悶=_____________=。。。

>>December 16, 2004 at 3:43:41 PM GMT+8

2004 年 12 月 14 日 星期二 【晴】

琴晚又掛住睇TV好夜先訓!今朝有起到身返學呀~但係唔多舒服!
行去搭K巴果時勁樣衰,我行過左條隊,跟住又行返番去=___=" 個人呆哂~!
因為今朝都肚屙......又頭暈暈咁!但係我琴日已經冇返學0家啦,唔返驚俾亞媽小~
去到尖東站果時亞倩打0黎話亞sir仲未返,但佢幫我簽左名,
果一刻我都諗緊可能亞sir唔返啦~亞星果D仲係電話後面嘈哂話要投訴!嘿......
點知去到金鐘亞倩再次打0黎話亞sir請假唔返!
屌呀!!!係唔返就8點半打返學校ma!攪到我哂左D車錢呀!來回40蚊0家!
但係我見得番一個站,亞倩又未返工,之後去左學校附近陪佢食早餐!坐左粒幾鐘先走~
食左好多野,10點半先行番去搭MTR!係我搭KCR時Michel rene打0黎叫我18,9,24-27號返工!
18號返1-10點!原來唔係海港城,係柏麗大道,即係街舖,我估到時我D皮膚一定差哂啦!~
返到0黎大埔打俾亞媽,買左條短褲俾我,綠綠地色格,但係冇我平時著開果D咁寬身!
同佢行左陣,去左izzue買左果件紅格外套~折左都要$680!
但係我真係好鍾意,因為我成日都想買紅格既衫,褲,但係搵極都唔0岩心水!
其實我唔係咁鍾意另一個sales講既野!咁我亞媽話件褸一年先洗一次,
咁我都知褸唔可以成日洗!但係一年先洗一次太少啦ma!
咁我咪問亞媽:你有冇發燒呀?
本時我同佢都會咁樣講野,跟住個sales又話褸係唔可以成日洗,
佢又話自己褸著兩季先洗喎!係咁同我亞媽傾!
亞姐呀~!而家係我買衫唔係我亞媽買衫呀!佢咁樣講俾我覺得佢好似暗示我頭先講既野咁!
買完之後去完welcome就返家!返到家抄番之前D vcd出0黎睇!睇睇下馬會打0黎!
我上星期先填form 0黎,估唔到咁快就打0黎,唔係佢打0黎我都唔記得左上星期填左form=.="""
但係因為我聖誕期間返Michel rene,so我推左馬會份工,佢話我遲下想in既可以填番form!
咁我到時先再算吧~但係聽亞him講in完之後又要上堂,上完堂又要考試,考完試先知合唔合格做!
合格就話好,唔合格就講byebye!仲要去到跑馬地度in喎!~而且D人好鍾意最後果一兩分鐘落注!
到時禁唔切制一定俾人小死!So呢份工係搵得多錢,但係好大壓力!
但係返工時間唔長,可以返唔返得都,呢D都係亞him講,佢話佢有兩個朋友做馬會~
下晏睇完VCD過後出去寄郵件,終於可以寄出!拖左個買家好幾日了=.="
跟住5點多D訓左個晏覺,訓到6點幾起身沖涼之後7點幾食飯!
今晚都係睇TV同上網,好似有D發燒咁=____=。。。
屙左幾次呀/_\...聽日唔知返唔返到學/_\..........

