2006 年 6 月 9 日 星期五 【晴】

死IB!! 你個死人頭!! 拉低哂我個GPA!!, 人地明明一路都上升緊架嗎!! 去死啦!!

今日未返到CAS就開始胃痛, 坐左2個鐘就痛足2個鐘, 最後11點幾同morris講我唔舒服想走
因為呂醫生今日原來下午唔開....
收線後morris走嚟toys lib搵我, 問我係咪俾CAS d冷氣凍親, haha!

入到醫務所, 姑娘第一句同我講的係:『好耐冇見!』...
今朝開始feel到喉嚨有少少痛, 返工途中都買左喉糖食~
睇開醫生又講埋, 醫生話原來喉嚨腫左... 好彩講埋啫...
攞葯時姑娘話:『醫生開左22粒胃葯俾你!』
22粒??? 聽錯?
係呀!! 冇聽錯! 係22粒
粒葯勁易溶, 擺入口再飲啖水, 吞果時已經溶鬼哂, 好核突!!

見醫生度唔係好多人, 我話要秤下... 唔知做乜無啦啦輕左4磅,
醫生叫我食芝士, 係一日食2-3片.... 會唔會多得滯呀又?!

>>June 10, 2006 at 11:59:43 AM GMT+8

2006 年 6 月 8 日 星期四 【晴】

to candy, 我都信係報應.................


我隻ipod傻左呀…
明明尋日o係office用都仲好地地, 仲save到野, 放工都仲一路聽住一路返屋企…
夜晚想開file, 插左入usb後, 想由my computer度開file啦, 但一double click 佢就hand左機, 試左三次都係咁, 咁想用itunes update下佢啦, 好耐之前阿銘教我有咩事就插落itunes update下佢就冇事~
點知不幸的事繼續發生, 佢話我delete左個quicktime所以依家開唔到itunes(我又真係delete過….)!
死死氣氣又摷番隻碟出嚟諗住再裝過itunes, 佢又話我之前update過個, 所以裝唔番個舊version…
到我上appleclub.com download番個新itunes再嚟過, 裝好之後,
更不幸的事係itunes detect唔到隻ipod =.=”
攪攪下, 連聽mp3個function都冇埋…..
我隻ipod死得好壯烈呀今次!...
今日專登帶ipod帶隻CDR返嚟再試多次,
衰到連format隻ipod都唔得… 連format果舊野都detect唔到ipod… 死得啦咁!
我save左個都ok重要的word file o係ipod架!!


今日真係唔知做乜, 返到office先發覺原來我唔記得攞飯......
冒住黑雨同秘書姐姐去"rehab", 即係隔離康復大樓食...
諗住早d走返mc founder攞票, 我都講過俾morris知,
點知佢明知都4點8嚟同我做果個weekly meeting...
一講就講到5點... 佢仲要話 "或者咁啦, 我知gigi你趕時間, 我地講到呢度先啦, 你去觀塘快d啦要!"
我心諗, 咁你知就唔好講咁耐啦!!
最後趕住走, 連原本想攞返去俾saiman佢地幫我整的ipod都漏低左o係locker....
我錯失左一個大好機會呀!!!
ginny話唔緊要, 睇下幾時我去開觀塘先攞低俾佢... 但我想講, 我平日都唔會去下觀塘呢......
返嚟上appleclub睇維修 d野, 諗諗下我隻機又冇單, apple可能唔幫我整添...
天呀!!!!!!!!!!!!!!!

黃佩芝呀!!!!!!!!!!!!!!!!! 唔好再腦生草得唔得呀!!!!!!!!!!1


>>June 9, 2006 at 12:55:06 PM GMT+8

2006 年 6 月 7 日 星期三 【晴】

長駐食飯房today~
死啦, morris話由聽日開始, 每星期meeting我半個鐘傾下野........
例如我睇CoP書本睇到有咩insight... 乃野!!
ch.2睇左2日都未睇哂, 進度爆慢!
所以今日知道後掟起心肝勁睇!
KO哂ch2同3~

放工途中買左枝行年宵食過的冰糖士多啤梨~
好好味呀!! 請左秘書小姐食兩粒~ ^^
秘書小姐真係叫 Lily....

