2005 年 4 月 4 日 星期一 【晴】




今日係清明節，一早就起左身喇。。　
食早餐然後Join埋舅父和婆婆佢地，一齊搭巴士去柴灣掃墓。。。
　大概到１點就返落黎搭返ｍｔｒ回家了，
因為我實在太累了，要媽咪買野返黎比我食．．．
　佢地食飽先買比我，所以我睡了一會。。　
食飽左，又訓過啦ｚｚｚ　醒左之後去左婆婆度食晚飯的～～～

>>April 9, 2005 at 3:39:29 PM GMT+8

2005 年 4 月 3 日 星期日 【晴】


今朝　黎老闆冇返工！　咁老細都要interview人架啦～
　我係last one的　走左去speed test 　唔制呀　睇黎我要練返ｄ英文打字先得喇
（抵死啦　之前唔準備喎）　好明顯我中文快過打英文啵　　
中文我係一個人在房打　然後到英文　阿Clara就係咁同我講野啦　
然後就到老細入黎又講左兩句喇　=.- |||　我係一邊應佢地一邊打架
　最後出黎個結果　　中文我就快過人地十幾秒　
但係英文就拖慢個total 了　嗚嗚嗚～～　 算了！我將會練返英文的　　　
　然後就走左過隔離房度　因為今日黎老闆病左　所以找左sunny扮住老闆先
　哇　sunny個樣我覺得好得人驚呀　因為平時佢個樣係有點搞笑的　
但板起上黎　就給他嚇親了　咁我老細坐我對面　
第一題：「你知唔知呢個位係做ｄ乜野架？」
（我0係度做左４年野，唔多唔少都知既！　是旦答左幾樣啦～）　
第二題：「你知唔知呢區長者既特色係ｄ咩！」
心諗　知就梗係知啦　不過唔識形容喎　又是旦答了
　第三題：「假如要你設計一個活動比呢班長者，你會設計ｄ咩活動？」　
第四題：「假如帶緊旅行果陣有人暈低左，你會點做？」　
第五題：「假如有個長者（佢有ｄ老人痴呆的喎），佢話比左１００蚊你，
但係你應該又冇收過喎！你會點做呢？」　
之後到sunny問我啦！！極之有難度：「請你講出２樣野係中心需要改善既！」
眼都凸埋　本來我答左溝通問題　之後好似句句比sunny頂住哂咁　
之後佢叫我２分鐘時間諗啦　勁滴汗的 一ˍ一 ||| 諗到個頭都爆埋的　
是旦講　義工啦　同埋carer的～　　我覺得成個interview我都處於一個好尷尬的情況
　假如　我唔識呢兩個人　情況就可以唔同喇　
我可以吹到天花龍鳳都冇人話　但係：：：　事實我仲要對住佢地架嘛　　
仲要我坐係度咁正經　我實在頂唔順　因為咁樣都唔係我自己黎既　
平時我講野係幾咁搞笑架啦　正經得滯對我黎講好難咁　
之後sunny話今次ｄ人水平都好高　好難揀！！～～　
睇怕執定包袱　打定辭職信　都得！　不過黎老闆返黎就會second in架喇！　
下午老細又出左去聽talk　我下午就同ｄ同事分享返我既經歷　virgini都身同感受囉～　
因為佢舊機構果陣又係好似我咁　要interview的　
ｄ老細又係日見夜見　個情況好尷尬　咁我就好搞笑咁勁激動　
拍哂檯彈起身話「係啦係啦！」（因為中間隔住左塊板）
搞到佢地笑爆咀　到５點收工了　搞左幾個字先走　
然後我同clara就去左社區中心同ADA傾計 企0係個counter度傾左半個鐘頭都有喇　
咁中途sunny返左黎　我就同佢講返囉　佢又話果個問題係難答既（係有人暈左果題）
　咁佢話社工答黎講　係唔駛諗個問題去答個答案
（好深喎，我唔係社工唔識答）佢話係要　轉危為機　即係除左傷者仲有一班人既！　
咁果班係就要team work勒　因為好多人都忽略左果班人～～　　
我需要諗諗點答得好ｄ喇～～　　之後好搞笑　佢話我緊張　
咁佢話如果驚　唔望人隻眼可以望住人額頭（突然諗起喜劇之王　八兩金同張柏芝果段）
之後傾到６點鐘　就送ADA落左去沾仔記度　
佢食晚餐　我就回家了
夜晚 同左ｄ姑媽姑姐姑丈表弟佢地去左我地樓下間酒樓度打邊爐的
　食左好多野　任飲任食都係５５蚊　食左３個鐘　好勁呀！