>>December 15, 2004 at 3:23:43 PM GMT+8

2004 年 12 月 13 日 星期一 【晴】

今朝真係冇起到身返學~好累...琴晚又訓唔著,累得0黎又訓唔著!
連續幾日係咁出街,大概係上星期3開始到琴日係咁日日都出街!只有今日留左係家~
原本12點左右都眼訓,但係又想睇TV,之後訓左係廳,睇完TV點半都訓唔著!
大約3點左右先訓得著~仲打算今日上果個亞sir既英文堂!佢0地講到個亞sir咁有問題!
我真係好想見識一下~算吧.....下堂再上!
訓到今朝12點幾起身!起身之後食左D野就睇琴日係舅父借既VCD,
借左<< 新警察故事 >>!wo~~~真係好好睇!吳言祖型到爆炸>0<~~~~~~~
成龍好少戲好睇,但係呢套真係幾好睇!睇完之後再睇英皇果個唔知咩精選VCD!
其實係D MV 0黎既~大約上年同年頭既歌吧!~
睇完冇野做又上網.....悶爆!!!亞媽同大果個又出左街~得番一條友係家!
而家係度諗如果聖誕返番工會唔會好唔慣,因為都休息左兩星期了!
同埋又驚D人咁大個,都係驚俾人恰0者~!話哂我得果十幾歲,講經驗唔夠佢0地0黎,
又驚做唔到佢0地要既要求,雖然只係返果幾日工!但係唔多唔少都有D膽心~!
除非sales年青人既啦,可能好D!成熟既品牌我怕唔識應付!
大約4點半左右冇野好做,於是拎左李sir上堂要我0地寫果兩行字出0黎寫,
因為聽日有佢堂,琴日又帶左返家~用左半粒鐘有多既時間畫起!
但係黃昏果時同羅家良chat,佢話今日上左李sir堂,聽日上英文,
調左堂!o......咁我寫既字要留番下一堂!
開始覺得越0黎越有番以前初初開學咁樣,
因為初初開學果時我又係冇工返冇野做就拎D功課出0黎做!
雕刻都唔知做唔做好/_\".....我估最遲要聽日做了,如果唔做既,我諗都唔可以交了~!
今晚都係睇TV,而家睇TV已經成為習慣~
聽日上英文,真係要見識一下果個亞sir係點樣^-^

>>December 14, 2004 at 1:18:27 PM GMT+8

2004 年 12 月 12 日 星期日 【晴】

琴晚又係好夜訓,大約3點吧?今朝6點8左右起身~
又遲左返學校,又簽唔到名=___=" 又遲左一步打俾亞倩,其實我打去俾佢果時係搭7!
果時係尖東,估唔到佢咁早返到去0者~
返到去就到亞星,好有可能我同佢同一班車!佢都係簽到名,仲好病添~
Tommy有藥係身,俾左粒佢食!話咩醫院開果D好有效!
今堂上Tommy堂,好少人返,終於教第樣野,今次係畫人!
又唔係要間格咁樣,都幾煩下~但係睇人0地整出0黎既作品都幾靚~
次次返學都係吹水堂,成班都係吹水,我帶左D hello kitty返去!
因為佢0地話儲!我又有咁多都唔要~亞星同亞倩都簡左佢0地要既!
淨番既留番俾羅家良,佢話儲,但佢今日冇返學!
亞星又係咁多野講,佢話食完藥眼訓,
想同D藥抗衡喎~So係咁講野又係咁行行企企咁!
最攪笑既係佢話今日搬屋,屋企搬上幾層同一單位,佢都話唔知為咩=.="
9點半左右小葵先返,都好耐冇見佢,因為次次我有返佢冇返,
我冇返佢有返咁樣!我0地早左少少走人,
走前去locker拎番上次李sir堂果幾張野,話要帶呀ma!要寫兩行字!
跟住我仲將D hello kitty痴哂係locker度!
亞倩同小葵去食早餐~但係我冇去食搭車返大埔!
因為覺得幾累下~搭271,當然又係訓著左啦!返到0黎打俾亞媽,
佢話佢飲緊茶,跟住佢搵佢,因為我都好少可飲茶的!
去到舅父都係度,佢個樣似0岩0岩起身,佢都係俾我早到少少~
仲話今晚去佢屋企BBQ,冇啦啦興起話去BBQ!仲話下次打邊爐!
飲完茶之後行大埔行左陣,終於買左對黑既尖頭既婆仔鞋了!買0黎返工著~
跟住亞媽又去左買歐洲野果間度,又買左件皮褸,都叫左佢唔好買!
屋企都有3件啦,連埋我果件,駛唔駛買咁多!一件皮褸唔係平喎~
大約兩點幾返到家,3點幾左右訓著左!原本打算休息下,點知訓著左!
我亦都估唔到自己訓左咁耐,6點先起身!
都係第2果個叫我起身渣,佢今日放假,同我一齊過去舅父家BBQ!
行去時買左大元同大PK度幫佢0地買D BBQ要用既野!
今日都唔多人去BBQ,因為臨時BBQ一定唔多人,大約9個左右吧?
燒燒下又同D狗玩下,因為天台有兩隻狗!都係大狗,但係好乖,
唔跳點解舅父次次養果D狗都好乖!
8點半左右我落番去屋企睇TV同貓玩下,睇到9點半左右佢0地燒完落番0黎!
10點左右返到家~睇埋天涯俠醫先沖涼~之後都係上網打日記!
唔知聽日起唔起到身返學呢?
今日小葵問過cashier,原來我0地要讀到06年既3月先讀完~
即係一共讀兩年半,而家0岩0岩好過左一半課程!時間過快唔快,話慢唔慢!
仲有一年零3個月涯,唔知到時半中會點樣啦/_\.......
唔知到時我又會唔會想放棄或者又返一份好長工既part-time!
但係呢年幾駛屋企錢真係唔夠囉~都唔跳點算好/_\???
聽日又唔知有咩攪作,得閒仲要買條黑色褲返工呀!

