2005 年 9 月 12 日 星期一 【晴】

今日係中秋慶祝會．．
返到黎　ｘｙｚ＃％＃＠
電腦既ｄａｔａ未過落本notebook度
尋日好happy去收工冇諗過　=.=
又要update左先　但係update左又出現錯誤啵
搞左我成半個鐘有多呀　陰公
不過相信都係　神0係度幫助我　
同埋電腦底子有返咁上下0者．．
過返個mdb file過去就ｏｋ了... 唔駛比隻野剷=.=
仲要仆上去咇左成百個人名　仆上仆落　腳痛耶
算吧啦　之後落返去中心　繼續享受那神的恩賜
１個鐘沒有血腥的日子！！　
下午３點　血腥又去開會啦！！！ｙａｙａ
不過５點幾返黎　佢明天出camp又乜都未執
搞到６點倒先走得　辛苦謎語人來等我收工
今日夜晚去左藍田謎語人婆婆度做節呀
好多人..... 我會害羞的。一ｗ一。
今日謎語人又食得好飽咁喎^^....
不過好開心ｙａ．．．．．
之後佢送埋我返屋企佢又要返工喇

>>September 14, 2005 at 5:28:16 PM GMT+8

2005 年 9 月 9 日 星期五 【晴】

返工　去ｂａｎｋ都比人話既　
唔駛等咩　問我做咩去咁耐
咁我行返黎既時候唔知點解都有咁諗
　可能係神話定比我知要點答
咁係丫嘛　我去到bank張飛已經175
等個號碼只係143倒喎　都傻傻地既！
搞到我成個監犯咁　


放工　同左謎語人去左太古冒險樂園玩
不過我地玩果部機「趣怪升降台」
個helle kitty真係好得意架！　但係我地玩極都玩唔到
嗚嗚　　仲令到我地明白到由高峰去到谷底既感覺係點架添！
搞到我地都冇乜心機返屋企食飯嚕

陰公！！
夜晚１１點幾受傷了。。。
勁痛　番到ｈｏｍｅ俾媽咪同我療傷
咁大個女都未咁受傷過　
可憐的手　傷殘左手　足足貼左３塊膠布！
要問就問阿邊個邊個發生咩事啦　哼　

>>September 12, 2005 at 3:54:54 AM GMT+8

2005 年 9 月 8 日 星期四 【晴】

真係好鬼冇用呀!講幾隻字都講唔出口
行動又做唔出.....冇用呀有用呀 sign.....><
真不明白她怎可以若無其事般
但２個之間總有條刺的．．．．

謎語人呢個傻瓜　點解可以三十幾個鐘唔訓．
佢今日0係我公司門口聲援我　
不過　係我冇鬼用啦　但係thx 各單位既支持！
我返工途中同Winnie講我單case　之後佢Lunch又打比我　
放工又打比我　多謝各位無限量的支持！！！

>>September 10, 2005 at 7:55:42 AM GMT+8

2005 年 9 月 7 日 星期三 【晴】

媽咪一朝早話「駛唔駛我同你上去鬧你老細！」
呢句話充滿支持與鼓勵！我愛你呀媽咪

我唔要再0係度做「死淨種」呀！
今朝佢又開始變態喇　
我都知架喇　我今朝想做果樣野之制
佢就話：「你想幾時做呀！」
我話依家咪做囉！！！！　頂佢個肺丫
火都黎埋呀　都唔想話佢架喇～～　

