2004 年 9 月 26 日 星期日 【晴】

琴日其實係我大家姐生日,但係呢兩日我唔見佢既出現~大概外出玩吧?
原本打算今朝起身返學!但係又翻訓.....亞媽7點幾先叫我!係咁叫我起身!
事實我最遲要6點半起身!唔係遲到當缺席!~同佢講我一遲過6點半起身叫我都冇用!
之後又如常咁樣小我!仲話我,咁你唔好讀啦~事實我係鍾意讀!只不過真的極度疲倦!
琴晚12點幾已經訓著左~今朝11點幾先起身!訓左11粒鐘都有!~
起身第2果個居然煮野俾我食!可能佢以為我要返工吧?我今日係放假0家~連放兩日!
食完野係屋企hea下,打俾亞倩傾左陣電話!佢話呢個星期返學只返星期一同二!
仲話我返兩日都唔返~其實我都唔知只係返兩日0家=.=""" 知我今朝就仆倒咁樣起身啦~!
So我聽日必定要返學啦!返一日都唔返就真係以後都唔駛讀啦咁!
傾電話之後好不自覺咁樣外出!~目的係影相!3點幾原來屋企樓下個公園同平台係冇人!
上次果D累白相仲未影好!影埋佢.....要交功課!但係好熱...好快手咁樣影完就去左富善曬相!
我直覺覺得果間係有得曬呢D相!~真係有!但係...好貴呀>0<"一百蚊!!!!!我已經冇錢0家啦~
話6點幾7點可以拎到!但係如果要曬12R既話就要第2日先可以拎到!咁.....即係今個星期我交唔到功課!
希望K.K下星期會肯收我份功課啦~!
唉......睇0黎呢幾日食野真係要好慳啦~再寄埋個野就返家!~一粒鐘都唔駛~
4點幾再出去!陪朱仔,佢話想出去,而且我又要幫第2果個還書同續借...
之後再陪朱仔去左i-games打機!~我唔打呀!都唔識打機呀~好耐冇去過呢D地方了!
打完機去左仙跡岩飲野!都好耐冇去飲野啦!~
冇耐彬,RB 0黎左!佢0地去督波!我唔去...走人!再去富善拎相!要我補多24蚊!呢D累白相真係貴啦>"<
tatol:$124 未試過曬相咁貴囉!~果個人仲問我係咪學緊影相!我話係!
佢仲話佢0岩0岩學影相果時都係咁樣!仲教我點樣影!~話影黑白應該係黑白,光陰對比大先好影喎~
話我D相有好有唔好!睇番出0黎...其實好多都唔好0家=.=""" 呢D...係我第1次真真正正咁樣影既相!
拎埋相再去街市買個洋蔥就返家!第2果唔知整咩野食!~點知原來舊洋蔥有少少爛!PK呀!呃我!!!!!
雖然我勁勁.....勁少買呢D野0者!~返到屋企見到大果個!佢條友買左新電話!-----T700i
要3千幾蚊呀~我果陣買手提佢又叫我唔好買咁貴!家下佢自己又咪買咁貴=_= 挑~!
But我本身部手提一大半錢都係佢出.....
攪到我家下都有衝動想換電話!But...算啦都係!冇錢!再加上又未諗過買邊部!
見佢買手提我就同佢講:咁我部MP3呢?因為佢應承左買部MP3俾我0家ma!
佢就話:買左部手提送俾自己做生日禮物先喎=_=
唉.....MP3!都唔知幾時先得到手!我想買iPod既mini MP3呀~!但係好貴...好似2千幾!~
我自己冇能力買.....唯有依靠大果個/_\
夜晚冇野做就拋左好多鞋!!!係以前果D唔著既鞋!留係度都冇意思~!又阻地方!
又冇人去拋同拾!咁不如我拋吧!~上星期已經想拋0家啦~!
聽日下晏同TOTO唱K lunch!~聽日快定返學!
因為呢個星期只返埋聽日!唔返既話呢個星期就冇返過一日0家啦!~

