2006 年 7 月 22 日 星期六 【晴】

一起身已經係個gloomy sunday..
為一樣野拉鋸左好耐, 最後都係唔夠薑 =.="


唉..... 尋晚決定左, 聽日拿拿臨去攪先, 應該趕得切果日o既!!
費事第時後悔就冇彎轉!!


>>July 23, 2006 at 8:48:07 AM GMT+8

2006 年 7 月 21 日 星期五 【晴】

自己5天工作就唔記得人地都可能會,
慒慒下咁走去長沙灣攪grant-loan, 上到去先知人地開5日 =.="
走左去西九龍中心行左個圈涼一陣先去搭車,
monday又要再去過,
尋晚發雞盲的我將老豆同阿媽個身份掉轉左嚟填,
張form改到7彩, 阿媽逐個改左的位置加簽........... 衰起上嚟一陣佢唔收仲可能要去多次添.... 唉.......記得睇下地圖mtr點去交form先得.......

今日成日都同中中一齊, 我返到屋企抖左陣就同佢落去食飯, 食完再上番嚟,
2條友溫溫下書走左去玩飛行棋, 玩2鋪我就輸2鋪 =.="

裝修師傅又話我似我姨媽果邊一個親戚
3年前佢都咁講過, 今日仲話我同果個人唔講以為係兩兄妹 =.="
冇血緣關係我架地...................... =.="

爆笑情景一個, o係酒樓見見姨丈and姨媽已經係一個奇景
攪笑在佢兩個身在中式茶樓, 但手上攞住的, 分別係一杯凍檸茶同凍咖啡
食的, 就食番酒樓野食, 佢地隻茶杯用嚟"裝飾"的, XD

>>July 22, 2006 at 12:05:52 PM GMT+8

2006 年 7 月 20 日 星期四 【晴】

清晨6點至7點期間被嘈醒左3次, 火都嚟埋!!

死grant-loan, 我靠你就餓死左9世啦!

下午KM開會, 唉... 又係傾到慢吞吞咁啦~
present左2次我個進度, 因為prof趕住走, 但split開左2group又未merge番埋 =.="
搵左2個人俾我問, 一個俾左佢電話我叫我打俾佢問
另一個趕時間都留低俾我問埋先, 仲俾左email address我, 叫我有咩問就send俾佢~
真係好~ ^^

今朝.......... 收到一個電話, 內容如下...
『黃小姐呀唔該』係呀我話
『我地係xxx律師樓打嚟架, 請問你依家得唔得閑呢?』得... 但你係邊度打嚟話?
『xxx律師樓』律師樓?
『係呀! 請問你依家得唔得閑呀?』得... 咩事呀?
之後條友講講下開始笑...
死人矇豬燊整蠱我!!
佢用公司電話打嚟我唔認得, 你個死仔!!!
唔好咁無聊la! 對身體唔好架! 佢就話 : 奉政府喻, 切勿無聊, 保重身體

>>July 21, 2006 at 1:54:58 PM GMT+8

2006 年 7 月 19 日 星期三 【晴】

原來個電話真係o係office, 今朝d阿姐見到就幫我收埋左先, 到我返去就俾番我~
到我放工臨走有個阿姐同我講 :『記得攞電話走呀!』
d阿姐原來唔知我叫咩名, 今朝morris同佢地講話我叫gigi, 其中一個話 : 『哦! 芝芝呀! 梁詠琪呀吓!』
(好憎d人一聽到我叫gigi就將我associate落梁詠琪度...)

唉... d人真係冇口齒!!
個becky今日成日都冇嚟, 你要開會or做case, 都嚟話聲我知你幾時得掛! 完全失左蹤!!!
另外一個聽力學家, 又話今日下午嚟搵我俾我問, 又係冇影
另一個dr. chan, 叫我呢一兩日搵佢, 走左去兩轉都唔見人!
係得一個職業治療師anita守信真係自己搵我!
lunch間埋物理治療師beverley, 佢立即話今日下午得, 叫我幾時得就去搵佢...
一樣米養百樣人之外, 同一問機構, 同一個centre之入都有百樣人!
如果失蹤果3條友蒲埋頭俾我問埋的話, 我就cover到大半數的group架啦.....