兒童節唷！　今朝有個會員比左３包朱古力我唷！　仲祝我兒童節快樂添！　
　哈哈哈　長不大的ｍｅ

>>April 9, 2005 at 3:39:52 PM GMT+8

2005 年 4 月 2 日 星期六 【晴】






朝早返教會　連續走左兩架巴士　返到去都遲左少少啦
今朝勁想恰眼訓　眼瞇瞇 -__-"zzZ
之後同左麥麥＆瑤姐＆佢屋企人去左飲茶啦　
今次一定要塞返錢比佢地的　今日同佢地講到我明天就要interview啦　
多謝佢地為我祈禱的神會帶領架啦　神會有佢既旨意　唔駛擔心
吃飽我又自己搭車去尖沙咀　行左陣海運玩具反斗城　
冇野好買　但係見到ｄ野好鬼過癮　XDD
之後就搭Star Ferry 回家了！　
返到中環 　估唔到行返去既過程裡　勁撞到ｄ會員囉　
有個會員話同屋企人講　我係明愛ｄ姑娘仔　哈哈　
我地成日笑住問佢地想要邊位「姑娘」呀　
之後返到屋企　上左陣網　又去訓覺ｚｚｚＺＺＺ





>>April 9, 2005 at 3:32:23 PM GMT+8

2005 年 4 月 1 日 星期五 【晴】

今日返工，一返到去又係老細返黎先：有點驚　因為經過事件分析
　我老細預備拮人時　第一：一定早返過你　第二：你同佢個好有禮貌講早晨佢唔會睬你　
第三：黑口黑面就一定架喇　　就呢個早上　佢都做足呢幾樣野　ｂｕｔ好彩我夠醒目(haha)
佢第一個問題問我：尋晚邊個走最後？　嚇死　仲以為冇閂窗添！
咁佢話冇閂士多房燈　好彩係ｄ裝修師父走最後囉　
第二條問題：佢問尋日阿邊個有冇黎買奶粉？　
　因為昨天下午２時多有個留言　朝早佢見到有留言聽的
　好彩呢個我都聽左個留言然後覆返果個人的　不過我冇delete個msg 者
跟住佢竟然無端端拎我張檯ｄ紙黎睇喎
　因為尋日Winnie印左ｄ佢既job description比我（貼士仔）
　之後佢問做咩又印多次　（因為之前比左張老細的嘛）
之後就比佢沒收左了哼　你估我唔識去Winnie部機到找返ｅ返比自己咩　　
　之後佢又問我Winnie寫比佢張字條即係點「條數已check過冇問題」？
　我咪同佢講囉　我都睇過架喇　當然最後我都點返通佢啦　　
之後佢就勁同人入會了　我個位就勁做唔到野喇　　到跟住又黎料
　佢得閒又睇Winnie開果張payment voucher 喎　一句：係咪發緊夢呀！　
雖則當時人並不在　但我聽落都好un耳囉　咁佢又兜野掉左比我叫我同佢再開過
「你試下開啦！」咁樣　我就滴汗中了　一___一"
之後又要去copy 　又要交去head office喎
　我就覺得我呢幾日一人分飾三角喇　平時最多都係二架者　返到去　
老細已經閃左唔知去邊了　我又要繼續做　然後又要收錢又要整飛
　到１點都未收工　又要落去地下set 電腦projector
之後又出左去影印舖度拎返ｄ影印喎　返到黎又要幫佢整之後個活動既飛
　到整好喇　ｄ人又排住黎續會喎　又ｄ又話交班組ｄ費喎　
我又唔忍心掉低Clara一個（總明白到自己都試過一個人冇人幫既時候係幾咁悲慘！
我唔會淨低佢！）最後搞到２點　先可以收得工　之後搵埋阿爸阿媽食lunch啦
　我行到去佢地都未到的　我就自己一個行左陣摩囉街　
都冇野睇既　點解成日都咁多遊客架　阿爸阿媽黎到　
好快食飽之後就返屋企了　呀：：：　收到Winnie個ｅ　
之前我整個個生日web site比佢　佢ｅ返封信比我寫左ｄ我地平時唔會面對面講既說話
「好有心思，好特別，好靚，好開心，好多謝，好驚喜，好感動.....我們的友誼是不會變的」
　　內容搞到我都好感動。。。。。