>>September 27, 2004 at 12:25:28 PM GMT+8

2004 年 9 月 25 日 星期六 【晴】

琴晚又訓唔著!3點幾4點先訓著~9點半起身,差D唔知醒呀!~
返工...亞tal早過我到係門口等!最後返到當然係亞敏!
比得返兩點,Tammy返兩點半!So差唔多3點先食飯!亞tal之前唔舒服...嘔!
之後我同佢一齊放食飯!過多一個字左右亞敏都放!
我0地去左小桃園買返倉食!亞敏唔可以出去食ma!~
下晏好爆場呀!~呢期次次食完下晏飯都屙...../_\ 因為爆場關係已經到左帝國!
兩點果時我0地已經到旺角!~平均一粒鐘做左個帝國!
個個返A間同事都唔準時收工!亞tal補貨,攪到遲左爆多!!!
亞敏做升幅,又遲左一粒鐘先走得!而我遲半粒收8點半!
原本8點半換完衫就走得!點知黃昏既某一位fans走返0黎話我0地冇找錢俾佢!
果時係我打機!睇番張單入多左件貨!佢之前買左3百幾蚊野!
又話點解咁多錢!我好認得佢囉~我一件一件咁樣讀番俾佢聽!真係煩到系咁樣!屌佢!!!
之後又走返轉頭話買個銀包~我好記得收左佢100蚊!仲記得有找到錢!
但係佢返番0黎果時果張單係有兩件貨!其中一件係撩鼻屎既貨!
個女人係冇買到撩鼻屎既貨!只買左個銀包~!
我同亞tal都覺得一定係撩鼻屎既同事check價錢又冇冊除!!!
而我又大意左!但係事隔成兩粒鐘先返0黎追究係咪好有問題呢?
我找錢俾佢點解唔睇下?佢只係買個銀包39蚊渣喎!~
我覺得唔只係我既問題囉~連個女人都有問題囉!~
因為佢一入到我0地間舖就話我0地俾錯單又話冇找錢果渣!
Tammy又唔識得處理D突發事件!即頭係唔識講野果D!!!亞tal講野好過佢0家我覺得!
同個fans講野又啞哂咁樣!講野唔圓滑!
講真!知件事係點樣之後roll番張單咪得囉!~駛咩攪咁耐呀?
最終個女人冇追究!好串咀咁樣話:我唔想人0地冇左份工!算啦都係~!
屌佢西!我0地清左幾次機0家!比得接機果時又清過一次冇多錢冇少錢!
佢0黎到話我0地冇找錢俾佢都清過一次!根本就係0岩數!
攪到我收8點半換好哂衫要等到9點半先走得!FUCK呀!!!!!正一八婆!
呢條八婆佢一路買野都係我跟既~我果時都覺得幾受氣下!覺得佢好撚煩!
又話呢樣又話果樣!佢個仔都改褲!我叫佢再著出0黎!
之後佢個仔又話摺左果個位!個八婆冇啦啦推開我同佢個仔講著出0黎度果渣!
屌呀!~果一刻我心諗:咩咁好禮貌既???
諗番起都燥哂呀!!!條八婆仲有條改褲聽日定係後日拎添得0家!
好彩我連放兩日0者!~以後唔好0黎買野添呀!~我唔想sales!!!
等亞tal補完貨之後一齊去買雪糕食!陪埋佢搭車就返家啦~
原本今日打算睇掌門人!我本身好期待睇=_= 家下攪到睇尾果少少.....
唉~~~今日好累呀返工!本身呢兩日好唔夠訓!又爆場,好忙!
仲要0黎單咁既野!真係...FUCK=.=凸 返到屋企亞媽又話:聽日返學呀!~早D訓!
唉.........好煩呀!!!So我冇應佢冇理佢!

