2005 年 12 月 21 日 星期三 【乍雨乍晴】

@冬至@

今朝返工去左ｂａｎｋ　有感謝日
所以有野送　^.^...
碌到返黎好快就到職員聖誕聯歡會
每年不例外的慶祝　
上到去入場有禮「襪」派．．
入到場坐低～　首先司儀叫大家摸下凳底
哇．．　有紙一張的^o^　恭喜你　你有２號圍獎啵
相架一個　next 開始食野喇～～～　
都幾好食ya... 專攻甜品的我^o^
下一個環節抽獎喎　我都冇聽到咁滯～～
因為成日掛住食　　不過竟然聽到我個名啵
多謝哂明愛　係暖水壼一個^o^
我做左４年　第３年抽到獎喇　
next game 「幸運號碼在你手」
入場前　每人手上之入場券例必填上６個不同之數目字
我當然係填左　１７０６８２
咁個遊戲就係例如佢抽波　話如果第２個數字係７就中獎喇
咁當然我就係咁中左啦　多謝哂10蚊麥當勞禮券一張
基本上佢地未抽哂獎我已經中哂佢既禮物可以走得
途中仲在樓下有好多電話打黎搵我落去添
送貨呀　林沙展黎交低ｄ野呀　碌左落去幾次
到３點鐘先完聖誕聯歡會囉～～
不過要做到５點先走得
夜晚就去左婆婆度做節

>>December 26, 2005 at 9:11:52 AM GMT+8

2005 年 12 月 20 日 星期二 【乍雨乍晴】

放工～～
打俾謎語人　仲訓緊覺喎
之前仲話接我收工添喎
之後我就坐Mr.Mak架車喇
第一次坐佢車頭　感覺幾正喎
３個字就飛到過土瓜灣喇
之後謎語人就到左嚕
我地去左食野先　之後就有聖誕聚會喇
唱左好多聖誕詩歌　　仲有訊息分享
之後仲有野食添　
完左之後我就同謎語人搭巴士過尖沙咀
行左陣　影左陣相呀
又0係海港城度影左陣
半島酒店既一閃一閃小星星　好靚呀
之後去埋星光大道行左陣就搭ｍｔｒ走了





>>December 26, 2005 at 8:45:50 AM GMT+8

2005 年 12 月 19 日 星期一 【微冷】

今日係同d會員搞聖誕聯歡會
一朝早要賣飛搞掂d野先
之後關門大吉... 上埋去幫手
分到會的食物囉...分到我丫
佢地食完食飽... 我地落到黎先有得叫做抖下
休息下.. 不過都2點喇
2點3先食飯... 好快食飽飯..
不過．．　竟然　好唔舒服呀
仲有ｄ暈下暈下　但係外表好似好精神咁
勁慘的　　之後做左個好明治既決定
「吳姑娘，我有ｄ唔舒服，可唔可以早走？」
好野　３點半扲左C.L走人
最愛在家裡＞３＜

>>December 26, 2005 at 6:17:02 AM GMT+8

2005 年 12 月 17 日 星期六 【乍雨乍晴】

今日教會有慶祝活動喎^o^
不過我遲到 份禮物都係瑤姐姐拎俾我
幾唔好意思呀=.-
完左聚會 謎語人已經等緊我啦
今日我地既節目就係^o^ 黃大仙
我地搭巴士去啦
我地先去左黃大仙中心
點知俾我見到有叮噹扭蛋蛋
又扭左2個添=.=
之後去到龍騰中心果度行左陣
有d肚餓喇 我地就去到食左個蛋撻仲有加個芒果布甸啦
好好味呀 行呀行 見到有部夾公仔機
好耐冇玩 好頂癮呀
見到四眼雞丁好鬼可愛呀
之後我地用左成廿蚊先夾到雞丁bb
發覺原來個樣都幾以我喎 扁咀的 haha
之後呢 我地就行左去隔離新開果個「創藝坊」
呢度同上環大笪地係冇咩分別 好似仲細d添!!
無野好買 仲諗住好大好多野行添
然後我地就行左去鑽石山果邊
再搭車去左深水步西九龍中心
0係架車上好眼訓 亦都因為謎語人個膊頭好好枕^^
訓得好舒服 好快就到喇
我地先搵食先 去左間北京麵度食
飽飽之後我地就行左陣
謎語人仲買左一人一條星星頸鍊刻埋我地個名呀
之後再行又見到件衫好靚喎 佢又買左俾我添
行返出長沙灣度 點知 謎語人又話果件背心靚喎
又買左 行多兩行 有件迷彩褸佢又話我會著得好睇
都買埋 全部都係歸謎語人所賜
不過 多謝 my sweetheart.... 我知你對我好
但係都唔好買咁多野俾我 我間房爆哂你都知格
之後仲要幫阿爸去鴨寮街買電話套
好啦 終於可以搭905回去喇
經過奧運站果度好靚呀^o^... 一定要去呀
回到家休息左陣就吃飯啦
阿媽見到隻雞丁都同阿爸講話:「好似你個女」
笑爆咀


