2005 年 5 月 31 日 星期二 【晴】

月頭喇　係我最討厭既日子
今日我好努力咁埋數～
下午就去ｂａｎｋ～～
都幾順利丫～～～
叻叻呀　今日老細見我唔知做緊乜既時候
話我做好埋數先啦～～　
我話我做好喇！！　淨呢個Monthly collections Reports咋～～
因為之前Winnie唔駛做呢個　接到我手既時候
要做多好多野呀～～～　又要用收銀機　又要用電腦
唉唉唉！！！　我每日ｄ時間都唔夠用的～～～
今日落樓下Head Office交野時～～　　ｗｏｗ～
開心啊　有人比左一盒朱古力我啦～～
仲有人俾左一個7-11 Hello Kitty 襟襟係印度黎架！
我仲淨一個香港就齊哂３８個喇　^o^
好開心等到收工喇　
當然開心既日子我係會叫人去陪我食野架啦
ｈｅｈｅｈｅ～～～　咁我就同Clara去食玉葉糖水嚕～
因為出左量　好開心請佢啦^^ 我食左個海帶綠豆
佢就要左個西米露～～　我地都傾左好多野呀～
最感動既就係Clara講左一句　佢會為我祈禱
因為佢做埋６月要走喇～～～
　我寧願留佢0係度好過留阿輝0係度
唉　我同Clara講佢做錯少ｄ野都已經當係幫左我
我地都要努力架！！！

>>June 2, 2005 at 2:07:24 PM GMT+8

2005 年 5 月 30 日 星期一 【晴】

今日終於到月尾啦！等左好耐　～
呢個月過得好慢長咁～！
今朝８點１０返到去　就即開始準備工作了
要同佢地做健康檢查　以前既我係勁唔想的
但我現在都已習慣了　之後無端端又要同佢地走火警
叻叻呀　平時有聽書　老細問我　我要拎ｄ咩走 我識答囉
唔駛俾人炳囉　不過我返到入office又有人禁錯收銀機
好彩我有問返佢發生過咩事！同埋睇到個銀碼有問題囉
咪玩我啦　今日係月尾　有咩出錯　條數唔可以帶落下一個月嘛！
算啦　佢都禁錯慣架喇　見怪不怪　最緊要錯左要同我講呀
之後好快就食飯　下午對住個電腦打打打　
然後第一個驚喜　前幾日個同事禁錯收據比左個會員
冇諗過個會員今日無端端返黎　因為平時好少見佢的
本來諗住唔想個會員山張水遠咁辛苦拎黎嘛～
但今日我竟然可以拎返張收據去退返！
第二個驚喜　之前ｄ會員數字唔岩　淨２個
諗極都諗唔到係邊個　我都算好叻諗到１個　之前唔係太sure！
但係經過今日既事件--- 放工埋完數太頂唔順counter 個位！
想執下佢　想丟垃圾　但係感謝主　比我雙眼咁精靈！
我第一個反應係　「咦？呢２張咩收據黎架！」
感覺就好似從天而降咁了！　因為今日在counter隻手hi到上面痴住疊野
原來一直有２張收據夾左0係度　仲寫左名架添！仲要係miss左個名果日收錢的
仲要唔係我字蹟來的　我成日都以為係自己入漏　原來唔係我
果個人係咪咁過份　電腦又唔入　本登記簿又唔入　擺明靠害喎
但搵得返勁開心囉　！　我都一直講係神蹟　無端端從天而降0係我張檯出現
之後好開心呀　Clara話不如去ｓｏｇｏ　但我諗住都夜夜地唔想去了
但佢又好似好想去咁　因為今日大減價last day嘛！
順便我地收工就約埋Winnie 0係地鐵站等啦　一齊去ｓｏｇｏ　呵呵
去到　ｄ野真係勁特價　但係我冇買野喎　仲諗住買ｄ野tum下自己添
話哂都終於出左量啦　嗚嗚嗚．．
本來想買converse 架　　但係又冇哂碼嚕byebye
行哂之後我地就去左麥當勞度食雪糕傾計
傾到８點半大家就回去吃飯啦

　