>>September 26, 2004 at 2:26:49 PM GMT+8

2004 年 9 月 24 日 星期五 【晴】

琴晚成3點幾先訓~今朝9點幾起身...勁爆眼訓!唔多想起身~但係返工冇法!~
可能我預早左少少起身關係,仲可以上下網,聽下歌~10點5左右就出門口!
我最早到果個!亞tal成搭8先到!Maggie都0黎左佢先到!~之前佢去左37拎貨~
開門冇耐我就即去雪糕!因為驚亞him遲返~!
入完雪糕我就係前場< feel >番哂D褲!冇耐冇啦啦有人叫我亞< 鍊 >
原來係葉洋!好耐冇見啦喎~佢同佢屋企人0黎買野!~
遲下佢要調去32.....大舖...好辛苦呢~!係果度只係做一個普通既full-time!
第1個食飯係我!亞敏返兩點!我次次都係買返倉食既~So可以同亞敏係倉度吹下水!
佢一返到0黎就紅哂眼!知佢喊過!話好煩,話屋企有事果D!~
但係佢只係講左少少出0黎0者!~下晏佢食飯之前又喊!又走左去煲煙!
我食完飯亞敏仲幫我化下對眼,搽眼影!嘩...好核突呀搽完出0黎!其實係好少0家渣搽左!
可能睇唔慣掛?覺得好似好誇張咁!!!
今日一D都唔爆場!勁靜!條數好差下!但係今日真係好free~係咁傾計!好耐未試過~
因為Tammy今日放假囉~!我0地都係sales下客咁!
亞him話我D性格好似男仔/_\" 唉~~~問比得,比得又話唔係!~
唔知啦!~唔多唔少我都認同我既性格係有少少男仔既......
亞him講D野成日都好似玩人咁=.=" 今日講左句唔知咩野!根本就唔知佢係度講緊咩野!
又叫我只需要答係同唔係!我當然冇答佢啦~!
亞tal就叫我唔好同亞him kind!但係有時亞him都幾攪笑0家講D野!因為kind ma!~哈!!!
亞媽6點鐘0黎左!仲話買左鍊果D送俾舅父做結婚禮物果渣!~
好快到7點!大果個都0黎左!問我拎番攝錄機果張卡!D態度爆串囉!~FUCK!!!!!
之後等埋亞him紮埋D紙皮就走得!7點半收工!~
收工之後就返家食飯!~因為好少可亞媽煮飯ma!但係冇送0岩我食=.="
唉~~~算吧...次次都係咁!
今日訓左5粒鐘就返工好眼訓=________=。。。
攪到9點果時訓著左=.=" 但係收到3個電話.....TOTO打0黎之後冇耐就醒哂~
差唔多11點RB打0黎同我講28號去BBQ果D野!~咁0岩我28號放假!
原來我要求收早!但係因為編唔到間!就即頭俾我收早!下星期仲有A half添~GOOD!
但係下星期都係返好多粒鐘...又係full-time時間!
返工今日講既話題係生仔!比得女朋友話唔肯生仔...但係比得係好鍾意小朋友!
而亞敏,亞tal同我都話除非冇得生,唔係一定生硬!~
當然生啦!~不知幾得意!完全係上天創造出0黎既禮物一樣~
亞敏就話:女人生出0黎當然係生仔0家啦!~唔係女人生出0黎做咩???
某程度上我都認同亞敏講既野~!

