2005 年 10 月 22 日 星期六 【晴】

<家庭同樂日>
今日放教會啵... 我放早左ｄ
約左謎語人在九龍灣等
今日係謎語人公司個集團搞左個家庭同樂日
在國際展貿中心　好多野都係免費架喎
我地去到首先係排隊拎飯　打埋俾阿爸阿媽
叫佢地都黎玩啦　



to be continue

>>October 29, 2005 at 5:52:05 PM GMT+8

2005 年 10 月 20 日 星期四 【晴】

今日返教會係我帶詩歌　
傾左陣計　好快又放嚕
謎語人黎揍我　我地一齊行去尖沙咀
途中　謎語人好似我心裡面條蟲咁呀
佢好似知道哂我星期三發生咩事咁
我一句都冇講過的
一五一十咁講哂同分析哂俾我知
估唔到呢個人　真係好似係神派落黎了解我心事的
俾佢知道哂　我個心真係舒服左好多　
之後我地去左麥當當度食　因為謎語人換電虫仔同邪留丸俾我囉
ｙｅａｈ　ｙｅａｈ　不過我仲想要埋邪留丸公主呀　
搞到謎語人生哂暗瘡同飛滋添=___=
之後我地搭船返去中環再搭叮叮回去喇　
佢個魚柳包仲0係我個袋度添！唔記得俾返佢
我返去俾哥哥食左去嚕

>>October 24, 2005 at 5:34:12 AM GMT+8

2005 年 10 月 18 日 星期二 【晴】

這幾天心情低落的
公司：俾人靠害，果個人已經走左，死冇對証，最後俾人話果個都係我！
　　　又係我錯哂！

今朝去walk慈善步行，自己ｈｏｌｄ一架車，好耐未試過喇，
本來有ｄ怯，不過，唔緊要啦，我架車ｄ人都幾好呀！
朝早８點半返到去　唔好意思　冇得claimＯＴ！
我班８點返到既會員話俾我知　血腥小姐都唔係８點返到去
佢地仲要等佢添　車！　咁佢就有得claim啵～　算啦
佢ｄ咁既人～€　我做好自己就夠喇！
架車去到沙田　落車就見到我地班交通安全隊接車喇
基本上步行的路程　我行就需時１０分鐘　佢地慢慢啦　
２０分鐘倒　我就最後揍埋ｄ交通安全隊先走
行到去酒樓度　攝埋位食飯先　
不過都坐唔定架喇　行黎行去　３點鐘走得
落到去架車泊好等我地了　不過我隔離點解多左２個人望住我
噢！原來係安老服務總主任與前總主任超大粒
問我架車有冇位剩　佢地想坐我地架車返堅道喎
點解睇中我架　嚇死我　咁當然有位啦　ｏｈ　ｍｙ　ｇｏｄ
我在車上講野都唔方便囉　講幾句檢討就收口了　
一陣講多錯多=___=
返到去４點倒　好快又收工

夜晚約左某某　
某某著左件西裝出黎　我有ｄ嚇親
原先我有ｄ事想同佢講　傾下計咁
佢就帶左我去一個地方
發生左ｄ好唔愉快既事情
點解要我在一個短時間內要做一個決定呢
點解好似0係度俾人迫緊咁　我當時好驚囉
0係果度去到成１０點幾１１點
．我喊　仲收唔到聲　仲未食飯添　好慘囉
之後佢就同我走　我一直都冇出聲到上車

返到上環　去左7-11買少少野食　呼
行到前少少　我見到一個人0係度等我
呢個係我0既男朋友謎語人
因為佢搵唔到我　擔心我　早左放工過黎等我
係我冇聽佢電話　佢已經8:30等到我11點幾
我見到佢都呆左一呆　不過已經攬住佢喊到收唔到聲喇
之後坐低　我都冇同佢講發生咩事　
不過我買左ｄ野食　0係條街就同佢一齊食
之後我就回家休息喇　

>>October 24, 2005 at 5:25:55 AM GMT+8

2005 年 10 月 17 日 星期一 【晴】

今日本來係放1點架...
不過明天又要出步行
執野呀 執呀執... 加上係星期二
真係超級唔夠時間
到1點鐘喇 謎語人在出面睇報紙等我收工
中途行政部叫我地去睇下d野岩唔岩賣物會丫嘛
之後我叫雲姑娘 可以叫謎語人幫手架
咁雲姑娘真係叫左佢幫手喎 做左義工^^
唔係 係苦力先岩 因為都幾重下架
搬左幾次 真係勞煩哂謎語人喇...
咁做到3點先走得呀 唉.....
之後我地落左蘭桂坊 側邊條街叫「甜言蜜語」度食tea
我食左個叉燒拉麵 謎語人叫左個咖哩飯飯
仲有 主角當然係 楊枝金露啦 超級好食呀
好滿足丫
食飽飽去左觀塘嚕....

