2006 年 6 月 22 日 星期四 【晴】

lunch同ginny同desmond食飯~
d同事聽到我話同d舊同事食, 佢地駕車過嚟兜埋我落九龍城食飯都好surprise
我同ginny都食左好多野~ desmond要泊車所以ginny電話問佢食乜,
但又冇講價錢佢知, 最後我同ginny每人一個30蚊的set, desmond o係不知情底下點左個58蚊的set~
食完set再同ginny每人嚟多個30幾蚊的甜品~ 好好味!!
desmond同新同事食左一餐lunch就叫ginny炒左佢, 勁賤呀!! haha!
ginny話個新同事冇野做o係度send email, even o係度打機...
咁我都有send email... 只不過我o係outlook打好先copy去yahoo send out, 咁你唔知以為我做野啫~
有幾樣野desmond叫我千祈唔好犯錯, otherwise就會好似個同事咁俾人背後鬧, haha!
食完佢地車番我上嚟先, 不幸地撞正太子道西撞車, 塞左一陣~
返到office都2點4 lu~ 靜靜雞咁坐返低扮冇事發 生, hehe!
掛住食唔記得問候下我隻ipod, msn問番ginny,
佢話: "will repair ga, if can't repair, cc can it replace the new one" 喎.... 咁.... 俾d耐性再等下啦唯有

成日都覺得ginny同desmond好似兩父女, 以前已經有呢個感覺,
ginny成日俾desmond塞, 好似一個老豆笑個女咁 =.="
呢樣唔話得俾佢地知........

返嚟時因為desmond架車曬左陣日光浴, 架車熱到滾!!
返到office都半個鐘有多, 仲feel到自己興興地.... 食定半粒退燒葯著數!!
尋晚臨訓已經退左燒, 唔好前功盡廢!!

>>June 23, 2006 at 7:59:36 AM GMT+8

2006 年 6 月 21 日 星期三 【晴】

showhappy翻生啦!!
星期一down到今日....

呢幾日個鼻唔知做乜, 鼻塞鼻水鼻涕乜都齊...
家姐又擺明驚成我傳染佢咁, 下令我今日放工要去睇醫生!
(但佢冇話佢俾錢喎~ ^^)
佢隻手都唔知係咪內置探熱針!
尋晚佢話我d手手腳腳好熱, 叫我探發燒, 我話唔駛啦!
今日睇醫生時先探, 原來真係發燒 =.="
去到醫務所都吽吽地, 姑娘都唔聊我啦今次~ hehe~

尋日上小提琴尾二一堂, 個阿sir同帶相機同我地影相~
上堂前下午無啦啦SAO打嚟, 叫我去上堂前去counter攞SFQ....

原本今日lunch約左desmond佢地嚟食飯~
朝早開開下會ginny sms俾我話desmond今日唔得, 改聽日~~~
今日係星期四, 我都繼續大模廝樣咁坐toys library,,, hehe~
下午同ginny msn.......... um....................................

呢排我成日都同家姐講話 : 『唔好咁無聊啦! 對身體唔好架!』
好衰唔衰, 呢排我又成日病, 最後俾家姐串番我話:『我知呀! 睇你就知啦! 胃痛好番到傷風!』
『呢d唔係傷風! 係鼻敏感!!』 (其實我都分唔開...)
應該係CAS呢度風水唔好我先成日病...

今朝又入左去開自己中九龍的staff meeting...
我覺得佢地傾野好冇效率...傾得好慢!
同一個問題上, d points重重覆覆, 懶係問人意見,
但其實自己一早決定跟指示做, 成個鐘先傾得出少少野... 唉... 爽手d啦!

經典對白 (依家覺得好笑, 但當時一聽足以令你妖佢!)
話說... 我沖緊涼時屋企電話響喎!
老豆去接 :『喂?!』
電話中人:『gigi呀唔該!』
老豆放低電話去同阿媽講:『媽咪呀! 搵阿芝喎!』
阿媽話:『咁你問佢邊個啦!』
老豆:『佢冇講喎!』 =.=""""""""
轉頭同電話中人講:『你過多10分鐘再打嚟啦!』
--> 冇病下嗎!!