>>September 8, 2005 at 5:29:06 PM GMT+8

2005 年 9 月 6 日 星期二 【晴】

頂！到底你發夠花癲未呀！
變態老細
我容忍都有個限度
我受夠喇！！！！！！！

好明顯 今朝係俾血腥炳左獲
呢句：「我接受唔到你咁做野！」
GOOD.... 真的唔該哂
係呀！我係咁做野架喇．吹咩！
本身我並不覺得自己有做錯！
到底這個上司有明確指示過我要做乜野
我一開始做呢個POST都冇人講過比我知要做咩喎
Job Description呢？冇啵！即係呢個上司連最基本既責任都冇做啦
況且今回「寬頻事件簿」　根本由頭到尾都冇人叫我去跟
星期一我下午放假之前已匯報左比佢聽　
ｔｖ　電話　ｆａｘ　寬頻　俾人隔離ｄ裝修人cut哂架啦
今日好話我　「你晏晝放假就走左去」放假唔通留0係度呀
都ｘｘ地既！　我就坐左0係度比佢鬧！
仲要話呢件事要0係Staff mtg度傾！　傾囉　～　好巴閉咩
之後佢又話問過呢個問過果個　跟本就係冇人跟既！
根本果個就係「隱形人」！　頂！　
之後麥ｓｉｒ打黎搵我　　我之後忍唔住差少少喊　我話再同佢講啦
然後　因為已經係食飯時間喇　咁我就打比謎語人哭訴
佢話佢會支持我！　之後佢打俾我媽咪　！　話我喊得好慘～～
之後佢話佢同媽咪都一樣會支持我　！　之後我去左麥ｓｉｒ office門口
麥ｓｉｒ唔0係度　我就打比佢　之後佢即刻走返過黎睇下我
之後佢借左佢office做我既避難所　我0係佢面前喊得好勁　
佢問我咩事　做咩喊得咁慘　我都答唔出喇　一味係度喊　之後我收左少少聲
先講返比佢聽咩事　　佢叫我當佢發花癲啦　（麥sir竟然會講呢ｄ野）
我就話我日日咁比人鬧　我受夠喇　我知佢一直都好支持我！
唉！我冇鬼用呀．　

　神呀！到底你比我做呢個位係點解呀？　雖然我知個位本來唔係我
係我唔甘心再哀求你給我的　現在也許給我感受到..............
也許你也有你的旨意　求主教我樣做吧！

返黎血腥又問我野！　又要望住佢　佢睇到我喊啦
算．．　我係喊架喇　　見到我咁既情況　
聽者傷心　聞者流淚呀　陰公　
下午我是心情極度惡劣的情況下工作　眼腫腫
放工永遠有人十卜ｍｅ的　我同左佢去世貿打鼓！
當我唔開心既時候　我都只係打鼓發洩
之後同左佢返屋企食飯囉！！！．．．．

>>September 9, 2005 at 5:52:19 PM GMT+8

2005 年 9 月 5 日 星期一 【晴】

今日謎語人又扮神秘咁黎左送我返工
　正傻瓜　無端端0係我屋企樓下囉
不過維持了第３個星期的馬拉松式見面　
冇間斷過　不過呢一世見到你我都係唔會厭架　

返到公司 唉!好似得罪左血腥咁
一早俾人叉 　叉叉叉叉到食lunch咁滯
好明顯都唔係我既錯
都唔知發咩神經　　我當時果刻真係好想講一句
：你到底鬧夠未呀！
不過我好鬼死冇用．．又喊！　
我除左喊之外　咩都唔識＞＜
不過好彩今日食１２點　謎語人0係明愛個聖母像度等我
每次我有事　佢都會出現0係我面前的
唔係我唔知點算　　　THEN去到千禧度食野
我又喊左出黎喇＞＜　謎語人借左佢個膊頭俾我
喊左好似舒服ｄ　仲有謎語人同我祈左禱
先好返ｄ架咋．．．

我只係成日覺得邊個叫你「寄人籬下」喎
但係我又唔明點解要受埋d咁既氣？
難道這些又是我的錯？？

不過最重要係　　　我ｄ同事牚我喎
ｄ人咁既態度　好難頂好難頂好難頂呀＞＜


到５點血腥出去帶function
而我就同ｄ同事傾計　
仲有食呢個雪米滋　食完之後心情好返ｄ　
紅豆加芝麻味啵　
仲有今日阿輝笑我喎　因為有個會員叫佢送我返屋企
之後輝話：佢駛乜我送呀！　　
仲有輝話：我邊夠佢打呀！
好好笑　因為俾佢今日撞到我地添　

>>September 6, 2005 at 4:01:04 PM GMT+8

2005 年 9 月 4 日 星期日 【晴】

今 日係媽咪的生日
祝媽咪生日快樂 身體健康

夜晚帶埋謎語人去西環食飯
之後同媽咪一齊 行之制 媽咪話淨左個蛋糕
雖然媽咪話講笑咋 但係我地感覺到佢好想
咁謎語人就拉左我去買喇
買左個成2磅的.... 芒果蛋糕
之後仲買左５枝玫瑰花送比媽咪添
去到　其實見到媽咪好開心架　^^
多謝謎語人tum得媽咪咁開心呀
我地食飽飽飯之後　拎個蛋糕出黎

