2005 年 3 月 25 日 星期五 【晴】

復活節假期第二天＠銅鑼灣

今朝又懶了半日 好像都呆呆對對電腦的　
下午媽咪買野食比我食 食飽後就準備出去喇 今日同 ”去左銅鑼灣　
不過佢到左我都未出門口喎　我約左佢５點半嘛　佢５點鐘就去到了　
咁我就飛快搭ｍｔｒ落去啦　不過佢都去左世貿打機先　
我去到就直接去世貿嚕　之後打完機呢　出左去諗住夾公仔　
不過當然冇咁易啦　係夾唔到的　之後就落返去東角馬尺度　扭蛋仔 好開心　
一扭就扭到怪獸公司既ＢＯＯ 細細隻 好ｃｕｔｅ架
然後原先諗住去ｓｏｇｏ搵ｄ野的　點知～　比我發現新大陸　
就係　星期四同Winnie佢地見到的叮噹扭蛋　
我扭左３隻　有藍色叮噹　紅色叮噹　仲有阿福添　
不過我最鍾意都係大雄呀　大雄個樣好可愛　
不過已經比人禁住我唔比我再扭喇 （唔禁住我會失控的嗎？）
然後我地行埋銅鑼灣地帶　之後就要醫肚喇　
行左去灣仔食明將壽司　次次都食到攬住個肚　
不過今次都唔係好多三文魚轉出黎　食到９點幾　
由於太飽既關係　要散下步先喇　繼續行灣仔　
經過間飾物店　買左隻Mickey Mouse的介指　閃令令　
又平又靚　好滿足　之後送ｋ”去搭車　我就自己搭叮叮返家嚕 　
（（最後仲要多謝 ”送給我的復活蛋））


>>April 2, 2005 at 5:06:23 PM GMT+8

2005 年 3 月 24 日 星期四 【晴】

復活節第一天假期：受難日

懶了半日耶！　１１點幾起身　之後開住個電腦　
上網　食左ｄ野後　然後又訓左一陣　
到ｔｅａ　分開兩餐食！　留左一半７點食　
食左後返教會　今日竟然遲到了
　估唔到原來夜晚ｄ巴士係比朝早ｄ巴士慢咁多

今日係耶穌受難日　紀念主　為赦罪我們的罪而釘在十字架　
聚會上睇左段片　之後　默想　有點眼濕濕的　　


耶 穌 在 人 間 經 歷 了 很 多 的 苦 難 ： 被 人 輕 看 、 誤 解 、 侮 辱 、 恥 笑 、 攻 擊 、
出 賣 、 啐 罵 、 鞭 傷 、 拋 棄 ， 直 至 送 上 十 字 架 。
在 十 字 架 上 耶 穌 大 聲 喊 著 說 ：
「 我 的 神 ！ 我 的 神 ！ 為 甚 麼 離 棄 我 ？ 」
「 父 啊 ， 赦 免 他 們 ！ 因 為 他 們 所 做 的 ， 他 們 不 曉 得 。 」
「 父 啊 ！ 我 將 我 的 靈 魂 交 在 你 手 裏 。 」

