2005 年 1 月 12 日 星期三 【乍雨乍晴】

	放工夜晚約左我個HONEY 好耐冇見啦 好掛住佢架呢～～～　咁六點半約左在老地方等 寒風之下　～～　終於望到佢啦 佢一到就送左份禮物比我呢^^ 係皇冠頸鍊　好靚呀 ！～　多謝honey 之後我地要等埋瑪花嘛～　佢六點半先收工 我地就行下city super先　之後諗食咩！～ 再行埋ｓｏｇｏ啦！～　 出左隻朱古力脆皮既ｐｕｆｆ　～　超好味 不過只係見到honey食啦　我都想食　但係好快又食飯喇喎 行完我地就去左花園餐廳搵定位等瑪花啦 岩岩坐底放好ｄ野　送埋份禮物比honey 佢就打比我　上黎嚕 時間係剛好的～　我地３個都叫左個煎豬扒晚餐 傾返起　原來大家識左都５年啦！　時光飛逝 我雖然係年紀最細既一個　大我２年&９年 佢地講到就黎結婚咁呀～～　只不過拍左年幾拖者 佢地大家都拍左差唔多咁多個月 仲話幾年後唔知大家身邊仲係咪呢一個！？ 我地大家都係用sony ericsson既手機嘛 又互ｓｅｎｄ圖片同埋歌仔啦^^..... 仲有影相相啦　我發覺　我塊面成個包包咁呀 全身最肥的=.=豬仔包 坐到９點９倒就走啦！～　瑪花坐地鐵 我就送埋honey去搭叮叮 自己就坐巴士走嚕

>>January 14, 2005 at 4:27:31 AM GMT+8

2005 年 1 月 11 日 星期二 【乍雨乍晴】

	今日有人黎見工 咪係麥麥個同事個女～　之後佢黎speed test～ 中文佢唔係好識打～　咁係我，比佢打左兩分幾鐘 哈哈！我話：你打到我老細去完廁所返黎就停啦 之後佢去埋interview..... 兩個老細都話請佢啦 我老細話起碼佢冇上次果個個樣咁嚇人 咁我講過比麥麥知的€　麥麥話原來我老細係睇樣的 我同同事仔講返我唔知係幫左佢定害左佢呢～～　 呢個地方　不宜久留～

>>January 14, 2005 at 4:41:34 AM GMT+8

2005 年 1 月 9 日 星期日 【颳風】

	今日好燘呀！ 咁朝早同事仔出左去旅行　　冇人陪我了 一早返到去老細就係度好多野講　好煩 好彩我仲有個電腦班　我去左幫手做助教 １１點半返到黎對住佢又好煩了　又呢又露 唉　遲ｄ雲姑娘去生仔　冇人調過黎都唔知點算 佢話冇人調過黎既條件就係留返我0係度　 例如星期六要我返晏晝或者係長短週　 no way ! 咁我冇哂ｄ時間啦 而且我唔會同佢鎖夾萬的　 仲有我係唔會同佢開組既　出咩人工比我呀　 少佢地４倍人工要我做咁多野　　駛得就駛呀 你估我好恨留0係度呀　 假設我唔係有２個好同事　好多錫我既會員 其他部門同我好既同事　我就咁對住佢　 我諗我走左好耐啦　真係好難頂呀 咁１２點幾對住佢係咁講講講　嫌３嫌４的 我到１點即去叮飯　之後同佢在廚房食 我專登走遠ｄ食　因為佢一路食又一路講 快速食飽即閃　出左街散下心 買左麥提沙仔食囉　朱古力勉強可醫治一下我的心情的 下午繼續煩＞︿＜　可唔可以比我靜少少？！ 呼　下午中段有個會員送左一盒波形既朱古力比我 我又好唔好意思收左了　=.=　不過我係會分比其他人一齊食的 個波形仲可以比我用黎掛起黎做裝飾呢 等到同事仔去完旅行回來　一齊放工　不過臨收工　 又比老細拉住左問野　 跟住我完全唔知發生咩事囉～　無端端要我今個星期六返晏晝 我唔係呼之則來　揮之則去囉　 仲要帶佢地出去囉　我又唔知係咩黎喎　ｘｙｚ＃％＄