放工去左換smart ID, 冇乜人的關係, 前前後後10分鐘就走得 =.="
打手指模又打左好耐...
18歲換身份証時又係, 打左不下於10次先打到!
依家以為科技先進d會好d, 點知都係打左不下10次, 係左手同右手各10次...
個人話可能我"手皮"薄喎! 叫我如果用E道過關就要用濕紙巾抹下手指, 再捽熱手指先過喎... 滴哂汗!


>>June 8, 2006 at 2:03:27 PM GMT+8

2006 年 6 月 6 日 星期二 【晴】

Candy 仔, sorry呀~ 成日唔記得set埋font size添~~

to turbo.... project.... 嘿嘿!!


尋晚聽完紫樺講之後, 今朝趁住又坐toy lib就拆左插modem果條電話線出嚟插入notebook, 用poly個dial-up 56k 上網.. 成功啦!! 即刻多番d樂趣~~

放工搭醫管局架車落mk行一陣~ 真係一陣, 半個鐘左右only~
以為醫管局架車個站會o係番17M個站, 搭搭下見佢唔行果條路即刻驚驚地.. HAHA!
好彩都只係O係旺角警署啫~

尋日行左一個鐘先買到的新鞋仔~~


今日畫的mk地圖, for放工行街用~ 最後只係拎過出嚟睇一次~~

女人街即係邊條街??? 今日落車後行左半條洗衣街就走lu~


勁cheap的名牌!! 都話自己print張扮都得架啦!



>>June 7, 2006 at 1:35:10 PM GMT+8

2006 年 6 月 5 日 星期一 【晴】

Start with a delicious Mc Donald breakfast today ^^~

尋晚訓訓下想嘔, 醒左兩轉, 最後都係嘔唔出…
之後若無其事咁繼續食麥記早餐~

阿媽話:『你果度有冇d靚仔又後生o既醫生呀? 有就去識人地啦!嫁個醫生都好呀!』
(叫我去識已經好過姨媽叫我去撬… haha!!)
嘿嘿!! 其實我覺得阿媽係緊張o既! 佢口講就話冇所謂啫! 但佢心底裡係想o既~~

某個so-call “高級心理學家”好冇禮貌囉我覺得!
佢入嚟conference room同我say個hi, 因為lunch會一齊出去飲茶,
入到嚟時我面對住門口坐, 個mon梗係背住佢啦,
講左兩句之後佢扮野咁行前兩步, 勁明顯咁 “裝” 我做緊乜喎! Cheap ar!!
係, 你係高級, 但你都唔應該 “裝” 我囉!
我同你又屬於兩group唔同的人, 雖則你係CoP的member,
但你唔可以排除我係做緊第二個CoP o既野囉!
而且我入嚟都唔係跟你做野, 你唔俾我做緊morris d野架?
呢d係應有的禮貌, 因為你唔會知人地做緊的事係咪confidential, 好在我只係打緊notes啫!!
以前ginny係我direct head, 係 “裝” 我都唔會咁揚啦, 至多係行出行入時看兩眼咁啫!