>>September 25, 2004 at 3:12:45 PM GMT+8

2004 年 9 月 23 日 星期四 【晴】

琴晚都好夜訓!4點幾掛?今朝11點幾起身!~1點左右Tammy打0黎叫我返早半粒鐘!
原本我係返兩點,冇啦啦變左返點半!~因為貨倉1點先返貨!爆遲囉!~要我早D返去幫手!
冇錢咪去禁左錢先囉~去左富善禁!點知遇到個唔知係咪變態既男人!
我行到已經見到佢企左係一個男人隔離!以為佢0地係識冇理~
冇耐果個男人走左佢仲係度!企左我隔離.....
但係佢叫左我一聲姑娘=.=....我都冇理到佢!趕時間禁即走!So我扮聽唔到=.="""
返到我都一直冇停過~係咁拆貨!~又上貨又拆貨!亞him幫唔到咩手!
D未拆貨係前場都唔會問要唔要拆既~咁係佢食飯果時我企前場拆哂佢!
今日撩鼻屎借左馬鞍山一位同事過0黎幫手!~Maggie借左去馬鞍山!亞敏又放假!
借過0黎果個同事叫mickey~!起初覺得佢串串地!講野都幾有骨!
但係耐左又覺得冇咩野~下晏頂佢食飯!撩鼻屎今日埋2千幾.....
下晏亞嬸同俊仔經過!say左個hi~俊仔0岩0岩放學!
睇見佢就慘...去到九龍塘讀書!又早起身!lunch time又係學校度食!
一年級就咁樣.....好慘...我都知為左佢將來升學著想先係果邊讀書...
但係俊仔成日放左學都好肚餓!佢放學放3點幾!~真係驚佢瘦!
感覺家下D小朋友讀書好辛苦/_\....慘!~
Tammy食飯果時我同亞him係咁傾計!佢條友講野好爆笑!!!
Tammy出去買飯果時咁0岩0黎整AE果位人兄0黎左~
果位人兄問我裝係邊!咁我廢事講錯啦!~咪打俾Tammy問清楚!
點知Tammy居然唔知今日係裝AE!!!仲叫我打去37問~
打去37好彩李至賤係度!咁佢叫我俾電話個人兄聽~
我覺得Tammy好似唔多理事咁囉=.=""" 要我打俾第2間舖問!
家下都唔知第2舖既in-charge係我間舖既in-charge呀定係Tammy先係我間舖既in-charge!
6點先到我食飯!~去左買吉野家食!撞見肥鋒~!佢仲係果度做~!say左個hi買埋野食就走啦~
亞him7點鐘好準時收工~亞佩夜晚0黎左!~搵亞tal!carman都有0黎搵亞tal!
今日成日都唔忙!夜晚埋上水幾!~都有博數!
因為差唔多10點果時仲差3百幾蚊先到上水!但係落雜之前0岩0岩有班人買左ok多野!~
有個仲係我以前跳舞既一位同學!~但係佢已經唔認得我!......
10點9左右就返到家!一返家都係打日記!冇耐亞yin打左俾我傾左陣電話!~
因為成程我都係用手提傾,又俾我亞媽小話我用手提!我同yin係心連心ma~
再加上家下都少左好多用手提咁.....
聽日終於返早,好耐都未試過返早!我鍾意收早!!!太好~!

>>September 24, 2004 at 4:01:12 PM GMT+8

2004 年 9 月 22 日 星期三 【晴】

我真係成個星期冇返學.......今個星期真係太累啦~雖然有兩日假放!
但係其他日子都最少返8粒幾鐘!真係好辛苦/_\""" 我唔想咁樣!我真係好想返學~!
琴晚我都5點幾先訓著!~仲差粒幾鐘就可以起身返學!但係我對眼已經通紅=.=
捱唔到通頂!可能係因為由下晏開始盤點,太廢神關係吧???
11點醒左!有電話響!冇聽!可能我家下慣左11點起身!難得假期想訓耐D!再訓~
都成粒鐘先訓得番!兩點起身!亞yin點幾打過0黎~大概佢放食晏~佢都好耐冇搵我了!~
起身覺得有D涼涼地!開始有秋天既氣息!琴晚返家已經好覺得涼~
起身冇耐都係洗頭,玩電腦!都係如事吧?
因為根本冇地方去~而且我覺得自己真係好需要休息...
洗頭果時聽到大果個話我表妹呢幾日離定出走!未免太任性?冇錢仲走?
我知佢屋企都唔係冇錢0家喎!~
俾著我生存係佢家我一定唔會走!起碼可以要咩有咩先啦!~
我表妹係細我3年0家好似!或者佢細唔識諗掛?
離家出走攪到連學都唔返!佢屋企人好擔心!
下晏第2果個買左野食返0黎~So唔駛出街買野食^-^
食完之後睇碟-----連鎖蝶變
呢套戲真係好不可思議呀!~好好睇!!!睇左兩粒鐘~!對眼好累.....
大概琴日盤點太辛苦?我覺得今次盤點比上次盤點更加辛苦!
可能因為果時生手,今次係熟手.....
攪到今日個樣特別殘!!!真係好想唔做,好想好好休息下/_\......
我決定左12月前會唔做啦~我唔想今年聖誕節,新年都係工作中渡過...
如果今年聖誕節仲做緊既話咁我一定做埋新年先走!~
好快...我就做滿一年!時間.....過得真快!
成個星期冇返學,冇做功課,冇功課交,我畢唔到業.....我真係好廢!
今日成日都係屋企冇出過街!黃昏亞媽返左0黎!煮飯!So今晚有飯吃~
夜晚都係上下網,同埋< 呼 >mask!D皮膚都差埋=.=.....