>>January 11, 2005 at 2:12:25 AM GMT+8

2005 年 1 月 8 日 星期六 【颳風】

	今朝好眼訓　但係都好乖咁　返教會囉 好努力咁聽到１２點　之後留左一陣 咁穎芬上星期五見我個電話幾好玩 佢之後就出左個ｋ７００的～（靚ｄ喎） 咁我就用紅外線ｓｅｎｄ左ｄ我部機既圖片呀 歌仔呀比佢了　搞左幾個字　佢地就去食野 而我就返家同阿爸阿媽飲茶了啦　 又去左富臨飲呢　飲完爸媽行中環 我就行左一陣上環假日行人坊　 返屋企聽左陣歌傾左陣電話就去左訓啦 一粒鐘之後起身食飯

>>January 10, 2005 at 1:39:43 PM GMT+8

2005 年 1 月 7 日 星期五 【微冷】

	星期六雲姑娘返工 好ｆｒｅｅ的 同同事仔閒談之間發覺～～ 原來我地都擁有同一樣野架～ 我一早見到織頸巾果個堡壘好得意 而且可以織幾樣野的　點知 原來同事仔都有買囉　 我地仲諗住織好之後　大家帶返黎睇下添！　 我話我地果然係ｔｗｉｎｓ呀！ｙｅａｈ＠＠ 臨放工食左支美祿味甜筒～yummy 好快放工　我同同事仔都未走　 陪佢去左日本城買左十個保鮮盒做旅行禮物 我去完拎影印就返去日本城搵佢　 同佢一齊揀囉　^^ 返到去又有野食 係烚南瓜　好好味ａ～～　 １點９走　約媽咪去食ｔｅａ～ 然後去左深水步買衫～～～ 買左件褸比媽咪～～～　 我就買左條褲　一件褸　一件衫 之後返去　約左阿爸去鋸扒 我覺得果間野某個侍應生的服務態度好差勁囉 咁我媽咪叫左個煲仔　諗住唔跟餐啦 order左　之後都係諗住改返跟餐啦 因為有湯有野飲有飯咁樣　 咁果個野好唔滿意咁囉　口upup咁 又話唔要又要之類～～ 咁改一改唔係問題嘛！？　駛唔駛咁樣呀 仲要係黑口黑面咁囉　眼超超咁囉 真係今時今日咁既服務態度就死得啦 lastly埋單又係果個野黎收　多謝都冇句囉 一睇就知佢係　　大陸仔（擺明鄙視）

>>January 10, 2005 at 2:01:12 PM GMT+8

2005 年 1 月 6 日 星期四 【微冷】

	今朝又要打另一個ｒｅｐｏｒｔ的 朝早老細去左同佢地排話劇 我又半打半上網半做其他野 不過我一向打report都好快 所以專登做慢ｄ　唔係就以為我真係好快啦 就質多ｄ比我做　=.=||| 好快到下午１點啦　今日冇帶飯仔 約左Mandy食午飯　我極速行落去中環啦 我地去左吳越之間上海麵館度食啦 兩個都係食無錫排骨麵～　佢就擔擔麵 主要目的係佢比野我啦^o^ 一份係佢去完英國既手信　多謝^^ 第二份係佢送返份聖誕禮物比我呀　再多謝^^ 好開心的～～～～～～～ 13:55返到去～～冇遲到岩岩好 打呀打呀　又到收工　我已經17:25走的了 但係都未做哂ｄ野　我唔陪佢地收17:30啦 去中環度咇左＄２　再行返落去上環 等埋穎芬放工～　我地一齊迫地鐵去佐敦 等埋劉姑娘　去食左碗雲吞粉 今日叫做冇團契　我地係去左一個ｔａｌｋ 「讓自己的存在 成為別人的祝福」 談氣質　說態度　係施以諾　講的 他　是個台灣人　ｉ　ｌｉｋｅ 我好鍾意聽台灣人講國語～　好好聽 而且佢都很幽默　^^ 聽到９點３　返屋企 我個honey　ｓｅｎｄ相相比我睇 仲有Mandy又ｓｅｎｄ相相比我睇 開心的^_____^ ｈｏｎｅｙ今日生日呀 生日快樂＞３＜ 返到屋企同佢ｉｃｑ傾到１２點呀 好開心呀　因為好耐冇同佢傾計喇 佢仲好有我心添 我地下個星期可以見面啦　^o^

>>January 9, 2005 at 12:57:57 PM GMT+8

2005 年 1 月 5 日 星期三 【微冷】

	今日竟然有兩個會員仔讚我條褲好睇 一個話型　一個話骨子呀　 都幾搞笑喎　 條褲仔係媽咪叫我買的 媽咪好有眼光呢 放工　同雲姑娘同事仔一齊走 雲姑娘話原來我同事仔一樣高架喎 同事仔話　係呀　我地係ｔｗｉｎｓ黎架嘛 ｄ會員都唔認得我地邊個打邊個 呵呵　我叫同事仔染紅　我染紫髮 大紅大紫