>>December 19, 2005 at 2:53:26 PM GMT+8

2005 年 12 月 16 日 星期五 【乍雨乍晴】

今天這個lunch time ...
ａ仔黎左搵我傾野　
超級長氣人││
搞到我得返９分鐘食lunch
以前又唔佢咁搵我　=.-
仲話同我識左咁耐都知佢係咩人啦
我就即答：「唔知架　同你唔係好熟」
其實心裡都睇通睇透　咩都化啦　
　
4點9埋數 5點3可以走得 正呀^o^
落到馬莎join謎語人 之後打俾微笑
事關我地今日係約左出黎聚聚的
不過要佢在東涌碌出黎都有排　
唯有同謎語人去影下相先　
當然去左皇后像廣場度影左幾張啦^o^

好靚喎　我係話間church呀　
然後我地就搭船過尖咀喇
搭船期間有個人打俾我在電話裡「獻殷勤」
叫我唔好去灣仔喎　講左好多好聽既說話
至於呢個人係邊個　了解我的人應該好清楚發生咩事
然後我地再搭巴士過太子呀
過到去佢地都未到　首先係微笑到先
然之後過一陣先見到佢男朋友
我地就一齊行聯合廣場喇．　
行完　不過都冇野買到
然後我地準備去食野
不過食野之前行左瓊華一陣
微笑就買左隻星星耳環
我地依然都係得個睇字
我們一行４人打算到好景樓上的cafe「水瓶座」度吃的
但係上到去超級多人的～　阿ｊｏｅ就留下手機等佢地ｃａｌｌ
我們就落返去　見到微笑佢地急步走
原來微笑肚餓要篤燒賣食
其後我們發現家樂商場樓下之廣告都有其他cafe
我們就走左上去試下．．
上到去　再入到去那間所謂cafe .....
坐底左之後　待應先生話過左９點冇set dinner喇喎
咁我地望下個餐牌覺得好唔抵　大家都你眼望我眼架喇
微笑就叫阿joe問下待應係咪真係冇set dinner喇
阿joe就話「人地冇就冇架啦」（表情甚想留下的）
而謎語人就好想走既款
然後微笑二話不說的起身一齊走佬（做得好　型呀！）
之後我地就搭笠凡有cafe的都出去看一看
終於有一間叫 P cafe的　環境不錯
招呼都不錯的．．．　
我們先坐下拍個照先～～再叫飲品同埋野食

首先黎左４杯野飲　薄荷朱古力　蜜桃果汁　藍莓金桔果汁　芒果沙冰　
我就揀左杯薄荷朱古力喇　不過我鍾意飲謎語人杯芒果沙冰多ｄ喎
野食就叫左肉醬意粉^^
未黎野食之前我地就玩啤牌囉^^... 鋤大D
之後食飽後我地就玩UNO... 不過原來我唔多記得點玩喇
然後我地再玩大富翁　呢個起碼十年八年冇玩過
不過玩玩下又幾好玩　我買得最多地　同埋狂起樓囉
狂收租　不過謎語人唔知係咪0係度搞笑
有乜可能連續入獄左六、七次　次次擲骰仔都係擲左入去
at last係靠一個機會先返到起點拎到２０００蚊
真係笑到我地碌地呀^^|||
我地玩到好開心　玩到幾乎唔捨得走呀
１２點幾先埋單　影理合照　

我地就要趕地鐵　好彩都趕到呀
謎語人送我回家後　點知紅隧＆東隧都封左路
不過好彩地鐵加班　佢都返到屋企咋

>>December 18, 2005 at 5:00:51 PM GMT+8

2005 年 12 月 14 日 星期三 【晴】

一個雞尾飽換取了我的快樂乎？


晚上　約了大大 + ａ仔出黎「聚舊」
相約在尖咀美心西餅等
但謎語人都黎左九龍公園果邊見一見我
從前有一個傻瓜　一日食左一餐
換來的為扭了４隻Little Twin Stars公仔
仲有皇冠頸鍊俾我　我咁樣唔會開心架=.=
之後返過去見到ａ仔仲有大大囉
然後我地就諗食乜喇．．
行呀行呀　我地就搵左間茶餐廳食喇
每位＄４８　但我地叫左２個set...
圍起黎都係每人３２蚊倒囉
不過最搞笑係... 我以為我同左2個大陸人出街
佢地兩個的身上人民幣仲多過港幣
最後佢地唔夠港幣零頭數係我俾的
之後我地行左去海港城果邊... 影相呀
好耐都冇同佢地影相喇

