2005 年 4 月 16 日 星期六 【晴】

今日返完教會之後
就搭左巴士去銅鑼灣找ｋ小姐
ｋ小姐今天又在ｆａｒｍ擺檔了
我去扮客仔扮了一會　都做左２單生意丫
最正係ｋ小姐Design既野有人買果下戥佢開心
佢將個可樂玻璃樽畫左ｄ野上去　
有人識欣賞我都覺得好開心！
幾好！　之後佢家姐黎左～～
佢男朋友又0係度　我就唔阻佢咁耐了
之後我自己去左食野　食飽之後
行左去灣仔丫　買左２件衫　^^
之後搭叮叮回家　搭車又比我見到２個會員丫
我讓左個位比其中一個坐　途中勁傾勁傾
但平時在中心又好少傾計架喎　
　

>>April 25, 2005 at 5:09:39 PM GMT+8

2005 年 4 月 15 日 星期五 【晴】

今日返工　見到cLARA 眼腫腫的　陰公
我問佢做咩冇咩精神呀．　
我又問佢係咪尋晚返屋企又喊？
佢話佢匿埋在廁所喊　又冇俾媽咪知
我覺得佢好委屈呀＞＜

　老細同我講～～
之前同左個ＡＡ講「要返星期六晏晝架喎！」
叫我諗下啦　有乜好諗呢
唔制呀唔制呀　嗚嗚．．．．．．．．．
咁我會冇哂Ｄ時間架啦

今日３點９先走
之後就走左過隔離社區中心度同wing仔＆Ada傾左陣計
ａｒ．．．．　每次且佢地傾到唔捨得走
阻住佢地做野ｒ～　

>>April 18, 2005 at 2:05:22 PM GMT+8

2005 年 4 月 14 日 星期四 【晴】

人都癲
想念從前悠閒的生活！


今日麥麥幫我地ｄ電腦吸塵丫～
辛苦哂了！！

下午一班人叫Pizzahut 食
其他單位同事都黎核數嘛　咪夾埋一齊食囉
不過係farewell　Winnie的
Lydia 傑仔　係其他部門的同事　
仲有阿２都有返黎　ｍｅ又要食Pizzahut了=.=
食到飽飽ａｒ　當然唔少得要留返比麥麥食啦
辛苦了他食了很多塵喔　連lunch time又蝕埋比我們
下午返到去　我走左過去同Clara講左兩句野
事有不妙　我發覺她在　飲泣＞＜　
我走埋佢安慰佢　大概我都知咩事
咁我其實由得佢喊下　間中掃下佢背脊講幾句安慰既說話
佢就一路喊一路講話老細屈佢　我話我地都比佢屈過無數次啦
不過以佢咁細個岩岩出黎做野　受埋ｄ咁既氣
我都好明白既　就好似我１８歲果陣既影子咁
唉　我次次睇到我ｄ好同事喊　我都好想喊埋一份
反而Clara安慰返我　叫我唔好咁啦　一陣仲要做野架
因為次次都係身同感受的！！！　我話老細係咁架啦！
最近發覺老細唔鍾意Clara喇～～　


　想不到老細一個電話！
「你開例會啦！」
比左３個字時間我準備咋！
之後我開足１個鐘　講講講講
太痛苦了

然後臨收工
打report 打report　打report

痛苦的生活！！

．．．．．．．．．．．

>>April 18, 2005 at 1:33:05 PM GMT+8

2005 年 4 月 13 日 星期三 【晴】

今日好驚喜呀．．．
WInnie 竟然有野送比我地囉^o^
係我好鍾意既Little Twin Star野黎架
今日好晏先走得　呼呼
放工同左Clara行中環囉～～
我地都買左ｄ野比Winnie
ｈａｈａ　．　揀左好耐　

>>April 18, 2005 at 1:35:45 PM GMT+8

2005 年 4 月 12 日 星期二 【微冷】

事情變得風迴路轉
事與願違
還是天意？
一切都是一個謎！

．．．．．．．．．．．．


夜晚約左ｋ小姐，好耐唔見啦！又靚左。。
去到太子聯合等左佢一陣　佢就黎啦
今日主要係送返份禮物比佢丫　keep左幾個月喇
咁我地行左陣聯合廣場　然後去左始創中心行左陣
然後落左樓下食Pizza Hurt 喇　好飽飽
一路食一路傾　講到D人interview果陣
都係笑爆的　又講到張衰衰會考證書　
大家諗下諗下都識左成１０年喇喎
真係時光飛逝的　
食到9點呀～　　然後出到條街有ｄ涷～～
ｋ小姐就比左佢條頸巾我戴了　好姊妹
然後我地就去左花園街　每人都買左２件衫啦
之後我地去行瓊華啦　再行埋兆萬就回家了～～

>>April 17, 2005 at 11:08:32 AM GMT+8

2005 年 4 月 11 日 星期一 【晴】

好唔甘心呀！

～我會令某某後悔佢既決定～

呢個世界根本就係唔公平

你地話：「算啦算啦　係你隔離果個衰者！」

人地阿媽挺我！話第一個抄佢就岩！



今日同Winnie閒談之間唱左幾首歌 ：

心淡 ！　春天分手秋天會習慣　！

知我是個無法討好的人！
　　
如果天都逼我爭氣　離去大概不會死
我退出但求大家歡喜　無謂到最後不三不四
沒有心機痛恨你....



