2005 年 3 月 5 日 星期六 【微冷】

同工反省日
今朝冇番教會 原因係晏晝要去「反省」
我今日就訓到好晏喇 好耐未試過
間中懶下來係咁開心既 ～～
不過啊　我要１１點幾就食早餐連午餐喇
１２點幾要出門口的　約左２個同事在深水步等
又係我最遲　但係我遲左１分鐘者^^(都係遲喎)
然後我地就行去反省日目的地啦　去到簽到啦
之後就閃一閃去前面比野老細喇　
我地已經安排好哂　係唔想同佢一齊坐架喇　
計劃是非常成功的　聽台上面ｄ人講野啦
好快就到小休兼收哂ｄ凳去~　我地３個落左去操場坐
之後上番去　就要玩遊戲喇　「是非交差點」好搞笑呀
佢問ｄ問題出黎　係咁比ｄ人迫去左迫去右 　
不過我地成日都中立的耶^^ 之後又聽左個麥0麥既快餐常餐午餐
佢要我地反思　一間野咁既服務態好唔好　
我覺得今次反省日都幾搞笑囉　又播埋劉德華果個優質服務態度睇喎
ｏｈ之後比老細發現左我地喇　同事仔好搞笑　走都走唔切咁呀
我就扮冇野囉　我話ｄ人係咁逼　都唔知逼左我地去邊
呵呵　跟住老細狂咳　走左出去外面咳　跟住要拉凳坐喇
我地又走都走唔切　走左去超前度坐　撇甩老細成功^^
之後我地聽到５點幾　一齊走喇p^v^o 我地去左西九龍個廁所
順便同同事仔行左陣西九龍就走喇　佢有收獲　我冇囉 　呵

>>March 8, 2005 at 4:52:49 PM GMT+8

2005 年 3 月 4 日 星期五 【颳風】

shopping @ sogo

今日老細係短週　 但係都要fing個電話番
乜星期日要做野　咩都唔拎走架　又要麻煩我
又要幫佢拎　又要ｅ返ｄ野比佢　麻煩
呀！　今日同事仔＆clara佢地一齊去寄信
返來仲買豆腐花比我食啊^o^ 我指定要買的
好味啊　多謝哂！　之後會員又在奇華買左ｄ糯米慈
入面係芝麻黎架　又係好好味！
好野　等到放工嚕～～　好開心　今日約左mandy！
我去到銅鑼灣係遲到的　唔好意思　又要等我
然後我地去左醫下個肚仔先～我地食左　牛腩河　同牛雜河　^^
之後我地就去左ｓｏｇｏ　ｓｈｏｐｐｉｎｇ喇
ｄ野減價＆比人掃得七七八八啦　
最鍾意係季尾去掃貨　真係掃得好開心！
我就冇買到野喇～　而佢就買到心頭好　褸一件
都幾靚　係粉紅色既斯斯文文　我地２個都試過係幾好睇
而且最重要係　超特價呀　起碼平左$500啊！好抵
佢超開心買到又靚又抵既心頭好呢^^
之後我地行下卓悅呀 仲有銅鑼灣地帶咁
行完都差唔多了 要歸家 我送左佢去搭地鐵先
oh 估唔到我諗住行番去搭車既時候
路過間Bontique係買左條褲的 仲有件襯衫 haha
有收獲^^

>>March 7, 2005 at 2:40:31 PM GMT+8

2005 年 3 月 3 日 星期四 【颳風】

離開是很容易的決定 留下來卻需要很大的勇氣
呢幾晚都勁發夢 訓得唔好 發覺好似好多野諗
日日係咁做 為左乜 唔係為左錢 我個人好簡單
我只係覺得做野要開心咋.............

呼！放工同左同事仔一齊去食野～～
去食車仔麵囉～～～
本來係返教會的　但係六點半時　詠怡打比我話～
今日劉姑娘同phobe去聽野～　本來諗住同我一齊食飯傾計
唔返去教會度喇　　但係　我食左野喇喎！～
ｓｏ．．．　　佢話不如停一次啦　我話冇問題的
之後我自己行左陣街呀　　我買左２條皇冠頸鍊呀
而且又平喎　開心開心呀≧▽≦　爆愛皇冠的
　之後返屋企好多時間唷　阿爸阿媽１１點幾先返來啊

