2007 年 1 月 19 日 星期五 【暴雨】

睇左出幾令女人有感覺既戲～The Holiday～
尤其係講幾乎女人都曾經嘗試去馴服浪子，結果．．．
換黎不突止只係感情傷痛、而係深層ｄ既傷自尊、虛度光陰．．．
當然，一路睇我既歷史一路出返黎啦............
有d位的確令我幾感慨！
沖涼時，想了很多很多事出黎......跟著熱水一齊流出......
我下了決心離開令我瘋癲，假慈假悲多是非既公司
這一點.....令我前路茫茫.....冇晒安全感．．．
又令我聯想起為什麼我要留係ｌｅｅ間公司咁耐時間
就係為左一個負心人既債．．．
這又令我再想何解我又一而再，再而三遇上咁多ｐｋ男人！
我真係好累了．．．．．．．．．．．．

>>January 19, 2007 at 6:34:39 PM GMT+8

2007 年 1 月 17 日 星期三 【暴雨】

實在太太太氣憤了！！又係為左公司野！！
今朝臨天光簡直好激動喊醒左
個夢好有壓迫感．．．marketing班仆街同我阿姐係我個位係咁摷我野，
摷摷下夢見有個保安員摷埋我櫃桶．．．我不喊住叫停，但佢仍然繼續摷，
我就對我阿姐講叫佢停，但我阿姐冇反應，我就發晒麻大叫"原來係你叫佢摷"
個夢我係好激動發晒麻喊晒咁大叫．．．
"奏"晒眉頭喊喊下就醒了．．．．．．

救命！真係好辛苦！冇mark data 又話我唔見左封信，
有mark data 都係話我唔見左封信！
同一日去兩個唔同客而兩個都有mark data，一個收到，一個收唔到？
收唔到果個係我唔見人封信？？？！！！

我癲喇！！！！我癲喇！！！！！

>>January 18, 2007 at 1:35:08 AM GMT+8

2007 年 1 月 15 日 星期一 【暴雨】

放工之後一伙人貢左擎天半島睇BB～
開心晒））開心指數衝破一百點了．．．哈哈哈哈）））
ｗａｗ）））六十幾樓啊！！
企係個露台我簡直腳都軟埋～只係聽到呼呼既大風聲咋～
又一城孖B都黎左，account manager 既ｂ女都黎埋～
好熱鬧啊！！！四個ｂ係晒一個屋企入面！！好開心架！！
仲有兩隻好搞笑既小狗仔wor..... kakakaaaa
擎天個太太好令女～好溫文～好賢淑～缺點就係中文唔太掂囉～
仲入得廚房架喎＊0＊　佢親手焗左成條香嘖嘖脆卜卜既蒜溶飽，
加拿大秘製蜜糖雞翼，仲有入口匠溶既豬頸肉，仲有一dull白色咖哩汁印度飯wor！！
超級好美味！！！食到飽到反轉碌住咁走～～～～～
真係抵擎天爸爸咁愛死佢太太架！！！我都好鐘意佢太太啊！！
好！！目標有佢太太一半咁賢淑～呵呵呵 \\(＊v＊)//

>>January 16, 2007 at 4:00:18 PM GMT+8

2007 年 1 月 15 日 星期一 【陰】

琴日"食緊煙".....感覺都幾大.....點都好....咩都轉左先........

好懊惱！話時話．．．都困擾左我年幾！我仲可以點呢？？
呢個問題係呢幾個星期入面仲誇張地浮係我腦海
好煩好煩好煩呀！！！！
係美孚果時都發個幾次有關呢個問題既夢．．．竟然係惡夢！！
依家日日都唔開心咁上床訓左去算鬼數
～好～學朋友話齋米當休息下囉～係同屋唔係同居針馬～
但．．．有時有ｄ野．．．好難返身～
我已經唔敢再想下去明天既路了．．．

.....人總需要勇敢生存...............

