2007 年 2 月 24 日 星期六 【晴】

今日過得極之唔開心，好唔想有今日既一日．
今朝一起身為左ｄ少事搞得非常之不愉快
仲.....好似第一次一路刷牙一路缺堤.........
之後全日都冇晒ｍｏｏｄ冇晒心機，又想了很多很多事出來

到了晚上．同ｍｕｍ傾完電話
又係一路刷牙一路缺堤，好似.......回應返今朝刷牙，有頭有尾
呢兩年同ｍｕｍ傾電話都好唔愉快
為咩？！？我重伸講多一次，我唔係為左條死爛坦我就唔洗side咁多＄搬出黎住！！！
如果佢唔係成日咩都保住條死爛坦，我都一定回家照顧佢！！！講完！

某晚睇亞視播唔知咩咩咩．．．講開天父，ｗａｗ））））
簡直就好似呼換緊我咁．．．．
係呀～人不能既，在神裡面凡事都能行！
所以我成日都想，天父會挪開我身邊既絆腳石先丫，定係令到絆腳石變左一塊寶石呢？
好想快ｄ打敗小魔鬼～快ｄ再返教會．．．拎返ｄ幸福，開心同喜悅～

>>February 25, 2007 at 3:07:07 PM GMT+8

2007 年 2 月 19 日 星期一 【陰】

新年唔凍都唔似新年既～熱屎辣辣～
今年係近呢幾年去得最多地方拜年既一年呀～
．年廿九．．早收工後去婆婆家做節 --> 睇笑鬼死我既<翻生恐龍館>
*******************************************************************************************
．年三十．晏就就去左維記行花屎（第一次日光日白行）--> 就去左蘇眉家做節啦
*******************************************************************************************
．年初一．晨咁早流流彈起身入左去大澳同阿爺全家食齋 --> 婆婆家拜年
********************************************************************************************
．年初二．去舅公家拜年（四年冇去了一.一"）--> 蘇眉家拜年n MJ --> 回到家有朋友打上門挑戰老娘～哈哈哈～主場喎～打通宵......................Z__Z

好攰啊）））好似冇休息過～～
ｈｅｅｈｅｈｅｅ下星期開始～抖抖ｌｕ～
死啦～好多朋友sms我...都冇好好回覆過人.....有點兒.....唔好意思.....
Tazd啦～Hellokitty啦～靚女施啦～雀屎啦～PeterPan 啦...sorry...我太懶了.......

>>February 20, 2007 at 3:41:26 PM GMT+8

2007 年 2 月 17 日 星期六 【晴】

豬年lu～豬年事事順境～主恩滿溢～^v^
呢幾日滿腦子都想著要搵一個基督徒既老公喎
事源有日睇雜誌訪問樂易玲，原來佢都信左主
睇完篇訪問我好感動，
篇訪問佢自己講當年遇上海嘯，佢冇想過佢家人仲有機會生存
二十人去，二十人返，佢真正感受天父與佢同在
感動在於多一個人從心中真心感受天父既愛同恩典．．．

之後前日ｗｏｒ～行行下路返公司就想起JoJo wor......
因為果時我應承左佢一齊返團契．．．．後來．．．我冇左件事
點知，前日ｍｓｎ佢就又提一提ｌｅｅ件事
我好開心，開心在於好似天父藉住佢口中提提我

而雀屎同佢拍左五年拖既男友冇左
因為佢想要一個基督徒既男友
結果，天父真係俾左一個好好既基督徒男友比佢.......

之後．．去蘇眉家啦
又見佢細姨同細舅母一家都係基督徒喎
好感受到佢地既幸福快樂同開心
我都好想有主做中間位，所以我都好想立心找個基督徒既老公
大家又可互勵互勉～大家訓覺前一齊祈禱喎～
一齊返教會，一齊返崇拜，一個基督徒既家庭～一齊第時上天家.......