>>September 23, 2004 at 1:32:31 PM GMT+8

2004 年 9 月 21 日 星期二 【晴】

琴晚我明明較左鬧鐘!點知今朝冇響過!FUCK呀>0<"""
我醒一醒果時已經7點多D啦~就算起身都趕唔切返學!因為必定9點後先返到去!
之後訓到11點先起身!返工......兩點果時Andy 0黎左!~都估到佢今日會0黎!
但係我以為佢夜晚0黎0者~記得上次盤點亞明都夜晚先0黎!好快到我食飯!3點左右!~
打俾TOTO!佢琴晚話叫我今日食飯打俾佢一齊食!去左<< 小桃園 >>度食!~
食完返番倉.....落貨場冇耐又要我上返倉,因為要封倉!!!
攪到7點幾先攪完~!撩鼻屎係7點左右先開始封!攪到夜晚10點半先攪掂!
仲要我9點半入倉幫佢手~!勁讀得勁快囉!~我抄都要爆快囉!~差D跟唔切!!!!
之後幫完佢再落番貨場盤點~D stree呀~流水台,襪果渣都係我點!
Tammy都係指指點點!!佢冇野做既時候都係度攪埋D無聊野!~
終於點到兩點左右就點哂~差跟番個場0者!~佢條友又唔跟!又係度指我0地!
亞him仲要12點幾就走左!~所以我覺得跟本就係得我3條友係度做野!
我,亞tal同比得!~我覺得0地3個好勁!~Office唔肯幫我0地整多部電腦!
所以同撩鼻屎一齊用一部入機!~我0地走哂得番Tammy同Maggie兩條友係度入機~
我覺得差唔多啦!~因為Tammy根本冇做過野~後尾入機佢入好有理!~
兩點幾我同亞敏走先!其後亞tal同比得都走埋!差唔多行到返家亞tal打0黎!
因為佢以為一齊去食野~但係我都差唔多返到家...咪話唔去囉!~
大家都累啦!佢聽日返全日!而Tammy居然放假!我覺得咁樣亞tal會好辛苦!
Tammy真係幾自私!同亞敏行返家時大家都覺得天氣涼左!~好快會冬天呢!~
返到屋企煮左個麵食!~再打日記!玩ICQ~
今晚屋企又係咁打俾我!真係煩到......................!!!!!!!!

>>September 22, 2004 at 7:57:13 PM GMT+8

2004 年 9 月 20 日 星期一 【雨】

原本打算今朝起身返學,無奈逃唔出睡魔手上!因為琴晚訓唔著呀又~!
So我聽日一定要返學>"< 唔理咁多啦!我怕星期四返唔到學!因為星期三盤點!!!
如果聽日仲唔返咁我成個星期都可能冇返過學0家啦~!
今朝11點前起身!都係食左D野就返工!
撩鼻屎DM落左0黎!攪到亞敏食唔到飯!所以我食飯先!~3點幾就食飯!
佐記下晏有人入0黎倡錢!果條仔又係度講人工果D!~佢話人工硬係差緊D...
跟住我話我呢度人工都唔好~佢就話有0岩0岩有朋友係我呢間度冇做過左對而舖做!
哈~估唔到走過0黎倡錢都可以吹下水!~
亞高都有0黎~!佢今日借過0黎呢間G2000幫手!見到佢真係想攬住佢>"<
今日又有fans係樓梯仆街!!!另外有個小朋友唔俾佢亞媽買衫係度嘈=.="
下晏我0地係咁排size!因為for聽日盤點時易D寫低size!
又整下D遮果渣~!可能因為早食飯,夜晚肚餓!~
成日都好靜場!So好準時落雜!10點前我同亞敏都換好哂衫~!
之後我同亞敏清機,亞tal換埋衫就走得!
好可惜Tammy打0黎!阻Q住哂我0地走!!!10點半就出得門口~
夜晚落雨...幾凍下=.=.........
今次我0地去左豆漿大王度食!我覺得D野食好抵呀~
我叫左腸粉食!都食唔哂~因為估唔到會咁多=.="""
食完就送埋亞tal搭車!因為我0地3個人得一把遮!~
送完亞tal上車之後我0地係街度見到小強!隻小強沖向我度!!!
之後我跑=.=" 就係因為咁佢就轉左另一方向沖向亞敏度!
之後我0地兩條友係度跑=.=""" 勁kind囉~因為真係好驚呀ma=.="""
經過rainbow時,把遮又整到rainbow遮雨果度...勁樣衰囉~
夜晚rainbow好多人.....我同亞敏即刻行得爆快!!!
11點4左右就返到家啦!~仲要食埋野!拍住Tammy同亞tal都係第1次渣~!
今日好累......因為企足成日!企係度摺衫!!!今晚元朗都埋唔到呀>"<
PS:亞敏今日同左佢DM講唔做了.../_\
其實佢呢個幾兩個星期成日都話唔做0家啦!~之前又話拎埋份雙糧就唔做!
估唔到佢家下咁快就講話唔做!我諗佢要多做多個幾月就唔做啦~
比得同亞tal又想唔做.....我本身都想唔做!但係...唔知幾時先係時機0者~!