越來越鍾意秘書姐姐, 好好玩呀佢~~
佢係果d諗到乜就講乜, 口不揀言得嚟又唔會hurt到人咁~
lunch時我冇帶tissue, 我問佢借, 佢話:我都冇喎! 得呢張咋! 未用過架!
之後打開個手袋俾我睇, 有兩張盒裝tissue的紙巾, 仲要皺皺地果隻,
我話: 咦! 係咪架你?! 咁皺好難叫我信你架喎!!
Sandra聽到後大笑, hehe!! 呢個sandra係咩人呢? 好似今日先見到佢…

尚在努力認人中!!
秘書姐姐好似唔係叫Lily =.=” 好似係 Lilian……… 觀察下先!!
暫時歸類, 秘書姐姐, sandra, 藍醫生, 一個言語治療學家同霞姐都係好人!!
第一日嚟到時藍醫生勁忙, 見佢行出行入, 最後放工走時先o係走廊撞見佢同佢say個hi,
因為佢係CAS的KM最高領導人, 之後一直冇同佢講過野, then就到尋日lunch先一齊o係食飯房食飯,
原來藍醫生外表好似好strong咁, 但都有 “小女人” 的時候~~
morris係亦中亦邪!! 鬼叫佢自己星期六明明唔返又要我返嚟坐!!
高級心理學家係衰人!!

夜晚同紫樺and turbo唱k, 唱k前turbo陪我行街買鞋~
行到好肚餓, then等埋紫樺就入去lu~
成晚又唱左好多歌~ 大部份都係舊歌… 大家個database都冇乜update過~
觀察所得, 我可以肯定turbo已經唔鍾意容祖兒啦依家~
依家佢變心鍾意stephy!! Hehe!!
亦都可以肯定turbo冇聽過陳慧嫻唱明日有明天, 但聽我唱得多而識唱……
紫樺 這一天 個case都係~
我又成版咁點, 之後由得佢地插播~
唱完之後一齊搭的士返屋企, turbo有project交啦!!!!!!!!!!!!!!!!
“漫長漫長路間 我陪我閑談 漫長漫長夜晚 從未覺得冷…”

>>June 7, 2006 at 3:07:49 AM GMT+8

2006 年 6 月 4 日 星期日 【晴】

嚟呢度返工, 最安樂果個係我阿媽, 因為佢唔駛再驚我無啦啦頭暈, 就算唔舒服, 隔離房已經係醫生 =.=”

突然發現, 原來呢一年以來所賺的人工, 只係僅僅夠我交半年學費 =.=

今日周圍搬, 搬左4次!
朝早o係pantry check到toys lib有人開會, 自動自覺shift去conf. room
坐坐下, 秘書Lily姐姐話俾多個roomate我, 因為呢個dr. lau留低做一陣野, 又係冇位俾佢所以叫左佢入conf. room同坐,
lunch完原本坐番toys lib, 因為到conf. room有人開會, 點知個lib個會仲未散,
最後走左入observation room坐, 有得上網架果度!! 好感動呀!!.... ….
但坐唔夠一個鐘, 又有人要用果部電腦, 睇下library又有個人坐左o係度我又唔夠膽入去,
(但諗諗下入面個位係我架喎……………..)
最後………… 走左入食飯房, 一路睇CoP本書一路細細聲聽歌…

to 大夫:我知咩叫CoP啦依家! 真係解Community of Practice呀! 簡單d講即係d人點埋堆咁解, haha!!

Professor之前叫我睇果本書, 今日先開始睇, 啱啱好KO左一個chapter~~
聽日繼續努力!!

秘書小姐好好人, 好好玩, 好似purple姐姐!! 唱兒歌果個purple姐姐!!
(紫樺記唔記得邊個purple姐姐?? Miss mok話做過同佢學果個!)
佢今日份lucnh勁爆笑, 一隻salty的鹼水粽加糖, 同埋一個凍蘋果… 大家見到都無一不o咀…
我搬左入食飯房後佢行過見到我o係度, 就話:你冇位嚟左呢度呀?!
仲離遠同我揮下手… 好攪笑

好想快d出糧… 唔係呢度果份, 係MCF果份last salary…

Ginny今日考試喎, 唔知佢考成點呢? 佢尋日仲打嚟問過indifference curve的問題, 結果我一路摷書一路答佢,
最攪野係教佢點畫圖, 我講到一舊舊咁, 但佢竟然get到幅圖係點, 超勁呀!!
收到ginny的sms, 問完econ後佢問我依家返成點, 覆左佢後佢話:『哈哈! 係咪好掛住我地呢? 覺得自己o係方正先係一個有用又正常的員工…』