>>February 17, 2007 at 5:27:49 PM GMT+8

2007 年 2 月 14 日 星期三 【暴雨】

琴晚收工時全世界人走晒．．．
老細召左我入房又係問果ｄ野～"係唔係有人蝦你呀？"
"如果出面做得唔好你會點啊？" "做咩唔搵到工先走呀？"............
之後佢提早俾左封利是我
一出公司我好心急八八卦卦裝下封利是啦～
WaW）））我咁大個女最勁果封利是都係四百蚊<--家人封既
連啡牛都未收過～老細今次俾我ｌｅｅ一封真係一生人第一封超大利是！！＊0＊
唔知點解有ｄ感動添～

琴晚，行完室內花屎就去左三里屯Dinner Lu～
一pair 阿Moon 毛毛拖鞋

>>February 15, 2007 at 2:17:51 AM GMT+8

2007 年 2 月 11 日 星期日 【陰】

呢幾日真係好忙呢～
又整頭髮．．又癲拿．．又ｂｂ燒．．．
都仲係d d 腸胃炎......快ｄ好啦～
星期六去左蘇眉家姐家ｂｂｑ～呵！燒沙白蜆食！！大大隻好鮮甜好好味！！ｙｏｙｏｙｏ！！
蘇眉因為爛手唯有俾埋佢果隻我食囉！～WaWKakKakakaaa XDDD
佢地全家廿幾人真係好幸福好開心～全晚嘻哈笑不停～
如果我有個咁開心既家就好了．．．．．．

ｙｏ！仲有兩星期離開呢間公司離開灣仔了～快ｄ快ｄ快ｄ！！！
大休果兩個星期可以日日係家煲湯煮飯ｌｕ～ｋａｋａｋａ～～
考埋屎就搵工搵工搵工！！！

>>February 12, 2007 at 7:16:45 AM GMT+8

2007 年 2 月 8 日 星期四 【炎熱】

YOYO！仲有兩星期多少少就可以離開地獄ｌｕ！！
這個二月就係忙呀～
返學啦．ｍｕｍ生日dinner啦．sumi mum 生日dinner啦．sumi dad 回巢dinner啦．
我地入伙酒啦．sumi姐入伙BBQ啦．做facial啦．整頭髮啦．去做節啦．去拜年啦．
忙啊～～～

>>February 9, 2007 at 3:40:13 AM GMT+8

2007 年 2 月 5 日 星期一 【晴】

又病倒了～發燒．周身骨痛．屙嘔．胃抽筋．急性腸胃煉是也～
今次既病體驗左好多事，由琴晚係朋友面前到今朝自己入院！
我既心完完全全粉碎！心....痛........心都死！
感謝天父比我睇清某ｄ事！不過～自此之後我真係唔知點去面對點去行.........
真係架～出左黎就真係咩都一個人，什麼人都不能信，什麼人都不能去依靠
真係真係架！最緊要就只係愛自己鍚身！
感恩天父今次比ｌｅｅ個病我！真係體會好多事！
為何又跌返落去谷底深淵既～
唉～個胃仲痛，ｄ骨又痛，哭到頭又痛～我真係好累喇．．．．
好多事都已經心中有數．．．

>>February 6, 2007 at 4:13:04 AM GMT+8

2007 年 2 月 4 日 星期日 【晴】

嘻嘻～前晚同琴晚都過得好開心好寫意啊～啦啦啦～
差唔多用左兩個月既時間，ｃ家居～終於大功告成ｌｕ～ｙｏｙｏｙｏ！！！^v^V
可以全面開放上黎ｍｊ啦～ｍｊ啦～同埋ｍｊ既～WaW Kakakakakakaaaaa.........