>>March 7, 2005 at 2:23:58 PM GMT+8

2005 年 3 月 2 日 星期三 【乍雨乍晴】

never give up on the things that make u *smile*

今朝電腦班丫嘛～～　咁我過去電腦室整projector
咁我想睇下個電腦課程進度者　咁我諗住留到１０點就走人喇
點知搭１１就有粉人敲門喇　（粉人是誰？！咪我隔離果個囉）
我都知係佢架喇　　我都知我要比人捉番走架喇　
我咪同Clara 打哂眼式～～　佢個表情都知我好悲慘
咁阿粉小姐（新想到的名字）問我究竟個電腦班邊個跟！
我冇答佢喎　我咪話我要睇人教到邊架嘛　
（唔係我點寫檢討報告呀頂 似你咩 乜都唔跟 要人跟哂）
由得佢啦　　第已經第三日極度心淡　番到去　我比佢話我尋日ｅ漏左ｄ野比人
因為原先份野冇attach埋0係度　而且佢都冇講　我點Ｑ知　不過佢一定話佢有講架啦
之後佢就叫我去影印　又話好多野影　點知我影完落黎　ｘｙz$#%
原來尋日winnie 叫 clara影左架啦 又叫我影又唔問清楚
87~ waste my time! 好嬲呀!!!!!!!!!!!!!!!!! 如此乞我憎!!
慶幸 今天只對佢半天 不然我真係想 一巴車埋去
下午呢~~~~ 上網上網上網 吹啤啤 係唔鍾意做野架喇(不過都有做左少少啦)
之後同winnie傾左一個話題 我問佢 如果我3月尾4月頭 唔簽個contract
咁駛唔駛一個月通知呀?????? 佢第句話: 你真係諗住唔做呀?唔好啦 我好慘架><
咁我話問下者 但係佢話佢以前間公司要喎
唔知呀((但我的心真的好淡好淡耶,,有人會明白嗎))
一人分式2角 4月走埋Clara...一人分式3角 邊個夠我慘呀?
5點半 收工大吉! 但係好唔開心 究竟為左ｄ乜我仲要留0係度
講真　　我真係為左Winnie 咋　　留戀？　　沒啥值得了

>>March 3, 2005 at 2:42:24 PM GMT+8

2005 年 3 月 1 日 星期二 【乍雨乍晴】

依家先第2 day 沒有 crystal的日子
點過呀...........................
好唔開心囉．．．．．
我覺得自己真係好慘情的
每天對住隔離果位 真係好Ｑ乞人憎

朝早電腦班３部機坐５個人第一次見
咁有一部電腦的手寫板我實在裝唔番嘛
之後個會員想0係果部機寫ｄ野
咁我同佢講番個情況　佢就即刻在荷包拎２００蚊出黎
叫我去買啦（佢都知個孤寒老細唔會出中心錢去買架喇）
我一直相信我點對人　人地點對番我的　
因為我平時教佢地既野多呀　佢地都會做番少少野表示的
似ｄ人咩　把口唔收既！

晏晝佢去開會　　之前佢遇到麥叔叔
我諗佢同麥麥講左ｄ野啦　我早就問左麥麥架喇
咁麥麥入左黎　用好奇怪既眼光望住我
老細就問我叫我同麥麥講果單野　
咁我拉左麥麥出去社區中心講　　費事當老細面
我話老細不嬲詞不達意架啦　知ｄ唔知ｄ　又要講！
聽佢６成都死得　唔明更加係正常既事
我好明白麥叔叔幫我係人情　　唔幫佢係道理
ｏｋ的！！！　我都唔想難為麥叔叔呀
況且呢ｄ人駛人做野好似奉止咁　
返到去仲要話我同麥麥冇溝過通咁喎
下！唔通你同佢傾計傾得多過我呀？？？

２點幾我又要帶佢地出去囉
一出街就落雨　又涷喎　我呢個病人.....＞＜
成日要貼錢返工＞＜　搭果幾個站都$5.7 好貴
今次第一次入去恩翠院
帶佢地去新春團拜活動　表演粵曲
我係唔記得帶相機的=.=
算啦　我病係溫溫地架喇～～～
個活動都叫順利啦　但係小插曲就係派的禮物
三花高鈣奶粉就........ 有Ｄ院友係唔可以食的
因為有Ｄ食鈣多既話原來係會抽筋的～～
咁我交返比院既姑娘派返比可以要既院友啦
完左既時候　佢地諗住拉埋我去ＴＥＡ～
不過都４點半啦～　行番去中心時間剛好：：：
我地等埋佢地篤埋場波　都５點半喇．．．
放工去玉葉糖水　食左碗海帶綠豆撈芝麻糊
好味的　最近晚晚都夜食飯=.=

>>March 3, 2005 at 3:23:39 PM GMT+8

2005 年 2 月 28 日 星期一 【颳風】

今朝好辛苦　係咁賴床囉
尋晚3點幾比人嘈醒左
仲鬧交鬧左一獲～
之後勁訓唔著喇！～
好心ｄ人唔好咁夜傾電話啦
仲惡人先告狀！！！！好嬲呀


辛苦的第一天才剛開始
今朝一返到去公司
頂！成張檯都唔係人坐既
左同右都有一大座山
我一日冇返工者．駛唔駛咁亂呀
咁多個人坐我個位　用我部腦
仲放哂ｄ野0係我檯囉！．．．
過份不過份？睇見張檯都唔開胃呀

返到去放低個飯盒　第一句比老細質問咁
佢問我係咪借左部手推車比人？！
我話比社區中心拎左去畫展丫嘛
唔係我借　我唔知！唔好賴落我度
我只係去到　有人問我認唔認得邊部係我地架車
唔關我事　　我唔知係佢地自己拎走左喎
我今朝唔多出到聲　唔係我會牚到行的
心諗：借左咪借左囉　駛唔駛咁大驚小怪
又唔諗下隔離社區中心ｄ人對我地幾好！
老細爛左幾日口喇　都唔知咩virus來的
會唔會傳染架！　唔好咀我ａｒ