原來聽住歌, d時間真係過得快好多架!!
明明頭先o係observation room冇聽歌, 睇書睇左好耐先一個鐘,
依家搬到過嚟食飯房, 聽左9首歌已經好快咁過左45分鐘lu….
音樂的發明好偉大…. 聽歌好重要, 特別係陳慧嫻d歌, 哈哈哈!!
聽晚去唱k, 要唱下去吧同月亮..hehe!! 不過要分開唱, 連續唱會好攰, :p



>>June 5, 2006 at 12:09:48 PM GMT+8

2006 年 6 月 3 日 星期六 【晴】

『你的生命另一半』... 係一首歌的歌詞, 呢首歌叫《紅茶館》...

由今朝開始, 好多野都同家姐一人一半...
由買恤衫開始, 買左一件佢著完會到我著的恤衫!
之後去買鞋, $120一對, $156兩對, 結果我地一人一對!
到lunch, 我地一齊未肚餓, 最後一碗麵兩份食,
食完麵有d口渴, 一杯凍檸水兩份飲!
到tea, 一個麵包太多, 一人一半食左佢!

唔怪之得阿大成日話我同阿大係連體嬰 =.="

尋晚大夫話, o係yahoo search"今日不一樣", search resuly排第二就係呢度啦!
好勁呀!! search到已經勁, 仲要排第二喎!!
ranking竟然高過其他有呢首歌歌詞的阿姐網站!! 好神奇呀 ^^

今日搭車時有2個女仔坐我同家姐後面,
佢地一路戴住earphone聽住歌一路傾偈,
越講越大聲, 有一野住o係正我同家姐耳邊爆大聲講野,
我同家姐不約而同一齊擰轉頭望住佢地,
兩個仲唔醒水繼續大大聲講!
o係佢地言談中, 俾我知道左原來佢兩個都係讀陳楷 =.="
係我師妹...........................
我想講我真係好憎d人o係巴士大大聲講野, 嘈鬼住哂!!
冇禮貌之餘亦都好唔尊重人!!
同埋, 報紙電視可唔可以唔好再講巴士阿叔, 好煩呀.......



原本想買對圓頭鞋返工返學, 著褲著裙都得... 點知今日無啦啦買左對布鞋
仲買唔買圓頭鞋好呢???

>>June 4, 2006 at 12:49:47 PM GMT+8

2006 年 6 月 2 日 星期五 【晴】

莊x耀呀!! 做咩響我全朵呀?! 我係對呢度有d不滿架, haha!

收到阿勝幾個sms, 真係吹脹!...
『我有咩事, 不用買太多野架啦, 有心o既就同韻婷同學來鞠個躬就得架啦!』
『不過記住帶埋回鄉証先好上來鞠躬喎, 因為我估我未番到來香港... ...』
『千祈不好買太多野來ar, 有心o既未叫埋銘同學同力高同學上來鞠個躬就得架啦, 我怕我在下面食不曬。至於偉信同學, 佢有心就得架啦, 佢遠在挪威我都不想佢來來往往。鍾意o既叫埋阿沖囉, 佢在深圳來都好方便』
『首先, 我要去搵佛山贊師父。之後, 我要去清遠睇兩樣野:一、清遠d菜遠牛肉係咪好食d, 二、清遠究竟有幾遠。跟住, 我要去廣西悟州睇下廣西西過廣東幾多。節目豐富, 行程安排嚴謹, 確係犀利。』