今朝到依家為止．．心情都仲係大GOOD既～
希望可以Keep住啦～
今朝搭巴士時訓唔到覺，全程車想左好多事出黎
望住一架架電單車，就想係自己第一次坐電單車，果次．．．．
真係好開心好開心，開心到......真係好感恩天父比我既大恩典
多得他我才站起來，多得他令我知道世上仲有虛擬人既存在，多得他我才會積極讀書！
多得他無限既安慰同支持既說話！！

>>February 5, 2007 at 1:31:05 AM GMT+8

2007 年 2 月 2 日 星期五 【颳風】

頂丫！！！比我好好地做埋呢個月都唔拿得既！！！
大前晚同琴晚都發有關公司既大惡夢！我真係精神崩潰喇！
大前晚米又係夢見關於近日果壇野囉！
大佬呀！ｄ信一出街我就控制唔到架啦！可能postman派錯地方而對方冇比返post-office都有可能架wor！
又或者跟本係對方唔知質左去邊！！為何又係我問題！！！
一次係咁兩次又係咁三次又係咁四次五次又係咁！！！
個夢我又係好激動不停反駁佢地，不過冇人理我！只係一味話係我錯錯錯！！！

琴晚既夢就係比"autie第二代"係咁追～仲追上門添！
結果今朝一回公司又比佢"吉"！火到我丫！！
獅隧今朝嚴重車禍大塞車，知佢今日都on duty , so 米打比佢講聲佢知我會遲返囉
點知打左半個中佢電話冇開，so我米打比另一同事講聲lor....再想想下....我遲返驚冇人開門wor...so我米又打上mgt. office 同bldg staff 講聲lor
吊！我一返到公司米問下佢電話冇開wor...佢即"吉"我話:"你可以留言ga...唔需要周圍同人講你遲返lor"
頂！！我打左咁多次你都冇開電話，我點知你係唔係突然同人調左假而我又唔知姐！！
同埋你根本電話都冇開，我留咩比你都冇用！～
做咩都係我錯？！？！！！！！！真係痴九筋架！！！！！！

一知我走開始ｄ八婆玩變面！好o野！！！
一年前E比佢既label format 成日都話冇，要點我同佢做，好啦，依家知我走
就話原本一早有！！！！仆街丫！
平時d medical claim form 所有野都唔填名都唔簽....依家一個二個填好晒！
真係吹九脹！！！！
真係做到我粗魯爛舌晒！！！！！！ .＼＃／.

>>February 3, 2007 at 2:33:13 AM GMT+8

2007 年 1 月 24 日 星期三 【陰】

～唉～遞左ｌｕ～不過又俾返我～
其實都明白佢地對我既好意，都想我拎多舊錢先走
與此同時，都想我執埋ｄ骨頭野先走丫馬．．．
開口埋口up左三次叫我搞掂埋ｄ Function先好走
扯～我就係唔想幫佢地搞先擇晒日子走針馬．．．
唉～輸左比錢囉．．．．．．
其實我都係蠢左，如果冷靜少少星期五收埋錢先再遞信
既可有錢在手又可早走唔洗幫佢地做野喎～～
蠢左！蠢左！蠢左！真係蠢鬼左！！
要幫佢地做埋野先走，咁.....走黎都冇晒意思了..............
都係自己蠢！八月時有得走又放棄大大大大好機會冇走．．．．
結果果時幫佢地搞左九萬幾個function仲要受埋氣.....搞到自己精神都出現埋問題！為咩！

算！快快手手到二月尾．．．．
以後唔洗再見到佢地
不過.....跳跳虎話間間公司都大把小人，而lee間人工好又福利好又清閒
唔好理..只係逗自己份人工就過世算
不過！！我點都會走！！！我相信自己會再次遇上好似上年八月果份工既 .＼~／. @
同埋．．．heeheheeee.....識下新人新事新開始丫馬！！！
嘻嘻．．．話唔定好似HelloKitty 話齋.......hehheheeeee.....可能下份工有野睇下ne~~呵呵呵呵.......

間屋風水好？財源滾滾來？？哼！我唔信既！
只係天父唔想我太大負擔而比我既恩典！！感恩

>>January 25, 2007 at 4:51:58 AM GMT+8