黃埔之行with mother 第3次delay, 好事特別多磨...

lunch前正想出去買飯時嫻姐msn hi我,
佢叫我衰女, 我又回饋番佢一句衰婆, 叫得好順"手"
食完飯之後再同佢傾過~

technician哥哥仔... 我懷疑佢係fans來的
同我講完cd同歌之後, 發覺佢連阿姐讀心理學都知 =.="
佢話:『佢讀埋d都唔會用o既野, 心理學要讀到master咁先有用架嗎, 佢真係為讀書而讀書... ... (再下刪數十字)』

2個家姐都唔係好開心咁................................
不過唔關我事, 唔係我激佢地.........
我係似乖同真係好乖, 唔會咁蠢一次激嬲2個家姐
(因為死都要搵一個嚟撐我 :p )


>>July 20, 2006 at 2:40:39 PM GMT+8

2006 年 7 月 18 日 星期二 【晴】

今朝心血來潮, 走左去一個俾我荒廢左好耐的留言板,
原來keep住耐唔耐都仲有人留言俾我, 好surprise!!


fyp進度: 下午走訪了nurse同社工... 社工好似冇乜關係... 應該最後可以不理!
becky chan明明尋日約左佢今日下午同佢傾, 到lunch時佢話約左case,
做完case嚟搵我, 搵到我放工佢都未嚟... 唉... 又係心理學家... 咩心理呀!!

都係nurse的eveline好人! 上次問過佢, 今日再去佢都好nice!

放工落到巴士站先發覺個電話失左蹤...
自己都唔多sure係咪漏左o係office
最後決定行番上去睇, 好衰唔衰樓下lift 口已經lock左門啦...
行到身水身汗, 想買包野飲, 又腦生草地唔press selelct price個button就 do 發達窿,
焗住要買罐可樂先去搭小巴落旺角走人...
死la.. 我部電話係咪真係o係office架? 會唔會係跌左我唔知咋?
返到屋企即刻打番俾自己, 個電話仲通, 到依家9半都仲打得通...
如果係俾人執左想據為己有的話, 唔會咁stupid唔熄左佢掛.........
死la.................... 我唔想又唔見電話呀....................



>>July 19, 2006 at 1:27:13 PM GMT+8

2006 年 7 月 17 日 星期一 【晴】

FYP進度: 訪問了視光師, 佢講左好耐, 仲有d off-topic, 又唔敢stop佢, 最後由得佢講, 佢講完我先繼續問…
佢唔係ck的, 只係ck的視光師放產假, 所以佢o黎戥腳~
o係list入面見到佢係2個cop的member… 仲諗住問佢一個就可以知道2個group d野, 但可惜最後佢o係其中一個cop唔再係core member, 知道的都好少, 要問過其他人~
佢好似好知我要d咩咁, 唔off-topic d野好到肉, 仲引發到我諗到d新野~
淨係問佢一個cop d野都問左4-5個字, 之前果d都只係問左10mins左右 :p
Lunch後約左個becky, CK的心理學家聽日下午… 佢好似好嚴肅咁… 有d驚添!!
不過佢把聲真係…… … … 好難聽… 走音又唔係走音, 雞仔聲但又好響, 響得嚟又吵耳果隻 (踩到好盡… haha!!!)

放工約左賤人(佢個名真係叫賤人…. Haha!!), turbo, 紫樺同ms mok去食手打烏冬,
之前我同紫樺兩條友一廂情願咁以為大家都會搭kcr, 所以約左7點o係尖東第7卡等…
直到turbo話佢唔係搭kcr先醒覺有問題 =.=”
我去到紅磡, 賤人打嚟, 佢話……… 原來月台冇寫住第幾卡 =.=”””””
未收線紫樺又打嚟… 佢好d, at least 佢搵到ms mok….
Join番佢地就去Exit N搵turbo~ (好彩佢搵到… 如果唔係我都唔知點搵佢好…)
出發lu~ 不過出啱出口但我行錯方向, 好彩睇下佢exit的map…
又好彩book左位, 去到時冇人, 但坐落就爆多人~
佢地都幾鍾意食呢間野咁~ 臨走佢地每人攞左一張咭片~