>>June 22, 2006 at 12:51:48 PM GMT+8

2006 年 6 月 18 日 星期日 【晴】

今日好幸福地可以晏起身~
因為唔駛返中九龍centre, 直接10半去鴉蘭街~
8點11先起身, 簡直係精神爽利~
9點7出門口, 怕d巴士慢駛....
去到時間啱啱好10點20分, 打俾eric tsui個master學生cherri,佢叫我等埋佢先~

又聽多次佢present CAS 的CoPs, 其實上次都聽過
但見上次聽聽下發夢, 加上o係中九龍又冇乜野做所以又落下嚟...
而且佢做果份project同我果份真係好似, so今日勁抄佢個ppt d料~ hehe~

11點半過d就走, cherri同左我過番去始創中心果邊就走, 臨走仲叫我做做下份project有咩問題都可以打俾佢...
買左個叮叮意粉同綠茶就搭小巴返中九龍~
返到嚟都12點3 lu~~ 可見我都行左好耐下~~ hehehe!!!

今日有意義d的事係打番今朝鴉蘭街centre見到的observation~
好舊啦呢個centre, 好彩星期六搵左先啫, 如果唔係都真係幾難搵!
完全唔起眼呀係!

下午好有聊咁上網睇野, 去pco, 同candy msn左成個下午, 報左2次時.... 真係好有為呀我地...




被揭穿後故事仲有冇得繼續發展落去呢?!?!.... hehehehe!!

>>June 19, 2006 at 8:56:22 AM GMT+8

2006 年 6 月 17 日 星期六 【晴】

to candy, 梗係啦!! 恨佢走好耐啦! 不過佢原來仲未last day, 撞鬼!

星期六CAS都好多會開, 我連坐都冇位俾我坐...
最後阿姐搵左 visal assessment room俾我坐, 個同事放產假有排放!
不過衰在果度又冇得上網...

放工落鴉蘭街走一轉, for星期一返工去~ 果度真係全部舊樓!
等左好耐先3點幾, 決定入大埔join阿勝, 攪笑地佢都仲o係新達!~
入KFC坐左陣, 4點過D就再去大埔中心
又等過.............
可能同d芬蘭返嚟的同學仲有d時差....
原本約4半, 等到差不多六點先齊人... 真滴汗...
途中又入KFC吹下水先.............

繼續係阿銘煮, 終於有芝士焗西蘭花食~
(要加番句, 好抵煮架呢味!! 芝士同西蘭花都係醫生叫我食! 阿銘會煮得有VALUE D!~)
未食得我同candy and阿勝就打牌, 3個人都照打
total我食左2鋪雞糊 + 1鋪詐糊,
平均3個人都試過大相公or小相公, 勁攪笑!
打左成個鐘都打得5鋪左右...

開飯就一路食一路傾偈, 包括佢地o係finland / 歐遊的事
銘叔變左啦........ 佢完全西化左啦!.......

阿勝的四腳蛇及露天閃電溫泉

鴛鴦焗飯變單拼焗飯-->抽油煙機滴左滴油落煮緊的汁.. haha!

同阿勝走入kitchen偷菠蘿食~

d外地返來的同學要"飲酒" --> 同candy仔兩個o係supermarket周圍搵路走..
聯同阿勝四出搵試食

dinner後睇相and 睇片, 最鍾意nicole被困小雪山頂, 同埋一段o係雪地跌低後索性碌去"目的地"~

11點都未到我就好眼訓............. 咁人地早起身呀嗎!...
漏低阿銘一個洗碗 (佢第三次包辦煮and洗!~), nicole送我地去搭車!
滴一滴汗係candy原來見唔到佢上左車後我地同佢揮手
then阿勝同我一齊搭的去火車站~


發現一個好似張學友的磁石!!



乃野!!! 今日先醒起尋日收工唔記得帶埋我 "實習學生" 個牌!!
聽日落到鴉蘭街有鬼人認得我呀?!


>>June 18, 2006 at 1:02:05 PM GMT+8

2006 年 6 月 15 日 星期四 【晴】

秘書姐姐真係叫Lillian, 只係d人貪方便就叫佢做Lily... 攪到我都亂埋!!

今日阿中生日... 希望佢真係有得抖下~
由端午節cher到今日一直都冇假放, 連星期六日都要返工, 上星期仲要飛左去Singapore呀陰公!!