>>March 28, 2005 at 9:30:48 AM GMT+8

2005 年 3 月 23 日 星期三 【晴】

三人行＠太子+旺角

今朝勁執野囉～！　因為中心裝修呀
都叫做大裝架喇　搞到中心唔方便有人行入黎
勁拆野　勁嘈　勁臭　勁食塵 隻手勁DIRTY

今日淨返我同老細單獨在ｏｆｆｉｃｅ的時候
：：老細話如果冇左我 　佢就死喇～～
乜你終於知道我有幾重要咩？？？：：
梗係啦　我好駛好用　喎　／︿＼

今日拎左星期二下午的假　
反正裝修都冇咩野做的耶～　
我地３個細既都放假囉　因為實在唔想淨返我一個呀

等到收工喇　^o^ 不過成５點７先走得人
難為Clara在ｍｔｒ站度等我地放工喇
今日竟然係有史以來　第一次放工後同Winnie出街
因為上次我同CLara傾開計　話太子依家ｄ野轉季勁平
咁Clara就同WInnie講　咁就話搵日去嚕　揀左今日
因為明天放假嘛～　之後個衰妹Clara就話我柺帶佢地喇=.=
咁搭ｍｔｒ去左太子先
行左陣聯合　哈哈　我地真係得個行字　　
咁然後我地進攻花園街喇　我覺得我當左Clara 好似阿妹咁
一路都照顧住佢　之後Clara就買左條豹紋電話繩
同我果條差唔多＞ｗ＜　孖公仔
我地又係由街頭行到街尾　街尾再行返去街頭囉
中途Winnie要醫下個肚　食左串燒賣囉　之後佢買左件背心
我地一路睇衫　一路話Winnie要FormalＤ架喇　ＨＲ部嘛！
唔可以再牛記了嘛　跟住又一路幫Clara睇鞋囉　
因為佢畢業　佢要襯返件畢業莆　～　不過又睇唔岩
太女人唔岩佢嘛　然後我地就行去旺角了
穿過女人街　肚仔餓要去搵食啦　佢地都好少行街
唔知食咩好架喇　咁從波鞋街出返去　就去左　仙桃源
ｉ　ｌｉｋｅ　台灣野
不過要等位　等位期間　諗下食ｄ咩好囉
好快有位　我地就叫小排骨飯　玉子豆腐滷肉汁飯　三寶米線
仲有加１蚊１杯野飲　３杯奇異果綠花／紅茶
其實今日有ｄ似Farewell咁　我同Winnie cheer 祝佢工作順利及愉快
同Clara cheer祝佢升到大學！希望大家前程錦繡
佢地好誇張囉　飽到飲唔哂杯野　我就食哂飲哂兼想食甜品^^|||
Next station　信和中心　Clara想買ｔｗｉｎｓ相寄比外國個朋友嘛
咁我同Winnie就睇朱孝天同周杰倫既相啦　不過依家覺得ｄ相好貴
都唔明想當年點解會買！！？？　家陣上網ｄ／ｌ落黎再去哂都係$0.8
ｄ相舖呢～　一到９：３０分就話閂門喇　唔駛１分鐘就落閘了
搞到Clara急急地買了幾張囉　下一站女人街　我地行左間精品店
播歌播朱孝天　然後周杰倫　再播王力宏^o^ 滿足了我們的需要
之後行新之城　再穿過旺角中心　我同Winnie 一齊買左ｄ皇冠野丫～
我地揀左一陣　因為我手指細嘛　我就揀左隻介指話呢隻最靚
　佢買左隻介指喇　（真係勁靚呀！！）　我就揀左條頸鍊
係皇冠權杖　因為係第一眼就愛上了　$35 兩樣呀　正呀
我地行到１１點　估唔到行到咁夜囉　我都謝謝地了
之後大家一齊搭ｍｔｒ回家啦　好開心既一晚呀！！

>>March 25, 2005 at 10:50:55 AM GMT+8

2005 年 3 月 22 日 星期二 【微冷】

um... 今日老細黑口黑面喎=.=|||
我地係識睇老細眉頭眼額的下屬
最怕佢咁樣 係咁找ｄ野出黎叫你咁叫你咁～
怕左佢　好彩今日下午同義工出去幫老人院理髮
唔駛對住佢的黑臉
今日同７個義工去左恩翠苑　２點出發～
一共剪左４７個ｈａｉｒ呀～　搞掂哂後
我地係行路返去的（因為都冇錢claim返=.=）
拎住重野行返到去好辛苦不特止　返到去
ｆｅｅｌ到老細質疑我去咁耐咁喎　
唔通我去玩咩～～　大拿拿四十幾個人呀
真係頂佢唔順