賤人一個謎令吸引miss mok要直落同我地食糖水,
等佢開估一個about校長的謎… haha!!
初頭諗住我地送左miss mok返屋企, 我地就o係附近食糖水迫賤人講 :p
Miss mok帶左我地遊左尖東一個細圈 (嘿嘿…)
行行下去番手打烏冬果條街 =.=” 笑爆咀~
但佢聲稱初頭諗住去第二間食, 但行行下發覺可能都係唔識路,
改為去poly附近果間杏花樓~ 但冇人知佢幾時改變左主意同原本佢想去邊間 =.=”
坐低又食過甜品, 大家努力收窄目標人物範圍,
賤人話俾3次機會我地估~ 諗左好耐miss mok一估即中!

謎底解開後就到研究賤人的屋企, 咩鐵絲網下面有2個垃圾筒,
要響按等d人綁好d狗先落車會安全d …
又講下以前d攪笑野… (好彩turbo冇講我叫左miss mok做阿媽啫… hehe!!)
最後一齊搭火車返嚟~~
尋晚聽到一句好耐冇聽過的說話, 就係我一揑賤人隻肥手臂同篤佢條腰,
我話:『睇下你幾肥!!』佢答我:『肌肉嚟架!』
好耐冇聽過啦!! 以前上堂上到悶悶地時篤佢果時佢就會咁答我 …

to turbo, 去北京順風啦! 唔好成日呀大個口笑呀! 小心食哂d沙落肚呀!!

>>July 19, 2006 at 1:44:34 AM GMT+8

2006 年 7 月 16 日 星期日 【晴】

介紹個是日廢話金句俾大家:『依家一係就唔餓, 一係就肚餓!』

今日好好玩ar~
返工返half day only, 因為下午返學校驗血, 借d意走左成個下午~ 好爽!!
上午都過得ok快喎! 俾個 access玩左我成朝, 佢玩得我幾開心呀!
我又去搵左個同事傾左幾句~ 好快就1點鬆人~
仲同candy d email來來往往左幾轉添~

下午約左candy食pizza hut外賣~
我地落單時唔記得左話有張coupon =.="
勁衰呀我地~
o係7仔等pizza時又同candy攞張coupon出嚟睇,
睇完又繼續一齊望向同一個方向等
正開始覺得 ... "等咁耐架" 的時候
無啦啦聽到有把到低沉的聲音問 : 『你地係咪叫左pizza?』
笑爆咀, 個人唔知幾時嚟左, 我地都見唔到, 直到我地睇coupon!! hahahaha!!!!!!!!!!!!!!
candy問佢 : 你嚟左好耐啦?
個人答佢: 都一陣咁啦...
至於我地張coupon, 佢打返去問話可以用~ 又減多5蚊~ 嘻嘻!!
好想知, 如果我地唔係睇coupon的話, 個人會等到幾時呢?! 笑死...

lunch完後candy仔陪我去驗血~
之後又攀山涉水, 兜兜轉轉咁先搵到個牙科.. haha!

離開poly沙田~ 行街街~~ re-open的商務好靚, 好闊落~ 好好行~~

今日上過秤, 我懷疑上次秤到我得87磅個磅唔準... 今日o係poly秤番41.5kg ...


>>July 17, 2006 at 11:28:10 AM GMT+8

2006 年 7 月 15 日 星期六 【晴】

to 晨操, 你仲有冇入到嚟呢?!~ HEHE!! 我o係衛生署做, 識你果個係一個媽咪級, 佢話佢個女你同好熟... hehe! 不過呢位阿姐叫咩名我就仲未探索到....

to yukari, hehe!! 幾時都話我地係青梅竹馬~

嗯........ 半杯水的故事教我地, 同一件事, 由唔同的角度去看, 會有唔同的感受!~
所以自己有得揀, 梗係揀一個自己睇完會的角度出發啦~
又或者話, 原本舊年已經消失o既野, 只係你唔知佢原本舊年應該消失, 依家話你知下年先消失,
無形中 (或者應說是實際上 :p) 賺多了兩年的時間~
依家仲預早通知一年 (比解僱的7日通知期多了52倍 XD ),
等我地多時間間去珍惜淨低的時間, HEHE~~
咁諗唔係好好多咩??

