2006 年 6 月 28 日 星期三 【晴】

有個姑娘今朝問我：『你又食麥當勞呀?!』
呢排好鐘意食麥當當早餐，一星期食兩日左右啦！
一來係以前一向都好少食，咁依家返工落車行過兩個街口就係，所以食多左～
二來係想食番多d野，肥番冇左果幾磅返嚟，咁麥當當早餐成個包就最啱啦！
三來係… 豬都好似係紅肉的一種！！
姑娘話：『好肥膩架！不過o靚妹仔係鍾意食呢ｄ！』

lunch時起去拉薩的火車, dr lam問有冇駐車醫生
之後就講到佢搭飛機時試過好似睇電視咁有人心臟病發...
佢話識得另一個醫生又遇過呢d事, 係起飛後冇耐, 但機上冇乜急救tools, 個醫生要"自製" 一d tools出嚟, 最後個人救唔番... 架機繼續向目的地出發, 冇返轉頭~
到另一次, 又係心臟病, 今次個人救得番醒佢, 飛機就折返
總結係 : 『橫掂都死左, 唔駛返轉頭啦!』

臨放工4點幾時秘書姐姐走入嚟問我識唔識用scanner
我話一dd啦, depends on 個scanner易唔易用..
最後佢"邀請"左我同佢去電腦房scan野
個scanner低b到scan完後要press埋"完成"先出到張圖... hahaha!!
scan完返嚟都夠鐘放工lu~

好耐未用過磁碟... 但磁碟依然commonly use in CAS =.="
用慣左手指

開始對份project有ｄ頭緒，初步都知道個方向大約會係點
（但唔係應該一早就知架咩?!）
上星期morris先俾番份prof tsui send嚟的project proposal俾我睇
勁滴汗呀! 我完全冇睇過呢份野, prof冇俾我過睇
morris就以為係我同prof一齊傾出嚟…

fans club結束左一年啦~ 感覺好似all things being constant咁… haha!
相照睇, 歌照聽~ 攪笑o既野繼續有得睇~
淨係覺得一年又過得好快~ 舊年個BBQ~ 果日落好大雨, 但又好熱, 哈哈哈!!
我抹到成面紙巾俾大夫笑做乜唔用temple :p (仲衰到有張相影到我成面紙巾=.=”)
攞左esther件褸影相~ 記得原本大夫話請我搭的士, 但最後同左galil同車請左我, hahaha!!!
同埋galil遲到!! 攪到我o係巴士站俾人問galil幾時到, 到左未我都唔知!!
隻鞋好似用得三四張咋~ 都好似冇乜機會用
(其實係我收埋左成日唔記得用, 又或者係我唔捨得用都唔定~ :p)
呀! 應該掉轉話20年先啱!! 廿年喎! 幾勁呀!! (只係我得8個月貨仔~ 但都心滿意足, 笑口常開!!)
[我個腦就係用嚟記埋呢d無謂野…]

就快7月1日, 9年啦… 好快…… 果晚仲同家姐同阿媽等夠鐘睇電視

就嚟7月5號啦!!! 3年啦!! 果晚好開心架! 距離最近呢次架啦!...
等左咁耐終於都睇到, 嘿嘿!! 阿中仲沙聲添~ 仲變態過我~
一次過睇哂兩個, 勁抵囉我覺得~~
前前後後都翻煲左好多次!!

7月9日… 如果冇記錯的話係一個人的生日… 不過咁耐以嚟都…

7月12日… 呢個1年啫… 龍蝦湯泡飯呀…………………………… 今年冇lu…

7月28日… 今年會點呢?!

好似係8月19號… 繼續係3年~ 又係等好耐~

8月27日… 嗯…32年!!! 不過有d心急~~ 係我心急, 唔係當事人心急!!

9月係有一日… 但我唔記得左係邊日!! 3年… 一不離二!!

10月5日… 2年, 好無啦啦咁, 哈哈!!

11月10日… 呢個23年! 要攪攪佢, 成日話我似豬呀啦! 大報復嚟啦!!

11月15日… 1年~ 主角記唔記得呢?! 肯定主角會睇到!!

11月25日… 舊年第一次attend, 勁台慶feel, 但暗地裡覺得有d毛管戙, d鞋令哂!!

12月3日… 住低我7層果個!! 今年我一定會準時!! 唔駛等到聖誕先有!

12月8日… 33年 =.=” 唔慶祝都罷啦呢個, 根本冇意思!

12月18日… 呢個真係唔知幾多年喎! 由我知道果年計起就… …7年啦!

12月22日… 1年… 天堂變地獄

12月24日… 超級大吉日呀!! 又係23年, 又係好快!……… 咁快數到12月, year plan咁 =.=”

12月25日… 人生中的第23個聖誕節


越數越無聊… 因為o係office唔想睇書
估到咩事的話你好叻! 証明係同類! 唔駛話我知你估到邊個係乜野啦… 隨手打下咋…




>>June 29, 2006 at 12:48:02 PM GMT+8

2006 年 6 月 27 日 星期二 【晴】

用50蚊買左個教訓...
尋日收到credit card的statement, 先知5月尾有日撳錢時發雞盲,
由credit card度撳左錢出嚟.... 佢當左我用credit card借錢
即時要俾50蚊做手續費...
好彩今個月又咁啱有個50蚊的8達窿rebate... 啱啱好扣番 =.="
再考慮長期戴住 防止發雞盲眼鏡先得


尋日俾左我yahoo.it的email 俾morris send野俾我
到今朝佢好似發現新大陸咁走嚟問我 : 『gigi你識意大利文架??』
滴汗.... 點解無啦啦識意大利文呀?!.......
『我見你個email係italy o既! 咪以為你識意大利文咁勁囉!』
哈哈!!! 佢係第一個俾我呃到o既人!! yeah!!!!!!