阿爸仲拎住ｄ花搭住阿媽影相添．好浪漫呀
呢個情景非常少有的　亦都好Sweet
咁食飽埋蛋糕之後　．　走ｌｕ
我就同謎語人去左海旁坐一陣
之後佢就送我返屋企喇　

>>September 14, 2005 at 5:40:13 PM GMT+8

2005 年 8 月 31 日 星期三 【晴】

yeah... 今日埋數順利
今日謎語人朝早11點幾訓醒又走左過黎中環喇
話同我食飯喎 佢個傻瓜瓜 山長水遠趕過黎
辛苦哂 佢跑去地鐵站&跑上堅道條斜路
真係辛苦＞＜　　不過我同人調左食１點
正當我想同佢講之制　佢已經跑到上黎
咁１點我出到去堅道就見到佢喇
佢仲想匿埋俾個驚喜我　　不過我已經識穿左佢啦hahaha
之後我同左佢去千禧度食　我食米線　佢食左個飯
食飽後我地就去左７－１１度買雪糕喇
不過係買返去比同事食　本來仲話食豆腐花添
條血腥返黎又ｅｅ鵝鵝　不過係佢食蕉拔唔識用個smart membership
佢想找ｄ會員統計資料嘛　又話條數唔岩喎
仲話係個電腦問題添　我心諗佢有問題就真
仲死同我餚　不過算啦　同佢講都哂鬼氣
仲要話份form應該係我做架添！頂！咁你咪比我做囉
自己又要死拎黎整　多此一舉！！！無聊
唔該做返佢自己ｄ野好過
之後２點佢走左一切如常　佢走左我就搞掂啦
雖然下午係好忙　但係冇佢0係度就超ｆｒｅｅ啦
之後再晏ｄ就淨返我同阿輝了
好快到５點　輝就走左去同黎生講數喇
我等左佢半個鐘先返黎呀　佢同我講如果唔係黎生要開會
佢一定叉爆老細呀　（好呀！阿輝我支持你呀！）
之後收工！！！　又來到謎語人既時間：：
同佢一齊搭船仔過左尖沙咀再去旺角啦
之後行街街　謎語人仲買左２件衫仔比我添　好靚架^^
跟住之後呢　我地又去左冒險樂園度睇人玩喇
今次我地冇玩囉^^......
然後我地肚仔餓喇　　去左兆萬上面食小飛象萄國餐廳
食飽飽我地行左陣街　再行去潮流特區
好多好靚既野誘惑我喎　不過我忍住．．哼
之後我地行返去太子再搭地鐵　
謎語人送到我返上環地鐵站佢再去返工
辛苦了～～～～～～～～～～～～～～～　

>>September 1, 2005 at 5:14:33 PM GMT+8

2005 年 8 月 30 日 星期二 【晴】

今朝又有一個傻瓜一朝早放左工之後
過黎送我返工.. ... 一落到街見到佢 極為感動．
不過見到佢咁辛苦．．　都唔知點形容
尋晚媽咪都同佢講　叫佢唔好成日掛住搵我ａ．．
知道嗎．　放工要回家休息嘛
之後返到上堅道仲見到麥叔叔添．　有少少尷尬添
返到工　血醒同組長開會～～　上半DAY好ｆｒｅｅ
然後麥麥落黎呢　問下尋日我地整完個電腦一切如常與否！
仲有呢～　問我今日做咩咁好手拖手返工 -.- 嘰！　好好笑喎

唉0也 我個老細又拎ｄ過期餅加朱古力出黎比人食喇
頂！！～　　孤寒～～～　　
不過好彩ｄ組長聰明耶．．．　原封不動也
好心積下ｄ陰德啦

>>September 1, 2005 at 4:55:06 PM GMT+8

2005 年 8 月 26 日 星期五 【晴】

值得紀念的日子
今日返工9-5都唔想提...血腥瑪莉今天長週...
放工啦^o^ yeah 謎語人接我收工
仲係傻傻的拎住枝玩具反斗城買的玫瑰花
仲有小禮物等我^^ ....
咁之後我地就搭小輪過左尖沙咀喇
過到去 我地就去左冒險樂園度玩
我地最鍾意玩擲彩虹池啦
我話：「今日冇俾老細鬧喎，應該唔會黑仔卦！」
咁我第一個金幣就中左個黃色啦^^
揀左姆明果隻袋鼠．．．
之後謎語人都擲到綠色呀　叻叻
搞到我今日好多禮物咁　不過好開心呀
然後我地就去左新港中心入面美食廣場度
食左個２人海南雞飯喇．．　食飽飽之後
本來諗住今日有得睇幻彩詠香江既煙花添
點知今日冇囉．．．　　　不過唔緊要
總有機會既～～～　　　之後就搭巴士返去ｋｔ啦
返到去ｈｅａ左一陣　　咁謎語人無端端拎左個芒果蛋糕出黎
仲點住蠟燭添．．．　好驚喜好感動　差ｄ流眼淚．．
個蛋糕好好味　多謝你呀謎語人


>>August 31, 2005 at 1:58:28 AM GMT+8