>>October 21, 2005 at 5:18:22 PM GMT+8

2005 年 10 月 16 日 星期日 【晴】

＜無限的感動＞
今朝謎語人又黎送我返工
我都在昨晚嚴重警告他！不要來送我返工的！
算啦　係都唔聽我講

返到工　忙到飛起呀
因為今朝一個去開會　　一個出去做活動
又淨返我一個囉！　！　！　
不過我今日極為感動的是：
朝早電腦班的時候　我好努力呼籲各位參加星期三個步行啦
唔該幫我拉下人啦　因為仲淨返12個位未賣得去
一個上午　有一位好好既會員　同我食左１０張飛耶！
見到我個楚楚可憐的樣子嘛！
會員對我好 勁感動的．

下午又全程淨返一個人 生活不好過 行開行埋都唔得
不過時間過得好快 放工喇....
有謎語人先生等我 tum返我...
佢0係雪廠街煤氣燈側邊做左d野... 如果想知就問下謎語人
之後佢話同我去一處地方 行呀行
我問佢 係咪同我去山頂？
俾我估中左喎　本來諗住唔去架喇
但係佢係都要抱我上去喎　傻架
咁去到我地一齊搭纜車仔　好耐冇搭過喇
上到去山頂　天氣好似好涼咁呀　不過有謎語人的溫暖搭夠
我地周圍行左陣　好快又肚餓喇　咁我地身無分文的
當然唔會去太平餐廳度食啦　去左百佳買左少少零食同綠茶
ｙｏ．　再去麥當勞度買左幾個飽飽食
我地就走左去觀景台度食喇　都幾食風架
咁食飽我地就入返室內坐左陣　然後呢　我地落返去太平餐廳對出度坐
傾左陣計　之後聽ｍｐ３　
仲有今日個月光好圓呀 原來係「十五」呀．　
時間過得好快 話咁快就到10點幾喇
我地搭返纜車落去 有個好nice的鬼妹主動問我地係咪影相添
我地就俾左部手機佢幫我地影喇
好快落到去 咁我就送左謎語人返工喇
我就行路回家 點知我行到返去既時候
謎語人已經到左佢公司喇 可想言知 我係極慢的

多謝你呀 謎語人

>>November 7, 2005 at 6:28:20 PM GMT+8

2005 年 10 月 15 日 星期六 【晴】

放教會　謎語人黎接我
之後我地去左尖沙咀SOGO度行
不過去返銅鑼灣度行好過
係ｄ人貪新鮮者^^ ...
之後我地返上環同阿爸阿媽飲茶囉
去到都冇乜野食食咁喇=.=
唔緊要　留返個肚夜晚在我家吃飯啦^^
然後我地就回家覺覺豬！

>>October 24, 2005 at 5:45:52 AM GMT+8

2005 年 10 月 14 日 星期五 【晴】

今日放工有謎語人接我
ｈｅｈｅ
因為今日蘭桂坊有節目
係一個嘉年華會來的
好多人　好多攤位喎
我地行左幾個圈　
有魔術表演啦　扭波仔啦
咁扭波仔　我地係咁好低ｂ話「我要」
之後謎語人就推左我出去
同ｄ小朋友鬥大聲話「我要」！
真係笑死～～～～～　
玩完之後　我地就返屋企食飯嚕

>>October 24, 2005 at 5:38:52 AM GMT+8

2005 年 10 月 13 日 星期四 【晴】

今朝高姑娘過黎搵雲姑娘
順便同佢傾左陣計
佢話我好好玩 0卡0卡0卡
耶... 佢仲叫我不如過黎社區中心做
有位咩 我夠想咯....
雲姑娘就話 「佢就黎要離開我喇」
唔捨得架... 呢d就係我在明愛種落的感情