研究成功，以後可以７點９先起身搭８５Ｂ．．．好好多！
不過可能今日星期六所以唔塞車，今日搭１１返到～啱啱好～

早知就唔話六月一日咁早就返工啦，留ｏ係MCF賺多陣錢．．．　　=.=”
個安排好有問題囉覺得，先唔好講邊個paid我啦，
你話得呢個係summer placement，就應該係有『工作』俾我做，
而唔係我嚟到你就咁俾個位我坐下嗎．．．　re-engineering下啦．．．
morris 尋日原本叫我今日冇乜野做唔駛返啦，
幾分鐘後佢又走嚟話：『唔好啦Gigi，你都係照返啦，一陣Pro. Tsui問起你考勤果d，如果你冇返的話我都唔知點答佢呀！你返嚟坐下都好啦咁！』
勁無聊呀！o係econ 的角度咪叫not efficient囉! 又或者唔到達equilibrium囉
原本唔駛返，我可以做下其他有high value的事（例如訓晏ｄ）
依家你要我返嚟，個value已經冇左之餘，仲浪費緊我時間同金錢，我time cost好高架!
特別係訓覺果d!

講開econ，早幾日教ginny econ時都真係有ｄ淆底！
上次教人econ係教holly，又係去左cityU！（仲記得係舊年農曆新年！係雞年果個，not狗年！）
但果次holly佢地俾左張題目我先，係佢地presentation的題目，
我可以事先prepare左先教佢地～
但果日真係空槍上陣，記得ｄ咩就講咩，覺得自己好不負責任 =.=”
market structure果度我地alevel淨係讀perfect competition同monopoly的market，
但佢地問我oligopoly =.=” 我都未學過，幅圖成個折線圖咁，見都未見過！
佢個fd係咁話唔得呀！你唔可以唔識架，我俾本書你睇啦！睇完會應該會明過我地！
睇睇下開始有ｄ頭緒的時間，已經係半個鐘後的事lu．．．
最後好衰咁話：『不如你地背左呢兩句野啦！（講個圖predict到d乜野o既）佢一問你你咪畫完圖再加埋呢兩句，點都有d分o既！』(都係問呢d架啫econ…)
到講ASAD Model，又係alevel冇教過，只係year 1 sem1的econ讀過少少，但都唔記得哂lu…
佢地macro冇教我強項--- Keynesian Model！！人地最熟架嗎! Exchange rate又冇…
deposit creation note都冇講，但past paper又有出喎! =.=”
時間關係，QTM同crowding out effect呢d咁重要的concept都skip左……… 所以真係好鬼驚佢地會考成點!
Ginny仲話如果合格的話佢就再請我食多餐…… 但我好衰格咁覺得凍過水 :p

有冇覺得呢幾日的日記都好長呢~
因為我o係office打架囉~ 冇野做咪打下日記, save 入ipod攞返屋企先copy and paste上嚟~ hahaha!!

今日放工一個人走左去新世紀食, 食完行陣街, 去泰昌買埋蛋撻番嚟同阿媽一齊食~ 唔錯喎又~~!!


>>June 3, 2006 at 10:18:23 AM GMT+8

2006 年 6 月 1 日 星期四 【晴】

仲以為可以聽日唔返添! 點知無啦啦俾佢諗起我係paid的就叫我要返, 但佢自己又唔返喎!!

今朝出門口好大雨, 遲左出門口爭d趕唔切半個鐘一班的81s!! 好險!! 出到九龍就冇雨啦! 小巴竟然冇人排隊, 8點半就返到嚟, 真係….. 要快d研究下85b先得! 我唔要轉車呀!!!!!我唔要搭架死人81s呀!!! 因為呢個死人車, 攪到我要咁早起身, 又咁早返到嚟!!