>>January 16, 2007 at 1:39:14 AM GMT+8

2007 年 1 月 13 日 星期六 【颳風】

女人一講開lee d話題真係講唔完之餘仲會講到爆晒粗火鬼滾架！！
原來"陳開心"個腦同TaT屍個腦仲有屍屍個腦都係一樣性格同性格
怪唔得之"陳開心"要出去食魚旦啦！！真係空穴來風必有因！！
我完全明白同體會，所以什麼事都好，不能只怪一方囉～
有人，sick leave，眼訓通通也是藉口！！！
我都係果句：不能同不為！！
點解有ｄ男人可以成日都做到咁sweet既？
今日去左JAson既生日party....聽左佢高呼大叫：我ｘ你．之後就KissSSsSsss.....
簡直～sweet晒～

今晚第一晚一個人訓晒成張大床．．．凍～～～～
車～我日日都一個人訓．．．其實都係．．．冇咩特別jur ma～

不過.....唔知點解.....我真係唔識去討好男人
我真係做唔到好似某d女人咁....男人講咩就信咩....男人講咩都話好....
男人叫行東就跟住行東........男人鐘意咩佢就話有興趣囉～

>>January 13, 2007 at 8:05:50 PM GMT+8

2007 年 1 月 7 日 星期日 【乍雨乍晴】

．．小寒．．．十一度．．．
但唔係好凍ja wor.....我記得以前到左11,2度我係要戴晒手襪冷晒帽咁....
琴晚訓覺時.....仲要熱到出汗醒左兩次@@"
可能come完冷氣被再加羽絨被熱得滯～

果晚家姐同阿屍黎左搵我食飯傾計
ｗａｗ．．．傾到我人都down晒n 頭痛爆！！
講完公司ｄ仆街野再講ｘｘ野．．．唉．．．鬼唔知咩．．．唉～～～
唔係為左＄，真係一早劈左炮唔鬼做！
日日係公司激心激肺比人蝦為咩！！

琴日mummy打左黎搵我飲茶....可能...佢真係太悶了
其實....言語間都知道佢想黎下我新居.....可能係襯條X坦唔係度啦
又想搵我同佢行下街街.....可惜....係時間所有各方面都唔配合下....閣置了......

買左部ｌｃｄ電視ｌｕ～
不過～好貴．．．貴到．．．比著係我自己一定唔會捨得買．．．
全屋依家最貴最需要保護我估都係lee 部 Samsun 32" LCD ........
為何係Samsung???皆因.....個sales 話打機正......
為何係32"??? 已經被人嫌細了......@@"
結論 : 為左打機
睇劇集.....話買部豬肉電視比我睇wor..........打機同錫我既程度....由此可見..........


>>January 8, 2007 at 2:59:26 AM GMT+8

2007 年 1 月 1 日 星期一 【颳風】

終於冇人係家.....可以攬返個電腦用lu.........
依家一路聽住容祖兒全部既舊歌一路打我既日記既．．．
今年冇特別走出街狂歡慶祝嗌破喉嚨count down.........
而係......留左係新居打足十幾小時廿八圈ｍｊ(我既象牙白mj ^v^V) ＠﹏＠”
(我竟然已經去到咁既地步...唔出街留係街喪打.......)
好在．．．我成績都唔差．．．唔輸反而嬴左少少，哈～都叫做幫新居第一圈留下好歷史！
打到零晨兩點零高潮掀起）））個個嗌破喉嚨．．．整幢樓簡直係震到幾乎崩塌）））
wAw Kakakakaaaa XDDDDD
有人青筋充現係前額並大叫：唔蘭理喇！六番！！！！
跟手......三人視線同射上佢攤開果副牌之上．．．．
其中一人.....說道.......：你食咩呀？！？！炸糊呀？？！？？
哈哈哈哈哈哈哈哈哈哈哈哈x1000000000 XDDDDDDDD
個個笑到反台續而拍台繼而標晒眼淚水 XDDDDD 哇哈哈哈））））
之後其中二人要走到廚房食支煙定定驚！！！
０７年新居第一單笑爆咀歷史！！！！！！！非寫日記不可！！！

琴晚訓唔鬼著～太多野想了．．．．
發覺真係好多好多好多野想深一層就會跟本係好多問題囉．．．
今日去整返直個頭......想想下.....自己都係一個一有事煩就要去搞搞個頭既人
究竟係心理上定係人人都會係咁呢？！？

