2005 年 3 月 15 日 星期二 【晴】

朝早準備星期五個function既野～　
下午老細又去開會的！　而我就極度空閒～　
整埋個banner先啦！點知個banner勁dirty 的～
　搞左好左　亦都唔該哂Clara幫手～
　其實我一個人真係做唔哂咁多野的～

>>March 21, 2005 at 5:55:50 AM GMT+8

2005 年 3 月 14 日 星期一 【晴】

ｍｙ　ｄｅａｒ　ｍｏｎｃｈｈｉｃｈｉ




今日好開心呀！因為係放１２點呀～放工渣渣臨就走啦！
約左爸ｂ同媽ｍｉ去食午飯先‧落左中環間＜大家樂＞度食；
咁佢地又未黎到．中午時間打工仔就特別多丫，
我係咁阻住人個位喇．一味係咁「唔好意思，有人呀。」
足足講左五、六次，等左１５分鐘佢地先來到，
我地食左蕃茄焗豬扒飯同咖哩牛腩飯的；
飽飽後就行去搭天星小輪過尖沙咀先，
再搭巴士過太子喇～慳家之選。。
去到太子，我拉左爸＆媽去聯合，
行左陣！買左條 ｂｅｌｔ，之前都想買，今次仲平左添
然後就去花園街陪媽咪睇窗簾布了啦。。
哇！見到有豹紋的窗簾布耶～好型好型，
不過就唔多襯我的粉紫色房間嚕～
行左成條街，好彩都買到的～
我都睇左好多野。ｄ鞋（尤其係ｂｏｏｔ呀）轉季勁平的～
平到好想買返對呀！～但係又唔想爸媽等啦。。　
下一站就係去銀行中心喇：
「ｍｏｎｃｈｈｉｃｈｉ，我知你等我帶你返屋企好耐架喇！
我今日終於黎帶你走！」你實在太可愛了我以後會好好對你。。。
仲有我換埋個monchhichi多用途煲丫～～　
好正呀^^　之後就要坐巴士回家了，滿載而歸的。。

>>March 21, 2005 at 6:03:17 AM GMT+8

2005 年 3 月 13 日 星期日 【乍雨乍晴】

白色情人節
今朝ｃｌａｒａ話今日係１４號喎！
我話１４號？？佢話我唔記得左喇．
我應承左佢比朱古力佢喎　不過佢智慧齒頂到隻大牙痛
我個食物盒仲有好多朱古力　但係佢都唔食得^.^
白色情人節　應該是男生回禮給女生的.... 哈哈

今日同事仔帶旅行。。
而我就印左成日野喇.....
本來好快可以印哂
但係個printer虧虧地喇。。
佢跟左我咁多年，都係時候架喇
之後我要打下司儀稿　我打哂一張之後
老細都未寫好第二張　！
到同事仔返黎既時候呢～
我最鍾意就係問佢好唔好玩
同佢分享趣事架喇^o^
今日當然佢回來都仲有ｄ時間
老細又行開左　我地就狂爆笑地傾啦
咁首先我問佢自助餐好唔好食呀．．
佢地上洋紫荊號度食喎　我都想去下呀
但佢話都ｏｋ咋　ｄ位就迫左ｄ喎
我地傾到最搞笑就係　有個會員呢
次次襯我地帶旅行問我地有冇男朋友丫
今次又問同事仔喇（我都問過２次啦）
仲問佢諗成點添！真係笑死我了
起碼都成年既事了！
笑死人喇　我同同事仔講　「係你架喇」
佢上次仲帶埋個仔上黎　不過我就不在office
之後同事仔個反應就話比佢聽佢有男朋友架喇
耍開左了　XDD

>>March 15, 2005 at 2:28:38 PM GMT+8

2005 年 3 月 12 日 星期六 【陰晴不定】

朝早返教會～　完左後
然後坐麥麥架車～
同左麥麥＆麥太＆麥太爸媽去左葵盛飲茶先
因為今日去探李姑娘丫～　so.... 一味跟住麥麥
咁之後又出番紅磡車埋其他人一齊去
李姑娘在九龍城麗晶花園度住的
我地去到２點半倒～　走果時都５點倒喇
都坐左好耐咁～～！！！　之後麥麥又車番我地走
不過佢要在鑽石山放底我了。。。　佢住將軍奧嘛
我都唔想阻佢　唯有叫佢在地鐵站放得我就可以了
況且我自己在荷李活廣場都行左陣
我都係第一次行呢個商場　冇咩好睇的=.=
之後就歸家了！