下午咳呀咳呀　咳親都彈出office
幾辛苦　嚇親人啦　XDD
但我又唔想傳哂比佢地喎　

朱古力的誘惑！！
成張檯都係我深愛既朱古力
有酒心啦　有北海渡拎返黎芝麻朱古力啦
哇哇哇　　勁想食呀　
好番先啦　唔該呢位小姐

放工陪媽媽去買野！
回到家裡十分累～

>>March 1, 2005 at 3:03:28 PM GMT+8

2005 年 2 月 27 日 星期日 【微冷】

我完全知道點解自己今日放假囉
難道早就預料到．．．．．．．
自己病成咁！　嗚嗚
失埋聲～～　出唔到聲真係好痛苦呀
早上９點倒醒左．　繼續訓
１１點幾醒左　繼續訓
１２點幾起身　媽咪出左街
但係整左米粉比我做lunch....
我整返熱黎食　一路睇ｊａｙ一路食
食飽　頭暈　繼續訓
訓到６點幾　起身　媽咪整左年糕　

夜晚　媽媽畏我食咳藥水喎
我成個小朋友咁呀　之後我勁笑囉

>>March 1, 2005 at 3:12:29 PM GMT+8

2005 年 2 月 26 日 星期六 【乍雨乍晴】

今日番教會
成朝都係咁拿住張廁紙呀
真係嚇親人
完左之後個個都問我 冇事丫嘛
之後去飲茶後呢 即回家嚕

>>March 4, 2005 at 4:47:37 AM GMT+8

2005 年 2 月 25 日 星期五 【乍雨乍晴】

朝早要在大會堂做野呀
約左Clara在隧道口等
點知我去到原來佢仲0係屋企囉
咁我就行左去大會堂先喇
去到高座果度 入左去等左陣
因為出面好涷呀......等左幾個字 終於見到佢喇
時間係9點的～～　之後乜人都唔見
我就打比周姑娘喇！～　時間岩岩好
佢地架車岩岩0係出面　我地就要幫手搬畫了
搬哂之後　　上埋佢場地度佈置啦
本來周姑娘諗住拆哂我地２個女仔的
不過最後我地兩個都0係返埋一齊^.^
我地要自己組group的～～　本來想跟住阿wing的
ｈａｈａ　唔知點解又去左澤文果組～
無奈係拍埋阿herny人兄既。。。。
不過係澤文慘ｄ囉　之後我既助手就係Clara啦
我地好快手咁度好哂ｄ位　然後就開始掛畫啦
好明顯　我地係掛得快過人地架啦　XDD
之後就去搶人ｄ野做咁囉　呵呵呵～～
做到１２點幾　我地係要走人　返去中心囉
真係無奈呀　佢地仲留0係度　有飯吃～～
咁我就同Clara由大會堂行返中心喇
返到去～～　　老細就帶幾個會員落去睇畫展啦
因為中心冇人喇　我就陪Clara陪到２點
飲左兩碗湯　食左一件西餅

之後就叮去灣仔陪媽咪買野喇
中途撞到個會員囉 本來都專登行慢d架喇
但係呢 我已經行到最慢架喇.........
依然追到的.... 我就同佢一路行一路傾計啦
佢就從手袋裡摷左封利是比我囉.... 我本來唔收架
但係佢係咁要我收左去 =.= 多左20蚊進帳
去完灣仔
嗚．．．．．．．
我回到來訓覺　　訓醒就．．
傷風了　

>>March 4, 2005 at 4:45:51 AM GMT+8

2005 年 2 月 24 日 星期四 【微冷】

今日朝早電腦～
之後又繼續打會訊囉
到lunch time 有PIZZA 食呀～
今日farewell Annabel ～　佢調去第二度做嚕
佢個人好好架～　好過之前果個白鴿眼多多聲
哇　仲有西餅食　好味呀今日食果個係布甸西餅
食飽飽又要繼續做啦　老細又唔得閒睇會訊喎
獲獲５點幾先黎睇　先黎改囉　麻煩囉　我趕時間架嘛
搞到６點　我即要走　上左去搵麥麥先　
我話我好辛苦呀　佢話唔辛苦點得世間財？
我就話錢財如糞土　自己講得出呢句　真係覺得好笑囉
之後我就去左登烽度交底比蘇生影印了
點知去到　　出哂去囉　我企左0係度一陣等
好彩有個社區中心阿姐又去影印　我就交底左比阿姐順手啦
麥麥話好彩我平時冇得罪人　平時對人好咋　哈哈哈
之後我地飛快去搭船又搭車～～
食飯都係要好快～～～　今日去聚會度　分享聖經金句
「明天自有明天的憂慮　一天的難處一天當就夠了」
呢句我既最愛　．．．　１０點先搭車返屋企丫

>>February 28, 2005 at 12:45:18 PM GMT+8