>>January 2, 2007 at 1:00:21 PM GMT+8

2006 年 12 月 30 日 星期六 【颳風】

嘻嘻．．．今日晏就farewell完"塵型"之後
就去左天馬欖個嘉年華，我地五點半去到排隊買飛入場．．．
呵呵～一入去因為我地仲係頭一批人....so...樣樣野第二輪就有得反ｌｕ～
唔經唔覺我去嘉年華都有五六次了～
仲好記得頭一次係黃埔既～果次係香港第一年有，果日係7/12．．．
因為果時未大大力宣傳而且地方又未有人知，so...第一次入去時，係冇人玩！
d機動遊戲係玩十至十五分中一輪架～過左幾日，同埋幾個朋友去．．
WoW 就勁人多了.......果時我玩左吊吊腳既過山車....fingfing咖啡杯過山車...........

到左第二次去嘉年華係係舊機場～果次仲比人迫上去玩跳樓機！
仲玩左兩次．．．好驚好驚～一路升上去時一路望住阿ｍｏｏｎ大叫～
同埋．．．果次．．．掟左個熊貓比我囉．．．．

到左第三次嘉年華就去到天馬欖ｌｕ～
果次睇住人玩G-Force.....簡直係痴晒線！都唔鬼記得果次自己有玩過咩ｌｕ～

到左第四次，都係係天馬欖．果次係新年年初二去既～
果晚好凍好凍，仲下毛毛雨．．凍到.....兩個袋都放晒暖手包～
果晚上左摩天輪睇煙花～又浪漫又凍．．．．

～哈～我ｄ記性咁好既？！？！？

今次．．第五次了．．．都係係天馬欖．．．
都凍凍地，同埋．．．今次好似冇咩深刻野．．．只係．．．．
玩飛毯時又整親個舊患＿尾＿龍＿骨！！
飛起時再dang返係條sir滑梯時真係痛到面到變埋
心入面只係想快ｄsir 完條梯．．．
真係有d怕好似上次單新聞咁講個小朋友跌親條尾龍骨，過左幾個鐘就半身不遂＠﹏＠"

WoW又一年了，，，仲記得上年係IFC.........
lee一年d時間快到嚇屎人......點解地球fing快左咁多既？？！？！？

>>December 30, 2006 at 5:20:23 PM GMT+8

2006 年 12 月 28 日 星期四 【乍雨乍晴】

唔知今晚搞咩鬼野～係咁聽番ｄ舊歌～
都唔鬼明點解首首舊歌都好似有個故仔咁．．．
～冰點～哈哈哈～係一個好奇怪既地方下同某人講左分手既歌．．．
～周杰倫～同某人晚晚遊車河既歌～唔知．．．會唔會有日還返晒ｄ錢比我呢．．．
話咁快又過左六年了
ｄ歌仍然在．．．人．．老了許多．．．
從前定下既目標，只做了一樣既就係Interior Designer
其他．．．學車．．．有間西貢藝術小屋．．．結婚生ｂ．．．都未有．．．
聽到有ｄ眼zip zip tim～
訓吧～訓吧～

>>December 28, 2006 at 4:17:43 PM GMT+8

2006 年 12 月 26 日 星期二 【晴】

HeeHeeHee 因為阿Peter Pan～ｋａｋａｋｋａａ
我又進漲左ｄｄ啦 =) 真係好滿足架喇～
話晒叫做第一次學玩輪丫馬～ｈｅｅｈｅｅ～豬頭仔是也～＊u＊V
夠了～知足了～嘻嘻嘻～

今年個X'MaS假又短又忙～~呢～依家話咁快又係公司返工中喇．．．．
如果唔係年尾有咁多野刺激我～
我估我灰爆了～哈哈哈．．．
好！Plan 下今年又去邊樹旅行仔先～羅浮交耳？沙巴？星馬？？＊.＊ o O O
好！！繼續努力！！ .＼||／. ＠ 賺個希臘小白屋之旅返黎！！！呵呵呵）））

>>December 27, 2006 at 8:54:54 AM GMT+8