>>December 13, 2004 at 3:47:47 PM GMT+8

2004 年 12 月 11 日 星期六 【晴】

今日都係訓到好晏起身,12點幾~!大果個又帶左佢個fd上0黎,
唔知佢0地琴晚幾點返0黎~!我起身冇耐0佢地又出左去!
跟住我煮野食,洗頭,then兩點左右打俾JOJO~
佢要沖涼,咁等佢!等佢其實以前係50做果個part-time亞峰add我!
其實佢耐唔耐都有hi我!今日就問我有冇玩MSN,
之前朱仔有叫我玩,開左但係一直都冇點玩過~
今次又有人撩番我玩,so同佢玩左陣,佢有買cam呀!
我覺得玩MSN有cam先好玩,可以睇到人0地個樣,做D咩野!可以kind下!
亞峰話個cam好平,百幾蚊就有,好想買添~
但係我MSN個list得果幾條友=_____="
大約3點3左右我0地搭71s去火車站到沙田!
首先去佢做開果間公司!原來間野叫Michel rene!之前都未聽過~
去到只見到D衫好成熟,全女班,D人仲好大個,有D可以話老=____="
可能果度D衫成熟先請番D咁成熟啦~但係果時佢0地比較忙,
咁我同JOJO四圍行下,係izzue睇中左件紅格褸/_\
要7百幾蚊!就算我有折都6百幾啦~但係件褸ok厚!
如果我而家仲有工一定會買/_\......因為我都幾鍾意紅格=.=+
去左32度行,佢0地今日做驚喜,好似街市咁樣,嗌場嗌得好勁,好嘈=.="
可能我之前係50好少嗌場,而且50講求服務態度!所以冇佢0地咁粗魯!
跟住JOJO話買D朱古力俾佢0地~
原本係優之良品買,但係貴,跟住我0地好求其咁樣放低左袋野!
哈~我唔知咁樣係唔0岩0家!我做sales都唔鍾意D客係咁樣,
但係可以點喎~都唔買囉都~!之後JOJO打算買西餅,但係唔多款,
跟住我提意不如買一盒果D朱古力,好睇D ma!~
咁我0地係萬寧度買左一盒朱古力,買完都4點半!JOJO仲要補習!
行返去Michel rene~都等左一陣先可以填form,JOJO簽收番張支票!
攪掂好哂再搭番KCR走~!但係架車唔知咩事,停左兩,三次!
琴日KCR都有問題啦,攪到十分鐘先一班車,好彩琴日一去到KCR咁0岩有班車!
唔係要等多十分鐘先有班車!呢期MTR同KCR成日都有故障發生!老啦~~
返到0黎大埔搭K12返大中,因為想行下~大中好多人‧____‧
之後6點前返到家,老豆返左0黎,今日早收工~
今晚都係得我,亞媽同老豆3條友食晚飯!~
食完飯都係睇TV,勁歌有maksim呀>0<~~~好型!!!
TOTO係今晚ICQ中send番上次舅父結婚D相俾我,
自拍果張係第5本(http://hk.pg.photos.yahoo.com/ph/luenphoto/my_photos)相簿度,
而舅父結婚果D就係第6本(http://hk.pg.photos.yahoo.com/ph/devil_luen/my_photos)新相簿度!~
PS:呵~今日出街淨係用左搭車錢0者^-^ GOOD~~~
但係聽日可能又要用錢啦!要買野俾俊仔!呢幾日仲要買埋條黑色褲同黑色鞋!
打算平平地買對算了,因為都係for返工~