>>March 16, 2005 at 6:50:57 AM GMT+8

2005 年 3 月 11 日 星期五 【陰晴不定】

今朝早～　返左公司１個鐘之後
又出左去嚕．　我同clara出左去高街綜合會堂
聽ｔａｌｋ！　我地１０點鐘去到．冇乜人喎
到１０點半倒　黎老闆黎左　坐左0係我隔離
我幾驚佢由頭坐到尾呀=.= 好彩佢去左同ｄ嘉賓一齊
原來黎老闆叫我地去係凳下場　因為實在冇人去
個節目叫「青少年精神健康博覽會」～
真係好悶喎=.= (難怪冇人去的）
場內本來好想食雪糕～　但係完左之後１２點半
行返去勁食風囉=.= 　　之後clara返屋企拎野～
我就去左佢屋企參觀左陣　勁大的～～
佢仲霸左兩間房添！～　之後我陪佢返公司
我又放工了^^......... 行左陣中環．
回到家食雞腿紅豆冰　之後就訓著左=.=

>>March 16, 2005 at 6:38:46 AM GMT+8

2005 年 3 月 10 日 星期四 【陰晴不定】

今日晏晝襯老細開例會時
我地3個人仔上網囉^^
我地上左個整野食既網嘛 呵呵
一提到食呢 大家都好雀躍 即刻醒哂
大家 都好鍾意睇ｄ甜品呀　蛋糕呀
諗起果隻都開心呀　^o^　
同事仔係想食西米布甸　同　麵包布甸　的
我都好想食呀　靠哂唯一一個識整野食既人
Clara 喇　呵呵呵

放工耶！　同麥麥一齊返聚會的～　^^

>>March 13, 2005 at 2:58:14 PM GMT+8

2005 年 3 月 9 日 星期三 【晴】

交通安全運動推展禮



今日朝早　我唔知點解第一個就番到去喇！好耐未試過
之後同事仔胃痛又搵唔到老細要番黎　真係慘～
今朝老細又挖ｄ野黎做咁　好煩呀　

今日晏晝又出左去喇　今日帶４２個人囉=.-
本來好地地　好開心既心情
但係好衰唔衰囉　本來約左１：４５　但係等到２點都唔黎
打去架旅遊巴公司　原來架車爆左:捇o　佢即刻調過架車黎
又要等１５分鐘　咁我班係老人家黎架嘛　邊企得咁耐　
但係冇法子　都要企喇～～　咁我又要打番比林沙展～
一味唔好意思　我地要遲少少喇　咁終於等到喇　滴哂汗囉
好彩落到去都好快者　灣仔軍器廠街警察總部
咁林沙展就一早企左0係度等我地了　今日林沙展好靚仔喎^___^
西裝骨骨　平時係交通警個look嘛！　呵呵～
咁呢佢就帶我地上左１０樓　
今日個function係交通安全運動推廣禮暨道路安全交叉點記者招待會
係同ｔｖｂ合辦的　～　3月25日 11:05分會播返的
唔知點解會請得我地一間交通安全隊既長者隊呢
仲有隊明我幼稚園唷！其他都係嘉賓藝人呀之類
我就見到陳鍵鋒好靚仔耶！　
跟住中途我就比人拉左出去講野了～～
因為交通部呢邊要番張旅遊車收據　要津貼番錢俾我地
我點樣死張收據出黎啊　佢地話明天下午之前的
因為我要入番會場　我就打番比老細叫佢同旅遊車公司傾掂去了
況且佢地都係衰先的　要我地等咁耐！　即時要張收據唔係好過份者
咁個推廣禮完左　林沙展帶我地落左５樓canteen度　
請茶點佢地食囉！～　我就滴哂汗了！　因為我部手機得返一滴電
我唔記得叉電呀　搞到今日真係唔知做乜囉
之後我老細打比我話搞掂左旅遊巴果邊喇　有專人送上黎喎
我又要等埋佢先可以帶佢地走　不過一個二個都話走先
有ｄ又去開檯喎！　又話自己走喎！　走啦走啦　冇眼睇呀
慣左架啦　佢地個個都係咁既！知唔知點解ｄ人話走？！
因為有個會員叫佢地如果唔跟車就話俾我聽先．
呀～～～～　佢講左先通知我囉=.= 無奈　
因為我唔想得罪佢　佢好要面子同　唔好long禮的！算！
走左十幾個囉　仲好　唔駛我睇咁多人喎
我本身又冇咁多錢典住先喎
身上得幾百蚊咋=.= 我番工不嬲唔多用錢　唔會帶咁多嘛
本來諗住落去禁錢　但係又唔想咁0徒時間喎　咁就問會員借左$500
之後同林沙展落返去搵番個拎收據比我果個人　然後再去搵果個madam搞番ｄ手續
真係極繁忙同趕急呀＞＜”　跟手call埋架車黎　之後上返去就可以落去搭車了
5點鬆ｄ就返到去喇！～　今日真係一額汗　=.=|||