>>April 9, 2005 at 3:33:54 PM GMT+8

2005 年 3 月 31 日 星期四 【晴】

今朝又唔願起身喇。。 ８點４先捨得起身的
　返到去果然：尋日同Winnie ICQ講既野係中哂　
不過佢唔敢頂老細（邊個好似我咁把炮敢頂老細喎～不過都係有果句講個句者。）
　之後就開Staff Mtg了！　
好鍾意黎老闆個比喻：從前有兩個做鞋的人，去到一個巿鎮；
一個鞋匠話「慘啦！原來呢度ｄ人唔著鞋的！咁咪冇生意？？」
另外一個鞋匠就話：「唔係喎！如果呢度每個人都做對鞋比佢著，咁就會有生意啦！」　
每個人諗既野都唔同手法都唔同　睇下人係點諗架者～～　　　
開會到１２點幾啦　入返去office去搞埋ｄ野　
之後見到Winnie好唔開心（今朝都見到架喇）
之後我叫佢「唔好咁啦～佢係咁架啦」然後佢就走左出去喊了　
咁我見到佢喊　我同返Clara講　我都好想喊（已經眼濕濕了）　
不過格硬都迫返入去 同佢身同感受嘛　老細咩都塞哂比人做！
　咁ｄ野係老細佢應份做架嘛　有咩理由要我地做呀？　
咁我之後就去食飯啦　食左半個鐘咋　然後就到佢地食了　
呼！　然後我就襯老細出左去搞function駁返部Printer了　
因為平時佢0係度呢　佢一定話我的　就恐怖了　
今日係４月１日　會員開始續會的日子　咁佢地又食飯　
淨返得我一個做野咁　　不過最初冇咩人我當然ＯＫ　
之後又要去ＳＥＴ咪同埋Projector喎　忙得很
　返黎安頓哂ｄ野靜左一陣　Winnie去左ｂａｎｋ　然後　
３點鐘ｄ人開完會返過黎　恐佈喇　排隊排到成條龍咁長　
有點拿手唔成世的感覺　因為得２個人做野
　呼～～然後等到Winnie返黎ｄ人都走得七七八八的　
今日下午４點鐘過後　淨返我地３個　然後５點之後　
Winnie諗住做埋ｄ野先走　我地就陪佢陪到６點鐘～～　
中途我地係在一邊聽歌一邊做野的　不過：：：：　
到埋數果陣　竟然...... 唔岩數的　　不過我同Winnie諗掂佢嚕
　然後放工返教會　搭Star ferry之前　經過果度有懷念張國榮的活動
　好多人呀　不過我太趕時間了　走得很快
　去到紅磡join麥麥佢地　果間野都幾好食啵！～
　完左９點幾１０點先搭巴士回家　　