>>September 21, 2004 at 4:39:13 PM GMT+8

2004 年 9 月 19 日 星期日 【晴】

今朝冇起到身返學呀!~琴日覺得好累...但係又訓唔著!次次星期一都唔返學!
其實星期一呢堂先有用呀~因為係電腦堂~
12點幾先起身!~食左個包!第2果個買左包返0黎~!
3點幾4點出去!去姐姐度買埋對鞋!對鞋留左成半個月有多0家啦!
只係我唔得閒!冇去到買~另外係姐姐度買左件衫!
買完就同TOTO係大中行左陣!去左U2隔離果間食雪糕!我唔識點樣串果間既名.....
坐多陣就走人!~佢返工,我返家!返到屋企又咪玩電腦!都係冇野好做~!
聽日要返學,亦都要返工!星期四先再有假!
同TOTO約定左下個月先出去行街~我同佢都冇錢!冇錢就廢事出去行街啦~一定大破財~
唉........今日放假都係休息日!冇地方好去!悶/_\
今晚都係冇野做...係屋企影相!係影相拍賣~
放係屋企都冇用,自己又唔用!即頭係冇著過,冇用過~!不如post上網~!
而且借左TOTO部相機成個星期仲未還!係時候還番俾人=.=" 真係唔好意思.....
今晚唔可以太夜訓了!~或者食粒感冒藥吧!
一0黎易眼訓,二0黎個人呆呆地,或者開始想病吧?
我都知唔可以亂食藥,但係訓唔著真係要食D易訓覺既藥先得!
今晚倒垃圾果時見到隔離屋有紅色蠟燭係門口!
原來...隔離屋個亞伯而且唔係呢個世上!我記得細細個見到佢OK老!
家下大左見到佢渣住拐杖行,個亞伯幾nice幾好人0家!老左仲成日幫屋企手買送~
仲記得佢係好鍾意帶雀落街!估唔到.......
我家下先知原來年輕死先用白蠟燭,老果D係用紅蠟燭!
突然間諗起公公唔係度果時......




仲有半個月先出糧=.=""" 又呆等!!!我都知自己太大駛了!
但係一到轉季就真係好難講ma!~下個月行街都唔可以咁大駛>"<
因為要留番D錢11月再買衫=.=+ 下個月D錢就用0黎電頭髮.....
PS:今晚亞叔個工人走啦!~係抄左佢!因為佢借左兩次錢!
夾埋3萬幾蚊!之前果次幫佢還左!但係佢成年都仲未還番俾我亞叔!
點知最近又再借!So真係迫不得而抄左佢!
今晚0黎左個新既工人!而佢就要今晚走!佢係我亞叔度都做左幾耐下0家啦~
唔多唔少都有唔舒得!而我大果個堂細佬今晚知道呢件事之後就眼紅!~
因為佢比細果個大3年!6歲左右!都知知地事0家啦~!
而細果個得3歲,唔知咩事,So冇眼紅!呢D都係聽我亞媽講~!
唉~~~人......總是感情動物!...因為我都係人!