>>March 12, 2005 at 3:43:27 PM GMT+8

2005 年 3 月 8 日 星期二 【晴】

今日下午要同佢地出去安老院度囉=.=
～因為堅道都冇車搭去喎
而且又冇得clam番～～　同幾個義工搭的士落去囉
廿幾蚊耶　要個義工比　真係好無耐囉！
我第一次去呢間　落到去我就安排好ｄ野
咁我依家唔落手剪啦　以前執游姑娘個灘　唔知做乜咁勇剪埋一份
依家我就唔敢喇　剪到人地唔知以乜就慘了
足足發呆左２個鐘的　其間好彩吳生都同我傾下計　
因為佢話佢都係年青人（實質我問佢　佢話廿七歲啦）
到４點半倒　佢地剪左５０個頭耶～　犀利
我就覺得果度既衛生有點那個了　=.= 　不太好
番去呢　個義工又打的！１５蚊～～
我本來話搭巴士轉行人電梯架！　但係佢又話「我比啦！」
搞到我超唔好意思囉-.- 勁無耐！　　　　　　　　　　　　　　　　　　　

>>March 11, 2005 at 5:34:52 AM GMT+8

2005 年 3 月 7 日 星期一 【晴】

三八婦女節

今日唔知做乜　勁冇記性囉　我太多野諗喇
可能朝早要早起身啦　明明食飽早餐之後
諗住拎盒飯放在袋袋度的　但係轉頭就冇左件事
因為淨係記得記住拎番尋日買既膠袋番公司
今日同佢地搞第一季生日會丫嘛　
尋日又唔記得將部數碼相機叉定電喇　
好彩我帶埋個叉電器上５樓禮堂 係咁勁換電囉
呀　今日要媽媽拎ｄ飯上黎比我呀　真係辛苦了媽媽
仲有加料比埋個木瓜我分比大家一齊食^^　媽媽真係好
今日下午好尷尬呢　有兩個哥哥同時黎networking 做報價
一個本來約左2:00-3:00 一個約左3:30-4:00來的～
但係第一個黎左之後　冇幾耐　第二個又黎左喇
２個哥哥都之前都見過　一個係Ricky 一個係Sam
Ricky 佢之前都同我地整過　好ｎｉｃｅ架
今日仲麻煩左佢幫我免費睇左出面果部開唔到既電腦
相信都係張display card 壞喇！　冇得救＞＜
佢地睇完之後～～　我地就執野
我地５點幾就走人喇　
夜晚哥哥請我地食飯喎　去左嘉豪呢


今日係微笑生日　生日快樂呀！

>>March 9, 2005 at 3:58:44 PM GMT+8

2005 年 3 月 6 日 星期日 【晴】

今日Clare接左個電話　．街客來皂　佢唔識答人
塞左比我聽　係問關於電腦班既
咁佢住油尖區的　咁佢來中環又會遠的　ｓｏ．
我本來叫佢去「超級數碼中心」的～
之後我諗住搵個電話比佢打去問　我隔左陣先打番比去
咁我上網搵　ｏｈ　原來已經暫時關閉左啦
真係多謝佢俾我依家先發現已經摺左=.=
算啦　我之後就搵番油尖區果邊ｄ長者中心既電話
打番比佢　叫佢打去問下喇
一句「你真係好熱心呀」暫時改寫 左我既思想

>>March 9, 2005 at 3:55:27 PM GMT+8