今朝一身就睇eason個concert, 幾正喎~
d歌唱得好聽, 跳舞有surprise !! 仲聽番好多以前鍾意的歌~
eg, shall we dance, 人來人往 ... ...
聽 大個女時諗左好多野.......嗯...................................................

又走左上中中屋企玩左陣,
尋日上去時我前面個人按pw左去, 咁我跟埋入去時個security問我係咪探人
今次我醒啦! 我答佢返屋企
之後佢話: 哦! 唔好意思呀! 唔認得你添~
我心諗, 你認得我先驚...


大個女
『 其實係呀　係呀　你未有牙架
卻謹記別說謊　應小心甩了大牙
係呀　你好嗎　你就說話架啦
你在陪我講心嘛

＊時光會逼你這副萬金之軀
競逐世上各樣乜乜之最
你若決定要做最尾一名絕對允許
人生這可怕的染缸有所有污垢要面對
人轉眼將會大個女

能變成李英愛能變邊個人也相親相愛
飄過了大海　願風風雨雨都可以避開
你還要戀愛　我還記得愛兒女所愛
早習慣看開　你易容還是可愛
最重要心記得要開　來競技角力賽
最終不管輸贏都　一般可愛＊

其實係喎　係喎　你未算傻架喎
你使到父母親　彼此都加倍諧和
係呀　你叻啦　你未有哥哥
你來提我添丁喎

REPEAT＊

最重要心記得要開　來競技角力賽
最終不管輸贏都　一般可愛


>>July 16, 2006 at 12:46:13 PM GMT+8

2006 年 7 月 14 日 星期五 【晴】

to yukari, 無啦啦發覺可以請你返嚟教日文 ^^
to turbo, 呢個係propsal來的, detail星期二晚會話俾你同ms mok知... haha!!




CK個center的map~ 綠色果點就係toys library~
對面藍色圈就係group therapy room, 又即係食飯房~
隔離黃圈就係物理治療的房中房~
黑圈係驗眼房~
最後綠圈係conference room, 隔離就係CAS最大粒果個藍醫生啦!
如果我坐toys library的話, 基本上morris係斟開水先會嚟搵我, 因為佢左下角果個房



除左toys library我係鍾意坐之外 (因為有得上網)
其次鍾意的就物理治療房~
不過都係呢排個同事放假我先入得去坐!
點解鍾意呢~  因為張枱對住果塊係單面反光鏡~
咁我可以細細聲聽住歌住做野, 見到有人入嚟都閂得切~



呢個係o係物理治療間房發現的!!
細個時屋企都有架!!!
不過試過啦, 彈唔響架呢個琴, 嘻嘻!!


睇完相~


今日... 都ok攪笑! 出門口時落雨, 又要攞住個琴, 又遲左出門口, 小巴站又排左7-8個人
最後搭的士出大圍~ (堆切左好多搭的士的reason!~ :p)
還小提琴果度閂12點, 我返到去都11點7, 仲要去睇e生驗血先...
好彩一去到lib門口就撞到阿銘同nicole, 叫左佢地幫我去還個琴... hehe!!
去到clinic 姑娘話遲左要等一陣先有睇,
入到去e生房, 我都未講野e生就話今日冇得抽血 ... 白行左一轉!!
最後佢寫低張request form俾我平日返去再驗... 唔知佢以為我專登返去睇e生,
佢無啦啦開左2星期葯我 =.="

睇完e生等到12點9, professor約我地食飯~
去左飲茶, 大家都唔係好敢點野食咁 :p
食完就同阿銘and nicole返poly坐左陣吹水,
研究8月份的暑假活動 ^^
之後返大圍攞影印, 因為印一個copy要$45蚊, over左阿銘的MUV,
所以只係叫個人印多一份俾nicole~
佢話要等15mins, 最後因為lunch唔飽, 去左隔離食tea :p
間野.... 好滴汗, 唔會再去!
我話要燒賣+凍o水, 個人問要唔要辣油, 我話唔要
但佢地pass呢個msg時有d erroe, 整果個女人加左落去 =.="
咁佢地同我換就算啦...
點知再嚟多次, 原來佢地賣到最尾幾粒, 個女人嚟係倒左d辣油再加多d豉油落去就算!
放低果時仲唔出聲喎, 係我見到仲有d紅色的油o係度, 諗住少少都ok啦...
點知一咬都係辣... 個女人先嚟話:係呀, 唔好意思, 賣哂啦燒賣, 一係你再揀第二樣呀!
最後食左豬腸粉.......
到杯o水, 我話少冰, 嚟到又係多冰
咁食完豬腸粉我咪整d冰走囉, 點知水吧個人咁啱出嚟見到話:乜你唔要冰架?! 咁你出聲呀嗎~
我話:我講左少冰架啦..........
佢就話: 哦? 係呀?! 可能我聽唔到........ 駛唔駛加番d糖水俾你?
我: 唔駛啦唔該 ..... 暗地裡滴左好大滴汗 =.=""""
我決定唔會再去麗晶隔離果間小食鋪....