>>December 12, 2004 at 2:47:12 PM GMT+8

2004 年 12 月 10 日 星期五 【晴】

今朝又係訓到11點幾起身,大約12點8,9個字左右出門口搭車去荔枝角地鐵站!
亞倩早過我兩,三個字左右到!我0地約左點半!但係佢早到左,
原本佢話搭車要一粒鐘左右,點知半粒鐘左右佢就去到!
咁我0地首先搵左間茶餐廳食晏~搵左好幾間,終於搵到間可以坐得舒服D既~
食完大約3點左右就去到目的地,我都唔記得左果度叫咩~
賣批發咁樣既~可以零售!但係都有好幾間唔可以零售!
果度個場好大,仲好多人!我估平日會好行好多~
我同亞倩都行左兩粒鐘左右~D野真係幾平,
比起平時行果D舖頭仔平!連平時係姐姐買既衫果度都有!
我見到又係果隻logo囉~!姐姐果度買百幾蚊左右,而果度呢就買100蚊或者更平!
咁首先我同亞倩一齊買左件背心外套咁樣啦~
我果件係襯衫0黎既0者,唔暖既~!跟住再四圍行,買左件長袖薄身既外套!
個袖有豹紋咁既~冇耐亞倩買左件背心,銀銀地色!之前係姐姐度見到有=___="
姐姐果時仲同我講返左呢件背心,點知...係果度居然有得買,仲平一半價錢~
最後行到最入果度見到間有好多豹紋野買既舖,
跟住我又買左個豹紋側咩袋^-^ 仲想買約紋帽0家!好鬼型~!但係最終冇買到!
係果度我一共買左3樣野只係用左百幾蚊~仲要唔記得左禁錢!=___="
好彩我唔係買得多野0者~!
原本打算睇下有冇紅色格仔既衫褲,想買褲多D,但係冇............
行完果度我0地去左買野飲,搵mickey開倉個場!搵到,行左陣!
個場D野放得好密,又多人,見到有D人成袋公仔,亞倩即刻話:嘩~抽獎呀???
笑爆咀!我都覺得D野好瘋狂=___=" 其實果度D野唔係真係咁平,只係比平時平少少~
亞倩冇買到野,有D野想買都冇買,因為條隊爆長!
我覺得時代,雅蘭果個開倉仲好行!
行完之後亞倩搭bus落尖咀搵男朋友,而我就搭番MTR轉KCR返家!
今晚亞媽有煮飯,但係得我同佢條友食!
8點幾9點第2果個同老豆返到!但係大果個係佢0地返0黎之前又出左去~
夜晚睇<< 東華 >> ,個節目有點兒悶=______________=。。。
PS:連續行左四日街啦~!聽日仲要出沙田填番份form!我估聽日打俾JOJO吧~!