尋日lunch歡送左個dr. lai (逢二四occupy左toys library果位...), 同埋一位今日開始放產假的同事,
一齊去左樂富食, 來回都係搭的士,
食飯果間聽聞係貴野, 食仿膳架喎!~
d野又真係幾好食, 好多細細碟點心~ 幾好~
下午返到嚟就一路開會, 仲未俾錢!
到今朝見到俾錢果個人(我仲未記得佢叫咩名), 我問番佢幾錢,
佢話收學生餐價錢, 即係$60 (除左我之外仲有個心理學的學生)
我話唔駛啦! 唔好啦! 佢話 : 你唔好攪亂我條數好喎!......
wa!! 尋日成張枱勁多野食喎!! $60?!
諗諗下可能佢地買嚟送俾兩位主角的禮物錢exclude左我地兩個...
之後再去問俾的士錢的 vivian, 佢話唔駛俾啦喎又... 咁我又問返嚟果程呢??
佢話係 劉生 (so cheap的so-call高級心理學家!) 俾, 佢又話唔駛啦喎...
結果, 學生餐係免收車錢!

早幾日lunch hour叮飯時morris話『今日咁乖帶飯呀!』我就是但應佢話:係呀...
今日我又帶飯, 到beverley (一個好難讀的英文名, 係CAS的物理治療師)佢又take 2話『今日咁乖帶飯呀!』
點解帶飯就係乖.................

今日lunch後morris又同我傾左半個鐘俾我問問題,
感覺係佢帶緊我遊花園, 都唔係正面回答 =.="

放工攞隻ipod返觀塘俾ginny, 朝早msn上問佢時佢話:『記得拎ar』...!
saiman叫我早d返去,請左我食tea先幫我整ipod,
(其實我都一路係諗住買燕窩蛋tact上去請俾地食...)
ginny話 : 佢地係boy, no need燕窩
hahaha!! 返到MCF好攪笑, 見到ginny, 阿hin同desmond,
攞蛋tact入去俾desmond時佢一見到我就話:『又係你呀! 你又返嚟做乜呀!』
ginny, saiman同阿hin都好鬼衰!!
已經請左個新同事repalce我~
佢地個個都話個女仔好靜, 咁我話 : 人地新嚟梗係靜啦!
saiman話佢尋日o係佢面前行來行去搵野搵左成日, 個女仔都冇望過佢一眼~
ginny話: 佢對眼冇你咁大又冇你咁精靈, 仲冇你咁靚! (一次過俾人讚咁多野, 所以一定要記低!!) 同佢食飯, 爭d我唔挾俾佢佢都唔自己挾野食呀! 我仲成日做做下野叫錯左佢做gigi添呀! (我覺得個女仔好慘........)
最衰莫過於阿hin, 佢話人似蠟像........................
嘻嘻~~ desmond話下星期搵一日佢地出車過嚟車埋落九龍城食lunch!!~ 好呀!!!!!
最後同ginny一齊走, 等lift時佢話我做乜買咁貴野上嚟, 有冇d內疚...(5個egg tact買左 $90~)
我覺得ok呀又... 請佢地食我會捨得~
搭80號塞車.... 依家好日都唔搭下, 一搭就塞, 仲停左o係度20分鐘 =.="

聽日落旺角兜一轉搵centre先, 今次畫張地圖好似仲易蕩失路 =.="



>>June 16, 2006 at 1:24:22 PM GMT+8

2006 年 6 月 14 日 星期三 【晴】

Exhausted by meetings today...
KM group meeting in the morning, taxonomy meeting thru out the afternoon
although I still have no idea on "taxonomy"...
many questions for morris... many question marks on my head!!


Saw an urgy aspect of this real world today in the meetings!
(attention, is "meetings", not "meeting" !!!)

Really tired...........


>>June 15, 2006 at 12:23:11 PM GMT+8

2006 年 6 月 13 日 星期二 【晴】

今朝好無聊, 同candy吹水吹左成個朝早咁滯, 有為到玩報時!...
同candy相討邊日出嚟食飯, 佢提我記得帶ipod, 我話有架啦, 日日都袋住!
點知俾佢話 "帶住舊廢物" .........