發現一個Ms Li係好人! 尋日我問佢攞ppt睇
佢用好welcome的語氣話好 ^^
今日佢save左個ppt入磁碟度俾我~~ 總之佢個態度係會令你覺得好舒服架啦~
至於果d so cheap的so call高級心理學家...
all staff meeting時佢present FA (First appointment) 的arrangement 果part
佢present後係tea break, 佢懶好人咁嚟問我明唔明咩叫FA
嘩! 玩野咩! 你果頭先present完, 依家嚟問我知唔知係乜?!
到尋日lunch, 佢坐我隔離, 咁啱有個高身的tissue box隔住左我同佢
(其實係有人pass左個tissue box過嚟, 我好順手咁放o係我同佢中間, 順便同佢隔一隔 :p)
食食下佢推開個tissue box問我 : gigi你幾時會開始走centre呀?!
呢2個舉動都令我覺得佢係想懶係friendly咁...
總之o係我眼中佢額頭依家鑿住『衰人』呢兩個字!
有個CU的psy學生跟佢, 我覺得個女仔好慘囉... 成日要篤眼篤鼻!!


>>June 28, 2006 at 7:34:11 AM GMT+8

2006 年 6 月 26 日 星期一 【晴】

同candy相約自閉, 我話自閉要去CAS做評估, 但要referral letter,
之後就話不如一齊去睇e生, 叫e生俾referral letter我地一齊嚟check自閉,
咁我話都約得一齊去睇e生, 即係唔係自閉啦!
candy就話e生會話『我相信你地並非自閉, 係精神病姐』 XD
之後就會俾我地好想要的referral letter我地, 不過係referral去青山, not CAS!

力掙之下budget由 15蚊變成17蚊... 繼續加油, hehehehe!!!


連CAS佢地自己都覺得有問題啦終於...... 由尋日staff meeting到今日lunch,
Dr. Lam都話要諗下辦法唔好開咁多會, 同埋要d會開短d,
等d人多d時間睇case,
咁啱得咁翹今朝大夫先話叫我不如去做呢度的BPR..... 又會咁啱!


哎呀!!!!!!!!!!! 尋日唔記得左添!! miss左啦又死蠢!!!


尋日pro. tsui o係staff meeting入面話:『... 因為gigi要做呢份project, 日後會需要同大家做少少訪問, 傾下偈咁, 咁以後大家見到佢可以問下佢做成點啦, 做得好就verbally讚下佢啦, 做得唔好就打俾我話我知啦!』
>>> 聽到我滴哂汗!



>>June 27, 2006 at 7:27:10 AM GMT+8

2006 年 6 月 25 日 星期日 【晴】

CAS staff meeting thru out the whole day, CARZY!!
BE EFFICIENT LA!!!
超變態, 成百幾人, 今朝一去到我問morris係咪是但坐就得
點知佢話:『唔係呀! 你同教授係guest, 坐第一行, 你去坐教授隔離啦!』OMG!!
結果profrssor坐到11點幾走左... 而我... 上午完左到下午... 坐到pat pat都痺~~
最後5點都未完, 我就同morris講今晚要上堂所以要走先 (呢個係事實!!)

開始對份project有d頭緒, 不過professor好煩!!!


>>June 26, 2006 at 2:19:26 PM GMT+8

2006 年 6 月 24 日 星期六 【晴】

出面太陽勁曬, 成日都冇出過門口~~

聽日全世界CAS開meeting, 要9點返到去唔遲得, 有一part要介紹我... 死啦.........
eric tsiu都會嚟, 仲可能要同佢食飯, 唉................


>>June 25, 2006 at 9:42:58 AM GMT+8

2006 年 6 月 23 日 星期五 【晴】

尋日放工返到屋企又發番燒... 睇嚟冇乜事都係留屋企好d, 出面熱到傻!!
由於今日要還番個小提琴, 於是尋晚食完飯落左中中屋企,
原本係打算直情o係中中度訓, 但發燒的關係, 都係返屋企訓
個琴走左音唔識 tune, d音勁核突!! 好彩隔離冇投訴啫...
最後玩左一個鐘小提琴, 個幾鐘電子琴, 勁彈明日有明天,
想錄音做ringtone (自已彈扮哂有意義d咁), 但一錄就會彈錯, 唔錄就彈啱, 吹脹!!

今朝阿媽叫我拉俾佢聽下, 於是拉左小小月半小夜曲俾佢聽,
佢竟然話聽唔出, 好過份!! 唔駛話拉得好, 俾下面話聽到都好啦..........

返poly上eric tsui果堂書... 發覺被騙了.. 又話講portal,
thru out2個鐘都冇講過portal!!
放學同nicole, 阿銘同小菁去舊can食
食完就返歸lu... 太熱啦..................


>>June 24, 2006 at 10:30:31 AM GMT+8