>>December 11, 2004 at 1:58:25 PM GMT+8

2004 年 12 月 9 日 星期四 【晴】

琴晚3點左右先訓,今朝11點半起身,TOTO爆打0黎!
仲以為咩事=___=" 果時我洗緊頭,聽唔到電話,打算洗完先打番俾佢,
原來佢同JOJO想搵我拎英文名,因為確實左係返果份工就要俾個名電話人0地!
返17-8,24-27 好似...但係好似返H!30蚊粒鐘~都幾好呀其實,係海港城返~
原來係賣西裝既~!唔緊要啦,有工返好過悶,又有錢收,當吸收下其他經驗都好!
攪掂好哂個樣之後出街,一落平台行到天橋果邊就見到老豆,0岩0岩同亞媽佢0地飲完茶返家!
12點9左右約左TOTO係老地方等,拎相機同暗瘡膏,跟住陪佢拎埋boy'z隻CD!
咁佢返家食野之後返工,而我就去番Baleno,ebase hea左陣,又幫埋TOTO買對襪~
同佢0地傾下計,吹下水,而家大B出左條頸巾都ok,但係試上下,吉肉既=____=
而家D b褲仲有新既包裝~哈!我同比得,亞權都談論雙層設計會更加激突!!!
係撩鼻屎睇衫,琴日去朗豪坊果間係多款D!大埔呢間因為倉太多貨,唔可以返咁多貨!
好多都cut,通常齊款既話一定係旺角果D齊!琴日仲係旺角果間睇中左件打算返0黎大埔睇下有冇添!
而家佢0地轉左新碟,全部都係英文歌,for聖誕節既~!好過之前喎!但係佢0地話幾遊閒D音樂!
hea左半粒鐘左右亞媽先0黎到,佢陪我食野,起左身咁耐都未食過野~!
去左沙龍食,食完之後係大中,大廣行街!~係大廣買左件背心外套,好平,打算粗著係大埔行先著囉~
行完大廣再去到大中新開果間ELLA度睇winne the poon既野~!
因為等亞媽果時係果度見到隻公仔好得意,打算送俾謙謙,佢生日!15號~
亞媽都話得意,但係謙謙一向都鍾意D好細隻,果隻大隻少少,打算買俾佢訓覺攬住都好!
咁果度買滿200蚊就可以做VIP,隻公仔都99蚊啦~跟住我買埋排顏色筆同擦字膠筆,
跟住仲買左個暖水樽,全部都係winne the poon既~謙謙鍾意ma!~
買左咁多樣野都係204蚊!買滿150仲有一個關於聖誕節既擺設送,做左VIP!~
其實我係見買開野咪做埋VIP,而且做VIP又唔係貴呀~!而且買D野都實用既!
行完之後再係行番出去果個車仔擋度買左一個聖誕樹既小擺設,打算放係家~
唔打算買大聖誕樹啦!~屋企冇位!買完再去吉吉島睇下有冇洛核人既野買俾俊仔!
我驚買俾謙謙,俊仔冇既話,俊仔會唔開心囉~
但係佢0地實在太太太....多玩具!搵唔0岩,打算買食物盒,筆袋果D~
但係又冇喎!So俊仔果份打算下次帶埋謙謙去簡!
我0地大中行左幾耐下,去到屋企樓下welcome又掃左少少貨!
大約4點半先返家~老豆今日放假!~返到屋企佢又訓晏覺!
今晚亞媽有煮飯,但係得我,老豆同亞媽3條友食!
亞倩係我食完飯冇耐打0黎,佢0岩0岩放工,傾左幾個字電話~
約左聽日點半左右去土瓜灣行街~未行過ma!咪去行下!
夜晚都係睇TV同上網~
次次都夜晚都涼番=____=".........

>>December 10, 2004 at 1:43:24 PM GMT+8