下星期一要落鴉蘭街, 搵日放工落去兜個轉搵下先!
連佢地都話好難搵, 唔駛旨意我一嚟就識!




>>June 14, 2006 at 8:47:15 AM GMT+8

2006 年 6 月 12 日 星期一 【晴】

今日玩手提個game玩左成日, 睇得4版書only...

lunch冇帶飯, 想去買飯時就o係 lift 口 撞到果個 so-call so cheap的高級心理學家, and一個藍田centre嚟的人,
結果同左佢地, 加埋vivian同社工alice一齊落左九龍城食...
放工走左去旺角行左轉(冇攞地圖行架!!!), 買左件外套返工著~
今日夾夾埋埋都行夠半個鐘有多, 響應左衛生署個呼籲

尋晚學小提琴好好玩, 可能夾住個琴夾得唔啱位 or 夾得太大力,
今日feel到下巴附近d骨痛痛地~
全班都係第一次拉小提琴, 個個都拉到d聲好似鋸木咁~
原來小提琴唔同鋼琴, 彈琴要d手指一野大力d彈落去~
但小提琴就要好溫柔咁細細力就得, 大力反而會變鋸木~
一路上堂一路諗起李克勤首 "月半小夜曲" ...
學完5堂會唔會拉到呢?! 拉到前奏都好呀.....

星期四將會有兩個會開... 好緊張... 又有d worry...
一來我未完全摸熟CAS係點, 仲要一嚟就兩個會, 上午一個下午一個,簡直係等死!!
二來呢個將會係我人生中第一次"公事"上的開會..............簡直係等死!!

聽日好似有得全日stay toys lib~~
有得上網啦!!~


>>June 13, 2006 at 1:28:57 PM GMT+8

2006 年 6 月 11 日 星期日 【晴】

低b.... lunch叮錯左人地個飯盒, 正白痴!!
仲以為老豆攞錯, 好彩趁未食之前打俾阿媽, 數數下d餸, 义燒, 魚...
阿媽尋晚都冇呢d餸, 再睇多次雪櫃... 原來唔知邊個個飯盒同我一模一樣 =.="
唯有放低佢個飯盒o係叮叮爐隔離, 以示叮左,
但到我lunch完後的幾個鐘後, 去pantry斟水時發覺個飯盒仲擺左o係度...
最後我又雪番佢扮冇事發生!

個死人高級心理學家又嚟裝我, 妖! 吔蕉啦!! 有冇禮貌架你!!
人地都坐左o係 conference room個角落頭, 係都要穿過哂d chairs走嚟裝o既, 好冇品呀!!!!!

今日第一堂學violin, 好好玩~~
好彩識睇五線譜, 原來佢完全唔教五線譜就嚟,
我地班學得好快, 一堂已經教左2條弦~
自細開始, 好多手勢我都掌握得唔好,
由[手查]筆, 俾阿媽鬧左好耐都仲係[手查]到衰衰咁...
到學琴, 又係俾個miss鬧, 堂堂都話我手勢唔好
到依家小提琴都係................ =.="

>>June 12, 2006 at 2:16:04 PM GMT+8

2006 年 6 月 10 日 星期六 【晴】

好番之後真係要食番多d野先得, 連90磅都冇真係驚驚地!

d葯好麻煩, 一d空肚食一d飽肚食,
食左空肚的之後等一陣, 食少少野再等一陣先食得埋飽肚的葯,
食一次葯攪半個鐘左右啦... =.="

今日同阿媽同阿大去行街,o係IT入面 阿媽同阿大O係度睇袋,
我行左去第二度睇野, 之後去搵番佢地時,
見到有個人抱住個BB女好得意, 好肥~
望下抱住BB個人, 有D熟口面, 再望埋隔離個女人... wa!! 李麗珊喎! 之後就諗起個男人係王德森~
佢兩佢都好nice咁同我地笑下~

同阿媽去左表哥餐廳食, 因為阿媽未去過, 將會繼續blacklist佢...
我地坐卡位, 對面的兩位係國內嚟的人,
坐坐下佢問我o係邊度搭170, 阿媽話一陣帶佢地去搭, 因為都唔知點講佢知好...

我的同學仔回來了!!~

>>June 11, 2006 at 12:25:05 PM GMT+8