還左小提琴lu... 最開心的係我屋企人... 唉...


>>July 15, 2006 at 12:42:14 PM GMT+8

2006 年 7 月 13 日 星期四 【晴】

今朝出門口時個感覺幾好~
一開mp3就播正明日有明天, 好大踏步咁 (candy仔教的adjective)踏上上班之路途!!

今日開始去打擾d人去問野啦…
第一個係護士長evelin, 佢o係我諗緊點開始問的時間走左入嚟, 自墜gigi網 =.=”
佢以為我要問好耐, 點知我話5-10分鐘左右佢就話可以即刻問~
嘿嘿!! 第一個訪問成功左!~ 某程度上我係見evelin幾好人我先敢開聲問佢~
同埋會唔會佢一路講我一路o係度勁寫會俾到佢好大壓力架呢?!
我想好causal咁問, 但因為佢係第一個的關係, 我都仲未sort好d題目=.=”
但唔寫低我又唔記得喎………
講講下個portal, 佢話好憎個portal入面一click mouse果d “滴滴”聲…
佢講到聽到d聲就會發癲咁~
最後lunch之後我去度幫佢閂到個specker最細聲… haha!!
努力搵緊第二個目標!!
但等左好耐, 2個目標都做緊case = .=”
早知就唔好諗咁耐, 係咪都踏左入去問左佢地幾時avaiable先啦!! 蠢左啦又…
5點先見到 其中一個做完case, 佢又唔係日日o係CK, 最後約左佢我星期二去問佢野~ hehe!

Lunch時見到有公仔麵好想食… 於是叫左個火腿蛋公仔麵, 好開心咁攞返去食…
點知………變左通心粉… 一樣我覺得係病左or發燒先會食的食物…
即刻好唔開心... 好淡…

佢地講起有個人話唔知今日下午再俾唔到d咩佢就去放火燒觀塘個centre,
有個好衰咁話:『咁記得提佢我地依家番5日工咋喎!』
我仲以為佢意思係話星期六唔好嚟, 我地冇人, 點知原來佢意思係話多左幾個星期六可以去放火=.=”
之後藍醫生好冷靜咁話:『提佢觀塘有兩層架喎! 其實放火都好難喎! 你要入到嚟(suppose d centre鎖左門~), 仲要隔開哂d人(security之類的人) , 仲要慢慢透著個火, 唔係一燒就嚟架嗎...』

5點放工morris先嚟俾我問野, 攪到5半先走得~
落新世紀諗住行一陣大眾就啱時間返大圍搵阿勝,
點知見到Esprit價, 仲睇啱左, 於是買左2件衫~
試衫途中阿勝sms嚟話收工... 死啦.. 佢好快到大圍,
於是叫佢慢慢行... hehe!!

記低先:
Account clerk : 紫樺
Admin clerk : Gigi (可能每3個月同紫樺interchange一次!!~)
PE teacher : Turbo
School cleaning and logistic supervisor: 賤人
本校設有課餘興趣班, 包括足球欣賞班(即係睇波, 但絕對唔會賭波, 因為教果個唔識!)、村長培訓班、跳高訓練等, 全部由經驗導師指導, 師資優良, 信心保証!
有興趣入讀者, 可向Gigi查詢!
於本校正式籌備前申請入學者可獲5折優惠!!
名額有限! 以免向隅! 從速申請!

>>July 14, 2006 at 12:57:36 PM GMT+8