>>January 10, 2005 at 2:09:48 PM GMT+8

2005 年 1 月 4 日 星期二 【颳風】

今朝有我既電腦班～
有人送左ｄ野比我～
話見到好得意所以送比我
我都好唔好意思下又收左了：）
然後就係交通安全隊步操
搞到我１１點幾先返黎的～呼
今日冇帶飯仔　因為老細有火雞吃
仲有火雞粥　糯米飯　飽的
食完就又要做啦
又要收5:30～　
同同事仔講話　我話我走先啦！留0係度好煩呀！
之後佢叫我走啦（因為平時我同佢一齊走的）
麻煩的晒相舖　話我隻碟read唔到囉
我又燒過隻落去都read唔到　我在隔離果間read過都得！
不過隔離果間就要隔日先有得拎囉　
之前次次都得格　係今次唔得囉　
我就唯有拎返上環晒啦～　不過上環勁貴的＞＜
之後我去埋電腦城果度買返ｄ　ｉｎｋ同埋CD-RM啦
成日放工既時間都唔係自己既　我受夠喇



挪亞的日子怎樣、人子降臨也要怎樣。當洪水以前的日子、人照常吃喝嫁娶、直到挪亞進方舟的那日．不知不覺洪水來了、把他們全都沖去．人子降臨也要這樣。那時、兩個人在田裡、取去一個、撇下一個。兩個女人推磨．取去一個、撇下一個。所以你們要儆醒、因為不知道你們的主是那一天來到。馬太福音 <24:37-24:42> 挪亞的時代，世人也都是很忙的，最後全都死了。世界未了 神再來的時候，也是一樣，人都會忙在自己手裡。

>>January 6, 2005 at 3:41:10 AM GMT+8

2005 年 1 月 3 日 星期一 【颳風】

今日天文台話暖返ｄ架喎？點解我都係咁涷既
返到去　ｓｅｔ好部notebook and ppt
番到入office比人坐左我個位 因為佢要用電腦
我就坐返佢個位計數 麻煩既單 麻煩既數
之後忙賣飛 有返個位坐就要打report
中途又彈ｄ野比我打　打得邊樣先！？
到１點食飯勒～　又要對住佢的
食緊飯都要講工事　我問佢有一個星期六係咪要開ｏｔ
佢話你鍾意啦　我話有得我鍾意架咩　
心諗咁我鍾意成日唔返得唔得
呢個咩老細黎架　到時先問佢喇　一時一樣
我快速地食飽洗碗就走返出去啦
返埋位上左陣網　　老細返入黎我又扮打返個report好乖
不過佢返黎又放工嚕　真係好　又放假
但係我又要繼續忙　=.= 因為太多野要打
份report係未打好的～><
放工仲要去晒相囉　
行左陣中環　就回家


聖經預言

當時耶穌對他們說、民要攻打民、國要攻打國．
地要大大震動、多處必有饑荒瘟疫．又有可怕的異象、和大神蹟、從天上顯現。
路加福音 <21:10-21:11>

日、月、星辰要顯出異兆，地上的邦國也有困苦；因海中波浪的響聲，就慌慌不定。
天勢都要震動，人想起那將要臨到世界的事，就都嚇得魂不附體。
那時，他們要看見人子有能力，有大榮耀駕雲降臨。
一有這些事，你們就當挺身昂首，因為你們得贖的日子近了。
路加福音 <21:25-21:28>

你們要謹慎、恐怕因貪食醉酒並今生的思慮、累住你們的心、那日子就如同網羅忽然臨到你們． 因為那日子要這樣臨到全地上一切居住的人。
路加福音 <21:34-21:35>

>>January 4, 2005 at 3:24:55 PM GMT+8

2005 年 1 月 2 日 星期日 【颳風】

老細又放假的
今朝電腦班仔又搞到11點啦
今日好眼訓呀
因為朝朝都好早起左身
一係就比哥哥傾電話嘈醒左
一係就鼻水長流醒左
唔夠訓的＞＜
極殘～～～
今日雲姑娘話我係咪吸得癈氣太多
我話不嬲架啦．坐我隔離果個成日講癈話
同事仔就笑囉　　我話我講左你地既心聲咋
呵呵呵　　

>>January 7, 2005 at 6:54:09 AM GMT+8