>>September 20, 2004 at 3:16:32 PM GMT+8

2004 年 9 月 18 日 星期六 【乍寒還暖】

琴晚都幾夜訓下=.=" 今朝11點幾起身~
整左個三文冶食,hea多陣又出返工~(感覺好似日日如事...)
返左兩粒鐘有多就食飯!下晏OK爆場!~夜晚埋觀塘!~
仲以為Andy今日會落0黎!點知冇!
TOTO下晏0黎左!亞仔都有0黎~!吹左陣水就走左!
同TOTO傾左一陣計Tammy又叫我做野!真係好Q煩~!果時都算靜場呀!
Tammy次次前場亂哂先叫我企!真係好PK!!!即係我拾手尾囉~!!!
之後見我< feel >前場D短褲!咁佢就話:E!?你< feel >短褲呀?咁你< feel >完先啦!~
即係我< feel >完先俾番個位佢!咁我覺得佢根本係人0地攪掂好哂先俾番個位佢!
但係就唔係囉~我好多時都睇唔過眼佢呢一點!亞tal叫我出聲!
出咩聲0者?一陣俾人照肺咪仲PK!?
美能都有0黎過呀今日!同我講遲下中秋節成班去BBQ!
問佢0地有冇同我講...我話冇!但係如果真係去BBQ我一定會去!好耐冇試過成班玩啦!~
今日同琴日一食完野就肚屙=.=...好辛苦呀~!我仲買左KFC食添=.="
7點鐘A間同事走哂~!之後有一家人0黎左買衫!~兩公婆同一個女咁啦~
個女十幾歲掛?總之一睇就細過我!但係...佢既衣著好似夜晚做野果D.....
唔明點解佢老豆老母咁都俾佢著出街=.="?
再之後有個巴基斯坦既家人0黎左!~!我慣左講中文ma!同佢0地講左中文!
即係:想要咩size可以幫你~
之後我望一望Tammy話:講左中文添~
之後佢0地望一望我!點知原來佢0地識講中文0家>0< 仲好流利~!
用中文0黎問我D衫果D野~!
夜晚好準時收工呀都係!10點半就走得人!
因為我0地夠數!真係好呀>0<""" 但係撩鼻屎差廿幾蚊~!
今日仲早過琴日一個字返家!~夜工都係同Maggie一齊行!~
返到屋企冇耐就有隻飛蛾飛左入0黎!~
我又近視...睇到一舊野!以為係蜜蜂!咪又係度嗌囉=.="
我好驚昆蟲ma!~老豆同第2果個家姐係度用盡方法趕佢走!~
最後...隻野唔知去左邊=_________="
聽日OFF!~~~good呀>"< 要好好休息下......
呢期鍾意聽番之前D舊歌...或者聽得太多新歌!
我諗聽日多數都冇地方去0家啦~!算吧啦.....冇錢就等於冇地方去!~
PS:今日有個fans話爛耳冇錢喎~我未聽過...
咩爛耳係代表冇錢既咩???我真係唔知喎!~

>>September 19, 2004 at 4:11:22 PM GMT+8

2004 年 9 月 17 日 星期五 【晴】

通常起身冇耐返工都好眼訓...今日都唔例外!訓到11點起身~
下晏唔爆場!亞tal可以準時咁樣收3點半!4點左右同我去食飯!~
公司E-mail果個keyborad好有問題!!壞了!~攪到打字係極度困難!
家下要搵番電腦部換.......
比得都算準時收工!佢收5點半!買埋對鞋6點就走左!~
夜晚先0黎爆場!得我同Tammy兩條友!~原來同Tammy孖機!主力我打!
但係唔知點解我又走去前場,佢又走去後場!
So夜晚一直都係佢打機~!爆到一對幾個fans咁樣~
亞yin原來今日放假!真係好!佢同亞簡一齊0黎!但係好快又走左~
今晚算好好好...準時收工!收10點半!10點9左右就返到家!
因為今晚我0地埋德福!原本Target係埋舊大埔既!~10點鐘落半雜!
之後等埋D fans走哂!大約10點2左右吧?
燙埋幾條改褲,清埋機就走得!~
今晚放左工冇地方去!~悶.....返到屋企食D野之後又玩電腦!
聽日返兩點鐘!都OK啦~起碼返少過今日1粒鐘!
原本今日Andy話落0黎!點知冇!睇0黎有9成機會聽日落!
唔知聽晚又會有咩野攪!一落0黎又要拾位...唔想呀>"< 攪到又11點幾先走得人!
下星期係半年一度既盤點...好彩盤點完第2日放假0者!
下星期都係有幾兩日假放!但係.....同今個星期一樣返成42粒鐘!
我諗連埋OT都唔止啦!~

>>September 18, 2004 at 3:33:29 PM GMT+8