我的計劃從今天開始！

>>April 12, 2005 at 3:06:06 PM GMT+8

2005 年 4 月 10 日 星期日 【晴】

好ｈｕｒｔ呀！！！
今朝勁想掘個窿 然後收埋自己喊呀
強顏歡笑　好難頂！！

>>April 11, 2005 at 12:47:18 PM GMT+8

2005 年 4 月 7 日 星期四 【晴】

。今日2nd interview喇～～ 今日冇咁緊張　
我都估唔到我冇咁緊張囉　黎生冇咁嚇人耶！　
第一題：「你0係度做左４年啦！～咁你可唔可以講出你做既野同你依家個位做既野有咩分別！」
第二題：「你覺得你做唔做得黎？」又問：「你之前有冇經驗？有冇讀過a/c？」
第三題：「你apply呢個位，你會唔會覺得至在必得呢？」
第四題：「假如你得左，咁你覺得係咩原因？如果唔得又係咩原因？」
第五題：「咁呢個位成日要帶隊出去架啦！咁你覺得點樣先可以令佢地安全去安全返呢！」
又問：「最常遇到既情況係咩？」
第六題：「假如有一個人走失左！咁你會點做呢？」
第七題：「你做左４年啦！你覺得ｄ長者對你既印象係點呢？」
第八題老細問的：「假如有個會員打電話黎搵你，而你手頭上又好多野做緊啵！你會點？？？」
我答：「咪簡單答左佢先囉！」
又問：「如果問電腦既，要即刻解答佢，而佢又發哂脾氣呢！」
我答：「我相信我ｄ電腦會員唔會咁架啵，我都會解釋返比佢聽，我有野做緊，
遲ｄ覆佢，或者pass 比第二個同事解答佢！我相信其他同事都會識答！」
之後黎生係咁睇我ｄcert．醜死怪啦！停留得最耐係我張ｈｋｃｅｅ張羞家紙～陰公　
　等消息啦！！！！　然後我返去問Clara點答ｄ問題　
例如你覺得ｄ長者對你印象係點　佢答：「好好！」
我之後在廚房，個會員問我有冇申請個位呀？我話我今日in左呀～
我同佢講佢問我果個問題就係覺得佢地對我印象係點？個答案竟然又係：「好好！」
好笑囉，同Clara答的簡而精答案一樣啵！個會員仲話當我係孫或者姪女咁添．
而且叫我又親切　哈哈　下午有點驚嚇　老細心情好像不錯　仲搭我膊頭添（驚驚）　
　５點半又到放工時間啦。。好開心呀　　
今日我地一行１２人去左大華酒店度食buffuet的　～～好正呀！
我通常一食就係食最愛既三文魚魚生啦～～　yummy！其他都好多選擇呀
　又有天婦羅呀　西蘭牛扒　仲試左好多蛋糕添！！　
好飽飽呀～～　每人都係　＄１７０咋　本來４送１丫嘛　
之後因為個waiter哥哥話有couple仲有得優惠添！
咁天賜哥哥就走左去買果本雜誌喇！　勁抵囉～～　今晚真係好開心




>>April 9, 2005 at 3:45:54 PM GMT+8

2005 年 4 月 6 日 星期三 【晴】

今日Winnie姑娘返工喇～
　好似好耐唔見咁　今日放左工之後我地(Clara + Winnie +我)
相約到麥當勞食野　呵呵呵　愛上麥當勞　　
今次又係食朱古力新地　實在好好味　今日我請Winnie食
因為都唔知仲有冇機會請呢？　我地又坐左個幾鐘的～～～　
傾計　！平時在office又唔可以咁張揚傾喎～～　
今日我地傾下明天Interview會有ｄ咩問啦　咁模擬問題就係我有咩長處同短處　
我問佢地應該點答好呢？　Winnie話短處呢　
就可以答做事太認真　太追求完美喇！我就笑言：呢ｄ都叫短處？？？？
之後長處呢～　佢地就話「容易同人相處啦！有責任感之類之類！」
我話我唔鍾意講呢ｄ野架啵　好假喎～～
　基本上我諗唔到有咩長處啵！　 呀ｘｘｘ唔鍾意咁樣呀！　　　　　
　　　傾到七點鐘我地就走喇～～

>>April 9, 2005 at 3:42:51 PM GMT+8

2005 年 4 月 4 日 星期一 【晴】

又要返工喇 　今日又係勁食塵的
　返到去執好ｄ野　插返著開返出面部電腦　　　　　　
ｏｍｇ！　開唔返　由得佢先啦　我office仲好多野搞的　
之後呢　我１１點幾先打比麥麥　ｍｙ救星　
我問佢得唔得閒救下部電腦　佢好快就落到黎喇　
經過佢一番安慰　部電腦著返啦　　耶～　
但佢又唔教下我點安慰部電腦啵　^ｖ^　 下午又打檢討啦
　ｗｏｗ　　打到收工　陪左Clara落去還返件畢業袍　
之後口痕同佢去左麥當勞度食朱古力新地
　仲有食左包中薯條　坐左成個鐘　傾左好多搞笑野呀　　

>>April 9, 2005 at 3:40:52 PM GMT+8