>>April 9, 2005 at 3:27:04 PM GMT+8

2005 年 3 月 30 日 星期三 【晴】

首先要祝ｗｉｎｎｉｅ生日快樂！　話咁快又一年喇～～～～～～～～　　
今朝騰黎騰去呢　出出入入　勁食麈　又食木棣　　
真係飽得死我囉　　呀　今日比老細話我「發夢」囉　
咪玩啦　佢要人將ｄ Printer搬黎搬去喎　呢部機又駁去果部機　
另一部機又駁部新既　我今日同佢講：不如你駁丫！　
不過我當然係笑笑口咁講的　佢問我有咩困難？？！！
講真我講佢又唔明　佢唔明又話我發夢啵
　實質最麻煩係要network返ｄ機去　因為呢幾日沙塵滾滾的
　唔通要我拆開部新機咩　All in one printer我唔想研究住囉　
而且依家又質滿野喎　唉　　好快到食飯喇　
今日又過左去社區中心度借微波爐　叮叮期間
　公然走左出去counter同Ada傾左陣計　佢見親我都問我點？　
我就答佢　咩點？　佢問我簽左未？(contract)　我話冇人比野我簽喎　=.=
（你知我一定0係度做架喇老細！） 　佢問左我一個好值得諗既問題　
就係　嘿嘿　聽日仲駛唔駛返工架？？？？　　問得好！！
佢同ｗｉｎｇ都未簽囉　明愛係冇咩辦事效率架（都唔知係咪做野既！）
之後傾到叮好飯喇　咁我在社區中心ｄ房仔度食啦
　然後Clara就走黎同我講　Winnie姑娘要閃人架喇　我問佢　
老細走左去食飯未呀？　佢話走左啦　之後我就拎住我ｄ飯走返去Office食喇　
目的只有一個　就係　同Winnie切蛋糕喇！今日Clara整左個蛋糕返黎請Winnie食
　係藍莓Muse餅　係之前我同Clara一齊揀黎整比Winnie做生日蛋糕　
Winnie 見到好surprise的！～～　個樣好好味咁啵～～　　
　之後佢切完蛋糕　我就拎我份禮物出黎喇
　我送左條手鍊比佢　閃令令　我即場幫佢戴住佢　
仲有我揀左樣每人都可以有一樣的　Mickey Mouse介指呀
　不過３隻唔同顏色的　今日Winnie成身朱２成　
佢仲戴住我上年送比佢條頸呀　好開心囉　之後我地就食餅喇　
仲食到好多魚膠粉添　哈哈哈　不過都好好味呀　
我地每人食左４份１個蛋糕囉　好滿足　　　　
到下午啦　Winnie就可以收工　我就要對住老細　好煩的　
　辛苦等到收工喇　陪Clara去拎佢件畢業袍的　佢話唔識去果條街　
我就陪佢去啦　之後拎完呢　佢又唔多識路返屋企咁　
我驚佢迷路　就送到佢去佢認得既地方　我就回家嚕
　

>>April 9, 2005 at 3:24:07 PM GMT+8

2005 年 3 月 28 日 星期一 【晴】

今朝好唔想起身呀 又要返工喇但我仲好有holiday mood喎　
爬到上堅道　遇到個會員甲啵　之後我同佢打招呼　
我同佢講今日冇例會開喎　佢話佢都會返去買旅行飛　
之後我係行得非常快　（遲到喇嘛）之後佢一路捉住我隻手　
一路跟住我步速（直呈係拖住咁滯　非常親切的）呢個會員甲實在太搞笑喇　
佢走到咁埋我度　我都諗到架喇　
佢又話想我同佢個仔做朋友喎（係咩朋友大家應該都知）
我彈一句話　「咦　你唔係介紹左比駱姑娘識咩」我勁笑囉　
我同親Winnie講親都係笑到碌地的　
跟住我話我遲到喇　我真係要行快ｄ喇　你慢慢行啦　　閃開左了　呵！！　
返到去公司有點嚇親的　幾日假期裡　間Centre已經．．．　
係勁多塵囉　嚇親係因為出面ｄ電腦好驚嚇地　食哂塵　勁慘的　
裝修後有排搞　咪又係我抹　之後成朝都唔知做乜好　冇野好做　
但好快又到１２點喇　又係放工既時間　老細佢地去左食飯　
ｓｏ留左0係度同Clara＆Winnie傾左陣計喎　然後有信派的　
今日係數到１３封Application Letter的　
咁我地就施暴哂ｄ信黎睇下順便塞去老細個ｆｉｌｅ度　
雖然真係唔夠人淨　但我已經放底左喇　因為我知誰掌管前途　唔駛擔心　
　之後我地就傾下計　本來諗住去Clara屋企整蛋糕架　
但係媽咪話約阿婆飲茶　所以都係Clara要一個努力喇　
傾計傾到１２點９的　然後回家家啦　到２點就出左去飲茶　
飲到３點幾　返到屋企係ｚｚｚｚＺＺＺＺＺ到６點半的　。。。。