>>May 31, 2005 at 2:29:31 PM GMT+8

2005 年 5 月 26 日 星期四 【颱風】

放工返聚會～～呃！超大雨的
但是WINNIE路過　之後麥麥叫埋佢去喎
我話我害羞喎　因為今日又係我帶詩！
去到唱偶然遇上驚喜～～
歌詞裡的一句：縱使呼呼風雨　　仍覺甚美！
岩哂今日既情景囉～～～^^
今日有埋winne黎支持下我　今日講既野都有提起佢囉
不過我有點兒尷尬的　
之後完左婷婷同我講　初初見我　佢以為我好怕醜
點知原來唔係的　．．　我話其實我好怕醜架！
之後麥麥一句　「佢以前唔敢講野架
叫佢講野會匿埋落檯底」　笑死我了
不過雖然我講野唔叻　但係我有果句講果句者




　

>>June 6, 2005 at 1:55:03 PM GMT+8

2005 年 5 月 24 日 星期二 【綿綿細雨】

今日朝早帶旅行　ｄ人唔多生性喎
搞到９點８先可以出發
途中落毛毛雨囉　嚇親～～因為第一站係露天的～～
當然我求神唔好落雨住啦　　去到真係冇落雨　
天氣仲係非常的好　唔曬囉～～～感謝主
第一站：國際小鳥天堂，呢個地方位於大埔鹿頸的
原來我自己係去過架喎　上次同Winnie同麥麥去過呀
真係遠眺深圳＆沙頭角景色喎　遠望仲有好多雀仔添～
出返黎仲有豆腐花食呀～～～～　本來我諗住比錢的
不過通常都有人請我食的～～～XDD
第二站：錦繡花園的蔚濠酒家午飯　
本小姐好明顯食唔飽的　通常我都係比佢地食多ｄ
不過巧遇西貢中心的阿階～～～　佢同我笑＆講左２句野
佢個centre都係今日出旅行
第三站：閩樂陶器廠　呢度基本上冇咩野睇　


第四站：觀塘ＡＰＭ 創紀之城　
佢地去呢度係去行吉之島個超巿囉　都好啦　佢地滿載而歸的
空閒時間　謎語人出左黎同我行左陣　擺到明我今日係出黎玩的
之後就走嚕　呵呵呵～～～～～～～　返到去差唔多收工

>>June 6, 2005 at 1:46:23 PM GMT+8

2005 年 5 月 19 日 星期四 【暴雨】

今晚夜晚團契係由我帶詩呀
講左好多野呀　　不過唔知自己講乜東東
哈哈　不過都係一個好既現象～～～

>>June 2, 2005 at 3:59:22 PM GMT+8

2005 年 5 月 18 日 星期三 【乍寒還暖】

今日係Clara既生日呀
先祝佢生日快樂呀
佢整左個蛋糕俾我地食
基本上我上次同佢講過一次
〝姑娘唔開心 你應該整個蛋糕俾我食〞
真係唔好意思啦 生日都要整囉
嘩 老細送生日禮物比佢喎
超驚訝 我咁耐都冇收過喎
咁好笑喎 我問佢 咦 係咪過期架 XDD
笑爆咀囉！　咁本來諗住唔請老細食架
佢見老細送生日禮物俾佢　係咁２請埋佢食
不過老細又叫埋樓下個同事黎食囉　
下！　人地個蛋糕已經夠細架啦　都唔識做既
個同事仲改左個蛋糕名叫　木糠芒果布甸

其實佢果個係芒果cheeze cake囉
老細放１２點　當然我地就作反囉
我１２點去左買左５枝甜筒　１支請左比麥麥食
其他當然係壽星女,Winnie, 輝,同埋我啦
不過我都未有時間食～　因為勁多野食
仲有尋日買的朱古力　！好開心　開Party

下午得返我同Clara２個人　勁開心囉　大哂　ｙｅａｈ
５點準時收工　不過埋數收銀機多左１００蚊
可能 我找少左錢比人　唉　內疚ａ

>>May 21, 2005 at 1:35:39 PM GMT+8

2005 年 5 月 14 日 星期六 【晴】

朝早返教會　呵　今日冇遲咁多喇　有進步
完左就搭巴士去行左陣加連威老道
本來想買上次睇中支香水　但係都搵唔到既
不過Anna Sui出左新香水呀　個樽好靚丫
不過唔知咩味呢．．．
之後搭船返去同爸媽飲茶囉^^

依家開始我要好好對待自己呀．
工作咁辛苦為左ｄ乜？？
好啦　以後生活好過ｄ架喇
錫哂自己～～　
今日買左４件衫俾自己囉　
仲有買左條Speedo短褲～
有兩件係媽咪買比我既
其實買野真係勁開心囉．

