2005 年 2 月 8 日 星期二 【炎熱】

	今日係年初一....... 恭喜發財 一朝早換好衫 成身都好pink咁～～ 成年最靚既一日架喇^___^ 同阿爸阿媽拜個年先 到1點鐘倒就落街　估唔到有利是收 管理員伯伯都派利是比我同哥哥呀 真係好．．．．．． 之後去買左幾個生果～ 去婆婆度拜個年喇　仲有幾個舅父舅母～～ 然後我地一齊就食個飯 坐一陣　４點倒　又回左家　 訓著左　訓到７點呀～～～　 唔知做乜咁眼訓ｚｚｚｚｚｚ 醒左又落左去婆婆度食飯喇 睇埋甜酸爺爺又返屋企 夜晚同阿良傾計呢～～～　好開心呀 佢send返佢上次倒數果ｄ相比我睇呀 台灣勁靚呀～～　佢又真係好搞笑 我問佢果ｄ係咪雲海黎架～　佢話唔係 然後叫我拎雙筷子出黎　攪攪去 佢話係棉花糖黎丫　真係講到好好笑 本來佢話想黎香港的～　但係搞個護照都要４日 之後佢話算了～～　　唔緊要呀　一定有機會^o^ 傾到夜晚２點鐘倒　真係好眼訓ｚｚｚｚ

阿良傳給我的漂漂照片～～
按圖放大的^^



>>February 11, 2005 at 7:31:36 AM GMT+8

2005 年 2 月 7 日 星期一 【暴雨】

	今朝１０點嘈醒左=.= 一醒左我就訓唔返喇 算啦　　今日約左班同事食飯 咁１２點幾　我就返公司同佢地一齊去啦 今日比較搞笑的　就係我地約好左個個都著裙仔 經典之作　大家都未見過大家著裙 有的　都係好少～　今日著左條短裙仔呀 不過有件長到膝既褸遮住　返到去佢地都哇哇聲 好好笑　我地鬥哇哇哇囉　～　 之後清姐見到我喎　我已經扮唔0係度架喇 清姐話今朝唔見我既　我話下係咩（hahaha我根本就係放假） 我同ｄ同事講返：「我今日冇返過黎呀　， 你認錯我係Winnie喇一定　，　我地咁似樣！」 呢次係我地幾個同事自己約　係冇遇到老細 如果比佢知道唔知會點　不過佢咁遠ａ　都唔會同我地玩架啦 我地１點鐘收工喇　我地一行五人齊齊食飯都係第一次 去左馬來咖哩屋度食囉　果度ｄ咖哩真係幾好食既 我第二次去～～　我地叫左個咖哩雞飯 + 咖哩牛腩飯 + 海南雞飯套餐 我就飲左個珍多冰冰 我地都食得好開心同傾得好開心呀 唔知下次都係咪咁齊人呢～～～～　！ 之後我又要回家喇！！！　返到去執下野抹下野　 我想整既野可以整得好喇　我張豹紋凳凳　完工喇^^ 阿爸仲問我張凳0係邊度黎架　係我翻新左者 因為實在好sharp　　　媽咪都話靚呀^^......... 然後我地就要去食團年飯啦　 同埋婆婆呀舅父舅母一家人１４個一齊去左西環食 食到９點倒　之後媽咪就去左惠康買新年野 我就要同佢簽咭喇　　我唔等惠康包埋ｄ野喇 我同舅母講我要同埋ｄ垃圾作戰　好似講到好恐怖咁 咁我間房執好仲要執埋個廳　又要拖地　又要掃地 阿爸話：「個衰仔，又唔返黎執好佢ｄ公仔書！ 成日掛住條女！」阿媽話：「有異性冇人性！」 我覺得咁樣好過份呀～～　柴灣＆婆婆果度團年飯都唔黎食 淨係掛住佢條女　晚晚又掛住講電話嘈住本小姐就寢 阿爸話齌　駛唔駛咁痴纏呀！　 ～愛情不等於一切～　都要適可而止！　理性少少好喎 難為我係咁幫佢執埋呀　　真係想同佢掉哂ｄ公仔書去呀 阻住哂呀　放哂0係個廳度　真係好難頂呀 之後我就要洗頭沖涼啦　１點幾訓左啦ｚｚｚ

>>February 9, 2005 at 3:55:41 AM GMT+8

2005 年 2 月 6 日 星期日 【晴】

	今日繼續執呀執 執極都執唔完既房 哈哈哈 將d野係咁收起 我一定會唔記得ｄ野放哂去邊 下午媽咪買左盒齋比我食 都好飽 發覺我一年比一年多野 又發覺買左幾件衫原來都未著過 反正我今年都冇乜點買衫 可以拎黎著嚕喎 夜晚繼續玩下執下咁．．．．．．．．．