>>March 29, 2005 at 2:22:42 PM GMT+8

2005 年 3 月 27 日 星期日 【晴】

朝早11點先起身 訓得很好耶起身整一陣野
　又上網的　之後晏ｄ又出左去西營盤同媽咪食午餐嚕　
西營盤ｄ空氣實在太差了　人多車多癈氣多囉　去到間茶餐廳　
ｄ人唔知食煙定食野的　我個鼻仔不嬲都唔好架啦　
真的臭死ｍｅ了　飽飽後　媽咪去做野　
而我就行左一陣西營盤　之後就回家嚕　
又上網喎　冇野做悶得很嘛　
不過晏晝好好ＦＥＥＬ咁　好正呀呢種感覺　
好耐未出現過喇　　好快就到夜晚喇　食晚飯後　
又整下張application 同埋resume 原來前幾年果張都好岩駛的　
不過夜ｄ又收到Clara ｅ比我的sample
　真係唔該哂　夜晚都係２點訓喎ｚｚｚＺＺＺ 　
快Ｄ要tune返正Ｄ時間先得喇

>>March 29, 2005 at 2:20:36 PM GMT+8

2005 年 3 月 27 日 星期日 【晴】


。。。倒　帶。。。

我受夠了等待你所謂的安排　說的未來到底多久才來
總是要來不及才知道我可愛　我想依賴而你卻都不在
應該開心的地帶　你給的全是空白　
一個人假日發呆　找不到人陪我看海
我在幸福的門外　卻一直都進不來　
你累積給的傷害　我是真的很難釋懷
終於看開愛回不來　而你總是太晚明白　
最後才把話說開　哭著求我留下來
終於看開愛回不來　我們面前太多阻礙　
你的手卻放不開　寧願沒出息求我別離開
你總是要我乖慢慢計劃將來　我的眼淚卻一直掉下來
過去怎麼交代你該給的信賴　被你親手緩緩推入懸崖
從我臉上的蒼白　看到記憶慢下來　
過去甜蜜在倒帶　只是感覺已經不在
而我對你的期待　被你一次次摔壞　
已經碎成太多塊　要怎麼拼湊跟重來
終於看開愛回不來　而你總是太晚明白　
最後才把話說開　哭著求我留下來
終於看開愛回不來　我們面前太多阻礙　
你的手卻放不開　寧願沒出息求我別離開

>>March 28, 2005 at 1:39:15 PM GMT+8

2005 年 3 月 26 日 星期六 【晴】

尋晚太夜訓既關係　唔知醒囉　醒果陣係８點半　
仲要係比人嘈醒的 唔係會繼續訓落去的 　
咁超快的速度仲要食埋早餐先出門口　９點３返到去囉　
其實開始左一陣者　之後主日學一日派一隻雞蛋勒（今日先係復活節正日嘛）　
完埋崇拜後　就去左新景飲茶喇　食到好飽　瑤姐姐成日都唔收返我錢　
我勁唔好意思囉　自己走之後就打比表姐仔啦　佢地拜完山落緊去飲茶　
咁我本來想想地返屋企的　但係難得會見到表姐　睇下佢想唔想去街囉　
當然我地通常都會去架啦　但係我要等佢飲埋茶先喇　
咁我今日勁多時間　第一次由紅磡行返去尖沙咀果邊　　
亂行的　不過好好玩好有新鮮感呀　之後我行完加連威老道的　
時間就岩岩好了　表姐已經在地鐵　我就在尖沙咀ｍｔｒ車頭ｊｏｉｎ佢喇　
又唔駛等太耐　　下一站　太子　今日又要由街頭行去街尾　
由街尾又行返去街頭　本來表姐想買個袋　但係價錢又唔多值喎
　所以冇買嚕　　我地好快又進攻旺角喇
　去左旺角中心　同埋新之城呢　我有收獲喎　
買左件＊皇冠背心＊有好多隻色揀的　　　　　
橙色　粉紅色　黑色　紫色　綠色　灰色　螢光綠色　
我實在唔知揀咩色好喎　不過最主要係個皇冠者　　
最後覺得綠色係最型　行多陣我地就搭返地鐵返柴灣了　
去左表姐屋企　佢俾左佢新買既食物擺設我睇呀　
真係好精緻呀　雖然唔食得　但睇落去好有滿足感
（同我屋企既扭蛋都一樣　睇到佢地會好開心）

不過越黎越多既時候　我要諗個位好好安置佢地喇　
到８點我地就去左新榕記度食晚飯喇　１０點幾先走　
在回家路程的地鐵裡昏睡了ｚｚｚＺＺＺ

>>March 30, 2005 at 1:16:19 AM GMT+8