影左一陣相我地先送大大去搭ｍｔｒ
而ａ仔就... 同左我去青年會入面傾左成半個鐘野．．
無耐也　我搭last一班天星小輪走咋

>>December 18, 2005 at 2:18:37 PM GMT+8

2005 年 12 月 13 日 星期二 【颳風】

今天打俾下午打俾A君
ａ君說：「我都0係附近喎！」
我：「係咩！你0係邊呀？」
ａ君：「我0係樓下咋探下ｄ同事嘛！」
我：「哦！我同Michelle講左喇喎！聽日得唔得呀！」
ａ君：「聽日呀！應該都得，你一陣得唔得閒丫，我上黎！」
我：「３點前都得既！咁一陣見啦！」
1440他上來了！感覺十分奇怪
西裝先生～～　想不到他穿起西裝老是一種怪模樣
我：「........ 好耐冇見，你依家做保險喎！」
ａ君拎張咭片俾我．我都俾左張咭片佢～～
之後講左一輪！
我：「聽講你結左婚喎！」心酸了一酸
ａ君：「係呀！」
我：「我咩都知道架喇，哈哈」苦笑中
我：「有冇相睇？？聽日帶ｄ出黎睇」
ａ君：「有ｄ0係大陸喎」
ａ君拎左部手提電話出黎，貼著２張貼紙相．
甜蜜非常．　然後又從銀包中取出一張
「大長今look的結婚照」娘爆非常～～笑
我：「佢幾大呀！」
ａ君：「同你差唔多！」心酸中．．．
我：「明天再同你傾吧！明天call你啦！」
呼～～～～～～～～～～～～～～
無奈的　　算了吧！！！！！！！！

ｔｈｘ　ｍｙ　會員　分別送了２份禮物給我
受賄　ｈａｈａ

>>December 14, 2005 at 4:05:30 PM GMT+8

2005 年 12 月 11 日 星期日 【晴】

今日要outing呀　　一早就屎到返公司了
追魂call 老細又屙又嘔　　唔駛見到佢
Sick Leave...
等我搞埋ｄ未做好既功夫先
今日有新人仔返工啵～～　good...
仲有個義工添　估唔到．．
thx god.... 多謝謎語人係咁不停幫我祈禱
哈哈哈　　我有義工跟我走佬
第一站　　去了無數次的海防博物館
「八年抗戰」展覽的
有會員憶見兒時唱起那幾首中國歌謠
問起海防博物館有否寄賣？！
可惜沒有　我就打算上網幫佢搵啦
唔知搵唔搵到呢^^|||
下一站　皇廷酒樓午膳
圍圍迫到爆　安頓好他們
我就諗緊同義工食咩好呢
之後我打俾阿杰　阿杰叫我食領隊餐啦
正呀　有領隊餐食囉
叫左個叉燒飯　仲有粟米湯飲呀
仲有可口可樂添　仲諗住冇得食架喇
仲要個團費係唔駛加錢架．．．yeah yeah
阿杰真係好啦．．．！！！
之後我地好似包哂成個廳咁呀
個廳好靚　　岩哂我影相添呀！！！
咁佢地輪住影　好開心好開心呢
食飽飽散band．．
下一站　香港大學陸佑堂又影過
好彩果樣有埋美術博物館
展緊羅家ling既野　大部份都有興趣
只有部份跟我去影相囉～～
影左半個鐘倒啦　時間岩岩好的
最後　最後　最後．．．
得５個跟我返明愛！！！！！
搞笑～～～～～～～～～‘
順利完畢．．．３點半回到去

>>December 14, 2005 at 2:15:35 PM GMT+8

2005 年 12 月 10 日 星期六 【微冷】

今日返完教會
紅磡行左陣　買左件衫俾謎語人^o^
之後仲一齊約左媽咪同阿爸
去灣仔飲茶
之後仲買左my dream DC

好開心的～～～
然後阿爸同媽咪自己行
我又同謎語人周圍行
又買左件恤衫俾佢　因為比在紅磡平成半呀　
唔買唔得　之後又搭叮叮回去吃飯了

>>December 18, 2005 at 4:11:36 PM GMT+8

2005 年 12 月 9 日 星期五 【晴】

今日係明愛青學院畢業禮
下午就超級忙喇=.=
不過全個明愛都係去我地堅道個禮堂
我就安頓d會員上去囉
之後我幾想走返落去做野呀
因為0係度安頓好哂後就冇咩野做...
搞到成5點先走得返落去
最重要係我咩都未做好
老細就趕人走咁喇
算啦 走就走啦=.=
謎語人已經等緊我喇
首先打俾大大睇下佢地0係邊先
點知佢0係老遠...
而我同謎語人就搭叮叮落左灣仔行下先啦
都買左幾樣野啵 仲買左條向左走向右走的電話繩俾佢地
都幾靚架！！
之後佢地差唔多返到黎ｃａｌｌ　ｕｓ
我地就搭叮返中環
0係地鐵站度ｊｏｉｎ佢地
雖然係第２次見「ｓ」但係感覺好似識左好耐咁呀
跟住我地上去聖誕小鎮度影下相　
我同謎語人仲搵得返我地上次寫底果２張許願咭添呀^^
之後我地影完相就去左銅鑼灣花園餐廳度鋸扒仔
「ｓ」成日望住謎語人　我覺得有點搞笑囉
乜佢好靚仔咩　成日望住佢
我仲俾人話似Monchhichi添～～～乜咁可愛呀
（實質係包包面）
之後食飽飽佢地趕住走喇
我地再0係銅鑼灣行多一陣
0係世貿仲影左ｄ相添
有好靚既皇冠呀　XDD
之後都就１２點喇要搭叮叮走喇

>>December 18, 2005 at 3:06:33 PM GMT+8