我最愛的邪留丸啊

今日謎語人換左一隻俾我...蟠桃丸..cutie

>>October 15, 2005 at 4:41:45 AM GMT+8

2005 年 10 月 11 日 星期二 【晴】

生日快樂　謎語人

今朝真係做左姑娘
因為佢地要打流感針　我就企足成朝叫名同ｄ會員探熱=.=
企到腳痺！！～～～

　踏入今天１０月１２日　謎語人又大一歲喇
生日快樂．．．　
傻瓜今朝放左工走左過黎同我食午飯　唔駛訓架咩
不過我都冇胃口食耶　
我地就叫左個茄蛋飯　謎語人餵我食左幾啖我就冇食喇
我只係想　訓覺ｚｚｚｚＺＺＺ　
之後好快我又要回去我的工作岡位　謎語人要先回家
下午好努力工作好快又收工　謎語人在公司門口等我
最慶幸的是老細５點鐘準時走佬　唔駛阻住哂我埋數
ｙｅａｈ　終於可以見到我的sweetheart喇^3^
今日下午都扮哂神秘話我冇諗過同佢去邊架啵
之後佢仲話返屋企搵元祿咭添（半價嘛）
之後我又扮傻仔同左佢去搭電車在灣仔落
時間尚早　行左一陣bontique先　
途中又問下佢帶緊我去邊　hahaha　扮傻仔成功^^V
咁去到合和中心度上左去　
我話我通常在香港區搞活動我都係帶ｄ會員去「皇廷大酒家」度食架
佢就話　「你唔係諗住帶我去酒樓呀哇」　我話「係呀」
之後我就搵笠搭喇　不過一入到笠就俾佢發現左添
上到62樓　Ｒ６６旋轉餐廳　不過又好似早左ｄ咁喎
上到去第一個感覺就係　咁暗既　係咪未開燈　haha　不過好浪漫
☆°．夜空中的自助晚餐　　個view好靚　氣氛唔錯
1830可以出去拎野食喇　同sweetheart一齊出去拎野食
　哇哇哇　一開蓋　三文魚啊　吞拿魚啊　我地殺左好多魚生返黎　
超滿足的　當然開心過食元祿壽司好多啦　
我地一齊祈禱食野　　途中我0係個袋度拎左份生日禮物出黎比佢^o^
裡面包含著３個願望　係呀　又係３呀　^o^
之後我地又出去拎熱盤呀　食呀食呀　每一檯仲有鮑魚+扇貝食添
仲有１男１女的西人拎住個結他行唱歌添　
當然sweetheart 叫我唔好亂黎呀　um... 我都係要點首birthday song的
最搞笑係個西人唱中文耶　之後又唱多次英文的　我都有跟住佢一齊唱
目的只有一個：：：就係要你開心咋^^ feeling so good.....
不過我又真係估唔到謎語人真係會眼濕濕　流眼淚囉　傻瓜豬．
１０１２生日既人都幾多啵^^.... 我地隔離果檯果對情侶２個都係同１日生日架
到９點幾食到超級飽　連我最深愛的蛋糕都係食左少少咋　
之後我地影下相就埋單走喇　因為我個銀包一直放在謎語人度嘛
差ｄ俾佢搶到俾$添　話過你生日係我包你架嘛 ^333^
飽到唔想行ａｒ　不過要消化下喇　我地就行左去銅鑼灣
周圍行左陣　我地就一齊搭電車　佢送我返屋企喇
謎語人送埋我上去　依依不捨又要暫別喇
HAPPY BIRTHDAY To my SWEETHEART BABY...　

>>October 14, 2005 at 6:17:46 PM GMT+8

2005 年 10 月 10 日 星期一 【晴】

今朝6點幾醒左lu 不過又訓下又醒下
到8點 阿爸剷醒左我－．－
食左早餐後就搭ｍｔｒ去柴灣掃墓了
超級唔想行　好累的
上到山上　幾家人坐左0係度等度摺野
我就同謎語人煲左陣電話粥
直到要行百幾級樓梯先收線
之後就去左拜阿公了　無論隔幾多年
我都唔會忘記呢公公我細個時最錫我既人
之後走嚕　去到樓下廁所果度等佢地
點知後面有個好後生既女仔休克暈左頭落地
睇見都嚇親　就好似上次睇到個會員一樣頭落地
嚇到ｍｅ病病　因為上次成地血
不過呢個女仔砰一聲好應　陰公　
１２點幾落返柴灣飲茶　然後就去改返細隻鑽石介指
這是我人生擁有的第一隻真鑽石介指耶^.^
之後就同表姐仔一齊行街嚕　
本來仲諗住是旦買件衫換左去　行到成身汗嘛〕
但都睇唔岩啵　and then我地去了太子
聯合行左陣　無收獲　花園街有收獲喇
買左件mickey mouse衫仲有件背心　ｙｅａｈ
因為有得換喇　７點３倒我地就走嚕
返到去時間岩岩好　食到太概９點半
我就拉左媽咪去東海堂度買餅咭啦
ｈａｈａ　媽咪陪我傻添．　
仲買左個芒果ｍｕｓｅ　ｃａｋｅ
正啊～　不過幾時先到１２點？時間咁長做咩好呢
首先送到媽咪返中環我落車　在出面上左陣網囉　
然後再搭返去藍田　再轉215x去搵謎語人喇
　時間是剛好的　去到佢公司　我就打比謎語人話同佢倒數生日
之後傾傾下仲有２分鐘就到12點　我叫佢出黎啦
佢仲問出黎邊度添　正大傻瓜
咁我就質左個蛋糕俾佢　佢就換左件衫同我走出去切囉^^
點起蠟燭　唱左首生日歌俾佢　許願吹蠟燭之後切蛋糕食嚕
　中途佢仲走返入去拎個叮噹公仔送俾我　
係佢今日下午見唔到我自己去左藍田玩到送俾我　好得意
時間去到１２點半　謎語人要返入去工作　
而我又要回家了　好彩仲有車　216M
返到藍田地鐵站有ｎ６１９車返去　
0係車度勁中眼訓　不過好彩有叮噹陪我呀

希望謎語人開心啦～～～～

>>October 13, 2005 at 2:21:36 PM GMT+8