>>February 9, 2005 at 3:22:39 AM GMT+8

2005 年 2 月 5 日 星期六 【晴】

	由於尋晚太夜訓既關係．．． 我今日返教會．．啊～～　釣魚。。。。。　 咁到１１點９倒走得～～ 就去左尖沙咀加連威老道行左陣 不過都冇野買．．只係買左支香水比表姐 之後路過海港城　見到ｄ裝飾好中國feel 幾靚　所以埋去影底左　^o^ 之後我就搭天星小輪返去中環喇 媽咪就打比我　叫我去飲茶　咁我行到返去 時間係岩岩好的XDD 　同埋阿爸　婆婆舅父舅母都有黎 食飽飽後我地就各自活動啦 我自已就去左上環假日行人坊度睇野　 今日既活動都有我地明愛幫手電腦整揮春 原先黎老闆問我　叫我問我ｄ會員有冇時間幫手的 但佢地年近歲晚　好忙的　之後都冇搵 我就見到社區中心sharon 0係度咋 之後我就去左另一間檔度睇飾物喇 我行到埋去已經見到個人好熟口面架喇 佢0係度dub低頭揀緊～　我就費事叫佢 我都怕我認錯人　ｈａｈａ　到佢比錢抬高頭 佢終於望到我啦XDD 相認　「咁岩既，揀左ｄ咩呀！」 好搞笑呀　佢就係我中心ｄ會員喇 點解佢地個個返黎個樣同0係街個樣差ｄ既 佢地返黎好似化左少少粧　著得光鮮ｄ架喎 咁我之後繼續揀　買左３對耳環呀　爆靚^^ 之後我就返屋企啦　休息左一陣 就要落柴灣食團年飯喇　８點幾去到　９點先有得食呀 好彩有表姐仔陪我傾計咋　 咁坐定定　我就送左支香水比表姐^^...係生日禮物來的 之後又將我今日買既耳環　送左一隻比佢　 因為我地鍾意做Twins　一人一隻 食到１０點幾　但係佢地開家庭會議搞到１１點 好彩聽日係放假的XDD

>>February 9, 2005 at 2:35:50 AM GMT+8

2005 年 2 月 4 日 星期五 【晴】

	今日我成日都係冇出過街 朝早開始狂執房　先進攻個地下 簡值係用兩個字黎形容　恐怖　哈哈 條路行唔到比我執到行得返人　 之後又上網聽歌一路執 好晏先食ｌｕｎｃｈ呢．．． 不過好彩我有勁多零食　朱古力百力滋　食飽哂啦 執執下又上網搞下個日記仔　改左版喇^^ 好colorful　我鍾意^o^ 自己學左ｄ新既野　開心^^ 夜晚搞到１點半先訓覺豬

>>February 7, 2005 at 9:24:35 AM GMT+8

2005 年 2 月 3 日 星期四 【微冷】

	今朝返工好開心呀 一來係老細開始放大假啦　呵呵呵 作反呀我地．．．．． 我地今日0係廚房整爆谷食呀　勁香的 真係好得意同好神奇呀 放入微波爐卜卜卜　５分鐘搞掂喇 同平時戲院食果ｄ差唔多　 但係戲院果ｄ應該加埋蜜糖的所以甜ｄ呀 不過依然好好味的 朝早就分哂ｄ相去　咁就搞左一朝 １點食飯喇　臨去食飯　Clara比左個要動腦的flash game我諗 因為佢地尋日兩個襯老細放假0係度玩囉　但係都過唔到關　衰野 我早就同佢地講　我話我冇腦架喎　呵呵 不過以我咁鍾意玩既性格　呢個Flash一早玩過的 仲玩左我成日添　但係叫我玩返就再要諗下啦 咁我１點半食飽飯　雲姑娘叫我同佢地出去行下我都冇出去 就返去諗返個flash點過喇　不過可惜我玩玩下都玩到　３點 個迷終於解開左喇　個結果當然係匪夷所思　→逃出生天 ３點之後我就要搞埋ｄ手尾　因為我放假喇　 諗埋１５號開staff meeting要講既ｅ～　基本上我全部既活動都唔達標喎 （都係得２個者）　要諗定講既野嚕　 今日知道有個ＡＳＷＯ會調過黎頂２個人既位 個ＡＳＷＯ係新請的　但係無柰　雲姑娘既野都要我跟囉 好唔開心囉！！！　全部都係我唔鍾意做既野 之前阿２去生仔都頂左２個月好悲慘的＞＜ 放工後　～　返教會囉