>>May 15, 2005 at 3:03:02 PM GMT+8

2005 年 5 月 11 日 星期三 【晴】

老細今日放假　我話哂事　哈哈　笑～～～
今日雲姑娘返左黎做ｄ野呀
有佢0係度係開心ｄ既～～～

Lunch Time有人爆左ｄ野比我聽喎
好搞笑　Winnie入左黎Office講開ｄ野
佢講ｄ又唔講ｄ　之後我就閂埋對門
恐嚇咁話：「唔講埋唔準走呀！哈哈哈！」
佢話老細之前Lunch Time同佢講話驚我好似陳素ｘ咁
我第一個反應就係　：　下！又關佢咩事！即係點！
家陣人地都走左咁耐　仲開佢個名想點？好不知所謂喎
咁我驚我似佢定咩　驚我劈炮唔撈？　驚我頂唔順？
擺明睇唔起我啦　咩事呀依家？　我就話係頂老細唔順者淨係！
仲要話我「夠膽架」咁樣～　係呀　我真係夠膽唔撈架囉
都唔好欺人太甚喎！　好嬲囉

算～今天應該很高興！！　我們５：１５就收工了

今日有人等我放工囉　呵呵　勁搞笑的ｘｘｘｘ
傻瓜
　

>>May 13, 2005 at 3:20:53 PM GMT+8

2005 年 5 月 10 日 星期二 【陰】

好耐冇試過開心既感覺喇～～
個心情都唔錯喎^o^
因為老細冇剷我　ｙｅａｈ
朝早第一個返到公司丫......
開哂個檔口佢地先返ａ！
今朝傑仔黎左教我到用個電腦system
佢講既野其實我全部都明白
不過老細專問埋ｄ無聊既問題
0徒時間　不過由得佢啦　我阻止唔到佢
食飯食１點囉 　之後Winnie同我地看左陣檔
我好快食飽飽之後就返入去同佢傾左陣計了
開心既時間好快過　佢又要返上去工作了嘛
然後老細開組　而傑仔　就一對一咁教我喇^o^
呢ｐａｒｔ都比較緊要　不過好彩我電腦底子打得好
都聽得明 呵呵呵
之後　老細開完組返黎呢　傑仔就同我地出去再學埋另一part
佢仲話「依家ｄ後生學得快打得快」我話「唔係嘛，我同你一樣大咋啵！」
不過傑仔ｄ電腦真係幾叻　勁勁勁呀
學到4點3呀 正呀 乜都冇做過囉 不過我今日5:55先收工
然後行左落中環啦^^ 哂相仔
之後去左7-11買野食 好肚餓 買滿20蚊仲有吉蒂貓貓既扣針送添
好靚靚呀 今日心情勁好 食左好多野呀　
甜筒　晚餐　芒果乾　四方果0者0厘　道地綠茶　
全部鍾意食既野　好開心ａ

>>May 11, 2005 at 5:03:11 PM GMT+8

2005 年 5 月 9 日 星期一 【颱風】

每日都好忙ａ～～
今日落超大雨呀　返工果陣濕哂呀陰公

今日既工作之一係我最拿手既中文ａｕｄｉｏ　ｔｙｐｉｎｇ呀　勁鍾意　　
我淨係鍾意打字都冇辦法　
到３點幾果陣不知幾開心呀
老細叫我去海港政府大樓之後去藍田拎野比Crystral呀
呵呵呵　重點就在：我唔駛對住佢可以早ｄ走呀
３：５５我閃啦　爆開心呀　雖然係遠ｄ
去到藍田５：１５啦　同佢傾左一陣計丫
我叫佢快ｄ返黎呀　我好慘呀　不過我會捱住先架喇
咁之後勁搞笑囉　　係咪天意要我去呢邊架
我就路過觀塘探下ｈ”　估唔到佢屋企就0係明愛觀塘長者中心上面囉
仲巧合既我0係樓下仲撞到熬姑娘放工　搞笑地佢問我住呢度架咩？
我話我只係路過路過的　XDD　之後我就上去ｈ”度聽左陣歌睇左陣ｔｖ
然後我地就搭ｍｔｒ　我送到佢去九龍灣地鐵站　佢就要返工嚕
我就返屋企～

>>May 11, 2005 at 5:03:03 PM GMT+8