越嚟越唔鐘意呢度…………………. (但今日先返第二日…..)
1. 地方又吊腳, 數均得一架小巴可以上到嚟, 唔搭小巴就要行斜路(仲要係上果隻)! 當年邊個做planning架!! 醫療地方梗係要就腳架啦! 山卡拉咁d病人點去呀! 趕客咩! 去一次就話啫! 你仲要預人地要覆診架嗎!!
2. 食飯來來去去都得一間大家樂同一間普通而又極之唔吸引的canteen! 攪到又要帶飯! 至鬼憎帶飯!! 成日都要帶住個飯盒!
3. 個個都專業人仕, 就算lunch吹水, d話題都……………….. 唔似以前同ginny食飯, 就算冇野講, 都聊到d無謂野出嚟傾! 食完飯又冇得去第二度行下先喎!
4. 又冇fix一個位俾我, 成日要我打游擊戰咁周圍走, 好似今日咁, 明明尋日話我今日full day可以stay toys library, 點知一朝原來有人開會, 又要搬哂d野去conference room, 到下午又到conference room開會, 又搬番去toys library….. =.=” 好似難民咁……..
5. 仲未有電腦俾我用!! Toys library 掛名話除左星期二四之外係我的, 但人地用開部電腦我又唔開得!! 成日就係咁捧住部重得死人的notebook走! 尋日返工落雨, 又要擔遮, 單手law住部機, 攪到今日膞頭好痛呀卑鄙賤格!!!!!! 以前返工第一日朝早就有自己account同email用啦! 點做野架!! 明唔明咩叫效率呀!!
6. 俾我戴住個牌, 寫住係『實習學生 Gigi WONG』, 牌唔係問題, 掛頸好乞人憎! 都算啦, 仲要張証checp雞到我自己o係屋企print一張出嚟扮係証都得! 你cheap極都唔好咁啦好心!

如果佢掉我返沙田個centre就好啦, 唔駛去咁遠, 唔沙田都鴉蘭街啦! At least唔駛轉車, 又近鬧市, 又多d野食唔駛帶飯! 仲方便我認下路! 唉………. 諗起都冇心機呀真係!

越諗越覺得觀塘好, 難怪家姐咁鍾意返觀塘, 返工又方便, 一程80號, 搭半個鐘鬆d就係! 返9點的話8點4先出門口都得! 返10點就仲正, 9半出門都得! 又多野食, 工廠區入面同裕民坊當然多啦, 開埋apm就仲多! 唉……………… candy仔好幸福…………

聽朝要試下搭85b先得!!

>>June 2, 2006 at 12:05:26 PM GMT+8

2006 年 5 月 31 日 星期三 【晴】

第一日返衛生署的CAS...
返工好似走難咁, 部死notebook又重, 又落雨... 勁狼狽!!
上到車唔小心將部notebook一野撞落人地個膞頭度, 我諗佢應該幾痛下...

搵到個站啦今日終於...
好無聊呀真係, 我都唔係"返工",
完全冇做過佢地d野
係morris一嚟講左成個鐘頭野, 之後又俾左d野我睇,
全部都係關於KM的!~
今日都睇得七七八八, 爭段sound track未聽得哂!

好懷念以前公司有得上網的日子....
點解CAS會冇得上網架?!...
抑或因為我用notebook冇咋?!
聽日用desktop係咪有架啦?? 冇網上好悶呀!!
依家冇人同我傾偈, 冇得坐到悶悶地就走去第二度.......
唔好咁落後冇wireless啦唔該! 枉你做KM呀真係!!

6月之內都唔會有一個固定o既位俾到我, 所以一三五六坐toys library
二四去conference room... 幾勁! 自己坐一間房! =.="

7月五天工作制有份~~
不過一至五要放6點..........

orientation做得幾好, 連邊度買飯都帶埋我去!
(but其實係eric tsui好關心呢個問題, 千叮萬囑叫佢要解決我膳食問題, 到我攞notebook時佢又叫我一係自己帶定野食!)
果度真係呼天不應......唉.......

好耐都未試過7點幾就要起身, 仲早過返中學果時 =.=

收工行經新世紀... 見到ginny送個銀包.................... $450個大洋喎....................................................

>>June 1, 2006 at 2:10:47 PM GMT+8