>>March 25, 2005 at 3:47:41 PM GMT+8

2005 年 3 月 21 日 星期一 【晴】

捨不得Winnie離開　好無奈囉　下午找了麥麥傾訴
　呼　佢話人事部ｄ野係難做的　ｄ人頂唔順先走　
不過以佢既能力　我相信佢係得的！　
今日老細冇聲氣　我都開始唔諗喇　唔強求任何野
　佢今日要ｗｉｎｎｉｅ放哂ｄ假去喎　咁佢仲有十幾日假期　
放哂都唔駛返來呢度嚕喎　咁之後同樓下講掂數　唔放可以補返錢囉　
咁我話我要錢好過喇♣
下午　比人指左出去ｂｏｏｋ場　因為中心要裝修　
所有班組都塞哂去社區中心囉　估唔到　我出左去幾個字者　
我打既幾百字檢討冇哂囉　
「老細！　你都唔係第一次ｘ哂我ｄ文件架喇　開口話你又唔好意思
　我未ｓａｖｅ就比你指左出去喇　你ｘ既時候都有彈個方塊出黎問你儲唔儲存
　是　否　取消　係咪唔識睇中文　況且　你要0係我電腦睇outlook express　
都唔駛閂我ｄ文件卦　縮到最小咪得囉　有冇common sence架？」　
好傷心囉　悲劇悲劇　唉　電腦白痴～
上次ｐｃｃｗ果個哥哥黎送左個FIREWALL比我地　
果時我0係度同個哥哥講緊野既　ｔｈｅｎ我老細出左黎唔知講乜
　似乎佢唔知個FIREWALL用黎做咩　佢問個哥哥係咪會令到部電腦快ｄ
　我幾想縮埋一邊　哥哥話防病毒果ｄ　老細話哦Virus呀嘛（鬼唔知咩）　
咁我入去講返比Winnie聽　大家又笑囉　定案：「ｆｉｒｅｗａｌｌ＝ 快喎」
唔怪得　老細會咁諗　　　　　
估唔到同Winnie好快又要分開　雖然係同一座大廈裡者　
我會好唔捨得　一齊玩一齊笑一齊講是非　互相安慰既日子　

>>March 22, 2005 at 2:57:58 PM GMT+8

2005 年 3 月 20 日 星期日 【晴】

原來今日老細係放假喎　
ｅｎｊｏｙ了一整天　沒有老細的日子！　
上左成日網　因為今天我又沒啥事做耶！
快樂的時間好快咁過 　　晚上去了婆婆度吃飯啦～　

>>March 22, 2005 at 2:56:07 PM GMT+8

2005 年 3 月 19 日 星期六 【晴】

今朝早例行返教會。。。最近都好想返咁返慣左好似唔想唔返咁呀。
可能最近多野諗左～　呼～～　
完左之後我就搭巴士路過尖沙咀　路過加連威老道
　買左隻ｖｃｄ　想買左好耐架啦　尋找周杰倫　特價 ＄１５　好平耶！　
然後就坐天星小輪返中環　阿爸阿媽要趕工車窗簾希　又唔同我食野了　
我只好自己一個食大快活了　回家搭笠中 有個叔叔同我按26字樓
我都唔識佢既 奇怪怪 佢又話上次0係灣仔修頓見到我　　
問我係咪明愛做義工添　　我話我在明愛做架嘛
　佢又話佢有個同事又係在明愛做　我話我在堅道返工的
　佢話佢個妹個朋友都係喎　我問佢咩名呀
　佢就答我　阿ｖｅｎ　我話哦！　我識佢喎　
佢在社區中心做丫嘛　呢個世界真係細喎　
記得我同阿ｖｅｎ係點開始熟架呢？　
就係因為周杰倫啦　前年１２月周杰倫開演唱會
　原來佢都鍾意周杰倫！我地就傾起上黎喇
　跟住我過親去都搭訕喇　
到現在佢地幾個響墜都響我中文名的最後兩個字的　非常親暱

>>March 22, 2005 at 2:54:43 PM GMT+8

2005 年 3 月 18 日 星期五 【晴】

今日返工　冇咩野做　又上網　又發呆　又多野諗　
好快又放工喇　之後要自己一個人食午餐　
行左陣中環　都係食ｔｅａ咋　返到屋企又要諗。。
　最近都睡得不好的　　

>>March 22, 2005 at 2:50:22 PM GMT+8

2005 年 3 月 17 日 星期四 【微冷】

今日朝早要執下午function既物資，比老細串左句「你新黎架！」
哈哈～　我話「係呀你點知架！」
之後搵到果樣野之後我又話老細：「你新黎架？？」佢又話係呀！真係傻傻地
之後下午啦～個活動在五樓嘛　成日有ｄ野係唔記得拎架啦　
要Clara上落左好多次添　平時果個係我黎架嘛　咁個活動開始
　我係影相人　咁又要上台執好ｄ mic stand 　我見到佢地行落台唔穩
　同埋拎住野　我好想走埋去扶佢地架　但係我又要影相喎
　又冇人幫我手扶佢地喎　真係陰公　
呼　個活動３點半完啦　返到落黎Winnie同我講　
話佢諗左喇　佢話佢要上！　（為甚麼你要離開我啊）
其實係好事黎既～　黎生過左黎問佢　之後順便老細先知尋日發生咩事
　咁我既煩惱又出現了　老細話做生不如做熟！
問我同Clara有冇興趣呢個C.A位．．．　
想當年　我都經歷過C.A生涯１個月　我仲記得果次做到我喊　
因為我又要做我既野　又要做佢既野　日子好難過。。　
是的　我學歷唔夠　我讀書唔叻　原來現實就係咁殘酷架喇．
　唔係話你想做既野就一定做到　呢個世界唔係你話事　
算啦．　我邊夠人淨？　錯敗感特別強　唔好再比藉口自己喇　４年喇　　　
晚唔駛返團契　但係都約左麥麥 麥太同穎芬去左食晚餐　
我地去左中環Jallibee度食雞呀　傾下計　
８點幾就可以回家啦　路途中　打比大大　
我唯一的傾訴對象　首先係比佢講佢ｄ野先啦　
每個人都有唔同的煩惱　唉　之後到我講　我都知我實在諗得太遠了
　我知佢明白哂我諗乜的　不過無耐自己唔敢行出呢一步
　之後講到佢要入笠　返到屋企佢再打比我囉　其實我講到好想喊的　