>>February 7, 2005 at 7:55:35 AM GMT+8

2005 年 2 月 2 日 星期三 【暴雨】

	是日休息 今朝１１點起身食左個飽，沖左杯綠茶 上網聽歌～　之後媽咪返黎 食左個合味道杯麵　ｎ年冇食過喇杯麵呢味野 一樣都係唔好食的:p 之後就陪媽咪返舊屋度　同裝修果個人講返ｄ野 唔知點解好想住返好有ｆｅｅｌ既感覺 雖然細ｄ　但係．．．． 話哂都由出世住到大喎～　依戀＆念舊 之後成４點先搭地鐵去旺角　 去左銀行中心拎張$50蚊百佳coupon先 然後我叫媽咪去雅蘭中心睇野先 我就去左信和度　　呵呵　買我話要擁有既野 我擁有到你喇　周杰倫　演唱會vcd 　新年唔怕悶喇 大把野睇呀　^^V　　 行返去太子花園街　同媽咪睇窗簾布 去到行左幾間就買左３幅喇　　好重呀＞＜ 咁我都唔執書啦　買左件襯衫　同埋條圍巾仔 返到屋企都７點幾８點　媽咪先煮飯　 ９點幾先食得

>>February 4, 2005 at 4:43:31 PM GMT+8

2005 年 2 月 1 日 星期二 【晴】

	今朝好彩都有ｄ野做下　　唔係都唔知點捱呀　 下午半個鐘食飽飯仔　本來叫雲姑娘幫我拎隻CD-RM 去哂相舖度 咁我又擔心佢大住個肚　都係唔好意思啦 唯有我食快ｄ囉　半個鐘去ｊｏｉｎ佢囉 行到落去我叫佢在豆腐花度等我 我就飛落去哂相　返黎佢就拎住４碗豆腐花等我 我就幫佢拎返ｄ豆腐花　我地返去就分黎食啦 開心開心 好開心可以做到晏晝呀ｄ野　老細晏晝去開會嘛 咁下午既我呢　傾下計　真係好開心既生活 仲有我做左一件好想做既事　就係執我張檯啦 之前勁亂勁多癈紙　我右手邊係我老細丫嘛 咁我老細成日用左我張檯既右半邊放埋ｄ垃圾 如果佢見我張檯冇野又會話咁乾淨既架喇（係咪唔抵得先） 唯有我放返座「山」0係度擋一擋剎 執左成個鐘呀　５點前執得哂呢　好開心架呢 之後又有燒賣食囉　又有包包食囉　 然後我地就一齊收工走啦　四人行^^

2月2日周杰倫無與倫比演唱會VCD及DVD隆重登場！！


>>February 3, 2005 at 1:58:33 PM GMT+8

2005 年 1 月 30 日 星期日 【乍雨乍晴】

	今朝電腦班最後一堂啦 不過2月尾又開多班喎=.= 又搞一輪的 唔知做乜．．今日勁寸老細囉 寸到幾個同事都笑死 因為老細講一句我又駁咀一句 但係佢地講返比我聽 覺得我老細又冇乜野架喎 因為我次次都係嬉皮笑臉的　wakakaka 佢地都唔敢咁做喎 lunch time 有ｄ人黎interview　富東苑ＡＳＷＯ個位 我老細返黎要招呼果Ｄ人　賴姑娘又黎左 又有陰聲細氣既場面出現囉　 賴姑娘竟然潮左囉　染左頭髮呀　ＸＤＤ 今日冇咩野做囉　拎左好多日假 星期六開始放長假嚕　放到２月１５日　Y ^w^ Y 第一年前又放後又放囉　放淨７日假 老細今日無端端提起ａｌｅｘ囉　 佢話點解依排好似唔見左佢行上行落咁既 我話佢調走左啦　佢問佢調左去邊　我話東頭囉 我彈多左句近佢返工啦　老細又問佢住邊呀 我話黃大仙　彩虹果頭～　老細又好奇怪點解我知咁多啦XDD 佢話我係咪因為人靚仔呢　呵呵　同事仔又笑埋一份囉

>>February 1, 2005 at 3:43:37 AM GMT+8

2005 年 1 月 29 日 星期六 【暴雨】

	今日要返工～不過係幫社區中心的 唔係好明囉　社區中心做咩拉埋我同Clara去 不過好彩係在我樓下文娛中心囉 舞蹈嘉年華 今日冇返到教會　我唔想太趕 約左Clara１點半等　因為佢唔識去． 咁我就去接佢同佢一齊去啦 １點９去到啦^o^　ａｄａ帶我地去行左一個圈 跟住我地就摺場刊喇．．．　 我成日用ｄ快既方法摺又唔會整痛隻手仔 幾張一齊摺嘛．．．　 多得之前摺中心ｄ會訊多囉　^^ 但係佢地話我咁得唔得架　齊唔齊架　 出黎既效果當然係ｏｋ的啦^^ 然後我地既工作就係行行企企睇人綵排啦 到５點幾我地就食飯　我地幾個坐左0係地食 好快食飽又要做　但基本上我都唔知自己做過ｄ乜 １０點鐘完左個function 落住微微雨呀 Clara佢住堅道 要幫大會拎返ｄ野上中心 但係好彩幾個男仔佢地都有ｄ良心　陪埋佢上去 因為我太近　我唔想上左去又落返黎呀 返到屋企好累　搞好哂ｄ野就訓喇ｚｚｚ

>>February 7, 2005 at 8:22:44 AM GMT+8