>>March 22, 2005 at 2:48:40 PM GMT+8

2005 年 3 月 16 日 星期三 【晴】

今朝老細係去開會的。。。Winnie同我講，佢１０點半鐘會上５０４，
可能會晏ｄ落返黎，通常一個八卦的雙子座，都會打爛沙盤問到督～　
況且我同佢既交情，佢會好坦白同我講，佢話樓下Melody話樓上５樓有個位走左，
叫佢去試下！我問佢係咩位黎架～　佢話係ＣＯII(Clerical Officer)，
我話下！又唔彈ｄ過黎～　我都唔記得左自己講左ｄ咩喇。。
佢話人地起碼都要F.7，唔講果句都講埋出黎　咁！我話我冇乜野喎～　
邊個叫自己讀書唔叻？認命吧！（自卑感又無故的出現了）　
佢上左去Interview，我又在思考思考思考了。
１１點幾１２點，黎老闆問我佢ｉｎ成點～
　我答黎老闆實在佢仲未落返黎的～　
１２點半　佢返黎喇　老細都返左黎　不過冇留意原來佢閃開左咁耐的。。　
同Winnie單獨在廚房時，佢同我講　冇諗過咁快話會請佢！
仲話４月幾時返工？佢話佢要諗～　佢諗即係我又要諗！　唉～～～～ 　

晏晝那位賣制服女子來收返幾件衫　點知　唔見左一件　
我點知點解唔見左件？問我都答唔到你架老細～　我唯一既答案係：
係咪跌左落街呀件衫？唔係我實在諗唔到可以去左邊！
最重要既係原本我就冇數過有幾多件咁至真呀！點解會咁架？？唔理佢喇！

放工喇：約左微笑同埋晴＠尖沙咀，我就搭天星小輪過去勒～　
行到過去都係６點３，佢地自己就一早約好左，之後先至過黎join我囉！
然後我地就去左行加連威老邊＠issue～　仲有幾間bontique，冇收獲的。
下一站，就係行路過廟街，好似好遠咁既！
係咪有人帶我地兜路？行到過去天都黑哂了～　
之後阿晴就在廟街買左幾枝電筒。。。　跟住我地繼續行呀行呀　
阿晴又買左枝香薰　又行返去舊廟街果邊　然後行到咁上下　
我地要醫下個肚喇　尋晚講定左　我地係去食煲仔飯的　
我就叫左個滑雞排骨煲仔飯。佢地兩個都叫咖哩ｘｘ煲仔飯咁　
再叫多個細蠔餅　最後又整多個田螺　果度ｄ野都ｏｋ好味喎　
今日就當補祝微笑小姐既生日喇　送左２份小禮物比微笑
　希望佢唔好嫌棄啦　微笑都送左份禮物仔比我　
不過我覺得好搞笑就係　我問佢阿晴送左ｄ咩比佢呀？　
佢就拎左呢份禮物出黎　我仲以為係晴送比佢架添！
之後個情境就有點兒搞笑　ｈａ～　食飽左我地都傾左陣計先走　
咁下一站係行左去旺角　因為我地都冇咩野做　
時間尚早　行下行下　又行埋去太子　再由太子行返去旺角　
然後就送左微笑搭巴士，我同晴又行返去第２個方向
　我又搭巴士　阿晴就搭小巴回家嚕　
今日實在行左唔知幾公里路　真係對唔住自己對腳嚕　
但係都好開心既

>>March 21, 2005 at 5:53:11 AM GMT+8